Date
शनि, मंसिर ५, २०८३
Sat, November 21, 2026
Home Blog Page 935

पहिलादेखि कुनै राेग नभए काेराेनालाई सजिलै जित्न सकिन्छ : सचिव सिंह

0

वीरगञ्ज । नेपाल विद्यार्थी संघ पर्साका सचिव राेशन सिंह काेराेना भाइरस (काेभिड १९) संक्रमण मुक्त भएका छन् । १२ दिनमा काेराेना मुक्त भएका सचिव सिंह काेराेना भाइरस उच्च मनाेबल र आत्मविश्वासले जित्न सकिने वताउन्छन् ।

‘सुरुमा रिपोर्ट पोजेटिभ आयो भनेर सुन्दा अलि मन घबरायो तर उच्च आत्मबल र हिम्मतले कोरोना जित्न सकिन्छ भनेर पढेको र सुनेको कारण आफ्नो मनलाई अलिकति शान्त गरे,’ सिंह सुनाउँछन्, त्यसपछि आत्मबल उच्च राख्दै १२ दिन मै काेराेना परास्त गर्न सफल पनि भए । 

१२ दिन सम्म हाेम आइसाेलेसनमा बसेका सिंह डाक्टर निरज सिंहकाे सल्लहा अनुसार पोषिलो खाने कुरादेखि नियमित व्यायाम समेत गरे । दिनमा धेरैभन्दा धेरै पटक तातो पानि खाने गरेको उनि बताउँछन् र ताताे पानी मै गिल्याेकाे कढा बनाएर खाँए ।

ज्वराे र खाेकी लागेपछि पिसिआर टेस्ट गराउदा नतिजा पाेजिटिभ आएपनि आफुलाई काेराेनाकाे कुनै प्रकारको लक्षण नभएको कारण आफु हाेम आइसाेलेसन मै बसेकाे उनलेे सुनाए । खाना खान आत्मा नगरे पनि माैसमीकाे जुस, गिल्याेकाे कढा र दुधमा बेसार हालेर खाएकाे उनी वताउँछन् ।

सिंंहले पहिलादेखी कुनै राेग नभए उच्च मनोबल, हिम्मत, नियमित व्यायाम र पौष्टिक खानपानले कोरोनालाई सजिलै पराजित गर्न सकने वताए । उनले संक्रमण हुँदैमा नआत्तिनु अनुरोधसमेत गरे । 

वीरगञ्जवासीलाई सिंहले पूर्ण सतर्कता अपनाउँदै कोरोनाबाट जोगिन आग्रह गरेका छन् । तर कुनै काराणवास संक्रमणको चपेटमा आएपनि नआत्तिएर उच्च आत्मबलका साथ् आफुलाई मानसिक रुपले स्थिर बनाउन उनकाे अनुरोध छ ।

अस्पताल भर्ना गराउदै आएकाे क्याटले अब असहायकाे खानाकाे प्रबन्ध गर्दै

0

वीरगंज । काेभिड एक्स टिम (क्याट) पर्सालाई गैर सरकारी संस्थाहरुले सहयाेग गरेका छन् । समाजिक संस्था जिल्ला समन्वय समिति पर्सा र दिव्य युवा क्लब बिरन्चीबर्वाले मंगलबार खाद्य सामग्री सहयाेग गरेका हुन् ।

दुबै संस्थाहरुले संयुक्त रुपमा एक कार्यक्रमका बिच क्याटकाे सम्पर्क कार्यालय जिल्ला समन्वय समिति पर्सामा पुगी क्याटलाई खाद्य सामग्री हस्तान्तरण गरेका छन् । समाजिक संस्था जिल्ला समन्वय समितिका अध्यक्ष इब्राहिम देवान र दिव्य युवा क्लबका कार्यकारी निर्देशक रामाकान्त पटेलले संयुक्त रुपमा कार्यक्रमका प्रमुख अतिथी तत्कालिन समाजवादी पार्टीका अध्यक्ष रामनरेश यादवलाई खाद्य सामग्री हस्तान्तरग गरे ।

संस्थाहरुले कतरनी चामल ८ बाेरा, मसुराेकाे दाल १ बाेरा, खाने तेल १० किलाे, आलु एक बाेरा, पियाज एक बाेरा र नगद  रु एक हजार सहयाेग गरेकाे छ ।

क्याटले काेराेना संक्रमण राेकथाम तथा नियन्त्रणका लागि लामाे समयदेखी जारी निषेधाज्ञामा प्रभावितहरुकाे लागि नि:शुल्क रुपमा गरेकाे खानाकाे व्यवस्थापनमा सहयाेग गरेकाे अध्यक्षद्वयले वताए ।

क्याटका संयाेजकसमेत रहेका जिल्ला समन्वय समिति पर्साका प्रमुख नेकमहमद अन्सारीकाे अध्यक्षतामा भएकाे कार्यक्रममा क्याटका सदस्य एवं नेपाली कांग्रेस जिल्ला सचिव श्याम पटेल, तत्कालिन समाजवादी पार्टी जिल्ला सचिव तबरेज अहमद, नेकपाका प्रतिनिधि संजिव मिश्रा, पत्रकार शम्भु कुमार सुमन लगायतकाे उपस्थिती रहेकाे थियाे भने कार्यक्रमकाे संचालन शैली चाैधरीले गरेकी थिइन । 

साेही कार्यक्रममा सहभागि जिल्ला आयुर्वेद अस्पताल वीरगंजका प्रमुख डा. रमेश मिश्राले क्याटलाई आयुर्वेदीक औषधी सहयाेग गर्ने आवश्वासन दिए । काेभिड अस्पतालमा उपचाररत संक्रमितहरुलाई वितरण गर्नकाे लागि आयुर्वेदिक औषधी सहयाेग गर्न क्याटले राखेकाे प्रस्तावमा सहमति जनाउदै सकेजति सहयाेग गर्ने प्रतिबद्धता जनाए । 

यस्तै विटु वाटर जितपुरलेसमेत क्याटलाई ५० पक्केट खाने पानी सहयाेग गरेकाे छ । विटु वाटरका दिपक गुप्ताले ५० पक्केट पानीकाे बाेतल सहयाेग गरेकाे क्याटका सदस्य तबरेज अहमदले जानकारी दिए ।   

 यता क्याटले काेराेना प्रभावितकाे सहयाेगार्थकाे लागि १० जना स्वयं सेवकसमेत परिचालन गरेकाे छ । जिल्ला समन्वय समिति मै क्याटकाे सहयाेगमा संचालित मेसकाे खाना विभिन्न अस्पतालमा वितरणकाे लागि स्वयं सेवक परिचालन गरिएकाे क्याटका सदस्य श्याम पटेलले जानकारी गराए ।

ति स्वयं सेवकहरुलाई आजै क्याट लेखिएकाे ज्याकेट तथा सुरक्षा सामग्रीसमेत वितरण गरिएकाे छ । 

अस्पतालले भर्ना गर्न नमानेका बिरामीहरुलाई भर्ना गराउदै आएकाे क्याटले अब निषेधाज्ञामा प्रभावितहरुकाे लागि खाना प्रबन्धमासमेत जुटेकाे छ ।

काेभिड अस्पतालमा मृत्यु भएकाे जिराभवानीका पुरुषमा काेराेना पुष्टि

0

वीरगञ्ज । पर्सामा कोरोना भाइरस (काेभिड १९) संक्रमणबाट थप एक जना मृत्यु भएको छ । वीरगंजस्थित नारायणी अस्थायी कोराेना विशेष अस्पताल गण्डकमा उपचाररत पुरुषको आइतबार संक्रमणका कारण मृत्यु भएको हो ।

पर्साको जिराभवानी गाउँपालिका वडा नम्बर ४ बस्ने ६८ वर्षीय पुरुषको मृत्यु पश्चात करोना पुष्टि भएको जिल्ला प्रशासन कार्यालय पर्साले जनाएको छ ।

मुटुका दिर्घ रोगि उक्त पुरुषलाई निमोनिया हुनका साथ् श्वासप्रश्वासमा समेत समस्या हुनथालेपछि कोरोनाको शंका लागेर आइतबारनै राती साढे ९ बजेको करिब गण्डकमा भर्ना गरिएको थियो ।

प्रशासन कार्यालयका अनुसार अस्पतालमा भर्ना भई उपचार सुरु गरिएकाे अवस्थामा साेही दिन राती १०:१० बजे उनकाे मृत्यु भयाे । मृत्यु पश्चात उनको स्वाबको नमुना संकलन गरि आरटी पिसिआर परिक्षण गर्दा नतिजा पोजिटिभ देखिएकाे हाे ।

मृतक वृद्धको कुनै ट्राभल हिस्ट्री समेत नरहेको प्रशासनले जनाएको छ । योसँगै प्रशासन कार्यालयकाे तथ्यांक अनुसार पर्सामा कोरोना संक्रमणबाट ज्यान गुमाउनेको संख्या ३१ पुगेको छ ।

पर्सागढीका १४ सहित पर्सामा थप ३४ जनामा काेेराेना संक्रमण पुष्टि

0

वीरगञ्ज । पर्सामा थप ३४ जनामा कोरोना सङ्क्रमण पुष्टि भएको छ । जिल्ला प्रशासन कार्यालय पर्साले उपलब्ध गराएको जानकारी अनुसार पर्साको वीरगञ्ज महानगरपालिका र पर्सागढी नगरपालिकागरीमा थप ३४ जनामा कोरोना सङ्क्रमण पुष्टि भएको हो ।

थपिए सङ्क्रमितहरु वीरगञ्ज महानगरपालिकाका २० जना रहेका छन् भने पर्सागढी नगरपालिकाका १४ जना रहेका छन् । भदौं ५ गतेदेखि ७ गतेसम्म विभिन्न स्थानमा संकलन गरिएको स्वाबलाई परिक्षण गर्दा ६ महिलासहित थप ३४ जनामा सङ्क्रमण पुष्टि भएको जिल्ला प्रशासन कार्यालय पर्साले जनाएको छ ।

सङ्क्रमित हुनेमा वीरगञ्ज महानगरपालिका वडा नं. ४ की एक जना महिला र वडा नं. ६, ११, १२, १६, २१ र २४ का एक/एक जना पुरुष रहेका छन् । त्यसैगरी वडा नं. १५ भिस्वामा ९ जना पुरुष र ४ जना महिलागरी १३ जनामा सङ्क्रमण देखिएको प्रशासनले जारी गरेको सूचनामा उल्लेख छ ।

त्यस्तै पर्सागढी नगरपालिका वडा नं. ८ को १४ जना पुरुषमा सङ्क्रमण देखिएको छ । योसँगै पर्सामा कोरोनाभाइरस सङ्क्रमितहरुको संख्या १ हजार ९ सय ४४ पुगेको छ । जसमा १ हजार ५ सय १९ जना पुरुष र ४ सय २५ जना महिला रहेका छन् ।

पर्सामा सङ्क्रमणबाट हालसम्म ३० जनाले ज्यान गुमाएको जिल्ला प्रशासन कार्यालय पर्साको तथ्यांकले देखाएको छ ।

वीरगंजका एमविविएस डाक्टरहरुद्वारा सामुहिक राजिनामा

0

वीरगञ्ज । वीरगञ्जका विभिन्न निजि अस्पतालमा कार्यरत १ सय ५० जना एमविविएस डाक्टरहरुले सामुहिक राजिनामा दिएका छन् ।

यसअघि विभिन्न ५ बुँदे मागसहित ७ दिने अल्मिेटम दिदा पनि मागको सम्बोधन नभएको भन्दै सोमवारसम्म मात्रै काममा जाने डाक्टरहरुले बताएका छन् । अस्पताल प्रशासन, चिकित्सक संघ, जिल्ला प्रशासन कार्यालय लगायका ठाउँमा ७ दिने अल्टिमेटमसहित ध्यानाकर्षण गराएपनि कुनै सुनुवाई नभएको भन्दै मंगलवारबाट काममा नजाने मेडिकल अफिसर एसोसियसन अफ वीरगञ्जका उपाध्यक्ष डा. विवेक यादवले बताए ।

एमबिबिएस डाक्टरहरुले न्युनतम ६५ हजार तलब पाउनुपर्ने, २५ लाख बराबरको स्वास्थ्य तथा जिवन बिमा गर्नुपर्ने, अस्पतालमा काम गर्दा क्वारेन्टाईनमा अस्पतालले नै सुविधा दिनुपर्ने, विश्व स्वास्थ्य संगठनको निर्देशनअनुसार व्यक्तिगत सुरक्षा (पिपिई) लगायतका सामाग्री  उपलब्ध गराउनुपर्ने, कार्यअवधिमा कोरोना संक्रमण भएमा अस्पतालबाट निशुल्क उपचार पाउनुपर्ने लगायतका मागसहित ७ दिने अल्टिमेटम दिएका थिए ।

क्याटलाई सांसद डा. यादवले गरिन स्वास्थ्य सुरक्षा सामग्री सहयाेग

0

वीरगंज । प्रदेश नं. २ की प्रदेश सांसद डा. अञ्जू कुमारी यादवले कोभिड एक्सन टिम (क्याट) लाई स्वास्थ्य र सुरक्षा सामग्री सहयोग गरेकी छन् ।

कोरोना सङ्क्रमणका कारण सृजित अवस्थामा सहयोगका लागि खटिरहेका क्याटलाई सांसद यादवले आइतबार मास्क, पञ्जा, फेस सिल्ड, हेड कभर र गाउनलगायत स्वास्थ्य र सुरक्षा सामग्री सहयोग गरेकी हुन् ।

साे समाग्री जिल्ला समन्वय समिति पर्सामा पुगी डा. यादवले क्याटका संयाेजकसमेत रहेका जिल्ला समन्वय समिति पर्साका प्रमुख नेक महमद अन्सारीलाई हस्तान्तरण गरिन । सामग्री हस्तान्तरण गर्दै सांसद डा. यादवले क्याटले गरिरहेकाे कामलाई सुरक्षित रुपले निरन्तरता दिन सहयोग गरेको बताइन ।

साे अवसरमा क्याटका सदस्य श्याम पटेल, तबरेज अहमद, सञ्जिव मिश्रा, समाजिक संस्था जिल्ला समन्वय समितिका अध्यक्ष इब्राहिम देवान, सांस्कृतीकी अध्यक्ष शैली चाैधरी लगायतको उपस्थिति रहेको थियाे ।

यसै बिच क्याटले स्वयं सेवकसमेत परिचालन गर्ने निर्णय गरेकाे छ । विभिन्न गैर सरकारी संस्थाकाे सहयाेगमा क्याटले १० जना स्वयं सेवक परिचालन गर्ने निर्णय गरेकाे हाे ।

रेम्डेशिभिर कालोबजारी गरेको आशंकामा एक डाक्टरसहित २ जना पक्राउ

0
chori aaropma pakrau_kalikatimes

वीरगञ्ज । कोरोना संक्रमितकाे उपचारमा प्रयाेग हुने औषधी रेम्डेशिभिर कालोबजारी गरेको आशंकामा नारायणी अस्पतालका चिकित्सक पक्राउ परेका छन् ।

रेम्डेशिभिर उपलब्ध गराईदिने भन्दै बिरामीका परिवारजनसँग चर्को शुल्क असुलेका आराेपमा डा.ताहिर अंसारी पक्राउ परेका हुन् ।

कोभिडको औषधी खरीदका लागि चर्को शुल्क लिएको बिषयमा अनुसन्धान गर्न नियन्त्रणमा लिएकाे पर्साका प्रहरी प्रवक्ता मनाेजित कुँवरले बताए । डा. अंसारीसँगै रक्सौल निवासी एक जना भारतीय नागरिकलाईसमेत पक्राउ गरिएकाे प्रवक्ता कुँवरले जानकारी गराए ।

नारायणी अस्थायी कोभिड अस्पताल वीरगञ्ज हेल्थ केयरमा उपचाररत एक जना बिरामीको परिवारसँग औषधी मिलाई दिने भन्दै शनिबारसम्ममा डा. अंसारीले १ लाख ९८ हजार रुपैँया उसुल गरेको बुझिएकाे छ ।

गत श्रावन ३२ गते नारायणी बयोधा भर्ना भएका उक्त बिरामीमा कोरोना संक्रमण पुष्टि भएपछि उनलाई वीरगञ्ज हेल्थ केयरमा भर्ना गरिएको थियो ।

बिन्दवासिनी गाउँपालिकाकी महिलाको कोरोना संक्रमणबाट मृत्यु

0

वीरगञ्ज । पर्सामा काेराेना संक्रमणबाट थप एक जनाकाे मृत्यु भएकाे छ । बिन्दाबासिनी गाउँपालिका वडा नं. ३ इटियाही निवासी ७० बर्षिय महिलाकाे मृत्यु भएकाे जिल्ला प्रशासन कार्यालय पर्साले जनाएकाे छ ।

प्रशासन कार्यालयका अनुसार वीरगञ्जस्थित नारायणी अस्पतालमा उपचार गराइरहेकी महिलाको आइतबार विहान ११:४० बजे मृत्यु भएको हाे ।

क्षयरोग तथा श्वासप्रश्वासमा समस्या रहेकाे महिलाकाे भदौं ६ गते शनिबार नारायणी अस्पतालमा भर्ना गरिएको थियो । साेही दिन उनकाे स्वाब संकलन गरि आरटी पिसिआर परिक्षण गर्दा नतिजा काेराेना पाेजिटिभ आएकाे थियाे ।

अस्पताल भर्ना गरेपश्चात स्वास्थ्य अवस्था थप बिग्रिदै गएपछि उनलाई आइसीयुमा राखेर उपचार सुरु गरिएको थियो । आइसीयु मै उपचारकाे क्रममा महिलाकाे मृत्यु भएकाे प्रशासन कार्यालयले उपलब्ध गराएकाे सुचनामा उल्लेख छ ।

याेसंगै प्रशासन कार्यालयकाे तथ्यांक अनुसार पर्सामा काेराेना संक्रमणबाट मृत्यु हुनेकाे संख्या ३० पुगेकाे छ ।

वीरग‌ंज महानगरका मेयर सरावगी कोरोनामुक्त

0

वीरगञ्ज । वीरगञ्ज महानगरपालिकाका नगरप्रमुख विजयकुमार सरावगी कोरोनाभाइरस सङ्क्रमणबाट मुक्त भएका छन् ।

विगत २५ दिनदेखि कोभिड-१९ बाट सङ्क्रमित भइ होम आइसोलेसनमा रहेका नगरप्रमुख सरावगीको आइतबार कोरोना रिपोर्ट नेगेटिभ आएको हो ।

वीरगञ्जस्थित नारायणी अस्पतालको पिसिआर प्रयोशालामा गरिएको परिक्षणमा नगरप्रमुख सरावगीको रिपोर्ट नेगेटिभ आएको उनका राजनीतिक सल्लहाकार मुकेश द्विवेदीले जानकारी दिए । नगरप्रमुख सरावगीले आइतबार बिहान पिसिआर परिक्षणका लागि आफ्नो स्वाब जम्मा गराएका थिए ।

नगरप्रमुख सरावगी श्रावन १५ गते कोरोना सङ्क्रमित भएका थिए । उनले सामाजिक सञ्जाल फेसबुकको आफ्नो आधिकारिक आइडीबाट आफुलाई कोरोना सङ्क्रमण भएको जानकारी गराएका थिए ।

सरावगीमा कोरोना सङ्क्रमण पुष्टि हुँदा उनि काठमाडौँमा थिए । केहि दिन काठमाडौँस्थित आफ्नो घरभित्रै होम आइसोलेसनमा रहेर उपचार गराएका नगरप्रमुख सरावगी गत हफ्ता वीरगञ्ज फर्केको द्विवेदीले बताए ।

बर्दीकाे आडमा आतङ्क मचाउदै हवलदार यादव

0
वीरगंज । प्रहरी चौकी बहुअर्वा भाठाका हवलदार सुबोध यादव बर्दीको आडमा ब्रह्मलुट मचाएका छन् । पर्साको विन्दावासिनी गाउँपालिकामा पर्ने सो चौकीका हलदार यादव गुन्डाशैलीमा सर्वसाधारणलाई लुट्दै हिडेकाे गुनासाे बढेकाे छ ।
 
विश्व महामारीको रुप लिएको कोरोना भाइरसले नेपाल पनि अछुतो नरही सबैभन्दा बढि प्रभावित पर्सा जिल्ला भएपनि लकडाउनको मौका छोपी हलदार यादव बहुअर्वा भाठा चौक, बिश्रामपुर र गर्दाैल लगायतका स्थानीय पसले व्यवसायीसंग डराई धम्काई पैसा असुली गरी लुट्दै हिड्का छन् ।
 
प्रहरी प्रशासन जनताको रक्षक भएपनि पछिल्लो समयको लकडाउनको बेला बहुअर्वा, गर्दाैल र बिश्रामपुर गाउँका स्थानीयमाथि अपराधी जस्तो अन्धाधुन लठ्ठी प्रहार गरी आफूप्रति जनतामा भय, डर र त्रास देखाएर हलदार यादव अहिले खुद्रा पसले अथवा सानो व्यवसायीहरुसंग पैसा असुली गरी व्यवसाय संचालन गर्न दिईरहेको स्थानीयले दुखेसो पोखेका छन् ।
 
बहुअर्वा भाठ्ठा चौकीकाे प्रमुख प्रहरी सहायक निरिक्षक भएपनि चौकीका सबै कमाण्ड हलदार सुबोध यादवले नै चलाउने गरेका छन् । यस विषयमा प्रहरी चाैकीका प्रमुखसंग गुनासो गर्ने सर्वसाधारणलाई हवलदार यादवले कुटपिट गर्ने र धमकाउनेसमेत गरेका छन् । मेराे बिषयमा बढी बाेले फसाइ दिनेसमेतकाे हवालदार यादवले धम्की दिने गरेका छन् ।
 
कुनै कुनै व्यवसायीले पैसा दिन नमान्दा लकडाउनको बाहानामा कुठारघात तरिकाले कुटपिट गरि सरसमानालाईसमेत फाल्ने गरेको स्थानीयले बताएका छन् ।
 
पर्सामा पहिलो पटक महिला प्रहरी प्रमुखमा प्रहरी उपरिक्षक गंगा पन्त पर्सामा आएकाे बेला भय, डर र त्रासरहित आम नागरिकलाई बातावरण सृजना भएपनि हलदार यादवको दादागिरीले सानाे व्यवसायी तथा सर्वसाधारण पिडित भएका छन् ।
 
कोरोना महमारीमा जारी लकडाउनको बेला स्थानीयमाथि कुठारघात लठ्ठी प्रहार गरि आफ्नो पहुँचमाथिसम्म भएकोले कसैले पनि मेरो केही गर्न नसक्ने जस्ता कुराले धम्काउँदै जनताको रक्षक हुने हलदार यादव अहिले जनताको भक्षक भएका छन् ।
 
स्राेतले बताए अनुसार माथिसम्म पहुँच भएको तस्कर गिरोहले पनि हलदार यादवलाई सघाउने गरेकोले उनकाे सरुवा भएपनि अहिले उनलाई रोकिएर राखिएको छ ।