Date
शुक्र, मंसिर ४, २०८३
Fri, November 20, 2026
Home Blog Page 871

मुस्लिम आयोगको अन्तरक्रिया कार्यक्रम सम्पन्न

0

वीरगंज । मुस्लिम आयोगको आयोजनामा सोमबार वीरगंजमा अन्तरक्रिया कार्यक्रम सम्पन्न भएको छ । स्थानिय तहका पदाधिकारीहरु संग मुस्लिम समुदायको हक हितको संरक्षण, सम्वर्धन र सशक्तिकरण बिषय अन्तरक्रिया कार्यक्रम सम्पन्न भएको हो ।

आयोगका अध्यक्ष समिम मियाँ अंसारीको प्रमुख आतिथ्यमा ओयोजित कार्यक्रममा वक्ताहरुले नेपालको हरेक क्षेत्रमा मुस्लिम समुदायको अनिवार्य समावेश हुनुपर्ने कुरामा जोड दिएका थिए ।

वक्ताहरुले मुस्लिम समुदाय नेपालमा सदियौ देखि वसोवास गर्दै आएपनि नेपाल सरकारले नेपाली मुस्लिमसंग बिभेद गरेको आरोप लगाए । उनीहरुले मठ मन्दिर निर्माणको लागि बजेट छुट्याए जस्तै मस्जिद ,मर्दसाको लागि पनि बजेट छुट्याउन माँग गरे ।

कार्यक्रममा प्रदेश सभा सदस्य करिमा वेगम, पोखरीया नगरपालिका मेयर दिपनारायण रौनियार, उपमेयर सल्मा खातुन, जगरनाथपुर गाँउपालिका अध्यक्ष जालिम मियाँ, उपाध्यक्ष विशमिला खातुन, सखुवा प्रसौनी गाउँपालिकाका अध्यक्ष प्रदीप जयसवाल, प्रमुख जिल्ला अधिकारी आस्मान तामाङले आ–आफ्नो धारणा राखेका थिए ।

जिल्ला समन्वय समितिका प्रमुख नेक महम्मद अंसारीको अध्यक्षतामा भएको कार्यक्रममा शसस्त्र प्रहरी उपरिक्षक राजेन्द्र खड्का, नेपाल पत्रकार महासंघ पर्साका अध्यक्ष श्याम बन्जारा, नेपाली कांग्रेसका नेता सहरुम गद्दी, डिभिजन वन कार्यालय पर्साका सहायक वन अधिकृत रेयाज अहमद अंसारी लगायतको सहभागिता रहेको थियो ।

वडाध्यक्ष नुनियाका बुवाकाे निधन

0

वीरगंज । पर्साकाे जगरनाथपुर गाउँपालिका वडा नं. ५ का वडाध्यक्ष बिहारी महताे नुनियालाई पितृ शाेक परेकाे छ । नेपाली कांग्रेसबाट निर्वाचित वडाध्यक्ष नुनियाका ७५ बर्षिय बुवा जनक महताे नुनियाकाे निधन भएकाे हाे ।

नेपाली कांग्रेस पर्सा क्षेत्र नं. ४ का क्षेत्रिय सभापति रमेश पाण्डे र क्षत्रे नं. ४ काे (ख) का सभापति श्रीकान्त यादवले उनकाे पार्थिव शरीरमा पार्टीकाे झण्डा ओढाएर श्रद्धान्जली अर्पण गरेका थिए ।

आइतबार राति ८ बजे निधन भएकाे उनकाे साेमबार विहान आफ्नै गाउँकाे आर्य घाटमा अन्त्येष्ठि गरिएकाे छ ।

महाधिवेशन प्रतिनिधि स्व. सिंहकाे श्रद्धाञ्जली सभा सम्पन्न

0

वीरगंज । पर्साकाे पर्सागढि नगरपालिका वडा नं‍. ४ बर्वाटाडी निवासी नेपाली कांग्रेसका महाधिवेशन प्रतिनिधि स्व. उपेन्द्र सिंहकाे साेमबार श्रद्धाञ्जली सभा सम्पन्न भएको छ ।

नेपाली कांग्रेस पर्सागढि नगरपालिका वडा नं‍. ४ को आयोजनामा भएकाे श्रद्धाञ्जली सभालाई सम्बाेधन गर्दै नेपाली कांग्रेसका उप सभापति बिमलेन्द्र निधिले सिंहकाे निधनले ठुलाे क्षति पुगेकाे वताए । 

पूर्व गृहमन्त्री समेत रहेकाे नेता निधिले सिंहकाे परिवारजनमा समवेदना प्रकट गर्दै पार्टीले एक असल नेता गुमाएकाेमा दु:ख समेत व्यक्त गरे ।

नेपाली कांग्रेसका केन्द्रिय सदस्य एवम् युवा नेता गगन थापाले कांग्रेसले आफ्नो एउटा कर्मठ नेता गुमाएको वताए । उनले भने “हामी केन्द्रिय नेताहरु पनि स्थानिय नेताकाे श्रद्धाञ्जली सभामा सहभागी हुनु पर्छ । यस्तो समयमा हामी सहभागी र समवेदना दिए घरपरिवारका सदस्यलाई पार्टी प्रति बिश्वास समेत हुन्छ ।”

बुथ सभापति जंग बहादुर दास थारुको सभापतित्वमा भएकाे श्रद्धाञ्जली सभामा प्रमुख अतिथि नेपाली कांग्रेसकी नेत्रृ चित्रलेखा यादब, केन्द्रिय सदस्य फरमुल्लाह मन्सुर, अजयकुमार चौरसिया, पूर्व मन्त्री शुरेन्द्र प्रसाद चौधरी, जिल्ला सभापति अजय कुमार दुवेविदी, पूर्व सांसद अनील रुङठा, प्रदेश सभा सदस्य राजेशवर साह तेली, नेपाली कांग्रेस पर्साका जिल्ला सिचव श्याम पटेल, पर्सागढि नगरपालिकाका मेयर लोकनारायण यादव, नगर उपप्रमुख अर्चना चौधरी, नेता अशोक गुप्ता, सरजुग महतो लगायतकाे उपस्थिती रहेकाे थियाे ।

६५ बर्षकाे उमेरमा निधन भएकाे स्व. सिंहकाे १३ औं दिनकाे पुण्य तिथीमा श्रद्धाञ्जली सभाकाे आयाेजना गरिएकाे थियाे ।

भ्रष्टाचार र घुसखोरी बढ्यो : प्रदेश सांसद साह

0

वीरगंज । प्रदेश सभा सदस्य राजेशव साहले नेकपाको सरकारमा भ्रष्टाचार र घुसखोरी बढेको बताएका छन् । उनले बिना घुसको कुनै काम नहुने गरेको बताउँदै एउटा शिक्षक नियुक्ती र सरुवामा पनि खुल्याम रकमको चलखेल भईरहेको आरोप लगाएका हुन् ।

वीरगंज महानगरपालिका वडा नं. २८ बगहीस्थित आईतबार आयोजित नेपाली कांग्रेसको बृहत आमसभा एवम् पार्टी प्रवेश कार्यक्रममा बोल्दै प्रदेश सांसद साहले शिक्षा समन्वय समिति, विद्यालयका प्रअ, विद्यालय व्यवस्थापन समिति लगायत सबैले घूस खाईरहेको आरोप लगाए । उनले मुलुकलाई भ्रष्टाचार र घूसखोरीबाट जोगाउन पनि अब नेपाली कांग्रेसको बहुमतको सरकार बन्ने दाबी गरे ।

मधेशीको नाममा मत लिएर प्रदेश सरकारको नेतृत्व गरिरहेको जसपाले पनि भ्रष्टाचार गरिरहेको आरोप लगाए । प्रदेश २ कृषिमा आधारित प्रदेश भए पनि कृषकप्रति प्रदेश सरकारको ध्यान नगई कमिश्न आउने ठेक्कामा मात्रै लागेको बताए ।

उनले मुलुकलाई भ्रष्टाचारबाट जोगाउन र लोकतन्त्र बचाउनको लागि नेपाली कांग्रेसको विकल्प नरहेको जिकिर गरे । उनले अब चुनावमा नेपाली कांग्रेसको बहुमतको सरकार बन्ने दाबी गरे ।

बारामा धारिलो हतियार प्रहार गरि एक महिालाको हत्या

0

वीरगंज । बारामा धारिलो हतियार प्रहार गरि एक महिलाको हत्या भएको छ । महागढिमाई नगरपालिका वडा नम्वर १ निवासि बैझनाथ प्रसाद कुशवाहाकाे ४८ बर्षिय श्रिमति कान्ति देबी कुश्वाहाकाे हत्या भएको प्रहरीले जनाएकाे छ ।

नगरपालिकाकाे वडा नम्बर १ मठवा टोलस्थित आफ्नै घरमा सुतिरहेकी उनकाे अज्ञात समुहद्वारा आइतबार राति १० बजेको समयमा  धारिलो हतियार प्रहार गरी हत्या भएकाे जिल्ला प्रहरी कार्यालय बाराका प्रबक्ता प्रहरी नायब उपरिक्षक गौतम मिश्रले वताए ।

स्थानियहरुका अनुसार घरमा कोहि नभएको बेला उनकाे हत्या भएकाे हाे । हिजो बेलुका साझ श्रीमान घरबाट खाना खाइ घर बाहिर गएको बेला कुशवाहाकी श्रीमतीको हत्या भएको स्थानियहरुले जनाएका छन् । घर फर्के पछि श्रीमतीलाई घरको पैसेजमा आचेत अवस्थामा देखेपछि स्थानियलाई घटना बारे जानकारी भएको थियो ।

स्थानीयका अनुसार मृत्यु भएको कान्ति देवी बिगत २० बर्षदेखि उनी गाउँमा नास्ता पसल खोली ब्यवासाय गर्दै आएकी थिइन् ।यस्तो घटना सो स्थानमा पहिलो भएको स्थानीयहरुकाे भनाई छ । हत्या भएको घटना बारे थप अनुसन्धान भईरहेको प्रहरी कार्यालय बाराले जनाएकाे छ । घटनास्थलमा तालिम प्राप्त कुकुर पनि परिचालन गरिएकाे प्रहरी प्रबक्ता मिश्रले जानकारी दिए ।

प्रदेश सरकार भ्रष्टाचारमा लिप्त छ : नेता चौरसिया

0

वीरगंज । नेपाली कांग्रेसका केन्द्रिय सदस्य अजय कुमार चौरसियाले कांग्रेस जन्मेदेखी नै विभिन्न तानाशाहसंग लड्द्रै आए पनि जनताको कारण हालसमम यसको हस्ती नमिटेको बताएका छन् ।

वीरगंज महानगरपालिका वडा नं. २८ बगहीस्थित आईतबार आयोजित नेपाली कांग्रेसको बृहत आमसभा एवम् पार्टी प्रवेश कार्यक्रममा बोल्दै नेता चौरसियाले जनसंखयाको आधारमा निर्वाचन क्षेत्र, महिला, दलितको अधिकार दिलाउन कांग्रेस अगाडी बढेको भए पनि नेकपाले संविधान संशोधन नगरेको बताए ।

पूर्व मन्त्री समेत रहेका चौरसियाले सर्बाेच्चले चुनावमा जाने आदेश दिए वा नदिए पनि आफूहरु चुनावबाट कहिल्यै नभागेको बताउँदै चुनावको तयारीमा लाग्न कार्यकर्तालाई आह्वान समेत गरे । उनले प्रदेश २ सरकार शिक्षा, स्वास्थ्य र रोजगारी जस्ता क्षेत्रमा बजेट खर्च नगरी कमिशनको लागि प्रवेशद्वार जस्ता शिर्षकमा बजेट खर्चेर व्यापक भ्रष्टाचार गरिरहेको आरोप लगाए ।

‘जनता छ खन्तामा, सरकार छ चभन्तामा’ : नेता चौधरी

0

वीरगंज । नेपाली कांग्रेसका नेता सुरेन्द्र चौधरीले नेकपा नेतालाई सोनाईल कटियाको संज्ञा दिदै कम्युनिष्ट सरकारले देशमा लुट तन्त्र मचाएको आरोप लगाएका छन् । उनले प्रधानमन्त्री केपी शर्मा ओलीलाई निशाना साध्दै गाईलाई पराल दिए दूध दिने तर शर्पलाई दूध खुवाए विष नै दिने भन्दै नेकपा मुलुकको लागि विष भएको आरोप लगाए ।

वीरगंज महानगरपालिका वडा नं. २८ बगहीस्थित आईतबार आयोजित नेपाली कांग्रेसको बृहत आमसभा एवम् पार्टी प्रवेश कार्यक्रममा बोल्दै पूूर्व मन्त्री समेत रहेका चौधरीले भने, ‘‘जनता छ खन्तामा, सरकार छ चभन्तामा । कुर्सीमा दुशासन भए कसरी देशमा शुशासन हुन्छ ।’’

देशबाट जमिनदारी, काठमान्डौं जाने राहदानी व्यवस्थालाई कांग्रेसले नै खतम पारेको बताउँदै उनले लोक सेवा आयोगमा पनि मधेशी कोटाको सिट कांग्रेसले नै बढाएको दाबी गरे ।

ओलीले जनतालाई झुक्याए : नेतृ चित्रलेखा यादव

0

वीरगंज । नेपाली कांग्रेसकी नेतृ चित्रलेखा यादवले प्रधानमन्त्री ओली बाघको छाला ओढेर जनतालाई झुक्याई बहुमत लिएको आरोप लगाएकी छन् । वीरगंज महानगरपालिका वडा नं. २८ बगहीस्थित आईतबार आयोजित नेपाली कांग्रेसको बृहत आमसभा एवम् पार्टी प्रवेश कार्यक्रममा बोल्दै नेतृ यादवले प्राप्त बहुमतलाई एकलौटी ढङ्गमले मनपर्दाै गरी मुलुकलाई संकटमा धकेल्न खोजेको आरोप लगाईन ।

पूर्व शिक्षा मन्त्री समेत रहेकी यादवले ओली नेतृत्वको सरकार मुर्दा भएको बताउँदै बर्तामान सरकारलाई चाँडै नै हटाउन लाग्नु पर्नेमा जोड दिईन् । उनले मुलुकलाई सुशासनको बाटोमा विकास गर्न कांग्रेस बाहेक विकल्प नभएको दाबी गरिन् ।

नेपाली कांग्रेसको एक मात्र उद्देश्य संसद प्राप्ति : उपसभापति निधि

0

वीरगंज । वीरगंज महानगरपालिकाको वडा नं. २८ बगहीमा आइतबार नेपाली कांग्रेसको बृहत आमसभा एवम् पार्टी प्रबेश कार्यक्रम सम्पन्न भएको छ । वडा कार्यसमिति बगहीको आयोजनामा भएको कार्यक्रमलाई सम्बोधन गर्दै नेपाली कांग्रेसका उपसभापति बिमलेन्द्र निधिले नेपाली कांग्रेसको एक मात्र उद्देश्य संसद प्राप्ति रहेको वताए ।

त्यसको लागि दुईटा विकल्प रहेको वताउदै उनले दुबैको लागि तयार रहन आग्रह गरे । उनले भने, ‘‘नेपाली कांग्रेसलाई संसद चाहिएको हो । त्यसको लागि दुईटा विकल्प छ, एउटा संसद पुर्नस्थापना हो र अक्रो निर्वाचन हो ।’’ यस सम्बन्धको मुद्दा अहिले सर्वाेच्चमा विचारधिन रहेकोले दुबै विकल्पको लागि तयार रहन आग्रह गरे । प्रधानमन्त्री केपी शर्मा ओलीको असंवैधानिक कदमका कारणले देशमा संकट आएकोे वताउदै उनले लोकतन्त्रमाथी खतरा भए आन्दोलनको लागि पनि तयार रहन आग्रह गरे ।

राजनितिक संकट समाधानको लागि प्रतिनिधि सभा पुर्नस्थापन हुनु पर्छ प्रष्ट पार्दै निधिले त्यसो भएन भने लोकतन्त्रको रक्षाको लागि चुनावमा पनि जानु पर्छ भने घुमाउरो तालमा धारणा राखे । उनले भने, ‘‘संसद विघटन नभएको भए पनि २०७९ मा चुनाव हुने भएकोले चुनावको तयारीमा हामी हुन्थ्यो नि । त्यही भएर नेपाली कांग्रेस के भन्दै छ के गर्दै छ त्यसतर्फ नजानुस दुबैको विकल्प लागि तयार रहनुस ।’’

कम्युनिष्टका कारण राजनीतिक संकट : फरमुलाह मंसुर

नेपाली कांग्रेसका केन्द्रिय सदस्य फरमुलाह मंसुरले बर्षौको लडाई पछि प्राप्त उपलब्धी कम्युनिष्ट सरकारका कारण गुम्ने र राजनीतिक संकट आएको बताए । राज्यको हरेक निकायमा दलित, मुस्लिम, मधेशी, थारु, महिला लगायतको मांग समाबेस गरिएको भएपनि नेकपाको आपसी लडार्ईका कारण त्यो उपलब्धी पनि गुम्ने खतरा आएकोलेले त्यसलाई बचाउँन कांग्रेसको बिकल्प नरहेको बताए ।

नेपाली कांग्रेस बगहीका सभापति सरजुग महतोको सभापतित्वमा भएको कार्यक्रममा नेपाली कांग्रेस पर्साका सभापति अजय द्विवेदी, राजेन्द्र बहादुर आमात्य, पूर्व सांसद अनिल रुगंटा, रामेशवर रौनियार, प्रदेश सभा सदस्य ओमप्रकाश शर्मा लगायतले मन्तव्य राखेका थिए ।

को को गरे पार्टी प्रवेश ?

कार्यक्रममा जनता समाजवादी पार्टी परित्याग गरि मुन्ना तिवारी, केशव साह कानु, दिनानाथ राउत, ह्दयनारायाण रायभर, देवनाथ सहनी मलाह, शिवरतन राउत, किसुनदेव साह गोढ, रबिन्द्र पटेल, उदव राम, रम्भु राम, भिखम राम, पुन्देव राम, किसोरी राम, प्रभु राम, राजिन्द्र राम, अकलेश कुमार मलिक, शंकर राम, जगदिश राम, नेकपा परित्याग गरी ओम प्रकाश गिरी, मुकेश पटेल, रुपनारायण महतो, बद्री महतो, दरोगा महतो, रमेश राम, सुरेश पण्डित, रुपलाल राम, राजेन्द्र पासवान, बलदेव राम, श्रीकान्त उपाध्याय, जमुना राम, चोकट राम, सरोज पासवान लगायतकाले पार्टी प्रवेश गरेका थिए ।

नव प्रवेशीहरुलाई गम्छा ओढाएर कार्यक्रमका प्रमुख अतिथि, विशिष्ट अतिथि र अतिथिहरुले पार्टीमा स्वागत गरेका थिए ।