Date
शुक्र, मंसिर ४, २०८३
Fri, November 20, 2026
Home Blog Page 875

कौवावनकटैयामा दलित दबाब समुह गठन

0

वीरगंज । पर्साको सखुवा प्रसौनी गाउँपालिका वडा नं. ३, कैवा बनकटैयामा दलित दबाब समूह गठन भएको छ । बुधबार एक भेलाका बिच कौवावनकटैयामा दलित अधिकारको लागि दलित दबाब समुह गठन भएको हो ।जयलाल महारा चमारको संयोजकत्वमा १८ सदस्यीय समिति गठन भएको पिस फर दलित फाण्डेशन नेपालका अधयक्ष मनोज रामले बताए ।

जुन समितको सह–संयोजक गजेन्द्र राम, ब्रहमा महरा, सदस्यहरु रामदेव मुसह, सुनरी देवी मुसहर, सुरस्ती देवी मुसहर, विनोद मुसहर, सुनलाली देवि चमैन, टैईट महरा, रामकिशोर महरा चमार. सुरज महरा, खुबलाल मुसहर, रामसिस महरा चमार, लोरिक चमार, वेदमा देवी, रुदल महरा, मोहन मुसहर , विसुन मुसहर लगायका रहेका छन् ।

पिसफोर दलितस फाउन्डेसन नेपाल, प्रदेश नं.२ को आयोजनामा भएको भेलाले दलित अधिकारको लागि दलित दबाब समुह गठन भएको फाउण्डेशनका अध्यक्ष रामले बताए ।

भेलामा दलितको सामाजिक न्याय तथा सामाजिक स्वतन्त्रताको लागि १०१ दलित युवा नेतृत्व अभियानको संयोजक सुरेन्द्र पासवान, पिसफोर दलितस फाउन्डेसन नेपालको अशोक राम, पिसफोर दलितस फाउन्डेसन नेपालको सदस्य परमान्द राम, दलित अगुवा लगायतको सहभागिता रहेकोे थियो ।

उचित व्यवस्थापन गर्न खुद्रा व्यवसायीहरुको मांग्

0

वीरगंज । बीरगंजस्थित रातो बंगला नजिकै उत्तरपट्टी रहेको खाली जग्गामा व्यवसाय गरिरहेका खुद्रा वस्त्र तथा फैन्सी पसलका व्यवसायीहरुले उचित व्यवस्थापनको मांग गरेका छन् । वीरगंजस्थित नेपाल पत्रकार महासंघ पर्साको सभाहलमा बुधबार पत्रकार सम्मेलन गर्दै खुद्रा व्यवसायीहरुले वीरगंज महानगरपालिकाको निर्देशन अनुसार सो जग्गामा पसल खडा गरेको गरे पनि मंगलबार अचानक बिना सूचना घर टहरा तथा पसलहरु तोडफोड गरिएको आरोप लगाएका छन् ।

खुद्रा वस्त्र व्यवसायी संघका अध्यक्ष म. इस्लामुदिन अन्सारीले खण्डर बनेको जग्गालाई व्यवस्थापन गरी आफ्नो पैसा लगाएर पसल धनीहरु सो क्षेत्रलाई व्यवस्थित गरेको तथा १२० वटा पसल सो ठाउँमा सञ्चालन गरे पनि बिना सूचना अचानक घरटहरा तथा पसलहरु हटाउँदा आफू बिचलीमा परेको बताए ।

बीरगंज महा नगरपालिकाको जग्गा खाली गराउने निर्णयले सो क्षेत्रमा व्यापार गरिरहेका १ सय २० पसलधनी तथा पसलमै आश्रित परिवार विचल्लीमा परेको उनले दाबी गरे ।

करिब १ करोड ५० लाख भन्दा बढी लगानी रहेको त्यहाँ व्यवसाय संचालन गरिएको बताउँदै कोरोनामा व्यापार नै नभएको तथा बैंकको किस्ता समेत तिर्न नसकिरहेको अवस्थामा पसल पनि हटाइए पछि आफुहरु मर्नु नबाच्नुको अवस्थामा पुगेको खुद्रा व्यवसायीहरुको गुनासो छ । व्यापारी प्रदिप कुमार पटवाले आफुहरु विकासको विरोधी नरहेको बताउँदै महानगरपालिकाले आफुहरुको उचित व्यवस्थापन गर्नुपर्ने माग गरेका गरे ।

बीरगंज महानगरपालिकाले गत २० गते पसल खाली गराउँदा अत्यधिक बल प्रयोग गरिएको तथा तीन व्यसायीहरु समेत सामान्य घाइते भएको दुखेसो पोखे । पत्रकार सम्मेलनमा खुद्रा बस्त्र व्यवसायी संघ पर्साका सचिव प्रमोद कुमार गुप्ता, सदस्य संतोष प्रसाद रौनियार लगायतको व्यवसायीहरुको उपस्थित रहेको थियो ।

कोभिड महामारीमा अग्रपंक्तिमा खटेका चिकित्सक, नर्स र सफाईकर्मी सम्मानित

0

वीरगंज । कोरोना भाइरसको महामारीमा अग्रपंक्तिमा खटिएका ३५ जनालाई नगवा युवा समाजले सम्मान गरेको छ । समाजका अध्यक्ष अजय पासवानको सभापतित्वमा भएको कार्यक्रममा चिकित्सक, नर्स, सफाईकर्मीलगायतका ३५ जनालाई सम्मानपत्रले सम्मान गरिएको थियोे ।

कार्यक्रमलाई सम्बोधन गर्दै वीरगंज महानगरपालिकाका मेयर विजय कुमार सरावगीले वीरगंज महानगरपालिका र स्वास्थकर्मी लगायत विभिन्न व्यक्तिहरुले कोरोना नियन्त्रण गर्न चालेको सकारात्मक कदमकै कारण महामारी नियन्त्रण गर्न सफल भएको बताए । कोरोनाको हटस्पट बनेको वीरगंजमा स्थानीय प्रशासनको समन्वय र अन्य सामाजिक संघ संस्थाहरुको सहयोगमा कोरोना भाइरसलाई नियन्त्रण गर्न सकिएको उनले बताए ।

कार्यक्रमका प्रमुख अतिथि समेत रहेका मेयर सरावगीले वीरगंज महानगरको जिम्मेवारी नभएको कामलाई पनि जिम्मेवारी पूर्वक गर्दै विपत बिरुद्धको लडाईमा अहोरात्र खटेको दाबी गरे । महामारीको बेला अस्पताल तथा क्वारेन्टाईनमा खटिएका चिकित्सकहरुको जोखिम भत्ता पनि सरकारले नदिएको भन्दै दुःखेसो पोखे ।

कोरोना महामारीको बेला व्यवस्थित क्वारेन्टाईनको व्यस्थापन गर्नुको साथै ७०४ जनाको घरघरमा गएर कोरोनाको उपचार तथा रोग प्रतिरोधात्मक क्षमता बढाउन विभिन्न औषधी पनि दिईएको उनले बताए । विपतको बेला अनुसशासनहिनताका कारण महामारी नियन्त्रण गर्न नसकिने बताउँदै उनले विपत सम्बन्धी समाजमा अनुसशानबारे जनचेतना फैलाउन युवाहरुलाई आग्रह गरे ।कोरोना महामारी नियन्त्रण गर्न चिकित्सकदेखी सरसफाईकर्मी सम्मको भुमिका महत्वपुर्ण रहेको बताउँदै उनले महानगरपालिकाले पनि आगामी दिनमा उनीहरुलाई सम्मान गर्ने उद्घोष गरेका थिए ।

कार्यक्रमका विशिष्ट अतिथि एंवम् पर्साका प्रमुख जिल्ला अधिकारी आस्मान तामाङले कोरोना जस्तो भ्यावह महामारीको बेला युवाहरुले खेलेको भूमिका पृथ्वी नारायण साह जस्तै अतुल्नीय रहेको बताए । उक्त महामारीको बेला आफ्नो ज्यान, घरपरिवार सबै त्यागेर विभिन्न बाँधा अड्चनको बाबजुद पनि अहोरात्र खट्ने सुरक्षाकर्मी, स्वास्थ्यकर्मी, सफाईकर्मी, समाजसेवी लगायतको भूमिका इतिहासमै स्थापित भएको उनले बताए ।

त्यस्तै वीरगंज उद्योग वाणिज्य संघका अध्यक्ष गोपाल केडियाले कोरोनाको दाण्डव उत्कर्समा पुगेको बेला महामारी नियन्त्रण गर्न अहोरात्र खट्ने योद्धाहरुलाई धन्बाद दिदै अस्पताल तथा अस्पतालमा कार्यरत स्वास्थ्यकर्मीहरुलाई पनि सम्मान गरेकोमा आयोजकप्रति आभार व्यक्त गरेका थिए ।

विश्व महामारीको रुप लिएको कोरोना भाइरसको महामारीको बेला वीरगंजमा अग्रपंक्तिमा खटिएका प्रभु हस्पिटलका निर्देशक डा. मनोज गुप्ताा, डा. लक्ष्मी थापा, डा. महेश्वर कुर्मी, डा. घनश्याम यादव, डा. रन्जित कुमार चौरसिया, नेपाल इण्डो हस्पिटलका प्रशासन प्रमुख हिमांशु शेखर, नगवा युवा क्लबका वरिष्ठ सल्लहाकार रामबाबु पासवान, डा. एकलाखु रहमान, डा विरेन्द्र महतो, डा. राधा भट्टराई अर्याल, डा. राजेश साहलगायतलाई सम्मान पत्रसहित सम्मान गरिएको थियो ।

कार्यक्रममा सम्मानित हुनेहरुलाई जिल्ला प्रहरी कार्यालय पर्साका प्रमुख प्रहरी उपरिक्षक बेल बहादुर पाण्डे तथा अत्य अतिथिहरुले सम्मान पत्र हस्तान्तरण गरेका थिए । कार्यक्रमको सहजिकरण बिधार्थी नेता शिभम साहले गरेका थिए ।

वीरगंजबाट एक दर्जन भन्दा बढी नेता तथा कार्यकर्ता पक्राउ

0

वीरगंज । वीरगंजबाट नेकपा प्रचण्ड माधव समूहका एक दर्जन भन्दा बढी नेता तथा कार्यकर्ता पक्राउ परेका छन् ।

वीरगंजकाे घण्टाघर चाैकबाट नेकपा वीरगंज महानगर कमिटी अध्यक्ष रहबर अन्सारी, जिल्ला कमिटी सदस्य मनाेज चाैधरी, युवा संघका केन्द्रिय सदस्य अरुण यादव, अनेरास्ववियुका केन्द्रिय सदस्य प्रभाकर गुप्ता, शिवम साह, जुबेर आलाम, नेता अरबिन्द सिंह, टुनटुन तिवारी, सुनिल कुशवाहा, विद्यार्थी नेता रामबाबु मण्डल लगायत पक्राउ परेका हुन् ।

प्रधानमन्त्री केपी शर्मा ओलीकाे असंवैधानिक कदम विरुद्ध पार्टीकाे केन्द्रिय संघर्ष समितिद्वारा घाेषित नेपाल बन्दकाे कार्यक्रम सफल बनाउन घण्टाघर पुगेका आफुहरुलाई प्रहरीले नियन्त्रणमा लिएकाे प्रकाउ परेका मध्येका अनेरास्ववियुका केन्द्रिय सदस्य गुप्ताले वताए ।

पक्राउ परेकाे सबै जनालाई  जिल्ला प्रहरी कार्यालय पर्सामा राखिएकाे छ ।

prakau netaharu

नेपाल बन्द सफल पार्न वीरगंजमा मशाल जुलुश

0
neapal bandko lagi masal julus

वीरगंज । नेकपा प्रचण्ड-माधव समुहले बुधबार सांझ वीरगंजमा मशाल जुलुश प्रदर्शन गरेकाे छ । असंवैधानिक कदम विरुद्ध पार्टीकाे केन्द्रिय संघर्ष समितिद्वारा घाेषणा गरिएकाे बिहिबारकाे नेपाल बन्द सफल बनाउन मशाल जुलुश प्रदर्शन गरिएकाे अनेरास्ववियुका केन्द्रिय सदस्य शिवम साहले वताए ।

वीरगंजकाे घण्टाघरस्थित एक गल्लीबाट निस्केकाे मशाल जुलुश माईस्थान, महाविरस्थान, आदर्शनगर, घडिअर्वा हुदै पुन: माईस्थानमा पुगी काेण सभामा परिणत भएकाे थियाे । मशाल जुलुशकाे प्रदर्शनकाे क्रममा प्रहरीले हस्तक्षेप समेत गरेकाे थियाे ।

काेण सभालाई सम्बाेधन गर्दै नेकपा प्रदेश कमिटी सदस्य छाेटेलाल यादवले असंवैधानिक कदम विरुद्धकाे बन्दकाे कार्यक्रम सफल बनाउन सम्पूर्ण उद्याेगी, व्यवसायी, शैक्षिक संस्था, यातायात व्यवसायीहरुलाई आग्रह गरे ।

मशाला जुलुशमा नेकपा पर्सा जिल्ला सचिव विजय महताे, प्रदेश सदस्य रामबाबु बैठा, वीरगंज महानगर अध्यक्ष रहबर अन्सारी,  युवा संघका केन्द्रिय सदस्य अरुण यादव, अनेरास्ववियुका केन्द्रिय सदस्य प्रभाकर गुप्ता, जुबेर आलम लगायतकाे सहभागिता रहेकाे थियाे ।

सखुवाप्रसाैनीमा प्रगाेगशाला संचालनमा, परिक्षण नि:शुल्क

0
sakhuwa prasauni lab

वीरगंज । पर्साकाे सखुवा प्रसाैनी गाउँपालिकाकाे दुई वटा स्वास्थ्य चाैकीमा प्रयाेगशाला संचालनमा आएकाे छ ।

गाउँपालिकाकाे वडा नं‍. १ मधुवन मथवलस्थित रहेकाे सेवास्थ्य चाैकी र वडा नं. ५ महुवनस्थित रहेकाे स्वास्थ्य चाैकीमा प्रयाेगशाला संचालनमा आएकाे स्वास्थ्य संयाेजक राजेश राैनियारले वताए ।

गाउँपालिकाकाे सहयाेमा मंगलबारदेखी संचालनमा आएकाे प्रयाेगशालामा रक्त, दिसा र पिसाब नि:शुल्क परिक्षण हुने उनले जानकारी गराए ।

प्रयाेगशालाकाे एक कार्यक्रमका बिच गाउँपालिका अध्यक्ष प्रदिप जयसवालले उद्घाटन गरेका थिए । 

प्रयाेगशाला उद्घाटन गर्दै अध्यक्ष जयसवालले गाउँपालिका मै प्रयाेगशाला संचालनले रक्त, दिसा र पिसाबकाे परिक्षणकाे लागि सदरमुकाम वीरगंज जानु पर्ने बाध्यता अन्त्य भएकाे वताए ।

साे अवसरमा वडा नं. ५ का वडाध्यक्ष रुपलाल यादव, प्रयाेगशालाकर्मी राेशन कुमार, सुधिर गिरी लगायतकाे सहभागिता रहेकाे थियाे ।

चैत्र २७ मा पुष्प र श्रद्धाको ‘कृष्ण लीला’ रिलिज हुने

0

नायक पुष्प खड्का र नायिका श्रद्धा क्षेत्रीको मुख्य भूमिका रहेको चलचित्र ‘कृष्ण लीला’को प्रदर्शन मिति तय गरिएको छ । यो चलचित्र चैत्र २७ गतेबाट रिलिज हुने पक्का भएको छ । दीपक ओलीको निर्देशनमा तयार भएको चलचित्रले नयाँ बर्षको छेकोमा हलसम्म दर्शक तान्ने अपेक्षा गरिएको छ ।

यो चलचित्रका प्रस्तुतकर्ता रोहित कट्टेलले ‘कृष्ण–लीला’ दर्शकलाई नयाँ बर्षको कोसेली स्वरुप रिलिज गर्न लागेको बताए । आर आर फिल्म प्रोडक्शनको ब्यानरमा निर्माण भएको यो चलचित्रमा कार्यकारी निर्माताको रुपमा रत्न श्रेष्ठ छन् । चलचित्रमा प्रकाश कार्की र केवल तामाङको लगानी छ ।

यो चलचित्रमा बुद्दि तामाङ, रबिन्द्र झा, नवीन रेग्मी, हिउँवाला गौतम, भावना गुरुङ, आयुष गुरागाँई लगायतका कलाकारले अभिनय गरेका छन् । लक्ष्मण सुवेदीको लेखन रहेको चलचित्रमा शिब ढकाल र बाबु श्रेष्ठको छायांकन, अर्जुन पोखरेलको संगीत, रामजी लामीछानेको कोरियोग्राफी र श्री श्रेष्ठको एक्सन छ ।

चलचित्रमा समाबेश ‘कुनै दिन यस्तो पनि’ बोलको रोमान्टिक गीत भ्यालेन्टाइन डेको अवसर पारेर माघ ३० गते रिलिज गरिने निर्माणपक्षले बताएको छ । पूर्वी नेपालको पाँचथर, इलाम, झापा लगायतका जिल्लाका बिभिन्न रमणीय स्थलमा यो चलचित्रको छायांकन गरिएको छ ।

देशभरका हल संचालनमा आएपनि नयाँ चलचित्र रिलिज नहुँदा हलसम्म दर्शक पुगेका छैनन् । नयाँ बर्षको अवसरमा पुष्प र श्रद्धाको रोमान्टिक लभ स्टोरी चलचित्रले दर्शक तान्ने अपेक्षा निर्माणपक्षको छ ।

सरकारको लापर्वाहीका कारण पर्सामा हजारौ क्युफिट काठ कुहिँदै

0

वीरगंज । पर्साको वनजंगलमा हजारौ क्युफिट काठ नेपाल सरकारको निर्देशन बिना नष्ट हुने अवस्थामा पुगेको छ । नेपाल सरकारको सार्वजनिक सम्पति र सबैको पहुच पुग्ने ठाउ वनजंगल भए पनि बर्तमान अवस्थामा सरकारको स्पष्ट निती बिना हजारौ फिट काठ वनजंगलमा नष्ट हुन थालेको छ ।

काठ बनजंगलमा चाटा लगाईए पनि बिक्री बितरण नहुदा लाखौको क्षती रहेको बिन्दवासिनी बन ब्यवस्थापन साझेदारीका संयोजक रिजवान अंसारीले बताउनु भएको छ । अंसारीका अनुसार चाटा लगाईएको काठहरुलाई बिक्री बितरणको प्रक्रिया अगाडी बढाउदा प्रदेश सरकारले रोक लगाए पछि जंगलमै कुहिन थालेको बताए । यसैगरी लडेको, डढेको र सुकेको काठहरुको छपान र कटान नहुदा हाम्रै सम्पति नष्ट भईरहदा स्पष्ट निती नआउदा मुखदर्शक बन्न बाध्य भईएको संयोजक रिजवान अंसारीले गुनासो गरेका छन ।

यता प्रस्तावित गादीमाई वनब्यवस्थापन साझेदारीका संयोजक कृष्णमोहन यादवका अनुसार अस्पष्ट निती र कर्मचारीहरुको अर्दुदशताका कारण साझेदारीका जिम्मेवार बयक्तिहरु पनि मुखदर्शक बन्न बाध्य भएका छौ । यसरी नै निती र कर्मचारी तन्त्र हावी रहयो भने सार्वजनिक सम्पति नष्ट हुनुका साथै सर्वसाधारण ती पहुचबाट बंचित हुने स्पष्ट रहेको संयोजक यादवले बताएका छन ।

यसैगरी बढदो जाडो र हुस्सुमा वन कार्यालय र पालिकाहरुले दाउरा बितरण नगरेको स्थानियहरु बताएका छन । बिगतका दिनमा बिहेवारीमा, कथामटकोर, अष्टजाम, बिटोर जस्ता कामकाजमा सर्वसाधारणले पाउदै आएका दाउरा बर्तमान परिवेशमा जिल्ला वन डिभिजन कार्यालयले बितरण नगर्दा ती गतिबिधीहरुमा समस्या उत्पन भएको कालिकमाई गाउपालिका वडानम्बर २ गदियानीका रामप्रसाद साहले बताउनु भएको छ ।