Date
शुक्र, मंसिर ४, २०८३
Fri, November 20, 2026
Home Blog Page 893

संसद विघटनको मुद्दामा सर्वोच्चले अन्तरिम आदेश दिएन

0

काठमाडौं । प्रतिनिधिसभा विघटनविरुद्ध परेको रिटमा सर्वोच्च अदालतले अन्तरिम आदेश दिन अस्वीकार गरेको छ । संसद विघटनविरुद्ध परेको १२ वटा रिटको बुधबार प्रधानन्यायाधीश चोलेन्द्रशम्शेर जबराको इजलासमा सुनुवाई भएको थियो ।

इजलासले सबै रिटहरु संवैधानिक इजलासबाट सुनुवाई गर्ने गरी पठाउन आदेश दिएका छन् । तर संसद विघटनको कदम रोक्ने गरी अन्तरिम आदेश दिन अस्वीकार गरे । अब यी सबै रिटमा शुक्रबार सं‌वैधानिक इजलासमा सुनुवाई हुनेछ ।

प्रधानमन्त्री केपी शर्मा ओलीले प्रतिनिधिसभा विघटन गर्न गरेको सिफारिस र राष्ट्रपति विद्यादेवी भण्डारीले गरेको स्वीकृति असंवैधानिक भन्दै सत्तारुढ नेपाल कम्युनिस्ट पार्टीका सां‌सदहरु देव गुरुङ, कृष्णभक्त पोखरेल, शशी श्रेष्ठ र रामकुमारी झाँक्रीसमेत रिट लिएर सर्वोच्च अदालत पुगेका थिए ।

बुधबार कञ्चनकृष्ण न्यौपाने, समृत खरेलसमेत, लोकेन्द्र केसीसमेत, ज्ञानेन्द्रराज आरणसमेत, शालिकराम सापकोटासमेत, कमलबहादुर खत्री, मनिराम उपाध्याय, दिनेश त्रिपाठी, अनिता गौतम पौडेलसमेत, दीपक राईसमेत, तुलसी शिंखडाले पनि रिट दायर गरेका थिए ।

सबैजसो रिटमा संसद विघटन गर्ने प्रधानमन्त्री र राष्ट्रपतिको कदम बदर गर्न माग गरिएको छ र मुद्धाको किनारा नलाग्दासम्म संसद सञ्चालनको अन्तरिम आदेश दिन माग गरेका थिए ।

संसद विघटन बिरुद्ध वीरगंजमा जसपाको प्रदर्शन

0

वीरगंज । प्रतिनिधी सभा विघटनको विरुद्धमा वीरगंजमा जनता समाजवादी पार्टी (जसपा)ले बिरोध प्रदर्शन गरेको छ ।

जसपाको केन्द्रिय कमिटिद्वारा घाेषित आन्दाेलनकाे कार्यक्रम अन्तर्गत पर्साको सदरमुकाम वीरगंजमा पनि संसद विघटन बिरुद्ध  प्रदर्शन भएकाे हाे ।

वीरगंजको घन्टाघर चोकबाट निस्केकाे बिराेध जुलुश माइस्थान, महाविरस्थान, आदर्शनगर, घडिअर्वा र पुन: माइस्थान हुदै नगर परिक्रममा गरी घण्टाघरमा पुगी काेण सभामा परिणत भएकाे थियाे । विराेध जुलुशमा सहभागि जसपाका नेता तथा कार्यकर्ताहरूले असंवैधानिक र अलोकतान्त्रिक कदम खारेज गर, वीर सहिद अमर रहुन, निरंकुश प्रधानमन्त्री मूर्दावाद, संघीय लोकतान्त्रिक गणतन्त्र जिन्दावाद, सांसद रेशम चौधरीलगायतका राजबन्दीहरू रिहा गर, झूठो मुद्दा खारेज गर, जसपा नेपाल जिन्दावाद लगायतका नारासहित प्रदर्शन गरेका थिए ।

काेण सभामा वाेल्ने वक्ताहरुले असंबैधानिक र अलोकतान्त्रिक ढङ्गले संसद विघटन गरीएकाेले पुर्नस्थापनाकाे माग गरेका थिए ।

लामो समयको संघर्ष र क्यौं पटकको आन्दोलनले बलिदानी दिएर जनताले ल्याएको लोकतन्त्र र संविधानमाथि प्रधानमन्त्री ओलीको प्रहार कदापी सहन हुन नसक्ने बक्ताहरुकाे भनाई थियाे ।

प्रदर्शन कार्यक्रममा प्रतिनिधि सभा सदस्य प्रदिप यादव, हरिनारयण रौनियार, प्रदेश सांसद रमेश कुर्मी, करिमा बेग्म, जन्नत अन्सारी, वीरगंज महानगरपालिकाका मेयर विजय सरावगी, जिल्ला समन्वय समितिका पर्साका प्रमुख नेकमहमद अन्सारी, नेता शिव पटेल, राजेशमान सिंह, नेजामुदिन सम्मानी, रामनरेश यादव, जगदिश पटेल तबरेज अहमद, ओमप्रकाश सर्राफ, मुकेश द्विवेदी लगायत संयौ नेता तथा कायकर्ताहरुको सहभागिता रहेको थियो ।

मर्मत सम्पन्न धर्मशालाको सांसद यादवद्धारा उद्घाटन

0

वीरगंज । वीरगंजको मुख्य सडकमा लामो समयदेखि जिर्ण अवस्थामा रहेको धर्मशालाको ममर्तको काम सम्पन्न भएको छ ।

वीरगंज महानगरपालिका वडा नम्बर ११ को मुख्य सडकस्थित नुनिया टोल जिर्ण बनिसकेको शिव मन्दिर तथा धर्मशालाको पर्सा क्षेत्र नम्बर १ का संघीय सदस्य प्रदीप यादवको संसदीय कोषको रकमबाट ममर्त सम्भारको कार्य सम्पन्न भएको हो ।

मर्मत सम्पन्न धर्मशालाको सांसद् यादवले बुधबार एक कार्यक्रम बीच उद्घाटन गरेका थिए । सांसद् यादवले आफ्नो संसदीय कोषको ६ लाख रुपैयाँ रकमबाट दुई पटकमा धर्मशाला मर्मत हुन् ।

वडामा हुने विवाहदेखि अन्य धार्मिक र सांस्कृतिक कार्यकमहरु समेतका लागि पर्योग हुने धर्मशाला जिर्ण हुँदा स्थानीयहरु चर्को पैसा तिरेर अन्य स्थानमा कार्यक्रमहरु गर्न बाध्य थिए । तर सांसद यादवको संसदीय कोषको रकमबाट उक्त धर्मशालाको निर्माण कार्य सम्पन्न भएपछि स्थानीय हर्षित भएका छन् ।

उद्घाटन कार्यक्रममा बोल्दै सांसद् यादवले धर्मशाला निर्माण पछि टोलमा हुने स–साना धार्मिक र पारिवारिक कार्यक्रम गर्न स्थानीयहरुलाई सहज हुने विश्वास व्यक्त गरे ।

’वडाका गरिव जनताले महँगो रकम तिरेर होटल र पार्टी पैलेसमा आफ्नो छोरा(छोरीको विवाह गराउँन सक्दैनन्,’ सांसद् यादवले भने, ’त्यसैले सबै स्थानीयहरुको सुविधाका लागि सस्तो दरमा उपलब्ध हुने धर्मशालाको आवश्यकता देखेर यस्तो मर्मत गराएको हुँ । धनिदेखि गरिव सबैलाई आफ्नो वैवाहिक र धार्मिक कार्यक्रम गराउँन अब सहज हुन्छ ।’

जसपाका केन्द्रीय सदस्य समेत रहेका सांसद् यादवको प्रमुख आतिथ्यमा आयोजित कार्यक्रममा स्थानीय नेता सत्यनारयण नुनिया, विनोद साह कानु, सुशील कुमार, विकास कुमार, सन्दीप महतो, युवा नेता रुपक पटेललगायतको उपस्थिति रहेको थियो ।

स्थानीय कुंभकरणहरुका कारण पर्सामा गरिब चिसोबाट प्रभावित

0

वीरगंज ।  बिगत एक हप्ता देखी बढेको अत्यधिक हुस्सो र चिसोका कराण गरीब, असहाय, तथा दलित र सर्बसाधारण चिसोबाट प्रभावित भईरहदा पर्साको १४ वटा स्थानिय तहले कानमा तेल हाली कुंभकर्ण जस्तो सुतेको स्थानियहरु आरोप लगाएका छन ।

नेपाल सरकारले स्थानियहरुको अबिलम्ब पिरमर्का बुझन स्थानिय सरकारलाई सम्मपुर्ण अधिकार सम्पन जिम्मेवारी दि सिंहदरबार स्थानिय स्तरमा आए पनि जानीबुझी पर्साका जनप्रतिनिधीहरुले गरीब, असहाय सित गैरजिम्मेवारी क्रियाकलाप देखाएको स्थानियवासीहरुको आरोप छ ।

बढदै गएको चिसो मौसममा कम्तीमा जिल्ला बन कार्यालय पर्सा सित समन्वय गरी चौक चौकमा सर्वसाधारणका लागी आगो ताप्न ब्यवस्थापन गर्नुको साटो आआफनो कार्यालयमा नगई घरमा हिटर जलाएर आराम गरिहरहेको स्थानियहरु सिकायत गरेका छन ।

५० प्रतिशत घरदुरी गरीब घरदुरी, दलित, एकल महिला, गरीब बालबालिकाहरुलाई जाडो मौसमको कपडाहरु पनि जनप्रतिनिधीहरुले बितरण गरिदिनु पर्ने पर्साका बुद्धजीवीहरु बताएका छन ।

बढेको चिसोका कारण केही समाजसेवीहरुले पर्सामा आफनो ब्यक्तिगत खर्चबाट कटौती गरी सर्बसाधारणलाई न्यानो कपडा दिए पनि जनप्रतिनिधीहरुले ती असहायहरुका लागी अहिले सम्म कुनै पालिकाहरुमा केही पनि गर्ननसकेको जनाईएको छ ।

हुस्सो र चिसोको मौका छोपी पर्सामा प्रहरीकै मिलोमतोमा भारततर्फ काठ तस्करी

0

वीरगंज । पर्साको उतरी भेगको जंगलबाट प्रहरीप्रशासनको मिलोमतोमा दक्षिणी सिमावर्ती गाउ लगायत भारतको सिमावर्ती गाउ सम्म दाउरा र काठको गोलाई तस्करी मार्फत पुग्ने गरेको प्रत्यक्षदर्शीहरुले बताएका छन ।

केही दिन देखी बढेको हुस्सो र चिसोको मौकाको फाईदा उठाउदै काठ तस्करहरुले साईकल र मोटारसाईकलमा भारतको सिमावर्ती गाउ ईनार्वा, मैनाटाड, बलथर सम्म पुरयाउने गरेको स्थानियहरु बताएका छन ।

पर्साको उतरी भेग रंगपुर, बसनपुर, गादी, सबैया लगायतका रेन्जपोष्टबाट निकासी भई प्रहरीप्रशासनलाई मिलाउदै नेपालको सिमावर्ती गाउ लगायत भारतीय सिमावर्ती गाउ सम्म पुग्ने गरेको हो ।

त्यती मात्र होईन काच्चो काठको गोेलाईलाई दाउरा बनाई संचालित रक्सीभटठीहरुमा पनि काठ तस्करहरुले दिने गरेको सा्रेतले जनाएको छ । सखुवा र सतशाल नामक काठका गोलाईहरु साईकलमा र मोटरसाईकलमा लोड गरी निकासी भईरहेको उतरी भेगका स्थानियहरु बताएका छन ।

रातदिन आफनो कार्यक्षेत्रमा डयुटी प्रहरी र रेन्जपोष्टका कर्मचारीहरु खटिरहदा पनि बिना मिलोमतो निकासी हुननसक्ने जनाईएको छ । यस बिषयमा सम्बन्धीत निकायले गम्भीर नभए जंगलको बिनास निश्चित देखिएको छ ।

बिगत २ दशक अगाडी आमसर्बसाधारणले ती जंगलहरुबाट टायरगाडाहरुमा दाउरा ल्याई आफना चुल्हाचौका चलाउथे र घर निमार्णका लागी पनि काठहरु सितैमा प्रयोग गर्न पाउथे तर अब दाउरा तथा घर बनाउने काठ खरिद गर्न खोज्दा पनि काठहरु खरिद नपार्ईएको पोखरीया नगरपालिका वडान्मबर ३ बसनपुर निवासी राजु साहले बताएका छन ।

पोखरीयामा महिलाहरुलाई शारीरिक सरसफाई सामाग्री वितरण

0

वीरगंज । नेपाल रेडक्रस सोसाईटी पर्सा शाखाद्धारा कोरोनाबाट प्रभावित भएका घरका महिलाहरुलाई शारीरिक सरसफाई सामग्री हस्तानान्तरण गरिएको छ ।

नेपाल रेडक्रस सोसाइटी पर्सा  शाखाद्वारा संचालित कोभिड–१९ wash पुर्वतयारी तथा प्रतिकार्य कार्यक्रम अन्तर्गत आज पर्साको पोखरिया नगरपालिकामा ५० सेट सामग्री वितरण गरिएको छ ।

नेपाल रेडक्रस सोसाईटी पोखरिया उप–शाखाका सभापति भगवान प्रसाद कुर्मीको सभापतित्वमा भएको सम्पन्न भएको थियो ।

कार्यक्रममा प्रमुख अतिथि पोखरिया नगरपालिकाका मेयर दिपनारायण रौनियार, विशिष्ट अतिथि दयाशंकर सिंह, कार्यक्रम अधिकृत संजय यादव, समाजिक परिचालक आकाश चौरसियाा लगायत स्थानीयहरुको रोहबरमा सो सामग्री वितरण गरिएको रेडक्रस सोसाई पर्साका राजन श्रीवास्तले जानकारी गराए ।

 

बाबा ११ पाेखरिया सेमिफाइनलमा

0

वीरगंज । पर्साकाे पाेखरियामा जारी पालिका स्तरिय टि२० क्रिकेट टुर्नामेन्ट प्रतियाेगिताकाे सेमिफाइनलमा पाेखरिया नगरपालिकाकाे बाबा ११ क्रिकेट टिम प्रबेश गरेकाे छ ।

पाेखरिया नगरपालिकाकाे सहयाेग र पाेखरिया युवा समाजकाे आयाेजनामा जारी प्रतियाेगितामा छिपहरमाई गाउँपालिकालाई ९० रनले हराउँदै पोखरिया नगरपालिकाकाे बाबा ११ क्रिकेट टिम सेमिफाइनलमा प्रबेश गरेकाे हाे ।

ट्च हारेर बैटिङ गरेकाे पोखरिया नगरपालिकाकाे बाबा ११ ले पुरै २० ओवर खेल्दै ३ विकेटको छतिमा २३६ रन बनाएको थियाे । २३७ रनकाे लक्ष्य पुरा गर्न जवाफी बैटिङमा उत्रेकाे छिपहरमाई गाउँपालिकाले सबै बिकेटकाे नाेक्सानीमा १४७ रन मै समेटिए पछि पाेखरिया विजयी घाेषित भएकाे थियाे ।

मंगलबार भएकाे खेलकाे म्यान अफ द म्याच ३७ बलमा सतक बनाएका पोखारियाका बिकास दास घाेषित भएकाे आयाेजक पाेखरिया युवा समाजका अध्यक्ष भगवान दासले वताए ।

पाेखरियाकाे शेरा फिल्डमा भइरहेकाे प्रतियाेगिताकाे विजेताले रु ८१ हजार र उप विजेताले रु ४१ हजार पुरस्कार पाउने छन् ।

पर्साका ७ जना नेता नेकपाको केन्द्रीय सदस्यमा मनोनीत

0

वीरगञ्ज । नेकपाको बालुवाटारमा भएको केन्द्रीय समितिको बैठकले पर्साका ७ जना नेताहरुलाई केन्द्रीय सदस्यमा मनोनित गरेको छ ।
नेकपामा केन्द्रीय सदस्यको रुपमा प्रतिनिधित्व गर्ने निर्मला देवकोटा केपी ओलीले नेतृत्व गरेको कमिटीमा छिन ।

त्यस्तै उर्मिला अर्याल, नागेन्द्र चौधरी र रामचन्द्र साह प्रचण्ड नेपाल समुहमा रहेका छन् ।

बालुवाटारमा भएको बैठकले नेकपाका पर्सा अध्यक्ष प्रभू हजरालाई पार्टीको केन्द्रीय सदस्यमा मनोनयन गरेको छ । त्यसैगरि संविधान सभाका सदस्य प्रदुम्न चौहान, राजकुमार गुप्ता, जयप्रकाश थारु, डा।

बिश्वम्भर शर्मा, बसरुदिन अन्सारी र बिना शर्मालाई पनि केन्द्रीय सदस्यमा मनोनयन गरेको पार्टीका जिल्ला अध्यक्ष प्रभू हजराले जानकारी दिए ।

‘अघि बढ केपी बा’ भन्दै जनकपुरमा ओलीको समर्थनमा मोटरसाइकल र्‍याली

0

जनकपुरधाम । प्रधानमन्त्री केपी शर्मा ओलीको पक्षमा मंगलबार जनकपुरधाममा मोटरसाइकल र्‍याली प्रदर्शन भएको छ ।

नेकपाका नेता महेश बस्नेतको अगुवाईमा भएको मोटरसाइकल र्‍यालीका सहभागीले ‘अघि बढ केपी बा, साथ दिन तयार छौं, केपी ओली जिन्दावाद’ जस्ता नारा लगाएका थिए ।

जनकपुरधामको मुजेलिया नजिकबाट निकालिएको मोटरसाइकल र्‍याली नगरको विभिन्न भाग परिक्रमा गर्दै जनक चोकमा गएर टुँगिएको छ ।

प्रधानमन्त्री ओलीले संसद विघटन गरेको कदमलाई सही भन्दै उनीहरुले समर्थनमा प्रदर्शन गरेका हुन् । जनकपुरमा मंगलबार नै नेता बस्नेतले पार्टीका युवाहरुलाई सम्बोधन गर्ने कार्यक्रम पनि छ ।

दुई भोजपुरी फिल्ममा शिल्पा पोखरेल, नेपालकी ‘सुपर स्टार’ भन्दै दिइयो शुभकामना

0

काठमाडौं । अभिनेत्री शिल्पा पोखरेल भोजपुरी फिल्ममा अभिनय गर्दैछिन्। फिल्महरू ‘जय शम्भुु र ुप्रेम गीत २ुमा उनको अभिनय रहने भएको हो।

मंगलवार उनको जन्मदिन। आजबाट २७ वर्षकी भइन्। नेपाली फिल्म एवं म्युजिक भिडियोहरूमा काम गरेकी उनले यसै वर्ष भोजपुरी फिल्म उद्योगमा डेब्यु गर्न लागेकी हुन्। त्यसैले यस वर्ष जन्मदिनमा भोजपुरी फिल्मकर्मीले समेत उनलाई शुभकामना दिइरहेका छन्।

भोजपुरी मनोरञ्जन उद्योगको कम्पनी वर्ल्डवाइड रेकर्ड्स भोजपुरीले उनलाई नेपालको ुसुपर स्टारु भएको जनाउँदै शुभकामना व्यक्त गरेको छ।