वीरगञ्ज । पर्सा जिल्लामा समुदायस्तरमै कोरोना भाइरसको संक्रमण फैलिएपनि सरोकारवाला गम्भिर नभएको भन्दै अनेरास्ववियू बिन्दवासिनि गाउँपालिका कमिटिले आपत्ति जनाएको छ ।
वीरगञज महानगरपालिकामा पछिल्लो समयमा “एक घर एक पिसिआर” परिक्षण भइरहेपनि ग्रामिण क्षेत्रमा भने अँझै परिक्षण शुरु नहुँदा संक्रमण झनै फैलिएको अनेरास्ववियू आवद्ध विद्यार्थि नेताहरुले आराेप छ । ग्रामिण क्षेत्रमा पनि परिक्षणलाई तिब्रता दिन दबाब स्वरुप अनेरास्ववियू बिन्दवासिनि गाउँपालिका कमिटिले गाउँपालिका अध्यक्षलाई एसएमएस पठाउने अभियान शुरु गरेका छन् ।
गाउँपालिकामा पनि “एक घर एक पिसीआर परिक्षण” गर्नुपर्ने माग सहित अनेरास्ववियू बिन्दवासिनि गाउँपालिका कमिटिका नेता तथा कार्यकर्ताहरुले गाउँपालिका अध्यक्ष श्रीलाल साह कानुलाई एसएमएस मार्फत म्यासेज पठाएका छन् ।
परिक्षणले तिब्रता पाउन नसकेको भन्दै अनेरास्ववियू बिन्दवासिनिका नेता कलसरीफ गद्धिको नेतृत्वमा कमिटिमा दर्जनाैं नेता कार्यकर्ताले एसएमएस पठाएका हुन् ।
