वीरगंज । वीरगन्ज महानगरपालिकाका मेयर विजय कुमार सरावगीका बुवा चिरञ्जीवीलाल सरावगीकाे निधन भएकाे छ । ७८ बर्षिय उनकाे गएराती १२.०५ वजे काठमाडौं स्थित ग्राण्डी अस्पतालमा उपचारकाे क्रममा निधन भएकाे हाे ।
गत साउन २२ गते उनमा काेराेना संक्रमण देखिएपछि वीरगन्जबाट काठमाडौ लगिएको थियाे । उनको साउन २४ गते नै काठमाडौस्थित ग्राण्डी अस्पतालमा उपचारार्थ भर्ना गरिएकाे थियाे । भदौ २ गतेकाे परिक्षणमा काेराेना मुक्त भएका थिए ।
मुटु र मृगौलामा जटिल समस्या देखिएपछि उनको अतिसघन कक्षमा राखेर उपचार गरिएकाे थियाे ।
साेमबार विहान १० वजे काठमाडौंस्थित पशुपति आर्यघाटमा दाहसंस्कार गरिने कार्यक्रम तय गरिएको मेयर सरावगीका प्रेस संयाेजक गाेबिन्द देवकाेटाले जानकारी दिए ।
वीरगन्जमा वि.स. २००० सालमा जन्मका उनी समाजसेवीकाे रुपमा स्थापित व्यक्तित्व थिए ।
उनी वीरगन्ज उधाेग बाणिज्य संघकाे पुर्व अध्यक्ष, मारवाडी परिषदकाे केन्द्रीय अध्यक्ष, लायन्स क्लवकाे गभर्नर लगाएत धेरै सामाजिक संघ संस्थामा आवद्धसमेत थिए । उनका दुई छाेरा र एक छाेरी छन् ।
