वीरगंज । बारामा धारिलो हतियार प्रहार गरि एक महिलाको हत्या भएको छ । महागढिमाई नगरपालिका वडा नम्वर १ निवासि बैझनाथ प्रसाद कुशवाहाकाे ४८ बर्षिय श्रिमति कान्ति देबी कुश्वाहाकाे हत्या भएको प्रहरीले जनाएकाे छ ।
नगरपालिकाकाे वडा नम्बर १ मठवा टोलस्थित आफ्नै घरमा सुतिरहेकी उनकाे अज्ञात समुहद्वारा आइतबार राति १० बजेको समयमा धारिलो हतियार प्रहार गरी हत्या भएकाे जिल्ला प्रहरी कार्यालय बाराका प्रबक्ता प्रहरी नायब उपरिक्षक गौतम मिश्रले वताए ।
स्थानियहरुका अनुसार घरमा कोहि नभएको बेला उनकाे हत्या भएकाे हाे । हिजो बेलुका साझ श्रीमान घरबाट खाना खाइ घर बाहिर गएको बेला कुशवाहाकी श्रीमतीको हत्या भएको स्थानियहरुले जनाएका छन् । घर फर्के पछि श्रीमतीलाई घरको पैसेजमा आचेत अवस्थामा देखेपछि स्थानियलाई घटना बारे जानकारी भएको थियो ।
स्थानीयका अनुसार मृत्यु भएको कान्ति देवी बिगत २० बर्षदेखि उनी गाउँमा नास्ता पसल खोली ब्यवासाय गर्दै आएकी थिइन् ।यस्तो घटना सो स्थानमा पहिलो भएको स्थानीयहरुकाे भनाई छ । हत्या भएको घटना बारे थप अनुसन्धान भईरहेको प्रहरी कार्यालय बाराले जनाएकाे छ । घटनास्थलमा तालिम प्राप्त कुकुर पनि परिचालन गरिएकाे प्रहरी प्रबक्ता मिश्रले जानकारी दिए ।
