वीरगंज । जनता समाजबादी पार्टीका बरिष्ठ नेता अनिल कुमार झाले संसद बिघटनको मुदामा सर्बाेच्चले गर्ने निर्णय आफूहरुलाई स्वीकार्य हुने बताएका छन् ।
वीरगंजस्थित होटेल कुमु प्यालेसमा मंगलबार आयोजित कार्यकर्ता भेटघाट कार्यक्रममा बाेल्दै नेता झाले प्रतिनिधि सभा विघटन असंबैधानिक भएकोले जसपा आन्दोलनमा रहेको बताउँदै पार्टी निर्वाचनबाट पनि नडराएको बताए । उनले सर्बोच्च अदालतको निर्णय आफूहरुलाई स्वीकार हुने समेत बताए ।
कार्यकर्ताको बिचार सुन्दै नेता झाले पार्टी एकीकरण भए पनि नेता र कार्यकर्ताको मन नमिलेको बताउदै उदेश्य पुर्तीका लागि जसपाका सम्पुर्ण नेता कार्यकर्ता समायोजनमा इमानदार हुनु पर्नेमा जोड दिए ।
तत्कालिन राजपा पर्साका अध्यक्ष जगदिश पटेलको अध्यक्षतामा भएकोे भेटघाट कार्यक्रममा जसपाका केन्द्रिय सदस्यहरु शिव पटेल, सुरेन्द्र कुर्मी, रामचन्द्र पन्डित, नेजामुदिन सम्मानी, पपु पटेल, सन्जय पान्डेय, मुन्नी श्रीवास्तव, उषा श्रीवास्तव, रम्भा मिश्र, नेता ओमप्रकाश सर्राफ, कृष्ण पटेल, श्रीराम गिरि लगायातका नेता तथा कार्यकर्ताहरुको उपस्तिथि रहेको थियो ।
