Date
शुक्र, मंसिर ४, २०८३
Fri, November 20, 2026
Home Blog Page 874

बारामा कार्यरत सशस्त्र प्रहरी निरीक्षकको मृत्यु

0

वीरगंज । बारामा कार्यरत एक सशस्त्र प्रहरी निरीक्षकको मृत्यु भएको छ । बोर्डर आउट पोष्ट कबहीगोठका ईन्चार्ज सशस्त्र प्रहरी निरीक्षक नारायण सिंह ऐरको मृत्यु भएको हो ।

अचानक बेहोस भएका उनको दुःखद मृत्यु भएको सशस्त्र प्रहरी बल प्रदेश नं २ छिन्नमस्ता बाहिनीका प्रमुख सशस्त्र प्रहरी नायब महानिरीक्षक चन्द्र प्रकाश गौतमले जानकारी दिए । दार्चुला घर भएका उनको शव गाउँमै पठाउने तयारी भईरहेको सशस्त्र प्रहरीले जनाएको छ ।

बिहानैदेखि ड्युटीमा खटिएका उनी दिउँसो अचानक बेहोस भएका थिए । बेहोस भएपछि उपचारका लागि कलैया स्थित कलैया अस्पतालमा लगिएको थियो । कलैया अस्पतालले उपचार हुन नसक्ने बताएर नारायणी अस्पताल रिफर गरेको थियो । नारायणी अस्पतालमा आईपुग्दा मृत्यु भईसकेको अस्पतालमा कार्यरत चिकित्सकले बताएका छन् ।

नारायणी अस्पताल आकस्मिक विभागका प्रमुख डाक्टर उदय नारायण सिंहले अस्पतालमा मृत अवस्थामा नै आईपुगेको जानकारी दिए ।

‘एक्कासी लड्नुभयो भनेर ल्याईएको थियो, तर अस्पतालमा आईपुग्दा नै मृत्यु भईसकेको थियो ।’ उनले भने ‘ सडेन डेथ हुनुको पछाडि मुटु सम्बन्धि कुनै समस्या हुनसक्छ ।’

भिस्वाबाट गाँजा सहित मियाँ पक्राउ

0

वीरगंज ।  पर्साको छिपहरमाई गाउँपलिका वडा नं. ५ भिस्वाबाट अवैध लागूऔषध ‘गाँजा’ सहित एक जनलाई प्रहरीले पक्राउ गरेको छ । प्रहरी चौकी भिस्वाबाट प्रहरी हलदार रामबिश्वास यादव र चन्दन कुमार यादवले भिस्वास्थित वडा कार्यालय नजिकबाट १२ केजी अवैध लागूऔषध ‘गाँजा’ सहिद उक्त मानिसलाई पक्राउ गरेको हो ।

पक्राउ पर्नेमा धोबिनि गाउँपालिका वार्ड नं. ५, धोबिनि निवासी ४० वर्षीय समसुल मियाँलाई पक्राउ गरिएको प्रहरीले जनाएको छ । चौकीको दक्षिण भारततर्फ साईकलको क्यारियरमा बोरामा राखेर लैजादै गरेको समयमा चेक जाँच गर्दा उक्त गाजा बरामद भएको प्रहरी चौकीले जनाएको छ ।

लागु औषध गाँजासहित मियाँलाई इलाका प्रहरी कार्यालय पोखरियामा राखि थप अनुशन्धान भईरहेको प्रहरी निरिक्षक दिपक थापाले बताए ।

जनकपुरमा प्रहरीसँगको झडपमा घाइते पूर्वमन्त्री मातृका र रामचन्द्र उपचारका लागि काठमाडौं रिफर

0

जनकपुरमा प्रहरीसँगको झडपमा घाइते पूर्वमन्त्री मातृका र रामचन्द्र उपचारका लागि काठमाडौं रिफर जनकपुरधाम ।जनकपुरमा प्रहरीसँगको झडपमा घाइते भएका नेकपा प्रचण्ड–नेपाल समूहका स्थायी कमिटी सदस्य मात्रिका यादव र केन्द्रीय कमिटी सदस्य रामचन्द्र झालाई थप उपचारका लागि काठमाडौं रिफर गरिएको छ ।

प्रहरीको लाठी प्रहारबाट बिहीबार दिउँसो भउका घाइते झाको टाउकोमा ८ वटा टाँका लगाइएको र स्थायी कमिटी सदस्य यादवको खुट्टामा चोट लागेको केन्द्रीय सदस्य श्रीप्रसाद साहले जानकारी दिए ।

अहिले प्रादेशिक अस्पताल जनकपुरमा रहेका उनीहरूलाई आजै काठमाडौं लैजाने तयारी भएको उनले बताए । नेकपाले शान्तिपूर्ण प्रदर्शनमा प्रहरीले अनावश्यक बल प्रयोग गरेको आरोप लगाएको छ । यादव र झाका अतिरिक्त जिल्लास्तरीय केही नेता पनि घाइते भएका छन् ।आन्दोलनकारीले प्रहरीको भ्यानमा आक्रमण गरेपछि स्थिति नियन्त्रणमा लिन केही राउण्ड अश्रुग्यास प्रहार गरिएको धनुषाका प्रमुख जिल्ला अधिकारी बन्धुप्रसाद बास्तोलाले बताए ।

आन्दोलनकारी ६ सयको संख्यामा लाठीसहित आएको र उनीहरूले प्रहरी भ्यानको शिशा फुटाएको सीडीओ बाँस्तोलाको दाबी छ ।

पाेखरिया युवा समाजद्वारा विद्यार्थीहरुलाई शैक्षिक सामग्री वितरण

0
pokhariya youwa samaj
वीरगंज । पोखरिया युवा समाजले बिहिबार ६० जना दलित तथा विपन्न बर्गका बालबालिकाहरुलाई शैक्षिक सामग्री वितरण गरेकाे छ ।
 
युवा समाजले पाेखरिया नगरपालिकाकाे वडा नं. ६, श्रीसियास्थित रहेकाे दलित उत्थान प्राथमिक विद्यालयका विद्यार्थीहरुलाई एक कार्यक्रमकाे शैक्षिक सामग्री वितरण गरेकाे हाे । विद्यार्थीहरुलाई कोपि, कलम तुथपेस्ट, ब्रश, नेल कटर, साबुन, क्लिएर ब्याज्ञ लगायतकाे सामग्री वितरण गरिएकाे युवा समाजका अध्यक्ष भगवानदास तात्वाले वताए ।
 
समाजका राज कुमार दास तत्वा, भाेला कुमार गुप्ता, आभाव राैनियार, राजकिशाेर साह राैनियार, मुनेश्वर साह कानु, मनिर मियाँ, नाैसाद आलम, दिपक कुमार यादवकाे सहयाेगमा समाग्री वितरण गरिएकाे उनले जानकारी दिए ।
 
समाजका अध्यक्ष तत्वाकाे अध्यक्षता र ईलाका प्रहरी कार्यालय पोखरियाका प्रहरी निरीक्षक दिपक थापाकाे प्रमुख आतिथ्यमा भएकाे कार्यक्रममा युवा समाजकाे ताराचन्द शाह, राकेश महतो, मकबुल मियाँ अन्सारी, मुम्ताज मियाँ लगायतकाे उपस्थिति रहेकाे थियो ।

प्रस्तावना लेखन तथा क्षमता अभिवृद्धि सम्बन्धि २ दिने तालिम सम्पन्न

0
rrn talim

वीरगंज । बाराकाे परवानीपुरमा संवाद संजालका किशाेर, किशाेरी र एनिमेटरहरुकाे लागि संचालित प्रस्तावना लेखन तथा क्षमता अभिवृद्धि सम्बन्धि २ दिने तालिम बिहिबार सम्पन्न भएकाे छ ।

युराेपियन युनियनकाे सहयाेग चाइल्ड नेपाल र संरक्षण नेपालकाे सहकार्यमा नेपाल ग्रामिण पुननिर्माण संस्थाद्वारा संचालित किशाेरी संवाद कार्यक्रम अन्तर्गत परवानीपुरस्थित कृषि अनुसन्धान केन्द्रमा संचालित तालिम सम्पन्न भएकाे हाे । 

तालिममा प्रशिक्षक नवराज थापा, कार्यक्रम व्यवस्थापक भानु पराजुुली, कार्यालय प्रमुख भिम कुमार राई, राजु साहले प्रशिक्षण दिएका थिए । 

तालिमकाे उद्घाटन बुधबार जिल्ला समन्वय समिति पर्साका उप प्रमुख ठाकुर प्रसाद न्याैपाने गरेका थिए । 

वीरगञ्जमा हार्ट एण्ड सुपर स्प्यासिलिटी पोलिक्लिनिककाे उद्घाटन

0
clinic sanchalan

वीरगञ्ज । वीरगञ्जमा मटुसम्बन्धी सम्पूर्ण रोगको उपचारका लागि ‘वीरगञ्ज हार्ट एण्ड सुपर स्प्यासिलिटी पोलिक्लिनिक’ले सेवा शुरू गरेको छ । 

क्लिनिकको पर्साका प्रमुख जिल्ला अधिकारी अस्मान तामाङले बिहीबार उद्घाटन गरेका थिए । 

मुटुसम्बन्धी समस्याको सहज उपचारलाई लक्षित गरेर सेवा शुरू गरिएको पोक्लिनिकका सञ्चालक डा. मधु गुप्ताले बताईन । बिरामीहरूलाई सहज र सुलभ रुपमा विशेषज्ञसहित सेवा प्रदान गरिने सञ्चालक डा. गुप्ताले जानकारी दिइन । 

पोलिक्लिनिकमा मुटुसम्बन्धी उपचारमा टीएमटी, पीएफटी, इको, एबीपी मोनिटरिङ लगायतको सेवा दिइने छ । पोलिक्लिनिकले विशेषज्ञ डाक्टरहरूद्वारा मुटुसम्बन्धी सबै उपचार सेवा, मधुमेह, थाइराइड, स्त्री रोग, पेटसम्बन्धी समस्या, फोक्सोको जाँच र नशा रोगको उपचारको प्रबन्ध मिलाएको डा. गुप्ताले बताईन । 

बाल तथा शिशु रोग विशेषज्ञबाट नवजात शिशु र बाल रोगको पनि उपचार हुने पोलिक्लिनिकले जानकारी दिएको छ । विरामीलाई सहज रुपमा उपचारका लागि पोलिक्लिनिक परिसरमै प्याथोजी ल्याव र फार्मेसीको पनि व्यवस्था मिलाइएको छ ।

पोलिक्लिनिकले उपचारमा नयाँ प्रविधि र विशेषज्ञतालाई विशेष जोड दिइएको बताएको छ । वीरगञ्जबाहिरका विशेषज्ञ डाक्टरहरूबाट पनि बिरामीलाई सेवा प्रदान गर्ने व्यवस्था मिलाउने योजना पनि बनाएको छ । 

नेकपा प्रचण्ड-माधव समूहकाे आमहड्ताल, प्रकाउ परेका ३५ जना रिहा भए

0
birgunj band

वीरगन्ज । नेकपा प्रचण्ड–माधव समूहले प्रधानमन्त्री केपी शर्मा ओलीकाे असंवैधानिक कदमकाे विरुद्ध आह्वान गरेको नेपाल बन्दको प्रभाव बिहिबार वीरगन्जमा पनि पर्याे । विहानैदेखि वीरगन्ज बजारका पसलहरु बन्द रहेको अवस्थामा प्रहरीले आन्दाेलनकारीहरुलाई नियन्त्रणमा लिन थालेपछि दिउसाेदेखी आँशिक रुपमा खुलेकाे थियाे ।

वीर‌गंजका शिक्षण संस्था, चार पांग्रे तथा लामाे दुरीकाे सवारी साधनहरु पूर्ण रुपले थप रह्याे भने माेटरसाइकल तथा सानाे दुरीकाे सवारी साधनहरु आंशिक रुपमा संचालनमा रह्याे ।

विहानैदेखि नेकपा प्रचण्ड–माधव समूहका कार्यकर्ताहरु पसलहरु बन्द गराउन खोज्दा प्रहरी र आन्दाेनकारीबिच झडप समेत हुने अवस्था सिर्जना भएर वीरगन्जकाे घण्टाघर क्षेत्र केहीबेर तनावग्रस्त समेत बनेको थियो । 

प्रहरीले वीरगंजकाे घण्टाघर क्षेत्रबाट नेकपाका वीरगंज महानगर कमिटी अध्यक्ष रहबर अन्सारी, जिल्ला कमिटी सदस्य मनाेज चाैधरी, सुनिल कुशवाहा,  टुनटुन तिवारी, नेता अरविन्द सिंह, युवा संघका केन्द्रिय सदस्य अरुण यादव, अनेरास्ववियूका केन्द्रिय सदस्य प्रभाकर गुप्ता, शिवम साह, जुबेर आलम, विद्यार्थी नेता रामबाबु मण्डल, दिलसाद अहमद, धुरेन्द्र पटेल, साेनु अन्सारी, नितेश गुप्तालाई नियन्त्रणमा लिएकाे थियाे ।

यसैगरी, नेकपा प्रदेश कमिटी सदस्य रामबाबु बैठा, विद्यार्थी नेता विवेेक साह, फिराेज आलम, सरिफ अन्सारी, सरिफ अन्सारी, लालबाबु प्रसाद यादव, व्यास यादव, लालबाबु पटेल, जावेद अली, अनिल कुमार गुप्ता, महेश कुमार पटेल, शशिबाबु गुप्ता, जुमादिन अन्सारी लगायतकालाई प्रहरीले नियन्त्रणमा लिएकाे थियाे ।

पक्राउ परेका सबै जनालाई प्रहरी सांझ ५:३० बजे छाेडेकाे थियाे । पक्राउ परेका मध्येका वीरगंज महानगर कमिटी अध्यक्ष रहबर अन्सारीकाे जिम्मामा प्रहरी सांझ सबैजनालाई छाेडेकाे अनेरास्ववियुका अनेरास्ववियुका केन्द्रिय सदस्य जुबेेर आलमले वताए ।

प्रजिअ तामाङकाे गाडीमा ढुंगा प्रहार

cdo ko gadiवीरगंजकाे घण्टाघरमा पर्साका प्रमुख जिल्ला अधिकारी आस्मान तामाङकाे गाडीमा ढुंगा प्रहार भएकाे थिए । वीरगंजकाे घण्टाघरमा जम्मा भएका आन्दाेलनकारीहरुले जिल्ला प्रशासन कार्यालयबाट घण्टाघर भएर एक कार्यक्रमकाे उद्घाटन गर्न जादै गरेकाे प्रजिअ तामाङकाे गाडीमा ढुंगा प्रहार भएकाे थियाे । त्यसपछि प्रहरीले कडा एक्सनमा उत्रेपछि आन्दाेलनकारीहरुकाे भागदाैड समेत मचेकाे थियाे ।

ढुंगा प्रहारबाट अधिकारी तामाङकाे गाडीमा कुनै किसिमकाे क्षति नभए पनि ढुंगा प्रहार गर्ने शंकामा प्रहरीले चार जनालाई नियन्त्रणमा लिएकाे थियाे । प्रकाउ परेका सुनिल राय, उद्य मुखिया, रविन्द्र कुमार यादव लगायतका चारै जनालाई पनि प्रहरीले आन्दाेलनकारीहरुसंगै सांझ छाेडेकाे थियाे ।

हिन्दु स्वयंसेवक संघले वीरगन्जमा भव्य रुपमा पथ संचालन गर्ने

0
hindu sawmsewak

वीरगंज । हिन्दु स्वयंसेवक संघ नेपाल पर्साले वीरगन्जमा भव्य रुपमा पथ—संचालन (रुटमार्च) कार्यक्रमको आयोजना गर्ने भएको छ । सामाजिक तथा सांस्कृतिक संगठनको रुपमा रहेको संघले यही माघ २४ गते शनिबार प्रशिक्षित हिन्दु स्वयंसेवकहरु गणवेशमा पथ—संचालन गर्ने कार्यक्रम तय भएको संघका जिल्ला संघचालक ललन द्धिवेदीले बताए ।

संघको वीरगन्ज शाखाद्वारा निर्मित स्वंयसेवकहरुको एकत्रिकरणका निम्ती पथ—संचलान कार्यक्रमको आयोजना गरिएको उनले बताए । कार्यक्रमको मुख्यअतिथिमा नेपाल प्रहरीका अवकाश प्राप्त अतिरिक्त प्रहरी महानिरिक्षक एवं संघका राष्ट्रिय सह संघचालक कल्याण तिमिल्सिनाले गर्नुहुने उनले बताए ।

आर्दशनगरस्थित रहेको ठाकुराम बहुमुखी क्याम्पसको शिक्षा संकायको मैदानबाट शनिबार विबहान १२ बजे निकालिने मार्चपास बालमन्दिर, घडिअर्वा, माईस्थान, घण्टाघर हुदै पुन: माईस्थान, आर्दशनगर, अलखिया मठ, कन्या मावि, गणेशमान चौक, विर्ता मन्दिर, मकालु होटल, कैलाश चौक हुदै क्याम्पसको शिक्षा संकायको मैदानमा पुगि समापन हुने छ ।

सामाजिक तथा सांस्कृतिक संगठनको रुपमा रहेको हिन्दु स्वयंसेवक संघले नेपालमा २९ बर्षदेखि विभिन्न सामाजिक कार्यगर्दै आएको छ । संघले शिक्षा, सेवा, प्रशिक्षण, जागरण ईत्यादीको माध्यमले अनुशासित चरित्रवान, सुसंस्कारित तथा देश—भक्त व्यक्ति निर्माण गर्दै राष्ट्र निर्माणको कार्य गर्ने उदेश्य लिएको छ ।

सहकारी बैंकको ६५ औं शाखा कलैयामा उदघाटन

0

वीरगंज । कलैया राष्ट्रिय सहकारी बैंक लि.को ६५ औं शाखा कार्यालय समुदघाटन तथा अन्तरकृया कार्यक्रम सम्पन्न भएको छ ।  हाम्रो लक्ष्यः सम्पूर्ण सहकारीको दिगो भबिस्य भनी मुल नाराका साथ कलैया स्थित होटेल बरेवा दरबारमा भएको कार्यक्रम सम्पन्न भएको जिल्ला कृषि सहकारी संघ लि. पर्साका अध्यक्ष शिव कुमार साहले जानकारी दिए ।

राष्ट्रिय सहकारी बैंक लि.का केन्द्रिय अध्यक्ष के.बि. उप्रेतीको अध्यक्षता र प्रदेश नं. २ का भुमी ब्यवस्था, कृषि तथा सहकारी मन्त्री शैलेन्द्र प्रसाद साहको प्रमुख अतिथियतामा भएको कार्यक्रममा प्रदेश सभा सदस्य पारस साह, जिल्ला कृषि सहकारी संघ लि. बारा अध्यक्ष मिस्रीलाल सहनी लगायतले शुभकामना मन्तब्य व्यक्त गरेका थिए ।