सेलिनाकाे “ह्यन्ड्सम पोइ” बाेलकाे तीज गित सार्बजनिक
जिप्रका पर्साले उपचार नै नगरी बिरामीलाई फिर्ता पठाउने अस्पतालाई कारवाही गर्ने
वीरगंज । जिल्ला प्रशासन कार्यालय पर्साले उपचार नै नगरी बिरामीलाई फिर्ता पठाउने अस्पतालाई कारवाही गर्ने भएकाे छ । प्रमुख जिल्ला अधिकारी बिष्णु कुमार कार्कीकाे अध्यक्षमा बुधबार बसेकाे जिल्ला संकट व्यवस्थापन केन्द्रकाे बैठकले यस्ताे निर्णय गरेकाे हाे ।
बैठकले जिल्लाकाे विभिन्न निजि अस्पतालहरुमा उपचारकाे लागि आएका बिरामीहरुलाई चेकजांच तथा उपचार नै नगरी फिर्ता पठाउने गरेकाे भनी गुनासाे आउने गरेकाे सम्बन्धमा छलफल गरी जिल्लाका सबै अस्पतालहरुलाई आफ्नाे आफ्नाे अस्पतालहरुमा छुट्टै छुट्टै आइसाेलेसन वार्डकाे व्यवस्था गरी आफुकहाँ आएका बिरामीहरुकाे चेकजांच तथा उपचारकाे व्यवस्था मिलाउन लगाउने र काेभिड १९ भएकाे देखिएमा मात्र काेभिड अस्पतालमा रिफर गर्न लगाउने निर्णय गरेकाे सहयाक प्रमुख जिल्ला अधिकारी ललित कुमार बस्नेत जानकारी दिए ।
जिल्ला प्रशासन कार्यालयलले बिहिबार निजि अस्पतालहरुलाई एक सुचना नै गरी उक्त निर्णकाे बेवास्ता गरी बिरामीकाे स्वास्थ्यमा खेलवाड गरे प्रचलित कानुन बमाेजिम कारवाही गरिने जानकारी समेत गराएकाे छ ।
वीरगंजका सचेत युवाद्वारा एसएमएसमार्फत मुख्यमन्त्रीकाे ध्यानाकर्षण
वीरगञ्ज । पर्सामा कोरोना भाइरस (कोभिड–१९) को संक्रमण समुदाय स्तरमै फैलिएकाे भन्दै त्यसकाे रोकथाम तथा नियन्त्रणकाे लागि वीरगंजका सचेत युवाहरुले एसएमएसमार्फत मुख्यमन्त्रीकाे ध्यानाकर्षण गराएका छन् ।
युवाहरुले बुधबार प्रदेश नं. २ का मुख्यमन्त्री लालबाबु राउत गद्दीलाई एसएमएस पठाएर ध्यानाकर्षण गराएका हुन् ।
वीरगंजका युवा शिवनाथ यादवकाे अगुवाईमा सुरेश विडारी, शिव कुमार साह, कविता खड्का, शम्भु कुमार सुमन, दिपेन्द्र यादव लगायतकाले एसएमएस पठाएर मुख्यमन्त्री राउतकाे ध्यानाकार्षण गराएका छन् ।
काेराेना भाइरस संक्रमण समुदाय स्तरमै फैलिएकाे र दिनहु वीरगंजमा संक्रमितकाे संख्या बढदै गएपनि राेकथाम तथा नियन्त्रणकाे लागि प्रदेश सरकारकाे ध्यान पुग्न नसकेकाे आराेप लगाएका छन् । संक्रमितहरु अस्पताल र अस्पतालमा भेन्टिलेटरकाे अभावमा उपचार नपाएर मरिरहे ता पनि गद्दी नेतृत्वकाे प्रदेश सरकारकाे ध्यान पुग्न नसकाे भन्दै ध्यानाकर्षण गराएका हुन् ।
पर्सा र बारामा एकैदिन एक सय ३३ जनामा काेराेना संक्रमण पुष्टि
वीरगञ्ज । पर्सामा बुधबार एकै दिन अहिलेसम्म्कै धेरै संक्रमित भेटिएका छन् । वीरगंजस्थित नारायणी अस्पतालकाे प्रयाेशालामा गरिएकाे परिक्षणमा बाराकाे सिमराका १७ जनासहित १ सय ३३ जनामा काेराेना संक्रमण पुष्टि भएकाे हाे ।
नारायणी अस्पतालका मेडिकल सुपरीटेन्डेन्ड डा मदन उपाध्यायले दिएकाे जानकारी अनुसार संक्रमण पुष्टि हुनेमा एक मृतकसहित २४ महिला पनि रहेका छन् । संक्रमितहरु ५ बर्ष देखी ७४ बर्ष उमेर समुहकाे रहेका छन् ।
मंगलबार ४ सय ८८ वटा नमुनाको पीसीआर परीक्षण गर्दा १ सय ३३ जनामा कोरोना संक्रमण पुष्टि भएको जनाइएकाे छ ।
वीरगञ्ज कारागारका ३२ जना, ज्वरो आएका कारण गण्डक काेभिड हस्पिटलमा भर्ना भएका दुई जना, वीरगञ्ज चिनी मिलमा गरिएको परीक्षणमा ५ जना, त्रिजुद्ध स्कुलमा गरिएको मास टेष्टिङ र कन्ट्याक्ट ट्रेसिङमा परेकाको पीसीआर परीक्षण गर्दा ७६ जनामा कोरोना संक्रमण पुष्टि भएको हाे ।
यस्तै बाराकाे सिमरास्थित क्वारेन्टिनका १७ जनामा काेराेना संक्रमण पुष्टि भएकाे वताइएकाे छ ।
संक्रमण पु्ष्टि हुनेमा वीरगंजका महानगरपालिकाका केही कर्मचारीसहित नगर प्रमुखकाे नजिकका केही व्यक्तिहरु पनि रहेकाे बुझिएकाे छ ।
पाेखरियामा काेराेना संक्रमणबाट एक युवतीकाे मृत्यु
वीरगंज । पर्सामा थप एक जनाको कोरोना भाइरसको संक्रमणका कारण मृत्यु भएको छ ।
मृत्यु हुनेमा पोखरीया नगरपालिका वडा नम्बर ९ बार्वाकी १८ बर्षिय महिला रहेकी नारायणी अस्पतालका मेडिकल सुपरिटेन्डेन्टे डा. मदन कुमार उपाध्यायले बताए ।
सोमवार राति पटकपटक बान्ता हुन थालेपछि उपचारको लागि नेशनल मेडिकल कलेज वीरगंजमा लैजादै गर्दा उनको बाटोमै मृत्यु भइसकेको चिकित्सकहरुले बताएका छन्। अस्पतालमा ल्याउदा उनकाे मृत्यु भइसकेकाे नेशनल मेडिकल कलेजका डा. असरफ हुसेनले वताए ।
उनले भने “अस्पताल ल्याउदा उनेकाे मृत्यु भइसकेकाे थियाे, त्यसपछि हामी स्वाबकाे नमुना संकलन गरी काेराेना परिक्षणकाे लागि नारायणी अस्पतालकाे प्रयाेगशालामा पठाएका थियाैं । मंगलबार राति उनकाे रिपाेर्ट पाेजिटिभ आएकाे हामीलाई जानकारी प्राप्त भएकाे छ ।” उनको शव हाल नेशनल मेडिकल कलेजमै रहेकाे छ ।
नेशनल मेडिकल कलेज लग्नु भन्दा पहिला उनलाई उपचारकाे लागि पाेखरिया अस्पताल लगिएकाे थियाे । पाेखरिया अस्पतालले रेफर गरेपछि उनलाई नेशनल मेडिकल कलेज लगिएकाे थियाे ।
मृत युवतीकाे घर पाेखरिया नगरपालिकाकाे वडा नं. ८, जगरतपुर भएपनि उनी पाेखरिया नगरपालिका कै वडा नं. ९ बर्वास्थित मामा घर बस्दै आएकी थिइन । अविवाहित मृत युवतीकाे यस बर्ष नै विवाह हुने ठिक भएपनि लकडाउनका कारण हुन सकेकाे थिएन ।
पर्सामा काेराेना संक्रमित बसेकाे घर सिल गर्न उच्च अदालतकाे आदेश
वीरगंज । उच्च अदालत जनकपुरकाे अस्थायी इजलाश वीरगंजले हाेम क्वारेन्टाइनमा रहेका काेराेना संक्रमितको घर शिल गर्न र संक्रमितलाई घर बाहिर निस्कन नदिन जिल्ला प्रशासन कार्यालय पर्सालाई आदेश दिएकाे छ ।
अधिवक्ता प्रमाेद साहले दायर गरकाे रिटमाथि सुनवाई गर्दै न्याधिश वीर बहादुर डाँगीकाे एकल इजलाशले यस्ताे अन्तरिम आदेश जारि गरेकाे हाे ।
साउन ९ गते प्रमुख जिल्ला अधिकारी बिष्णु कुमार कार्कीकाे अध्यक्षतामा बसेकाे जिल्ला संकट व्यवस्थापन केन्द्रकाे बैठकले गरेकाे निर्णय नं. ५ मा उल्लेखित संक्रमित बस्ने घरहरुसमेत सिल गरी स्थानिय प्रहरी र वडा समितिकाे कार्यालयकाे सिफारिसकाे आधारमा ती निकायकाे निगरानीमा रहने गरी स्वास्थ्य तथा जनसंख्या मन्त्रालयले तयार गरेकाे हाेम क्वारेन्टाइन सम्बन्धि मापदण्ड, २०७७ बमाेजिम हाेम क्वारेन्टाइनकाे रुपमा संचालन गर्नु, गराउनु र मन्त्रालयकाे मिति २०७७/२/२० मा जारी भएकाे काेभिड केशकाे आइसाेलेसन सम्बन्धि निर्देशिकाकाे दफा २.२ काे ख (२) मा काेराेना भाइरसबाट संक्रमित व्यक्तिकाे उपचार अवधिभर घर बाहिर निस्कन नपाउने गरी आवश्यक व्यस्था गर्नु, गराउन, विपक्षी जिल्ला प्रशासन कार्यालय पर्साकाे नाउमा अन्तरिम आदेश जारी गरिएकाे छ ।
पर्सामा काेराेना संक्रमितकाे संख्या बढदै गएपछि र काेराेना अस्पतालकाे अभावमा काेराेना संक्रमितलाई घर मै बस्नु पर्ने अवस्थामा स्वास्थ्य मन्त्रालयकाे जारी हाेम क्वारेन्टाइन सम्बन्धि व्यवस्थाकाे विपरित संक्रमित बसेकाे घर परिवारका सदस्यहरु घर बाहिर घुमफिर गरिरहेकाेले संक्रमण फैलन सक्ने भन्दै अधिवक्ता साहले दायर गरेका थिए ।
अधिवक्ता साहसहित अधिवक्ता हरिहर प्रसाद साह, निरबचन्द्र अधिकारी, केशवलाल केशरी, अकिल अन्सारीले दायर रिट उपर बहस गरेका थिए ।
नेकपाको सचिवालय र स्थायी कमिटीलाई नेता साहकाे खुल्ला पत्र
नेपालमा थप २५९ जनामा कोरोना, संक्रमितको संख्या २१ हजार ९ पुग्याे
वीरगंज । नेपालमा पछिल्लो २४ घण्टामा कोरोना भाइरसबाट थप २ सय ५९ जना संक्रमित थपिएकाे स्वास्थ्य तथा जनसंख्या मन्त्रालयले जनाएकाे छ । याेसँगै नेपालमा कोरोना संक्रमितको संख्या २१ हजार ९ पुगेकाे छ ।
मंगलबार मन्त्रालयका प्रवक्ता डा. जागेश्वर गौतमले नियमित प्रेस ब्रिफिङका क्रममा यसको पुष्टि गरेका हुन् । तर यसमा मंगलबार विहान वीरगंजस्थित नारायणी अस्पतालकाे प्रयाेशालामा गरिएकाे पिसिआर परिक्षणमा फेला परेकाे ३५ जना संक्रमितकाे उल्लेख गरिएकाे छैन् ।
यसैगरी उनका अनुसार पछिल्लो २४ घण्टामा ६५ जना कोरोना संक्रमित निको भएर डिस्चार्ज भएका छन् । हालसम्म कोरोनामुक्त हुनेकाे संख्या १५ हजार २६ छ ।
पछिल्लो २४ घण्टामा एक जना काेराेना संक्रमितकाे भएको छ । योसँगै हालसम्म कोरोनाबाट मृत्यु हुनेको संख्या ५८ पुगेको छ ।
नारायणी अस्पतालकाे लापरवाही, १० दिनमा पनि आएन पिसिआर रिपाेर्ट
“एक घर एक पिसिआर परिक्षण”को माग गर्दै गापा अध्यक्षलाई एसएमएस
वीरगञ्ज । पर्सा जिल्लामा समुदायस्तरमै कोरोना भाइरसको संक्रमण फैलिएपनि सरोकारवाला गम्भिर नभएको भन्दै अनेरास्ववियू बिन्दवासिनि गाउँपालिका कमिटिले आपत्ति जनाएको छ ।
वीरगञज महानगरपालिकामा पछिल्लो समयमा “एक घर एक पिसिआर” परिक्षण भइरहेपनि ग्रामिण क्षेत्रमा भने अँझै परिक्षण शुरु नहुँदा संक्रमण झनै फैलिएको अनेरास्ववियू आवद्ध विद्यार्थि नेताहरुले आराेप छ । ग्रामिण क्षेत्रमा पनि परिक्षणलाई तिब्रता दिन दबाब स्वरुप अनेरास्ववियू बिन्दवासिनि गाउँपालिका कमिटिले गाउँपालिका अध्यक्षलाई एसएमएस पठाउने अभियान शुरु गरेका छन् ।
गाउँपालिकामा पनि “एक घर एक पिसीआर परिक्षण” गर्नुपर्ने माग सहित अनेरास्ववियू बिन्दवासिनि गाउँपालिका कमिटिका नेता तथा कार्यकर्ताहरुले गाउँपालिका अध्यक्ष श्रीलाल साह कानुलाई एसएमएस मार्फत म्यासेज पठाएका छन् ।
परिक्षणले तिब्रता पाउन नसकेको भन्दै अनेरास्ववियू बिन्दवासिनिका नेता कलसरीफ गद्धिको नेतृत्वमा कमिटिमा दर्जनाैं नेता कार्यकर्ताले एसएमएस पठाएका हुन् ।











