केही दिनअघि वरुण धवन र नताशा दलाल विवाह बन्धनमा बाँधिए। बलिउडसँगै शुभचिन्तकहरु पनि उनीहरूको विवाहलाई लिएर निकै खुसी छन्। सबैले आफ्नो शैलीमा बधाई दिएका छन्। बलिउडका कलाकारहरु पनि वरुण र नताशालाई भविष्यको लागि शुभकामना दिइरहेका छन्।
यसैबीच दक्षिण भारतीय अभिनेत्री श्रद्धा श्रीनाथले पनि उनीहरुलाई बधाई दिएकी छिन्। तर उनको बधाई अरूका भन्दा निकै फरक तरिकाको छ। अभिनेत्री श्रद्धाले वरुण र नताशालाई बधाई दिँदै लेखेकी छिन्, ‘यो दु:खको कुरा हो कि हामी उनलाई (वरुण) फेरि पर्दामा देख्न सक्दैनौं। यो स्पष्ट छ कि वरुणका ससुरालीहरूले उनलाई कुनै पनि अन्य नायिकासँग काम गरेको देख्न सक्दैनन्। हुनसक्छ अब उनी पुरुषवादी फिल्ममा काम गर्नेछन्। तर उनले कसरी आफ्नो नीजि जीवन र व्यवसायिक जीवनबीच तालमेल मिलाउन सक्लान्। मुश्किल छ। उनलाई मिस गर्नेछौं। तर पनि बधाई वरुण।’
श्रद्धाको यस शैलीले सामाजिक सञ्जाल प्रयोगकर्ताहरूको ध्यान आकर्षण गरिरहेको छ। व्यक्तिहरूले विभिन्न प्रकारका टिप्पणीहरू दिइरहेका छन्। धेरै मानिसहरूले हाँसोमै उडाएका छन्।
यसभन्दा पहिले शाहिद कपूरले पनि वरुण र नताशालाई फरक तरिकाले बधाई दिएका थिए। शाहिदले बैवाहिक जीवनको बधाई दिँदै भनेका थिए दुबै परिवारलाई डार्क साईडमा स्वागत छ।
