वीरगञ्ज । वातावरणसँग जिउने आधार नामक संस्थाले कोभिड एक्सन टिम (क्याट) पर्सालाई सहयोग गरेको छ ।
कोरोनाभाइरस महामारीले निम्त्याएको संकटको समयमा विभिन्न माध्यमबाट सहयोग र सहकार्य गरिरहेको क्याटलाई संस्थाले शनिबार एउटा अनौपचारिक कार्यक्रमबीच मास्क र ग्यास सिलिण्डर सहयोग गरेको हो ।
संस्थाका केन्द्रीय अध्यक्ष आकाश चौहानको नेतृत्वमा गएको टोलीले क्याटका संयोजक जिल्ला समन्वय समिति पर्साका सभापति नेक महम्मद मियाँलाई ७ थान ग्यास सिलिण्डर र २ सय थान मास्क हस्तान्तरण गरेको क्याटका सदस्य तबरेज अहमदले जानकारी दिए ।
साे अवसरमा क्याटका सदस्य श्याम पटेल, संजीव मिश्रा, शैली चौधरी, वातावरणसँग जिउने आधारका जिल्ला संयोजक विकास चौहान, पर्सा जिल्ला अध्यक्ष रोहित बरनवाल र कोषाध्यक्ष पवन पटेललगायातको सहभागिता रहेको थियो ।
क्याटले पछिल्लो केहि दिनदेखि निषेधाज्ञाका कारण प्रभावित गरिव र अतिविपन्नका लागि नि:शुल्क खाना शिविरपनि सुरु गरेको छ ।
