वीरगंज । नेकपा प्रचण्ड-माधव समुहकाे बुधबार काठमाडाैंमा हुनेमा जनप्रदर्शनमा सहभागि हुन पर्साबाट ५० वटा बस प्रस्थान गरेकाे जनाइएकाे छ ।
प्रतिगमन विरुद्ध हुने विशाल जनप्रदर्शनमा सहभागि हुन मंगलबार सांझ पर्साकाे विभिन्न पालिकाबाट ५० वटा बस र ५० वटा भन्दा बढी चार पाङग्रे सवारी साधनहरु काठमाडाैंकाे लागि प्रस्थान गरेकाे अनेरास्ववियूका केन्द्रिय सदस्य जुबेर आलमले वताए ।
जस मध्ये वीरगंजबाट मात्र १८ वटा बस काठमाडाैंकाे लागि प्रस्थान गरेकाे उनले जानकारी दिए । अन्य पाेखरिया नगरपालिका, पर्सागढी नगरपालिका, बिन्दवासिनी गाउँपालिका, पकहा मैनपुर गाउँपालिका, जगरनाथपुर गाउँपालिका लगायतकाे ठाउँबाट बसहरु खुलेकाे उनले जानकारी गराए ।
नेकपा केन्द्रिय सदस्य एवम् पर्सा जिल्ला इन्चार्ज रामचन्द्र साह, जिल्ला सचिव विजय महताे र वीरगंज महानगर अध्यक्ष रहबर अन्सारीकाे नेतृत्वमा सबै बसहरु काठमाडाैंकाे लागि प्रस्थान गरेकाे जनाइएकाे छ ।
प्रधानमन्त्री केपी शर्मा ओलीकाे असंवैधानिक कदम र प्रतिगमन विरुद्ध काठमाडाैंमा हुने विशाल जनप्रदर्शनमा पर्साबाट दुई हजार भन्दा बढी मानिसहरु सहभागि हुने वताइएकाे छ ।
