Date
शनि, मंसिर ५, २०८३
Sat, November 21, 2026
Home Blog Page 945

नेपालमा ४ सय ६४ नयाँ काेराेना संंक्रमित थपिए

0

काठमाडाैं । नेपालमा पछिल्लो २४ घण्टामा ४ सय ६४ जना नयाँ संंक्रमित थपिएका छन् । स्वास्थ्य तथा जनसंख्या मन्त्रालयले आयोजना गरेको नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले यससँगै हालसम्म कूल संक्रमितको संख्या २२ हजार २ सय १४ पुगेको वताए ।

उनका अनुसार २४ घण्टामा मुलुकभरबाट थप ४ सय २५ जना डिस्चार्ज भएका छन् । हालसम्म १५ हजार ८ सय १४ जना निको भएर घर फर्किएका छन् ।

अहिले ६ हजार ३ सय ३० जना संक्रमितको आइसोलेसनमा उपचार भइराखेको छ । जसमध्ये प्रदेश १ मा ४ सय २५ जना, प्रदेश २ मा २ हजार ८ सय ३९ जना, बाग्मती प्रदेशमा ९ सय ४३ जना, गण्डकी प्रदेशमा २ सय ७६ जना, प्रदेश ५ मा ३ सय ७६ जना, कर्णाली प्रदेशमा २ सय ३१ जना र सुदूरपश्चिम प्रदेशमा १ हजार २ सय ४० जना संक्रमित रहेका छन् ।

प्रवक्ता गौतमले पछिल्लो २४ घण्टामा काठमाडौं उपत्यकामा १ सय ६ जना संक्रमित थपिएको बताए । काठमाडौंमा ९२ जना, ललितपुरमा १० जना र भक्तपुरमा ४ जनामा कोरोना संक्रमण देखिएको हो । पछिल्लो २४ घण्टामा ७ हजार ९ सय २६ पीसीआर परीक्षण भएको प्रवक्ता गौतमले बताए । 

काेराेना संक्रमणबाट थप ५ जनाकाे मृत्यु

0

काठमाडौं । नेपालमा कोभिड–१९ को संक्रमणबाट थप ५ जनाको मृत्यु भएको छ ।  स्वास्थ्य तथा जनसंख्या मन्त्रालयले आयोजना गरेको नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले पर्सा जिल्लाका ३ जना, सर्लाही र सिरहाका एक–एक जना गरी पाँच जनाको मृत्यु भएको बताए ।

पर्साको वीरगन्ज महानगरपालिकाका ४५ वर्षीय पुरुषको साउन २२ गते पाटन अस्पतालमा र पर्साकै ७९ वर्षीय पुरुषको साउन २० गते घरमै निधन भएको र कोरोना परीक्षण गर्दा कोरोना पुष्टि भएको प्रवक्ता गौतमले बताए ।

प्रवक्ता गाैतमका अनुसार पर्साकै ५७ वर्षीय अर्का पुरुषको साउन २२ गते गण्डक अस्थायी कोभिड अस्पतालमा निधन भएको छ ।

त्यस्तै सिरहा गोलबजार नगरपालिकाका २५ वर्षीय पुरुषको साउन २२ गते वीपी कोइराला स्वास्थ्य विज्ञान प्रतिष्ठान धरानमा निधन भएको छ । सर्लाही घर भएका ४५ वर्षीय पुरुषको साउन २३ गते पाटन स्वास्थ्य विज्ञान प्रतिष्ठान पाटनमा निधन भएको छ । यससँगै हालसम्म कोभिड संक्रमणबाट मृत्यु हुनेको संख्या ७० पुगेको छ ।

नेशनल मेडिकल कलेजले फेरी बिरामी भर्ना लिएन

0

वीरगञ्ज । वीरगञ्जस्थित नारायणी अस्थायी कोभिड विशेष अस्पतालमा एक जनाको मृत्यु भएको छ । कोरोना शंकास्पद वीरगञ्ज–३ छपकैयाका ६५ वर्षका पुरुषको उपचारको क्रममा मृत्यु भएको हो ।

कोभिड अस्पतालको इमर्जेन्सी कक्षमा उपचारको क्रममा उनको मृत्यु भएको हाे ।

वीरगञ्ज–३ का वडा अध्यक्ष वैजु स्वर्णकारका अनुसार ४/५ दिन पहिला ज्वरो आएपनि ठीक भइसकेको थियो । तर साउन २२ गते राति ९ बजे उनलाई अचानक स्वास लिन गाह्रो भयो । सुरुमा एडभान्स हस्पिटलमा लगियाे । एडभान्समा आइसियु म्यानेज भन्याे । त्यहाँ आइसियु थिएन, बन्दै नै रहेछ ।

अस्पतालमा कार्यरत चिकित्सक र उपचाररत बिरामीमा कोरोना संक्रमण देखिएपछि एडभान्समा इमर्जेन्सीबाहेक अन्य सेवा बन्द गरिएको छ ।

त्यसपछि अटो रिक्सालाई अनुरोध गरेर बिरामीलाई नेशनल मेडिकल कलेज पुर्‍याइयो । तर नेशनल मेडिकल कलेजले भर्ना गर्न मानेन ।

राती ११ बजेकाे करिबमा नेशनलमा पुग्दा गेट मै भेटिएका एक चिकित्सकले यस्तो विरामीका लागि कुनै व्यवस्था छैन भनेर अटोबाटै बिरामीलाई फर्काएको वडा अध्यक्ष स्वर्णकार बताए ।

‘चिकित्सकले आईसीयू सुविधा भएको अस्पतालमा लैजान भनेपछि नेशनल मेडिकल कलेज लिएर गएका थियौं, तर त्यहाँ भर्ना लिनु त परको कुरा कुनै व्यवस्था छैन भनेर अटोमै बिरामीलाई फर्काइदियो’ वडा अध्यक्ष स्वर्णकारले भने  ‘त्यसपछि डा. निरज सिंहलाई समस्याबारे जानकारी गराएपछि कोभिड अस्पतालमै लिएर आउन भन्नुभयो । त्यहाँ लगिएपछि साेही राती एक बजेकाे करिबमा मृत्यु भयाे ।’

अहिले शव काेभिड अस्पताल मै राखिएकाे छ, कोरोना परीक्षणका लागि स्वाब संकलन गरेर नारायणी अस्पतालको पीसीआर ल्याबमा पठाइएको छ । आज साँझसम्म रिपोर्ट आउने सम्भावना रहेकाे वडाध्यक्ष स्वर्णकारले वताए ।

यस सम्बन्धमा बुझ्न मेडिकल कलेजका कोभिड संयोजक डा. असरफ हुसेनसंग फाेनमा सम्पर्क गर्न खाेज्दा माेबाइल अफ भएका कारण सम्पर्क हुन सकेन ।

क्यान्सर पिडितलाई आर्थिक सहयाेग

0
वीरगंज । प्रदेश नं. २ सरकारले एक क्यान्सर पिडितलाई आर्थिक सहयाेग गरेकाे छ । पर्साकाे छिपहरमाई गाउँपालिका वडा नं. १, मिर्जापुर निवासी क्यान्सर पिडित शिव कुमारी देबीलाई सहयाे गरेकाे हाे ।
   
सामाजवादी पार्टीका छिपहरमाई गाउँपालिका संयाेजक इगरासन साह कलवारकाे पहलमा प्रदेश सरकारले पीडित शिव कुमारीलाई रु २५ हजार सहयाेग गरेकाे स्थानिय जितेन्द्र मिश्राले वताए । सहयाेग रकम बराबरकाे चेक आज पिडित शिव कुमारी हस्तान्तरण गरिएकाे उनले जानकारी दिए । 
 
समाजवादी पार्टी पर्सा निर्वाचन क्षेत्र नं. ४ काे (ख) का अध्यक्ष रामपुकार यादव, जिल्ला सदस्य हिमांचल कुशवाहा, वडा कमिटीका अध्यक्ष राज कुमार सिंह, समाजसेवी लाल यादव लगायतकाे उपस्थितमा चेक हस्तान्तरण गरिएकाे मिश्राले जानकारी गराए ।

वीरगंज श्रीसियाका २२ सहित थप १४१ जनामा काेराेना संक्रमण

0

वीरगंज । वीरगंजस्थित नारायणी अस्पतालकाे प्रयाेगशालाले गरेकाे पछिल्लो पिसिआर परिक्षण रिपोट अनुसार एक सय ४१ जना नयाँ संक्रमित थपिएका छन् । यो अहिलेसम्मै सर्वाधिक संक्रमित संख्या हो ।

थपिएका संक्रमितमा २१ महिला र एक सय २० जना पुरुष रहेका छन् ।

नयाँ संक्रमितहरु बीरगन्ज महानगरपालिकाका विभिन्न वडाका रहेका छन् । बीरगन्ज महानगरपालिकाको चिनीमिल, श्रीपुर, तेजारथ टोल, गण्डक बहुअरी, मुर्ली, भिस्वा, घडिअर्वा, सबैठवा, पिपरा, रानीघाट, खल्वाटोला श्रीसिया, छपकैया, प्रतिमा चौक, पृथ्वीनगर, गणेश चौक, आदर्शनगर, अलौं, फुलबारी टोल, अशोक वाटिका, भवानीपुर, चण्डाल चौक टोलबाट नयाँ संक्रमित थपिएका छन् । सबैभन्दा धेरै खल्वाटोला श्रीसियाबाट २२ जना संक्रमित थपिएका छन् ।
 
त्यस्तै, पर्सागढी नगरपालिकाका २ जनामा संक्रमण पुष्टि भएको छ ।
 
यस्तै तराई हस्पिटलका १ जना, पशु अस्पतालका १ जना, सेनाका ५ जना, वीरगंज कारागारका २ जना, नेशनल मेडिकल कलेजका १ जनामा पनि संक्रमण पुष्टि भएको छ ।
 
यस्तै थपिएका नयाँ संक्रमित मध्ये एक प्रहरी र ४३ जना थुनुवासमेत रहेकाे जिल्ला प्रहरी कार्यालय पर्सामा प्रवक्ता प्रहरी नायब उपरिक्षक मनाेजित कुँवरले वताए ।
 
उनका अनुसार जिल्ला प्रहरी कार्यालय मातहतका विभिन्न प्रहरी कार्यालयकाे थुनुवामा रहेका ४३ जना र एक प्रहरी गरी ४४ जनामा संक्रमण दिएकाे हाे । उनले भने “ति सबै बाहिर बाट आएकाहरु हुन, तिनिहरु सबैजनालाई हामी अलगै राखेका छाैं ।”
 
नयाँ थपिने संक्रमितहरुमा बारा जिल्लाका ४ र रौतहट जिल्लाका ४ जना पनि रहेका छन् । 
 

पर्सामा काेराेना संक्रमणबाट थप एक जनाकाे मृत्यु

0

वीरगञ्ज । पर्सामा थप एक जनाकाे काेराेना संक्रमणबाट मृत्यु भएकाे छ । नारायणी अस्थायी काेराेना अस्पताल वीरगंजमा बिहिबार विहान मृत्यु भएकाे पुरुषमा कोरोना संक्रमण पुष्टि भएको छ ।

मृत्यु भएका वीरगञ्ज–१० आदर्शनगरका ५६ वर्षीय पुरुषमा कोरोना संक्रमण पुष्टि भएकाे हाे ।

मधुमेह र मुटुरोगी उनी श्वास प्रश्वासमा समस्या देखिएपछि उनलाई साउन २२ गते साँझ नारायणी अस्पताल अन्तर्गतकाे कोरोना विशेष अस्पताल गण्डकमा भर्ना गरिएको थियो । अवस्था गम्भीर बन्दै गएपछि गएराति १० बजेतिर भेन्टिलेटरमा राखेर उपचार सुरु गरिएको थियो ।

उपचारकै क्रममा बिहीबार बिहान उनको मृत्यु भएको थियो । उनको पीसीआर परीक्षण रिपोर्ट पोजेटिभ आएको गण्डक कोभिड अस्पालका संयोजक डाक्टर उदय नारायण सिंहले जानकारी दिए ।

‘दुई दिन अगाडी साँझतिर भर्ना हुनुभएको थियो, स्वास्थ्य अवस्था गम्भीर हुँदै गएपछि गएरातिबाट भेन्टिलेटरमा राखेर उपचार गर्दै थियौं । बिहान मृत्यु भयो,’ उनले भने, ‘अपरान्ह पीसीआर परीक्षण रिपोर्ट पोजेटिभ आएको छ ।’

मेडिकल कलेजकाे लापरवाही सम्बन्धमा जिप्रकाले छानविन थाल्याे

0

वीरगंज । नेशनल मेडिकल कलेज तथा शिक्षण अस्पतालकाे लापरवाहीले एक बिरामीकाे मृत्यु भएकाे सम्बन्धमा जिल्ला प्रशासन कार्यालय पर्साले छानविन सुरु गरेकाे छ ।

उपचारकाे लागि बिहिबार विहान पुगेका वीरगंज ११ श्रीपुर निवासी ६४ बर्षिय चलितर महताेकाे अस्पतालले उपचार गर्न नमान्दा  मृत्यु भएकाे सम्बन्धमा प्रशासन कार्यालयले छानविन सुरु गरेकाे हाे । प्रशासन कार्यालयले निजी अस्पताललाई जनस्वास्थ्यमा खेलवाड नगर्न सूचना जारी गरेकै दिन मेडिकल कलेजकाे लापरवाहीले एक जनाकाे मृत्यु भएकाे समाचार विभिन्न संचारमाध्यमले सार्वजनिक गरेपछि छानविन थालेकाे बुझिएकाे छ।

प्रशासन कार्यालयले नेशनल मेडिकल कलेजलाई एक पत्र लेख्दै बिहिबार विहान अस्पतालले भर्ना नलिएका कारण चलितरकाे मृत्यु भएकाे सम्बन्धमा यथार्थ विवरण माग गरेकाे छ । समाचार स्राेतका प्रशासन कार्यालयले मेडिकल कलेजलाई घटना सम्बन्धमा ३ दिन भित्र यथार्थ विवरण उपलब्ध गराउन पत्रचार गरेकाे हाे ।

साे पत्र गृह मन्त्रालय, शान्ति सुरक्षा तथा अपराध नियन्त्रण शाखा सिंहदरवार, काठमाडाैं र स्वास्थ्य तथा जनसंख्या मन्त्रालय काठमाडाैंलाई समेत बाेद्धार्थ गरिएकाे छ ।

जिल्ला प्रशासन कार्यालयका प्रवक्तासमेत रहेका सहायक प्रमुख जिल्ला अधिकारी ललित कुमार बस्नेतले नेशनल मेडिकल कलेजले उपचार गर्न नमान्दा एक बिरामीकाे मृत्यु भएकाे गुनासाे आएपछि छानविन सुरु गरिएकाे वताए । उनले भने “मेडिकल कलेजलाई एक पत्र लेख्दै घटना सम्बन्धमा जवाफ मागेका छाैं, जवाफ आएपछि थप छानविन गरी कारवाही गर्ने छाैं ।”

काेराेना भाइरस संक्रमण भएकाे शंकामा बिरामीकाे पिसिआर रिपाेर्ट नगेटि आएकाे कागजात हुदासमेत मेडिकल कलेजले भर्ना लिन नमान्दा बिरामीकाे मृत्यु भएकाे थियाे ।

मेडिकल कलेजले उपचार गर्न नमान्दा बिरामीकाे मृत्यु, कारवाही हुन्छ : सप्रजिअ

0

वीरगञ्ज । जिल्ला प्रशासन कार्यालय पर्साले निजी अस्पताललाई जनस्वास्थ्यमा खेलवाड नगर्न सूचना जारी गरेकै दिन वीरगञ्जमा एक निजी अस्पतालको लापरबाहीले बिरामीको मृत्यु भएको आरोप लागेको छ ।

वीरगञ्जस्थित नेशनल मेडिकल कलेजले उपचार गर्न नमान्दा वीरगञ्ज–११ श्रीपुर बस्ने ६४ वर्षीय चलितर महतोको मृत्यु भएको परिवारजनले बताएका छन् ।

बिहीबार बिहान उपचारका लागि नेशनल मेडिकल कलेज लगिएको तर भर्ना नलिएका कारण महतोको मृत्यु भएको परिवारजनको दाबी छ ।

साउन २१ गते बुधबार राति दिसामा रगत देखिएको र श्वास लिन समेत गाह्रो भएपछि उनलाई बिहान उपचारका लागि नेशनल मेडिकल कलेज लगिएको थियो । कोरोना संक्रमण नभएको पुष्टि हुने कागज देखाउँदा समेत कोभिड–१९ संक्रमितको आशंकामा नेशनलले बिरामीको भर्ना लिन नमानेको मृतकका भाइ शम्भु महतोले जानकारी दिए ।

‘दाइको स्वास्थ्यमा केही दिनयता समस्या देखिरहेको थियो । ज्वरो र हल्का खोकी पनि थियो’ उनले भने, ‘साउन ११ र १५ गते गरी दुईपटक पीसीआर परीक्षण पनि गरायौं । दुई पटककै रिपोर्ट नेगेटिभ आएको छ । तरपनि नेशनल मेडिकल कलेजले भर्ना लिन नै मानेन । भर्ना गराउन आधा घण्टा जति कोशिस गर्‍यौं तर सकेनौं ।’

अस्पतालको गेटमा खटिएका कर्मचारीले ‘एमडीले भनेपछि मात्रै भर्ना गर्छौ ।’ भनेर जवाफ दिएको उनी बताउँछन् । दुई दिनअघि हल्का ज्वरो र खोकी लाग्नुका साथै शरीरमा कमजोरी महशुस भएपछि उनलाई नेशनलमै उपचारका लागि लगिएको थियो । तर त्यतिखेर पीसीआर परीक्षण गराएर ल्याउनु भनी फर्काएको महतोले बताए ।

‘दुई दिन पहिला लैजाँदा पीसीआर रिपोर्ट लिएर आउनु भनेर भने । वडा अध्यक्षले रिपोर्ट हिजो मात्रै हातमा दिनुभयो । रिपोर्ट लिएर जाँदा पनि भर्ना गर्न मानेन,’ उनले भने, ‘अस्पताल बाहिरै पुग्दा पनि उपचार नपाएपछि दाइले संसार छोड्नुभयो ।’

यस बिषयमा बुझ्न नेशनल मेडिकल कलेजका कोभिड फोकल पर्सन डा. असरफ हुसैनसंग फाेनमा सम्पर्क गर्दा फाेन काटि दिएका कारण सम्पर्क हुन सकेन ।

पर्साका सहायक प्रमुख जिल्ला अधिकारी ललित कुमार बस्नेतले नेशनल मेडिकल कलेजलाई कारवाही गरिने वताए । उनले भने “जनताकाे स्वास्थ्यसंग खेलवाड नगर्न निजि अस्पताललाई आजै हामी आग्रह गरेका हाैं, साेहीदिन यस्ताे घटना भएकाे जानकारी प्राप्त भएकाे छ । यस सम्बन्धमा हामी छानविन गर्छाैं, दाेषी ठहरे सके सम्म हामी कारवाही गर्छाैं, नत्र कारवाहीकाे लागि माथिलाे निकालयलाई सिफारिस गर्छाैं ।”  

नेपाली कांग्रेसका नेता चाैरसियापनि काेराेना संक्रमित

0

वीरगञ्ज । नेपाली कांग्रेसका केन्द्रिय सदस्य अजयकुमार चौरसिया पनि काेराेना संक्रमित भएका छन् । बिहिबार विहान थपिएका ४३ संक्रमित मध्ये ५६ वर्षीय नेता चौरसियामा समेत रहेकाे वताइएकाे छ ।

पुर्वमन्त्री समेत रहेका चौरसियालाई सामान्य ज्वरो र रुघाखोकी लागेपछि उनले पिसिआर परिक्षणका लागि मङ्गलबार आफ्नो स्वाबकाे नमुना दिएका थिए । वीरगंजस्थित नारायणी अस्पतालकाे प्रयाेगशालामा बुधबार राति गरिएकाे परिक्षणमा चाैरसियाकाे रिपाेर्ट काेराेना पाेजिटिभ आएकाे हाे । 

नेपाली काग्रेसका तराई मधेश समन्वय बिभाग प्रमुखसमेत रहेका चौरसियाको स्वास्थ्य अवस्था सामान्य रहेको र हाल आफ्नो घरमै आइसोलेसनमा रहेका छन् । उनले चिकित्सकको सल्लाह अनुसार अस्पताल  भर्ना हुनुपरे आफु भर्ना हुने जनाएका छन् ।

वीरगंजमा गरिएकाे परिक्षणमा थप ४३ जनामा कोरोना संक्रमण पुष्टि

0

वीरगञ्ज । वीरगञ्जस्थित नारायणी अस्पतालको प्रयोगशालमा गरिएको परीक्षणमा नेपाली सेना, बैंक कर्मचारी डाक्टर सहित ४३ जनामा कोरोना संक्रमण पुष्टि भएको छ ।

संक्रमित हुनेहरुमा ३६ पुरूष र ६ जना महिला रहेका छन् । संक्रमितहरु ७ वर्षदेखि ७३ वर्ष सम्म रहेका छन् ।

वीरगंज महानगरपालिकाकाे विभिन्न वडाका ७ बर्ष देखि ७३ बर्ष सम्मका २३ जना, पर्साकाे पकहामैनपुर गाँउपालिका वडा नम्बर २ का २७ बर्षका एक पुरुष, पोखरिया नगरपालिका वडा नम्बर ६ का ३३ बर्षका एक पुरुष  लगायतकामा संक्रमण देखिएकाे नारायणी अस्पतालका मेडिकल सुपरिडेन्टेन्ट डा. मदन कुमार उपाध्यायले जानकारी दिए ।

डा. उपाध्यायका अनुसार बिहिबार बिहान संक्रमण पुष्टि हुने ४३ जनामा वीरगन्ज ब्यारेकका १२ जना नेपालीसमेत सेना रहेका छन । जस मध्ये ६ जना वीरगन्ज कारागारमा सुरक्षार्थ खटेका छन भने वीरगन्जस्थित नेपाली सेनाको चण्डी प्रसाद गणमा कार्यरत ५ जना रहेका छन् ।

नेपाल इनभेस्टमेन्ट बैंक वीरगन्ज शाखामा कार्यरत २८ बर्षका १ जना पुरुषमा पनि संक्रमण देखिएकाे छ । वीरगन्ज महानगरपालिकाका वडा नम्बर १० की ३५ बर्षिय नारायणी अस्पतालमा उपचारर्थ १ जना मृगौला रोगीकाे पनि काेराेना पाेजिटिभ आएकाे छ ।

भारतिय दुतावास वीरगन्जका ३० बर्षका १ जना पुरुषसमेत संक्रमण देखिएकाे जनाएका छन् । 

त्यसैगरी बारा जिल्ला देवताल गाँउपालिका ३३ बर्षिय पुरुष, प्रसौनी गापा २ की ७३ बर्षिय महिला, रौतहट जिल्ला मौलापुरका २७ बर्षिय पुरुष र महोत्तरी जिल्लाका ३७ बर्षिय एक जना डाक्टरमा पनि संक्रमण देखिएकाे नारायणी अस्पतालका मेसु उपाध्यायले जानकारी दिए ।