[real3dflipbook id=”17″]
जिराभवानीमा नेपाली कांग्रेसकाे प्रशिक्षण कार्यक्रम सम्पन्न
वीरगंज । पर्साकाे निर्वाचन क्षेत्र नं. ४ काे (ख) मा शनिबार नेपाली कांग्रेसकाे प्रशिक्षण कार्यक्रम सम्नन्न भएकाे छ । प्रदेश सभा क्षेत्र अन्तर्गतका वडाका सभापति, सचिव र काेषाध्यक्षहरुकाे लागि जिराभवानी गाउँपालिकाकाे वडा नं. १ जगतियामा आयाेजित प्रशिक्षण कार्यक्रम सम्पन्न भएकाे हाे ।
प्रशिक्षण कार्यक्रमलाई सम्बाेधन गर्दै नेपाली कांग्रेसका केन्द्रिय सदस्य रमेश रिजालले संगठन बिस्तार र निर्माण जुटन निर्देशन दिए । उनले ताेकिएकाे मितिमा निर्वाचन हुन सकने भएकाे संगठन संगठन बनाउनु पर्नेमा जाेड दिए ।
नेपाली कांग्रेस प्रदेश सभा क्षेत्र नं. ४ काे (क) काे आयाेजनामा भएकाे कार्यक्रममा फागुन ७ गतेदेखी क्षेत्र अन्तर्गतकाे १६ वटै वडामा संचालनमा आउने पार्टीकाे वडा कार्यालयकाे लागि बाेर्ड र बैग समेत वितरण गरिएकाे थियाे ।
क्षेत्रिय सभापति श्रीकान्त यादवकाे सभापतित्वमा भएकाे कार्यक्रममा महासमिति सदस्य बशिष्ठनारायण कुर्मी, बृहस्पति श्रेष्ठ, रामदेव चाैहान, जिल्ला सदस्य नविन सिंह, रामु पाण्डे, नेता दिनेश चाैधरी लगायतकाले प्रशिक्षण दिएका थिए ।
पत्रकार महासंघ प्रदेश नं. २ काे दाेस्राे साधारण सभा सम्पन्न
वीरगंज । नेपाल पत्रकार महासंघ प्रदेश नं. २ काे दाेस्राे प्रदेश साधारण सभा शनिबार वीरगंजमा सम्पन्न भएकाे छ ।
नगर सभा गृह वीरगंजमा भएकाे साधारण सभाकाे उद्घाटन समाराेहलाई सम्बाेधन गर्दै नेपाल पत्रकार महासंघका केन्द्रिय अध्यक्ष गोविन्द आचार्यले महासंघलाई थप सुदृढीकरण र लोकतान्त्रिक चरित्रको बनाउन पर्ने समय आएको बताए ।
उनले नेपाल कै सबै भन्दा पुरानो नागिरक संस्था नेपाल पत्रकार महासंघ स्थापनाकालबाट नै राष्ट्रिय हित, लोकतन्त्र, नागरिक हित, श्रमजीवी पत्रकारकाे पक्षमा काम गर्दै आएकाे वताए । उनले भने “समय सापेक्ष यो संस्थालाई थप सुदृढ र लोकतान्त्रिक चरित्रको बनाउने समय आएकाे छ । विभिन्न किसिमका निर्देशिका ल्याएर सरकारले संचारकर्मीहरुलाई आफ्नो नियन्त्रणमा राख्ने प्रयास हरेक कालखण्डमा गर्छन् । तर लोकतन्त्रमा त्यसको विकल्प भनेको अझ लोकतन्त्र वाहेक अरु केही हुन सक्दैन ।”
पत्रकार महासंघ प्रदेश नं. २ का अध्यक्ष दिपेन्द्र चौहानको अध्यक्षतामा भएको साधारण सभाको उद्घाटन समाराेहमा महासंघका महासचिव रमेश बिष्ट, महासंघका पूर्व अध्यक्ष धर्मेन्द्र झा, महासंघका कोषाध्यक्ष राजेश मिश्र, प्रेस युनियन केन्द्रिय अध्यक्ष बद्री सिग्देल, महासचिव अजयबाबु शिवाकोटी, महासंघका केन्द्रिय सदस्य देव कुमार यादव, शैलेन्द्र झा, अवधेश कुमार झा, वीरगंज महानगरपालिकाका मेयर विजय कुमार सरावगी, उप मेयर शान्ति कार्की, नेकपा पर्साका अध्यक्ष प्रभु हजरा पासवान, नेपाली कांग्रेस पर्साका अध्यक्ष अजय द्विवेदी, जनता समाजवादी पर्साका अध्यक्ष रामनरेश यादव, भारतिय महावाणिज्य दूतावासका पोल्टिकल कन्सुलर शैलेन्द्र कुमार, प्रेस संगठन नेपालका केन्द्रिय सदस्यद्वय राघव साह, वृजलाल पासवान, नेपाल फाेटाे पत्रकार महासंघ प्रदेश नं. २ का अध्यक्ष पंकज श्रेष्ठ, फाेनिज प्रदेश नं. २ का इन्चार्ज निरज पिठाकाेटे मगर, पर्साका निमित्त प्रमुख जिल्ला अधिकारी भिमकान्त पौडेल, सशस्त्र प्रहरी उपरीक्षक राजेन्द्र खड्का, जिल्ला प्रहरी कार्यालय पर्साका प्रहरी नायब उपरीक्षक ओमप्रकाश खनाल लगायतकाे सहभागिता रहेकाे थियाे ।
महासंघ प्रदेश नं. २ का उपाध्यक्ष केशी लामिक्षानेले स्वागत मन्तव्य राखेकाे कार्यक्रमकाे संचालन महासचिव किरण कुमार कर्णले गरेका थिए ।
प्रादेशिक पत्रकारिता पुरस्कारबाट झा र नेपाल पुरस्कृत
साधारण सभाकाे उद्घाटन समाराेह मै प्रादेशिक पत्रकारिता पुरस्कारबाट नेपाल पत्रकार महासंघका पूर्व अध्यक्ष धर्मेन्द्र झा र पर्साका पूर्व अध्यक्ष शत्रुध्न नेपाललाई पुरस्कृत गरिएकाे थियाे । दुबै जनालाई कार्यक्रमका प्रमुख अतिथी महासंघका केन्द्रिय अध्यक्ष अचार्यले दाेसल्ला ओढाएर सम्मान पत्र र पुरस्कार राशी रु २५ हजारकाे चेकले पुरस्कृत गरेका थिए ।
त्यसैगरी, उद्घाटन समाराेह मै वीरगंज महानगरपालिकाका मेयर विजय कुमार सरावगी र आठवटै जिल्लाका एक–एक जना अग्रज पत्रकारहरुलाई पनि सम्मान गरिएको थियाे ।
साधारण सभा सम्पन्न
साधारण सभाकाे बन्द सत्रले महासचिव किरण कर्णको संगाठनिक प्रतिवेदन परिमार्जनसहित र कोषाध्यक्ष प्रवीण साहको आर्थिक प्रतिवेदन सर्वसम्मत रुपमा पारित गरेको वताइएकाे छ ।
सदस्यता सम्बन्धमा जिल्लाबाट सर्बसम्मत सिफारिश भई आएका निर्णयलाई पनि सभाले अनुमोदन गरेको छ ।
त्यसैगरि सदस्यता बितरण र तथा नविकरणका बिषयमा परेका पूनरावलोकन उजुरीहरु स प्रमाण केन्द्रीय संगठन बिभागमा पठाउने निर्णय भएको बन्द सत्रका अध्यक्ष मण्डलका सदस्य अवधेश झाले जानकारी दिए ।
प्रजनन् स्वस्थ्य अधिकार सम्बन्धि एक दिने गाेष्ठि सम्पन्न
वीरगंज । गैर सरकारी संस्था महासंघ नेपाल पर्साकाे आयाेजनामा शनिबार वीरगंजमा आङ खस्ने समस्या एवम् यौन तथा प्रजनन् स्वस्थ्य अधिकारका सवाल बिस्तारित सम्बन्धि एक दिने गाेष्ठि सम्पन्न भएकाे छ ।
वातावरणिय कृषि तथा विकास केन्द्र काठमाडाैंकाे सहयाेगमा प्रजनन् अधिकार कार्यक्रम अन्तर्गत नगर सभा गृह वीरगंजमा भएकाे गाेष्ठि सम्पन्न भएकाे हाे ।
गाेष्ठिकाे उद्घाटन कार्यक्रममा वाेल्दै गैर सरकारी संस्था महासंघ नेपाल पर्साका पूर्व अध्यक्ष कमल माेहन पाेखरेलले महिला प्रजनन् अिधकारकाे सवालमा स्थानिय तहसंगकाे समन्वय जरुरी रहेकाे वताए । उनले गैर सरकारी संस्थाहरुले स्थानिय तहसंग समन्वय गरि यस क्षेत्रमा बजेट छुट्याउन पहल गर्नु पर्ने सुझाए ।
अर्का पूर्व अध्यक्ष सुरेश कुशवाहाले सरकारी कार्यालयले गर्न नसकेकाे काम गैर सरकारी संस्थाले गरेकाे वताउदै महिलाकाे प्रजनन् अधिकारकाे सवालमा पनि विभिन्न संघ/संस्था संग समन्वय गरी काम गर्नु पर्ने वताए ।
गैर सरकारी संस्था महासंघ नेपाल पर्साका अध्यक्ष छठु साहको अध्यक्षतामा भएकाे कार्यक्रममा महासंघ प्रदेश नं. २ का सदस्य नरेश जयसवाल, महासंघ पर्साकी उपाध्यक्ष अर्चना गुप्ता, सचिव चन्देश चौहान लगायतकाले मन्तव्य राखेका थिए ।
महिला प्रजनन् अधिकारकाे क्षेत्रमा काम गर्ने पर्साका १० गैर सरकारी संस्थाका एक महिला र एक पुरुष प्रतिनिधि गरी २० जनाकाे सहभागिता रहेकाे गाेष्ठिमा प्रशिक्षक ईश्वरी नेपाल, निर्मल साह, रमेश भटराईले प्रशिक्षण दिएका थिए ।
गाेष्ठिले ब्रिलिएन्ट युवा क्लब कालिकामाई गाउँपालिकाकाे संयोजकत्वमा ११ सदस्यीय आङ खस्ने समस्या एवम् याैन तथा प्रजनन् स्वास्थ्य संजाल गठन समेत गरेकाे गैर सरकारी संस्था महासंघ नेपाल पर्साका काेषाध्यक्ष मनाेज यादवले वताए ।
जुन संजालकाे सदस्यमा अरुणोदय युवा क्लब, दिब्य युवा क्लब, समाजिक संस्था जिल्ला समन्वय समिति, नारी सिप कला केन्द्र, सुर्याेदय युवा क्लब, युवा जनशक्ति समाज नेपाल, न्यु नमुना युवा क्लब, एसडिसीसी, त्रिनेत्र युवा क्लब र किड संस्था रहेको काेषाध्यक्ष यादवले जानकारी दिए ।
गाेष्ठिकाे समापन्न समारोहमा सहभागिहरुकाे तर्फबाट निर्मला भण्डारी, जयनारायण चौधरी, मालती गुप्ता लगायतकाले मन्तब्य राखेका थिए ।
पर्सागढी नगरपालिकाकाे प्रशासनिक भवनकाे शिलान्यास

कर तिर्न जाँदा अनावश्यक झन्झट व्यहोर्नु परेको वीरगंजका व्यापारीको गुनासो
वीरगंज । वीरगन्जका उद्योगी व्यापापारीहरुले आन्तरिक राजस्व कार्यालयमा कर तिर्न जाँदा अनावश्यक झन्झट व्यहोर्नु परेको गुनासो गरेको छन् । आन्तरिक राजस्व विभागद्वारा वीरगन्जमा आयोजित आर्थिक ऐन २०७७ ले प्रदान गरेका छुट तथा सुविधा सम्बन्धमा विशेष छलफल तथा अन्तरक्रिया कार्यक्रममा बोल्दै वीरगन्जका उद्योगी व्यवसायीहरुले कर तिर्न कार्यालयमा जाँदा कर्मचारी अभाव तथा व्यवस्थित तरिकाले काम नहुने गरेको र कार्यालय नै माछा बजार जस्तो भएको कारण एउटा कामको लागि दुई हप्तासम्म कार्यालय धाउनु पर्ने अवस्था रहेको गुनासो गरेका हुन् ।
व्यापार व्यवसाय गर्ने उद्योगी व्यापारीहरुले आफ्नो व्यावसाय सञ्चालन गर्ने कि दिनहुँ कर कार्यालय धाउने ? एउटा सामान्य उद्योग दर्ता गराउन जाँदा विभिन्न प्रकारको कागजात माग गर्ने र कर्मचारीहरुले अनावश्यक दुःख दिने गरेको कारण पनि युवाहरु व्यापार व्यवसायतर्फ आकर्षित हुनुभन्दा खाडी मुलुकतिर आकर्षित भइरहेको बताएका छन् । साथै, यस विषयमा सम्बन्धित निकायको ध्यान पुग्न जरुरी रहेको भन्दै उद्योगी व्यापारीहरुले मुलुकमा सबै काम अनलाइन सिस्टमले भइरहेको कारण आन्तरिक राजस्व विभागले ल्याएको अनलाइन काम कारवाहीलाई अझै प्रभावकारी बनाउनुपर्ने कुरामा जोड दिएका थिए ।
वीरगन्जस्थित आन्तरिक राजस्व कार्यालयको काम कार्यवाहीप्रति असन्तुष्ट जनाउँदै व्यापारीहरुले यहाँ बुझाइएको कागजातहरु पनि सुरक्षित नरहेको आरोप लगाएका छन् । कुनैपनि कामको लागि कार्यालय जाँदा कर्मचारीहरुले कागजी प्रक्रियामा नै दुई हप्तासम्म अल्झाउने गरेको कारण व्यापारीहरुले गुनासो गरेका छन् ।
त्यस्तै, उनीहरुले व्यापारीहरुलाई सहज तरिकाले कर बुझाउन वातावरणको सिर्जना गर्नुपर्ने माग गरेका छन् । अडिट गराउन चार्टर एकाउन्टेन्ट कहाँ जानुपर्ने, वीरगन्जमा त्यस्ता व्यक्तिहरुको खाँचो भएको र भएका व्यक्तिहरुको हजारौं कागजात पुग्ने गरेको कारण कागजी प्रक्रिया पु¥याउन समस्या भइरहेकाले सरकारलाई तिर्नुपर्ने कर कम्तीमा सहुलियत तरिकाले बुझाउन वातावरण मिलाईदिनुपर्ने विभागसँग माग गरेका छन् । ठूल्ठूला व्यापारीहरुलाई कर तिर्नका लागि कागजात प्रक्रिया पूरा गर्नका लागिनै कर्मचारी छैन । नर्सरीदेखि मास्टरसम्म पढ्दा स्नातक तहको तेश्रो वर्षमा मात्रै कर सम्बन्धी पढाई हुने गरेको कारण पनि कर सम्बन्धी जानकार जनशक्ति उत्पादन हुन नसकेको भन्दै उद्योगी व्यापारीहरुले आन्तरिक राजस्व विभागले शिक्षा मन्त्रालयसँग समन्वय गरि विद्यालय स्तरबाट नै कर सम्बन्धी पढाईको व्यवस्था मिलाउनुपर्ने बताए ।
उनीहरुले कर सम्बन्धी जनस्तरमा जानकार नभएसम्म कर बुझाउनमा समस्या हुने भएकोले तत्कालको लागि कम्तीमा स्थानीय स्तरमा कर सम्बन्धी जनचेतनाको कार्यक्रम सञ्चालन गर्नुपर्ने कुरामा जोड दिए । स्थानीय तह, प्रदेश तथा संघ तीनै तहका सरकारले उद्योगी व्यापारीहरुमाथि कर लाद्ने होड्बाजी चलेको अवस्थामा नेपाल सरकारले कर तिर्नेबारे स्पष्ट नीति बनाउनुपर्ने भन्दै १० महिनादेखि केरुङ्ग नाकामा व्यापारीहरुको सामान थन्केर रहेको अवस्थालाई पनि सरकारले ध्यान पु¥याईदिनुपर्ने बताए । व्यापारीहरुसँग सरकारले कर मात्रै असुली गर्ने मनोवृत्तिलाई परिवर्तन गर्दै सरकारले व्यापारीहरुको लागि आफूले गर्नुपर्ने कर्तव्यप्रति पनि इमान्दार हुनुपर्ने भन्दै व्यापारीहरुले कमाए मात्रै सरकारलाई कर तिर्ने भएकोले उत्पन्न हुने समस्यालाई समाधान गर्नेतर्फ पनि सरकारले ध्यान दिनुपर्ने कुरामा जोड दिए ।
नेपाल–भारत सीमामा व्यापार गर्दा हुने गरेको समस्याको विषयमा बोल्दै व्यापारीहरुले यहाँ प्रहरीले पनि व्यापारीहरुलाई अनावश्यक दुःख दिने गरेको आरोप लगाएका छन् । सीमा क्षेत्रमा नेपालबाटै नेपालमा सामान पठाउँदा भ्याट बिल हुँदा पनि यो सामान भारततर्फ गइरहेको भनेर प्रहरीले समातेर भन्सार बुझाउने गरेको कारण पनि व्यापारीहरुले अनावश्यक समस्या भोग्नुपरेको भन्दै एक ठाउँबाट अर्को ठाउँमा सामान पठाउँदा नेपाल सरकारले लागू गरेको भिजिटेशलाई खारेज गर्नुपर्ने बताए ।
यसैगरि कार्यक्रममा सहभागी आन्तरिक विभागका निमित्त महानिर्देशक गजेन्द्र ठाकुरले यहाँका व्यापारीहरुले उठाएको समस्या समाधानको लागि विभागमा पहल गर्ने प्रतिबद्धता जनाए । उक्त कार्यक्रममा नेपाल उद्योग वाणिज्य महासंघ प्रदेश–२ का अध्यक्ष गणेश लाठ, वीरगन्ज उद्योग वाणिज्य संघका अध्यक्ष गोपाल केडिया लगायत बारा, पर्सा तथा रौतहटका उद्योगी व्यापारीहरुको उल्लेख्य उपस्थिति रहेको थियो ।्
जसपा नेता एवम् संविधान सभा सदस्य हवारी नेकपा ओली समुहमा प्रवेश
वीरगंज। जनता समाजवादी पार्टीका केन्द्रीय कार्यकारिणी सदस्य एवं पार्टीका मुस्लिम विभागका इन्चार्ज इस्लाम हवारी नेकपा ओली समुहमा प्रवेश गरेका छन् ।
बालुवाटारमा शुक्रबार बिहान आयोजित एक कार्यक्रममा प्रधानमन्त्री केपी शर्मा ओलीले हवारीलाई नेकपामा स्वागत गरेका थिए । सो अवसरमा नेकपा प्रदेश २ का अध्यक्ष प्रभु साहले लोकतान्त्रिक प्रकृया मार्फत देशलाई स्थायित्व एवम् समृद्ध तुल्याउँन समाजवादको दिशामा अघि बढ्ने, साथ दिने हवारी आउनु भएको बताए । प्रवेश गरेका हवारी संविधान सभा सदस्य समेत हुन् ।
ट्रकको ब्याट्री चोरी गर्ने र खरिद गर्ने दुबै पक्राउ
वीरगंज । पार्किङ गरेर राखिएका मालवाहक सवारीसाधनको ब्याट्री चोरी गरेर खरिद विर्की गर्ने गिरोहलाई पर्सा प्रहरीले पक्राउ गरेको छ । लामो समयदेखि वीरगञ्जको विभिन्न स्थानमा पार्किङ गरेर राखिएका मालवाहक सवारीसाधनबाट ब्याट्री चोरेर विक्री गर्दै आएका वीरगञ्ज महानगरपालिका वडा नम्बर १५ भेडियाहीका ३० वर्षीय निरज सिंहलाई प्रहरीले पक्राउ गरेपछि गिरोहमा संलग्न अन्य व्यक्तिपनि पक्राउ परेका हुन् ।
पर्सा प्रहरीले सिंहलाई मंगलबार वडा नम्बर १५ को प्रतिमा चौकबाट चोरीको ब्याट्रीसहित पक्राउ गरेको थियो । प्रतिमा चोकस्थित ४० फिटे रोडमा पार्किङ गरेर राखिएको ना ३ ख ९३५७ नम्बरको ट्रकबाट ब्याट्री चोरेर ना. २ ह ५९०७ नम्बरको अटोमा लोड गरेर विक्री गर्न लागिरहेका सिंहलाई प्रहरीले रङ्गे हात पक्राउ गरेक थियो ।
पक्राउ परेका सिंहलाई हिरासतमा राखेर सोधपुछ गर्दा उनले चोरी गरेको सम्पूर्ण ब्याट्री वीरगञ्ज महानगरपालिका वडा नम्बर ८ पानिट्याङ्की निवासी ४९ वर्षीय मनिष कुमार रौनियारलाई विक्री गर्दै आएको बयान दिएका थिए । सिंहले दिएको बयानको आधारमा प्रहरीले रौनियारको घरमा खानतलासी गर्दा उनको घरबाट १२ वोल्टको २४ थान ब्याट्री बरामद गरिएको जिल्ला प्रहरी कार्यालय पर्साले जनाएको छ । चोरीलाई प्रोत्साहन गरेको आरोपमा प्रहरीले रौनियारलाई पनि पक्राउ गरेको छ ।
पक्राउ परेका सिंह र रौनियारलाई हिरासतमा राखेर थप अनुसन्धान अगाडी बढाइएको पर्सा प्रहरीका प्रवक्ता एवम् प्रहरी नायव उपरीक्षक मनोजित कुँवरले बताए । ब्याट्री खरिद विक्री गिरोहमा अन्यको समेत संलग्नता हुनसक्ने प्रहरीको आशंका छ ।
कटुवा पेस्तोलसहित वीरगंजका युवक पक्राउ
वीरगंज । अवैध हतियार बोकेर भारतबाट नेपाल ल्याउँदै गरेका एक युवकलाई प्रहरीले पक्राउ गरेको छ । पक्राउ पर्नेमा वीरगंज महानगरपालिका वडा नम्बर २५ सिर्सिया बस्ने २४ वर्षीय राम साह भन्ने उपेंरा साह रहेका छन् ।
भारतीय विआर ५ एफ ४६४७ नम्बरको भारतीय मोटरसाइकलमा सवार भएर नेपाल आउँदै गरेको अवस्थामा प्रहरीले साहलाई बिहिबार पक्राउ गरेको थियो । शंकाको आधारमा साह सवार मोटरसाइकल रोकेर चेक गर्दा उनले आफ्नो शरीरमा लुकाएर राखेको एक थान घरेलु हतियार कटुवा पेस्तोल बन्दुकसहित उनलाई पक्राउ गरिएको जिल्ला प्रहरी कार्यालय पर्साले जनाएको छ ।
पक्राउ परेका साहलार्ई जिल्ला प्रहरी कार्यालयमा राखेर थप अनुसन्धान भइरहेको पर्सा प्रहरीका प्रवक्ता एवम् प्रहरी नायव उपरीक्षक मनोजित कुँवरले बताए ।
सोनाम ल्होछारको अवसरमा वीरगंजमा प्रभात फेरी
वीरगंज । आदिवासी जनजाति, तामाङ र शेर्पा समुदायले २६५७ औँ सोनाम ल्होछार पर्व बीरगंजमा विभिन्न कार्यक्रम गरी मनाएका छन् ।
हरेक वर्ष माघशुक्ल प्रतिपदाका अवसरमा विभिन्न कार्यक्रम गरी सोनाम ल्होछार पर्व मनाइन्छ । शुक्रबार आदिवासी जनजाति समुदाय तामाङ र शेर्पा समुदायले सोनाम ल्होसारका अवसरमा बीरगंजमा प्रभात फेरी निकालेका थिए । वीरगंजको माईस्थानस्थित गहवामाई मन्दिबाट सुरु भएको प्रभात फेरी घण्टाघर हुँदै भिस्वा गुम्बा पुगेर सम्पन्न भएको थियो ।
तासिताङ्ग थरवालिङ्ग बौद्ध गुम्बा समितिका अध्यक्ष रामबहादुर थापाको संयोजकत्वमा आयोजित प्रभात फेरीपछि सांस्कृतिक कार्यक्रम समेत आयोजना गरिएको थियो ।












