Date
शनि, मंसिर ५, २०८३
Sat, November 21, 2026
Home Blog Page 947

पाेखरिया नपाका ३ सहित थप ३४ जनामा कोरोना पुष्टि

0

वीरगंज । पर्सामा थप ३४ जनामा कोरोना संक्रमण पुष्टि भएको छ । वीरगञ्जस्थित नारायणी अस्पतालको प्रयोगशालमा गरिएको परीक्षणमा नेपाली सेना, थुनुवा र पत्रकारसहित थप ३४ जनामा कोरोना संक्रमण पुष्टि भएको छ ।

याेसंगै पर्सामा कोरोना संक्रमितको संख्या ६ सय ७ पुगेको छ ।

संक्रमित हुनेहरुमा २८ जना पुरूष र ६ जना महिला रहेकाे नारायणी अस्पतालका मेडिकल सुपरिडेन्टेन्ट (मेसु) डा. मदन उपाध्यायले जानकारी दिए । उनका अनुसार संक्रमित हुनेमा १४ वर्षका बालक देखि ५६ वर्षका पुरुष रहेका छन् ।

मंगलबार संक्रमण पुष्टि भएका ३४ जनामा वीरगन्ज ब्यारेकका ३ जना नेपाली सेना, १ जना पत्रकार, वडा प्रहरी कार्यालय बिर्ताको थुनुवा १ जना, वयाेधा अस्पताल र नेशनल मेडिकल कलेजका एक/एक जना डाक्टर रहेका छन् ।

त्यसैगरी वीरगन्ज महानगरपालिकाकाे विभिन्न वडाका २१ बर्ष देखी ५६ बर्ष उमेर समुहका १५ जना, स्वेच्छाले पैसा तिरेर जाँच गराएका ३६ बर्षदेखी ४९ बर्षका ५ जना, पर्सा जिल्लाको पोखरिया नगरपालिका वडा नम्बर २ का एक जना पुरुष र २ जना महिला रहेका छन् ।

यस्तै जिराभवानी गाउँपालिका सेढवाका २२ बर्षका १ जना युवा रहेको मेसु उपाध्यायले जानकारी दिए ।

त्यसैगरी बारा जिल्ला कलैयाका २९ बर्षका १ जना पुरुष र बारा जिल्ला फेटा गाउँपालिका वडा नम्बर ४ का २८ बर्षका १ जना पुरुष र सर्लाही जिल्ला मलगंवा वडा नम्बर ८ का ४८ बर्षका १ जना पुरुष रहेका छन् ।

पर्सामा अझै २ सय ३ काेराेना संक्रमित अस्पताल बाहिर

0
वीरगंज । पर्सामा काेराेना संक्रमितकाे संख्या ५ सय ७३ पुगेकाे छ । जिल्ला प्रशासन कार्यालय पर्साले साेमबार सांझ सार्वजनिक गरेकाे विवरण अनुसार हालसम्म काेराेना संक्रमित पुष्टि भएकाे संख्या ५ सय ७३ पुगेकाे हाे ।
 
जिल्ला प्रशासन कार्यालय पर्साकाे सुचना अधिकारीसमेत रहेका सहायक प्रमुख जिल्ला अधिकारी ललित कुमार बस्नेतले आफ्नाे फेसबुकमार्फत सार्वजनिक गरेकाे तथ्यांक अनुसार हालसम्म कोरानाको कारण मृत्यु भएको संख्या १४ रहेकाे छ । जसमा केहि बाहिरबाट रिफर भइ अाएकासहित जुन ५७३ अन्तर्गत नपर्ने जनाइएकाे छ ।
 
हालसम्म पीसीआर चेकजाँचको लागि ११ हजार ३ सय ६७ जनाकाे स्वाव संकलन गरिएकाे छ । जसमध्ये नतिजा आउन ४ सय ५६ जनाकाे बाकी रहेकाे छ ।
 
साउन ११ गतेदेखि यता ३ हजार ३० जनाकाे स्वाव संकलन भएकाे छ । पछिल्लो २४ घण्टामा ७४ जनाकाे रिपाेर्ट काेराेना पोजेटिभ आएकाे छ । पछिल्लो २४ घण्टामा अस्पतालबाट ४ पुरूष र ३ महिला गरी ७ जना निको भई घर फर्केका छन् ।
 
गण्डक काेभिड अस्पतानमा ५८ र वीरगंज हेल्थ केयर अस्पतालमा ३७ गरी ९५ संक्रमितकाे काेभिड अस्पतालमा रहेका छन् ।
 
सामुदायिक अाइसाेलेसन सेन्टर /सेमि अाइसाेलेसन सेन्टर ६१ जना रहेकाे सार्वजनिक तथ्यांकमा जनाइएकाे छ । जस अन्तर्गत बीरगंज सिद्धार्थ स्कूलमा २४, बीरगंज त्रिजुद्ध स्कूलमा १५, बीरगंज कारागार आइसाेलेसन सेन्टरमा १२, हाेटल ज्याेति बीरगंजमा ३, पर्सागढी न.पा. PHC मा ४, सखुवा पर्साैनी पालिका आइसाेलेसन सेन्टरमा ६ र पटेर्वा सुगाैली पालिका आइसाेलेसन सेन्टरमा ४ जना संक्रमित रहेकाे जिल्ला प्रशासन कार्यालय पर्साले जनाएकाे छ ।
 
यस्तै हाेम आइसाेलेसनमा १ सय ४२ जना संक्रमित रहेकाे सहाय प्रमुख जिल्ला अधिकारी बस्नेतद्वारा सार्वजनिक विवरणमा उल्लेख छ । हालसम्म निकाे भइ घर फर्केका तथा १४ दिन पुरा गरी फर्कने क्रममा रहेका २ सय ३ जना रहेकाे अधिकारी बस्नेतले जनाएका छन् ।
 
आइतबार राति काेराेना पुष्टि भएका ७४ जनामध्ये आवश्यकता तथा अवस्था अनुसार काेभिड अस्पताल, आइसाेलेसन सेन्टर तथा हाेम आइसाेलेसनमा राख्ने क्रम जारी रहेकाे उनलेे जनाएका छन् ।
 
उनले काेभिड १९ काे संक्रमण राेकथाम, नियन्त्रण तथा उपचार व्यवस्थापनकाे लागि हाेम आइसाेलेसन तथा केहि सामुदायिक आइसाेलेसनकाे कार्यान्वयन चुनाैतिपूर्ण देखिएकाेले त्यसकाे सट्टा अर्काे काेभिड अस्पताल तथा सामुदायिक आइसाेलेसन सेन्टर संचालनकाे लागि तयारी भइरहेकाेसमेत जनाएका छन् ।
 
पर्सामा पीसीआर चेकजाँचलाई तिव्र पारिएको जनाउदै बस्नेतले उद्योग कलकारखानामा रहेका भारतबाट आएका मानिसहरूलाई समेत खोजी खोजी चेकजाँच गरिएको, विद्यमान प्रोटकल अनुसार पीसीआरचेकजाँच नहुनेहरूलाई पनि पेड पीसीआर चेकजाँचको सुविधा दिइ चेकजाँच गराइएको लगायतका कारणहरूले संक्रमितको संख्या एक्कासी धेरै देखिएको वताएका छन् ।

नेकपा वीरगंज महानगर अध्यक्ष रहबरपनि काेराेना संक्रमित

0

वीरगञ्ज । नेपाल कम्युनिष्ट पार्टी (नेकपा) का वीरगञ्ज महानगर अध्यक्ष रहवर अन्सारी पनि कोरोना संक्रमित भएका छन् ।

काठमाडौं महारगंजस्थित टिचिङ्ग हस्पिटलमा गरिएकाे परिक्षण उनकाे काेराेना रिपोर्ट पोजेटिभ आएकाे हो । काठमाण्डाैमा रहेका अध्यक्ष अन्सारीले आफु काेराेना संक्रमित भएकाे पुष्टि गरे । उनले भने “काेराेना रिपाेर्ट पाेजेटिभ आएपनि लक्षण केही देखिएकाे छैन्, स्वास्थ्य अवस्था समान्य रहेकाे छ ।”

अन्सारीले साउन १६ गते, शुक्रबार काेराेना परिक्षणकाे लागि स्वाबकाे नमुना दिएका थिए । साेमबार आएकाे रिपाेर्ट पाेजेटिभ आएकाे उनलाई अस्पताले जाकारी गराएकाे हाे । 

अन्सारीको स्वास्थ्य अवस्था सामान्य रहेको र हाल उनी काठमाडौंको नक्सालस्थित घरमा होम आइसोलेसनमा रहेको अनेरास्ववियुका केन्द्रिय सदस्य जुबैर आलमले जानकारी दिए ।

विश्व व्यापी महामारीकाे रुपमा फैलिएको कोरोना भाइरस संक्रमबाट वीरगन्जबासीलाई बचाउन निश्वार्थ रूपले अन्सारी आफ्नो अस्पताललाई निशुल्क रुपमा कोभीड अस्पताल बनाउन वीरगन्ज महानगरलाई हस्तान्तरण गरेका थिए ।

साउन १८ गते अस्पतालको सम्झौता सकिदै गर्दा उनले अस्पताल थप तीन महिनाकालागि उपलब्ध गराए । त्यसले बीरगंजबासीले राहतको अनुभव गर्न सकेका थिए ।

अन्सारीको अस्पताल दिने कदमलाई “राजनीतिक स्टण्ट” भन्नेहरु बीरगंजमै छन ।  निशुल्क दिएकोले रकम भूक्तानी लियो भन्दै अन्सारी र अस्पताललाई धारे हात लाउने अमानवीय तत्वहरु अहिले पनि छन । तर कुने कुराले नागरिक सेवामा बिचलित गराउन नसेकेको अन्सारीलाई कोरोनाले पनि बिचलित गराउन नसक्ने बिश्वास पर्सावासीकाे रहेको छ । 

वीरगंज श्रीपुरका २७ सहित पर्सामा थप ३५ जनामा काेराेना संक्रमण

0

बीरगन्ज । बीरगन्जस्थित नारायणी अस्पतालकाे ल्याबमा गरिएको पछिल्लो परिक्षणमा बाराका ५ सहित ३८ जनामा संक्रमणको पुष्टि भएको छ । पर्साका ३५ र बाराका ३ जनामा संक्रमण पुष्टि भएकाे ल्याब स्राेतले जनाएकाे छ ।

थपिएका ३८ जना संक्रमितहरुमध्ये ४ जना महिला रहेका छन् । संक्रमितहरु १५ वर्षदेखि ६४ वर्ष उमेर समूहका रहेका छन् ।

आईतबार साँझ नयाँ थपिएका संक्रमितहरुमध्ये अधिकांश बीरगन्ज महानगरपालिका वडा नं. ११ श्रीपुरका छन् । बीरगन्ज महानगरपालिका वडा नं. ११ श्रीपुरका सबैभन्दा बढी २७ जना रहेका छन् । 

त्यसैगरी, बीरगन्ज वडा नं. १० घडिअर्वाका १ जना, बीरगन्ज वडा नं. ४ विर्ताका १ जना, बीरगन्ज वडा नं. १५ भिस्वाका पनि १ जना रहेका छन् । पछिल्लो परिक्षणमा प्रहरीका १ जना र नेपाली सेनाका १ जनामा पनि संक्रमण देखिएको छ । 

त्यस्तै, सखुवाप्रसौनी र सेढवाका एक/एक जनामा पनि संक्रमण पुष्टि भएको छ । थपिने संक्रमितमा बारा जिल्लाका ३ जना रहेका छन् । एक जना भारतीयमा पनि संक्रमण पुष्टि भएको छ ।

यसैबीच, नारायाणी कोरोना विशेष अस्पताल गण्डकबाट आईतबार ७ जना डिस्चार्च भएका छन् । काेराेना मुक्त भएर ३ महिलासहित ७ जना डिस्चार्ज भएका हुन् ।

वीरगंज कारागार र श्रीसियामा ३ सय ६६ जनाकाे स्वाब संकलन

0

वीरगंज । वीरगंज महानगरपालिकाकाे वडा नं. २५ श्रीसिया खाल्वा टाेलामा आइतबार काेराेना परिक्षणकाे लागि २ सय ४८ जनाकाे स्वाब संकलन गरिएकाे छ ।

महानगरपालिकाकाे “एक घर एक परिक्षण” अन्तर्गत वडाध्यक्ष बिसराज राउत कुर्मीको उपस्थितिमा २ सय ४८ जनाकाे स्वाब संकलन गरिएको नगर प्रमुखका राजनितिक सल्लाहकार मुकेश द्विवेदीले जानकारी गराए ।

यस्तै वीरगंज कारागारमा एक सय १८ जनाकाे स्वाब संकलन गरिएकाे कारागार कार्यालयले पर्साले जनाएकाे छ । 

कारागारमा कन्ट्याक ट्रेसिङका आधारमा ५५ पुरुष, १० महिला कैदिबन्दी, ३१ नेपाल आर्मी, ७ नेपाल प्रहरी र १५ कारागार कर्मचारी गरि कुल एक सय १८ जनाको स्वाव संकलन गरिएकाे कारागार प्रमुख श्रवण कुमार पाेखरेलले जानकारी दिए ।

उनले हाल सम्म सन्क्रमित सवै ८ कैदीबन्दी, ५ कर्मचारिको स्वास्थ्य अवस्था संतोषजनक नै रहेको र कारागार भित्र रहेका केहि कैदिबन्दिहरुमा सामान्य मौशमी फ्लू बाहेक कुनै जटिल स्वास्थ्य अवस्था नरहेको कारागार कार्यालयकाे आधिकारिक फेसबुक मार्फत जानकारी गराएका छन् ।

काेराेना जितेर अस्पतालबाट डिस्चार्ज भए अमिताभ बच्चन

0

बलिउड अभिनेता अमिताभ बच्चन कोरोनामुक्त भएपछि अस्पतालबाट डिस्चार्ज भएका छन् । उनले आफैं फेसबुकमार्फत आफ्नो पछिल्लो रिपोर्ट नेगेटिभ आएको जानकारी दिएका हुन् ।

बच्चनका अनुसार उनी अब केहीसमय आफ्नै घरमा आइसोलेसनमा रहनेछन् । कोरोना संक्रमण देखिएपछि बच्चन मुम्बईको नानावती अस्पतालमा भर्ना भएका थिए ।

उनीसँगै छोरा अभिषेक, बुहारी ऐश्वर्या र नातिनी आराध्यालाई पनि कोरोना देखिएको थियो । अहिले सबैजना संक्रमण मुक्त भएका छन् ।

भारतिय गृहमन्त्री अमित शाहलाई कोरोना संक्रमण

0

भारतका गृहमन्त्री अमित शाहलाई कोरोना भाइरस (कोभिड–१९) को संक्रमण पुष्टि भएको छ । आइतबार उनले सामाजिक सञ्जाल ट्वीटरमार्फत आफूलाई कोरोना संक्रमण भएको पुष्टि गरेका हुन् ।

शाहले ट्वीटमार्फत् आफूले कोरोना भाइरसको शुरुवाती लक्षण देखिएपछि परीक्षण गराएको र परीक्षणको क्रममा आफूलाई कोरोना संक्रमण पुष्टि भएको उल्लेख गरेका छन् ।

उनले आफ्नो अवस्था ठीक रहेको तर डाक्टरहरुले अस्पताल भर्ना हुने सुझाव दिएका कारण अस्पतालमा भर्ना हुन गइरहेको बताएका छन् ।

शाहले पछिल्लो केही दिनमा आफ्नो सम्पर्कमा आउने सबैलाई आइसोलेसनमा बस्दै आफ्नो कोरोना परीक्षण गर्न पनि आग्रह गरेका छन् ।

नारायणीलाई पुन: काेराेना अस्पताल बनाउन लागेकाेमा बिराेध

0

वीरगंज । नारायणी अस्पताललाई पुन: काेराेना अस्पताल बनाउन लागिएकाेमा बिराेध सुरु भएकाे छ ।  संघ सरकारकाे स्वास्थ्य तथा जनसंख्या मन्त्रालयले शुक्रबार नारायणी अस्पतालाई काेराेना अस्पताल बनाउ पत्रचार गरेपछि शनिबारदेखी साे अस्पतालाई पुन: काेराेना अस्पताल बनाउ तयारी गरिएकाे छ ।

नारायणीलाई काेराेना अस्पताल बनाउन स्वास्थ्य मन्त्रालयले पत्रचार गरेकाे कालिका टाइम्सले सार्बजनिक गरेपछि बिराेध सुरु भएकाे हाे ।

जनता समाजवादी पार्टीका नेता नेजामुदिन सम्मानीले एक प्रेस विज्ञप्ती जारी गर्दै नारायणी अस्पताललाई काेराेना अस्पताल बनाउन लागिएकाेमा बिराेध गरेका छन् । उनले प्रेस विज्ञप्तीमार्फत वीरगंजकाे एक मात्र सरकारी नारायणी अस्पताललाई काेराेना अस्पताल बनाउनु नहुने वताएका छन् ।

नारायणीलाई काेराेना अस्पताल बनाएकाे खण्डमा पनि थेग्न अवस्था नरहेकाेले अक्राे विकल्प खाेज्नु पर्ने उनकाे भनाई छ । काेराेना महामारीकाे समयमा आर्थिक अवस्था झन कमजाेर भएका जनताकाे एकमात्र सहारा नारायणी अस्पताललाई जनताकाे जिउ ज्यानसंग खेल्वाड नगर्न सराेकारवालाई चेतावनीसमेत दिएका छन् ।

वीरगंज महानगरका मेयरका प्रेस सल्लाहकार गाेबिन्द देवकाेटाले आफ्नाे फेसबुकवालमा लेख्दै प्रधानमन्त्री र स्वास्थ्यमन्त्री ज्यु नारायणीलाई काेभिड बनाउदै हुनुहुन्छ, नेशनल मेडिकल कलेजलाई किन बनाउन सक्नु हुन्न ? प्रशन गरेका छन् । उनले सम्माननीय प्रधानमन्त्रीज्यु, माननीय स्वास्थ्य मन्त्रीज्यु,  वीरगजकाे अवस्थाकाे वारेमा यहाँहरु बेखवर हुनुहुन्छ जस्ताे लाग्याे । काेभिड संक्रमणबाट हरेक दिन मानिसकाे मृत्यु भैरहेकाे छ, यहाँको परिस्थिति हेर्ने हाे भने वीरगन्जका अधिकांश मानिस संक्रमित भएकाे अनुमान गर्न सकिन्छ । संक्रमितलाई घरमा थुनेर राख्नु परेकाे छ । अथक प्रयास पछि नारायणी अस्पतालाई गरिव जनताले उपचार पाउने अस्पतालकाे रुपमा संचालन गरेकाे थियाे ।

आज फेरि नारायणीलाई काेभिड वनाउदै हुनुहुन्छ । वीरगन्जमा रहेकाे सुविधा सम्पन्न नेशनल मेडिकल कलेजलाई काेभिड अस्पताल वनाउन किन सक्नुहुन्न माननीय मन्त्रीज्यु कि नेशनल मेडिकल कलेजकाे कर्जा चुक्ता गर्न बाकी छ ? यश अघि नेशनल मेडिकलमा ७ जना मृगौला बिरामीले अकालमा ज्यान गुमाउनु परेकाे थियाे । मन्त्रीज्यु यहाँहरुकाे वीरगन्जलाई हेर्ने गलत नजरियाकाे कारण ठुलाे क्षति हुनेवाला छ । समयमा चेत आयाेस । लेखेका छन् ।

समाजिक अभियान्ता ओकप्रकाश सरार्फले जनताको भावना, आवस्यक्ता, सम्मानित उच्च अदालतको आदेश, नागरिक आन्दोलन र सर्व पक्षिय लिखित निर्णयलाई बेवस्ता र बाइपास गर्दै पेलेर नरायणि अस्पताललाई पुनः कोभिड अस्पताल बनाउनु जनतामाथि घोर अन्याय हो, सबै मिलि बिरोध गरौ। आफ्नाे फेसबुकवालमा लेखेका छन् ।

यस्तै वीरगंजका पत्रकार क्रान्ति साह र सुरेश विडारीले आफ्नाे फेसबुकवालमा लेख्दै प्रधानमन्त्री ज्यू, स्वास्थ्य मन्त्री ज्यू वीरगञ्ज स्थित सुविधा सम्पन्न नेशनल मेडिकल कलेजलाई काेभिड अस्पताल बनाउन किन सक्नुहुन्न ? कि मेडिकल कलेजकाे कर्जा चुक्ता गर्न बाकी छ ? प्रशन गर्दै लेखेका छन् ।

बारामा आजदेखि अनिश्चितकालीन निषेधाज्ञा

0

वीरगञ्ज । जिल्ला प्रशासन कार्यालय बाराले आजदेखि जिल्लाका विभिन्न स्थानमा अनिश्चितकालीन निषेधाज्ञा जारी गरेको छ ।

कार्यालयले आइतबार बिहान ५ बजेदेखि अर्को सूचना जारी नभएसम्मका लागि स्थानीय प्रशासन ऐन २०२८ को दफा ६ (३) र संक्रामक रोग नियन्त्रण ऐन २०२० को दफा २ बमोजिम जिल्लाका विभिन्न स्थान तोकेर निषेधाज्ञा जारी गरेको हो ।

शुक्रबार बसेको जिल्ला सुरक्षा समितिको बैठकको निर्णयअनुसार रोग संक्रमण नियन्त्रण गरेर सम्भावित जोखिम न्युनीकरण गर्न र सर्वसाधारणको जीवन रक्षा गर्न निषेधाज्ञा आदेश जारी गरिएको प्रमुख जिल्ला अधिकारी रुद्रप्रसाद पण्डितले बताए ।

निषेधाज्ञा जारी क्षेत्रमा अत्यावश्यक काम बाहेक भेला हुन तथा घर बाहिर निस्कन रोक लगाएको छ । कार्यालयले पर्सा तथा बारा जिल्ला जोड्ने हुलाकी लोकमार्ग पर्ने सबै स्थानीय तहहरु, कलैया बजार क्षेत्र, पथलैया–वीरगज औद्योगिक करिडोर पर्ने जीतपुर, सिमरा, पथलैया, परवानीपुर, नितनपुर, निजगढ, कोल्हवी, सिम्रौनगढ, बरियापुर लगायत अत्याधिक भिडभाड हुने तथा हाटबजार लाग्ने ग्रामिण क्षेत्रहरुमा निषेधाज्ञा लागू गरेको हो ।

निषेधाज्ञा अवधिभर निषेधित क्षेत्रभित्र अत्यावश्यक सेवामा संलग्न रहेका सरकारी तथा सार्वजनिक संस्थान बाहेकका अन्य सेवा प्रवाह गर्ने र सवारी साधनसमेत बन्द हुने छन ।

त्यसैगरी कुनै पनि धार्मिक, सांस्कृतिक, सामाजिक कार्यहरु (विवाह, व्रतवन्ध, भोजभतेर) गर्न प्रतिवन्ध लगाइएको छ । यस्तै छिमेकी मुलुक भारतसँग जोडिएका सीमा नाकाहरुमा आवतजावत पूर्णमा रुपमा बन्द गरिएको छ ।

यो अवधिमा पनि औषधि पसल भने २४ सै घण्टा खुल्ला रहने र खाधान्न, ग्यास, इन्धन, दूध, डेरी पसलहरु, तरकारी पसलहरु मुख्य बजार क्षेत्रमा बिक्री वितरण नगरी साइकल तथा ठेलागाडामा राखेर मात्र अन्य क्षेत्रमा विहान १० बजेदेखि मात्र बिक्री गर्न पाइने छ ।

निषेधाज्ञापछि छिमेकी राष्ट्र भारतसंग सिमा जोडिएका सबै नाका बन्द हुने भएका छन ।

पर्सामा थप ४५ जनामा कोरोना पुष्टि, मेयर सरावगीकाे परिवारमापनि संक्रमण

0

वीरगन्ज । पर्सामा शनिबार राति थप ४५ जनामा कोरोना संक्रमण पुष्टि भएकाे छ । यससंगै पर्सामा कोरोना संक्रमितको संख्या ५ सय ७ पुगेको छ ।

पर्सामा १४ महिलासहित ४५ जना नयाँ संक्रमित फेला परेकाे नारायणी अस्पतालका मेडिकल सुपरिटेन्डेन्ट (मेसु) डा मदन उपाध्यायले जानकारी दिए । उनका अनुसार संक्रमित फेला परेकाहरु ५ देखी ६२ बर्ष उमेर समुहका छन् ।

वीरगन्जस्थित नारायणी अस्पतालको प्रयोगशालामा शनिबार राति गरिएको पीसीआर परीक्षणमा १४ महिला र ३१ पुरुष गरी थप ४५ जनामा संक्रमण पुष्टि भएको हो ।

मेसु उपाध्यायका उनका अनुसार, शनिबार राति संक्रमण पुष्टि भएका ४५ जनामा आफैँले पैसा तिरेर परीक्षण गराएका ७ जना छन् ।  अरु ३७ जना भने मास टेस्टिङ र कन्ट्याक्ट ट्रेसिङमा परेकाहरु हुन् ।

शनिबार राति संक्रमण पुष्टि भएका ४५ जना मध्ये ४३ जना वीरगन्ज महानगरपालिकाका हुन् । वीरगन्ज महानगरपालिका वडा नम्बर ११ श्रीपुरका १६ जना, वडा नम्बर ४ का १५ जना, वडा नम्बर १३ श्रीपुरका ४ जना,  वडा नम्बर ३, ८ र १८ का १/१ जना र वीरगन्ज २५ सिर्सिया सुख्खा बन्दरगारका ५ जनामा शनिबार राति संक्रमण पुष्टि भएको हो ।

शनिबार राति पर्साको ठोरी गाँउपालिकाकाको निर्मलबस्तीका १ जना  र सुखुवा प्रसौनी गाँउँपालिका २ का  १ जनामा पनि संक्रमण भेटिएको हो ।

यसअघि शुक्रबार राति पनि पर्सामा एक सांसद सहित ६४ जनामा संक्रमण पुष्टि भएको थियो ।

मेयर सरावगीकाे परिवारमा पनि काेराेना संक्रमण

यता वीरगंज महानगरपालिकाका मेयर विजयकुमार सरावगीकाे श्रीमती र  छोरीमा पनि काेराेना संक्रमण पुष्टि भएको छ। मेयर सरावगीकाे परिवारमा पनि काेराेना संक्रमण देखिएकाे उनका प्रेस सल्लाहकार गाेबिन्द देवकाेटाले समेत पुष्टि गरेका छन् ।

बिहिबार मेयर सरावगीमा काेराेना संक्रमण पुष्टि भएकाे थियाे । हाल उनी आफ्नाे परिवारसंगै काठमाण्डाैमा रहेका छन् ।