काठमाडौँ । कोरोना भाइरस (काेभिड १९) संक्रमणबाट २४ घन्टामा थप ९ जनाको मृत्यु भएको छ ।
- Advertisement -
स्वास्थ्य तथा जनसंख्या मन्त्रालयले शनिबार आयोजना गरेकाे प्रेस ब्रिफिङमा बारा, पर्सा, सिराह, मकवानपुर, सुनसरी र भक्तपुरका संक्रमितको मृत्यु भएको औपचारिक रुपमा पुष्टि गरेको हो ।
मन्त्रालयका अनुसार संक्रमणबाट बाराका ५८ वर्षीय, सिरहाका ६८ वर्षीय, मकवानपुरका ५६ वर्षीय र भक्तपुरका ७३ वर्षीय व्यक्तिको मृत्यु भएको छ ।
यस्तै पर्साका ६१ वर्षीय, ५८ वर्षीय र ४८ वर्षीय पुरुषको मृत्यु भएको छ । सुनसरीका ६ वर्षीया बालिका र ६७ वर्षीय पुरुषको काेराेना संक्रमणले मृत्यु भएको हो । योसँगै नेपालमा कोरोना संक्रमणबाट मृत्यु हुनेको संख्या १४६ पुगेको छ ।
