Date
शुक्र, मंसिर ४, २०८३
Fri, November 20, 2026
Home Blog Page 887

ताजा जनादेशको नाममा केपीतन्त्र लाद्ने खेल हुँदैछ : नेता शशीकपुर मियाँ

0

राजा महेन्द्रले २०१७ पुष ३ गते गरेको ‘कु’ कै शैलीमा वर्तमान प्रधानमन्त्री केपी ओलीले संसद विघटन गरी ‘कु’ गरेको जनता समाजवादी पार्टीका नेता शशिकपुर मियाँको आरोप छ । उनका अनुसार राजा महेन्द्रले पुष ३ गते र ओलीले पुष ५ गते ‘कु’ गरेको यति मात्रै फरक छ । एकात्मक प्रणाली र एकात्मक सोचले मुलुकलाई प्रधानमन्त्रीले लगिरहेको अवस्थामा मुलुकले धेरै ठुलो नोक्सान उठाउने खतरा देखिएको उनको ठहर छ । जसपाका प्रभावशाली युवा नेता एंव केन्द्रिय सदस्य समेत रहेका उनै शशिकपुरसंग संसद विघटन लगायतका विषय बारे बलिराम यादवले गरेको कुराकानीको सम्पादित अंश ।

१. प्रधानमन्त्रीको सिफारिसमा राष्ट्रपतिले संसद विघटन गरी मध्यावती निर्वाचन घोषणा गर्नुलाई यहाँले कुन रुपमा लिनुहुन्छ ?
संविधानमा व्यवस्था नभएको दफा उल्लेख गरी वर्तमान प्रधानमन्त्रीले संसद विघटन गर्ने प्रस्ताव राष्ट्रपतिले तुरुन्तै सिफारिस गर्नु अलोकतान्त्रिक, गैर संवैधानिक र निरञ्कुश लाद्ने खेल भएको छ । तसर्थः संविधानमा व्यवस्था नै नभएको दफालाई टेकेर संसद विघटन गर्नु असंवैधानिक, अलोकतान्त्रिक र गैर जिम्मेवरी भएको हाम्रो ठहर छ ।

२. राष्ट्रपतिले संसद विघटनको सिफारिस रोक्नु पथ्र्याै भने कतिपयको मत देखिन्छ । कार्यकारी अधिकार नभएको राष्ट्रपतिलाई सरकारको सिफारिस रोक्ने अधिकार छ ?
सरकारले विधि प्रकृया र संविधान विपरित गर्ने कामलाई राष्ट्रपतिले रोक्नु पर्थयाे । राष्ट्रपति संविधानको रक्षक हो । तर अहिले रक्षक नै भक्षक भएको देखिन्छ । प्रधानमन्त्रीले संबिधानको धारा ७६ प्रयोग गरेर संसद विघटन गर्नु अहिलेको संविधानले अधिकार दिएको छैन् । यो कुरा राष्ट्रपतिले कानुन बिद्धलाई बोलाएर राय सल्लाह लिई प्रधानमन्त्रीलाई संसद विघटन गर्ने अधिकार नभएकोले उक्त प्रस्ताव रोकेर फिर्ता गर्नु पथ्र्याै । तर संसद विघटन प्रस्ताव पास गरेर प्रधानमन्त्रीभन्दा बढि राष्ट्रपति दोषी देख्नु भएको छ ।

३. संसद विघटन भई मध्यावधी निर्वाचन घोषणाको भोली पल्टबाटै तपाईहरु सडकमा उत्रिनु भयो । संसद विघटन गर्ने केही संवैधानिक अधिकार होला नि ?
नेपाली जनताले के बुझ्नु प¥यो भन्दा खेरी नेकपाको दुई तिहाई बहुमतबाट प्रधानमन्त्री ओली नेतृत्वको सरकार थियो । अब कुन अवस्थामा संसद विघटन गरियो त ? वहाँको पार्टीभित्रै किचलो भयो, घरभित्रै आगो लाग्यो अनि त्यो आगो सडकमा ल्याउने खेल र नेपाली जनतालाई ‘कु’ गर्ने जुन खेल खेली अन्य राजनिती दलमाथि पनि जुन ‘कु’ गर्नुभयो त्यसले गर्दा प्रतिनिधी सभा भङ्ग गर्ने अधिकार प्रधानमन्त्रीलाई छैन् । किन भने नेकपा अर्थात प्रधानमन्त्रीको घरका्े झगडा नेपाली जनतामाथि थुपार्नु ठिक होईन । राजा महेन्द्रले २०१७ पुष ३ गते गरेको ‘कु’ कै शैलीमा प्रधानमन्त्री ओलीले पनि ‘कु’ गर्नु भएको छ । राज महेन्द्रले पुष ३ गते गर्नु भयो र ओलीले पुष ५ गते गर्नुभयो । यति मात्रै फरक छ । तसर्थः अहिलेसम्म नेपाली जनताले आफ्नो अधिकारका निमित मधेश बिद्रोह गरे, प्रजान्तत्र र गणतन्त्रको लागी पनि आन्दोलन भयो । नेपाली जनताको रगत र पसिनाले जुन उपलब्धी भयो, मधेश जनविद्रोहबाट जुन संघीयता स्थापित भएको छ, त्यो सारा उपलब्धीलाई गुमाउने खतरा देखिएको छ । नेकपको आपसी लडाईमा कांग्रेस पनि साक्षी देखिएको छ । तथर्सः लामो समयको संघर्ष र क्यौं मधेशी पुत्रहरुले दिएको रगतको बलिदानी र सहादतबाट प्राप्त भएको संघीयतालाई समाप्त पार्न केपी ओलीदेखी प्रचण्ड, नेपाल र कांग्रेसका नेताहरु लागेका छन् ।
त्यसकारण संसद विघटन भएको भोली पल्टबाटै जनता समाजवादी पार्टी सडकमा उत्रेको हो र अझै पनि शसक्त ढङ्गले संसद विघटन बिरुद्ध सडकमा उत्रेर कडा प्रतिकार गर्छाै । अहिले नेपालको ७७ वटै जिल्लामा केन्द्रिय तहका नेताहरु गएर जनतालाई जागरण गराउने अभियान अन्तर्गत एउटा आन्दोलन थालेका छौ ।

४‍. राजा ल्याउन पनि देशको विभिन्न ठाउँमा प्रदर्शन हुँदै आएको छ । त्यसबिच एक्कासी संसद विघटन हुनुमा राजतन्त्र पुनः बहाली हुने त होईन नि होला ?
संसद विघटन हुनुभन्दा १ महिना अगाडीदेखी नै विभिन्न जिल्लामा राजावादीहरुको जुलुश निस्केको हो । तर प्रतिनिधी सभा विघटन भएपछि राजावादीहरुको बिरोध र जुलुश रुकिएको छ । त्यसले गर्दा गण्तन्त्र र संघीयता समाप्त पार्नको लागी त्यस्तो हुन पनि सक्छ । प्रधानमन्त्री ओली राजासंग मिलेर लोकतन्त्र र संघीयतालाई समाप्त पर्ने खेल पनि गरेको हुन सक्ने हामीले आंकलन गरेका छौ ।

५. प्रधानमन्त्री ओलीले सम्पूर्ण ध्यान निर्वाचनमा केन्द्रित गर्न आह्वान गरेका छन् । प्रधानमन्त्रीले भने अनुसार चुनावमा गएर ताजा जनादेश लिदाँ के फरक पर्ला ?
जसपा चुनावबाट भाग्न खोजेको होईन । कुनै पनि देश विधि र प्रकृयाबाट चल्ने हो । प्रधानमन्त्री जस्तो गरिमा पदमा बसेको व्यक्तिले विधि, प्रकृया र संविधान मास्न खोज्ने हो भने देशमा कसरी चुनाव हुने ? हामीले संविधान मानेका छैनौं । संविधान बनेदेखी नै हामीले फरक मत राख्दै आएको छौ । नेपाली जनताले नेकपालाई पाँच वर्ष स्थायी सरकार चलाई देश बचाउन बहुमत दिएका थिए । तर दुई वर्षको कार्यकाल अहिले बाँकी नै छ, देश कोरोनाबाट मुक्त हुन सकेको छैन् । बेरोजगारी समस्या उत्पन्न भएर मुलुक अहिले संकटकालिन अवस्थामा पुगेको छ । अनि यसैबिच कसरी चुनाव गराउने ? प्रधानमन्त्री ओलीको बैशाखमा चुनाव गराउने नियत पनि देखिएन् । किन भने प्रधानमन्त्रीले सर्वबोच्च अदालतदेखी अख्तियारसम्म सबै संवैधानिक निकायमा आफ्नै कार्यकर्ता भरेर मुलुकमा चुनाव गराउने नियत देखिएको छैन् । अतः एकात्मक प्रणाली र एकात्मक सोचले मुलुकलाई प्रधानमन्त्रीले लगिरहेको अवस्थामा मुलुकले धेरै ठुलो नोक्सान उठाउने खतरा देखिएको छ । तसर्थः नेकपाले आफ्नै पार्टीभित्र सत्ताको लोभमा लडाई गर्ने ? अनि जनता चाही भोखमरीले मर्दैछन्, औषधी नपाएर मर्दैछन्, शितलहरमा कपडा नपाएर मर्दैछन्, युवाहरु जागिर नपाएर आत्म हत्या गरि मर्दैछन् र महंगाई पनि बढ्यो । यी सबै मारमा जनता अहिले पिडित छन् । अनि त्यसैमा ताजा जनादेशमा जानु देशको लागी दुर्भाग्य हो । प्रधानमन्त्री केपी शर्मा ओलीले ताजा जनादेशको नाममा केपी तन्त्र लाद्ने खेल खेल्दैछन् । तसर्थः हामी चुनावबाट पछि हटेको होईन । जनताले मधेश आन्दोलनमा रक्तको बलिदान दिई ल्याएको उपलब्धी संघीय लोकतान्त्रिक गणतन्त्रलाई केपी ओलीले समाप्त पार्ने खेल खेलिरहेका छन् । त्यसैको बिरुद्धमा हामी सडक आन्दोलनमा छौ ।

६‍. संसद विघटन सम्बन्धमा सर्बाेच्च अदालतमा परेकाे मुद्दा बिचारधिन छ । अदालतले संसद पुर्नस्थापन गर्ला भन्ने लाग्छ ?
हामीले सर्बाेच्च अदालतमाथि विश्वास गरेका छौ । तर संविधानको गर्नु पर्ने वा गरिरहदाँ कही न कही सर्बाेच्च अदालतको नियतमाथि पनि हामीले प्रश्न उठाएका छौ कि सर्बाेच्चले इमन्दारीताको साथ संविधानको एक–एक शब्द र एक–एक दफामा ७६(५) (७) र ७८ मा के छ त्योे व्याख्या गरोस् । राष्ट्रपति कहाँ प्रधानमन्त्रीले बुझाएको चिठीको पनि व्याख्या होस् । तर मलाई के लाग्छ यो सारा खेल केपी ओलीले खेलेकै पक्षमा जाने अवस्था देखिरहेकाे छ । लोकतन्त्रमा जनता सर्वाेपरि हुन्छ । सर्बाेच्च भन्दा पनि ठुलो जनता हुन्छ । हामी जनताबाटै सडक आन्दोलन गरेर प्रधानमन्त्री, राष्ट्रपतिलाई दबाब दिई संसद पुर्नस्थापना गराउँछौ ।

७‍. अनि सडकमा उत्रेर सर्बाेच्च अदालतलाई दबाब दिन खोज्नु भएको हो त ?
सडक आन्दोलनबाटै सर्बाेच्च अदालत, राष्ट्रपति र प्रधानमन्त्रीलाई दबाब दिई संसद पुर्नस्थापित हुन्छ । हामीले सडक आन्दोलनबाट सर्बाेच्च अदालत, राष्ट्रपति र प्रधानमन्त्रीलाई नैतिक दबाब दिई संसद पुनस्र्थापित गराउँछौ । किन भने संसद विघटन गरी राष्ट्रपतिले गल्ती गर्नु भयो । अब सर्बाेच्च अदालतले गल्ती नगोस् भनेर हामीले सडक आन्दोलनबाट दबाब दिन्छौ ।

८. संविधान संशोधनको मुख्य एजेण्डा सहितयहाँहरु विगतमा सरकारमा सहभागी भयो तर संविधान संशोधन गराउन सक्नु भएन् । अब संविधान संशोधन गराउने आधार के छ ?
प्रदेश प्रहरी, प्रदेशमा लोक सेवा आयोग, समानुपातिक समावेशी जस्ता संघीयताका धेरै अधिकार अहिले केन्द्र सरकारमै निहित रहेको छ । मुलुक संघीयतामा गई सकेपछि प्रदेशलाई पनि अधिकार दिउ, प्रदेशलाई बलियो बनाउन भने पटक पटक हामीले भन्दै आएका छौ । त्यसै कारण हामीले पटक पटक संविधान संशोधन गराउन नेकपाको दुई तिहाईको सरकारमा सहभागी भयौं । तर संविधान संशोधनमा सरकारले ध्यान नदिएपछि हामी सरकारबाट बाहिरियौं । संविधान संशोधनमा हाम्रो भनाई के छ भने देश बाँच्यो भने हामी पनि बाँच्छौ । देश रहयो भने संविधान संशोधन गराएर हामी आफ्नो अधिकार राख्छौ । यदि लोकतन्त्र नै समाप्त भयो भने त्यपछि के हुन्छ ? त्यसले गर्दा खेरी अहिले पनि समय छ । जुनसुकै बिचारधाराका मान्छे किन नहोस, पहिला सम्पूर्ण नेपाली जनता मिलेर संघीय लोकतान्त्रिक गणतन्त्रलाई बचाऔं । त्यसपछि संविधानमा जुन छुटेका कुराहरु छन् अर्थात हाम्रो र राम्रो संविधान कसरी नेपाली जनताले बुझ्न सक्छ भने पहल गरौं ।

९. दुई पार्टी मिलेर बनेको जसपामा १ वर्ष नबित्दै स्थानीय तहमा अहिलेदेखी नै छुट्टा–छुट्टै गुट उप–गुट चलिरहेको छ । कसरी अगाडी बढ्छ जसपा ?
दुई ठुलो पार्टी मिलेर एक भएको छ । अहिले केन्द्रमा मात्रै समायोजन गर्न सफल भएका छौ । अहिले वडादेखी जिल्ला र प्रदेशसम्म समायोजन हुन बाँकी छ । केही दिनअगाडी मात्रै पर्सा जिल्लामा बसेको बैठकमा समायोजन प्रकृयालाई यथावत राखेर संसद विघटन बिरुद्ध शसक्त आन्दोलन गरी देश र संविधान बचाउने निर्णय भएको छ । त्यसपछि पार्टीको अर्काे निर्णय अनुसार हामी सबै मिलेर अगाडी बढ्ने छलफल भएको छ । देशमा नेपाली कांग्रेस र नेकपाको बैकल्पिक शक्तिको रुपमा जसपालाई निर्माण गरिरहेका छौ । सबै नेपाली जनताले देखेकै कुरा हो कि राष्ट्रिय अधयक्ष उपेन्द्र यादवजीले आफू पछाडी हटेर महन्थ ठाकुर र डा. बाबुराम भट्टराईलाई सम्मान गर्दै पार्टी एकिकराण गर्नु भएको छ । वहीको आधार र मूलमन्त्रमा जिल्लाका साथीहरु, केन्द्रिय सदस्य, जिल्ला कमिटिका साथीहरु अलि पछाडी हटेर भए पनि एक अरुलाई सम्मान गर्दै पार्टीलाई एक ढिक्का बनाएर लग्छौ । गुट उप–गुट राजनीतिमा सानो कुरा हो । राजनीतिमा यसले ठुलो महत्व राख्दैन । तद्यापी यो गुट उप–गुटलाई पनि हामी समाप्त पार्छाै । नेपाली जनता जुन अधिकारबाट बञ्चित छन् त्यो अधिकार कसरी हामीले दिलाउँन सक्छौ भने उदेश्य सहित देशको बैकल्पिक शक्तिको रुपमा अगाडी बढिरहेका छौ ।
१०‍. अब हुने चुनावमा यहाँको पार्टीको मुख्य एजेण्डा के हुन्छ ?
नेपालमा पहिचानबादीको कुरा गर्ने सम्पूर्ण आदीबासी, जनजाति, थारु, राई, लिम्बु, मगर,मुस्लिम, दलित यी सम्पूर्ण जातजातिका व्यक्तिहरुले अहिले पनि आफ्नो अधिकार पाउँन सकेका छैनन् । विभेदमा पारिएका पहिचानबादी शक्तिहरु अहिले एकढिक्का भएका छौ । संघीयतालाई सरकारले पङ्गु बनाएर राखेको छ । अहिले पनि मधेशको अधिकार प्राप्त भएको छैन् । मधेशी, आदीवासी, महिला पिडित छन् । यो सबै कुरालाई छिनोफानो गर्नको लागी जसपाले चुनावी एजेण्डा बनाएर घर घरमा नेपाली जनतालाई बुझाउने काम गर्छ । जसको लागी अहिले देखी जनजागरण अभियान अन्तर्गत नेपाली जनतालाई घर घरमा भई प्रतिनिधी सभा किन विघटन भयो ? जसपा पार्टीको बिचार के छ ? यो सबै कुरा लिएर गाृउँ छिर्ने बेला आएको छ । केही दिनमै जन्छौ ।
११. चुनावमा सन्तुष्टजनक सिट आएपछि सत्ता भोग गर्ने अनि पराज्य पछि अधिकारको कुरा उठाई आन्दोलन गर्ने आरोप पनि त यहाँको पार्टीमाथि र्छ नी ?
जनताले लगाएको आरोपलाई म खण्डन गर्न चाहदैनन् । तर नेपाली जनतालाई के भन्न चाहन्छ भने हामी जति पटक सरकारमा गएछौ त्यतिपटक संविधान संशोधनको लिखित सहमति गरेर गएछौ । सरकारले हाम्रो कुरा नमानेपछि सरकारबाट बाहिर पनि आएका छौ । अर्काे कुरा सरकारमा हुँदा पनि हामीले सडक आन्दोलन छोडेका छैनौं । सत्ता भनेको प्रयोग गर्ने हो । अधिकारको लागी सत्ता प्रयोग गर्न हामी गएको हो तर हामीलाई उपलब्धि नदेखिएकोले उत्पिडित, शोसित, आदीवासी, जनजाती, मधेशी, मुस्लिम लगायतका जनतालाई त्यहाँ उपलब्धि नपाएपछि हामी सरकारबाट बाहिर आएर अहिले प्रतिपक्षको भूमिकामा छाैं ।

एम.आई.एस. अपरेटर तथा फिल्ड सहायक समितिद्वारा प्रजिअलाई ज्ञापन

0

वीरगंज । एम.आई.एस. अपरेटर तथा फिल्ड सहायक समिति पर्साले साेमबार प्रमुख जिल्ला अधिकारी आस्मान तामाङलाई ज्ञापन पत्र बुझाएकाे छ ।

कालिकामाई गउँपालिकाकाे सेवा इकाईमा कार्यरत एम.आई.एस. अपरेटर र फिल्ड सहायककाे म्याद थप सम्बन्धमा समितिले प्रजिअ तामाङलाई ज्ञापन पत्र बुझाएका हाे । समितिका अध्यक्ष मनाेज राउत थारुद्वारा हस्ताक्षरित ज्ञापन पत्र पर्साकाे विभिन्न पालिकाकाे सेवा इकाईमा कार्यरत एम.आई.एस. अपरेटर र फिल्ड सहायकहरु जिल्ला प्रशासन कार्यालयमा पुगी प्रजिअ तामाङलाई बुझाएका हुन् ।

गृह मन्त्रालय अन्तर्गतकाे राष्ट्रिय परिचयपत्र तथा पञ्जीकरण विभागद्वारा संचालित समाजिक सुरक्षा तथा व्यक्तिगत घटना दर्ता प्रणाली सुदृढीकरण आयाेजनाकाे लागि राष्ट्रव्यापी खुल्ला प्रतियाेगिताद्वारा देशभरीकाे ७५३ स्थानिय तहमा गत बर्ष एम.आई.एस. अपरेटर र फिल्ड सहायकहरु सेवा करारमा न्युक्त भएका थिए ।

साेही अन्तर्गत कालिकामाई गाउँपालिकामा कार्यरत रहेका एम.आई.एस. अपरेटर लक्ष्मण साह र फिल्ड सहायक भेष साहकाे म्याद मंसिर ८ गते सकिए पनि हाल सम्म थप नभएकाे भन्दै समितिले ज्ञापन पत्र बुझाएकाे हाे ।

समितिले बुझाएकाे ज्ञापन पत्रमा म्याद सकिन अगावै कार्तिक २४ गते नै दुबै जनाले म्याद थपकाे लागि गाउँपालिकामा निवेदन दर्ता गराएकाे र मंसिर ८ गते गाउँपालिकाकाे प्रशासन शाखाले म्याद थपकाे लागि टिप्णी आदेश दिए पनि पुस ५ गते सम्म म्याद थप नभएकाे जानकारी राष्ट्रिय परिचयपत्र तथा पञ्जीकरण विभागमा गराएका थिए ।

त्यसपछि गाउँपालिकालाई विभागले पुस १२ गते च.न. १३२१ भएको पत्रमार्फत गाउँपालिकाको सेवा इकाईमा कार्यरत रहेको एम.आई.एस. अपरेटर र फिल्ड सहायकको म्याद थप गर्ने स्विकृत सहितको निर्देशन दिए पनि हाल सम्म म्याद थप नभएकाे जानकारीसहित निर्देशन कार्यन्वयन गराइदिन आग्रह गर्दै ज्ञापन पत्र बुझाएका हुन् ।

ज्ञापन पत्र बुझ्दै प्रजिअ तामाङले यस सम्बन्धमा आफुले अनुसन्धान गरी नियम अनुसार गराउने आश्वासन दिए ।

प्रजिअ तामाङकाे आदेश अनुसार जिल्ला प्रशासन कार्यालय पर्साकाे प्रशासन शाखाले आजै एक पत्रमार्फत म्याद थप के कारणले हुन नसकेकाे हाे साे काे स्पष्ट जानरकारी ३ दिन भित्र पठाउन गाउँपालिकासंग माग समेत गरेकाे छ । 

ट्रकमा लोड रहेको १०५ किलो गाँजासहित ७ जना पक्राउ

0

वीरगंज । वीरगंजबाट भारी मात्रामा लागुऔषध गाँजासहित ७ जना पक्राउ परेका छन् ।  पर्सा प्रहरीले ट्रकमा लोड गरेर राखिएको १ सय ५ किलो गाँजासहित ७ जना पक्राउ परेका हो ।

लागुऔषध गाँजा राखिएको विशेष सूचनाको आधारमा लागुऔषध नियन्त्रण ब्युरोबाट खटिएको प्रहरी टोलीले लालपर्सा गाउँमा रोकी राखेको ना ४ ख ६५२५ नम्बरको ट्रकलाई चेकजाँच गर्दा ट्रकभित्र लुकाई छिपाई राखेको अवस्थामा १ सय त किलो गाँजा बरामद गरिएको जिल्ला प्रहरी कार्यालय पर्साले जनाएको छ ।

ट्रक चेकजाँच गर्दा कालो त्रिपालले छोपी राखेको अवस्थामा गाँजाको चिप्पड बरामद गरिएको लागुऔषध नियन्त्रण ब्युरोका प्रवक्ता कृष्णकुमार महतले जानकारी दिए । उनले सबै गाँजा विभिन्न रंगका प्लास्टिकले बेरेर ट्रकभित्र राखिएको बताए ।

गाँजासहित पक्राउ पर्ने ट्रक चालक मकवानपुर जिल्लाको हेटौंडा उपमहानगरपालिका वडा नम्बर १९ निवासी लक्ष्मण सिटौला, २४ वर्षीय विजय तामाङ, १८ वर्षीय प्रभात तामाङ, मकवानपुर जिल्लाको कैलाश गाउँपालिका वडा नम्बर १० निवासी २६ वर्षीय रामलाल गोले, धादिङ जिल्लाको रोराङ गाउँपालिका वडा नम्बर १ निवासी ३७ वर्षीय निरज लामा, चितवन जिल्लाको राप्ति नगरपालिका वडा नम्बर २ निवासी ५० वर्षीय रानुलाल तामाङ र पर्साका सखुवा प्रसौनी गाउँपालिका वडा नम्बर ३ निवासी ५१ वर्षीय मियाव आलम रहेका छन् ।

पक्राउ परेका सातै जनाविरुद्ध थप अनुसन्धान थालिएको पर्सा प्रहरीको जनाएको छ ।

२०६ औं पर्सागढी विजय उत्सव मनाइयो

0

वीरगंज । तत्कालीन ब्रिटिश सरकारका सेनाबीच वि.सं. १८७१ को युद्धमा भएको विजयीको सम्झनामा आइतवार पर्सागढी नगरपालिकामा २०६ औं विजयोत्सव मनाइएको छ ।

विसं १८७१ मा नेपाल र भारतमा तत्कालीन ब्रिटिश सरकारका सेनाबीच भएको युद्धमा विजयी प्राप्त भएको सम्झनामा पर्सागढी नगरपालिकामा एक कार्यक्रमका बिच विजयोत्सव मनाइएको हो ।

पर्सागढी नगरपालिकाबाट विभिन्न बाजासहितको –याली निकाली नगरपरिक्रमापछि पर्सागढी मन्दिरमा पुगेर कोणसभा गरी सम्पन्न भएको थियो।

कोणसभामा बोल्दै मेयर लोकनारायण यादवले भारतमा रहेका ब्रिटिश सेनाको टुकडीले पर्सागढी नगरपालिकामा टेन्ट गाडी कब्जा गर्न खोज्दा नेपाली सेनाले ब्रिटिश सेनालाई भगाएको सम्झनामा आज विजयोत्सव मनाइएको बताए । उनले एतिहासिक महत्व बोकेको पर्सागढी मन्दिरलाई अझै व्यवस्थित बनाउन नगरकपालिकाले पूर्ण सहयोग गर्ने आश्वासन दिए ।

चण्डीप्रसाद गण वीरगंजका प्रमुख सेनानी मदनजङ्ग राणाले पर्सागढीमा गौरवका साथ उत्सव मनाउनुपर्ने बताए। हाम्रा पुर्खाले ज्यान दिएर यो ठाउँको रक्षा गरेको हुनाले ऐतिहासिक महत्वको पर्सागढीको संरक्षण, संवद्र्धनमा सबैले सहकार्य गर्नुपर्ने उनको भनाई थियो ।

विजयोत्सव कार्यक्रम पर्सागढी नगरपालिकाको आयोजना र पर्सागढी मन्दिर व्यवस्थापन समिति, नेपाली सेना, पर्यटक पत्रकार सङ्घ पर्सा, होटल तथा पर्यटन व्यवसायी सङ्घ पर्सा, वीरगंज उद्योग वाणिज्य सङ्घको सहकार्यमा मनाइएको थियो ।

कार्यक्रममा अशिक्षादेवी थरुनी, सशस्त्र प्रहरी उपरीक्षक राजेन्द्र खड्का, होटल व्यवसायी सङ्घ पर्साका अध्यक्ष हरि पन्त, वडाध्यक्षहरू तुलाराम चौधरी, किसुनदेव प्रसाद, वेदमनदास थारू, नेका बुथ सभापति जङ्गबहादुर दास थारू, उद्धव उप्रेती, समाजसेवी अच्छेलाल यादव, मन्दिर व्यवस्थापन समितिका अध्यक्ष बृजमोहन चौधरी, किशोरी राउत अहिर लगायतको सहभागिता थियो ।

कार्यक्रममा इन्जिनीयर जगविजय साहले स्वागत मन्तव्य व्यक्त गरेका थिए भने कार्यक्रमको सहजीकरण गिरिराज कँडेलले गरेका थिए ।

जसपा पर्साद्वारा पार्टीबाट निर्वाचित जनप्रतिधीसंग अन्तरक्रिया

0
 
वीरगंज । जनता समाजबादी पार्टी (जसपा) पर्साले आफनो पार्टीबाट निर्वाचित जनप्रतिधीहरुसंग आय वीरगञ्जमा अन्तरक्रिया कार्यक्रम गरेको छ ।
 
वीरगंज रानघिाटस्थित श्रीराम जानकी मन्दिर परिसरमा भएकाे कार्यक्रममा पार्टीबाट निर्बाचित पर्साका विभिन्न स्थानीय तहका वडा सदस्यदेखि प्रमुखसम्मको उपस्थिती रहेको थियो ।
 
कार्यक्रममा संसद विघटनकाे बिरोधमा अगामी २७ गते वीरगञ्जमा हुने जनप्रदर्शन लगायत पार्टीका निती कार्यक्रमको बारेमा बृहत समन्वयको समबन्धमा उपस्थित जनप्रतिनधीहरुलाई प्रदेश साँसद एवम् जसपाका केन्द्रिय सदस्य प्रहलाह गिरीले प्रशिक्षण दिएका थिए ।
 
कार्यक्रममा बोल्दै जिल्ला अध्यक्ष रामनरेश यादवले सबै जनालाई एकबद्ध भई अगामी २७ गतेको आन्दोलनको लागि तयार रहन निर्देशन दिएको जिल्ला सचिव तबरेज अहम्दले जानकारी दिए ।
 
जिल्ला अध्यक्ष रामनरेश यादवको अध्यक्षा र वीरगञ्ज महानगरपालिकाका मेयर एवम् जसपा केन्द्रिय परिषद सदस्य बिजय सरावगीकाे प्रमुख आतिथ्यतामा भएकाे कार्यक्रममा पोखरिया नगरपालिकाकी उपप्रमुख सल्मा खातुन, पकहा मैनपुर गाउँपालिकाका प्रमुख बिजय चौरसिया, बिन्दबासिनी गाउँपालिकाका प्रमुख श्री लाल साह, सखुवा प्रसौनीका प्रमुख प्रदिप जैसवाल, उप प्रमुख फुलमती देबी थरुनी, जगरनाथपुर गाउपालिकाकी उपप्रमुख बिस्मिल्लाह खातुन लगायतका जनप्रतिनिधीहरुको सहभागिता रहेको थियो ।
 
कार्यक्रमको सहजीकरण जसपाका अर्का सचिव राजेश साहले गरेका थिए भने कार्यक्रमकाे बिषय बस्तुको बारेमा सचिव तबरेज अहम्दले प्रष्ट पारेका थिए ।

पालिका स्तरिय क्रिकेट टुर्नामेन्टकाे उपाधी आयाेजक पाेखरियालाई

0

वीरगंज । पर्साकाे पाेखरियामा जारी टि२० क्रिकेट टुर्नामेन्ट प्रतियाेगिताकाे आइतबार दाेस्राे पटक भएकाे फाइनल खेलमा आयाेजक पाेखरिया नगरपालिकाकाे बाबा ११ क्रिकेट टिम नै विजयी भएकाे छ ।

पाेखरिया नगरपालिकाकाे सहयाेग र पाेखरिया युवा समाजकाे आयाेजनामा भएकाे प्रतियाेगितामा कालिकामाई गाउँपालिकालाई हराउदै पाेखरिया नगरपालिका विजयी भएकाे हाे ।

ट्च जितेर ब्याटिङ राेजेकाे पाेखरियाले पुरै २० ओभर खेल्दै ८ विकेटकाे नाेक्सानीमा १८६ रन बनाएकाे थियाे । त्यसपछि १८७ रनकाे लक्ष्यकाे साथ जवाफी ब्याटिङमा उत्रेकाे कालिकामाईले पुरै २० ओभर खेल्दै ९ विकेटकाे नाेक्सानीमा ११० रन मै समेटिए पछि पाेखरिया विजयी भएकाे थियाे ।

खेलकाे म्यान अफ द म्याच ८८ रन बनाएका पाेखरियाका नितेश चाैधरी घाेषित भएका थिए ।

पाेखरियास्थित शेरा फिल्डमा भएकाे प्रतियाेगिताकाे म्यान अफ द सिरिज ९ विकेट लिएका र २३२ रन बनाएका पाेखरिया कै विकास दास भएका थिए ।

प्रतियाेगिताका विजेता पाेखरिया नगरपालिकाका क्रिकेट टिमलाई मेयर दिपनारायण राैनियारले पुरस्कार राशी रु ८१ हजारकाे चेक र टफीले पुरस्कृत गरेका थिए ।

पाेखरिया युवा समाजका अध्यक्ष भगवान दास तात्वाकाे अध्यक्षतामा भएकाे पुरस्कार वितरण कार्यक्रममा प्रतियाेगिताका उप विजेता कालिकामाईका गाउँपालिकाका क्रिकेट टिमलाई जनता समाजवादी पार्टीका नेता नेजामुदिन सम्मानीले पुरस्कार राशी रु ४१ हजारकाे चेक र टफीले पुरस्कृत गरेका थिए ।  

बालविवाह सम्बन्धि एक दिने अभिमुखिकरण कार्यक्रम सम्पन्न

0

वीरगंज । बालविवाह सम्बोधन गर्नका लागि सुदृढ बहुक्षेत्रीय संस्था सम्मिलित समन्वय प्रणाली सम्बन्धी एक दिने अभिमुखिकरण कार्यक्रम आज वीरगंजमा सम्पन्न भएको छ ।

संरक्षण नेपालको सहकार्यमा कृपा नेपालले आयोजना गरेको कार्यक्रममा पर्साको खासगरी गरी लक्षित तीन पालिकामा बालविवाह विरुद्ध विभिन्न कार्य गर्दै आएका संघ संस्थाका प्रतीनीधीहरुसंग छलफल गरीएको हो । कार्यक्रममा कृपा नेपाल लगायत विभिन्न संघसंस्थाहरुको साँझा मुद्धा बालविवाह विरुद्धको अभियानलाई संगसंगै कसरी अगाडी लैजाने भन्ने उद्देश्यले आगामी कार्य योजना समेत बनाईएको कृपा नेपालका कार्यक्रम संयोजक शशिल नेपालले बताउनु भयो ।

उहाँले कार्यक्रममा आमन्त्रीत विभिन्न संघसंस्थाले गर्दै आएको कार्यलाई एकत्रीत पारी प्रभावकारी रुपमा अगाडी बढाई बालविवाह विरुद्धको मुद्धामा कसरी सफलता हासिल गर्ने र स्थानीय तहलाई जवाफदेही बनाउने उद्देश्यमा आगामी दिनमा कार्य गर्ने बताउनुभयो ।

कार्यक्रममा कृपा नेपालका कार्यकारी निर्देशक आनन्द तामांगले प्रदेश नम्बर २ का जिल्लाहरुमा वालविवाहको घटनामा वृद्धि हुँदै गएको तथ्याकंले देखाईरहँदा अबको दिनमा यसलाई न्युनीकरणका लागि पालिकाहरुमा कार्य गर्दै आएका विभिन्न सरकारी गैरसरकारी संघसंस्था मिलेर जानुको विकल्प नभएको बताउनुभयो ।

उहाँले साँझ मुद्धामा सफलता पाउन सबैजना एक विन्दुमा आउनुपर्नेमा जोड दिनुभयो ।

कार्यक्रममा पर्साको पोखरीया नगरपालिका, पर्सागढी नगरपालिका र विन्दवासिनी गाउँपालिकालाई कार्य क्षेत्र बनाई कार्य गर्दै आएका आसमान नेपाल, दिव्य युवा क्लब, अरुणोदय युवा क्लब, सुर्योदय युवा क्लब, ब्रिलिएन्ट युवा क्लब, बिकास नेपाल, संरक्षण नेपाल, कृपा नेपाल लगायतका संघसंस्थाका प्रतीनीधीहरुको सहभागीता रहेको थियो ।

पाेखरियामा जारी टुर्नामेन्टकाे फाइनल खेल विवाद भएपछि रद्द, पुन: आइतबार हुने

0

वीरगंज । पाेखरियामा जारी पालिका स्तरिय टि२० क्रिकेट टुर्नामेन्ट प्रतियाेगिताकाे शनिबार भएकाे फाइनल खेल विवादका कारण रद्द भएकाे छ ।

पाेखरिया नगरपालिका र कालिकामाई गाउँपालिका बिच भएकाे फाइनल खेल अंध्याराे भएपछि रद्द भएकाे आयाेजक पाेखरिया युवा समाजका अध्यक्ष भगवान दास तात्वाले वताए । भाेली आइतबार विहान ११ बजेदेखी पुन: खेल हुने उनले जानकारी दिए । 

पाेखरिया पुरै २० ओभर खेल्दै ७ विकेटकाे नाेक्सानीमा १७६ रन बनाएकाे थियाे । सुरुमा १७७ रनकाे लक्ष्यकाे साथ जवाफी ब्याटिङमा उत्रेकाे कालिकामाईले ४ ओभर मै ५ विकेटकाे नाेक्सानीमा मात्र २० रन बनाएपछि कालिकामाईकाे क्याप्टनले बललाई देख्दा बलमा प्वाल भेटिएपछि खेल राेकिएकाे थियाे ।

केही बेरपछि पुन: अर्काे बलले खेल हुने सहमती भएपछि कालिकामाईले ब्याटिङ गर्न थालेपछि १८ ओभरमा ६ विकेटकाे नाेक्सानीमा १४७ रन बनाउन सफल भएकाे थियाे । साेही क्रममा कालिकामाईकाे ब्याटस् म्यानले हानेकाे बल इम्पाएरले छक्का दिएपनि छक्का नरहेकाे भन्दै विवाद भएकाे थियाे ।

विवाद उग्ररुप लिदा पाेखरिया र कालिकाईका समर्थक बिच तनाव समेत भएकाे थियाे । खेलस्थलमा इलाका प्रहरी कार्यालय पाेखरियाकाे प्रहरी टाेली रहेपनि तनावलाई झडपमा परिणत हुन नदिन जिल्लाबाट थप प्रहरी मगाउनु परेकाे थियाे ।

खेलमा पाेखिया नगरपालिकाका मेयर दिपनारायण राैनियार, उप मेयर सलमा खातनु, विभिन्न वडाका वडाध्यक्षहरु, जनता समाजवादीका नेता नेजामुद्दिन सम्मानी, कालिकामाईका नेपाली कांग्रेसका अजय पटेल, संजय साह, सिकेन्द्र देवान, पत्रकार छठु साह लगायतकाे उपस्थिती रहेकाे थियाे ।   

पाेखरिया नगरपालिकाकाे सहयाेग र पाेखरिया युवा समाजकाे आयाेजनामा भइरहेकाे प्रतियाेगिताकाे बिजेताले  रु ८१ हजार र उप विजेताले रु ४१ हजार पुरस्कार पाउने छन् ।

‘लैंङ्गिक हिंसा न्युनिकरण’ सम्बन्धी अन्तरक्रिया कार्यक्रम सम्पन्न

0

वीरगंज । वीरगंज महानगरपालिका–३० मा लैंङ्गिक हिंसा न्यूनिकरण सम्बन्धी अन्तरक्रिया कार्यक्रम सम्पन्न भएको छ । शनिबार पब्लिक एफ. एम.द्धारा आयोजित लैंङ्गिक हिंसा अन्त्य सम्बन्धी कार्यक्रम सम्पन्न हो ।

कार्यक्रममा लैंङ्गिक हिंसा न्यूनिकरण गर्न छोराछोरी दुबैलाई शिक्षा दिनुपर्ने कुरामा वक्ताहरुले जोड दिएका थिए । गरिबी, अशिक्षा, आर्थिक विपन्नता छुवाछुत, दाइजोलगायतका कारणले हिंसा हुने गरेकोले छोरीहरुलाई मात्र नभएर परिवारका सबै सदस्यहरुलाई औपचारिक र अनौपचारिक शिक्षा दिन आवश्यक रहेको बताएका थिए ।

अहिले पनि हाम्रो समाजमा बालविवाह, बहुविवाह, कथित बोक्सीको आरोप, घरेलु हिंसा तथा महिला भएकै कारणले महिला माथि हुने विभिन्न प्रकारका प्रताडना कायमै रहेकोले छोरीसंगसंगै घरपरिवाार र समाजलाई पनि शिक्षासंग जोडिनु पर्ने वक्ताहरुले आग्रह गरेका थिए ।

एफ.एमका निर्देशक शम्भु महतो थारुको अध्यक्षतामा भएको कार्यक्रममा वडा नं. २० वडा अध्यक्ष पारस प्रसाद यादव, रेखा सिंह, संजय दास थारु, लालबाबु सिंह, निरञ्जन कलवार आधारभुत बिद्यालयका बिद्यालय व्यवस्थापन समितिका अध्यक्ष हदिस मियाँ, शिक्षा प्रेमी सन्देश कुश्वाहा, स्थानिय बासी श्याम चन्द्र यादव, अनुप महतो लगायत स्थानिय महिलाले लैगिस हिसां बिषयमा आ आफनो बिचार व्यक्त गरेका थिए ।

कर्यक्रमको सहजीकरण पब्लिक एफ.एम.कास्टेशन प्रमुख राजेन्द्र सिंहले गरेका थिए ।

स्थानीय तह कर्मचारी युनियन पर्साको नयाँ कार्यसमिति गठन

0

बीरगन्ज । स्थानीय तह कर्मचारी युनियन नेपाल जिल्ला कार्यसमिति पर्साको जिल्ला स्तरीय भेला सम्पन्न भएको छ । स्थानीय तह कर्मचारी युनियनका उपाध्यक्ष सुनील कर्णको सभापतित्वमा सम्पन्न भेलाले १३ सदस्यीय नया कार्यसमिति चयन गरेको छ ।

नया कार्यसमितिको अध्यक्षमा भनश्याम प्रसाद कुर्मी, उपाध्यक्षमा राजेश्वर प्रसाद कुर्मी, सचिबमा रामअयोध्या प्रसाद, कोषाध्यक्षमा विजय कुमार साह, सदस्यमा केदार सहनी, वृजकिशोर प्रसाद, मोहन गौरो, दिपेन्द्र पटेल लगायत रहेका छन् ।

भेलामा तराई मधेश समन्वय विभागका केन्द्रिय सचिब रामनारायण प्रसाद कुर्मी, नेपाल कारखाना श्रमिक संघका केन्द्रिय अध्यक्ष अमृतलाल जोशि, नेपाल निजामती कर्मचारी संघका केन्द्रिय उपाध्यक्ष मनोज तिवारी, नेपाल ट्रेड युनियन पर्साका अध्यक्ष छोटेलाल प्रसाद, विश्वेश्वर पटेल लगायतको उपस्थिती रहेको भेलामा सहभागी राजेश पटेलले जानकारी दिनुभयो ।