Date
शुक्र, मंसिर ४, २०८३
Fri, November 20, 2026
Home Blog Page 926

सुशान्तकी प्रेमिका रिया चक्रवर्ती पक्राउ

0

बलिउड अभिनेत्री रिया चक्रवर्तीलाई भारतको नार्कोटिक्स कन्ट्रोल ब्यूरो (एनसीबी) ले पक्राउ गरेको छ । उनी केही समयअघि आत्महत्या गरेका अभिनेता सुशान्त सिंह राजपुतकी प्रेमिका हुन् ।

रियामाथि सुशान्तलाई आत्महत्याका निम्ति दुरुत्साहन गरेको लगायत थुप्रै आरोपहरु लाग्दै आएको छ । यो प्रकरण ड्रग्ससँग जोडिएपछि एनसीबीले हात हालेको हो । एनसीबीले रियालाई धेरै दिनदेखि सोधपुछ गर्दै आएको थियो । 

रिया आज बयानका लागि एनसीबीमा पुगेकी थिइन् । उनी पुगेको केही घन्टापछि उनको गाडी फिर्ता गरिएको थियो । आज रियासँग ३ घन्टा सोधपुछ गरेपछि एनसीबीले उनलाई नियन्त्रणमा लिएको हो । पहिलो दिन उनलाई ६ घन्टासम्म सोधपुछ गरेको थियो भने दोस्रो दिन ८ घन्टा सोधपुछ गरिएको थियो । यसअघि ड्रग्स खरिद गरेको आरोपमा रियाका भाई शोविक चक्रवर्तीलाई पनि पक्राउ गरिएको थियो ।

रियाले आफूले सुशान्तका लागि यी सबै काम गरेको बयान दिएको भारतीय मिडियामा उल्लेख छ ।

यसैविच, नायिका चक्रवर्तीको उजुरीपछि बान्द्रा प्रहरीले सोमबार सुशान्तकी बहिनी प्रियंका सिंह र दिल्लीमा अवस्थित मनोहर लोहिया अस्पतालका डाक्टर तरुण कुमारको विरुद्धमा एफआइआर दर्ता गरेको छ । सुशान्तको आत्महत्यामा उनलाई उत्प्रेरित गरेको आरोप रियाले लगाएकी छिन् ।

कालिकामाईमा युरिया मल वितरण

0

वीरगंज । पर्साकाे कालिकामाई गाउँपालिका वडा नं. २ भेडिहारीमा साेमबार युरिया मल वितरण गरिएकाे छ ।

श्री कालिकामाई कृषि सहकारी संस्थाले वडाका कृषकहरुलाई ५० बाेरा युरिया मल वितरण गरेकाे हाे । जिल्ला प्रशासन कार्यालय पर्साकाे सिफारिसमा साल्ट ट्रेडिङ कर्पोरेशन लिमिटेड वीरगंजले उपलब्ध गराइदिएकाे ५० बाेरा युरिया मल रु ८ सयकाे दरले बिक्री वितरण गरिएकाे सहकारी संस्थाका काेषाध्यक्ष ओमप्रकाश साहले वताए ।

वडाध्यक्ष साेनालाल प्रसाद चाैरसिया, वडा सदस्य रामजी साह लगायतकाे उपस्थितीमा वडा अन्तर्गतका कृषकहरुलाई एक/एक बाेरा युरिया मल वितरण गरिएकाे थियाे ।

यरिया मल अभावका बिच वडामा साल्ट ट्रेडिङकाे डिलर नभए पनि कृषकहरुकाे समस्यालाई ध्यानमा राखी उपलब्ध गराइएकाे युरिया मलले केही कृषकलाई राहत भएकाे छ । मलकाे लागि सय भन्दा बढीकाे संख्यामा कृषकहरु पुगे पनि ५० बाेराे मात्र मल भएकाले सबै कृषकहरु मल पाउन सकेकाे थिएन ।

 यस्तै कालिकामाई गाउँपालिकाकाे वडा नं. ५ मा पनि साल्ट ट्रेडिङले उपलब्ध गराएकाे ५० बाेरा युरिया मल बिक्री वितरण गरिएकाे छ ।

कालिकामाईका २ सहित थप २९ जनामा काेराेना संक्रमण

0

वीरगंज । बीरगंजस्थित नारायणी अस्पतालको प्रयोगशालामा गरिएको पछिल्लो परीक्षणमा २९ जनामा (कोभिड १९) संक्रमण पुष्टि भएको छ । पर्सा, बारा र राैतहटका ५८० जनाको स्वाब परीक्षण गर्दा ८ महिलासहित २९ जनामा काेराेना संक्रमण फेला परेकाे नारायणी अस्पतालका प्रवक्ता डा. अतुलेश कुमार चौरासियाले जानकारी दिए ।

प्रवक्ता डा. चाैरसियाका अनुसार साेमबार राति गरिएकाे परिक्षणमा पर्साका १३, बाराका ९ र रौतहटका ७ जनामा संक्रमण पुष्टि भएको हो । संक्रमितहरु १९ बर्षदेखी ६० वर्ष उमेर समुहका रहेका छन् । संक्रमितहरुकाे सिटी भ्यालु १५ देखि ३० रहेकाे छ ।

संक्रमित हुनेमा पर्साकाे कालिकामाई गाउँपालिका वडा नं. १ का एक जना, वडा नं. ५ का एक जना, वीरगंज महानगरपालिकाकाे वडा नं. १२, १६, १३, १० का एक-एक जना, तराई हस्पिटलका ३ जना, सखुवा प्रसौनी गाउँपालिका २ जना, वीरगंज हेल्थ केयरका ३ जना र आर्मी ब्यारेक वीरगंजका एक जना रहेका छन् ।

यस्तै बाराकाे कलैया नगरपालिका २ जना, बारागढी गाउँपालिकाकाे ४ जना, इलाका प्रहरी कार्यलय बारागढीका एक जना, सर्वण गाउँपालिकाका एक जना र रौतहट गरुडा प्रहरीका ७ जना कोरोना संक्रमित थपिएका छन् ।

जुनियर डाक्टरहरु बिचकाे विवाद सहमतीमा सुल्झियाे

0

वीरगञ्ज । जुनियर चिकित्सकहरु बीच भएको विवाद सहमतीमा सुल्झिएकाे  छ । नारायणी अस्पतालका चिकित्सक डा. दिपक चाैरसिया र मेडिकल अफिसर डा. विजय महताे बिच भएकाे विवाद सहमतिमा सुल्झिएकाे वताइएकाे छ ।

जिल्ला प्रहरी कार्यालय पर्सामा सोमबार प्रहरी, चिकित्सक संघका प्रतिनिधि, विवादित चिकित्सक बीच भएको छलफलमा सहमति भएकाे हाे । डा. चाैरसिया र डा. महताेले एकअर्का माथी आवश्यक कारवाहीकाे माग गर्दै जिल्ला प्रहरी कार्यालयमा निवेदन दिएपछि साेमबार छलफल भएकाे थियाे ।

छलफलकाे क्रममा दुबै डाक्टरहरुले आ आफ्नाे गल्ती स्विकार गर्दै अबदेखी यस्ताे नहुने वताए पछि विवाद सुल्झेकाे चिकित्सक संघ नारायणी वीरगंजका सचिव डा. उदयनारायण सिंहले वताए । उनले विवादित जुनियर चिकित्सकहरुले आगामी दिनमा यस्तो घट्ना दोहोरिन नदिने प्रतिबद्दता समेत व्यक्त गरेको जनाए ।

जिल्ला प्रहरी कार्यालय पर्साले पनि चिकित्सकहरुले आपासी समझदारीमा विवादको समाधान खोजेको जानकारी गराएको छ ।

डा‍‍. चाैरसिया र डा. महताे बिच आइतबार चिकित्सक संघकाे भवनमा मेडिकल अफिसरहरुकाे आन्दाेलनकाे बिषयमा विवाद हुदा हात हलाहालसमेत भएकाे थियाे । साेही विवादमा चिकित्सक संघ नारायणीका सचिव डा. सिंहलाई पनि जाेडेर डा. महताेले समाचार दिएकाे भन्दै उनले पनि जिप्रकामा महताे विरुद्ध निवेदन दिएका थिए ।

जिप्रकामा भएकाे छलफलकाे क्रममा डा. महताेले चिकित्सक संघका सचिव डा. सिंहसंग गल्ती भएकाे स्विकार गर्दै क्षमासमेत मागेका थिए ।

युथ काङ्ग्रेसकाे संगठन विस्तार

0

वीरगंज । युथ काङ्ग्रेस नेपाल प्रदेश नं. २ ले सङ्गठन विस्तार गरेको छ । संगठनको प्रदेश सचीवमा सर्लाहीका प्रभात ठाकुर, सदस्यहरुमा पर्साका राहुल गुप्ता र सर्लाहीका नुरी मिकरानी चयन भएका छन् ।

त्यसैगरि सर्लाही जिल्लाको लागि कुमोद साह र महोत्तरीको लागि निरज शर्मालाई संयोजकमा नियुक्त गरिएको छ ।

युथ काङ्ग्रेस नेपालले लोकतान्त्रिक समाजवादका सिद्धान्तहरूको असफल पुराना अभ्यासहरूको परिवर्तनका सवालमा वकालत गर्दै विधिको शासन, राष्ट्रियता, प्रगतिशिलता, स्वतन्त्रता तथा संविधानद्वारा प्रदत्त समानताको हकलाई प्रश्रय दिने लक्ष्य साथ् विगत ३ बर्ष देखि युवा राजनीति र लोकतन्त्र सम्बन्धि विभिन्न कार्यक्रमहरु गर्दै आइरहेको जनाइएकाे छ ।

यस संस्थाले देशव्यापी रुपमा उच्च अध्ययन गरि सामाजिक क्षेत्रमा सेवा गर्दै आइरहेको र नेपालमा लोकतान्त्रिक विचारधारा प्रति आस्था राख्ने युवाहरुको संगठन निर्माण गर्ने वताइएकाे छ । संस्थाको हालको कार्यक्रमहरुमा राजनीतिक शिक्षा (पोलिटिकल लिट्रेसि), संगठन र युवाहरुको राजनैतिक क्षमता अभिवृर्दि तथा देशव्यापी रुपमा विधिको शासन तथा लोकतान्त्रिक पद्धती निर्माणका लागि अभियानहरु संचालन गर्ने लक्ष्य राखिएको छ ।

नव नियुक्तहरुलाई स्वागत गर्दै युथ कांग्रेश नेपालका प्रदेश संयोजक रमेश कुमार राजले हाम्राे पुर्खा लोकतनत्रका लागि लडे, हामि लोकतनत्रलाई जीवनशैली बनाउन लड्दैछौं भने वताए ।

वीरगंजमा बजार अनुगमन जारी, पुन: ५ पसललाई कारवाही

0

वीरगंज । उपभोक्ताहरुको गुनासोलाई मध्य नजर गर्दै पर्सामा साेमबार पनि बजार अनुगमन गरिएकाे छ । वाणिज्य आपूर्ति तथा उपभोक्ता संरक्षण कार्यालय, जिल्ला प्रशासन कार्यालय र जिल्ला प्रहरी कार्यालय, पर्साको संयुक्त अनुगमन टोलीद्वारा वीरगंज महानगरपालिकाकाे राधेमाई र विन्दवासिनिमा रहेका विभिन्न खाद्यन्न तथा किराना पसलहरुलाई अनुगमन गरेकाे हाे ।

अनुगमनमा मूल्य सूची नराखेको तथा खरिद बिल उपलब्ध गराउन नसकेको र म्याद गुज्रेका समानहरु संचित गरी राखेको ५ वटा पसलहरुलाई पुन: कारवाही गरिएकाे जिल्ला प्रशासन कार्यालयद्ये जनाएकाे छ ।

अनुगमन टाेलीले वीरगंज महानगरपालिकाकाे वडा नं. १९, बिन्दवासिनीकाे मनिष गल्ला भण्डार एण्ड ट्रेड सप्लायर्स, शशी किराना पसल, सन्दिप किराना तथा गल्ला भण्डारलाई रु. २०-२० हजार, वीरगंज महानगरपालिकाकाे वडा नं. १३, राधेमाईकाे आसिका जनरल स्टोर र चन्दन ट्रेड ईन्टरनेसनललाई रु. ५-५ हजार जरिवाना गरिएकाे जनाएकाे छ ।

यस्तै अनुगमनकाे क्रममा म्याद नाघेका रु.८४० बारावरको पेय पदार्थहरु नष्टसमेत गरिएको छ ।

उपभोक्ता संरक्षण ऐन, २०७५ को दफा ३८ बमोजिमको जरिवाना गरिएको तथा खाद्य बस्तुहरुको कालोबाजारी तथा मूल्य बृद्धि नगरी विक्रि वितरण गर्ने भनी निर्देशन दिईएको अनुगमन टाेलीले जनाएकाे छ ।

यदी त्यस्तो गरेको पाईएमा कानून बमोजिम कारवाही हुने जिल्ला प्रशासन कार्यालय पर्साले जनाएकाे छ ।

कोरोना महामारीको विषम परिस्थितिमा कहि कतै कुनै वस्तुहरुको कालोबाजारी तथा मूल्य बृद्धी गरी विक्री वितरण गरेको देख्नु भएमा आवश्यक प्रमाणसहित यस कार्यालयको ईमेल daoparsa1@gmail.com उजुरी गर्नु प्रशासनले अनुराेधसमेत गरेकाे छ ।

प्रदेश सांसद अन्सारीद्वारा खाद्य सामाग्री सहयाेग

0

वीरगंज । वीरगंज महानगरपालिकाकाे वडा नं. १३ का युवाहरूको ब्यवस्थापनमा कोभिड एक्सन टिम (क्याट) पर्साद्वारा संचालित  नि:शुल्क खाना बितरण कार्यक्रम साेमबार प्रदेश सांसद जन्नत अन्सारीले एक सय ५० किलो आलु लगायतकाे समाग्री सहयाेग गरेका छन् ।

 प्रदेश सांसद अन्सारीले खादान समाग्री हस्तान्तरण गर्दै क्याटले बिगत केहि दिनदेखि कोभिड महामारीमा उत्कृष्ट मानवीय सहयोग गर्दै आइरहेकोले सो मानवीय कार्यमा निरन्तरता होस भन्ने उदेश्यले आफू पनि सहयोग गरेको वताए ।

सहयोग समाग्री बुझ्दै क्याटका संयाेजक एवम् जिल्ला समन्वय समिति पर्साकाे प्रमुख नेक महम्मद अन्सारीले सहयोगको लागी क्याटकाे तर्फबाट धन्यवाद ज्ञापनसमेत व्यक्त गरेका थिए ।

जिल्ला समन्वय समिति पर्सामा भएकाे सहयाेग सामग्री हस्तान्तरण कार्यक्रममा क्याटका सदस्य एवम् नेपाली कांग्रेसको जिल्ला सचीव श्याम पटेल, तत्कालीन समाजबादी पार्टीका जिल्ला सचीव तबरेज अहमद, नेकपाका प्रतिनिधि संजिव मिश्रा, शैली चौधरी लगायतको उपस्थिति रहेको थियाे ।

लायन्स क्लबद्वारा प्रसौनी बिर्तामा राहत बितरण

0

वीरगंज । लायन्स क्लब अफ वीरगंज आर्दशनगरको सहयोगमा आज वीरगंज २३ प्रसौनी बिर्तामा राहत बितरण गरिएको छ ।

संचारकर्मी बिक्की नेपालको बिशेष पहल र लायन्स क्लव अफ वीरगंज आर्दशनगरको आर्थिक सहयोगमा अति बिपन्न २५ परिवारलाई राहत समाग्री बितरण गरिएको हो । लायन्स कल्व अफ आर्दशन नगरका अध्यक्ष संजय कुमार खेतानको अध्यक्षतामा आयोजित राहत बितरण कार्यक्रममा प्रत्येक परिवारलाई १५ केजी चामल र एक किलो दाल बितरण गरिएको थियो ।

श्री नेपाल राष्ट्रिय अधारभुत बिद्यालयमा आयोजित कार्यक्रममा नेकपा युवा नेता एवं वडा सदस्य लालबाबु यादव, क्लबका पुर्व अध्यक्ष प्रकाश भाहेति, क्लवका सदस्य बिरेन्द्र कुमार शर्मा, समाजसेवी प्रहलाद गुप्ता गोंड, पत्रकार आरोहण साह लगायतको सहभागिता रहेको थियो । कार्यक्रको सहजीकरण स्थानिय राकेश साहले गरेका थिए ।

वीरगंजमा सुविधा नहुदा काठमाडाैंमा सेवा लिनु पर्ने बाध्यताले झन पिडा

0

वीरगंज । मिर्गाैलाका बिरामीलाई हेपेटाइटिस भएपछि डायलिसिसकाे लागि थप समस्या झेल्नु परेकाे छ । वीरगंजमा हेपेटाइटिस भएका बिरामीलाई डायलिसिस गर्ने सुविधा नहुदा काठमाण्डाै जानु पर्ने र त्यही बस्नु पर्ने बाध्यता श्रृजना भएकाे हाे ।

हेपेटाइटिस ए, बि, सि, डि र ई भएका बिरामीहरुलाई वीरगंजमा डायलिसिस नहुदा काठमाडाैंमा जानु पर्ने र त्यहीं बस्नु पर्ने बाध्यताले झन पिडा भएकाे मिर्गाैला बिरामीका आफन्तहरुले वताएका छन् । यसका साथै आर्थिक भार पनि बढेकाेले थप समस्या श्रृजना भएकाे उनीहरुकाे दु:खेसाे छ ।

डायलिसिसकाे लागि नै एक महिनादेखी काठमाडाैं मै रहेका पर्सागढी नगरपालिकाका वडा नं. ७ टिकुलियाका सनाेज रायले वीरगंजमा डायलिसिस सेवा नहुदा काठमाडाैं थप पिडा खेप्नु पर्ने दु:खेसाे सुनाए । उनी दाजुभाई आफ्नाे बुवाकाे डायलिसिसकाे लागि एक महिना देखि काठमाडाैं मै बसीरहेका छन् ।

काठमाडाैंमा बस्दा  र बुवाकाे डायलिसिस गराउन उनलाई कयाैं समस्या झेल्नु परेकाे छ ।

उनले भने “बुवालाई हेपेटाइटिस “सि” भएपछि वीरगंजमा डायलिसिस नहुदा काठमाडाैं आउनु पर्याे । पहिला नारायणी अस्पताल मै बुवाकाे नियमित डायलिसिस भइरहेकाे थियाे । पछि हेपेटाइटिस भएपछि हामी दाजुभाई र बुवा एक महिनादेखी काठमाडाैं मै बस्दै आएका छाैं । अहिलाे काेराेना महामारीकाे समय रहेकाेले काेठा पाउन, बस्न, खान र हस्पिटलमा आवतजावत गर्न पनि समस्या भइरहेकाे छ ।” 

उनका अनुसार काठमाडाैंमा उनी जस्तै एक दर्जन भन्दा बढी पर्सा, बारा, राैतहट र सर्लाहीका हेपेटाइटिसका बिरामी छन् । सबैकाे एउटै बाध्यता छ वीरगंज अर्थात नजिककाे कुनै अस्पतालमा डायलिसिस नहुदा काठमाडाैं आउनु पर्ने र बस्नु पर्ने बाध्यता छ ।

नेपाल सरकारले नेपालकाे जुन सुकै अस्पतालमा नि:शुल्क डायलिसिस सेवा लिन सकिने प्रावधान रहेपनि त्याे अस्पतालकाे व्यवहारमा लागु नभएकाे र विभिन्न चेकचाँचकाे बहानामा ठग्नु परेकाे उनी बताउन्छन् ।

उनले कालिका टाइम्ससंग कुरा गर्दै भने  “अहिले काेराेना महामारीकाे समय भएकाेले जुन सुकै अस्पतालमा जादा पहिला पिसिआर लगायतकाे चेकजांच गराउन भन्छन् । त्याे गराउन मै ५ देखी ७ हजार सम्म एक पटकमा खर्च हुन्छ । हप्तामा दुई पटक अनिवार्य रुपमा डायलिसि गराउनु पर्ने हुन्छ तर सरकारी अस्पतालमा डायलिसिस गर्ने ठाउँकाे अभावमा निजि अस्पतालमा जानु पर्ने बाध्यता हुन्छ । डायलिसिस सेवा नि:शुल्क भएपनि सरकारी हाेस वा निजि अस्पताल सबैमा पैसा तिर्नु पर्ने बाध्यता छ । सरकारीका अस्पतालहरु बेड खाली नभएकाे भन्छन्, त्यसपछि इमरजेंसीमा गराउन पर्ने हुन्छ । त्यसकाे लागि ३ हजार खर्च हुन्छ । कहिले कांही निजि अस्पतालमा गराउदा रु ७ हजार सम्म तिर्नु पर्ने बाध्यता छ ।”

एक पटक चार घण्टा सम्म हुने डायलिसिस इमरजेंसीमा २ घण्टा सम्म हुन्छ । तर यहाँ हाम्राे समस्या सुनिदिने र बुझिदिने काेही पनि छैनन् उनले दु:खेसाे पाेखे ।

वीरगंजमा भन्दा काठमाडाैं टाँडा भएकाेले आउने र जान पनि सकिदैन् । एमबुलेन्सकाे भाडा पनि महंगाे भएकाेले नसकिएकाे उनले वताउँछन् । घर परिवारका सदस्यसमेत बिरामी आफन्तसंग भेट नसक्ने अवस्था छ । यहाँबाट बिरामीलाई एकै पटक मृत्यु भएपछि नै घर लग्न सकिने उनले दु:खेसाे सुनाए ।

उनका अनुसार केही त लामाे समयदेखी एक्लै डायलिसिसकाे लागि काठमाडाैंकाे विभिन्न अस्पतालमा परिसर मै बुसिरहेका हुन्छन् । कहिले काँही अस्पतालहरुले बाहिर निकालेपछि सडक पेटीमा बसेकाे देख्दा आँखाबाट आसु झर्छ ।

उनले थपे “वीरगंजमा डायलिसिस सेवा भइदिएकाे भए यतिकाे सास्ती हुने थिएन । समय र आर्थिक बचत पनि हुने थियाे । यतिकाे सास्ती भाेग्नु पर्ने बाध्यता हुदैन थियाे । वीरगंजमै डायलिसिस सेवा संचालनकाे लागि हामी स्थानिय नेता र अस्पतालका विभिन्न व्यक्तिलाई गुुहारे पनि आश्वासन मात्र आउन्छ । अहिले सम्म केही हुन सकेकाे छैन् ।”

हामीले बुझ्दा नारायणी अस्पता मै मेसिन भएकाे र त्याे बिग्रेकाे अवस्थामा रहेकाेले, त्यसलाई मर्मत गरेपछि वीरगंज मै सेवा संचालन गर्न सकिने उनले वताए ।

नारायणी अस्पतालका डायलिसिस सेवाका इन्चार्ज डा. निरज सिंहले वीरगंजमा हेपेटाइटिस बिरामीकाे डायलिसिसकाे लागि सरकारले लागनी गर्नु पर्ने वताए । उनले भने “हेपेटाइटिस भएका बिरामीहरुकाे लागि छुट्टै मसिनमा डायलिसिस गर्नु पर्छ । त्यसकाे लागि सरकारले केही मेसिनकाे व्यवस्था गरिदिनु पर्ने हुन्छ ।”

उनका अनुसार हेपेटाइटिस “सि” काे बिरामीकाे डायलिसिस काठमाडाैं बाहेक अरु कहीं हुदैन् ।

स्वास्थ्य निरिक्षक ठाकुरसहित पर्सामा थप ५७ जना काेराेना मुक्त

0
वीरगंज । पर्सा थप ५७ जना काेराेना भाइरस (काेभिड १९) संक्रमण मुक्त भएका छन् । आइतबार विभिन्न उमेर समुहका ५७ जना काेराेना मुक्त भई घर फर्केकाे जिल्ला प्रशासन कार्यालय पर्साले जनाएकाे छ ।
 
याेसंगै पर्सामा कोरोना मुक्त भई घर फर्केकाको संख्या प्रशासन कार्यालयकाे तथ्यांक अनुसार एक हजार ४ सय ६९ पुगेकाे छ ।
 
आइतबार काेराेना निकाे हुनेमा जिल्ला स्वास्थ्य कार्यालयका स्वास्थ्य निरिक्षक जयमाेद ठाकुर पनि रहेका छन् । ठाकुरसहित उनका श्रीमती र छाेरा पनि काेराेना निकाे भएका हुन् । ठाकुरकी श्रीमती स्टाफ नर्स हुन् । उनी काम गर्ने क्रममा नै दाेस्राे पटक काेराेना संक्रमित भएकी थिइन ।
 
प्रशासन कार्यालयले दिएकाे जानकारी अनुसार अझै पनि पर्साकाे विभिन्न आईसोलेसनमा १३ महिलासहित ६२ जना काेराेना संक्रमित रहेका छन् भने होम आईसोलेसनमा रहेका संक्रमितकाे संखया ९ सय ६२ रहेकाे छ । जसमा सय पुरुष र २ सय २६ महिला रहेका छन् ।