वीरगंज । नेपाली कांग्रेसका नेता सुरेन्द्र चौधरीले नेकपा नेतालाई सोनाईल कटियाको संज्ञा दिदै कम्युनिष्ट सरकारले देशमा लुट तन्त्र मचाएको आरोप लगाएका छन् । उनले प्रधानमन्त्री केपी शर्मा ओलीलाई निशाना साध्दै गाईलाई पराल दिए दूध दिने तर शर्पलाई दूध खुवाए विष नै दिने भन्दै नेकपा मुलुकको लागि विष भएको आरोप लगाए ।
- Advertisement -
वीरगंज महानगरपालिका वडा नं. २८ बगहीस्थित आईतबार आयोजित नेपाली कांग्रेसको बृहत आमसभा एवम् पार्टी प्रवेश कार्यक्रममा बोल्दै पूूर्व मन्त्री समेत रहेका चौधरीले भने, ‘‘जनता छ खन्तामा, सरकार छ चभन्तामा । कुर्सीमा दुशासन भए कसरी देशमा शुशासन हुन्छ ।’’
देशबाट जमिनदारी, काठमान्डौं जाने राहदानी व्यवस्थालाई कांग्रेसले नै खतम पारेको बताउँदै उनले लोक सेवा आयोगमा पनि मधेशी कोटाको सिट कांग्रेसले नै बढाएको दाबी गरे ।
