वीरगंज । आदिवासी जनजाति, तामाङ र शेर्पा समुदायले २६५७ औँ सोनाम ल्होछार पर्व बीरगंजमा विभिन्न कार्यक्रम गरी मनाएका छन् ।
हरेक वर्ष माघशुक्ल प्रतिपदाका अवसरमा विभिन्न कार्यक्रम गरी सोनाम ल्होछार पर्व मनाइन्छ । शुक्रबार आदिवासी जनजाति समुदाय तामाङ र शेर्पा समुदायले सोनाम ल्होसारका अवसरमा बीरगंजमा प्रभात फेरी निकालेका थिए । वीरगंजको माईस्थानस्थित गहवामाई मन्दिबाट सुरु भएको प्रभात फेरी घण्टाघर हुँदै भिस्वा गुम्बा पुगेर सम्पन्न भएको थियो ।
- Advertisement -
तासिताङ्ग थरवालिङ्ग बौद्ध गुम्बा समितिका अध्यक्ष रामबहादुर थापाको संयोजकत्वमा आयोजित प्रभात फेरीपछि सांस्कृतिक कार्यक्रम समेत आयोजना गरिएको थियो ।
