Date
शुक्र, मंसिर ४, २०८३
Fri, November 20, 2026
Home Blog Page 872

राष्ट्रिय प्रारम्भीक कक्षा पढाईको विद्यालयमा अनुगमन

0

वीरगंज । पर्साको बहुदरमाई नगरपालिकाका २ वटा बिद्यालयमा आइतबार जिल्ला स्तरिय अनुगमन समितीले अनुगमन गरेको छ । राष्ट्रिय प्रारम्भिक कक्षा पढाई कार्यक्रम अन्तर्गतका जिल्ला स्तरिय अनुगमन समितीले श्री नेपाल राष्ट्रिय आधारभुत सिसियाडी बैरिया र श्री नेपाल राष्ट्रिय माध्यमिक बिद्यालय डोकैला बहुअरीमा अनुगमन गरेको हो ।

कोरोना संक्रमण पश्चात शुरु भएको बिद्यालयहरुमा यो पहिलो अनुगमन भएतापनि शिक्षक, प्रधानाध्यापकहरुले क्रियाशिलता देखाई पढाईलाई स्तरिय बनाउन पहल गर्नु भएको अनुगमन समितीले जनाएको छ । अनुगमनको क्रममा कक्षा कोठाको अभाव, शिक्षकहरुको तालिमको अभाव रहेको पाईएको वताइएको छ ।् बिद्यालयमा बिधार्थिहरुको चाप अनुसार कक्षा कोठा ब्यवस्थापन भयो भने अझ बिद्यार्थीहिरुको पढाई स्तरिय हुने समितीको ठहर छ ।

कक्षाकोठाको सरसफाईको साथै बिद्यार्थीहरुको सरसफाईमा पनि ध्यान दिनु पर्ने अनुगमन समितीले सल्लाह दिइएको जिल्ला शिक्षा समन्वय ईकाईका प्रमुख तथा अनुगमन समितीका संयोजक फतबहादुर श्रेष्ठले बताए । अनुगमन समितीका अनुसार पटक पटक अनुगमन गरियो भने अझ कार्यक्रमले प्रभावकारिता पाउने ठहर रहेको छ ।

लागू औषध चरेशसहित बहुदरमाईका देवान पक्राउ

0
charesh sahit dewan pakrau

वीरगञ्ज । जिल्ला प्रहरी कार्यालय पर्साले लागू औषध चरेशसहित एक जनालाई पक्राउ गरेकाे छ ।

पक्राउ पर्नेमा पर्साको बहुदरमाई नगरपालिकाको वडा नम्बर ७ निवासी ६० बर्षिय मुसलिम देवान रहेका छन् । प्रहरीले उनलाई ९ किलो २० ग्राम चरेश, ९ सय २० ग्राम चरेश बनाउँने लाषा र ३ वटा चरेश पेल्ने मेशिनसहित पक्राउ गरेको जिल्ला प्रहरी कार्यालय पर्साले जनाएकाे छ ।

विशेष सूचनाको आधारमा जिल्ला प्रहरी कार्यालय पर्साबाट खटेको प्रहरी टोलीले देवानको घरमा छापामारी गरेर उक्त परिणामको लागूऔषध बरामद गरेको जनाएकाे छ । देवानले विक्री प्रायोजनाका लागि आफ्नो घरमा चरेश लुकाएर राखेको सूचनाको आधारमा छापामारी गरेकाे थियाे ।

घरको कोठा भित्र लुकाई छिपाई राखिएको आधा किलोको १२ पोका र २ सय ५० ग्रामको १२ पोका गरि ९ किलो २० ग्राम चरेश र ९ सय २० ग्राम चरेश बनाउँने लाशा र चरेश पेल्ने ३ वटा मेशिन फेला परेको पर्सा प्रहरीका प्रवक्ता एवम् प्रहरी नायव उपरीक्षक मनोजित कुँवरले जानकारी दिए । 

देवानलाई हिरासतमा राखेर थप अनुसन्धान भइरहेको उनले वताए ।

स्रोत नखुलेको नेरु ४९ लाख सहित दुई भारतिय पक्राउ

0
पक्राउ परेकाे स्रोत नखुलेको ४९ लाख नेपाली रुपैयासहित २ जनालाई प्रहरीले सार्वजनिक गर्दै । तस्बिर : प्रणय साह

वीरगंज । जिल्ला प्रहरी कार्यालय बाराले स्रोत नखुलेको ४९ लाख नेपाली रुपैयासहित २ जनालाई पक्राउ गरेको छ ।

बाराको फेटा गाउँपालिका वडा न. ५ जोतपुरमा चेकजाँचको क्रममा उक्त रकम बरामद भएकाे बाराका प्रहरी प्रबक्ता एवम् प्रहरी नायब उपरिक्षक गौतम मिश्राले जानकारी दिए ।

बाराको जोतपुरस्थित दशगजा क्षेत्रमा बि‍.आर. ०५ वाई ६५१७ भारतीय नम्बर प्लेटको मोटरसाइकलमा नेपाल आउँदै गरेका मोटरसाइकल चालक भारत बिहारको मोतिहारी ग्रामपञ्चायत हरपुर घोडासहन बस्ने २६ वर्षिय अरविन्द महतो र पछाडी बस्ने १४ वर्षीय बालकलाई प्रहरीले पक्राउ गरेको हो ।

उनिहरुको साथबाट १ हजार दरको १ हजार २ सय २३ थान, ५ सय दरको ५ हजार ७ सय ४ थान, १ सय दरको १२ सय थान र ५० दरको १ सय थान गरी जम्मा ४९ लाख रुपैया बरामद गरिएको प्रहरी नायब उपरिक्षक मिश्राले बताए ।

पक्राउ परेकाहरुकाे बारेमा थप अनुसन्धान भइरहेको जिल्ला प्रहरी कार्यालय बाराका प्रहरी उपरिक्षक दिपेन्द्र साहीले बताए ।

सोनम लोहछारमा शुभकामना आदानप्रदान तथा सांस्कृतिक कार्यक्रम

0

वीरगंज । पर्सागढि नगरपालिकाकाे वडा नं. ३ स्थित बडनियारको माथिटोलमा मञ्जुश्री सम्बत २८५७ सोनाम लोहछार पर्वको अवसरमा शुभकामना आदान प्रदान तथा बृहत संस्कृति कार्यक्रम सम्पन्न भएको छ ।

तमबा छ्योलीङ बिशव उदार गुम्बाको आयोजना भएको कार्यक्रमको उद्घाटन नेपाली कांग्रेसका केन्द्रिय सदस्य अजय चौरसियाले गरेका थिए ।

गुम्बाका अध्यक्ष सुर्ती राम तमाङ्गको अध्यक्षतामा भएको कार्यक्रममा प्रदेश सभा सदस्य राजेशवर प्रसाद साह, पर्सागढि नगरपालिकाका मेयर लोकनारायण यादव, बहुदरमाई नगरपालिकाका मेयर नितेन्द्र साह, पर्सागढीकी उपमेयर अर्चना चोधरी, नेकपा नगर संयोजक बिशमोहन चौधरी, बुथ सभापति जंगबहादुर दास थारु लगायतकाले शुभकामना मन्तब्य राखेका थिए ।

क्यान महासंघ पर्साको तेस्रो साधारण सभा सम्पन्न

0
aashu sarraf_can mahasangh

वीरगंज । कम्प्युटर एशोसिसन नेपाल महासंघ पर्साको तेस्रो साधारण सभा शनिबार सम्पन्न भएको छ । साधारण सभाको उद्घाटन समारोहलाई सम्बोधन गर्दै वीरगंज उद्योग बाणिज्य संघका वरिष्ट उपाध्यक्ष सुबोध गुप्ताले उद्योग व्यावसायलाई पनि प्रविधिमैत्री बनाउनु पर्ने बताए ।

नेपाल उद्योग बाणिज्य संघका केन्द्रिय सदस्य समेत रहेका गुप्ताले बन्द हड्ताल गरेर उद्योग तथा व्यावसायमा नोक्सानी ल्याउने कार्य कदापी सह्य नहुने बताउँदै बन्दकर्ताले बन्द गर्दैमा बन्द गर्ने र खोल भन्दैमा खोल्ने प्रवृतिको अन्त्य हुनु पर्ने धारण राखे ।

कार्यक्रमका प्रमुख अतिथि समेत रहेका गुप्ताले सम्पूर्ण व्यावसायीहरु एकताबद्ध भएर बन्द हडतालको विरोध गर्नु पर्ने धारणा राखे ।

महासंघ पर्साका अध्यक्ष दिपक साहको सभापतित्वमा भएको कार्यक्रममा क्यान महासंघका केन्द्रिय निवर्तमान अध्यक्ष हेमन्त चौरसिया, प्रदेश न. २ का अध्यक्ष आलोक कुमार चौरसिया, नेपाल पत्रकार महासंघ प्रदेश न. २ का अध्यक्ष दिपेन्द्र चौहान, क्यानका केन्द्रिय सचिव भुपालदास श्रेष्ठ, प्रदेश कोषाध्यक्ष बिनोद साह, क्यानका बारा अध्यक्ष गणेश ठाकुर लगायतले शुभकामना मन्तव्य व्यक्त राखेका थिए ।

महासंघका जिल्ला उपाध्यक्ष प्रशान्त कुमारले स्वागत मन्तव्य राखेको कार्यक्रमको सहजिकरण कार्यसमिति सदस्य आँशु सर्राफले गरेका थिए ।

सोही अवसरमा आइटी र प्रविधिको क्षेत्रमा महत्वपुर्ण योगदान दिएको भन्दै अब्दुल कलाम आजाद, बिनोद सर्राफ र भानु वैद्यलाई सम्मान समेत गरिएको थियो ।

साधारण सभामा क्यान महासंघ पर्साका सचिब जिवन प्रकाश गुप्ताले वार्षिक प्रतिवेदन र कोषाध्यक्ष संजय सकसेनाले आर्थिक प्रतिवेदन प्रस्तुत गरेका थिए ।

रेडक्रस पर्साद्वारा विभिन्न व्यक्ति र संस्था सम्मानित

0
saurav raj pandey

वीरगंज । नेपाल रेडक्रस सोसाइटी पर्सा शाखाको ५२ औ जिल्ला अधिवेशन शनिबार सम्पन्न भएको छ ।

वीरगंजस्थित श्री त्रीजुद्ध माध्यमिक बिद्यालयको सभाकक्षमा भएको कार्यक्रममा रेडक्रसका पुर्वमन्त्री इन्द्रजित श्रीवास्तवलाई स्व.भुपेन्द्रलाल स्मृति पुरस्कार, रक्त सञ्चार केन्द्रलाई पटक पटक सहयोग गरे बापत सुर्या नेपाल प्रा.लि, वीरगंज महानगरपालिका, बहुदरामाई र पर्सागढी नगरपालिकालाई सम्मान गरिएको थियो ।

यस्तै आर्थिक वर्ष भरिमा उत्कृष्ट कार्य गरे बापत उत्कृष्ट स्वयंसेवक पुरस्कार शिवनाथ यादवलाई, बढी संख्यामा रक्तदान गरे बापत कारागार कार्यालय वीरगंज र पहल संस्थालाई, बढी संख्या र बढिपटक रक्तदान गराए बापत साहेब दरवार सेवा संस्थानलाई, बढी संख्यामा महिलाबाट रक्तदान गराए बापत रेडियो वीरगंंज एफएमलाई, बढि पटक रक्तदान गराएकोमा उपशाखा पोखरियालाई, ग्रामिण तर्फ बढी संख्यामा रक्तदान गराए बापत ने.रा.मा.बि. एस.एल.सि.समूह २०५१ डुमरवाना र उपशाखा महुवनलाई पनि सम्मान गरिएकाे थियाे ।

साथै वर्षमा ४ पटक रक्तदान गरेकोमा योगेस खनाल, तबरेज अहम्मदलाई, महिला तर्फ वर्षमा ३ पटक रक्तदान गरेकोमा मिना चौरासीयालाई र रक्तदान कार्यक्रममा हरदम उल्लेखनीय योगदान गरेकोमा भोलेन्टियर समूह वीरगंजलाई सम्मान गरिएको रेडक्रसका राजन श्रीवास्तवले बताए ।

shyam sarrafकार्यक्रममै कोरोना महामारीको समयमा दिनरात सेवाभावले खटिएका एम्बुलेन्स चालक मन्ताज मियाँलाई उत्कृष्ट कर्मचारी सेवा पुरस्कार, रक्तसञ्चार केन्द्रमा रक्तपुर्तिमा उल्लेखनीय भुमिका निर्वाह गरेकोमा रक्तसञ्चार केन्द्रका कर्मचारीहरुलाई समेत सम्मान गरिएको थियो ।

रेडक्रस पर्साका सभापति बिरेन्द्र राज कंडेलकाे सभापतित्वमा भएको कार्यक्रमको उद्घाटन रेडक्रस प्रदेश नं.२ का अध्यक्ष फुलमहम्मद मियाँले झन्डोतोलन र पानसमा बत्ती बाली गरेका थिए ।

कार्यक्रममा रेडक्रस पर्साका उपसभापति श्रीमती मधु राणाले स्वागत मन्तव्य एवं रेडक्रसको ७ सिधाान्त प्रस्तुत गरेकी थिईन ।

आर्थिक वर्ष २०७६/०७७ को प्रगती प्रतिबेदन र आउने वर्षको प्रस्तावित मन्त्री शौलेन्द्र कुमार चौरसिया र आर्थिक प्रतिवेदन कोषाध्यक्ष महन्थ प्रसाद यादवले प्रस्तुत गरेका थिए । 

संसद विघटनले देशमा राजनैतिक संकट सिर्जना भएकाे छ : डा. महत

0
nepali congresh_ramshran mahat

वीरगंज । नेपाली कांग्रेस पर्साले शनिबार पनि संसद विघटनको बिरुद्ध वीरगंजमा बिरोध प्रदर्शन गरेको छ । वीरगंजको घण्टाघरबाट निस्केको बिरोध जुलुश माईस्थान, महावीरस्थान, आदर्शनगर, घडिअर्वा हुँदै पुनः घण्टाघर पुगी कोण सभामा परिणत भएको थियो ।

सभालाई सम्बोधन गर्दै नेपाली कांग्रेसका नेता डा. रामशरण महतले प्रतिनिधि सभा विघटनपछि घोषणा गरिएको मध्यावधी चुनावले कांग्रेसलाई राम्रो अवसर प्राप्त भएको भएपनि आफूहरु विघटनको विरुद्धमा भएको बताए । उनले प्रतिनिधि सभा विघटनले कांग्रेसलाई फाइदा हुने भनी धेरैले टिप्पणी गरिरहेको भएपनि काँग्रेस पार्टीगत नभई राष्ट्रगतका हितका लागि प्रतिबद्ध भएको बताए ।

त्यसैले काँग्रेस प्रतिनिधि सभाको पुर्नस्थापनकाे पक्षमा रहेको नेता महतले प्रष्ट पारे । सरकारले देशको आर्थिक सामाजिक क्षेत्रलाई सुधान गर्ने तिर ध्यान दिनुपर्नेमा प्रतिनिधि सभा विघटन गरी देशमा राजनैतिक संकट सिर्जना गरेको आरोप समेत डा. महतको रहेको थियो ।

नेपाली कांग्रेसका शुभेच्छुक संस्थाहरुको आयोजनामा भएको बिरोध प्रदर्शनमा नेपाली कांग्रेसका केन्द्रिय अजय चौरसिया, पर्सा जिलला सभापति अजय दुवेदी, नेता राजेन्द्र बहादुर अमात्य, प्रदेश सभा सदस्य राजेश्वर साह, ओमप्रकाश शर्मा लगायतको सहभागिता रहेको थियो ।

कालिकामाईकाे वडा नं. ३ र ४ मा नेवि संघकाे समिति गठन

0
nebisangh kalikamai

वीरगंज । पर्साकाे कालिकामाई गाउँपालिका वडा नं. ३ र ४ मा शनिबार नेपाली कांग्रेस निकटकाे विद्यार्थी संगठन नेवि संघ गठन भएकाे छ ।

वडा नं. ३ हरिहरपुरमा विजय साहकाे सभापतित्वमा १३ सदस्यीय नेवि संघकाे वडा समिति गठन भएकाे छ । जसकाे उप सभापति सुदिप चाैरसिया, सचिव अरसाद आलम, काेषाध्यक्ष सुभाष पटेल, सदस्यहरुमा नेहाल आलम, मनिर आलम, रिजबान आलम, निरन्जन पटेल, कुरुल आलम लगायतका चयन भएका छन् ।

नेपाली कांग्रेस पर्साका जिल्ला सदस्य पंचानन्द मिश्रा, वडा समितिका उपसभापति रामशिष चाैरसिया, नेवि संघ कालिकामाई गाउँपालिका संयाेजक राजेश कुशवाहा, सचिव आकाश चाैरसिया लगायतकाे विशेष उपस्थितीमा समिति गठन भएकाे हाे ।

यस्तै वडा नं. ४ प्रशुरामपुरमा माेहन महताेकाे सभापतित्वमा १७ सदस्यीय नेवि संघकाे वडा समिति गठन भएकाे हाे ।

जुन समितिकाे सचिव रहमत हुसेन, काेषाध्यक्ष राजकुमार दास, सदस्यहरुमा दिपक चाैरसिया, विकास साह, अनिल कुमार आन्नद हजारा, अनिश गुप्ता, श्याम चाैरसिया लगायतका चयन भएका छन् ।

साे अवसरमा नेपाली कांग्रेसका स्थानिय नेता शिकेन्द्र देवान, संजय साह गाेढ, साेनालाल दास, नेवि संघका गाउँपालिका संयाेजक राजेश कुशवाहा र सचिव आकाश चाैरसियाकाे बिशेष उपस्थिती रहेकाे थियाे ।