Date
शुक्र, मंसिर ४, २०८३
Fri, November 20, 2026
Home Blog Page 870

सर्बाेच्चको फैसला जसपालाई स्वीकार्य हुन्छ : नेता झा

0

 वीरगंज । जनता समाजबादी पार्टीका बरिष्ठ नेता अनिल कुमार झाले संसद बिघटनको मुदामा सर्बाेच्चले गर्ने निर्णय आफूहरुलाई स्वीकार्य हुने बताएका छन् ।

वीरगंजस्थित होटेल कुमु प्यालेसमा मंगलबार आयोजित कार्यकर्ता भेटघाट कार्यक्रममा बाेल्दै नेता झाले प्रतिनिधि सभा विघटन असंबैधानिक भएकोले जसपा आन्दोलनमा रहेको बताउँदै पार्टी निर्वाचनबाट पनि नडराएको बताए । उनले सर्बोच्च अदालतको निर्णय आफूहरुलाई स्वीकार हुने समेत बताए ।

कार्यकर्ताको बिचार सुन्दै नेता झाले पार्टी एकीकरण भए पनि नेता र कार्यकर्ताको मन नमिलेको बताउदै उदेश्य पुर्तीका लागि जसपाका सम्पुर्ण नेता कार्यकर्ता समायोजनमा इमानदार हुनु पर्नेमा जोड दिए ।

तत्कालिन राजपा पर्साका अध्यक्ष जगदिश पटेलको अध्यक्षतामा भएकोे भेटघाट कार्यक्रममा जसपाका केन्द्रिय सदस्यहरु शिव पटेल, सुरेन्द्र कुर्मी, रामचन्द्र पन्डित, नेजामुदिन सम्मानी, पपु पटेल, सन्जय पान्डेय, मुन्नी श्रीवास्तव, उषा श्रीवास्तव, रम्भा मिश्र, नेता ओमप्रकाश सर्राफ, कृष्ण पटेल, श्रीराम गिरि लगायातका नेता तथा कार्यकर्ताहरुको उपस्तिथि रहेको थियो ।

खाद्य स्वच्छता सम्बन्धी तालिम सम्पन्न

0
khad sawchhata talim

वीरगंज । वीरगंजमा खाद्य स्वच्छता सम्बन्धी एक दिने तालिम मंगलबार सन्पन्न भएको छ । होमेस्टेय तथा होटल/रेसटुरेण्ट क्यान्टिङ्ग संचालकहरुको लागि वीरगंजस्थित भिस्वा होटलमा संचालित तालिम सम्पन्न भएको हो ।

खाद्य प्रबिधि तथा गुणस्तर नियन्त्रण डिभिजन कार्यालय वीरगंजको आयोजनामा तथा होटेल व्यवसायी संघ पर्साको सहकार्यमा भएको तालिममा वीरगंज महानगरमा रहेका होटेल, रेस्टुरेन्ट, क्यान्टिन, भोजनालय, मिठाई पसलहरुलाई खाद्य स्वच्छता कायम गर्नका लागि पालना गर्नु पर्ने आवस्यक मापदण्डहरुका बारेमा जानकारी गराईएको थियो ।

तालिममा खाद्य प्रबिधि तथा गुणस्तर नियन्त्रण डिभिजन कार्यालय वीरगंज कार्यालयका प्रमुख बिक्की राउतले कार्यपत्र प्रस्तुत गरेका थिए ।

उनले होटेलको वरपरको वातावरण सफा राख्ने, खाद्य बस्तु तयार गर्दा पिउन मिल्ने सफा प्रशोधित पानीको प्रयोग गर्ने, पानी भण्डारण टयाङ्गकिको नियमित सरसफाइ गर्ने, खानालाई पाकिन्जेल सम्म राम्ररी पकाउने, तातो खानालाई ६० डिग्री सेल्सियस भन्दा माथि र चिसो खानालाई ५ डिग्री सेल्सियस भन्दा तल भण्डारण गर्ने, मांसाहारी र शाकाहारी तथा पाकेको र काचो खानालाई छुट्टाछुट्टै भाडामा भन्डारण गर्ने, शाकाहारी र मासाहारी, काचो र पाकेको खानाको लागि बेग्लाबेग्लै रङ्गको चपिङ्ग बोर्ड तथा चक्कुको प्रयोग गर्ने, सफा लुगा र एप्रोनको प्रयोग गर्ने, हेयर क्याप, माक्स, जुत्ता कभर, पन्जा आदिको प्रयोग गर्ने, खाना छुनु भन्दा अघि वा पछी, शौचालयको प्रयोग पछी, नाक कान छोए पछी र खोके पछी साबुन पानीले राम्ररि हात धुने लगायतको कुरामा सबैले ध्यानदिएमा उपभोक्ताहरुले स्वच्छता र गुणस्तर खाना पाउने कार्यपत्र प्रस्तुत गरेका थिए ।

खाद्य प्रबिधि तथा गुणस्तर नियन्त्रण डिभिजन कार्यालय वीरगंजका प्रमुख किक्की राउतको अध्यक्षता र पर्साका प्रमुख जिल्ला अधिकारी आस्मान तामाङको प्रमुख आतिथ्यतामा भएको तालिममा जिल्ला प्रहरी कार्यालय पर्साका प्रहरी नायब उपरीक्षक ओमप्रकाश खनाल, नेपाल होटेल तथा पर्यटन व्यवसायी महासंघ प्रदेश न.२ का महासचिव तबरेज आलम, नेपाल पत्रकार महासंघ प्रदेश न.२ का सदस्य जगत राई, उपभोक्ता हित संरक्षण मञ्च वीरगंज महानगरका अध्यक्ष अजित कुमार भुजेल, घरेलु तथा साना उद्योग कार्यालय वीरगंजका अशोक पान्डे, होटल व्यवसायी संघ पर्साका अध्यक्ष दिपकमान श्रेष्ठ लगायतको सहभागिता रहेको थियो ।

काठमाडाैंमा हुने जनप्रदर्शनमा सहभागि हुन पर्साबाट ५० बस प्रस्थान

0

वीरगंज । नेकपा प्रचण्ड-माधव समुहकाे बुधबार काठमाडाैंमा हुनेमा जनप्रदर्शनमा सहभागि हुन पर्साबाट ५० वटा बस प्रस्थान गरेकाे जनाइएकाे छ ।

प्रतिगमन विरुद्ध  हुने विशाल जनप्रदर्शनमा सहभागि हुन मंगलबार सांझ पर्साकाे विभिन्न पालिकाबाट ५० वटा बस र ५० वटा भन्दा बढी चार पाङग्रे सवारी साधनहरु काठमाडाैंकाे लागि प्रस्थान गरेकाे अनेरास्ववियूका केन्द्रिय सदस्य जुबेर आलमले वताए ।

जस मध्ये वीरगंजबाट मात्र १८ वटा बस काठमाडाैंकाे लागि प्रस्थान गरेकाे उनले जानकारी दिए । अन्य पाेखरिया नगरपालिका, पर्सागढी नगरपालिका, बिन्दवासिनी गाउँपालिका, पकहा मैनपुर गाउँपालिका, जगरनाथपुर गाउँपालिका लगायतकाे ठाउँबाट बसहरु खुलेकाे उनले जानकारी गराए । 

नेकपा केन्द्रिय सदस्य एवम् पर्सा जिल्ला इन्चार्ज रामचन्द्र साह, जिल्ला सचिव विजय महताे र वीरगंज महानगर अध्यक्ष रहबर अन्सारीकाे नेतृत्वमा सबै बसहरु काठमाडाैंकाे लागि प्रस्थान गरेकाे जनाइएकाे छ । 

प्रधानमन्त्री केपी शर्मा ओलीकाे असंवैधानिक कदम र प्रतिगमन विरुद्ध काठमाडाैंमा हुने विशाल जनप्रदर्शनमा पर्साबाट दुई हजार भन्दा बढी मानिसहरु सहभागि हुने वताइएकाे छ । 

पकहा मैनपुरमा पराल बाेकेकाे ट्रकमा आगलगी

0

वीरगंज । पर्साकाे पकहा मैनपुर गाउँपालिका वडा नं‌. ४ खेस्राहास्थित मंगलबार पराल बाेकेकाे एक ट्रकमा आगलगी भएकाे छ । ना‍. २ ख. ९६९५ नम्बरकाे पराल बाेकेकाे ट्रकमा आगलगी भएकाे हाे ।

आगलगीले ट्रकमा रहेकाे पराल जलेर पुर्ण रुपले नष्ट भएकाे छ भने ट्रकका सहचालक समेत घाइते भएका छन् । पर्साकाे सखुवा प्रसाैनी गाउँपालिका वडा नं. २ कटया निवासी २८ बर्षिय श्याम पटेल घाइते भएका हुन् । उनकाे हात र घुटामा जलेकाे छ ।

विधुतकाे तारले आगलगी भएकाे ट्रककाे बडीमा मात्र क्षति पुगेकाे छ ।

वीरगंज महानगरपालिका र पाेखरिया नगरपालिकाबाट पुगेकाे दुई वटा दमकलकाे सहयाेगमा आगाे नियन्त्रणमा आएकाे स्थानियहरुले जनाएका छन् ।

छिपहरमाईमा राजाबादीहरुद्वारा प्रदर्शन

0
rajabadiharu ko pradrasan
भिस्वा । पर्साकाे छिपहरमाई गाउँपालिका वडा नम्बर ३ बुढगाईमा मंगलबार राजावादिहरुले प्रदर्शन गरेका छन् ।
 
राष्ट्रिय नागिरक संघर्ष समित एवम् नेपाल राष्ट्रवादी शान्ति समूहले राजतन्त्रकाे माग गर्दै र्‍याली निकालेेकाे हाे । र्‍यालीमा सहभागिहरुले २०७२ को संविधान खारेज गर, शैनिक साशन लागु गर, राजा ल्याऊ देश बचाऊ, हाम्रो राजा हाम्रो देश प्राण भन्दा प्याराे छ, हिन्दु राष्ट्र कायम गर लगायतकाे नारा लगाउदै गाउँ परिक्रमा गरेका थिए ।
 
साबजजान मियाँकाे अध्यक्षता र सतार मियाँकाे प्रमुख आतिथ्यतामा भएकाे बिराेध प्रदर्शनकाे कार्यक्रममा युनुस मियां, सुरेश यादव, राजु श्रेष्ठ, जवाहिर तिवारी, जवाहिर यादव, नाजिर मियाँ, भाेला मियाँ, चन्द्रशेखर साह लगायतकाे सहभागिता रहेकाे थियाे ।

कालिकामाईले अदालतको आदेशपछि हाजिरी गर्न दियो तर काम गर्न दिएन

0
kalikamai rm

वीरगंज । पर्साको कालिकामाई गाउँपालिकाले उच्च अदालतको आदेशपछि एमआईएस अपरेटर लक्षमण साहलाई हाजिरी गर्न दिए पनि काम गर्न दिएको छैन् ।

उच्च अदालत जनकपुर अस्थायी इजलाश वीरगंजले एमआईएस अपरेटर साहलाई हाजिर गराई काम गर्न दिन दिएको आदेश अनुसार प्रमुख प्रशासकीय अधिकृत जयचन्द्र साहले छुट्टै रजिष्टरमा हाजिरी गर्न दिए पनि काम गर्न दिएका छैनन् । उनले नियम विपरित एमआईएस अपरेटरले गर्नु पर्ने जन्मदर्ता, मृत्युदर्ता, विवाह दर्ता लगायतको घटना दर्ता अनलाइन अपडेटको काम कम्प्युटर अपरेटर मंजय दाससंग गराई रहेका छन् ।

राष्ट्रिय परिचय पत्र तथा पञ्जीकरण विभागले गाउँपालिकाको सेवा ईकाइमा कार्यरत एम.आई.एस. अपरेटर लक्ष्मण साह र फिल्ड सहायक भेष साहको करार सेवाको म्याद थप गर्न दिएको निर्देशन समेत प्रमुख प्रशासकिय अधिकृत साहले पालना नगरेपछि उच्च अदालतमा मुद्दा परेको थियो ।

विभागले च.न. १३६४ भएको मिति २०७७ पुस २० गतेको पत्र मार्फत म्याद थप गर्न दिएको निर्देशन अनुसार अधिकृत साहले माघ १३ गते सम्म म्याद थप गर्न नमानेपछि उच्च अदालत जनकपुर अस्थाई इजलाश वीरगंजमा माघ १४ गते एमआईएस अपरेटर लक्ष्मण साहले मुद्दा दर्ता गराएका थिए ।

एमआईएस अपरेटर साहले उच्च अदालतमा दर्ता गराएको उत्प्रेषण परमादेश मुद्दामा माघ १९ गते सुनवाई गर्दै न्यायाधीश गणेश प्रसाद बराल र न्यायाधिश अन्जु उप्रेतीको संयुक्त इजलाशले हाजिर गराई काम गर्न दिन अन्तरिम आदेश जारी गरेको थियो ।

सोही आदेश अनुसार गाउँ कार्यपालिकाको कार्यालय माघ २१ गते पुगेको एमआईएस अपरेटर लक्ष्मण साहको अदालतको आदेशको प्रमाणित प्रतिलिपी सहितको निवेदन लिन पनि सुरुमा अधिकृत साहले मानेका थिएनन् । पछि वडाध्यक्ष पवन तिवारीले निवेदनमा तोक लगाए पछि अधिकृत साहले निवेदन दर्ता गरेका थिए ।

निवेदन दर्ता सोही दिन भएपनि वडाध्यक्षले लगाएको तोक अनुसार अदालतबाट आदेश बारे गाउँपालिकालाई पत्र मार्फत जानकारी प्राप्त भएपछि आईतबार ति कर्मचारीलाई हाजिर त गराइयो तर काम गर्न दिइएन । काम गर्न सोमबार गाउँपालिका कार्यालय पुगेका एमआइएस अपरेटर साहले प्रमुख प्रशासकिय अधिकृत साहसंग भन्दा उनले आफुलाई केही थाहा नभएको हाजिर गरेर जान भनेको उनले गुनासो गरे ।

गृह मन्त्रालय अन्तर्गतको राष्ट्रिय परिचय पत्र तथा पञ्जीकरण विभागले म्याद थप गर्न दिएको निर्देशन अनुसार प्रमुख प्रशासकिय अधिकृत साहले २५ दिन सम्म पनि ति कर्मचारीहरुको करार सेवाको म्याद थप नगरेपछि एमआइस अपरेटर साहले उच्च अदालतमा कालिकामाई गाउँपालिका कार्यालय, प्रमुख प्रशासकिय अधिकृत, गाउँपालिका अध्यक्ष र गाउँ कार्यपालिका विरुद्ध दिएको मुद्दामा सुनवाई गर्दै अदालतले अन्तरिम आदेश जारी गरेको थियो ।

कालिकामाई गाउँ कार्यपालिकाको पुस ११ मा भएको प्रस्ताव नं. ८ को निर्णय र सो निर्णयको आधारमा भएको पत्रचार कार्यान्वयन नगरी आयोजनाको लक्ष्य अनुसार निवेदक साहलाई हाजिर गराई काम गर्न दिनु भनी विपक्षीहरुको नाममा उच्च अदालत नियमावली २०७३ को नियम ४२(१) बमोजिम आन्तरिक आदेश जारी गरेको थियो ।

अदालतले नियम विपरितको एउटा निर्णय कार्यन्वयन गर्न अन्तरिम आदेश दिए पश्चात पनि गाउँ कार्यपालिकाको बसेको बैठकले फेरी नियम विपरित निर्णय गरेको छ । एक कार्यपालिका सदस्यका अनुसार आदलतले आदेश जारी गरे कै दिन माघ १९ गते बसेको कार्यपालिकाको बैठकले ति दुई कर्मचारीको म्याद थप नगर्न निर्णय गरेको छ ।

त्यसले अदालतको आदेश पनि अवहेलना हुने संकेत देखिएको छ ।

गत बर्ष राष्ट्रव्यापी खुल्ला प्रतियोगिताद्वारा देशभरी कै ७५३ स्थानिय तहमा समाजिक घटना दर्ता सुदृढकिरणको लागि एमआइएस अपरेटर र फिल्ड सहायक न्युक्त भएका थिए ।

शिक्षा विकास समन्वय समितीको बैठक सम्पन्न

0
baithak

वीरगंज । राष्ट्रिय प्रारम्भीक कक्षा पढाई कार्यक्रम अन्तर्गतका जिल्ला शिक्षा विकास समन्वय समितीकाे बैठक सोमबार वीरगंजस्थित दियालो होटलमा सम्पन भएको छ ।

जिल्ला शिक्षा विकास समन्वय ईकाई कार्यालयका प्रमुख फतबहादुर श्रेष्ठको अध्यक्षतामा बसेको बैठकले जिल्ला स्तरिय अनुगमन समितीमा ३ जना सदस्य थप गर्ने निर्णय गरेको छ । वीरगंज महा नगरपालिकाका शिक्षा महाशाखा प्रमुख अरबिन्दलाल कर्ण, जिल्ला शिक्षा विकास समन्वय ईकाई कार्यालयबाट मनोज चौधरी र छिपहरमाई गाउपालिकाकी शिक्षा प्रमुख सृजना बुढाथोकीलाई थप गर्ने निर्णय गरिएको कार्यक्रमका जिल्ला संयोजक रामनारायण साह रौनियारले बताए ।

बैठकले बिन्दवासिनी र जिराभवानी गाउपालिकामा ग्राण्ड सहितको कार्यक्रम गर्ने अनुमोदन गरेको छ । साथै बैठकले अब दोस्रोे चरणको कार्यक्रमलाई प्रभावकारी बनाउन पालिकाका प्रतिनिधीहरुलाई क्षमता अभिबृद्धि गर्ने र कोभिडबाट प्रभावित शिक्षाको स्तरलाई उकासन सपोर्ट गर्ने सहितको कामको अनुमोदन समेत गरेको छ ।

बैठकमा नेपाल पत्रकार महासंघका सचिव युवराज खडका, गैरसरकारी संस्था महासंघ नेपाल पर्साका अध्यक्ष छठु साह, शिक्षक महासंघ पर्साका अध्यक्ष तिर्थराज यादव, डिसिटीका सदस्य लगायतको उपस्थिती रहेको थियो ।

अब कांग्रेसलाई कुनै पनि शक्तिले हराउन सक्दैन : उपसभापति निधि

0
bimlendra nidhi
वीरगंज । नेपाली काँग्रेसका उपसभापति विमलेन्द्र निधिले प्रधानमन्त्री केपी शर्मा ओलीको असंवैधानिक कदमबाट अहिले मुलुकमा नयाँ संकट सृजना भएको आरोप लगाएका छन् ।
 
प्रेस युनियन पर्साको आयोजनामा वीरगंजस्थित दियालो होटलमा साेमबार भएको पत्रकार सम्मेलनमा बोल्दै उपसभापति निधिले प्रतिनिधिसभा विघटनलाई नेपाली काँग्रेसले असंवैधानिक कदम ठहर गरि सकेको बताए । उनले संसद विघटन अलोकतान्त्रिक कदम हो, जनता र मतदानको अपमान हो, जसरी हामी शुरुमा भनि रहेका थियौ, प्रधानमन्त्रीले ३ वर्षमा जे जति काम गरि रहेका छन्, त्यो संविधान, संघीयता र लोकतन्त्रको विरोधमा रहेको भन्दै प्रधानमन्त्रीको कार्यले मुलुक अधिनायकवादी, शासन प्रणालीतर्फ उन्मुख भइरहेको बताए ।
 
उप सभापति निधिले अहिलेको राजनीतिक संकटको समाधानको उपाय एक मात्र हो, नेपाली जनताले प्रतिनिधि सभा पाउनु र त्यसको लागि नेपाली काँग्रेस लागि परेको बताए । उनले राजनीतिक दल एउटै कामको लागि मात्र होइन, मुलुकमा जस्तो सुकै परिस्थिति आएपनि लड्न तयार रहनुपर्छ । त्यसैले मुलुकमा निर्वाचनको अवस्था आए निर्वाचनको लागि तयार रहन मदताहरुलाई आह्वान समेत गरे ।
 
निर्वाचनको सन्दर्भमा बोल्दै उपसभापति निधिले काँग्रेसलाई कुनै पार्टीले हराउन नसक्ने ठोकुवा गरे । नेपाली काँग्रेस जतिपटक हारेको छ, आफ्नै कारण हारेको छ, र यो कुरा पार्टीलाई महसुस भइसकेको कारण आगामी निर्वाचनमा कुनै किसिमको त्रुटि नगरि आफै सचेत भई अगाडि बढ्ने भएकोले अबको निर्वाचनमा प्रदेश २ लगायत तराईमा नै नेपाली काँग्रेसलाई कुनै पनि पार्टीले हराउन नसक्ने दाबी गरे ।
 
प्रेस युनियन पर्साका कार्यवाहक अध्यक्ष विजय चौहानको सभापतित्वमा भएको पत्रकार सम्मेलनमा पार्टीका नेतृ तथा पूर्व शिक्षामन्त्री चित्रलेखा यादव, केन्द्रिय सदस्य फर्मुल्लाह मन्सुर, अजय चौरसिया, नेता नेता सुरेन्द्र चौधरी, बृजलाल प्रसाद यादव, पर्सा जिल्ला सभापति अजय द्विवेदी, पूर्व सांसद अनिल रुङ्गटा, राजेन्द्र बहादुर अमात्य, रामेश्वर रौनियार, प्रदेशसभा सदस्य राजेश्वर साह, ओमप्रकाश शर्मा, जिल्ला उप–सभापति दिना प्रसाद गुप्ता, प्रकाश उपाध्याय, लालबाबु सिंह, नेपाल पत्रकार महासंघ प्रदेश नं. २ का अध्यक्ष दिपेन्द्र चौहान लगायतको उपस्थिति रहेको थियो । कार्यक्रमकाे संचालन जिल्ला सचिव किशाेरी साहले गरेका थिए ।

वीरगंजका तीन विद्यालयमा अनुगमन

0
school anugman

वीरगंज । वीरगंज महानगरपालिकाको ३ वटा बिद्यालयमा सोमबार राष्ट्रिय प्ररम्भीक कक्षा पढाई कार्यक्रमको अनुगमन गरिएको छ । समितीका संयोजक फतबहादुर श्रेष्ठको नेतृत्वमा श्री शिव प्राथमिक बिद्यालय रामगढवा, श्री नेपाल राष्ट्रिय आधारभुत बिद्यालय चरकोट परसवा र श्री लक्ष्मी देवी बाबुलाल हंस बाहिनीमा अनुगमन गरिएको हो ।

अनुगमन समितीमा वीरगंज महानगरपालिकाका शिक्षा महाशाखाका प्रमुख अरबिन्दलाल कर्ण, शिक्षक महासंघ नेपाल पर्साका अध्यक्ष तिर्थराज यादव लगायतका सदस्यहरुको सहभागिता रहेको थियो ।

कोभिड पश्चात पहिलो चोटी निस्केका टोलीले राम्रा कुराहरुलाई लागु गर्दै जाने र सुधार गर्नु पर्ने कुरा सुधार्नु पर्ने बिद्यालयका शिक्षक र ब्यवस्थापन समितीलाई आग्रह गरेको छ । अनुगमन समितीले कोरोनाका कारण पढाईमा असर परेका कारण अब अनुगमनलाई तिब्रता दिदै बिस्तारै सुधार तर्फ लैजाने सल्लाह दिइएको छ भने बिद्यालयहरुमा अध्ययन अध्यापन सोचे भन्दा राम्रो भएको तर धेरै कुराहरु सुधार्नु पर्ने ठहर गरेको छ ।

विद्यालयमा अझ पनि स्रोत र साधनको कमी रहेकोले स्रोत र साधन जुटाउन पहल गर्ने जनाएको छ ।

अनुगमज समितकिा सदस्य अरबिन्दलाल कर्णले पर्साको पालिका मध्ये वीरगंज महानगरपालिकाले शिक्षामा सबै भन्दा बढी रकम बिनियोजन गरेकोले शिक्षाका लागि कुनै कसर बाकी नराख्ने बताए ।

उनले कुनै पनि बहानामा पढाईलाई निरुत्साहित गर्ने काम मान्य नहुने समेत बताए । जिल्ला शिक्षा समन्वय ईकाई प्रमुखले शिक्षालाई सबैको सहयोगले अगाडी बढाउनु पर्ने कुरामा जोड दिएका थिए ।