Date
शुक्र, मंसिर ४, २०८३
Fri, November 20, 2026
Home Blog Page 865

सरस्वती पूजाको अवसरमा लंगडीमा संस्कृति कार्यक्रम (फाेटाेफिचर सहित)

0
blue heaven progrma

वीरगंज । सरस्वती पूजा यस बर्ष पनि पर्सामा धुमधामको साथ मनाइएको छ । सरस्वती पूजा शिक्षण संस्था तथा विभिन्न गाउँ र टोलहरुमा सरस्वती मातामो पूजाअर्चना गरी मनाउनुको साथै सांस्कृतिक कार्यक्रम समेत गरिएको छ ।

सरस्वती पूजा कै अवसरमा मंगलबार धोबिनी गाउँपालिकाको वडा नं. ४ लंगडीस्थित रहेको ब्लु हैबन एकेडमी विद्यालयमा सांस्कृतिक कार्यक्रम सम्पन्न भएको छ ।

विद्यालयका प्रधानाध्यापक सुदिल पटेलको अध्यक्षतामा भएको कार्यक्रमको उद्घाटन अजिज मियाँ माध्यमिक विद्यालय धोबिनीका प्रधानाध्यापक जितेन्द्र रामले रिबन काटेर गरेका थिए । कार्यक्रमको उद्घाटन गर्दै प्रधानाध्यापक रामले ग्रामिण भेगका विद्यालयहरुले पनि गुणस्तरिय शिक्षा प्रदान गर्नु पर्ने वताए ।

उनले सहरको विद्यालयहरुले मात्र गुणस्तरिय शिक्षा दिन सक्ने अभिभावकहरुमा भ्रम रहेकोले त्यसको अन्त्यको लागि ग्रामिण भेगका विद्यालयहरुले पनि गुणस्तरिय शिक्षा दिनु पर्नेमा जोड दिए । 

पर्साको ग्रामिण भेगस्थित निजि विद्यालयहरुमा ब्लु हैबन एकेडमीले छुटै पहिचान कायम गर्न सफल भएको वताउदै उनले अझै राम्रो गर्न शुभकामना समेत दिए । 

कार्यक्रममा विद्यालयमा अध्ययनरत छात्ररछात्राहरु नृत्य तथा चेतनामूलक नाटक समेत प्रस्तुत गरेका थिए । कार्यक्रममा विद्यार्थीहरु सुर्ति फटेल, साहबजान आलम, माया पटेल, भवानी पटेल, अन्तिमा महताे, करिशमा महताे, मुस्कान खातनु लगायतकाले भाग लिएका थिए ।

विद्यालय प्राङ्गणमा भएको कार्यक्रममा नेपाल पत्रकार महासंघ पर्साका उपाध्यक्ष अनुप तिवारी, भिखमपुरका प्रहरी चौकीका प्रहरी नायब निरिक्षक बसन्त थापा, पत्रकार शम्भु कुमार सुमन, धर्मेन्द्र चौरसिया, स्थानिय समाजसेवी सुनिल कुमार साह लगायतको उपस्थिती रहेको थियो । कार्यक्रमकाे संचालन विद्यालयका सह प्रधानाध्यापक अशाेक पटेलले गरेका थिए ।

कार्यक्रम मै बेस्ट स्टुडेन्ट वार्ड कक्षा ७ का उद्य कुमार पटेललाई, बेस्ट इनभेस्ट वार्ड शिक्षिका शोभा कुशवाहालाई र बेस्ट टिचिङ्ग वार्ड शिक्षक मनु कुमार पाण्डेलाई प्रदान गरिएको थियो । 

वीरगञ्जमा निर्मित शहीद स्मारक अनावरण फागुन ८ गते हुने

0
pradipyadav

वीरगञ्ज । वीरगंजकाे घण्टाघरमा निर्मित शहीद स्मार्ककाे अनावरण फागुन ८ गते हुने भएकाे छ । जिल्ला समन्वय समिति पर्साकाे सभा हलमा मंगलबार बसेकाे जनता समाजवादी पार्टी पर्सा क्षेत्र नं. १ काे बैठकले फागुन ८ गते एक औपचारिक कार्यक्रमका विच शहीद स्मारकको अनावरण गर्ने निर्णय गरेकाे हाे ।

वीरगञ्ज महानगरपालिकाको मूख्य चोक घण्टाघर नजिकै निर्मित मधेस आन्दोलनमा सहादत प्राप्त गरेका शहीदहरुको योगदानलाई कदर गर्दै उनीहरुको सम्झनामा शहीद स्मारक निर्माण गरिएकाे वताइएकाे छ ।

पर्सा निर्वाचन क्षेत्र नम्बर १ का प्रतिनिधिसभा सदस्य (सांसद्) प्रदीप यादव र वीरगञ्ज महानगरपालिकाका नगरप्रमुख विजयकुमार सरावगीको संयुक्त लगानीमा स्मारकको निर्माण गरिएको जनाइएकाे छ ।

विक्रम सम्वत् २०७२ मा भएको तेस्रो मधेस आन्दोलनका क्रममा वीरगञ्जमा प्रहरीको गोली लागेर मृत्यु भएका ८ जना शहीदहरुको सम्झनामा स्मारक र शालिक निर्माण गर्न ४८ लाख रुपैयाँ खर्च गरिएको छ ।

स्मारक निर्माणका लागि सांसद् यादवले आफ्नो संसदीय विकास कोषबाट २८ लाख रुपैयाँ र नगरप्रमुख सरावगीले महानगरबाट २० लाख रुपैयाँ बजेट विनियोजन गरेको संसदीय प्रतिनिधि घनश्याम यादवले जानकारी दिए ।

स्मारकको विघटित प्रतिनिधि सभाका सांसद् यादव र नगरप्रमुख सरावगीले संयुक्त रुपमा अनावरण गर्ने प्रतिनिधि यादवले बताए ।

संविधान घोषणा विरुद्ध विक्रम सम्वत् २०७२ मा भएको तेस्रो मधेस जन आन्दोलनको क्रममा प्रहरीको गोली लागेर मृत्यु भएका सोहन साह कलवार, दिलिप चौरसिया, दिनानाथ साह गोढ, धर्मराज सिंह राजपुत, जय प्रकाश साह, सत्रुधन पटेल र आशिष रामको स्मारकमा शालिक निर्माण गरिएको छ । उनीहरुमध्ये आशिष राम भारतीय नागरिक हुन् । वीरगञ्जबाट सिमावर्ती भारतीय शहर रक्सौल जाने क्रममा उनको शंकराचार्यद्वार नजिकै प्रहरीको गोली लागेर मृत्यु भएको थियो ।

बैठकले अनावरण कार्यक्रमका लागि प्रदेशसभा सदस्य जनत अन्सारीको संयोजकत्वमा ५१ सदस्यीय मुल तयारी समिति गठन गरेको छ । त्यसैगरी समाजवादी विद्यार्थी युनियनका पर्सा जिल्ला अध्यक्ष एजाजबाबु रांकीको संयोजकत्वमा मञ्च व्यवस्थापन समिति गठन गरिएको जनता समाजवादी पार्टी पर्साका सचिव तबरेज अहमदले जानकारी दिए ।

बैठकलाई सम्बोधन गर्दै सांसद् यादवले वीर शहीदहरुको रगतले प्राप्त भएको आन्दोलनका उपलब्धी अहिले धरापमा परेको बताउँदै दु:ख व्यक्त गरेका थिए ।

देशको विषम राजनितिक अवस्था देखेर शहीदहरुको सपनाले सार्थकता पाउँनेमा आशंका व्यक्त गर्दै जनता समाजवादी पार्टीका केन्द्रिय सदस्यसमेत रहेका यादवले शहीदका परिवार तथा आन्दोलनका घाइतेहरुको व्यवस्थापन गर्न सरकारले तदारुकता नदेखाएको आरोप लगाए ।

बैठकमा प्रदेशसभा सदस्य करिमा बेगम, जसपा पर्साका उपाध्यक्ष बासुदेव यादव, पर्सा क्षेत्र नम्बर १ भित्र पर्ने १९ वटा वडाका इकाई अध्यक्ष, क्षेत्र नम्बर १ का जिल्ला सदस्य, विगतमा निर्वाचन लडेका अगुवा कार्यकर्ता लगायतको उपस्थिती रहेको सचिब अहमदले बताए ।

मेयर सरावगीद्वारा सरस्वती मन्दिरको शिलान्यास

0
bijay_sarawagi_silanyas

वीरगन्ज । वीरगंज महानगरपालिकाका मेयर विजय कुमार सरावगीले बषन्त पञ्चमीको अवसरमा सरस्वती मन्दिर निर्माण स्थलको शिलान्यास गरेका छन् ।

वीरगन्ज महानगरपालिका वडा नम्बर ९ रेल्वे माविमा निर्माण गर्न लागिएको सरस्वती मन्दिरको मंगलबार मेयर सरावगीले शिलान्यास गरेका हुन् ।

सरस्वती पूजाकै दिन विद्यालयले सरस्वती मन्दिरको निर्माण कार्य शुरुवात गरेको छ । शिलान्यास समारोहमा महानगर प्रमुख सरावगी सहित वडा नम्बर ९ का वडाध्यक्ष मनोज कलवार, विद्यालयका शिक्षक, शिक्षिका, व्यावस्थापन समितिका पदाधिकारी लगायतको उपस्थिति रहेको थियो ।

त्यस्तै महानगर प्रमुख सरावगीले वीरगन्जका विभिन्न विद्यालय र क्याम्पसहरुमा पुगेर सरस्वतीको प्रसाद ग्रहण गर्नुका साथै विद्यालय र क्याम्पसहरुको अनुगमन निरीक्षण समेत गरेको उनको सचिवालयले जनाएको छ ।

पर्सागढीमा बिऊ श्रोत केन्द्र स्थापनाको लागि शिलान्यास

0
loknarayan yadav

वीरगंज । पर्साको पर्सागढी नगरपालिका-१ बसवरियामा बिऊ श्रोत केन्द्र स्थापनाका लागी एक कार्यक्रमका बिच मंगलबार श्रीपन्चमिको शुभ अवसर पारि शिलान्यास भएको छ । स्थानीय श्री सेतो गुराँस कृषि सहकारी संस्था लिमिटेडको आयोजनामा बिऊ श्रोत केन्द्र स्थापनाका लागि शिलान्यास भएको हो ।

बिऊ श्रोत केन्द्रको शिलान्यास पर्सागढी नगरपालिका मेयर लोकनारायण यादव र प्रधानमन्त्री आधुनिकीकरण कृषि आधुनिकरण परियोजना कार्यान्वयन इकाइ कार्यालय पर्साका प्रमुख वरिष्ठ कृषि अधिकृत रोसन अधिकारीले संयुक्त रूपमा गरेका थिए ।

शिलान्यास कार्यक्रमलाई सम्बाेधन गर्दै पर्सागढी नगरपालिकाका मेयर यादवले जिल्लाको मुख्य खेतीको रुपमा रहेको धान, गहु र मसुरो बिउको श्रोत केन्द्र स्थापनाका लागी नगर निकै संवेदनशिल रहेको हुदा आज त्यसले पुर्णता समेत पाएको वताए । भवन निर्माण पश्चात्का अन्य औजार उपकरणको ब्यवस्थापन तथा सहयोगमा समेत नगरपालिकाका अग्रज भुमिकामा रहने उनले प्रतिबद्धता समेत जनाए ।

कार्यक्रमका प्रमुख अतिथी समेत रहेका मेयर यादवले पर्सागढीमा बिउ श्रोत केन्द्रको स्थापनाले सदरमुकाम सहित अन्य ठाँउका बिउ केन्द्रमा धाउने कार्यको अन्त हुने विश्वास व्यक्त गरे ।

धान, गहु, मसुरोको बिऊ श्रोत केन्द्रको निर्माणकाे कुल लागत ३८ लाख २६ हजार रहेकाे प्रधानमन्त्री कृषि आधुनिकीकरण परियोजना कार्यान्वयन इकाइ कार्यालय पर्साले जनाएको छ ।

जसमध्ये पर्सागढी नगरपालिकाको १० प्रतिशत, प्रधानमन्त्री कृषी आधुनिकीकरण परियोजना इकाई कार्यालय पर्साको ८५ प्रतिशत लागत अनुदान सहयोग र सेतो गुराँस कृषि सहकारी संस्था लिमिटेडको ५ प्रतिशतको लगानी रहेको पर्सागढि नगरपालिकाका सहकारी शाखा प्रमुख समेत रहेका नगर प्रमुखकाे सचिवालय प्रमुख गिरि राज कडेलले बताए ।

बिऊ श्रोत केन्द्रको क्षमता २० देखी २५ मेट्रिक टन रहेको सहकारी संस्थाका काेषाध्यक्ष तथा कार्यक्रम संचालक निर्भय कुमार पटेलले जानकारी गराए ।

संस्थाका अध्यक्ष अनुरुद्ध प्रसादको अध्यक्षतामा भएको शिलान्यास कार्यक्रममा प्रधानमन्त्री आधुनकीकरण कृषि परियोजना कार्यान्वयन इकाई कार्यालय पर्साका लेखा प्रमुख राजेन्द्र कर्ण, वडाध्यक्ष तुलाराम महतो लगायत निर्बाचित जनप्रतिनिधि, शेयर सदस्य लगायत स्थानीयहरुको उपस्थिति रहेको थियो ।

नगरपालिका अन्तर्गतका कृषकहरुलाई लक्षित गरी बिऊ श्रोत केन्द्र स्थापनाकाे शिलान्यास भएकाे खबरले स्थानीय कृषकहरु हर्षित तथा नगर प्रमुखकाे प्रशंसा समेत गरेका छन् ।

पर्सागढी गाेल्ड कप : बागमती युवा क्लब बिजयी

0
parsagadhi gold cup

वीरगंज । पर्सागढी नगरपालिकामा जारी तेस्राे पर्सागढी गाेल्ड कपकाे साेमबार भएकाे खेलमा बागमती युवा क्लब सर्लाही बिजयी भएकाे छ । वीरगंज युथ एकेडेमी वीरगंजलाई ० को बिरूद्ध दुई गोलले हराउदै बागमती युवा क्लब बिजयी भएकाे हाे ।

खेलको पहीलो हापमा जर्सी नं. ९ का खेलाडी फुफानोले खेलको ३७ मिनेटमा पहिलो गोल गरेका थिए भने खेलको दोस्रो हाफको १३ मिनेटमा दोस्रो गोल जर्सी नं ११ का खेलाडी बिजय इरानले गरेका थिए ।

पर्सागढी नगरपालिकाकाे सहयाेग र आमाेदेवी युवा स्पोर्टस क्लब बढनिहारको आयोजनमा नगरपालिकाकाे वडा नं. ३ स्थित खेल मैदानमा भइरहेकाे फुटबल प्रतियोगिता अन्तर्गत साेमबारकाे खेलमा बेस्ट खेलाडी घाेषित भएका वीरगंज युथ एकेडेमी बिरगंजका खेलाडी आदित्य साक्यलाई बिशेष अतिथी समाजसेबी युवा अगुवा बलिराम यादबले नगदसहीत समान गरेका थिए। 

पकहा मैनपुरमा विद्यालय व्यवस्थापन समितिकाे विषयमा विवाद

0
bidalaye bewsthapan samitima bibad

बीरगंज । पर्साको पकाहा मैनपुर गाउँपालिमा विद्यालय व्यवस्थापन समिति गठनकाे विषयमा पनि विवाद भएकाे छ ।

गाउँपालिकाकाे वडा नं ०३ मा रहेको श्री राम चरित्र भगत माध्यमिक विद्यालयको व्यास्थापन समिति गठन शिक्षा नियमावली विपरीत गर्ने लागिएको गाउँबासी तथा अभिभावकहरुले आरोप लगाएका छन् ।

संघीय शिक्षा नियमावली विपरीत गाउँपालिका अध्यक्ष विजय कुमार चौरसियाले आफै निर्णय गरी अर्को नियम बनाएर समिति गठन गर्ने चलखेलमा लागेकाे अभिभावकहरुकाे आराेप छ । गाउँपालिका अध्यक्ष चाैरसिया आफु खुसी शिक्षा नियमावली बनाई आधारभूत तहका विद्यामलामा सम्बन्धित वडा अध्यक्ष वा निजले तोकेको ब्यक्ति र माध्यामिक तहमा गाउँपालिका अध्यक्ष वा निजले तोकेको ब्यक्ति नै विद्यालय व्यस्थापन समितिको अध्यक्ष हुने व्यवस्था गराएका छन् ।

साे नियमावलीकाे विराेधमा अहिले अदालतमा परेकाे मुद्दा विचारधिन अवस्थामा रहेकाे छ । तै पनि गाउँपालिका अध्यक्ष चाैरसियाकाले एकलाैटी तरिकाले विद्यालय व्यवस्थापन समिति गठन गर्न लागेपछि अभिभावकहरुले विराेध जनाएका छन् ।

उक्त नियमको विरोध गर्दै गाउँपालिका बासी तथा अभिभावकहरुले आइतबार विद्यालयमा गई प्रधानाध्यापकालाई ध्यानाकर्षण गराएका थिए । अभिभाकहरुले संघीय शिक्षा प्रणालीको व्यवस्था अनुसार समिति गठन गर्ने माग समेत गरेका थिए । त्यसपछि विद्यालय व्यवस्थापन समितिकाे अध्यक्ष चयन गर्ने गाउँपालिका अध्यक्ष चाैरसियाकाे प्रयास असफल भएकाे थियाे ।

यस विषयमा विद्यालयका प्रधानाध्यापक छाेटेलाल साहसंग बुझ्दा संघिय शिक्षा नियमावली विपरीत समिति गठन गर्ने काम भएकाे स्विकार गर्दै गाउँपालिकाले बनाएकाे शिक्षा नियमावली अनुसार विद्यालय व्यवस्थापन गठन गर्न लागिएकाे वताए ।

प्रधानाध्यापक साहले त्यसकाे विरोध भएपछि व्यवस्थापन समिति गठन गर्ने प्रक्रिया स्थगित गरी छलफलकाे माध्यमले विवादकाे टुंगाे लगाउनु प्रयास भइरहेकाे वताए ।

नेपाल विद्यार्थी संघका जिल्ला सचिव राकेश कुशवाहाले अभिभावकको अधिकारको हनन नेपालको संविधान तथा संघिय शिक्षा नियमावली विपरीत गाउँपालिका अध्यक्षले एकलौटी रुपले विद्यालय व्यवस्थापन समितिका अध्यक्ष तोक्न नपाइने वताए ।

उक्त नियमको विराेधमा स्थानिय नेता हरी चौहान, सिन्धु मेहता, राम नाथ साह, नर्सुलाह अंसारी, नवल पटेल, अनिल साह लगायतका अभिभावक तथा स्थानियहरु विद्यालय पुुगेका थिए ।

शिक्षा क्षेत्रको विकासले मात्र देशको भविष्य उज्ज्वल हुन्छ : प्रदिप यादव

0
pradip ayadav

वीरगञ्ज । वीरगञ्ज महानगरपालिका वडा नम्बर ११ श्रीपुरस्थित श्री नेपाल राष्ट्रीय विद्यापीठ माध्यमिक विद्यालय श्रीपुर मुर्लीमा रहेको भवनमा तल्ला थप्ने कार्य सुरु भएको छ ।

पर्सा निर्वाचन क्षेत्र नम्बर १ का विघटित प्रतिनिधि सभा सदस्य प्रदीप यादवले सोमबार एक कार्यक्रम बीच शिलन्यास गरेपछि भवन निर्माण कार्य सुरु भएको हो ।

भवन निर्माणका लागि सांसद् यादवले आफ्नो संसदीय विकास कोषबाट २५ लाख रुपैयाँ दिएकाे वताइएकाे छ । उनले दिएको रकमबाट विद्यालयमा रहेको भवनमाथि ४ वटा कक्षाकोठा निर्माण गरिने छ ।

शिलन्यास कार्यक्रमलाई सम्बोधन गर्दै जनता समाजवादी पार्टीका केन्द्रीय सदस्यसमेत रहेका यादवले शिक्षा क्षेत्रको विकास भए मात्र देशको विकास सम्भव भएको बताए ।

उनले शिक्षा क्षेत्रको विकास नभएसम्म अन्य क्षेत्रको विकासको कुनै मतलब नभएको तर्क गरे । ‘हामीले सडक बनायौं, पूल बनायौं, ठूलाठूला भवन बनायौं तर समाजका व्यक्ति अशिक्षित छन् भने त्यो सम्पूर्ण विकासको कुनै फाईदा हुँदैन ।’

सांसद् यादवले श्रीपुर विद्यापीठलाई देशकै नमुना विधालयको रुपमा स्थापीत गर्न सबैको सहयोग आवश्यक रहेको बताए । विद्यालयको पूर्वाधार विकाससँगसँगै शिक्षाको सतरमा समेत सुधार ल्याउँन उनले शिक्षकहरुसँग आग्रह गरेका थिए ।

विद्यालय व्यवस्थापन समितिका अध्यक्ष एवम् वीरगञ्ज उद्योग वाणिज्य सङ्घका पूर्व अध्यक्ष अशोक टेमानीको सभापतित्वमा भएको कार्यक्रममा संविधान सभा सदस्य आत्माराम साह, वीरगञ्ज महानगरपालिकाका कार्यपालिका सदस्य अरविन्द गुप्ता, वडा नम्बर ११ का वडा अध्यक्ष प्रधुमन सेढाई, सुरजी देवी माविका विद्यालय व्यवस्थापन समितीका अध्यक्ष अजय गुप्ता, वडा नम्बर ११ का अभिभावक विनोद महतो लगायतले शुभकामना मन्तव्य राखेका थिए ।

कार्यक्रममा स्वागत मन्तव्य विद्यालयका प्रधानाध्यापक अनिल कुमार बरनवालले गरेका थिए भने सहजिकरण विद्यालयका शिक्षक राम प्रसाद पाण्डेले गरेका थिए ।

किलिंकरका कारण रजतजयन्तीकाे जनजिवन प्रभावित

0
clinker over load

वीरगंज । ट्रकमा ओभर लाेड गरी किलिंकर ओसारपाेसारका कारण वीरगंजकाे रजतजयन्ती चाैककाे जनजिवन प्रभावित हुदा स्थानियहरुले साेमबार बिराेध प्रदर्शन गरेका छन् ।

स्थानियहरुका अनुसार सिमेन्ट बनाउनकाे लागि प्रयाेग हुने किलिंकर बाेकेकाे ट्रक दिनहु साे बाटाे भएर ४ सयदेखी ५ सयकाे संख्यामा नेपाल भित्रिने गरेकाे छ । किलिंकर ट्रकमा ओभर लाेड भएका कारण त्यसकाे धुलाे बाटाेमा आवतजावत गर्ने सर्वसाधारणलाई खानु परेकाे छ । त्यसका कारण मानिसकाे स्वास्थ्यमा समेत असर परिरहेकाेले बिराेध प्रदर्शन गरिएकाे स्थानियहरुले वताएका छन् ।

ट्रकमा किलिंकर ओभर लाेड भएका कारण बाटाेमा छर्दै जाने गरेकाे स्थानिय लालदेव प्रसाद यादवले वताए । ट्रकबाट उडेकाे किलिंकर बाटाेमा छर्नुकाे साथै घरमा समेत पस्ने गरेकाे उनले वताए । त्यस कारण बाताबरण प्रदुशषण हुनुकाे साथै स्वास्थ्यमा प्रत्यक्ष असर परिरहेकाे उनकाे गुनासाे छ ।

स्थानिय प्रशासनलाई यस बारे ध्यानकार्षण गराउदा पनि कुनै सुनवाई नभए पछि बाध्य भएर बिराेध प्रदर्शनमा उत्रनु परेकाे यादवले वताए । अझै पनि ट्रककाे ओभर लाेड राेकिएन भने अनिश्चितकालिन चक्का जाम गर्ने प्रदर्शनकारीहरुले चेतावनी समेत दिए ।

स्थानियहरुले साेमबार विहान ११ बजेदेखी १२ बजे सम्म एक घण्टा चक्का जाम गरी बिराेध प्रदर्शन गरेका थिए ।