Date
शुक्र, मंसिर ४, २०८३
Fri, November 20, 2026
Home Blog Page 869

प्रथम पटेर्वासुगौली गोल्ड कपको बिजेता वीरगंज

0
paterwasugawali

वीरगंज । पर्साकाे पटेर्वा सुगाैली गाउँपालिकामा आयाेजित प्रथम पटेर्वासुगौली गोल्डकपको बिजेता बीरगंज यूनिटी क्लब बनेकाे छ । प्रतियाेगिताकाे बुधबार भएकाे फाइनल खेलमा बीरगंज यूनिटीले अपौनीलाई १ गोलको बिरुद्ध २ गोलले जित हासिल गरेकाे हाे ।

खेल शुरु भएको पांच मिनेटमै बीरगंजका जर्सी नं‍. ५ सरोज तामाङले गोल गरी टिमलाई अग्रता दिलाएका थिए । मध्यान्तर पछि तीन मिनेटमा अपौनीले पेलान्टीको अवसर पाए पछि एलेक्सले गोल गरी बराबरीमा ल्याएका थिए ।

निर्धारित समय सकिन ११ मिनेट बाकी हुदा बीरगंजका बिमल राणाले ह्याट्रिक गरी अर्को गोल गरी टिमलाई जिताउन निर्णायक परिणाम साबित गरे ।

बिजेता टिमलाई प्रमुख अतिथि पटेर्वासुगौली गाउँपालिका अध्यक्ष हरिनारायण चौधरीले रु २ लाखको चेक र ट्रफी प्रदान गरे । आयोजक संस्थाका अध्यक्ष मधुकान्त चौधरीको सभापतित्वमा सम्पन्न कार्यक्रममा बिशिष्ट अतिथि गाउँपालिका उपाध्यक्ष ममता महतोले उप बिजेता टिमलाई एक लाख रुपैयाको चेक तथा ट्रफी प्रदान गरेका थिए ।

फाइनल खेलमा पहिलो गोल गर्ने सरोज तामाङलाई पटेर्वासुगौली गाउँपालिका बोर्डका सदस्यले नगद पांच हजार रुपैया उपहार दिए । खेलकाे मैन अफ दि म्याच बीरगंजका सुरज ठकुरी घोषित भएका थिए ।

त्यस्तै उत्कृष्ट गोलकिपरको उपाधि बीरगंजका सरोज तामाङ, उत्कृष्ट मिड फिल्डर अपौनीको राधेश्याम महतो, उत्कृष्ट डिफेन्डर बीरगंजका अनिल पटेल, उत्कृष्ट स्ट्राइकर बीरगंजका सन्त गुरुङ घोषित भए ।

त्यस्तै गगोल गर्ने अपौनीका अन्तर्राष्ट्रिय अब्दुलाह, उत्कृष्ट प्रशिक्षक बीरगंजका शुलभ राणा र मैन अफ दि सेरिज बीरगंजका बिमल राणा घोषित भए । यी खेलहरुलाई नगदसहित ट्रफी प्रदान गरिएको थिए ।

उद्योग वाणिज्य महासंघ प्रदेश २ को अध्यक्षमा गणेश लाठ निर्विराेध

0
anesh lath nirbachit

वीरगन्ज । नेपाल उद्योग वाणिज्य महासंघ प्रदेश २ को अध्यक्षमा वीरगन्जका उद्योगी गणेश लाठ निर्विरोध चयन भएका छन् ।

जनकपुर उद्योग वाणिज्य संघको सहयोगमा जनकपुरस्थित आयोजित दोश्रो साधारणसभा तथा दोश्रो अधिवेशनबाट वीरगन्जका उद्योगी एवं वीरगन्ज उद्योग वाणिज्य संघका पूर्व अध्यक्ष समेत रहेका लाठ प्ररदेश अध्यक्षमा निर्विरोध चयन भएका हुन् ।

उक्त अधिवेशनबाट उपाध्यक्षमा सप्तरी उद्योग वाणिज्य संघका अरुण कुमार प्रधान एवं रामजानकी प्लाष्टिक ई. प्रा.लि.का सञ्चालक राजेश अग्रवाल निर्विरोध चयन भएका छन् भने कोषाध्यक्षमा जलेश्वर उद्योग वाणिज्य संघका कृपा शंकर साह निर्विरोध चयन भएका छन् ।

यसैगरि कार्यकारिणी सदस्यहरुमा सुन्दर फर्निचर प्रालिका प्रदीप कुमार केडिया, जिल्ला उद्योग वाणिज्य संघ सिरहा लहानका विकास कुमार सारदा, रामनगर मिर्चैया उद्योग वाणिज्य संघका हरिशंकर साह, सिरहा उद्योग वाणिज्य संघका सरोज कुमार महतो, रौतहट उद्योग वाणिज्य संघका पण्डित प्रसाद जयसवाल तथा गौशाला उद्योग वाणिज्य संघका रामराजा प्रसाद साह निर्विरोध चयन भएका हुन् ।

त्यसैगरि मनोनित सदस्यमा मलंगवा उद्योग वाणिज्य संघका विरेन्द्र कुमार शाह, वीरगन्ज उद्योग वाणिज्य संघका अशोक कुमार टेमानी तथा जनकपुर उद्योग वाणिज्य संघकी दिपिका राय निर्विरोध चयन भएको वीरगन्ज उद्योग वाणिज्य संघका सचिव माधव राजपालले जानकारी दिए ।

वीरगञ्जकाे घडिहअर्वामा शनिबार बृहत स्वास्थ्य शिविर हुँदै

0

वीरगञ्ज  । दिप हेल्थ क्लिनिक र जय नेपाल प्याथोलोजी सेन्टरको आयोजनामा फागुन १ गते वीरगञ्जमा बृहत स्वास्थ्य शिविर हुने भएकाे छ । 

फाल्गुन १ गते शनिवारको दिन बिहान ७ बजेदेखी वीरगञ्जस्थित घडिअर्वा पोखरी परिसरमा हुने शिविरमा डेढ दर्जन विशेषज्ञ चिकित्सकहरुकाे सहभागिता रहने डा. दिपक चाैरसियाले वताए । 

बालरोग विशेषज्ञ डा. आनन्द कुमार झा, जेनरल फिजिसियन डा. उदयनारायण सिँह, स्त्री रोग विशेषज्ञ डा. निलम चौरसिया, हाडजोर्नी रोग विशेषज्ञ डा. दिलिप चौरसियालगायतका १८ जना विशेषज्ञ चिकित्सकद्वारा शिविरमा परिक्षण गरिने आयोजकले जनाएको छ । 

वीरगञ्जमै पहिलोपटक यति धेरै चिकित्सकहरुको उपस्थितीमा शिविर हुन लागेको आयोजकको दाबी छ । शिविरमा नि:शुल्क लैब परिक्षणको समेत सुविधा रहेको छ । 

आँखा, दाँत, छाला, नशा, हाडजोर्नी लगायतका रोगहरुको परिक्षण गर्नुका साथै औषधि समेत वितरण गरिने छ । सम्पुर्ण रोगहरुको एकैठाउँमा चेकजाच गरिने हुँदा शिविरमा सहभागी भएर मौकाको फाइदा उठाउन पनि आयोजकले आग्रह गरेको छ ।

स्वास्थ्य व्यवस्थापन सम्बन्धि अभिमुखिकरण कार्यक्रम सम्पन्न

0
sakhuwa prasauni abhimukhikaran

वीरगंज । पर्साकाे सखुवा प्रसाैनी गाउँपालिका वडा नं. ३ काे काैवाबन कटैयामा बुधबार पाेष्ण तथा महिनवारी स्वास्थ्य व्यवस्थापन सम्बन्धि अभिमुखिकरण कार्यक्रम सम्पन्न भएकाे छ ।

बहुक्षेत्रिय पाेषण कार्यक्रम अन्तर्गत किशाेरीहरुकाे लागि काैवाबन कटैया स्वास्थ्य चाैकिमा भएकाे अभिमुखिकरण कार्यक्रम सम्पन्न भएकाे हाे ।

सखुवा प्रसाैनी गाउँपालिकाकाे स्वास्थ्य शाखाकाे आयाेजनामा भएकाे कार्यक्रममा गाउँपालिका स्वास्थ्य संयाेजक राजेश राैनियार, स्वास्थ्य चाैकी काैवाबन कटैयाका इन्चार्ज एनामुल हक अन्सारी र रुपनारायण साहले प्रशिक्षण दिएका थिए । कार्यक्रममा वडा अन्तर्गतका ३० जना किशाेरीहरुकाे सहभागिता रहेकाे थियाे ।

यस्तै, मंगलबार वडा नं. ५  महुवनमा पनि पाेष्ण तथा महिनवारी स्वास्थ्य व्यवस्थापन सम्बन्धि अभिमुखिकरण कार्यक्रम सम्पन्न भएकाे थियाे ।

सखुवा प्रसाैनीमा पशु स्वास्थ्य शिविर सम्पन्न

0

वीरगंज । पर्साकाे सखुवा प्रसाैनी गाउँपालिका वडा नं. ४ देउरबानामा बुधबार पशु स्वास्थ्य शिविर सम्पन्न भएकाे छ ।

सखुवा प्रसाैनी गाउँपालिकाकाे पशु स्वास्थ्य शाखाकाे आयाेजनामा भएकाे शिविरमा गाई, भैंसी, बाख्रा लगायतकाे पशुहरुकाे स्वास्थ्य परिक्षण गरिएकाे थियाे ।

शिविरकाे उद्घाट गाउँपालिका अध्यक्ष प्रदिप जयसवालले गरेका थिए भने साे अवसरमा गाउँपालिका उपाध्यक्ष फुलमती कुमारी थरुइन, गाउँपालिका स्वास्थ्य संयाेजक राजेश राैनियार लगायतकाे सहभागिता रहेकाे थियाे ।

शिविरमा पशु चिकित्सक डा. पुष्पेन्द्र साह, गाउँपालिकाकाे पशु प्राविधिक अमित कुशवाहा, राेशन कडेलले पशुहरुकाे स्वास्थ्य परिक्षण गरेका थिए ।

जसपाकाे मशाल जुलुशमा प्रहरी हस्तक्षेप, ९ घाइते र ४ जना पक्राउ

0

वीरगंज । संसद विघटनको विरुद्ध जनता समाजवादी पार्टी (जसपा) पर्साले बुधबार वीरगंजमा मशाल जुलुश प्रदर्शन गरेको छ । तेस्रो चरणको आन्दोलनको कार्यक्रम अन्तर्गत जसपाले निकालेकाे मशाल जुलुशमा प्रहरीले हस्तक्षेप गर्दा ९ जना घाइते भएका छन् भने ४ जनालाई प्रहरीले नियन्त्रणमा लिएको थियो ।

वीरगंजको लिंक रोड, माइस्थान र लाठ गलीबाट निस्केको मशाल जुलुश घण्टाघर पुग्दा प्रहरीले हस्तक्षे गरेको थियो । सोही क्रममा प्रदर्शनकारी र प्रहरी बिच झडप समेत भएको थियो । प्रहरीले प्रदर्शनकारी मध्ये ४ जनालाई नियन्त्रणमा समेत लिएको थियो ।

जसपाकी केन्द्रिय सदस्य मोनिका सिंह, मुनी श्रीवास्तव, राजेश साह, प्रभु साह, राजेश साहलाई प्रहरीले नियन्त्रणमा लिएको थियो ।

प्रधानमन्त्री केपी शर्मा ओलीको असंवैधानिक कदम विरुद्ध तेस्रो चरणको आन्दोलनको कार्यक्रम अन्तर्गत मशाल जुलुश प्रदर्शन गरिएको जसपा पर्साका अध्यक्ष रामनरेश यादवले बताए । उनले संसद पुर्नस्थापन नभए सम्म आन्दाेलन जारी रहने वताए ।

प्रदर्शनको क्रममा पक्राउ परेका चारै जनालाई प्रहरलिे केही बेर पछि छोडेको थियो । प्रदर्शनको कार्यक्रम सम्पन्न पश्चात अध्यक्ष यादवको नेतृत्वमा जिल्ला प्रहरी कार्यालय पुगेका टोलीको जिम्मा पक्राउ परेकाहरुलाई प्रहरीले छोडेको थियो ।

मशाल जुलुश प्रदर्शनको क्रममा प्रदेश सांसद प्रहलाद गिरीसहित ९ जना घाईते समेत भएको जसपा पर्साका सचिव तबरेज अहमदले बताए । जसपाका नेता कृषणा पटेल, श्रीराम गिरी, एजाजबाबु राँकी, रुपक पटेल, सरोज यादव, दिपु बर्मा, गौरव बर्मा, रिपु बर्मा घाईते भएको सचिव अहमदले जानकारी दिए ।

घाईतेहरुको वीरगंजस्थित नारायाणी अस्पतालमा उपचारपछि भइरहेकाे उनले जानकारी गराए ।

मशाल जुलुश प्रदर्शनमा प्रदेश सांसद करिमा बेग्म, जन्नत अंसारी, जसपाका केन्द्रिय सदस्य शिव पटेल, नेजामुद्दिन सम्मानी, फिरोज मंसुर, शिवजी सोनी, बिरेन्द्र यादव, जगदिश पटेल, ओम प्रकास सर्राफ, सखुवा प्रसौनी गाउँपालिका अध्यक्ष प्रदिप जयसवाल, बिन्दवासिनी गाउँपालिका अध्यक्ष श्रीलाल साह कानु, पोखरिया नगरपालिकाकी उपमेयर सलमा खातुन लगायतको सहभागिता रहेको थियो ।

यसै गरि बाराको परवानीपुरमा पनि मशाल जुलुश प्रदर्शन भएको छ । संसद विघटन विरुद्ध निकालिएकाे मशाल जुलुशमा गाउँपालिका अध्यक्ष हरिनारायण साह, वडाध्यक्ष अनिल राम, मुकेश रौनियार, बिरेन्द्र सोनल, संतोष यादव लगायतको सहभागिता रहेको थियो ।

जसपा परवानीपुरकाे आयाेजनामा परावनीपुर बजारबाट निस्केको मशाल जुलुश बजार परिक्रममा गरेकाे थियाे ।

छिपहरमाई र ठाेरीमा अबैध घरेलु मदिरा भठ्ठी नष्ट

0

वीरगंज । पर्सा प्रहरीले विभिन्न ठाउँमा संचालन रहेकाे अबैध घरेलु मदिरा भठ्ठी नष्ट गरेकाे छ ।

अबैध घरेलु मदिरा नष्ट गर्ने अभियान अन्तर्गत जिल्ला प्रहरी कार्यालय पर्सा मातहतका ईलाका प्रहरी कार्यालय ठोरी र सिमा प्रहरी चाैकी भिस्वा बन्जारीबाट खटी गएको प्रहरी टोलीले छिपहरमाई गाउँपालिका वडा नं.४ बन्जारी र ठोरी गाउँपालिका वडा नं. ५ सुवर्णपुरस्थित विभिन्न स्थानमा अवैध रुपमा संचालनमा रहेकाे घरेलु मदिरा उत्पादन गर्ने भठ्ठी ६ वटा फुटाई नष्ट गरेको हाे ।

सो भठ्ठीहरुबाट घरेलु मदिरा बनाउन प्रयोग हुने कच्चा पदार्थ एक हजार ५ सय लिटर र तयारी मदिरा एक हजार लिटर बरामद गरी कानून बमोजिम नष्ट गरीएको जिल्ला प्रहरी कार्यालय पर्साले जनाएकाे छ ।

यसका साथै नष्ट गरिएकाे भठ्ठीबाट रक्सी बनाउन प्रयोग गरिने मेसिन १ थान, ड्रम १० थान र ९० थान भाँडा वर्तन समते नियन्त्रणमा लिएको प्रहरी कार्यालय पर्साका प्रवक्ता प्रहरी नायब उपरिक्षक मनाेजित कुंवरले वताए ।

देउरबानामा दलित दबाब समुह गठन

0

वीरगंज । पर्साकाे सखुवा प्रसौनी गाउँपालिका वडा -४, देउरबानामा म‌गलबार दलित अधिकारकाे लागि दलित दबाव समुह गठन भएकाे छ । 

पिसफोर दलित फाउन्डेसन नेपाल, प्रदेश -२ को आयोजनामा देउरबानामा भएकाे दलित समुदायको भेलाले नागेन्द्र पासवानको संयोजकत्वमा १३ सदस्यीय दलित दबाव समुह गठन गरेकाे हाे । जुन समितिकाे सह-संयोजक हाकिम मुसहर सदस्य युवराज मुसहर, जग मुसहर, ब्रह्मदेव मुसहर, रामजी पासवान, ठग पासवान, सरस्वती देवी मुसहर, सुखली देवी मुसहर, श्याम कुमार, नागेन्द्र पासवान, सुनैना देवी, मुनि मुसहर चयन भएका छन् । 

दलित अधिकारको लागि दलित दबाब समुह गठन गरिएको पिसफाेर दलित फाउन्डेसनका अध्यक्ष मनाेज रामले वताए । दलित समुदायको समस्या, दलित समुदायको अधिकारको लागि समुह गठन गरिएकाे उनले जानकारी दिए ।

दलित माथिको जातीय विभेद, छुवाछूत, सामाजिक विभेद, अन्याय, अत्याचार, दमन शोषण, असमानताकाे बिरुद्धमा समुह काम गर्ने जनाइएकाे छ ।

भेलामा सामाजिक न्याय तथा सामाजिक स्वतन्त्रताको लागि १०१ दलित युवा नेतृत्व अभियानको संयोजक सुरेन्द्र पासवान, पिसफोर दलितस फाउन्डेसन नेपालको अशोक राम, पिसफोर दलितस फाउन्डेसन नेपालका सदस्य परमान्द राम, दलित अगुवा लगायतको सहभागिता रहेकोे थियाे । 

सुर्ति खेतीतर्फ पर्साका किसान आकर्षित, कम लगानीमा बढी आम्दनी गर्दै

0
surti kheti

वीरगंज । पछिल्लो समयदेखी पर्साका किसानहरु सूर्ति खेती गर्दै आएका छन् । अन्य खेतीभन्दा कम समयमा उत्पादन हुने र खर्च पनि त्यती नलाग्ने हुँदा पर्साका किसान सूर्ति खेतीतर्फ आकर्षित भएका हुन् ।

पर्साको बहुदरमाई नगरपालिका, सखुवा प्रसौनि गाउँपालिकाका, पटेर्वा सुगौली र जिराभवानी गाउँपालिकाका किसानहरु वर्षेनी एक सिजन सूर्ति खेती गर्न थालेका छन् ।

नगदेबालीको रुपमा खेती गर्दै आएका अबैध गाँजा खेतीमा नेपाल सरकारले पूर्ण प्रतिबन्ध लगाएसंगै स्थानीय प्रहरी प्रशासनले कडा निगरानी गरेपछि पर्साका किसानहरु नगदे बालीको रुपमा सूर्ति खेतीलाई रोजेका छन् । सिमरास्थित सूर्य टोबा कम्पनीले किसानले लगाएको सूर्ति उचित मूल्यमा खरिद गर्न शुरु गरेपछि हिंउँद महिनामा आफ्नो खेतमा सुर्ती खेती गरेर किसानहरु नगद कमाउन थालेका छन् ।

तर तरकारी लगायतका विभिन्न खेतीमा स्थानीय सरकारले उन्नत जातको बिउबिजन र आधुनिक प्रविधि उपलब्ध नगराएको कारण पर्सामा अझै भने वैज्ञानिक र व्यवसायिक खेतीतर्फ किसानहरू आकर्षित हुन सकेका छैनन् । मुलुक संघीय लोकतान्त्रिक गणतन्त्रमा आएपछि स्थानीय सरकार अधिकार सम्पन्न भएपनि कृषिमा आधारित पर्साका अधिकास किसान नगदेबाली रुपमा गर्दै आएको तरकारी खेती जस्ता अन्य व्यसायिक खेती गर्न स्थानीय सरकारबाटै उपेक्षित भएर बञ्चित भएका छन् ।

कृषकहरुको लागि सरकारले दिएको विभिन्न अनुदान, आधुनिक प्राविधी बिचौलियाहरुले उपभोग गर्दा कृषि मै आधारित किसान व्यवसायिक खेतीबाट बञ्चिबत भएको पटेर्वा सुगौली गाउँपालिका–५ निचुटाका किसान अनिरुद यादवले बताए । नगदेवालीको रुपमा तरकारी खेती भए पनि हामी कहाँ बजार व्यवस्थापन नभएकोले खासै आम्दनी नभएपछि नगदे बालीको रुपमा सूर्ति खेती गरेको उनले बताए ।

अनिरुद यादव यो वर्ष ४ कठ्ठा सूर्ति खेती गरेका छन् । सूर्ति खेती गर्न बिउ बिजन सजिलै उपलब्ध हुने गरेको र यो खेतीमा लगानी र मेहेनत पनि खासै नलाग्ने भएकोले दुई पैसा बचत गर्न आम्दनीको स्रोतको रुपमा सूर्ति खेती गरेको किसान यादवले बताए । ‘‘धान, गेँहु, तरकारी लगायतका खेती गर्न समयमा गुणस्तर बिउ पाउँन सकिदैन्’, उनले भने,‘ गेँहु खेती गर्न खाद्य मल्ल खरिद गर्दा गर्दै धेरै खर्च पनि लाग्छ तर खासै आम्दनी हुदैन । तैपनि परिवारले खान पुग्ने गरी गेँहु खेती पनि गरेका छौ ।’’

सूर्य टुबा चुरोट कम्पनीले गाउँमा नै नर्सरी खोली बिज भण्डार राखेकोले सजिलै बिउ बिजन पाएपछि खेतमा कलमी बनाएर सूर्ति खेती गर्ने गरेको उनी बताउँछन् । ‘‘दुई चोटी खेत जोतेर खेतमा आरा बनाई चिसियानको समस्या भएको खण्डमा नहर, पैनीबाटै २/३ दिनसम्म पानी पटाई धान जस्तै खेती गर्ने गरिएको छ,’ उनले भने,‘ सूर्ति खेतीको लागि कम्पनीले नै निःशुल्क खाद्य मल पनि दिने गरेको छ ।’’

पटेर्वा सुगौली गाउँपालिकामा मात्रै डेढ सय बिग्हाभन्दा बढि सूर्ति खेती भएको निचुटाकै स्थानीय किसान गया यादव बताउँछन् । उनी विगत १० वर्षदेखी वर्षेनी ८ कठ्ठा वा सो भन्दा माथि नै सूर्ति खेती गर्दै आएका छन् । यससंगै उनी २/३ वटा भैसी पनि पाल्ने गरेका छन् । त्यसबाट पनि दूध बिक्रि गरेर आम्दनी गर्छन् । धान, गेहँु, मसुलो खेतीले वर्षभरी घरपरिवा धान्न पुग्छ ।

सूर्ति खेती र भैसी पालनले छोराछरीको पढाई लेखाई गराई बर्षेनी एक/डेढ लाखसम्म बचत गर्ने गरेको कृषक यादवले बताए ।

तरकारी खेती वा अन्य खेती गर्दा कृषकले स्थानीय सरकार वा अन्य सरकारबाट पाउँने सेवा सुबिधा किसान कहाँ नआई पुग्दा र बजार व्यवस्थापन समेत नहुँदा लगानी, मेहेन्तको हिसाबले खासै आम्दनी हुदैन् र बालीमा क्षति हुँदा मेहेनत मात्रै होईन, लगानी समेत नष्ट हुने गदर्छ,’ उनले भने,‘ तर सूर्ति खेती गर्दा कम्पनीले पहिला देखी नै एग्रिमेन्ट गरेको हुन्छ । जसकारण उत्पादित सूर्तिको उचित मूल्य पाएर आम्दनी हुन थालेपछि अधिकांश किसान तरकारी, मकै खेती लगायत अन्य खेतीको विकल्पमा सूर्ति खेती रोजेका छन् ।’’

कम लागनीमा बढि आम्दनी हुने र यो खेतीसंगसंगै वर्षेनी २/३ बाली तरकारी खेती समेत गर्न सक्ने भएकोले सूर्तिे खेतीतर्फ किसानको आकर्षण बढेको बहुदरमाई नगरपालिका वडा नं. ७ गम्हरीका स्थानीय किसान जादोलाल प्रसाद महतोले बताए ।

‘‘हामी साउन महिनामा काउँलीको बिउ रोपी भदौमा काउँली खेती गरी कात्तिक महिनादेखी काउँली काटेर खेत जोती खेतमा पाती बनाएर प्रत्येक वर्ष सुर्ति खेती गर्ने गरेको छौ,’ उनले भने,‘म वर्षेनी १ बिग्हा तरकारी खेती गर्ने गर्छु र वर्षेनी १० कठ्ठा सूर्ति खेती पनि गर्ने गर्छु । सूर्ति खेतीको उत्पादन राम्रो ह्ुने गरेकोले सिमरास्थित सूर्य टोबा कम्पनीमा बिक्रि वितरण गर्दा समयमै भुक्तानी पाउँनेले वर्षेनी झण्डै दुई लाखसम्मको आम्दनी सूर्ति खेतीबाटै हुने गरेको छ ।’’

गम्हरीयामा मात्रै २० (बिस) बिग्हाभन्दा बढि सुर्ति खेती भएको छ । सूर्य टोबा प्रालिले यस भेगका किसानलाई सस्तो व्याजदरमा रासायनिक मल लगायत प्राविधिक सहयोग समेत पु¥याएपछि यहाँका किसान व्यवसायिक सुर्ती खेती गर्न लम्पसार भएको महतोले बताए ।

सूर्य टोबा कम्पनीले किसानहरुले लगाएका विभिन्न जातका सूर्ति उचित मुल्यमा खरिद गर्न सुरु गरेपछि बर्सेनी किसानहरु सूर्ति खेती गरी नगद कमाउन थालेका छन् । सूर्तिमा खासै रोगको प्रकोपले नच्यापने र २/३ बाली तरकारी खेती गरेर पनि सूर्ति खेती गर्न भ्याईएकोले महतो लगायत यहाँका धेरै किसानहरु सूर्ति खेर्ती गर्ने गरेका छन् ।

सूर्ति खेतीमा किसानलाई सहुलियत मिलेको तर तरकारी खेतीमा विभिन्न रोग, किरा लागेर ठुलो क्षति हुने गरे पनि स्थानीय सरकारको बेवास्थाका कारण कतिपय किसान तरकारी खेती गर्न छोडेको महतोको भनाई छ ।

पानी परेको बेला सूर्तिको पौदामा चिसो लागेपछि मात्रै किरा लाग्ने गर्छ तर त्यसले अन्यबाली जस्तो खासै असर नपु¥याएको र सूर्ति खेती सजिलो तथा भरपर्दाे रहेकोेले किसानहरुको यो खेतीतर्फ आकर्षण बढेको महतोको भनाई छ । कात्तिकमा गरिएको खेती चैत महिनासम्ममा सूर्तिको पात काटी खेतबाट हटाई सक्नु पर्छ ।

चैत्रको हावासंगै खेतमा भएको सूर्ति सुकेर पात फाट्ने र उजला हुने हुँदा बजनमा पनि कमी आउने गरेको महतोले बताए । कम मेहेन्त र कम लगानीमा यो खेतीतर्फ ५ महिनामै राम्रो आम्दनी हुने भएकोले किसानहरु सूर्ति खेतीलाई नगदेबालीको रुपमा गर्ने गरेका छन् ।

कृषिलाई नै मुख्य पेशा बनाई जिविको पार्न गर्दै आए पनि बालीमा क्षति हुँदा वा कुनै रोग, प्रकोपले बाली नष्ट हुँदा न त स्थानीय सरकारले नै सहयोग गर्ने गरेको छ, न त कृषि प्राविधिक नै –बहुदरमाई वडा नं. ५ गम्हरीया कै किसान सोनालाल महतो बताउँछन् । ‘‘नगरपालिकाबाट कृषि कार्यको लागि विभिन्न प्राविधि र बिउबिजन मिल्ने गरेको सुनेको तर अहिलेसम्म हामीले कुनै किसिमको सेवा सुविधा पाएका छैनौ,’ उनले भने,‘‘तरकारी खेतीमा हुने क्षतिले गर्दा कतिपय कृषकहरु कृषि पेशालाई नै छोडेर बिदेशतिर काम गर्न गईसकेका छन् ।’’

तसर्थः भन्ट, काउली, करैला जस्ता विभिन्न हरियो तरकारी खेती गर्न किसानले दिन रात एक गरे पनि उत्पादन गरेको तरकारीले उचित र व्यवस्थित बजार नपाएपछि पर्साका अधिकांश कृषक कृषि पेशाबाटै प्यालन भएको किसानहरुको गुनासो बढेको छ ।

विश्व महामारीको रुप लिएको कोरोना भाईरसको बेला लकडाउन हुँदाको समयमा उत्पादित तरकारी खेतमै कुहिएर नष्ट हुँदै जादाँ पनि उतिबेला स्थानीय सरकार र सम्बन्धित निकायले चासो नदेखएपछि लकडाउनको मारमा परेका प्रायः धेरै किसानले यो सिजनमा तरकारी खेती नै नगरि बाहिर काम गर्न गएको जगरनाथपुर गाउँपालिका–३ का किसान सर्जुग मियाँले बताए ।

‘‘मेहेन्त गरेर उत्पादन गरेको तरकारीमा मुनाफा पाउँदैनन, त्यो भन्दा बढि त खरिद गर्ने व्यापारीहरुले पाउँछन् । किसान त सबैतिरबाट पिडा मै छन्,’ उनले भने,‘उपभोक्ता पाल्ने हामी, अनि हामी नै किन राज्यको सेवा सुविधाबाट बञ्चित हुने ? हामी नै किन ठगिने ? बाली नोक्सान हुँदा अखिर किसानले किन क्षतिपूर्ति पाउँदैनन् ? यसको जिम्मेवारी कसले लिने ?’’ यसतर्फ स्थानीय सरकार, प्रदेश सरकार र सम्बन्धीत निकायको ध्यान पुगे कृषि मै धेरै अवसर र रोजगार सृजना गर्न सकिन्छ ।