जिराभवानी । पर्साको सखुवा प्रसाैनी गाउँपालिकामा अबैध रुपमा लगाइएको गाँजा खेती प्रहरीले फाडेर नस्ट गरेको छ ।
ईलाका प्रहरी कार्यालय पटेर्वा सुगौलीबाट प्रहरी निरीक्षक रामकाजी थापाको नेतृत्वमा गएको प्रहरी टोलिले सखुवा प्रसाैनी गाउँपालिका वडा नम्बर १ अकुवनियामा अबैध रुपमा लगाइएको गाँजा खेती फाड्नुको साथै आगो लगाएर नस्ट गरेकाे हाे ।
गाँजा खेती कस्लेे गरेकाे थियाे बारेमा अनुसन्धान भैरहेको प्रहरी निरीक्षक थापाले जानकारी दिए ।
ईलाका प्रहरी कार्यालय पटेर्वा सुगौलीले एक महिनादेखि ग्रामीण क्षेत्रमा अबैध रुपमा लुकाइ छिपाइ रोपिएको गाँजा फाड्ने अभियानलाई तिव्रता दिईएकाे छ । अहिले सम्म १२ बिगहा १८ कठामा लगाइएको गाँजा खेती फाडेर नस्ट गरिएको प्रहरी निरीक्षक थापाले जानकारी गराए ।
