Date
शुक्र, मंसिर ४, २०८३
Fri, November 20, 2026
Home Blog Page 873

छिपहरमाईमा नि:शुल्क स्वास्थ्य शिविर सम्पन्न

0
sawastha sibir_kalikatimes

वीरगंज । पर्साकाे छिपहरमाई गाउँपालिका वडा नं. ५ भिस्वामा शनिबार नि:शुल्क स्वास्थ्य शिविर सम्पन्न भएकाे छ ।

गृहलक्ष्मी बचत तथा ऋण सहकारी संस्था लि. सदस्य सेवा केन्द्र, छिपहरमाई गापा -५, भिस्वाको आयोजनामा श्री मंगल माध्यमिक विद्यालय भिस्वामा भएकाे शिविर सम्पन्न भएकाे हाे ।

सशस्त्र प्रहरी बल (नः १३ गण हे. क्वा.,पर्सा), राष्ट्रिय शहकारी बैंक शाखा कार्यालय विरगंज,  श्री भवानी हस्पिटल एण्ड रिसर्च सेन्टर प्रा.लि., माट्रिका आई फाउन्डेशन विरगंज र कोअपरेटिभ म्यानेजर्स क्लब विरगंजको सह आयाेजनामा भएकाे शिविरमा मेडिकल, अर्थाे, गाईनाे, बच्चा र आँखाकाे डाक्टरहरुले स्वास्थ्य परिक्षण गरेका थिए । 

शिविरमा ५ सय ३५ जना महिला र पुरुषले आँखा परिक्षण गराएका थिए । जस मध्ये १०३ जनामा मोतियाबिंदु फेला परेको जनाइएकाे छ । मोतियाबिंदु फेला परेकोलाई नि:शुल्क शल्यक्रिया समेत गरिने माट्रिका आई फाउन्डेशन विरगंजले जनाएकाे छ । 

शिविरमा सशस्त्र प्रहरी बल सिमा सुरक्षा बेस क्याम्प बंजारी भिस्वाका प्रहरी निरीक्षक संजिव बानियाँ, प्रहरी चौकी भिस्वाका प्रहरी नायब निरिक्षक प्रेम मिश्रा, स्थानिय नेता समसुल मियाँ, मनोज पटेल लगायतको उपस्थिती रहेको थियोे ।

वीरगन्जमा हिन्दु स्वयंसेवक सम्मेलन सम्पन्न (फाेटाेफिचर सहित)

0
hindu sawmesewak samelan

वीरगंज । हिन्दु स्वयंसेवक संघ नेपालको स्वयंसेवक सम्मेलन शनिबार वीरगन्जमा भव्य रुपमा सम्पन्न भएको छ । सम्मेलनको उद्घाटन संघका राष्ट्रिय सह संघचालक एवं पूर्व अतिरिक्त प्रहरी महानिरिक्षक कल्याण कुमार तिम्लसिनाले गरेका थिए ।

उद्घाटन समारोहलाई सम्बोधन गर्दै सह सघंचालक तिम्लसिनाले हिन्दुत्व र देशको लागि काम गर्नुपर्नेमा जोड दिए । उनले भने, ‘जुन व्यक्तिमा देश र राष्ट्रभक्तीको भावना छैन त्यो व्यक्ति व्यक्तिको जन्म बेकार छ, त्यसैले आफूभित्र देशभक्तीको भावना हुनुपर्छ अनि मात्र सच्चा स्वयंसेवक बन्न सकिन्छ ।’

पुर्खाहरुको उखान प्रस्तुत गर्दै उनले धर्म, संस्कृति हराए काशी जानु, न्याय हराए गोर्खा जानु, भन्दै धर्म संस्कार हराए हिन्दु स्वयंसेवक संघमा लाग्नु पर्छ किनभने संघमै धर्म संस्कृति तथा संस्कार सिकाउँने काम गरेको बताए ।

hindu samealnसम्मेलनमा सहभागि हुने स्वयंसेवक प्रति नमन गर्दै उनले भने, ‘हिम्मत, आट, जोसजागर र विश्वास भएको कर्मठ योद्धाले मात्र संघमा आबद्ध हुन्छ र संघको विचारलाई विश्वरी नै फैलाउँने काम गरेको छ । संघ नेपालमा मात्र नभई विश्वको ५२ वटा देशमा फैलिएको छ । हिन्दुत्वको महत्वलाई पनि फैलाउँने काम गर्न सकिने उनले बताए ।

मुलुकमा जनगणाको नाममा विभिन्न जातजातिलाई विभाजन गर्न खोजिएको छ, उनले भने,‘ हिन्दु भयो भने किरात, बौद्ध, जैन हुन पाईन्छ तर मुस्लिम भयो भने, मुस्लिम मात्र बन्न पाईन्छ किनभने, मुस्मिल धर्मले धर्ममात्र परिर्वतन हुदैन, नाम, जातपात सम्पूण परिवर्तन हुन्छ । त्यसैले हिन्दुधर्म मात्र एउटा यस्तो धर्मको जसले कसैको धर्ममाथि प्रहार गर्दैन ।’

samelanme sahbhagiमुलुकमा अहिले जबरजस्ती कृश्चिन तथा मुस्लिम धर्म परिर्वतन गर्ने काम भईरहेको छ । उनले भने, ‘अहिले हामी आफनो धर्म संस्कृतिको जर्गेना गर्न सकेनौ वा हिन्दु धर्मका अनुवायीले आफनो धर्म संस्कृति अनुसारको व्यवहार र कार्य गरेन भने नेपालमा पनि धर्म संस्कृति मासिने छ ।’

विश्वको सबभन्दा ठूलो सभ्यता रोमको थियो तर जुन प्रकारको यहुदीहरु रोममा प्रवेश गरे अहिले त्यहाँको सभ्यता हराएको छ र कृश्चियनहरु हावी भएको छन । उनले भने, ‘यदी हामी आफनो हिन्दु धर्म संस्कृतिको रक्षाको निम्ती जागरुक भएनौ भने, रोमकै अवस्था यहाँ हुन्छ त्यसैले अहिले हामी आफनो धर्म संस्कृति प्रति जागरुक भएका छौ, हिन्दु स्वयंसेवक संघले बोकेको विचारधारामा कटिबद्ध भएर यसको संरक्षण गर्नुपर्छ ।’

raily_hindu sawmsewakउद्घाटन समारोह पश्चात हिन्दु स्वयंसेवक संघका स्वयंसेवकहरु गणवेशमा बाजागाजा सहित वीरगन्ज नगरक्षेत्रमा पथ संचालन (मार्चपास) निकालिएको थियो ।

ठाकुरराम बहुमुखी क्याम्पस शिक्षा विभागको मैदानबाट निकालिएको पथ संचालन घडिअर्वा, माईस्थान, घण्टाघर, आर्दशनगर, अलखियामठ, गणेशमान, विर्ता, मकालु होटल, कैलाश चोक हुदै पुन ठाकुररामको शिक्षा विभागको मैदानमा पुगि सम्पन्न भएको थियो ।

पथ संचालन हुने क्रममा महानगरवासीले गणवेशमा रहेका स्वयंसेवकहरुमाथि चोक चोकमा पुष्पबर्षा गरेर भव्य रुपमा स्वागत तथा सम्मान समेत गरेका थिए ।

guest_hindu sawmsewakसंघका पर्सा जिल्लाका संघचालक ललन दुवेद्धीको अध्यक्षतामा भएको स्वयंसेवक सम्मेलनमा संघका राष्ट्रिय प्रचारक बेद प्रकाश, पशुपति शिक्षा मन्दिरका अध्यक्ष एवं उद्योगपति अशोक बैंध, संघका जनकपुर सम्भाग सहचालक अशोक शर्मा, जनजाती कल्याण आश्रमका महासचिव प्रेम थुलुङ्ग, विश्व हिन्दु परिषदका महासचिव जितेन्द्र सिंह, संगठन सचिव प्रहलाद रेग्मी, संघ प्रचारक रन्जीत साह लगायतको सहभागिता रहेको थियो ।

marchpasssamelanma jhando tolan

हेल्पिङ युथ क्लबद्वारा रक्तदान कार्यक्रम सम्पन्न

0

वीरगञ्ज । वीरगञ्ज महानगरपालिका वडा न. ३ छपकैयामा शनिबार खुल्ला रक्तदान कार्यक्रम सम्पन्न भएको छ । हेल्पिंग युथ क्लब अफ वीरगञ्जको आयोजनामा भएकाे कार्यक्रममा ३ महिलासहित एक सय एक जनाले रक्तदान गरेकाे क्लबका अध्यक्ष आबिद हुसैनले जानकारी दिए ।

क्बलका अध्यक्ष हुसैनकाे अध्यक्षताम भएकाे कार्यक्रममा समाजसेवी मनोज राउत कुर्मी, वडा न. ३ की दलित महिला सदस्य संगिता दास, लक्ष्मी चौरसिया, सैफ अलि, इरफान अंसारी, शाहबुद्दिन हवारी, सलमान हवारी, मन्सुर हवारी, अब्दुल्ला मन्सुरी, ताैहिद अंसारी, सहाबुदिन हवारी, सुनिल कुमार रौनियार, विजय सर्राफ, शंकर प्रसाद सोनार लगायतले रक्तदान गरेको हेल्पिङ युथ क्लब वीरगञ्जका सचिव इरफान अंसारीले जानकारी दिए ।

कार्यक्रमलाई सम्बोधन गर्दै वडा प्रहरी कार्यालय विर्ताका प्रमुख प्रहरी निरिक्षक राजेशराज पुरीले युवा क्लबले यसरी सामाजिक उत्तरदायित्व बहन गर्दै रक्तदान कार्यक्रमको आयोजना गर्न सराहनीय कदम भएको बताए । युवाहरुको एकरुपतामा सामाजिक क्रियाकलापलाई निरन्तरता दिनुपर्नेमा उनले जोड दिए ।

कार्यक्रममा वीरगञ्ज महानगरपालिका वडा न. ३ का अध्यक्ष बैजुलाल .स्वर्णकार, जनता समाजवादी पार्टी (जसपा) का केन्द्रिय सदस्य राजेशमान सिंह, डाक्टर उद्यनारायण सिंह, एमईएस स्कुलका सञ्चालक एममामुदिन अहमद, समिर हवारी, सैफ अली लगायतको उपस्थिती रहेको थियो ।

रक्तदान कार्यक्रम रक्त संचार केन्द्र वीरगंजका प्राविधिक सुजित पटेलकाे नेतृत्वकाे प्राविधिकहरुकाे सहयाेगमा भएकाे थियाे ।

दोश्रो मेयर रनिङ्ग शिल्डमा सिद्धार्थ र वीरगन्जको अग्रता

0
mayer runingcield

वीरगन्ज । वीरगन्जको आदर्शनगर रंगशालमा जारी दोश्रो मेयर रनिङ शिल्ड प्रतियोगितामा छात्रतर्फ वीरगन्ज पब्लिक सेकेण्ड्री स्कुल र छात्रातर्फ सिद्धार्थ मावि अगाडि रहेका छन् ।

माघ १७ गतेदेखि जारी प्रतियोगितामा पर्सा जिल्लाभरीका सामुदायिक र निजी गरी ५० वटा विद्यालयका खेलाडीहरुले भाग लिएका छन् । आज (शुक्रबार) भएको विभिन्न स्पर्धामा १९ छात्रातर्फ १९ अंक सहित सिद्धार्थ मावि पहिलो स्थानमा र छात्रतर्फ १६ अंक सहित वीरगन्ज पब्लिक सेकेण्ड्री स्कुल पहिलो स्थानमा रहेका छन् ।

शुक्रबार ट्र्याक इभेण्टमा १०० मिटर, २०० मिटर, ४००, ८००, १५०० र ३०००, ५०००, ४ह१०० र ४ह४०० मिटरको दौड प्रतियोगिता भएको थियो । त्यस्तै फिल्ड इभेण्टमा हाईजम्प, लङ्गजम्प, सटफुट, त्रिपलजम्प लगायतका खेलहरु भएका थिए । रनिङ शिल्डको अन्तिम फाईनल खेल भोली हुने वीरगन्ज महानगरपालिकाका खेल प्रशिक्षक प्रकाश शर्माले जानकारी दिए ।

फूटबल र कवड्डी फागुन १ गतेदेखि र क्रिकेट १५ गतेदेखि हुने महानगरपालिकाका शैक्षिक प्रशासन महाशाखा प्रमुख अरविन्दलाल कर्णले बताए ।

तेस्रो चरणको आन्दोलन अन्तर्गत जसपाद्वारा वीरगंजमा बिरोध प्रदर्शन

0
tabrej ahmad

वीरगंज । जनता समाजवादी पार्टी (जसपा) पर्साले प्रधानमन्त्री केपी शर्मा ओलीको असंबैधानिक कदम बिरुद्ध वीरगंजमा बिरोध प्रदर्शन गरेको छ ।

जसपाको तेस्रो चरणको आन्दोलनको कार्यक्रम अन्तर्गत शुक्रबार वीरगंजको घण्टाघरमा बिरोध प्रदर्शन गरिएको हो । विरोध कार्यक्रमलाई सम्बोधन गर्दै बक्ताहरुले संसद पुर्नस्थापना नभएसम्म सडक संघर्ष जारी रहने बताए । प्रतिगमनकारी निर्णय नसच्चिएसम्म सडक संघर्षलाई निरन्तरता दिईरहने बताए ।

पहिलो, दोस्रो चरणको विरोधका कार्यक्रम सम्पन्न भइसकेपनि चौतर्फी रुपमा अलोकतान्त्रिक निर्णयको विरोध हुँदा पनि सरकार कानमा तेल हालेर बसेको उनीहरुले आरोप लगाए ।

तत्कालिन समाजवादी पार्टीका पर्सा जिल्ला अधयक्ष रामनरेश यादबको सभापतित्वमा भएको बिरोध प्रदर्शनमा प्रदेश सभा सदस्य करिमा बेगम, जसपाका केन्द्रिय सदस्य नेजामुद्दिन समानी, रम्भा मिश्रा, रामचन्द्र पण्डित, शिवजी सोनी, सखुवा प्रसौनी गाउँपालिकाका अध्यक्ष प्रदिप जयसवाल, पोखरिया नगरपालिकाकी उप–मेयर सलमा खातुन, जसपा वीरगंज महानगर कमिटिका अध्यक्ष ओमप्रकाश सर्राफ, युवा समाजवादीका केन्द्रिय सचिब सरोज यादव लगायतको सहभागिता रहेको थियो ।

तत्कालिन राजपाका पर्सा जिल्ला अध्यक्ष जगदिश पटेलले स्वागत मन्तव्य राखेको कार्यक्रमको संचालन तत्कालिन समाजवादी पार्टी पर्साका जिल्ला सचिब तबरेज अहमदले गरेका थिए ।

पर्सा जिल्ला अदालतकाे संचारकर्मीसंग अन्तरक्रिया

0
jila adalat

वीरगञ्ज । पर्सा जिल्ला अदालतले शुक्रबार संचारकर्मीहरुकाे अन्तरक्रिया कार्यक्रम गरेकाे छ । जिल्ला अदाल मै भएकाे कार्यक्रममा बाेल्दै जिल्ला न्यायाधीश धर्मराज पौडेलले पर्याप्त कर्मचारी नहुँदा कामकारबाही प्रभावित भएको बताए ।

उनले भने “न्यायाधीशको संख्या थपियो तर कर्मचारीको दरबन्दी नथपिएकोले समस्या छ । एउटा इजलासमा कम्तीमा ५ जना कर्मचारी हुनुपर्ने हो । तर हामीकहाँ २/३ जना कर्मचारीले काम चलाउनुपर्ने बाध्यता छ ।”

भएको जनशक्तिलाई अधिकतम प्रयोग गरेको न्यायाधीश पौडेललेकाे भनाई थियाे । उनले केही अति आवश्यक जनशक्तिकाे लागि करारमा कर्मचारी भर्ना समेत गरि काम गराउनु परेकाे वताए ।

उनले अदालतको स्वतन्त्रता, सक्षमता र निष्पक्षतामा आँच आउने समाचार सम्प्रेषण नगर्न सञ्चारकर्मीलाई आग्रह गरे । सत्य र तथ्यमा अधारित समाचार प्रकाशन गर्दा कुनै फरक नपर्ने उनले प्रष्ट पारे ।

मुख्य न्यायाधीश पौडेलले फैसला कार्यान्वयन नहुँदा न्याय मर्ने भएकोले अदालत यसप्रति गम्भीर रहेकाे बताए । उनले फैसला कार्यान्वयन गराउन जाँदा अदालतका कर्मचारी समेत असुरक्षित हुन थालेपछि सुरक्षा मागिएको जानकारी दिए । त्यसका लागि जिल्ला प्रहरी कार्यालय पर्साले प्रहरी सहायक निरीक्षक, हवल्दार र जवान गरी तीन जनाको टोली खटाएको जानकारी गराए ।

कार्यक्रममा जिल्ला न्यायाधीश भाेलानाथ ढकाल, नारायण प्रसाद शर्मा, माधव प्रसाद मैनाली, हरिकृष्ण श्रेष्ठ, राजेश कुमार कटुवाल, उद्धव प्रसाद गजुरेल, श्रेस्तेदार कृष्ण  प्रसाद अधिकारी लगायतकाे उपस्थिति रहेकाे थियाे ।

साढे ४ हजार मुद्दा फर्छ्यौट हुन बाँकी

पर्सा जिल्ला अदालतमा ४ हजार ७ सय ६१ वटा मुद्दा फर्छ्यौट हुन बाँकी रहेको छ, जसमध्ये २ वर्ष नाघेका मुद्दा नै ५ सय ६८ वटा रहेको छ ।

जिल्ला अदालतका अनुसार १८ महिनादेखि २ वर्षभित्रको ६ सय ९४, १ वर्षदेखि १८ महिनाभित्रको १ हजार ३१ वटा, ६ महिनादेखि १ वर्षभित्रको ८ सय ८७ र ६ महिनाभित्रको १ हजार ५ सय ८१ वटा मुद्दा फर्छ्यौट हुन बाँकी छ ।

अदालतले चालु आर्थिक वर्षको पुस मसान्तसम्म १ हजार ८ सय ९५ वटा मुद्दा दर्ता भएकाेमा १ हजार १ सय ४५ वटा मुद्दाको छिनोफानो गरेको छ । पर्सा जिल्ला अदालतमा ९ वटा इजलासबाट मुद्दाको फैसला हुने गरेको छ ।

फैसला भइसकेका १ हजार १ सय २ वटा निवेदन फर्छ्यौट हुन बाँकी

पर्सा जिल्ला अदालतबाट फैसला भइसकेका १ हजार १ सय २ वटा निवेदन फर्छ्यौट हुन बाँकी छ । जसमा ६ महिना नाघेको ८ सय र ६ महिनाभित्रको ३ सय २ वटा मुद्दा छ ।

पुस मसान्तसम्ममा क्षतिपूर्ति भराउने र अदालती शुल्क भराउने शीर्षक बाहेकमा ३ सय ७५ वटा फैसला कार्यान्वयनसम्बन्धी निवेदन परेको छ । सोही अवधिमा अदालतले १ सय ६६ वटा फैसला कार्यान्वयनसम्बन्धी निवेदनको छिनोफानो लगाएको छ । कोभिड महामारी, जनशक्तिको असुरक्षा र भारतीय नागरिक स्वदेश फर्किएका कारण फैसला कार्यान्वयनको लक्ष्य पूरा हुन नसकेको तहसिलदार विनोद पोखरेलले जानकारी दिए ।

भारतीय नागरिकमाथि भएको दण्ड जरिवाना असुल गर्न समस्या हुने उनको भनाइ छ । ‘काठमाडौंबाट मान्छे झिकाएर एकै दिनमा ४४ लाखसम्म जरिवाना असुल गरेका छौं । तर जरिवाना र कैद लागेका अधिकांश मानिस भारतीय नागरिक छन्, त्यसले गर्दा उठाउन समस्या छ’ उनले भने ‘डोर परिचालनलाई प्रभावकारी बनाउन लागि परेका छौं ।’

अदालतले ९८ करोड ३१ लाख ५९ हजार ३ सय ४ रुपैयाँ जरिवाना असुल गर्न बाँकी छ । विशेष अभियानमार्फत चालु आर्थिक वर्षको पुस महिनासम्ममा १ करोड ३४ लाख ४९ हजार ४ सय ८९ रुपैयाँ असुल भएको तहसीलदार पोखरेलले बताए ।

सांसद् यादवद्वारा मनियारीमा ढलान सडक र नालाको शिलन्यास

0

वीरगञ्ज २३ माघ । पर्सा नर्वाचन क्षेत्र नम्बर १ का प्रतिनिधिसभा सदस्य (सांसद्) प्रदीप यादवले वीरगञ्ज महानगरपालिका वडा नम्बर २२ स्थित मनियार गाउँमा निर्माण हुनलागेको ढलान सडक र नालाको शिलन्यास गरेका छन् ।

५० लाख रुपैयाँको लागतमा गाउँमा निर्माण गर्न लागिएको ढलान सडक र नालाको सांसद् यादवले शुक्रबार एक कार्यक्रम बीच शिलान्यास गरेका हुन् ।’

शिलन्यास कार्यक्रममा बोल्दै सांसद् यादवले दशकौँदेखि जनताको मत लिएर सरकार बनाउँदै आएका काङ्ग्रेस र कम्युनिष्टले कुनै काम नगरेको कारण मधेसको विकास नहुन सकेको आरोप लगाए ।

सांसद् यादवले आफ्नो कार्यकालमा पर्सा निर्वाचन क्षेत्र नम्बर १ मा विकास निर्माणका सबैभन्दा धेरै काम भएको दावी समेत गरे ।

‘काङ्ग्रेस र कम्युनिष्टहरु यो क्षेत्रबाट कयौँ पटक निर्वाचित भएर गएका छन् तर आजसम्म यहाँ एउटा ढलान सडकसमेत निर्माण गर्न सकेका छैनन्,’ सांसद् यादवले भने, ‘उनीहरुको कारण मधेसमा अहिलेसम्म विकास हुनसकेको छैन । म निर्वाचित भएर आएदेखि यस क्षेत्रमा सबैभन्दा धेरै विकास निर्माणका काम हरु सुरु भएका छन् ।’

यादवको विशेष पहलमा सङ्घ सरकारको शहरी विकास मन्त्रालयले उपलब्ध गराएको बजेटबाट निर्माण हुनलागेको १ सय ७५ मिटर लामो सडक ढलान र नाला निर्माणको कार्य उपभोक्ता समिति मार्फत गरिंदै छ ।

मनियार टोल उपभोक्ता समितिले निर्माण गर्न लागेको ढलान सडकको चौडाई १६ फिट हुनेछ भने दुवै तर्फ २/२ फिटको नाला निर्माण गरिने उपभोक्ता समितिका सचिव सुनिल साहले बताए ।

सडक निर्माण हुनेभएपछि स्थानीय हर्षित भएका छन् । सडक नहुँदा वर्षायाममा हिलो र गर्मिको समयमा धुलो-धुवाले स्थानीय पिडित थिए । सडक निर्माण भएपछि स्थानीयहरुको शहरी क्षेत्रसम्मको पहुँचपनि बढ्ने सचिव साहले विश्वास व्यक्त गरे ।

सखुवा प्रसौनीमा विश्व क्यान्सर दिवस मनाईयो

0

वीरगंज । पर्साको सखुवा प्रसौनी गाउँपालिकामा बिहिबार विश्व क्यान्सर दिवस मनाईएको छ । क्यान्सर रोग रोकथाम तथा न्युनिकरण सम्बन्धी अन्तरक्रिया कार्यक्रमको आयोजना गरि क्यान्सर दिवस मनाईको गाउँपालिका संयोजक राजेश रौनियारले जानकारी दिए ।

गाउँपालिका कार्यालयमा भएको कार्यक्रमलाई सम्बोधन गर्दै गाउँपालिका अध्यक्ष प्रदिप जयसवालले क्यान्सर रोग न्युनिकरणको लागि हरेक प्रयास गरिने बताए । उनले क्यानसरबाट बच्नको लागि पानीको जाँच गर्नुको साथै गुट्खा, चुरोट, भिडी लगायतको सेवनमा प्रतिबन्ध लगाउन जरुरी रहेको धारणा राखे ।

गाउँपालिकाको आयोजनामा भएको कार्यक्रममा विद्यालयका प्रधानाध्यापकहरु, स्वास्थय चौकी प्रमुखहरु, विभिन्न समाजिक संघ÷संस्थाका प्रतिनिधीहरुको उपस्तिथि रहेको थियो ।

नेपाली कांग्रेस पर्सा क्षेत्र नं. ४ को बैठक सम्पन्न

0

वीरगंज । पर्साको निर्वाचन क्षेत्र नं.४ को नेपाली कांग्रेसको बैठक बिहीबार सम्पन्न भएको छ । क्षेत्रिय सभापति रमेश पाण्डेको सभापतित्व र केन्द्रिय सदस्य रमेश रिजालको प्रमुख आतिथ्यमा भएको बैठकले ३ वटा महत्वपुर्ण निर्णय गरेको छ ।

क्षेत्र अन्तर्गत रहेका ३२ वटा वडामा एकै साथ फाल्गुन ७ गते पार्टीको वडा कार्यालय उद्घाटन गर्ने, संगठन परिचालन तथा ब्यवस्थापन गर्ने र क्षेत्रका ६ वटा पालिकालाई ६ वटा कल्सटर निमार्ण गरी ६ जना संयोजक रहने गरी १५ सदस्यीय परिचालन समिती गठन गरेको छ ।

ठोरी गाउँपालिकाका संयोजकमा बृहस्पति श्रेष्ठ, जिराभवानी गाउँपालिकामा शंकर चौधरी, धोबिनी गाउँपालिकामा बशिष्ठनारायण कुर्मी, जगरनाथपुर गाउँपालिकामा रामदेव चौहान, कालिकामाई गाउँपालिकामा राजेन्द्र कुमार कुर्मी र छिपहरमाई गाउँपालिकामा रमेश पाण्डेलाई सर्बसम्मत निर्णय गरेको क्षेत्रिय सचिव श्रीकान्त यादवले बताए ।

बैठकमा जिल्ला सचिव किशोरी साह कानु, प्रदेश सांसद शंकर चौधरी, जिल्ला सदस्य नविन सिंह, रामबहादुर श्रेष्ठ र छिपहरमाई गाउँपालिकाका संयोजक रामेश्वर महतो लगायतका सहगभागीता रहेको थियो ।