Date
शुक्र, मंसिर ४, २०८३
Fri, November 20, 2026
Home Blog Page 864

किशनकाे उपचारकाे लागि सहयाेग रकम जुट्दै

0
वीरगंज । पर्साकाे पोखरिया नगरपालिका वडा न.६ श्रिसिया निवासी विपन्न परिवारका शम्भु हजरा दुशादको ६ वर्षिय छाेरा किशन कुमार पासवानकाे उपचारकाे लागि सहयाेग रकम जुटन थालेकाे छ ।
 
मृगौलामा समस्या देखिएकाे बालककाे काठमाडौंस्थित कान्ति बाल अस्पतालको बेड नं.१५५ मा उपचार भइरहेकाे छ । गरिब र विपन्न परिवारका ति बालककाे उपचारकाे लागि हाल सम्म कूल रु. ६२ हजार ४ सय २६ सहयाेग रकम संकलन भएकाे पाेखरिया युवा समाजका उपाध्यक्ष दिनेश मिश्राले जानकारी दिए । 
 
उनका अनुसार पोखरिया युवा समाजकाे पहलमा हाल सम्म वीरगंज माइस्थानका अजय सर्राफ ५ हजार, तबरेज देवान ५ हजार, श्रीसियाका परमेश्वर गिरी ५ हजार ४ सय १५, पाेखरियाका राजकिशोर रौनियारले ३ हजार, जस्टीन श्रेष्ठ ३ हजार, आलाेक मिश्रा, पाेखरियाका अमित श्रिवास्तव,  अभास राैनियार, डा. अशाेक राज ठाकुर, बनकटवाका विजय सिंह चौहान २/२ हजार, रामगढवा असलम अंसारी एक हजार ५ सय, मानिपुरका दिलिप पाडेंले एक हजार एक सय, धामु शर्मा एक हजार एक सय, रामनाथ चाैरसिया एक हजार ५१ सहयाेग गरेका छन् ।
 
त्यसैगरी, वीरगंज राधेमाईका दिपेश कार्की, अरुण शुक्ला, राधेश्याम शर्मा, बसन्तपुरका रामनाथ चाैरसिया, बनकटवाका शेषमन पटेल, नारायणी सिमेन्टका बलिराम यादव, बिरन्चीबर्वाका तेजेन्द्र माली, मनिभुषण महताे, प्रदिप राउत, विजय यादव, दिपेश शर्मा जबरा जयराम पटेलले रु एक/एक हजार सहयाेग गरेका छन् ।
 
यस्तै, एक दर्जन भन्दा बढीले पनि रु ५ सय र साे भन्दा कम सहयाेग गरेका छन् । 

ई. चाैरसियाकाे अध्यक्षतामा ५१ सदस्यीय पिन पर्सा गठन

0

वीरगंज । प्राेगेसिभ इन्जिनियरिङ्ग एशाेसिएशन नेपाल (पिन) पर्सा गठन भएकाे छ । ई. बन्टी चाैरसियाकाे अध्यतामा ५१ सदस्यीय पर्सा जिल्ला समिति गठन भएकाे पिन प्रदेश नं. २ का अध्यक्ष ई. सागर कुमार चाैधरीले वताए ।

जुन समितिकाे उपाध्यक्ष ई. अर्जुन सुबेदी, सचिव ई. नविन यादव, सह सचिव ई. आरती चाैधरी, काेषाध्यक्ष ई. रबिभुषन पटेल चयन उनले जानकारी दिए ।

त्यसैगरी, नव गठित समितिकाे सचिवालय सदस्यमा ई. प्रदिप पाैडेल, ई. रबिशेष झा, ई. महमद गुलाम रबानी, ई. सुन्दर यादव, ई. संताेश राय थारु, ई. प्रमाेद यादव, ई. कुन्दन कुमार ठाकुर, ई. दिपरन्जन कुमार चाैरसिया, ई. पंकज सिंह, ई. मनाेज गुप्ता, ई. शिवराज पाैडेल, ई. सदाम हुसेन चयन भएकाे पिनका प्रदेश नं. २ इन्चार्ज ई. रामएकबाल यादवले जानकारी दिए ।

याे नेपाल कम्युनिष्ट पार्टी (नेकपा) निकट इन्जिनियरहरुकाे संगठन हाे ।

जगरनाथपुरमा एक महिलामाथी कुटपिट

0

वीरगंज । पर्साकाे जगरनाथपुर गाउँपालिका वडा नं २ मा घरपालुवा जनावरको बिषयमा भनाभन हुदाँ एक महिलामाथी कुटपिट भएको ७ दिन बितिसक्दा पनि पिडितले न्यायकाे लागि गुहार गरेकी छिन् ।

जानकीटोला वडा नं. ०२ की अन्दजी ४५ बर्षिय महिला कोसीला देविमाथी उनका छिमेकी बिहारी महतो तथा उनका छोरा कबिलास महतोले संयुक्तरुपमा कुटपिट गरेको र पिडीतले एक हप्ता अगाडि जानकीटोला प्रहरी चौकीमा निवेदन दिएकोमा हाल सम्म कुनै सुनुवाई नभएको पिडितको महिलाकाे गुनासाे छ ।

यस सम्बन्धमा जिल्ला प्रहरी कार्यालय पर्साका प्रवक्ता प्रहरी नायब उपरिक्षक मनोजित कुवरले स्थानीय चौकीमा दिएको निवेदनको जानकारी आफु संग नभएको तर पिडितलाई न्यायको लागि पहल गर्ने बताए ।

उनले जति सक्दो छिटो आफुलाई भेट्न पिडितलाई अनुरोध गरे ।

वीरगंज छपकैयास्थित एक प्लाष्टिक गोदाममा आगलागी

0
palastik godawma aglagi

वीरगंज । वीरगंजकाे छपकैयास्थित रहेकाे एक प्लाष्टिक गोदाममा बुधबार सांझ आगलागी भएको छ । कमरुल हसनले सञ्चालन गरेको अर्सद स्केप प्लाष्टिक उद्योगमा आगलागी भएको थियो । आगलागीबाट गोदामको अग्रभागमा रहेको प्लाष्टिकका कबाडहरु जलेर नष्ट भएको छ । 

साँझ ६:३० बजे भएको आगलागी ढेड घण्टापछि नियन्त्रणमा आएको प्रहरीले जनाएकाे छ । आगलगी बीरगन्ज महानगरपालिकाबाट गएको वारुण यन्त्र, सशस्त्र प्रहरी, नेपाल प्रहरी लगायतकाको सहयोगमा नियन्त्रणमा आएकाे थियाे ।

आगलागीबाट भएको क्षतिको विवरण संकलन भइरहेको पर्साका प्रहरी नायब उपरिक्षक मनोजित कुँवरले बताए । आगलागीको कारण पनि हालसम्म खुल्न नसकेको उनले जनाए ।

प्लाष्टिक गोदाममा भएको आगलागीको मुस्लो ३५ फिट माथि सम्म देखिएको र धुँवाका कारण छपकैया आसपासको क्षेत्रमा कालो बादल लागेको स्थानियहरुले बताए । आगलागीका कारण उक्त क्षेत्रका स्थानियहरु केहीबेरका त्रसित समेत भएका थिए । 

वीरगंजकाे पानी उद्योगहरूमा प्रशासनकाे अनुगमन, मयाक्स प्याकिङ उद्योगमा ताला

0

वीरगंज । खाद्य प्रविधि तथा गुण नियन्त्रण कार्यालय र घरेलु तथा साना उद्योग कार्यालय पर्साले संयुक्त रूपमा बुधबार वीरगञ्जमा रहेको पानी उद्योगहरूमा छड्के अनुगमन गरेको छ ।

खाद्य प्रविधि तथा गुण नियन्त्रण कार्यालयका प्रमुख विक्की प्रसादको नेतृत्वमा रहेकाे अनुगमन टोलीले वीरगञ्ज क्षेत्रमा रहेको आधा दर्जनभन्दा बढी पानी उद्योगहरूमा छड्के अनुगमन गरेको हो l अनुगमनकाे क्रममा अधिकांस पानी फ्याक्ट्रीहरु मापदण्ड अनुसार संचालन नरहेको पाइएको छ ।

अधिकांस फ्याक्टरीहरुले पिउने पानीको जार सफा नहेरेको, जार फुटेको, मसिनहरु बिग्रिएको, सफासुग्घर नभएको पाइएपछि अनुगमन टोलीले त्यसलाई सुधार्ने १ महिनाको समय दिएको छ ।

त्यसपछि पनि सुधार गरेको पाइएन भने कानुन अनुसार कारवाही गर्ने अनुगमन टोलीका प्रमुख विकि प्रसादले जानकारी दिए ।

यसैगरी, बीरगञ्ज महानगरपालिका वडा नं १३ मा सञ्चालनमा रहेको मयाक्स प्याकिङ उद्योग कम्पनीले दर्ता बिना नैं पानीको जार बिक्री गरेको पाइएपछि कारवाही स्वरूप उद्योगको सम्पूर्ण कागजात जफतगरी उद्योगमा ताल्चा लगाई जिल्ला प्रशासन कार्यालयमा सम्पर्क गर्न निर्देशन दिइएको छ ।

अनुगमन टोलीले रानीघाटमा रहेको बोलबम पियोर ड्रीकिङ वाटर, निर्जल जल, साई ड्रीङ्किंग वाटर लगायतको पानी फ्याक्टरीहरूमा अनुगमन गरेको हो ।  

अनुगमन टाेलीमा जिल्ला प्रशासन कार्यालयका सहायक प्रमुख जिल्ला अधिकारी भिमकान्त पौडेल, घरेलु तथा साना उद्योग कार्यालयका प्रतिनिधी सुदर्शन आचार्य, जिल्ला प्रहरी कार्यालयका प्रहरी नायब निरीक्षक उपेन्द्र यादव लगायतको सहभागिता रहेकाे थियाे ।

धाेबिनी गापाकाे हरिहपुरमा प्राथमिक स्वास्थ्य केन्द्रकाे शिलान्यास

0

लंगडी । पर्साकाे धाेबिनी गाउँपालिका वडा नं. ३ हरिहरपुरमा बुधबार प्राथमिक स्वास्थ्य केन्द्रकाे भवन निर्माणकाे लागि एक कार्यक्रमकाे बिच शिलान्यास गरिएकाे छ ।

गाउँपालिकाकाे रु २५ लाखकाे लागतमा निर्माण हुने स्वास्थ्य केन्द्र भवनकाे शिलान्यास वडाध्यक्ष राजकिशाेर प्रसाद कुर्मीले गरेका थिए । भवन निर्माणकाे शिलान्यास गर्दै वडाध्यक्ष पटेलले ठेक्दार कम्पनीलाई समय मै निर्माण कार्य सम्पन्न गर्न निर्देशन समेत दिए ।

स्वास्थ्य केन्द्रकाे भवन निर्माण गर्ने जिम्मा नितु कन्ट्रक्सन भिखमपुरले लिएकाे छ । एक तल्ले भवनकाे निर्माण कार्य सम्झाैता मितिदेखी ५ महिना भित्र सम्पन्न गर्नु पर्ने छ । स्वास्थ्य केन्द्रकाे ४ वटा काेठा र २ वटा हल भएकाे एक तल्ले भवन निर्माण हुने वताइएकाे छ ।

शिलान्यास कार्यक्रममा नेपाली कांग्रेसका बुथ सभापति बासदेव तिवारी, स्थानिय नेता धुरुप साह, नन्दु राउत कुर्मी, भिम साह, मखबुल मियाँ, राजेश पटेल, ठेक्दार कम्पनीका संचालक रामु प्रसाद कुर्मी लगायतकाे उपस्थिती रहेकाे थियाे ।

तेस्राे पर्सागढी गाेल्ड कप : युनाइटेड क्लब वीरगंज फाइनलमा प्रवेश

0
united club brj bijai

पर्सागढी । बागमती युवा क्लब सर्लाहीलाई हराउदै युनाइटेड क्लब वीरगंज तेस्रो पर्सागढी गोल्ड कपको फाइनलमा प्रवेश गरेको छ ।

पर्सागढीी नगरपालिकाकाे सहयाेग र आमोदेवी युवा स्पोट्स क्लवको आयोजनामा पर्साको बढनिहारमा जारी गाेल्ड कपकाे बुधबारकाे पहिलो सेमीफाइनल खेलमा सर्लाहीलाई ट्राईब्रेकरमा हराउदै वीरगंज फाइनलमा पुगेको हो । निकै प्रतिस्पर्धात्मक रहेको खेलको निर्धारित ८० मिनेटमा पनि दुबै टिमले कुनै गोल गर्न नसकेपछि खेल ट्राईब्रेकरमा धकेलियको थियो ।

बागमती क्लब सर्लाहीबाट प्रहार गरिएको बल बीरगंज युनाइटेडका गोल रक्षक दिलमनि चौधरीले रोकेपछि युनाइटेड क्लब बीरगंज विजयी बनेको थियाे । खेलको म्यान अफ दि म्याच वीरगंजका गोल रक्षक दिलमनी चौधरी भए ।

उनलाई आयोजक आमोदेबि युवा स्पोर्ट्स क्लबका अध्यक्ष शम्भु दास थारुले नगद सहित सम्मान गरेका थिए ।

फाइनल प्रवेशका लागी भोलि आयोजक आमोदेबि युवा स्पोर्ट्स क्लब बढनिहार र फ्युजन फुटबल क्लब गाइघाट उदयपुर बीच प्रतिष्पर्धा हुने छ ।

कर्मचारीलाई काम गर्न नदिने कालिकामाईमा गैर कर्मचारीबाट सेवा प्रवाह

0

वीरगंज । पर्साकाे कालिकामाई गाउँपालिकामा गैर कर्मचारीबाट सेवा प्रवाह भइरहेकाे पाइएकाे छ । गाउँपालिकाकाे सेवा इकाईबाट प्रवाह हुने व्यक्तिगत घटना दर्ता अनलाइन अपडेट गर्ने काम गैर कर्मचारीले गरिरहेकाे फेला परेकाे हाे । 

एमआइएस अपरेटरले गर्नु पर्ने काम जनप्रतिनिधिकाे माैखिक न्युक्तिकाे आधारमा पर्साकाे पकहा मैनपुर गाउँपालिका वडा नं. २ सुर्जाहाका सुनिल पटेल भनिने बृजनन्दन पटेलले गरिरहेका छन् । कर्मचारी स्राेतका अनुसार गाउँपालिकाकाे जनप्रतिनिधि मध्येका एक वडाध्यक्षले उनलाई माैखिक न्युक्ति दिएका छन् ।

राष्ट्रिय परिचय पत्र तथा पञ्जीकरण विभागकाे निर्देशन नमानेका गाउँपालिकाले सेवा प्रवाहकाे लागि मनपरी तरिकाले गैर कर्मचारीकाे प्रयाेग गरेकाे छ ।

विभागले दिएकाे एमआइएस अपरेटर र फिल्ड सहायककाे म्याद थप गर्नु पर्ने निर्देशनकाे पालना नगरेकाे गाउँपालिकाले सेवा प्रवाहकाे लागि गैर कर्मचारीकाे प्रयाेग गरेकाे हाे । यसले विभागकाे निर्देशनपछि उच्च अदालतले गरेकाे आदेशकाे पनि अवहेलना भएकाे छ ।

उच्च अदालत जनकपुर अस्थाई इजलाश वीरगंजले एमआइएस अपरेटर लक्ष्मण साहलाई हाजिर गराई काम गर्न दिन माघ १९ गते गाउँपालिकाकाे नाममा अन्तरिम आदेश समेत जारी गरेकाे थियाे । साे आदेश अनुसार माघ २६ गतेदेखी गाउँपालिकाले एमआइएस अपरेटर साहलाई छुट्टै रजिस्टरमा हाजिरी गर्न दिए पनि काम गर्न दिएकाे छैन् । 

तर एमआइएस अपरेटरले गर्नु पर्ने काम गैर कर्मचारीबाट गाउँपालिकाले गराइरहेकाे फेला पर्दा गाउँवासी अच्चमित भएका छन् ।

एमआइएस अपरेटरले गर्नु पर्ने काम गरिरहेकाे सुनिलले आफुलाई गाउँपालिकाले भनेकाे आधारमा काम गरिरहेकाे वताए । उनले आफुले एक महिनादेखी गाउँपालिकामा काम गरिरहेकाे वताए । 

उनले आफुलाई गाउँपालिकाले न्युक्ति नदिए पनि भनेकाे आधारमा काम गरिरहेकाे स्विकार समेत गरे । उनले सहायक कम्प्युटर अपरेटरमा पदमा काम गरिरहेकाे वताए ।

तर गाउँपालिकाकाे सूचना अधिकारी अमित चाैरसियाले उनीसंग दैनिक ज्यालादारीमा गाउँपालिकाले काम गराएकाे वताए ।  अधिकारी चाैरसियाले भने “३/४ दिनदेखी व्यक्तिगत घटना दर्ताकाे काम राेकिएपछि ५ दिनकाे लागि उनलाई दैनिक ज्यालादारी नियुक्त गरि काम गराइएकाे हाे ।”

वीरगंज, पर्सागढीका मेयर र प्रजिअ तामाङले लगाए कोरोना खोप

0

वीरगंज । वीरगन्ज महा नगरपालिकाका मेयर विजय कुमार सरावगीले कोरोना भाईरस विरुद्धको खोप लगाएका छन् । नारायणी अस्पतालमा स्थापना गरिएको कोरोना खोप केन्द्रमा मंगलबार पुगेर मेयर सरावगीले कोरोना विरुद्धको खोप लगाएका हुन् ।

त्यसैगरि पर्सागढी नगरपालिकाका मेयर लोकनारायण यादवले पनि कोरोना बिरुद्धको पहिलो चरणको खोप लगाएका हुन । प्राथमिक स्वास्थ्य केन्द्र वागेश्वरी तित्रौनामा पुगी मेयर यादवले कोरोना बिरुद्धको खोप लिएका हुन ।

त्यसैगरि पर्साका प्रमुख जिल्ला अधिकारी आस्मान तामाङ्गले कोरोना बिरुद्धको खोप लगाएका छन् ।