Date
शुक्र, मंसिर ४, २०८३
Fri, November 20, 2026
Home Blog Page 868

ज्यान मार्ने मुद्दाका फरार दुई जना पक्राउ

0

वीरगंज । ज्यान मार्ने उद्याेग मुद्दाका फरार दुई जना अभियुक्तलाई प्रहरीले पक्राउ गरेकाे छ । पर्साको पकाहा मैनपुर गाउँपालिका वडा नं.२ निवासी वर्ष २२ को गनेश साह र वर्ष ३५ को संजय साह तेलीलाई प्रहरीले पक्राउ गरेकाे हाे ।

ज्यान मार्ने मुद्दाका दुई जनालाई पक्राउ गरि थप अनुसन्धान भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक मनाेजित कुंवरले वताए ।

बैशाख ७ गते स्थानिय दिलिप साह र रामाकान्त साह पक्ष बिच झडप भएकाे थियाे । झडपमा परी ९ जना घाइते भएका थिए । साे समयमा घाइते मध्येका रामाकान्त साहकाे अवस्था चिन्ताजनक रहेपनि प्रहरीले मुद्दा दर्ता नगरे पछि पिडितले उच्च अदालतमार्फत मुद्दा दर्ता गराएकाे थियाे ।

साेही मुद्दाका ९ फरार अभियुक्त मध्येेका दुई जनालाई प्रहरीले पक्राउ गरेकाे हाे । 

हत्या आराेपमा पक्राउ परेका अभियुक्त सार्वजनिक

0
hatya aropit
हत्या आराेपमा पक्राउ परेकाहरुलाई प्रहरी सार्वजनिक गर्दै । तस्बिर : प्रणय साह

वीरगंज । बाराकाे महागढीमाई नगरपालिका वडा नं. १ निवासी ४८ बर्षिय कान्ति देबीकाे हत्या आराेपमा पक्राउ परेकाहरुलाई प्रहरीले सार्वजनिक गरेकाे छ । महिलाकाे हत्या आराेपमा पक्राउ परेका दुई जनालाई शुक्रबार बारा प्रहरीले पत्रकार सम्मेलनकाे आयाेजना गरि सार्वजनिक गरेकाे हाे ।

हत्या गर्ने बारा जिल्ला महागढीमाई नगरपालिका वडा नं. १ बरियारपुर कचहरी टाेल निवासी ४२ बर्षिय लालबाबु प्रसाद कुशवाहा र हत्या गराउने साेही नगरपालिका वडा नं. १ काे बरियारपुर, मठवा टाेल निवासी ४८ बर्षिय धनेश्वरी देबी कुशवाहालाई पक्राउ गरिएकाे जिल्ला प्रहरी कार्यालय, बाराले जनाएकाे छ ।

 घटनास्थलमा अभियुक्तकाे राताे गम्छा र औठी भेटिएकाे आधारमा अभियुक्तलाई पक्राउ गर्न सफल भएकाे जिल्ला प्रहरी कार्यालय बाराका प्रहरी उपरीक्षक दिपेन्द्र शाहिले जानकारी दिएका । घटना स्थलमा भेटिएको औठी र गम्छा अभियुक्त लालबाबु प्रसाद कुशवाहाको भएको पुष्टि भएको र निजले आफुले घटना समेत घटाएको स्विकार गरिसकेकाे उनले वताए ।

मृतक परिवार र पक्राउ परेकी छिमेकी धनेश्रवरी विच जग्गा, जमिन र अन्य विविध विषय समेत किचलाे वादबिवाद, रिसीभी रहेकाेले अपराधिक प्रवृतिका लालबाबुलाई परिचालित गरी घटना घटाएकाे खुल्न आएकाे उनले जानकारी गराए ।

पक्राउ परेका लालबाबु विगतका दिनमा २०५६ साल देखी २०६१ सालसम्म डाँका, हातहतियार र सर्वाजनिक अपराध मुदामा पक्राउ परि सजाय भाेगि सकेकाे व्यक्ति हुन् ।

घटना अनुसन्धानकाे लागि धनुषाकाे लालगढबाट कुकुर सहितकाे बिशेषज्ञ टाेली झिकाई घटना स्थलककाे सुक्ष्म अनुसन्धान गरिएकाे थियाे ।

अवैध बालुवा उत्खनन राेकन खाेज्दा भारतियसंग झडप, दुई सशस्त्र प्रहरी घाइते

0

वीरगंज । पर्साकाे जगरनाथपुर गाउँपालिका वडा नं. १ पिपडाँडीस्थित रहेकाे ओरिया खाेलाबाट अवैध रुपले बालुवा भारततर्फ लैजाने टयाक्टरलाई नियन्त्रणमा लिँदा शुक्रबार दुई सशस्त्र प्रहरी घाइते भएका छन् ।  

नेपाली भुमिमा पर्ने खोलाबाट अवैध तरिकाले बालुवा उत्खनन गरी लगिरहेकाे टयाक्टर सशस्त्र प्रहरिले नियन्त्रणमा लिँदा भारतियहरुकाे आक्रमणले सशस्त्र प्रहरी जवानद्वय आयुष राय यादव र महेश प्रसाद यादव घाइते भएका हुन् । घाइते मध्येकाे आयुषकाे वीरगंजस्थित नारायणी अस्पतालमा उपचार भइरहेकाे छ । अर्का घाइते प्रहरी जवान महेशलाई नारायणी अस्पतालमा मै उपचार गरिएपछि शुक्रबार सांझ घर फर्केका थिए ।   

प्रहरी जवान आयुसको कानमा बेल्चाको प्रहारबाट गम्भीर रुपले चोट लागेको छ । उनको कानमा १८ वटा टाँका लगाइएको उपचारमा सलंगन नारायणी अस्पतालका चिकित्सकले जनाएका छन् ।

अर्का घाइते प्रहरी जवान महेशकाे खुट्टा र हातमा चोट लागेको छ । उनको देब्रे हात भाँचिएको छ । 

बोर्डर आउट पोष्ट पिडारी गुठीका सशस्त्र प्रहरी निरिक्षक बसन्त जिसी र बोर्डर आउट पोष्ट जिराभवानीका शसस्त्र प्रहरी निरिक्षक केदार राइको टोलीले अवैध रुपमा बालुवा उत्खनन गर्ने टयाक्टरलाई नियन्त्रणमा लिन ओरिया खाेला पुगेकाे थियाे । स्थानियका अनुसार सशस्त्र प्रहरीले ३ वटा बालुवा लाेड गरेकाे भारतिय टयाक्टर नियन्त्रणमा समेत लिएकाे थियाे ।

तर नियन्त्रणमा लिइएका ट्याक्टर लिएर आउने क्रममा खोलामै ट्याक्टर भाँसिएपछि सशस्त्र प्रहरीले निकाल्ने प्रयास गरिरहेको थियो । त्यही बेला (बिहान ५ बजे )खोला छेउका भारतको भंगाहा, इनर्वा र बिसनपूर्वा गाउँबाट बेल्चा, लठठी र भाला बोकेर आएका भारतीय तस्कर र गाउँलेको हुलले सशस्त्र प्रहरीको टोलीमाथि आक्रमण गरेको थियाे । 

आक्रमणमा परि हात भाँच्चिएर घाइते भएका सशस्त्र प्रहरी जवान महेशले भने,’ बेल्चा र लठ्ठी बोकेर आएको ५०/६० जनाको हुलले अन्धाधुन्द हाम्रो टोलीमाथि आक्रमण गर्न थालि हाल्यो, जसोतसो गरेर भागेर ज्यान जोगायौं ।

स्थानीयका अनुसार बिहार पश्चिमी चम्पारण गदियानी भंगाहाका कारोबारीले बिहानदेखि साँझसम्म दैनिक एक सयदेखि एक सय ५० ट्याक्टर बालुवा उत्खनन् गरी लाने गरेका छन् । दुई देशको सीमा छुट्याउने पिलर नम्बर ४२४/१९ बाट झन्डै ७ सय मिटरभित्र नेपाली भूमिमा प्रवेश गरी निर्वाध रुपले बालुवा ढुवानी गर्दै आएका छन् । भारतीयले गरेको आक्रमणको विषयमा समकक्षीसँग समन्वय गरिरहेको सशस्त्रका एसपी राजेन्द्र खड्काले बताए ।

साेही टयाक्टरलाई लिएर आउने क्रममा सशस्त्र प्रहरी र भारतियहरु बिच झडप हुदा दुई सशस्त्र प्रहरी जवान घाइते भएका हुन् । खाेला नजिकै रहेकाे भारतिय गाउँ इनर्वा र भंगाहाबाट आएकाे ४०/५० जनाकाे समुहले आक्रमण गर्दा सशस्त्र प्रहरी घाइत । साेही झडपमा परेर सशस्त्र प्रहरी जवान २ जना घाइते भएकाे पर्साका सशस्त्र प्रहरी उपरिक्षक राजेन्द्र खड्काले वताए ।  ‘

खोलामा पसेर जथाभावी बालुवा उत्खनन गर्दा वातावरणसमेत प्रभावित भएको स्थानीयवासीहरुको गुनासाे छ । विगत २० वर्षदेखि उक्त खोलाको स्वामित्वका बारेमा दुई देशबीच विवाद रहेको र भारतीयले खोलाबाट बालुवा निकाल्नेक्रम नरोकिएको जगरनाथपुर गाउँपालिकाका अध्यक्ष जालिम मियाँ मन्सुरीले बताए ।

पर्साकाे क्षेत्र नं. ४ मा नेपाली का‌ंग्रेसकाे प्रशिक्षण कार्यक्रम सम्पन्न

0
nepali congresh prasichhan karyakarm

वीरगंज । पर्साकाे निर्वाचन क्षेत्र नं. ४ मा शुक्रबार नेपाली कांग्रेसकाे प्रशिक्षण कार्यक्रम सम्नन्न भएकाे छ । क्षेत्र अन्तर्गतका वडाका सभापति, सचिव र काेषाध्यक्षहरुकाे लागि कालिकामाई गाउँपालिकाकाे वडा नं. १ मुडलीमा आयाेजित प्रशिक्षण कार्यक्रम सम्पन्न भएकाे हाे ।

प्रशिक्षण कार्यक्रमलाई सम्बाेधन गर्दै नेपाली कांग्रेसका केन्द्रिय सदस्य रमेश रिजालले संगठन मजबुत भए पार्टी मजबुत हुने भएकाेले संगठनलाई बलियाे बनाउनु पर्नेमा जाेड दिए  । उनले बैशाख मै निर्वाचन हुन सक्ने पनि सम्भावना रहेकाेले संगठन निर्माणमा जुटन र निर्वाचनकाे लागि तयारी अवस्थामा रहन समेत कार्यकर्ताहरुलाई निर्दैशन दिए ।

नेपाली कांग्रेस प्रतिनिधि सभा क्षेत्र नं. ४ काे आयाेजनामा भएकाे कार्यक्रममा फागुन ७ गतेदेखी क्षेत्र अन्तर्गतकाे ३२ वटै वडामा संचालनमा आउने पार्टीकाे वडा कार्यालयकाे लागि बाेर्ड र बैग समेत वितरण गरिएकाे क्षेत्रिय सचिव बलिष्टर अहमदले बताए ।

क्षेत्रिय सभापति रमेश पाण्डेकाे सभापतित्वमा भएकाे कार्यक्रममा महाधिबेशन प्रतिनिधि बशिष्ठनारायण कुर्मी, बृहस्पति श्रेष्ठ, जिल्ला सदस्य नविन सिंह, क्षेत्रिय सचिव श्रीकान्त यादव लगायतकाले प्रशिक्षण दिएका थिए ।

चौतर्फी आलोचना र बिराेधपछि रामकुमारी झाँक्री रिहा

0

काठमाडौं । प्रहरीले नेकपा प्रचण्ड माधव समूहकी केन्द्रीय सदस्य रामकुमारी झाँक्रीलाई निःशर्त रिहा गरेको छ ।

माघ १६ गते गोरखामा आयोजित सभामा राष्ट्रपति विद्यादेवी भण्डारीबारे दिएको अभिव्यक्तिलाई लिएर महानगरीय अपराध महाशाखाले राज्यविरुद्धको कसुरमा अनुसन्धानका लागि भन्दै ‘जरुरी पक्राउ पूर्जी’ थमाएर उनलाई बिहीबार शंखमूलस्थित निवासबाटै पक्राउ गरेको थियो । उनलाई मीनभवनस्थित अपराध महाशाखा प्रमुख दिपक कार्कीको कार्यकक्षमा राखिएको थियो ।

प्रहरीले उनसँग राष्ट्रपतिबारे दिएको अभिव्यक्तिबारे सोधपुछ गरेको थियो । ‘राष्ट्रपति संस्थाप्रति सम्मान छ किनकि हाम्रो आन्दोलन रगत पसिनाले स्थापित गरेको संस्था हो’ झाँक्रीले भनिन्, त्यहाँ पुग्ने पात्रहरूको क्रियाकलापको न आलोचना गरिएको छ, यसमा पश्चाताप गर्नुपर्ने केही छैन ।’

प्रहरीले उनीसँग सोधपुछ गरिरहँदा पक्राउको चौतर्फी विरोध भइरहेको थियो भने प्रचण्ड–माधव समूह सम्बद्ध युवा विद्यार्थीहरू आन्दोलनमा उत्रिएका थिए । चौतफी दबाबपछि प्रहरीले उनलाई झण्डै साढे ५ घण्टा नियन्त्रणमा राखेर रिहा गरेको हाे ।

महाशाखा प्रमुख एसएसपी दीपक थापाले पनि झाँक्रीलाई निःशर्त रिहा गरिएको बताए । ‘संवैधानिक राष्ट्रपतिप्रति मेरो सम्मान हिजो, आज र भोलि उत्तिकै छ । मैले संविधान प्रदत्त वाक् स्वतन्त्रता र राजनीतिक स्वतन्त्रताको हकको उपयोग मात्र गरेको हुँ भन्नुभयो’ उनले भने ‘त्यही आधारमा उहाँको श्रीमानको जिम्मामा छाडियो ।’

प्रहरी हिरासतबाट रिहा भएकी प्रचण्ड–माधव समूहकी नेतृ रामकुमारी झाँक्रीले प्रतिगमन झुक्ने प्रक्रिया सुरु भएको प्रतिक्रिया दिएकी छन् ।

महानगरीय अपराध महाशाखाको टोलीले राज्य विरुद्धको कसुरमा अनुसन्धानका लागि भन्दै जरुरी पक्राउ पूर्जी थमाएर बिहीबार विहान उनलाई पक्राउ गरेको थियो । मीनभवनस्थित महाशाखाको कार्यालयमा झण्डै साढे ५ घण्टा राखेर साँझ उनलाई रिहा गरिएकाे हाे ।

रिहाइपछि सञ्चारकर्मीहरुसँग कुरा गर्दै झाँक्रीले आफू विना शर्त रिहा भएको बताइन । प्रतिगमनविरुद्ध आन्दोलनलाई उत्कर्षमा पुर्‍याउन भूमिका खेलेका कारण आफूलाई दुव्यर्वहार गर्ने प्रयासस्वरुप पक्राउ गरिएको भन्दै उनले लोकतन्त्र पक्षधरहरुको दबावमा आफू रिहा भएको बताइन् ।

उनले अघि भनिन्, ‘देशभर भएको प्रदर्शन र दबावको अगाडि प्रतिगमन झुक्ने प्रक्रिया सुरु भएको छ । हामी जित्दैछौं ।’

लैंङ्गिक हिंसा न्युनिकरण विषय वक्तृत्वकला प्रतियाेगिता सम्पन्न

0

वीरगंज । पर्साकाे जगरनाथपुर गाउँपालिकामा बिहिबार बाल संरक्षण र लैंङ्गिक हिंसा न्युनिकरण विषय बक्तृत्वकला प्रतियाेगिता सम्पन्न भएकाे छ ।

श्री नेपाल राष्ट्रिय माध्यमिक विद्यालय मसिहानीमा भएकाे प्रतियाेगितामा कक्षा ९ का सुवास कुमार विन प्रथम, कक्षा १० का सुरेश कुमार द्वितीय, कक्षा ९ की पुजा कुमारी चौहान तृतीय भएका थिए भने सन्तवना कक्षा १० का भिम कुमारलाई प्रदान गरिएकाे थियाे ।

प्रतियाेगिताकाे निर्णायक मण्डलमा विद्यालयका शिक्षक रुपनारायन प्रसाद साह, सम्झना बोगटी, शिभुशन कुमार बिन र राजिव मुखिया रहेका थिए ।

डोम, मुसहर समुदायको सशक्तीकरणको लागि दलित दबाब समुह गठन

0

वीरगंज । पर्साकाे सखुवाप्रसौनी गाउँपालिका वडा -५, एकडर्वा लखनपुरमा डोम, मुसहर समुदायको सशक्तिकरणकाे लागि दलित दबाब समुह गठन गरिएको छ ।

पिसफोर दलित फाउन्डेसन नेपाल, प्रदेश -२ को आयोजनामा भएकाे डाेम, मुसहर समुदायकाे भेलाले रामाअशिस मुसहरकाे संयोजकत्वमा ११ सदस्यीय दलित दबाब समुह गठन गरेकाे हाे । जुन समितिकाे सह-संयोजक संगिता देवी डोम, सदस्यहरु संतोस मुसहर, रामजी मुसहर, मन्तोरा देवि मुसहर, उमा देवी मुसहर, जितेन्द्र मुसहर, गणेश मुसहर, किसमा देवी डोम, दावा मुसहर, राजिन्द्र मुसहर चयन भएका छन् ।

डोम, मुसहर समुदायको अधिकारको लागि संघर्ष गर्न आवश्यक देखिएले दबाब समुह गठन गरिएकाे पिसफाेर फाउन्डेसनका अध्यक्ष मनाेज रामले वताए । दलित समुदायको सबै जाती भन्दा डोम, मुसहर समुदायको अवस्था निकै कमजोर रहेकोेले सशक्तीकरणकाे लागि समुह गठन गरिएकाे उनले जानकारी दिए ।

डोम, मुसहर लगायत दलित समुदायको माथि भैइरहेको हिंसा, हत्या, विभेदको विरुद्ध आवाज उठाउन पनि समुहले काम गर्ने छ ।

भेलामा दलितको सामाजिक न्याय तथा सामाजिक स्वतन्त्रताको लागि १०१ दलित युवा नेतृत्व अभियानको संयोजक सुरेन्द्र पासवान, पिसफोर दलित फाउन्डेसनका अशोक राम, परमान्द राम, चन्द्र किशोर राम, दलित अगुवा लगायतको सहभागिता रहेकोे थियाे ।

नेतृ झाँक्री पक्राउकाे बिराेधमा वीरगंजमा प्रदर्शन

0

वीरगंज । नेकपा प्रचण्ड-माधव पक्षकी नेतृ रामकुमारी झाँक्री पक्राउकाे विराेधमा बिहिबार वीरगंजमा पनि प्रदर्शन भएकाे थियाे ।

नेकपा निकटका अनेरास्ववियू र राष्ट्रिय युवा संघ पर्साकाे आयाेजनामा वीरगंजकाे घण्टाघरबाट सुरु भएकाे विराेध प्रदर्शन माइस्थानमा पुगी काेण सभामा परिणत भएकाे थिए ।

काेण सभामा वाेल्दै नेकपाका जिल्ला सदस्य मनाेज चाैधरीले प्रधानमन्त्री ओली तनाशाह बन्दै गएकाे आराेप लगाए । उनले संघिय गणतन्त्रमा भएकाे स्वतन्त्र अभिव्यक्तिकाे अधिकारीलाई कुण्ठित गर्न ओलीकाे ठाडाे निर्देशनमा नेतृ झाँक्रीलाई पक्राउ गरिएकाे वताए ।

अनेरास्ववियूकाे केन्द्रिय सदस्य प्रभाकर गुप्ताले बलात्कारीलाई पक्राउ गर्न नसकेकाे सरकारले नागरिककाे अधिकारकाे आवाज उठाउने नेतृ झाँक्रीलाई पक्राउ गरेकाे वताए । उनले पक्राउ गरिएकाे नेतृ झाँक्रीलाई नछाेडिए आन्दाेलन चर्काएर सरकारलाई घुँडा टेकाउने चेतावनी समेत दिएका थिए ।

अनेरास्ववियूका केन्द्रिय सदस्य जुबेर आलमकाे अध्यक्षतामा भएकाे काेण सभामा युवा संघ पर्साका सह संयाेजक ओमप्रकाश गुप्ता, वीरगंज महानगर इन्जार्ज पिन्टु राैनियार, नगर अध्यक्ष उमेश ठाकुर लगायतकाले मन्तव्य राखेका थिए ।