वीरगंज । बाराकी थप एक कोरोना संक्रमित महिलाको वीरगंजमा उपचारको क्रममा मृत्यु भएको छ ।
- Advertisement -
बाराको जितपुरसिमरा उपमहानगरपालिका वडा नम्बर १४ डुम्बारवानकी ५५ वर्षीया महिलाकाे साेमबार साँझ ७:१५ बजे नारायणी अस्पतालमा मृत्यु भएको अस्पतालका प्रवक्ता डा. अतुलेश कुमार चाैरसियाले वताए ।
मधुमेह तथा उच्च रक्तचापकी बिरामी महिला सोमवार बिहान ११ बजे उपचारको लागि नारायणी अस्पतालमा भर्ना भएकी थिइन्।
त्यसपछि नारायणी अस्पतालको आइसीयूमा राखेर उपचार गर्ने क्रममा उनकाे मृत्यु भएको प्रवक्ता डा. चौरसियाले जानकारी गराए । उनको मृत्युपछि गरिएकाे जिन एक्सपर्ट रिपोर्ट पोजिटिभ आएको डा. चाैरसियाले जनाए ।
