Date
शुक्र, मंसिर ४, २०८३
Fri, November 20, 2026
Home Blog Page 897

चिसोले जनजीवन कष्टकर बन्दै

0

-बलिराम यादव  //
वीरगंज । लगातार तीन दिनदेखी बढ्दै गरेको चिसोको कारण जनजीवन प्रभावित भएको छ । पर्सासहित मध्य–तराईमा एक्कासी चिसो बढेपछि जनजीवन प्रभावित भएको हो ।

विहानै देखी बाक्लो हुस्सो र शितलहर चलेको हुदाँ चिसो बढेर बालबालिका, बृद्धबृृद्धा र मजदुर बढि प्रभावित भएका छन् । हुस्सो र चिसोको कारण बालबालिकाहरु विद्यालय नगई घरमै बस्दा पठनपाठन समेत प्रभावित भएको छ ।

आईतबार बिहानै देखी प्रदेश २ का जिल्ला पर्सा, बारा, रौतहट लगायत तराईका जिल्लाहरुमा हुस्सो र शितलहर बढेसंगै चिसो पनि बढेको छ । चिसोको कारण मानिसहरु घरबाट बाहिर निस्कन नसकेर जनजीवन कष्टकर बन्दै भएको छ ।

पर्साको सदरमुकाम वीरगंज शहरमा चिसोको कारण बिहानैदेखी चहल पहलमा कमी आएको छ भने मासिनहरु जाडोबाट बच्न्आगो बाली ताप्ने गरेका छन् । कतिपयले अत्यधिक चिसो बढेको कारण घरमै आगो बालेर तापिरहेका छन् ।

हुस्सोसंगसंगै चिसो हावा पनि चलेकोले नेपालको आर्थिक एंव औधोगिक नगरी वीरगंजमा दैनिक मजदुरी गर्न आउने मानिसको संख्यामा कमी आएको छ । यति मात्रै होईन वीरगंज बाहेक अन्य खुल्ला ठाउँमा पनि दैनिक ज्यालादारी गरी घरपरिवार चलाउँने विपन्न वर्गहरुलाई समस्या भएको छ ।

यस्तै बजारमा दैनिक रिक्सा, ठेला चलाउने मजदुर पनि मारमा परेका छन् । चिसो बढेसंगै उनीहरलई काम गर्न समस्या आएको छ ।

चिसोले खास गरी बालबालिका र बृद्धबृद्धा बढि प्रभावित हुने भएकोले उनीहरुलाई विशेष ध्यान दिन चिकित्सकहरुले सुझाव दिएका छन् ।

सकेसम्म बालबालिका तथा बृद्धबृद्धाहरुलाई घरबाट बाहिर निस्कन नदिन र निस्कनै पर्ने भए बाक्लो कपडा लगाएर निस्कनु पर्ने चिकित्सकहरुले सुझाव दिएका छन् ।

पकहा मैनपुरमा नि:शुल्क आँखा शिविर सम्पन्न

0

वीरगंज । पर्साको पकाहा मैनपुर गाउँपालिकामा शनिबार नि:शुल्क आँखा शिविर सम्पन्न भएको छ ।

किरण आँखा अस्पतालको प्राविधिक सहयोगमा गाउँपालिकाको वडा नम्बर ३ स्थित पकाहा मैनपुरको श्री राम चरित्र भगत माध्यमिक विद्यालयमा शिविर सम्पन्न भएको हो ।

शिविरकाे उद्घाटन स्थानिय समाजसेवी हृदयनारायण कुशवाहाले गरेका थिए । शिविरको उद्घाटन गर्दै कुशवाहाले नि:शुल्क आँखा शिविरले लामो समयदेखि दृष्टि सम्बन्धि समस्यासँग लडिरहेका गाउँपालिकावासीलाई धेरै सहयोग मिलेको बताए ।

उनले आँखा शिविरबाट मोतिबिन्दु पता लागेको सम्पूर्ण व्यक्तिको किरण आँखा अस्पतालमा शल्यक्रिया हुने बताउँदै आगामी दिनमा गाउँपालिकाका अन्य वडाहरुमा समेत शिविरको आयोजना गरिने जानकारी दिए ।

शिविरमा १ सय ४० जनाको आँखा जाँचले गराएका थिए । जसमध्ये ५० जनामा मोतिबिन्दुको समस्या पता लागेको अस्पतालको दृष्टि बिशेषज्ञ डाक्टर मनोरञ्जन यादवले बताए । मोतिबिन्दु पता लागेकाहरुको सोमबार र मंगलबार किरण आँखा अस्पताल वीरगञ्जमा शल्यक्रिया गरिने डाक्टर यादवले बताए । 

शिविर उद्घाटन समाराेहमा स्थानिय रुपेश कुमार, दिप नारायण ठाकुर, गौरी शंकर साह, जगुल सहनी, शत्रुधन पटेल, राकेश कुशवाहा, राजेश चौधरी, रामबाबु चौरसिया लगायतकाे उपस्थिति रहेको थियो ।

धोबिनीमा पनि विभिन्न पार्टी परित्याग गरि २५१ जना नेपाली काङ्ग्रेसमा प्रबेश

0

वीरगंज । पर्सामा नेपाली कांग्रेसको पार्टी प्रवेश कार्यक्रम सम्पन्न भएको छ । पर्साको निर्वाचन क्षेत्र नं. ४ मा पर्ने धोबिनी गाउँपालिका वडा नं. २ भिखमपुर पिप्रामा शनिबार संयौंको संख्यामा अन्य पार्टी परित्याग गरि कांग्रेसमा प्रवेश गरेका छन् ।

यस अघि पनि क्षेत्र नं. ४ कै कालिकामाई गाउँपालिका र जिराभवानी गाउँपालिकाका सयौं जना अन्य पार्टी परित्याग गरी कांग्रेसमा प्रवेश गरेका थिए ।

कार्यक्रमलाई सम्बोधन गर्दै नेपाली कांग्रेसका केन्द्रिय सदस्य रमेश रिजालले कम्युनिष्ट सरकार एक्लौटी पारामा अगाडी बढेको तथा देशमा अधिनायकबाद लादन खाजेको आरोप लगाए । केपी ओली सरकारले ल्याएको अध्यादेशले प्रजातन्त्र एवम् लोकतन्त्र माथीको खतरा भएको नेता रिजालले टिप्पणी गरेका थिए । नेपाल र भारत बिचको रोटी बेटीको सम्बन्धलाई पनि हालको सरकारले बिगार्न खाजेको उनले आरोप लगाए ।

कार्यक्रममा बिभिन्न पार्टी प्रत्याग गरी २ सय ५१ जनाले नेपाली कांग्रेस पार्टीमा प्रवेश गरेका छन् । पार्टी प्रवेश कार्यक्रममा नेकपाका चनर राम,आलम मिया धोवी,त्यसै गरी जसपाका नवलेश राम, अनिल चौहान लगायतकाले नेपाली कांग्रेस प्रवेश गरेका हुन् ।

नव प्रवेशीहरु कार्यक्रमका प्रमुख अथिती नेता रिजाल तथा अथितीहरुले फुलमाला र अविरको टिका लगाई पार्टीमा स्वागत गरेका थिए ।

नेपाली कांग्रेस धोबिनी गाउँपालिका वडा नंं. २ का सभापती रामाशिष राउत कुर्मीको सभापतित्वमा भएको कार्यक्रममा प्रदेश सांसद शंकर चौधरी,नेपाली कांग्रेस महासमिति सदस्य बशिष्ठ नारायण कुर्मी,बृहस्पती श्रेष्ठ, जिल्ला सचिव किशोरी साह कानु,क्षेत्रिय सभापती रमेश पाण्डे जिल्ला सदस्य नविन सिंह,कालिकामाई गाउँपालिका संयोजक राजिन्द्र प्रसाद कुर्मी लगायतकाले मन्तव्य व्यक्त गरेका थिए । कार्यक्रमको संचालन क्षेत्रिय सचिव श्रीकान्त यादवले गरेका थिए ।

‘महिला हिंसा न्युनिकरण’ सम्बन्धी अन्तरक्रिया कार्यक्रम सम्पन्न

0

-बलिराम यादव-
वीरगंज महानगरपालिका–३० लालपर्सामा महिला हिंसा न्यूनिकरण सम्बन्धी अन्तरक्रिया कार्यक्रम सम्पन्न भएको छ । शनिबार पब्लिक एफ. एम.द्धारा आयोजित महिला हिंसा अन्त्य सम्बन्धी कार्यक्रम सम्पन्न हो ।

कार्यक्रममा महिला हिंसा न्यूनिकरण गर्न सुरुमै छोरीहरुलाई शिक्षा दिनुपर्ने कुरामा वक्ताहरुले जोड दिएका थिए । गरिबी, अशिक्षा, आर्थिक विपन्नता छुवाछुत, दाइजोलगायतका कारणले हिंसा हुने गरेकोले छोरीहरुलाई मात्र नभएर परिवारका सबै सदस्यहरुलाई औपचारिक र अनौपचारिक शिक्षा दिन आवश्यक रहेको बताएका थिए ।

अहिले पनि हाम्रो समाजमा बालविवाह, बहुविवाह, कथित बोक्सीको आरोप, घरेलु हिंसा तथा महिला भएकै कारणले महिला माथि हुने विभिन्न प्रकारका प्रताडना कायमै रहेकोले छोरीसंगसंगै घरपरिवाार र समाजलाई पनि शिक्षासंग जोडिनु पर्ने वक्ताहरुले आग्रह गरेका थिए ।

शिक्षा ज्ञानको ज्योति भएकोले ज्ञान भई मानिसमा चेतनाको विकास हुने भएकोले अन्धकारमा रहेको समाजलाई उज्यालो बनाउन शिक्षाको धेरै महत्व रहेकोले महिला हिंसा न्युनिकरण गर्न समाजलाई शिक्षित बनाउन लाग्नु पर्ने बताएका थिए ।

एफ.एमका निर्देशक शंम्भु महतो थारुको अध्यक्षतामा भएको कार्यक्रममा वडा न. ३० का वडाअध्यक्ष अम्मान्त अंसारी, श्री नेपाल राष्ट्रिय आधारभुत बिध्यालयका प्र.अ लक्ष्मण प्रसाद साह कानु, रेडियोका प्रबन्दक मुकेश सिंह, बिध्यालय व्यवस्थापन समितिका अध्यक्ष बिरेन्द्र यादव, सदस्य नाजिर अहमद अंसारी, जनता समाजवदी पार्टी युवा संघका प्रदेश नं.का सचिव मनोज यादव, महिला संघकी अध्यक्ष ईन्दु देवी, समाज सेवी राम प्रसाद यादव, पब्लिक एफ.एमका स्थानिय संवादाता ईरान देवान, कार्यक्रम संयोजक लालबाबु सिंह, रेखा सिंह, संजय दास थारु लगायतकाको सहभागीता रहेको थियो ।

कार्यक्रमको सहजीकरण पब्लिक एफ.एमका समाचार प्रमुख संजय गुप्ताले गरेका थिए ।

सफा र स्वच्छ वातावरण बनाउन सबै जिम्मेवार बनौं

0

-बलिराम यादव-
वीरगंज ।
सफा र स्वच्छ वातावरण बनाउन सबै नागरिक जिम्मेवार हुनु पर्ने ‘‘वातावरण जिउने आधार’’ संस्थाले आग्रह गरेको छ ।  ‘‘सिर्सिया नदी सफाई’’ महाअभियान अन्तर्गत सिर्सिया नदीलाई फोहोरमुक्त बनाई सफा र स्वच्छ वातावरण बनाउनमा लाग्नु पर्ने आम नागरिकलाई आग्रह गरिएको छ ।

‘‘वातावरण जिउने आधार’’द्धारा आयोजित ‘‘सिर्सिया नदी सफाई’’ आठौं सातामा प्रवेश गर्दै आज वीरगंज महानगरपालिका वडा नं. १० बजरङ्ग टोलस्थित खाल्वाटोल सिरिसिया नदीमा सफाई गरिएको छ । नदी सफाई गर्दै नदीमा फोहोर नफाली सफा र स्वच्छ राख्न स्थानीयसंग आग्रह गरिएको थियो ।

सफा र स्वच्छ पानीको लागी नदीलाई फोहोरमुक्त बनाउन प्रत्येक हप्ता २÷२ घण्टा नारासहितको जनचेतना फैलाई वातावरण स्वच्छ बनाउने महाअभियानमा लागेको संस्थाका केन्द्रिय कोषाध्यक्ष रोशन पटेलले बताए ।

उनले वातावरणः जिउने आधार संस्था आशावादी रहेको बताउँदै सिर्सिया नदीलाई सफा र स्वच्छ बनाउने यस अभियानलाई सफल पार्न सहयोग गर्न आम नगारिकलाई अनुरोध गरे ।

विभिन्न उद्योग, कलकारखाना तथा घरबाट निस्केको फोहोरले सिर्सिया नदी दुषित भएको बताउँदै उनले नदीको दुषित पानीको कारण धार्मिक कार्य गर्न बाँधा, छालामा विभिन्न किसिमको रोग, नदीसंग जोडिएको गाउँमा प्रदुषण फैलिनु जस्ता अनेकौ समस्या आएकोले नदीलाई सफा र स्वच्छ राख्न सबै जिम्मेवार हुनु पर्ने उनले आग्रह गरे ।

सरसफाइ कार्यक्रममा वातावरणः जिउने आधार बारा,पर्सा र रौतहटका संयोजक आशुुुतोष चतुर्वेदी, वीरगंज महानगरपालीका वडा नं १० का वडा सदस्य, वीरगंज महानगरपालीका सफाईकर्मी, आदर्शनगर प्रहरी चौकी, बिर्ता वडा प्रहरी, जिल्ला ट्राफिक प्रहरी, जिल्ला प्रहरी, ग्रीन आर्मी, वर्ड युनाईटेड युवा कलबका अध्यक्ष शेष हजरा,वातावरणः जिउने आधार पर्साका कर्यकारी अध्यक्ष राजन गिरी, जिल्ला उपाध्यक्ष पवन पटेल,सचिव मुस्कान, प्रभाकर चौरसिया, मयंक गुप्ता लगायत स्थानीय भद्रभलाद्मीको सहभागीता रहेको थियो ।

 

कोरोना कहरमा किशोर/किशोरीको अवस्था र अभिभावकको भुमिका

0

-प्रकाश पाण्डे //

कोरोना भाइरसको महामारीले निम्त्याएको बन्दाबन्दीले गर्दा हामी सबैको दैनिक क्रियाकलाप प्रभावित हुन पुगे ।नेपालका दुबै छिमेकी मुलुक लगायत युरोप, अमेरिका र विकसित राष्ट्रको शक्ति, सन्तुलन र हैसियतलाई समेत नराम्रोसँग खल्बल्याई दिएको छ । कोरोना महामारीले मजदुर, किसान, दैनिक ज्यालादारीमा निर्भर असंगठित श्रमिक, न्यून वैतनिक कर्मचारी, बेरोजगार र विद्यार्थीको अवस्था आ–आफ्नै प्रकारले सब भन्दा बढी प्रभावित भएको छ । वयस्क र वृद्ध अवस्थाका मानिसको शारीरिक र मानसिक स्वास्थ्यका बारेमा चर्चा भए पनि किशोरा अवस्थाका व्यक्तिहरूका विषयमा कमै चासो हुने गरेकाे छ । किशोर/किशोरी उमेर गत हिसावले गर्दा घर परिवारमा पनि एक्लिएर बस्न रुचाउने भएकाले पनि त्यो उमेर समूहको समस्याका विषयमा कम चर्चा भएको हुन सक्छ । तर जीवनको एउटा अप्ठेरो मानसिक, शारीरिक र भावनात्मक उथलपुथल लिएर आउने समय भनेकै किशोरा अवस्था हो । अझ यो कोरोनाले उत्पन्न गरेको अत्यास लाग्दो अवस्थामा ती भावनात्मक उथलपुथल र एक्लोपनको मनोभावनाले उनीहरूको मानसिक अवस्थालाई अझ जटिल बनाउदै लगिरहेको हुन्छ।

किशोरावस्थामा पहिले भन्दा कम बोल्ने, एकोहोरो हुने, झर्कीफर्की बढी गर्ने र चाँडै रिसाउने गर्छन् । किशोर/किशोरीबाट अभिव्यक्त दिक्दारीहरूमा पनि समानता भेटिन्छ ।घरमा अभिभावकले निरन्तर पढ्भने र दिनेदबाब वा साथीहरूसँग भेट्न नपाउँदा कापी डाले ल्याएको दिक्दारी नै उनीहरूले अभिव्यक्त गरेका हुन्छन् ।बुझ्नु पर्ने कुरा के छ भने यी दिक्दारी मध्ये कतिपय तात्कालिन अवस्था र परिवेशले ल्याएको भावनात्मक बह मात्रै हो भने कतिपय चाहिँ मानसिक समस्याको संकेत हो । 

किशोरावस्थामा उत्पन्न मानसिक समस्याले जीवनभर पिरोल्ने सम्भावना धेरै हुन्छ, त्यसैले पनि यो प्रतिकूल परिस्थितिमा उनीहरूको मानसिक स्वास्थ्यलाई ध्यानमा राखेर उचित वातावरण बनाउने र त्यसै अनुरूप व्यवहार गरियो भने उनीहरू भविष्यका लागि थप सबल हुनेछन्, गुणस्तरीय जीवन बिताउन सक्षम हुनेछन् ।

किशोरावस्थामा प्राकृतिकरूप मै मानिस आफ्नै उमेर समूहमा साथीहरूसँग बढी हिमचिम गर्ने, विपरीत लिङ्गीप्रति आकर्षित हुने, विचार र भावनासाट्ने, आफ्नो पहिचान खोज्नेको काेसिस गरिरहेका हुन्छन् ।कोरोना महामारीले गर्दा उनीहरूको दैनिकी फेरि रहेको छ । विद्यालय वा कलेज जान पाएका छैन । जसले गर्दा साथीहरूसँग समय बिताउन पनि पाएका छैनन् । भने खेलकुद पनि छुटेको छ । विभिन्न खाले सम्बन्धमा रहेका विपरीत लिङ्गीसँगको कुराकानी कम भएका वा रोकिएका छन् । 

यस्तो अवस्थामा बालबालिकालाई झैं उनीहरूलाई जतिखेर पनि ध्यान दिइराख्नु पर्दैन तर अभिभावकहरूले उनीहरूको भावना, विचार र व्यवहारमा भने ध्यान दिनै पर्छ । केही समस्या देखिए त्यसलाई संवेदनशील तरिकाले सम्बोधन गर्न पनि उत्तिकै जरुरी छ । बन्दाबन्दीका कारण सिर्जित तनावमा उनीहरूले उचित मार्गनिर्देशन खोजिरहेका हुन्छन् । अभिभावकहरूले यो पक्षमा ध्यान दिन आवश्यक छ । अभिभावकले आफ्ना किशोरावस्थाका छोराछोरीका कुरा राम्ररी सुन्ने, चित्त नबुझेका कुरामा पनि तुरुन्तै प्रतिकूल प्रतिक्रिया नदिने र आफूलाई शान्त रूपमाप्रस्तुत गर्ने व्यवहारले उनीहरूलाई आफ्ना समस्या राख्न उत्प्रेरित गर्छ ।सानो कुरा नमिल्दा वा बिग्रँदा पनि निराश हुने वा रिसाउने किशोरावस्थाका भावहरू अभिभावकले बुझ्न सक्नु पर्छ र त्यसैगरी ग्रहण गर्न सक्नु पर्छ । यो अवस्थामा अभिभावकले साथीसँग कुराकानी गर्ने वातावरण, समय र गोपनीयताको विषयलाई पनि ख्याल गरिदिनुपर्छ र त्यसै किसिमको वातावरण बनाइदिनु पर्छ । अर्को भनेको यो उमेरमा उनीहरू निकै ऊर्जावान, सिर्जनात्मक र प्रयोग गर्न रुचाउने भएकाले विभिन्न चुनौतीपूर्ण काम गर्न प्रेरित गर्न सकिन्छ ।सिर्जनात्मक चुनौतीहरू समाधान गर्न खोज्ने प्राकृतिक व्यवहारका कारण उनीहरूलाई त्यस्ता काममा प्रेरित गर्न सकिन्छ ।समग्रमा भन्ने हो भने किशोरावस्थामा उत्पन्न मानसिक समस्याले जीवनभर पिरोल्ने सम्भावना धेरै हुन्छ । त्यसैले पनि यो प्रतिकूल परिस्थितिमा उनीहरूको मानसिक स्वास्थ्यलाई ध्यानमा राखेर उचित वातावरण बनाउने र त्यसै अनुरूप व्यवहार गरियो भने उनीहरू भविष्यका लागि थप सबल हुनेछन्, गुणस्तरीय जीवन बिताउन सक्षम हुनेछन् । हामीलेकिशोरावस्थाका छोरा/छोरीलाई दिने त्यो भन्दा राम्रो उपहार केही हुन सक्दैन ।

ऐश्वर्या रायको एउटा बानीलाई खराब बताउँछिन श्वेता बच्चन

0

एजेन्सी । श्वेता बच्चनले ‘कफी विद करन’ को एक एपिसोडमो बुहारी ऐश्वर्या राय बच्चनको एउटा बानीलाई खराब बताएकी छिन् ।

सन् २०१९ मा श्वेता बच्चन आफ्ना भाइ अभिषेक बच्चनसँग कार्यक्रममा उपस्थित भएकी थिइन् । दुबैले एक अर्काको काम, सहकर्मीसँगको सम्बन्ध, पारिवारिक विषयमा कुराकानी गरे ।

कार्यक्रमको र्यापिड फायर राउन्डमा करनले श्वेतालाई ऐश्वर्याको मननपर्ने एउटा बानीबारे सोधे । यसको जवाफमा उनले भनिन्, ‘उनी स्व निर्मित, साहसी र निडर महिला हुनुका साथै एक उत्कृष्ट आमा पनि हुन् । तर मलाई उनको एउटा बानी मनपर्दैन । उनी समयमा फोन फिर्ता गर्दिनन् । उनको समयको व्यवस्थापन राम्रो छैन ।’

त्यस्तै श्वेताको नजिकै बसिरहेका अभिषेक बच्चनलाई पनि त्यहि प्रश्न सोधियो । यसको जवाफमा अभिषेकले भने, ‘म ऐश्वर्यालाई प्रेम गर्छु किनभने उनले मलाई प्रेम गर्छिन् । तर उनी सामान प्याक गर्ने कुरामा असाध्यै खराब छिन् । यो कुरा मैले सहिरहेको छु ।’

यसका साथै उक्त कार्यक्रममा करन जोहरले अभिषेकलाई आमासँग डर लाग्छ कि श्रीमतीसँग भनेर पनि प्रश्न सोधे । प्रश्न भुइँमा खस्न नपाउँदै श्वेताले उत्तर दिइन्, ‘श्रीमतीसँग ।’

श्वेता बच्चन र ऐश्वर्या राय बच्चनबीच निकै राम्रो सम्बन्ध छ, यसमा कुनै शंका छैन । दुबैका लागि एक–अर्काको मनमा निकै इज्जत र प्रेम छ तर श्वेताको मनमा ऐश्वर्याका लागि एउटा गुनासो छ ।

अभिषेक र ऐश्वर्याको सन् २००७ मा विवाह भएको हो । यी दुईका आराध्या नामकी छोरी छिन् ।

 

बढ्दाे चिसाेबाट जाेगिन कम्बल वितरण

0

वीरगंज । बढदो चिसाेलाई ध्यानमा राखी आशा किरण केन्द्र बिरगंजले वृद्ध एवं असहाय परिवारहरुलाई कम्बल वितरण गरेकाे छ ।

बढ्दाे  चिसाेबाट जाेगिन वीरगंज महानगरपालिकाकाे वडा नम्बर ३१ का लक्षमिपुर मुसहर बस्ती र नैका टोलका दलित बास्ती, बेलवामा १३० थान कम्बल र बालबालिकाहरुको लागि बिस्कुट, चकलेट इत्यादि बितरण गरिएको आशा किरण केन्द्र वीरगंजका सचिव राजन श्रीवास्तवले वताए ।

वीरगंज महानगरपालिकाका मेयर बिजय कुमार सरावगीको प्रमुख आतिथ्यतामा भएकाे कार्यक्रममा न्यानाे कपडा वितरण गरिएकाे हाे ।

आशा किरण केन्द्रका अध्यक्ष सुनिल गुप्ताको सभापतित्वमा भएको कार्यक्रममा केन्द्रका सचिव राजन श्रीवास्तव, कोषाध्यक्ष सन्दिप मोहता, सदस्य डा.अशाेक दास, सुमिर कुमार, अनिल चौधरी, पिन्टु उपाध्याय, राधेश्याम गुप्ता लगायत स्थानीय बादिन्दाहरुको उपस्थिति रहेको थियो ।

एकासी बढेकाे चिसाेले बिशेष गरी गरिब, विपन्न परिवारकाे साथ साथै बृद्ध र बालबालिका बढी प्रभावित भएका छन् ।

सन् २०२१ को सुरुदेखि नै गरिब देशहरुले पनि खोप पाउँछन् : डब्ल्यूएचओ

0

विश्व स्वास्थ्य संगठन (डब्ल्यूएचओ)ले गरिब देशहरुले पनि छिट्टै कोरोना भाइरस विरुद्धको खोप पाउने जनाएको छ ।

नयाँ वर्ष सन् २०२१ को सुरुदेखि नै कोरोना विरुद्धको खोप पठाउन थालिने डब्ल्यूएचओले दाबी गरेको छ ।

सबै देशले कोरोना विरुद्धको खोप किनेर लैजान नसक्ने भन्दै डब्लुएचओले ती गरिब देशहरुमा पनि सन् २०२१ को सुरुदेखि नै खोप पठाइने उल्लेख छ ।

डब्ल्यूएचओका प्रमुख टेड्रोस अधानोम गेभ्रिएससले महामारीका बेला पनि गरिब देशलाई कोरोना विरुद्धको खोप उपलब्ध गराउने प्रयास भइरहेको बताएका छन् । उनले डब्ल्यूएचओ र साझेदार संस्थाहरुले कोभ्याक्सलगायतका खोप छिट्टै उपलब्ध हुनसक्ने बताएका हुन् ।

उनीहरुले सबैलाई पुग्नेगरी खोप बनाउने तयारी भइरहेको पनि जानकारी दिएका छन् । विश्व समुदायका लागि झण्डै दुई अर्ब मात्रा खोप सुरक्षित गर्न लागिएको स्वास्थ्य निकायका अधिकारीको भनाइ छ ।

पाेखरियामा पालिका स्तरिय क्रिकेट टुर्नामेन्ट प्रतियाेगिता सुरु

0

वीरगंज । पर्साकाे पाेखरिया नगरपालिकामा पालिका स्तरिय क्रिकेट टुर्नामेन्ट प्रतियाेगिता शुक्रबारदेखी सुरु भएकाे छ ।

पाेखरियास्थित शेरा फिल्डमा सुरु भएकाे प्रतियाेगिताकाे एक कार्यक्रमकाे बिच पाेखरिया नगरपालिकाका मेयर दिपनारायण राैनियारले उद्घाटन गरेका थिए । प्रतियाेगिताकाे उद्घाटन गर्दै मेयर राैनियारले भाैतिक विकाससंग संगै खेलकाे विकास पनि जरुरी रहेकाे वताए । 

पाेखरिया युवा समाजका अध्यक्ष भगवान दास तात्वाकाे अध्यक्षतामा भएकाे प्रतियाेगिता उद्घाटन समाराेहमा वडाध्यद्वय नन्दलाल पटेल, सुरेन्द्र यादव, जसपाका नेता नेजामुदिन सम्मानी, शंकर प्रसाद अहिर, विन्दाचल ठाकुर लगायतकाकाे सहभागिता रहेकाे थियाे ।

पाेखरिया युवा समाजका दिनेश मिश्राले स्वागत मन्तव्य राखेकाे उद्घाटन कार्यक्रमकाे संचालन युवा समाजका सुजित गिरीले गरेका थिए ।

उद्घाटन खेलमा आयाेजक पाेखरिया विजयी

पाेखरिया नगरपालिकाकाे सहयाेग र पाेखरिया युवा समाजकाे आयाेजनामा सुरु भएकाे प्रतियाेगिताकाे उद्घाटन खेलमा पाेखरिया नगरपालिका विजयी भएकाे छ । जगरनाथपुर गाउँपालिकालाई ७४ रनले हराउदै पाेखरिया नगरपालिकाकाे बाबा ११ क्रिकेट टिम विजयी भएकाे हाे ।

टच जितेर बैटीङ्ग राेजेकाे पाेखरियाले पुरै २० ओभर खेल्दै ९ विकेटकाे नाेक्सानीमा एक सय ५७ रन बनाउन सफल भएकाे थियाे ।

त्यसपछि एक सय ५८ रनकाे लक्ष्य पुरा गर्न जवाफी बैटिङ्गमा उत्रेकाे जगरनाथपुरले १६ ओभर खेल्दै पुरै विकेटकाे नाेक्सानीमा ८७ रन मै समेटिए पछि पाेखरिया विजयी भएकाे आयाेजक पाेखरिया युवा समाजका अध्यक्ष तात्वले वताए ।

शुक्रबार भएकाे पहिलाे दिनकाे खेलकाे म्यान अफ द म्याच ३४ रन बनाएका र २ विकेट लिएका पाेखिरयाका सेराजुल हवारी घाेषित भएका उनले जानकारी गराए ।

१५ दिन सम्म चल्ने प्रतियाेगिताकाे विजेता टिमलाई रु ८१ हजार र उप विजेता टिमलाई रु ४१ हजार पुरस्कार राशी प्रदान गरिने आयाेजकले जनाएकाे छ । प्रतियाेगितामा ८ वटा पालिका स्तरिय टिमकाे सहभागिता रहने छ ।