Date
शुक्र, मंसिर ४, २०८३
Fri, November 20, 2026

संसद विघटन बिरुद्ध पर्सामा कांग्रेसद्वारा बिरोध प्रदर्शन तथा सभा

spot_img
spot_img

वीरगंज । प्रतिनिधि सभा विघटनको विरुद्ध नेपाली कांग्रेस पर्साको क्षेत्र नं. ४ काे आयाेजनामा धाेबिनी गाउँपालिकाकाे लंगडीमा विरोध सभा सम्पन्न भएको छ ।

विरोध सभालाई सम्बोधन गर्दै नेपाली कांग्रेसका केन्द्रिय सदस्य रमेश रिजालले संसद विघटन गरेर प्रधानमन्त्री ओलीले संविधानको खिली उडाएको बताए । उनले संविधान विघटन असंवैधानिक भएको वताउदै चुनावसंग कहिले कांग्रेस नडराउन पार्टी भएकाे बताए ।

क्षेत्रिय सभापति रमेश पाण्डेको सभापतित्वमा भएको बिराेध सभामा प्रदेश सभा सदस्य शंकर चौधरी, महासमिति सदस्य बशिष्ठनारायण कुर्मी, बृहस्पति श्रेष्ठ, पर्सा जिल्ला सचिव किशोरी साह, जिल्ला सदस्य नविन सिंह, क्षेत्रिय सचिव श्रीकान्त यादव, बलिष्टर अहमद, नेता राजिन्द्र कुर्मी, नसुरलाह मियाँ, रामेश्वर महतो लगायतकाले मन्तव्य राखेका थिए ।

बिरोध सभामा क्षेत्र अन्तर्गतका सबै पालिकाहरुको नेता तथा कार्यकर्ताहरुको सहभागिता रहेको थियो ।

यस्तै नेपाली कांग्रेस पर्सा क्षेत्र नं.२, काे आयाेजनामा बहुदरमाई नगरपालिकाकाे डकैला बहुअरीमा बिराेध सभा सम्पन्न भएकाे छ ।
 
क्षेत्रीय कार्य समितिकाे सभापति गम्भीरा साहकाे अध्यक्षता र नेपाली कांग्रेसका केन्द्रीय सदस्य अजय कुमार चाैरसियाकाे प्रमुख आतिथ्यमा भएकाे बिराेध सभामा नेपाली कांग्रेस पर्साका पूर्व सभापति राजेन्द्र बहादुर अमात्य, प्रदेश सभासदस्यद्वय राजेश्वर साह, ओम प्रकाश शर्मा, नेता हरेन्द्र सिंह, श्याम पाेखरेल, उपसभापति दिना गुप्ता, सचिव श्याम पटेल, सहसचिव राेशन लामिछाने, पर्सागढि नगरपालिकाका मेयर लाेकनारायण यादव, उपमेयर अर्चना चाैधरी,  बहुदरामाई नगरपालिकाका मेयर नितेन्द साह लगायतकाले मन्तव्य राखेका थिए । 
 
साे विराेध सभामा क्षेत्र नं.२ अन्तर्गतका सम्पूर्ण नेता तथा कार्यकर्ताहरुकाे उपस्थिति रहेको थियाे ।

यस्तै पर्सा क्षेत्र नं.१ काे आयाेजनामा संसद विघटनकाे बिरुद्ध वीरगंजमा प्रदर्शन तथा काेण सभा सम्पन्न भएकाे छ ।

वीरगंजकाे घण्टाघरबाट निस्केकाे विराेध जुलुश माइटस्था, महाविरस्थान, आदर्शनगर, घडिअर्वा हुदै पुन: घण्टाघरमा पुगी काेण सभामा परिणत भएकाे थियाे ।

काे सभालाई सम्बोधन गर्दै वक्ताहरुले नेकपाले मुलुकलाई भ्रष्टाचारको दलदलमा धकेली लोकतन्त्र समाप्त पार्न खेलमा लागेको आरोप लगाए । ५ वर्षसम्म स्थिर सरकार चलाउन जनताले नेकपालाई दुई तिहाई बहुमत दिए पनि मुलुकको विकासभन्दा नेताहरु आफ्नै विकास गर्न सरकारको ढुकुटी खाली गर्दै असंवैधानिक तरिकाले संसद विघटन गरी लोकतन्त्रलाई समाप्त पार्ने षडयन्त्र गरिरहेको वक्ताहरुकाे भनाई थियाे ।

‘‘हामी लोकतन्त्रवादी हौ । अदालतको फैसलालाई कांग्रेसले स्वीकार्य गर्छ ।’, वक्ताहरुले भने, ‘‘हामी चुनावमा जान पनि तैयार छौ । तर  असंवैधानिक तरिकाले जनताले दिएको जनादेशलाई लत्याएर संसद विघटन आफूहरु कदापी स्वीकार्य गर्दैनौ ।’’

कोणसभामा नेपाली कांग्रेसका जिल्ला सभापति अजय दुवेदी, पूर्व सांसद अनिल रुङ्गटा, वीरगंज महानगरपालिकाकी उप–प्रमुख शान्ति कार्की, महिला नेतृ किरण सरकार, शुष्मा तिवारी दुवेदी, नेता अरविन्द गुप्ता, युवा नेता दिलिप राज कार्की, सुधिर पटेल लगायतले मन्तव्य व्यक्त गरेका थिए ।

यस्तै पर्सा क्षेत्र नम्बर ३ मा पनि नेपाली कांग्रेसकाे विराेध सभा सम्पन्न भएकाे छ । पाेखिरियामा भएकाे बिराेध सभालाई नेपाली कांग्रेस पूर्व केन्द्रीय सदस्य सुरेन्द्र चौधरी लगायतकाले सम्बाेधन गरेका थिए ।

spot_img

ताजा अपडेट

spot_img
spot_img
spot_img

थप समाचार

वीरगंज–२७ कुहँडीमा दलित समुदाय त्रसित, घर तोडफोडदेखि खानेपानीको पाइप काट्नेसम्मका घटना

वीरगंज । वीरगंज महानगरपालिका वडा नं. २७ कुहँडीमा एक समूहको गतिविधिका कारण दलित समुदायका स्थानीय बासिन्दा त्रसित बनेका छन् । छठ पर्वको अन्तिम दिन...

पत्रकार सिंहमाथि आक्रमण, दोषीलाई कारबाही गर्न प्रेस चौतारीको माग

वीरगंज । पर्साको वीरगंज महानगरपालिका–१५ भेडियाहीमा दैनिक जागरण पत्रिकाका सम्पादक एवं प्रेस चौतारी नेपाल पर्साका सदस्य राजन कुमार सिंहमाथि कुटपिट भएको घटनाप्रति प्रेस चौतारी...

बालविवाह रोक्न पटेर्वा सुगौलीमा विवाहपूर्व उमेर प्रमाणीकरण अनिवार्य

वीरगंज । पर्साको पटेर्वा सुगौली गाउँपालिकामा बालविवाह रोकथामका लागि लागू गरिएको विवाहपूर्व उमेर प्रमाणीकरण तथा सिफारिस प्रणालीको प्रभावकारी कार्यान्वयनका विषयमा अन्तरक्रिया कार्यक्रम सम्पन्न भएको...