Date
शुक्र, मंसिर ४, २०८३
Fri, November 20, 2026
Home Blog Page 866

कालिकामाईकाे माध्यमिक विद्यालयहरुलाई प्लस २ बनाउन ज्ञापन

0
kalikamaia gayapan

वीरगंज । पर्साको कालिकामाई गाउँपालिका वडा नं. १ स्थित रहेकाे श्री जनता माध्यमिक विद्यालयल मुडली र वडा नं. २ स्थित रहेकाे श्री सुकई साह माध्यमिक विद्यालय भेडिहारीलाई प्लस २ बनाउन माग गर्दै साेमबार स्थानियहरुले गाउँपालिका कार्यालयमा ज्ञापन पत्र बुझाएका छन् ।

ब्रिलिएन्ट युवा क्लब भेडिहारीकाे नेतृत्वमा गाउँ कार्यपालिकाकाे कार्यालय हरिपुर पुगेकाे स्थानियहरुकाे एक समुहले गाउँपालिका अन्तर्गतकाे दुई वटा माध्यमिक विद्यालयलाई प्लस २ बनाउन लगायतकाे ४ बुंदे माग राख्दै ज्ञापन पत्र बुझाएकाे हाे ।

गाउँपालिकामा प्रमुख प्रशासकिय अधिकृत जयचन्द्र साह नभेटिएपछि प्रशासन शाखा प्रमुख राजु अधिकारीलाई ज्ञापन पत्र बुझाइएकाे स्थानिय इब्राहिम राउत गद्दीले वताए । 

बिगत २ बर्ष अगाडीदेखी स्थानिय गैर सरकारी संस्था ब्रिलिएन्ट युवा क्लबकाे अगुवाईमा माध्यमिक विद्यालयहरुमा कक्षा ११ र १२ थप गर्न संघर्ष समिति नै बनाएर संघर्ष गर्दै आएपनि हाल सम्म पालिकाले निर्णय गरी सम्बन्धित निकायमा सिफारिस नगरेका कारण साेमबार फेरी ज्ञापन पत्र बुझाइएकाे संघर्ष समितीका सदस्य समेत रहेकाे गद्दीले बताए ।

यसका साथै श्री नेपाल राष्ट्रिय निम्न माध्यमिक विद्यालय कट्टी बलुवालाई माध्यमिक विद्यालय बनाउनु पर्ने, श्री नेपाल राष्ट्रिय प्राथमिक विद्यालय गदियानी बन्द रहेकोमा पुन: संचालन गर्नु पर्ने, कालिकामाई गाउँपालिकाको शिक्षालाई गुणस्तरिय बनाउन विद्यालयमा आवश्यक शैक्षिक सामग्री, भौतिक संरचना निमार्ण गरी ब्यवस्थापनमा जोड दिनु पर्ने ४ वटा मांग राखि ज्ञापन पत्र बुझाईको ब्रिलिएन्ट युवा क्लबका काेषाध्यक्ष सदाम हुसेनले जानकारी दिए ।

ज्ञापन पत्र बुझ्दै प्रशासन शाखा प्रमुख अधिकारीले ज्ञापन पत्र कार्यपालिकामा पेश गर्ने वताए ।

ब्रिलिएन्ट युवा क्लबका अध्यक्ष छठु साहकाे नेतृत्वमा दर्जनौ स्थानिय गाउँवासीहरु ज्ञापन पत्र बुझाउन गाउँपालिकाको कार्यालय पुगेका थिए ।

सम्बन्धित वडाध्यक्षहरुले विद्यालयलाई प्लस २ बनाउन सिफारिस समेत गरिसकेता पनि हाल सम्म गाउँ कार्यपालिकाबाट निर्णय हुन नसक्दा माध्यमिक विद्यालयहरुकाे प्लस २ मा स्तराेनन्ती हुन सकेकाे छैन ।

गाउँपालिका भरीमा एउटा मात्र बिरन्चीबर्वास्थित कन्या माविमा प्लस २ संचालन हुदै आएकाे छ ।

परवानीपुरमा नेपाली कांग्रेसकाे बैठक सम्पन्न

0
nepali congresh baithak
परवानीपुर । बाराको परवानीपुर गाउँपालिका वडा नं ५ बहुअरी टोलमा आज नेपाली कांग्रेसको बैठक सम्पन्न भएको छ ।
 
नेपाली कांग्रेसको केन्द्रिय कमिटीको निर्णय अनुसार फागुन ३ गते सोमबारका दिन ७७ वटै जिल्लामा सरकारको असंवैधानिक कदम विरुद्ध विरोध सभा गर्ने निर्णय भएकोले साेमबार हुने विरोध सभामा बढी भन्दा बढी सहभागिता जनाई कार्यक्रम सफल बनाउन बैठकले निर्णय गरेको छ ।
 
गाउँपालिका सभापति पुँदेव प्रसाद यादवको अध्यक्षमा बसेको बैठकमा महाधिवेशन प्रतिनिधि जगदिश साहको विशेष उपस्थति रहेको थियो ।
 
बैठकमा क्षेत्रीय कार्य समिति सदस्य रामबहादुर यादव, गाउँपालिका प्रत्यासी उमेद्वार लालबाबु यादव, पाँच वटै वडाका वडाध्यक्षहरु, युवा नेता प्रभु पटेल, लोहा सिघ, पूर्व गाविस अध्यक्ष योगिन्दर प्रसाद गुप्ता लगायतको उपस्थिति रहेको थियो ।

दशौँ गोतामे पत्रकारिता पुरस्कार थापालाई

0
gotame pursakar

वीरगंज । दशौँ गोतामे पत्रकारिता पुरस्कारबाट कञ्चनपुरका पत्रकार चित्राङ्ग थापालाई सम्मान गरिएको छ । स्व गोपालचन्द्र गौतम प्रतिष्ठानले आइतबार एक कार्यक्रमकाे बिच पत्रकार थापालाई सम्मान गरेको हो ।

विगत तीन दशकभन्दा बढी समयदेखि सुदूरपश्चिममा रही सामुदायिक पत्रकारिताका माध्यमले राष्ट्रियरुपमै ख्याति कमाएका पत्रकार थापालाई एक तोला सुनको पदक र प्रमाणपत्रसहित वरिष्ठ समाज सेवी मुर्लीधर रुङ्गटाले सम्मानित गर्नुभयो ।

सम्मानित पत्रकार थापालाई पुरुस्कार वितरण गर्दै वरिष्ठ समाजसेवी रुङ्गटाले जनमुखी, विश्वश्नीय र निष्ठापूर्वक समाजको हितमा पत्रकारिता गर्ने थापालाई सम्मानित गरी आफु स्वयम् सम्मानित भएको धारणा व्यक्त गर्नुभयो ।

उहाँले जनमुखी पत्रकारिताले राष्ट्र र समाज दुवैलाई फाइदा पु¥याउने भएकाले त्यस बाटोमा सबै पत्रकार हिँड्न आवश्यक रहेको विचार व्यक्त गर्नुभयो ।

प्रतिष्ठानका अध्यक्ष जगदीश शर्माको अध्यक्षतामा भएको पुरस्कार वितरण समारोहलाई उद्योग वाणिज्य सङ्घ प्रदेश नं २ का अध्यक्ष गणेश लाठ, नेपाल पत्रकार महासङ्घ प्रदेश नं २ का अध्यक्ष दीपेन्द्र चौहान, नेपाल प्रेस युनियनका महासचिव अजयबाबु सिवाकोटी, नेपाली काँग्रेस पर्साका अध्यक्ष अजयकुमार द्विवेदी, निमित्त प्रमुख जिल्ला अधिकारी भीमकान्त पौडेल, वरिष्ठ पत्रकार चन्द्रकिशोर झाल गायतका वक्ताले पाँच दशक अगाडि न्यूनसाधन स्रोतकै आधारमा गोपालचन्द्र गौतमले निर्भिक जनताको पक्षमा पत्रकारिता गरेको चर्चा गर्नुभएको थियो ।

राजाको प्रत्यक्ष शासनकालमा खाइरहेको सरकारी जागिर छाडी प्रजातन्त्र र समाजवादको पक्षमा विगुल फुक्दै जनताका समस्यालाई तत्कालीन राज्यसत्तासम्मा पु¥याउन गोपालचन्द्र गौतमले खेलेको भूमिका अत्यन्त प्रशंसा योग्यता र सञ्चारकर्मीले अनुशरण गर्नेलायक भएको वक्ताले धारणा व्यक्त गर्नुभएको थियो ।

वीरगञ्जमा शेयरसम्बन्धी आधारभूत तालीम सम्पन्न

0
talim sampan

वीरगञ्ज । युवा उद्यमीहरूको पहलमा वीरगञ्जमा शेयर बजार सम्बन्धी आधारभूत तालीम सम्पन्न भएको छ । नेपाल युवा उद्यमी मञ्च (एनवाईईएफ) वीरगञ्ज र प्रभु क्यापिटल लिमिटेडको संयुक्त आयोजनामा शनिबार शेयरसम्बन्धी तालीम भएको हो ।

लगानीको अवसरको खोजीमा रहेका युवाहरूलाई शेयर बजारको सम्भाव्यता बारेमा जानकारी दिने उद्देश्यले तालीम आयोजना गरिएको एनवाईईएफका अध्यक्ष अनुप अग्रवालले बताए ।

वीरगञ्जका बिजनेश स्कुल र शेयर बजारमा रुची राख्ने लगानीकर्ता गरी २५० जना सहभागीलाई प्रभु क्यापिटलका प्रबन्ध निर्देशक दिनेश थकाली र प्रमुख सञ्चालन अधिकृत कृष्ण गिरीले शेयर बजारका बारेमा आधारभूत पक्षका बारेमा जानकारी दिएका थिए ।

तालीमको उद्घाटन समारोहका प्रुमख अतिथि नेपाल उद्योग वाणिज्य महासंघ प्रदेश २ का कार्यकारिणी समिति सदस्य अशोककुमार टेमानीले शेयर बजारका लगानीकर्ताले लगानीकोे प्रकृति र चुनौतीहरूलाई सुक्ष्म ढंगले विश्लेषण गर्नुपर्ने बताए ।

उहाँले कुनै पनि कम्पनीमा लगानी गर्दा कम्पनीको वित्तीय अवस्था र पृष्ठभूमिका बारेमा पर्याप्त जानकारी राख्न लगानीकर्तालाई आग्रह पनि गरे ।

एनवाईईएफका संस्थापक अध्यक्ष अरविन्द अमात्यले अर्थतन्त्रका बारेमा समुदायमा वृहत जानकारी प्रवाहको आवश्यकता औंल्याए । वीरगञ्जमा एक दशकको अन्तरालपछि एनवाईईएफको पुनर्जागरण भएकोमा अमात्यले खुशीसमेत व्यक्त गरे ।

कार्यक्रममा वीरगञ्ज उद्योग वाणिज्य संघ, वीरगञ्ज पब्लिक कलेज, वीरगञ्ज कलेज, नेशनल एकेडेमी कलेज, नेशनल इन्फोटेक, हरिखेतान बहुमुखी क्याम्पसलगायतको साझेदारी थियो ।

कार्यक्रममा एनवाईईएफका द्वितीय उपाध्यक्ष सन्दिप अग्रवाल, सदस्यहरू विकास ठाकुर, विश्वासप्रताप शाह, आशीष लाठ, मनिषा सुनुवार श्रेष्ठ, काजल सिंह, पंकज अग्रवाल, संकल्प शाक्य, नमिता शाक्य लगायतको  सहभागिता रहेकाे थियो ।  

भिस्वामा राष्ट्रिय युवा संघकाे वडा स्तरिय कमिटी गठन

0
rastriya youwasangh

भिस्वा । पर्साको छिपहरमाई गाउँपालिका वडा नः ५ भिस्वामा राष्ट्रिय यूवा संघ नेपालको वडा स्तरिय कमिटी गठन भएको छ ।

छिपहरमाई गाउँपालिकाको वडा नं ५ भिस्वास्थित श्री मंगल माध्यमिक विधालयको सभा हलमा भएको एक भेलाले अनाेज पटेलकाे अध्यक्षतामा ५१ सदस्यीय कमिटी गठन गरेको हो ।

जुन कमिटीको उपाध्यक्ष औरनजेब मियाँ, सचिव सगिर मियाँ, सह सचिव बिटु कुमार, कोषाध्यक्ष तमाना मियाँ चयन भएका छन् ।

राष्ट्रिय युवा संघ छिपहरमाई गाउँपालिका अध्यक्ष सुबास साहको अध्यक्षतामा भएकाे भेलामा वडा सदस्य जवाहिर साह कानु, वडा सदस्य मुस्लिम मियाँ, वडा सदस्य महम्मद मियाँ लगायतको उपस्थिती रहेको थियो ।

सालको गोलिया सहित एक जना पक्राउ

0
जिराभवानी । सशस्त्र प्रहरी बिओपी महादेवपट्टीले गएराति ७ क्युफिट सालको गोलिया र एकवटा साइकलसहित मानिसलाई नियन्त्रणमा लिएको छ ।
 
जिराभवानी गाउँपालिका–२ लाटोमाईबाट बिओपी महादेवपट्टिका सशस्त्र प्रहरी निरीक्षक केदार राईको नेतृत्वमा गएको गस्ती टोलीले साइकल सालको गोलिया र मान्छेसहित नियन्त्रणमा लिएको हो । पक्राउ पर्नेमा जिराभवानी गाउँपालीका वडा नम्बर ५ सखुवनियाका गणेश महतो कम्कर रहेको सशस्त्र प्रहरी निरीक्षक राईले बताए ।
 
बरामद गोलिया साईकल र मान्छेलाई आवश्यक कार्वाहीको लागि सब डिभिजन वन कार्यालय बसन्तपुरमा बुझाउने तयारी भइरहेको सशस्त्र प्रहरी निरीक्षक राईले बताए ।
 
जाडो र कुहिरिको फाइदा उठाएर अहिले काठ तस्करहरूले व्यापकरूपमा वनविनाश गरिरहेको वनकर्मीहरूले नै बताएका छन् ।
 
अहिले ज्यालादारी मजदूरी गर्नेहरू फुर्सदमा रहेका समयमा राष्ट्रिय वनजङ्गल पस्ने र काँचो दाउरा ल्याउने गर्दा वनविनाश बढ्दै गएको पनि वनकर्मीहरूको भनाइ छ ।

जागरण अभियान अन्तर्गत नगवामा जागरण कमिटी गठन

0
jagaran commete

वीरगंज । युवा जनशक्ति समाज नेपाल पर्साले युवा जागरण अभियान अन्तर्गत वडा जागरण कमिटिहरु गठन गर्ने काय सुरु गरेको छ ।

युवा जागरण अभियान अन्तर्गत शनिवार वीरगंज महानगरपालिका वडा नं. १६ नगवास्थित नागा भवानी मठमा बसेको बैठकले १५ सदस्यीय वडा जागरण कमिटी गठन गरेको हो ।

स्थानिय युवा राजेन्द्र कुमार चौरसियाको संयोजकत्वमा गठित जागरण कमिटिको सह–संयोजकमा विशाल मेहता, अशोक बैठा, सदस्यहरुमा सुमन राउत कुर्मी, कुनाल मेहता, हृदेश गोढ, हिरालाल महतो, रंजिव चौरसिया, कुनाल गुप्ता, कृष्ण पटेल, जितेन्द्र कुशवाहा, अनिल यादव, आनन्द साह गोढ, प्रेम मेहता, सुमन कुशवाहा, उमेश कुशवाहा र ओम दुबे रहेका छन् ।

युवा जनशक्ति समाज नेपाल पर्साका अध्यक्ष बिनेश प्रसाद कुर्मीको प्रमुख आतिथ्यतामा भएको कार्यक्रममा युवा जनशक्ति समाज नेपालका सचिव जायेद हुसैन लगायतकाे सहभागीता रहेको थियो भने कार्यक्रमको सहजीकरण सदस्य अजय कुमार चौरसियाले गरेका थिए ।

भोजपुरीमा वक्तृत्वकला प्रतियोगिता सम्पन्न

0
bhojpuri baktritawkala pratiyogita

 वीरगंज । भोजपरी भाषामा शनिबार वीरगंजमा वक्तृत्वकला प्रतियोगिता सम्पन्न भएको छ ।

भोजपुरी भाषाको जगेर्णा तथा प्रवद्र्धनको लागि नेपाल भोजपुरी समाजको आयोजनामा नेभोस भोजपुरी वक्तृत्वकला प्रतियोगिता २०७७ सम्पन्न भएको हो ।

वीरगंज पब्लिक कलेजको सभा हलमा ’’राष्ट्र निर्माण में युवा के भूमिका’’ नामक शिर्षकमा वक्तृत्वकला सम्पन्न भएको थियो । जसमा वीरगंजका ७ वटा कलेजको सहभागिता रहेको थियो ।

प्रतियोगितामा सत्यम पब्लिक कलेजको कक्षा १२ कि छात्रा नेहा कुमारी साह प्रथम, नेशनल एकेडेमीका संदेश कुशवाहा द्वितीय र प्रिन्सटन मोडेल एकेडेमीका सन्दिप कुशवाहा तृतीय भएका थिए ।

प्रतियोगिताको निर्णायक मण्डलको भूमिका वरिष्ठ भोजपुरी साहित्यकार उमाशंकर द्विवेदी, वरिष्ठ पत्रकार चन्द्र किशोर र नेपाल भोजपुरी समाजकी सदस्य एवम् पोखरिया नगरपालिकाकी उप–प्रमुख सल्मा खातुन रहेका थिए ।

प्रतियोगितामा पत्रकार रितेश त्रिपाठी ,प्राध्यापिका सुष्मा तिवारी, नेपाल भोजपुरी समाजकी सदस्य एवं कन्या मा.वि.कि शिक्षिका अनिता साह लगायतको उपस्थिति रहेको थियो ।

सरस्वती पूजाको अवसरमा विज्ञान तथा कला प्रदर्शनी

0
pradrsani karyakarm

वीरगंज । वीरगंज महानगरपालिकाकाे वडा न. १५ भिस्वास्थित नवदिप एकेडेमीमा शनिबार सरस्वती पूजाको अवसरमा विज्ञान तथा कला प्रदर्शनी कार्यक्रम सम्पन्न भएको छ ।

कार्यक्रमलाई बाेल्ने बक्ताहरुले सानै उमेरमा विद्यार्थीहरुले आविष्कार गरेका प्रोजेक्टहरुले भविष्यमा विज्ञान र प्रविधिको क्षेत्रमा उल्लेख्य रुपमा विकास गर्ने धारणा राखे । हुने विरुवाको चिल्लो पात भनेजस्तै उनिहरुको क्षमता र सिपले उनिहरुलाई सफल बन्नबाट कसैले रोक्न नसक्ने बक्ताहरुको भनाई थियो ।

स्कुलकी संस्थापक प्रधानाध्यापिका सुशिला साहको अध्यक्षतामा भएको कार्यक्रममा ठाकुराम बहुमुखी क्याम्पसका पुर्व क्याम्पस प्रमुख तथा सह प्राध्यापक प्रमोद कुश्वाहा, जिल्ला प्रहरी कार्यालय पर्साका प्रबक्ता एवम् प्रहरी नायब उपरिक्षक मनोजित कुवँर, ठाकुराम क्याम्पसका सह प्राध्यापकद्वय रोशन लामिछाने, दिपेन्द्र यादब, नेपाली कांग्रेसकी नेतृ किरण सरकार, युवा नेता ओमप्रकाश सर्राफ, वडा सदस्य मनोजा चौधरी, गैर सरकारी शाखा समन्वय समितिका प्रमुख मुकेश गुप्ता लगायतले शुभकामना मन्तव्य व्यक्त गरेका थिए ।

प्रदर्शनीमा नर्सरीदेखी कक्षा ८ सम्मका विद्यार्थीहरुले सहभागिता जनाएका थिए ।

प्रदर्शनीमा वायुप्रदुषण सम्बन्धी प्रोजेक्ट बनाएका कक्षाका १ का विद्यार्थीहरुको समुह प्रथम, श्वासप्रश्वास प्रणाली र वनस्पती कोष र जनावर कोषसम्बन्धी प्रोजेक्ट बनाएका कक्षा ६ का विद्यार्थीहरुको समुह द्वितिय र टेबल मेशिन सम्बन्धी पोजेक्ट बनाएका कक्षा ३ का विद्यार्थीहरुको समुह तृति भएका थिए ।

प्रदर्शनीमा नेशनल इन्फोटेक कलेजकी निर्देशक काजल सिँह र गौतम माविका व्यवस्थापक प्रमुख ललित कर्णले निर्णायकको भुमिका निर्वाह गरेका थिए । विद्यालयका सह प्रधानाध्यापक विशाल साहले स्वागत मन्तव्य राखेको कार्यक्रमको सहजीकरण जया साह र जोन नेपालीले गरेका थिए ।