Date
शुक्र, मंसिर ४, २०८३
Fri, November 20, 2026
Home Blog Page 888

वीरगंजमा ३ महिलासहित ५५ जनाले गरे आकस्मिक रक्तदान

0

वीरगञ्ज  । विपी कोइराला स्कुल अफ पब्लिक पोलिसी पर्साको आयोजनामा शनिबार वीरगंजमा रक्तदान कार्यक्रम सम्पन्न भएको छ ।  वीरगंजको घण्टाघरस्थित भएको कार्यक्रमा ३ महिलासहित ५५ जनाले रक्तदान संचार केन्द्र वीरगंजका प्रमुख सौरभ राज पाण्डेले बताए ।

विपी कोइराला स्कुल अफ पब्लिक पोलिसी पर्साका अध्यक्ष अभय कर्णको अध्यक्षतामा भएको कार्यक्रममा रानी साह, कुशुम कुशवाह, रानी कुमारी, प्रताप सिंह ठकुरी, सुरज गुप्ता, सत्यम कर्ण, अरुण कुमार कुश्वाह, लालबाबु कर्ण, लक्ष्मण महतो, सागर थापा, सन्तोष दाहाल, कुन्दन कुमार साह, नरेन्द्र गिरि, सन्तोष राय यादव, प्रभात कुमार सिंह, हरिनारायण यादव, उपेन्द्र चौरसिया, गुरदिप सिंह, आशिष कुमार गुप्ता, अमित आलोक, विजय कुमार यादव, प्रकाश सरार्फ, त्रिलोकि साहलगायतकाले रक्तदान गरेका छन् ।

वीरगञ्ज उद्योग बाणिज्य सङ्घका सदस्य नवनित अग्रवालको प्रमुख अतिथित्वमा भएको कार्यक्रममा नेपाल विद्यार्थी सङ्घका पूर्व जिल्ला अध्यक्ष राकेश यादव, वर्तमान अध्यक्ष विकाश तिवारी, उपाध्यक्ष साबिर हुसेन, शेष हजरा, ठाकुर राम क्याम्पस एकाई अध्यक्ष मनोज साह, प्रवक्ता केशव राज मिश्र,रेडक्रस सोसाइटीका राजन श्रीवास्तव, विपी कोईराला स्कुल अफ पब्लिक पोलिसी पर्साका उपाध्यक्ष अमित कर्ण, सदस्यहरु मनिष यादव लगायतकाको उपस्थिति रहेको थियो ।

रक्त सञ्चार केन्द्र वीरगंजमा रक्तका्े अभाव भएपछि नयाँ वर्षको अवसर पारेर वीरगंजमा रक्तदान कार्यक्रमको आयोजना भएको गरिएको आयोजकले जनाएको छ ।

 

एम.आई‍‍‍.एस. अपरेटर तथा फिल्ड सहायकहरुकाे समिति गठन, भाेली ज्ञापन पत्र बुझाउने

0

वीरगंज । पर्साकाे स्थानिय तहहरुकाे सेवा एकाईमा कार्यरत एम‌.आई.एस. अपरेटर तथा फिल्ड सहायकहरुकाे भेला आज वीरगंजमा सम्पन्न भएकाे छ ।

वीरगंज श्रीपुरस्थित सम्झना हाेटलमा भएकाे भेलाले मनाेज राउत थारुकाे अध्यक्षतामा १७ सदस्यिय एम‌.आई.एस. अपरेटर तथा फिल्ड सहायक समिति गठन गरेकाे छ । जुन समितिकाे उपाध्यक्ष अमिरिता साह, सचिव श्याम प्रसाद कुशवाहा, काेषाध्यक्ष जितेन्द्र यादव चयन भएका छन् ।

यस्तै सदस्यहरुमा बिनाेद साह, रंजन कुमार गुप्ता, अजय कुमार, अनु कुमारी, सविता तिमिल्सिना, चन्दशेखर यादव, सावन कुमार गुप्ता, ओमप्रकाश महताे, भिस्म राज खतरी, लक्ष्मण साह, आशिष कुमार कुशवाहा, प्रविन्द्र साह, इब्राहिम अंसारी रहेका छन् ।

नव गठित समितिकाे आजै बसेकाे बैठकले भाेली (आइतबार) जिल्ला प्रशासन कार्यालय पर्सामा ज्ञापन पत्र बुझाउने निर्णय गरेकाे छ ।

कालिकामाई गाउँपालिकाकाे सेवा ईकाइमा कार्यरत एम‍.आई.एस अपरेटर र फिल्ड सहायककाे म्याद सकेकाे एक महिना वितिसक्दा पनि हाल सम्म थप नभएकाेले ज्ञापन पत्र बुझाउने निर्णय भएकाे नव गठित समितिका अध्यक्ष थारुले जानकारी दिए ।

गृह मन्त्रालय मातहका राष्ट्रयि परिचयपत्र तथा पंजीकरण विभागले म्याद थप्न स्विकृत सहितकाे निर्देशन दिए पनि गाउँपालिकाले म्याद थप्न नमानेकाेले दबावकाे लागि ज्ञापन पत्र बुझाउन निर्णय भएकाे उनले जानकारी गराए ।

उनले भने “आज कालिकामाई गाउँपालिकामा यस्ताे समस्या आएकाे छ, भाेली अरु पालिकामा पनि आउन सकने भएकाेले हामी एउटा समिति नै गठन गरी त्यस्ताे कार्यकाे बिराेध र संघर्ष गर्ने निर्णय गरेका छाैं ।” 

विभागले मिति पुस १२ गते च.न. १३२१ भएको पत्र मार्फत गाउँपालिकाको पंजीकरण शाखामा कार्यरत रहेको एम.आई.एस अपरेटर र फिल्ड सहायकको म्याद थप गर्ने स्विकृत सहितको निर्देशन दिएको थियो । तर पुस १४ गते विभागको निर्देशन विपरित ति दुई कर्मचारीको म्याद थप नगर्न कार्यपालिकाबाट निर्णय भएको गाउँपालिका अध्यक्षले आफै एक पत्र लेखि जानकारी गराएका छन् ।

राष्ट्र व्यापी खुल्ला प्रतियोगिताबाट सेवा कारारमा न्युक्त भएका एम.आई.एस. अपरेटर लक्ष्मण साह र फिल्ड सहायक भेष साहको काम र प्रगति विवरण संतोषजनक नरहेको निर्णय भएकोले म्याद करार नविकरण गर्न नसकिने लेखिए पनि गाउँपालिका कै प्रशासन शाखाले मंसिर ८ गते कार्य सम्पादन संतोषजनक रहेको टिप्पणी आदेश दिएको छ ।

कालिकामाई गाउँपालिकाकाे गलत रवैयाले राष्ट्र व्यापी अभियान मै असर पर्ने भएकाेले हामी पर्साका एम.आई.एस. अपरेटर र फिल्ड सहयाकहरु एकताबद्ध भएकाे नव गठित समितिका काेषाध्यक्ष यादवले वताए । 

कारको ठक्करबाट बारामा पाटे बाघको मृत्यु

0

वीरगंजं । बाराको जितपुर सिमरा उपमहानगरपालिका–१ आधारभार जंगल क्षेत्रमा जिपको ठक्करबाट एउटा पाटे बाघको मृत्यु भएको छ ।

हेटौंडाबाट निजगढ जादै गरेको बा १६ च ८११ नम्बरको कारले बाटो क्रस गर्दै गरेको वयस्क बाघलाई शनिबार बिहान ७ः२० मा ठक्कर दिएको र घटनास्थलमै ठक्करबाट १० वर्षको पूर्ण वयस्क पाटे बाघको राजमार्गमै मृत्यु भएको बारा प्रहरीले जनाएको छ ।

कार चालक सर्लाहीका ५० वर्षीय अजय मिश्र र बाघलाई प्रहरीले राष्ट्रिय निकुञ्जको जिम्मा लगाएको छ । सहायक संरक्षण अधिकृत रमेश कुमार यादवका अनुसार मिश्रलाई हिरासतमा लिएर आवश्यक कारबाही अगाडि बढाइएको छ ।

पाटेबाघ नेपालको संरक्षित वन्यजन्तुमध्ये एक हो ।

बहुदरमाई नगरपालिकाद्वारा काेराेना कहरमा खटिने स्वास्थ्कर्मी सम्मानित

0

वीरगंज । बहुदरमाई नगरपालिकामा काेराेना भाइरस (काेभिड १९) संक्रमण, राेकथाम तथा नियन्त्रणमा स्वास्थ्यकर्मीकाे भुमिका विषयक अन्तरक्रिया तथा सम्मान कार्यक्रम सम्पन्न भएकाे छ ।

नगरपालिकाकाे वडा नं. २ पिपरास्थित बहुदरमाई मन्दिर प्राङ्णमा भएकाे कार्यक्रममा काेराेना महामारी राेकथाम तथा नियन्त्रणकाे लागि खटिने स्वास्थ्यकर्मी, नगरपालिका कर्मचारी र आइसाेलेसन स्थापना भएका विद्यालयका प्रधानाध्यापकहरुलाई सम्मान गरिएकाे नगरपालिकाका लेखापाल हरि राउत कुर्मीले वताए ।

कार्यक्रमका प्रमुख अतिथी पर्साका सहायक प्रमुख जिल्ला अधिकारी भिमकान्त पौडेलले काेराेना महामारीमा उच्च मनोबलका साथ जनताको जिवधनमा रक्षा गर्ने सबै जना एक सच्चा सिपाहि र देश भक्त रहेकोे बताए । उनले कारोना कहरमा बहुदरमाई नगरपालिकाले देखाएको भुमिकाको प्रसंसा गर्दै बहुदरमाई नगरपालिकाबाट सबैले अनुसरण गर्नु पर्ने बताए ।

कार्यक्रमको बिशिष्ठ अतिथि वडा नं. ०२ का वडाध्यक्ष जितेन्द्र पटेलले आफ्नो नगरपालिकामा स्वास्थ्यकर्मीले आफनो ज्यानको बाजी थापि गरेको कामको प्रसंसा गरे । कार्यक्रममा स्वास्थ्यकर्मीहरुलाई सम्मान गर्दा आफुलाई गर्भभान्वीक महसुस भएकाे वताए । 

काेभिड महामारीकाे समयमा फ्रन्टलाइनमा खटिने नगरपालिकाकाे ७ वटा स्वास्थ्य केन्द्रका ६२ जना स्वास्थ्यकर्मीहरुलाई सम्मान गरिएकाे थियाे ।

यस्तै, काेभिड १९ राेकथाम तथा नियन्त्रणकाे लागि खटिने नगरपालिकाका कर्मचारी र आइसाेलेसन सेन्टर स्थापना रहेकाे विद्यालयका प्रअहरुलाई समेत सम्मानित गरिएकाे लेखापाल कुर्मीले जानकारी दिए । 

कार्यक्रम मै कोरोना कालमा आयुवेर्दिक औषधीले निकै राम्रो भुमिका खेलेको तथा सो औषधीले आईसोलेसनमा रहेकाहरुका लागि निशुल्क प्रदान गरि सहयोग गर्ने बैध निरक्षक धिरेन्द्र सिंहलाईसमेत सम्मान गरिएको थियाे ।

प्रमुख प्रशासकिय अधिकृत तिर्थराज पाैडेलकाे अध्यक्षतामा भएकाे कार्यक्रममा नगरपालिकाका स्वास्थ्य संयाेजक बिदुर उप्रेत, लेखा अधिकृत उपेन्द्र साह, श्री नेरा आधारभुत विद्यालय पिपराका प्रअ विजय साह लगायतकाले मन्तव्य राखेका थिए ।

दलितको लागी बहुदरमाईमा आवास भवनको शिलान्यास

0

वीरगञ्ज । भौतिक पुर्बाधार बिकास मन्त्रालय प्रदेश न.२ को जनता आवास कार्यक्रम अन्तर्गत पर्सा जिल्लाको बहुदरमाई नगरपालिका वडा न.२ पिपरामा डोम जातिका ब्यक्तिको घर निर्माण गर्न आज शिलान्यास गरिएकाे छ ।

साे भवनकाे शिलान्यास एक कार्यक्रमकाे बिच प्रदेश सभा सदस्य रमेश प्रसाद कुर्मीले गएका छन् । प्रदेश सरकारको दलित बस्तीमा पक्की घर (जनता आवास)कार्यक्रमलाई सार्थक बनाउन शहरी बिकास तथा भवन कार्यालय बिरगंजको आयोजनामा शिलान्यास कार्यक्रम सप्पन्न भएको हो ।

शिलान्यास कार्यक्रमलाई सम्बोधन गर्दै जनता आवास कार्यक्रम पर्साका संयाेजक एवं प्रदेश सभा सदस्य रमेश प्रसाद कुर्मीले पहिलो चरणमा पर्साका २ सय अति बिपन्न दलितको पक्की घर निर्माण गर्ने याेजना रहेकाे वताए ।

कार्यक्रमका प्रमुख अतिथीसमेत रहेका संयाेजक कुर्मीले प्रत्येक घरधुरी सरकारले ३ लाख पचास हजारको बजेट बिनियोजन गरेको जनाए ।

शहरी भवन निर्माण कार्यालयका प्रमुख राजेन्द्र प्रसादकाे अध्यक्षतामा आयोजित कार्यक्रममा प्रदेश सभा सदस्य करिमा बेगम, भिमा यादव, जनता समाजबादी पार्टीका केन्द्रिय सदस्यद्वय शिव पटेल, रामचन्द्र पडित, पर्साका सचिवद्वय राजेश साह, श्रीराम जि गिरि, जिल्ला सदस्य प्रेमचन्द्र कुशवाहा, निशेश यादव, जितेन्द्र पटेल, नगर अध्यक्ष कृष्ण यादव, सदस्य मनोज पटेल लगायतले शुभकामना मन्तब्य ब्यक्त गरेका थिए ।

वीरगंजमा पनि अंगेजी नयाँ वर्ष विभिन्न कार्यक्रम गरी मनाईदै

0

वीरगंज । पर्सा, बारामा पनि अंग्रेजी नयाँ वर्ष २०२१ को पहिलो दिन विभिन्न कार्यक्रम गरी मनाईदै छ । प्रत्येक वर्षझै झै यस वर्ष पनि वीरगंजको घडिअर्वा पोखरी, भिस्वा डाँडा लगायतको पर्यटकी स्थलमा नयाँ वर्ष मनाउनेहरुको चहलपहल बढेको छ ।

शुक्रबार बिहानै देखी वीरगंजको सडक र बजारमा मानिसको चहलपहल घटे पनि घडिअर्वा पोखरी, भिस्वा डाँडा लगायत ठाउँमा बढ्ेको छ ।

यस्तै वीरगंजको विभिन्न होटल तथा रेष्टुरेन्टहरुमा मानिसको बाक्लो जमघट भई मिठो खाने कुरा खादै नयाँ साल मनाईदै छ ।
कोरोना महामारीको कारण सिमा नाका बन्द भएकोले विगत वर्षको तुलनामा यो वर्ष भारतबाट आउने पर्यटकहरुको संख्यामा कमी आएको छ ।

आधुनिकतासंगै नयाँ वर्ष मनाउने मोडल पनि फेरिएको छ । खासगरी अहिलेका युवायुवतीहरु नयाँ वर्ष मनाउन बढि उत्साहित देखिएका छन् । गाउँबाहिर गई मिठो परिकार बनाई भोजभतेर गर्नुको साथै विभिन्न गित संगित बजाउँदै, नाच्दै नयाँ वर्षको आनन्द लिने गरेका छन् ।

नयाँ वर्षको दिन युवायुवतीहरु विभिन्न पर्यटकीय स्थलमा गई घुमफिर गर्ने गरेका छन् ।

वीरगंजमा इ-रिक्साकाे संख्यामा वृद्धि हुदा सडक जामकाे समस्या

0

वीरगन्ज । वीरगन्जमा सञ्चालित ई–रिक्साहरुको व्यवस्थापन हुन नसक्दा वीरगन्जबासीले ट्राफिक जाम तथा मनोमानी भाडा असुलीको समस्या झेल्नु परेको छ । जथाभावी ई–रिक्सा पार्किङ्ग, रोडमै रोकेर यात्रु चढाउने, ओराल्ने गर्नाले वीरगन्ज महानगर अस्तव्यस्त बनेको छ ।

यसका साथै, सिट क्षमता भन्दा बढी यात्रु बसाउने, जथाभावी भाडा असुली गर्दा उपभोक्ता चरम मर्कामा पर्ने गरेका छन् । ई–रिक्सा सञ्चालनका लागि कुनै किसिमको मापदण्ड समेत बन्न नसकेकोले युवादेखि वृद्ध–वृद्धा तथा स–साना बालकहरुले पनि ई–रिक्सा चलाउने गरेको छन् ।

जसको परिणाम वीरगन्ज बजारमा दिनहुँ ट्राफिक जामको समस्या हुने गरेको छ । सानो उमेरका युवाहरु पनि लाइसेन्स विना ई–रिक्सा चलाइरहेकाले सवारी जामको समस्यादेखि दुर्घटनाको समस्या दिनदिनै बढिरहेको छ ।

वीरगन्जको घण्टाघरदेखि माइस्थान, आदर्शनगर हुँदै अलखियामठसम्म साँघुरा सडक, त्यसमा पनि ई–रिक्साहरुको घुइँचो भएकोले त्यस क्षेत्रमा विहान १० बजेदेखि बेलुका ७ बजेसम्म ट्राफिक जामको समस्या हुने गरेको छ ।

वीरगन्ज महानगरलाई ई–रिक्साले अस्तव्यस्त बनाएको चौतर्फी रुपमा दबाब आउन थालेपछि विगत दुई वर्षअघि लाइसेन्स विनाको ई–रिक्सा चलाउनेलाई कारवाहीको प्रक्रिया अगाडि बढाइएको थियो । तर, उक्त कार्य कार्यान्वय हुन नसक्दा अहिले पुनः वीरगन्जमा ई–रिक्साहरुको विगविगी बढेको हो ।

नेपाल सरकारले मुलुकलाई प्रदूषणमुक्त बनाउनका लागि ई–रिक्सा भित्र्याएको थियो तर, जथाभावी रुपमा वीरगन्जमा क्षमताभन्दा बढी ई–रिक्साहरु सञ्चालनमा आएपछि अहिले महानगरको कुना–काप्चामा पनि ट्राफिक जाम हुने गरेको छ ।

विगतमा वीरगन्जमा ई–रिक्सा भित्र्याउने अवस्थामा वी.म.न.पा. र यातायात व्यवस्था कार्यालय एवं जिल्ला ट्राफिक प्रहरी कार्यालयसँग महानगरमा ३ सय र थप १ सय ५० गरी ४ सय ५० ई–रिक्सा भित्र्याउने सहमति भएको थियो ।

तर विस्तारै विस्तारै मादपण्ड नभएको मौका छोप्दै अहिले वीरगन्ज महानगरमा ४ हजारदेखि ५ हजारसम्मको हाराहारीमा ई–रिक्साहरु सञ्चालनमा छन् । वीरगन्ज महानगरपालिका कार्यालयमा ३ सय ३९ वटा ई–रिक्साहरु मात्रै दर्ता भएका छन्, भने ९० प्रतिशत भन्दा बढी ई–रिक्साहरु मापदण्ड विपरीत सञ्चालनमा छन् ।

यातायात व्यवस्था कार्यालयले ई–रिक्सा चालकको लाइसेन्स लिनको लागि विगतमा २ पटक फारम खोलेतापनि चालकहरु अटेर गरी लाइसेन्सको फारम समेत भरेका छैनन् । यातायात कार्यालयबाट अहिलेसम्म १ सय देखि १५० जनाले मात्रै लाइसेन्स प्राप्त गरेका छन् ।

विगत लामो समयदेखि ई–रिक्सालाई मापदण्डभित्र ल्याउने महानगरपालिकाले प्रयास गरेपनि त्यो कार्यान्वयन हुन सकेको छैन । महानगरपालिकाले वीरगन्जमा सञ्चालित ई–रिक्साहरुलाई मापदण्डभित्र ल्याउनका लागि १० वटा रुट निर्धारण गरिएको छ, तर कसैले पनि रुटको पालना गरेको पाइएको छैन ।

अर्कोतर्फ दररेट कायम गर्नका लागि ई–रिक्सा सञ्चालक समितिका पदाधिकारीहरुसँग दररेट माग गरिएकोमा हालसम्म कसैले ल्याएर नदिएको महानगरपालिकाको भनाइ छ । रुट कायम भएपनि कार्यान्वयन हुन नसक्नु र दररेट कायम हुन नसकेको कारण ई–रिक्सा चालकहरुले उपभोक्तासँग मनोमानी रुपमा भाडा असुली रहेका छन् ।

वीरगन्ज बजारमा मात्रै आवतजावत गर्नका लागि उपभोक्तासँगै कसैले १० रुपैया लिने गरेको छ भने कसैले २०, ३० रुपैयासम्म लिने गरेका छन् । महानगरपालिको ई–रिक्सा व्यवस्थापनको लागि मापदण्ड बनाउन कुनै गृहकार्य नै गर्न सकेको छैन ।

यस्तै, ग्रामिण भेगकाे विभिन्न गाउँहरुबाट सयाैंकाे संख्यामा आउने इ-रिक्साहरुले पनि वीरगंजमा इ-रिक्साकाे संख्यामा वृद्धि भएकाे हाे ।

कृषिलाई आधुनिकीकरण गरी रोजगार सृजना गर्छाैं : मेयर राजेश राय

0

राजेश राय यादव बाराको लागी मात्रै नभई प्रदेश नं. २ कै लागि नयाँ नाम भन्ने पक्कै पनि होईन । राजनिती पृष्ठ भूमिका भएका पूर्व सांसद बुवा राधेचन्द्र राय यादव र रुपकली देवी अहिरीनको काेखबाट जन्मेका राजेश राय यादव कलैया उप–महानगरपालिकाका नगर प्रमुख हुन् । नगर प्रमुख यादव चार भाई र दुई बहिनी मध्येका दोस्रो सन्तान हुन् । २०२१ सालमा जन्मेका उनी २०३६ सालमा एस.एल.सी. उतिर्ण गरी बि.ए. सम्मकोे अध्ययन पुरा गरेका छन् । विधार्थी जिवनकालबाट नै कांग्रेस निकटको भातृ संगठनमा रही राजनिती यात्रा सुरु गरेको उनी बताउन्छन् । नगर प्रमुख यादवसंग विकासबारे गरिएको कुराकानीको सम्पादित अंश :

१. कलैया उप–महानगरपालिकाको समग्र विकासको अवस्था कस्तो छ ?

जनताको समग्र विकासका निम्ति हरेक क्षेत्रमा क्रमबद्ध तरिकाले विकास निर्माणको कार्य भईरहेको छ । विकास निर्माणको कार्यलाई गति दिन संघ र प्रदेश सरकारले समन्वय नगरी सहयोग नगरेकोले जनता र आफूले सोचेको जति काम हुन सकेको छैन् । तै पनि हालसम्म सबै क्षेत्रमा राम्रै विकास भएको छ । कलैया उप–महानगरपालिकामा प्रायः जसो ग्रामिण क्षेत्र पर्ने भएकोले त्यहाँ बाटोघाटोको अवस्था एकदमै दैनिय थियो तर आफू जनप्रतिनीधि भएर आएपछि खाल्टो खाल्डा खुल्डी सडकलाई मर्मत सम्भार गर्दै विभिन्न ठाउँ पक्की ढलान बनाईएको छ ।

मुख्यतः कलैयासंग जोडिएको ग्रामिण भेगका साँघुरो सडक फराकिलो गर्दै सडक र नालाको काम भएको छ । अव्यवस्थित विद्यालय, स्वास्थय चौकी, धार्मिक आस्थासंग जोडिएको मठ मन्दिर पनि बनाइएको छ ।

मुख्यतः शिक्षा र स्वास्थयमा देखिएएको बेतिथिलाई सुधार गरी शिक्षा र स्वास्थयको पहुँचमा जनतालाई सजिलो हुने वातावरण सृजना गरेका छौ । यहाँका प्रायः जसो सबै मानिस कृषि पेशामा निर्भर रहेकोले कृषि कार्य सम्बन्धी विभिन्न ज्ञान, सिप सहित कृषि कार्यको लागी आवश्यक पर्ने सामग्रीहरु पनि वितरण गरेका छौ ।

विश्व महामारीको रुप लिएको कारोना भाईरसको बेला पनि कलैया उप–महानगरपालिकाको चार ठाउँमा हेल्प डेक्स सञ्चालन गरी स्वास्थ परीक्षण गर्नुको साथै व्यवस्थित आईसोलेसन बनाएका थियौं ।

कोरोना महामारीको बेला पालिकाको प्रत्येक वडामा अति विपन्न तथा गरिब परिवारहरुलाई दाल, चामल, आलु, नुन, साबुन, तेल जस्ता राहत सामग्री वितरण गरिएको थियो ।

२. बाराको सदरमुकाम कलैयासंग जोड्न ग्रामिण भेगका सडकहरुको अवस्था अझै पनि दैनिय छ, कति वर्ष भित्र सुधारी सक्ने लक्ष्य राख्नु भएको छ ?

मुख्य सडक संघ र प्रदेश सरकारले हेर्नु पर्ने हो । पिलुवाहवा, मटियारवा र कलैया सडक खण्ड अहिलेसम्म अलपत्र छ । यो बाटो बारा जिल्लाको मुख्य बाटो हो । यो बाटो बनाउने जति हामीसंग बजेट पुग्दैन । संघ र प्रदेश सरकारले बजेट दिए मात्रै यो सडक बन्छ । पानी परेको बेला कलैयासंग जोडिएको ग्रामिण भेगका बाटो हिलामय हुन्थ्यो । जसले सवारी साधन मात्रै नभई पैदल यात्रीलाई पनि आवत जावत गर्न अफ्ठ्यारो हुन्थ्यो । त्यस्ता सडकलाई मर्मत सम्भार गर्ने काम गरेका छौ । तसर्थः खाल्डा खुल्डी सडकमा ग्रेवल पुर्ने, माटाे हाली साँघुरो सडकलाई फराकिलो बनाई पक्की ढलान गरिएको छ । सदियो देखी पिछडिएर रहेको गाउँ रातारात उप–महानगरमा गाभियो । एकैचोटी समग्र क्षेत्रको विकास सम्भव पनि छैन् । तै पनि पालिकाले पाएको बजेट अनुसार हरेक क्षेत्रमा गुणस्तरीय र दिर्घकालिन काम भईरहेको छ ।

३. चुनावको बेला जनतासंग गरेका प्रतिवद्धता मध्ये के के पुरा गर्नु भयो ? के के गर्न बाँकी छ ?

जनता बिच गरेको प्रतिबद्धता अनुसार नै हरेक क्षेत्रमा काम भएको पनि छ र भईरहेको पनि छ । प्रतिवद्धता अन्तर्गत नै पिच ढलानसहित फराकिलो सडक, विद्यालयको भवन, स्वास्थ चौकी, मठमन्दिर लगायतका विकास निर्माणको कार्य भईरहेको छ ।
मुख्यतः मूल बाटोहरु व्यवस्थित हुन सकेको छैन् । ग्रेबल त गरेका छौ, तर कालोपत्रे गर्न सकेका छैनौ ।

४. यहाँ नगर प्रमुख भएर आईसकेपछि शिक्षा र स्वास्थ्य क्षेत्रमा के कस्तो परिवर्तन भएको छ ?

पालिकामा भएको प्रत्येक स्वास्थ चौकीहरुलाई व्यवस्थित तरिकाले संचालनमा ल्याएका छौ । भवन भत्केको र स्वास्थय चौकी नभएको ठाउँमा मर्मत सम्भारसहित स्वास्थ चौकी बनाई सकारकारले दिएको अपुग बजेटमा हामीले उप–महागरपालिकाबाट पनि बजेट थपी विभिन्न औषधी खरिद गरी स्वास्थ चौकी संचलानमा ल्याएका छौं । जसकारण जनताले स्वास्थ्य सम्बन्धी विभिन्न औषधी र सेवा स्थानीयस्तर मै निःशुल्क पाईरहेका छन् ।

त्यस्तै गुणस्तरीय शिक्षा दिलाउन सक्ने उदेश्यले विद्यालयको भवन निर्माणको साथै भत्केको पुरानो विद्यालयका भवनलाई पनि मर्मत सम्भार गरिएको छ भने सौचालय नभएको विद्यालयमा सौचालय पनि बनाई बेन्च, टेक्स, टेबुल जस्ता पूर्वाधारको व्यवस्थापन गरिएको छ ।

यस्तै विद्यालयको बाउन्ड्री वाल पनि बनाएका छौ । श्री दुर्गा मावि, श्री त्रि–चन्द्र स्कुल, श्री पन्ना मावि, श्री मनहर्वा मावि यी विद्यालयहरु पूर्ण रुपले व्यवस्थित भई संचलानमा छन् । केही विद्यालयहरुमा अनलाईनमार्फत कक्षा सञ्चालन गर्न इन्टरनेट जडान गरेका छौ । अहिले कलैयाको सबै ठाउँमा वाईफाई जनाड भईसकेको छ, सुचारु हुन मात्रै बाँकी छ । यस्तै पालिकाको प्रत्येक वडामा वाईफाई जडान गरी आधुनिक शिक्षाको लागि आवश्यक पर्ने हरेक पूर्वधार र प्रविधि व्यवस्थापन गर्ने आगामी योजना रहेको छ ।

शिक्षकसंगसंगै अन्य क्षेत्रका कर्मचारीहरुको लागी अनलाईन हाजिरी गर्ने व्यवस्था गरिएको छ । दलित समुदायका बालबालिकाहरुलाई पनि शिक्षाको पहुँचसंग जोड्न विभिन्न चेतनामुलक कार्यक्रम गर्दै आएको छौ ।

५. पालिकामा भएको बेरोजगार युवा तथा महिलाहरुलाई रोजगार बनाउन के के योजना ल्याएर कार्यन्वयन गरिसक्नु भएको छ ?

हामी कहाँ मात्रै होईन, नेपालमै बेरोजगारीको संख्या बढि छ । युवाहरुको माझमा बेमौसमी तरकारी खेती रोजगारतर्फ उन्मुख हुने आधारहरु हुन । सामुहिक खेती, पशुपालन जस्ता अन्य कृषि पेशा गर्ने युवाहरुलाई सहयोग गर्न हामी चाहदा चाहदै पनि कर्मचारीहरुको अभावमा सोचे जस्तो गर्न सकेका छैनाैं ।

कृषि कार्यको लागी स्प्रे टंकी जस्ता विभिन्न स्रोत साधनहरु वितरण गरेका छौ । कृषिलाई नै आधुनिकिकरण गरेर रोजगार सृजना गर्ने उदेश्य रहेको छ । त्यसको लागि शब्जी मण्डी र बजार सेड बनाउने आगामी योजना रहेको छ । मुख्यतः पहिलादेखी नै पिछिडिएर रहेको यो पालिकामा तिब्र गतिले काम गर्न खोज्दा पनि कर्मचारीको अभाव र आएको कर्मचारी पनि सरुवा भएर जादा नयाँ आउने कर्मचारीलाई कार्यतालिका बुझ्न मै ५/६ महिना जति समय खेर जान्छ । तसर्थः कर्मचारीको अभावले पनि सोचेको र चााहेको जति काम गर्न चुनौती भएको छ ।

तैपनि कृषिसंगसंगै मोटसाईकल बनाउने, प्लम्बरकाे काम लगायतका सिपमूलक तालिमको आयोजना गरी युवाहरुलाई रोजगार बनाउन काम भएको छ । महिलाहरुलाई पनि रोजगार बनाउन सिलाई कटाई, बुटिक जस्ता विभिन्न शिपमुलक तालिमहरु संचालन गरिएको छ ।

प्रदेश २ का नेकपा संसदीय दलका नेताविरुद्ध अविश्वासको प्रस्ताव दर्ता

0

 जनकपुरधाम । नेपाल कम्युनिस्ट पार्टी (नेकपा) विभाजन भएसँगै प्रचण्ड(नेपाल समूहले प्रदेश २ का संसदीय दलका नेता सत्यनारायण मण्डललाई हटाउने तयारी गरेको छ ।

ओली पक्षबाट नेकपा संसदीय दलका नेता बनेका मण्डललाई दलको नेताबाट हटाउने तयारी गरिएको प्रचण्ड(नेपाल समूहका सांसद शत्रुघन महतोले जानकारी दिए । प्रदेश २ मा नेकपाको ३२ जना सांसद छन् । यसमध्ये २० जना आफूहरुको पक्षमा रहको प्रचण्ड(नेपाल पक्षको दाबी छ ।

‘दलका नेता मण्डलविरुद्व अविश्वासको प्रस्ताव दर्ता भइसकेको छ,’ सांसद शत्रुघन महतोले भने, ‘आइतबार बैठक बसी उनलाई पदबाट हटाइनेछ ।’

कुल ३२ जना सांसदमध्ये १७ जना सांसदले हस्ताक्षर गरी दलका उपनेता रामकुमार यादवसमक्ष मण्डलविरुद्व अविश्वासको प्रस्ताव दर्ता गराइसकिएको सांसद महतोले जानकारी दिए ।

‘अविश्वासको प्रस्ताव दर्ता गराउन एक चौथाइ आवश्यक पर्छ तर हामीले आधाभन्दा बढी सांसद हस्ताक्षर गरिसकेका छौं,’ सांसद महतोले भने ।

आइतबार बस्ने संसदीय दलको बैठकमा अविश्वास प्रस्ताव दर्ता हुने र नेता मण्डलले त्यसमा फेस गर्न नसके तत्कालै हटाइने सांसद महतोले शुक्रबार पत्रकारहरु समक्ष बताएका छन् ।-अनलाइनखबर

गरिब, दलित तथा ज्येष्ठ नागरिकलाई जाडोबाट बचाउन वडाध्यक्ष प्रमोद यादवद्धारा कमल वितरण

0

-बलिराम यादव //
वीरगंज ।
पर्साको बहुदरमाई नगरपालिका–१ बिश्रामपुरमा अति विपन्न, गरिब, दलित तथा ज्येष्ठ नागरिकहरुलाई कम्बल वितरण गरिएको छ ।

बहुदरमाई वडा नं. १ बिश्रामपुरमा वडाअध्यक्ष प्रमोद यादवले गरिब, दलित तथा ज्येष्ठ नागरिकलाई कम्बल वितरण गरेका हुन् । केही दिनदेखीको शित लहरसंगै चलेको चिसो हावाको कारण जाडो बढेसंगै वडा अध्यक्ष यादवले जाडोबाट बचाउन गरिब, दलित तथा ज्येष्ठ नागरिकहरुलाई कम्बल वितरण गरेका हुन् ।

वडा कार्यालय बिश्रामपुरस्थित बुधबार एक कार्यक्रमका बिच वडाअध्यक्ष यादवले १५० जना गरिब, दलित तथा ज्येष्ठ नागरिकलाई कम्बल वितरण गरेका थिए ।

वडाअध्यक्षमा निर्वाचित भएदेखी नै जनताको हरेक दुःख सुखमा हातोमालो गर्दै विकास निर्माणका कार्यमा पालिकाको अन्य वडालाई उछिन्ने गरेकोले आफूहरु उत्साहित भएको वडाबासीहरुले बताएका छन् ।

बाटोघाटो तथा सडकको अवस्था एकदमै दैनिय रहेको सो वडामा वडाअध्यक्ष यादवको मेहेन्त र लगनशिलताले वडाको गल्ली गल्लीमा ढलानसहितको सडक र नाला निर्माण भएपछि वडाबासीबिच उनको वाहीवाही भएको उनीहरुले बताएका छन् ।

विश्व महामारीको रुप लिएको कोरोना भाईरसको बेला पनि दैनिक ज्यालादारी गरि खाने गरिब तथा विपन्न परिवारलाई दैनिकी चलाउन कठिनाई भईरहेको बेला दाल, चामल, आलु, प्याज, तेल, लगायतका खाद्यय सागम्री २÷३ पटक समेत वितरण गरेकोले आफूहरुलाई लकडाउनको खासै असर नपरेको हर्षित हुँदै सो वडाका विपन्न तथा दलित समुदायहरु बताए ।

रोजगार बनाउन विभिन्न सिलाई, कटाई सम्बन्धी तालिम संचालन गरी सिप सिकाई कतिपय चेलीबेटीहरुलाई रोजगार बनाएको कार्य अहिले पनि वडाबासीको लागी चर्चाको विषय बनेको छ ।

कम्बल वितरण कार्यक्रममा स्थानीय समाजसेवी जटाशंकर यादव, वडा सचिव दिनेश कुमार, स्थानीय अदेश कुशवाहा लगायत विभिन्न वडाबासीको उपस्थिति रहेको थियो । वितरण गरिएको १५० पिस कम्बल बहुदरमाई–१ वडा कार्यालयको बजेटबाट खरिद गरिएको थियो ।