Date
शुक्र, मंसिर ४, २०८३
Fri, November 20, 2026
Home Blog Page 863

पकाहामैनपुरमा संसारी माई मन्दिरको शिलान्यास

0

वीरगंज । पर्साको पाकहा मैनपुर गाउँपलिकामा वार्ड नं ४ खेश्रहास्थित संसारी माई मन्दिर निर्माणको लागि एक कार्यक्रमको बिच शुक्रबार शिलान्यास गरिएको छ ।

कार्यक्रमका प्रमुख अतिथि विघठित प्रतिनिधी सभा सदस्य लक्ष्मण लाल कर्णले् बिधवत रुपमा पुजापाठ गरि मन्दिरको शिलान्यास गरेका थिए । प्रदेश सरकारको उद्योग, पर्यटन, वन तथा वातावरण मन्त्रालयको रु १५ लाखको लागतमा मन्दिर निर्माण हुन लागेको हो ।

जनता समाजवादी पार्टी पकहा मैनपुर गाउँपालिका अध्यक्ष रामबाबु प्रसाद चौरसियाको अध्यक्षतामा भएको शिलान्यास कार्यक्रममा प्रदेश सांसद प्रहलाद गिरी, जसपा केन्द्रिय रामचन्द्र पण्डित, शिवजी सोनी, पर्सा जिल्ला अधयक्ष जगदिश पटेल, जिल्ला सचिव राजेश साह, पकहा मैनपुर गाउँपालिकाकी उपाध्यक्ष कुशमी देवी, जसपा गाउँपालिका अध्यक्ष बिनोद मेहता, वडाध्यक्ष ढेरी प्रसाद यादव लगायतकाले मन्तव्य राखेका थिए भने कार्यक्रमको संचालन नवलकिसोर पटेलले गरेका थिए ।

प्रजातन्त्र दिवसकाे अवसरमा वीरगंजमा दिप प्रजवलन

0

वीरगंज । नेपाल विद्यार्थी (नेवि) संघ पर्साले ७१ औँ प्रजातन्त्र दिवशकाे अवसरमा शुक्रबार दिप प्रजवलन गरेकाे छ ।

वीरगंजस्थित ठाकुर राम बहुमुखी क्याम्पसकाे मुल गेट अगाडी  भएको कार्यक्रममा वाेल्दै नेपाली काङ्ग्रेस पर्साकी सह सचिव किरण सरकारले वर्तमान सरकारले गरेको सांसद बिघटनकाे घोर आपत्ति जनाइन ।

उनले भनिन “प्रजातन्त्रकाे समाप्ति गर्ने योजना रहेको छ, त्यही याेजना अनुसार संसद विघटन गरिएकाे हाे । नेपाली काङ्ग्रेसका मेरुदण्ड नेवि संघ हो र प्रजातन्त्रकाे रक्षाकाे लागि फेरी आन्दाेलन गर्नु पर्ने सम्भावना रहेकाेले तयार रहनु पर्छ ।”

जिल्ला सदस्य वैकुण्ठ श्रीवास्तवले बिरशहिद कै कारण प्रजातंत्र आएको वताउदै यसलाई खतम पर्ने खेल भइरहेकाे हुँदा हामीले बचाउनको लागि सडक संघर्षमा  जानु पर्ने वताए ।

नेवि संघ पर्साका उपसभापति जितेन्द्र मिश्राकाे अध्यक्षतमा भएकाे दिप प्रजवलन  कार्यक्रममा नेवि संघ पर्साका सह सचिव इन्द्रसान यादव, राजकिशोर राज भर, पर्सागढीका अध्यक्ष मञ्जिव मिश्रा, बिधार्थी नेता सुधिर प्रजापति लगायतकाले मन्तब्य राखेका थिए भने कार्यक्रमकाे सञ्चालन अर्जुन शाहले गरेका थिए ।

कार्यक्रममा नेवि संघका जिल्ला सदस्य आदित्य साह, अमित सराफ, प्रशान्त कलवार, शुभम सिंह, राजु पटेल, निरज यादव, दीपक पटेल, राजु पटेल, सोनु पटेल लगायतका उपस्थिति रहेको थियो ।

दलित सशक्तिकरण ऐन कार्यान्वयन विषयक अन्तरक्रिया सम्पन्न

0

वीरगंज । प्रदेश २ सरकारले पारित गरेको दलित सशक्तिकरण ऐन कार्यान्वयनका अवस्था, चुनौती र अवसर विषयक जिल्लास्तरिय अन्तरक्रिया कार्यक्रम शुक्रबार वीरगञ्जमा सम्पन्न भएको छ ।

कार्यक्रमलाई सम्बोधन गर्दै प्रदेश सभा सदस्य प्रहलाद गिरीले समाजबाट थर बहिष्कार अभियान चलाउनु पर्ने धारणा राखे । थरकै कारण मानिसहरुमा विभेदीकरणको मनोभाव उत्पन्न हुने भएकाले थर बहिष्कार अभियान सञ्चालन गरी समानताको बाटोतर्फ अग्रसर हुनुपर्ने उनकाे भनाई थियाे ।

दलित सरोकार मञ्च कञ्चनरुप नगरपालिका सप्तरीको आयोजना र राष्ट्रिय दलित पत्रकार संघ पर्साको समन्वयमा अन्तरक्रिया कार्यक्रम सम्पन्न भएको हो ।

प्रदेश सरकारले ऐन पारित गरेको १४ महिना भइसकेपछि बिहिवार बल्ल दलित विकास समितिमा पदाधिकारी नियुक्त गरेको छ ।

ऐन बनेपनि कार्यन्वयन नहुँदा दलित समुदायको उत्थान र उन्नती नभएको र पाउनुपर्ने सेवा तथा सुविधाबाट बञ्चित भएको भन्दै कार्यन्वयन गराउन दबाबस्वरुप प्रदेश २ का आठवटै जिल्लाहरुमा गर्ने कार्यक्रम अन्तर्गत पर्साकाे वीरगंजमा अन्तरक्रिया कार्यक्रमको आयोजना गरिएको मञ्चका अध्यक्ष भोला पासवानले वताए ।

अध्यक्ष पासवानकै सभापतित्वमा भएकाे अन्तरक्रिया कार्यक्रममा उपेक्षित दलित बर्ग विकास समितिका पूर्व निर्देशक अशाेक राउत, कानुन व्यावसायी प्रेमशंकर हजारी, नेपाल दलित संघ पर्साका अध्यक्ष बुनेल राम, दलित महिला संघ पर्साकी अध्यक्ष निला राम, नेपाल पत्रकार महासंघ पर्साका सचिव युवराज खड्का, राष्ट्रिय दलित पत्रकार संघ पर्साका अध्यक्ष श्याम पासवान, दलित अगुवा रबीभुषण राम, धिरज पासवान, शम्भु पासवान लगायतको उपस्थिती रहेको थियो ।

कार्यक्रमको सहजिकरण दलित अगुवा एवम् प्रेस संघठन नेपालका केन्द्रिय सदस्य बृजलाल पासवानले गरेका थिए भने कार्यक्रममा सहभागी संचारकर्मी विजय भण्डारी, कृष्ण उदास खनाल, मनाेज पटेल, राघव साह, आशिक अन्सारी, रामजी राम लगायतकाले पनि आ आफ्नाे सुझाव सहितकाे भनाई राखेका थिए । 

पर्साकाे ३२ वटा वडामा नेपाली कांग्रेसकाे पार्टी कार्यालय संचालन

0

वीरगंज । पर्साकाे निर्वाचन क्षेत्र नं. ४ अन्तर्गतका ३२ वटै वडामा आजदेखी नेपाली कांग्रेसकाे वडा कार्यालय संचालनमा आएकाे छ ।

प्रजातन्त्र दिवसकाे अवसरमा क्षेत्र अन्तर्गतका कालिकामाई, धाेबिनी, छिपहरमाई, जगरनाथपुर, जिराभवानी, ठाेरी गाउँपालिकाकाे वडाहरुमा नेपाली कांग्रेसकाे पार्टी कार्याल संचालनमा आएकाे क्षेत्रिय सचिव श्रीकान्त यादवले वताए ।

कालिकामाई गाउँपालिका वडा नं. १ काे मुडलीमा संचालनमा आएकाे पार्टी कार्यालयकाे उद्घाटन गाउँपालिका संयाेजक राजिन्द्र कुमार कुर्मीले गरेका थिए ।

त्यसैगरी, कालिकामाई गाउँपालिकाकाे वडा नं. २ काे भेडिहारी, वडा नं. ३ काे हरिहरपुर, वडा नं. ४ काे बलुवा र वडा नं. ५ काे बिरन्चीबर्वामा पार्टी कार्यालय संचालनमा आएकाे छठु साहले जानकारी गराए ।

त्यसैगरी धाेबिनी गाउँपालिकाकाे अन्तर्गतकाे ५ वटै वडामा संचालनमा आएकाे पार्टी कार्यालयकाे उद्घाट महासमिति सदस्य बशिष्ठनारायण कुर्मीले गरेका थिए । वडा नं. १ काे पिपरा, वडा नं. २ काे आसवारी, वडा नं.  ३ काे हरिहरपुर, वडा नं. ४ काे लङगड र वडा नं. ५ काे धोबिनिमा पार्टीकाे वडा कार्यालय संचालनमा आएकाे क्षेत्रिय सचिव बलिष्टर अहमदले जानकारी दिए ।

त्यसैगरी, छिपहरमाई गाउँपालिकाकाे वडा नं. १ मिर्जापुरमा संचालनमा आएकाे वडा कार्यालयकाे उद्घाटन क्षेत्रिय सभापति रमेश पाण्डेले गरेका थिए ।

वडा नं. ५ भिस्वामा संचालनमा आएकाे पार्टी कार्यालयकाे उद्घाटन जिल्ला सचिव किशाेरी साहले गरेका थिए । 

वडा समितिका सभापति धुरेन्द्र साहकाे सभापतित्वमा भएकाे पार्टी कार्यालय उद्घाटन कार्यक्रममा महासमिति सदस्य बिरेन्द्र यादव, क्षेत्रिय सभापति रमेश पाण्डे, जिल्ला सदस्य रामेश्वर महताे, बिरेन्द्र महताे, सुरेश कुशवाहा, उदेश पटेल, बिरेन्द्र पटेल, किशाेर जयसवाल, जयमंगल प्रसाद कुशवाहा, सागर मियाँ, मुक्ति पसवान, सुरेन्द्र जयसवाल, उमेश पटेल, विश्वनाथ साह लगायतकाे उपस्थिती रहेकाे थियाे ।

त्यसैगरी, जगरनाथपुर गाउँपालिकामा संचालनमा आएकाे वडा कार्यालयकाे उद्घाटन महासमिति सदस्य रामदेव चाैहान, जिराभावानी गाउँपालिका अन्तर्गतका पार्टी कार्यालयकाे उद्घाटन प्रदेश सभा सदस्य शंकर चाैधरी र ठाेरी गाउँपालिका अन्तर्गतकाे पार्टीकाे वडा कार्यालयकाे उद्घाटन महासमिति सदस्य बृहस्तपी श्रेष्ठले गर्नु भएकाे क्षेत्रिय सचिव यादवले जानकारी दिए ।

अनुगमन नहुदा चिरानहरुमा बिना चाटा लागेको काठ फेला पर्दै

0

पर्सा । जिल्ला वन डिभिजन कार्यालय पर्साबाट अनुगमन नहुदा चिरानहरुमा बिना चाटा लागेको काठ ब्यापक रुपमा पाइएको छ ।

जिल्ला वन कार्यालको मिलोमतोमा काठका गोलाईहरु बिना खरिद पुर्जीको वीरगंजको बिभिन्न चिरानहरुमा आउने गरेको स्राेतले जनाएको छ । विन्दवासिनी साझेदारी वन ब्यवस्थापन समितीका संयोजक रिजवान मियाँ र प्रस्तावित गादीमाई साझेदारी वन ब्यवस्थापन समितीका सह संयोजक सहरुम राउत गद्दीका अनुसार अनुगमनलाई तिब्रता दिइयो भने वनबाट हुने काठको चोरीपैठारी रोकिन सकिन्छ ।

पर्सा जिल्ला लगायत बाराका केही भागमा पनि वनजंगलबाट कच्चा काठ कटानी गरी साईकल, मोटरसाईकल तथा अन्य सवारीसाधनमा लुकाईछुपाई जिल्लाका बिभिन्न चिरान मिलहरु लगायत वीरगंजका चिरानहरुमा पनि काठका गोलाई पुग्ने गरेको स्थानियहरु बताएका छन् ।

वन कर्मचारी र प्रहरीप्रशाससनको मिलोमतोमा काठको तस्करीमा बृद्धि भई सदरमुकाम सम्म पुग्ने गरेको प्रत्यक्षदर्शीहरु बताएका छन् ।

संघिय प्रेस फोरमकाे बैठक सम्पन्न

0

वीरगंज । संघिय प्रेस फोरम जिल्ला कार्य समिति पर्साको पदाधिकारी बैठक बुधबार सांझ बीरगंजमा सम्पन्न भएको छ ।

बैठकले प्रेस फोरमका जिल्ला अध्यक्ष आरके पटेलको नेतृत्वमा नेपाल पत्रकार महासंघ पर्साको आगामी चुनावमा सहभागी हुने निर्णय गरेको छ । बैठकले महासंघ पर्साको आगामी चुनावका लागी प्रेस फोरमका वरिष्ठ पत्रकार अनिल तिवारीको अध्यक्षतामा ५ सदस्सयीय समन्वय तथा वर्ता समिति गठन गर्ने निर्णय समेत गरेको छ ।

सो समितिले चुनावमा आफ्नो उमेदवारहरुलाई भारी मतले विजयी बनाउन अन्य पत्रकार संस्थाहरुसँग समन्वय गर्ने अध्यक्ष पटेलले वताए ।

प्रेस फोरमका जिल्ला अध्यक्ष पटेलको अध्यक्षतामा बसेको उक्त बैठकमा विघटीत प्रतिनिधि सभा सदस्य प्रदिप यादव, जसपाका जिल्ला अध्यक्ष रामनरेश यादव, जसपा जिल्ला सचिव तवरेज अहमद, प्रेस फोरमका वरिष्ठ जिल्ला उपाध्यक्ष श्याम कुशवाहा, सचिव निखिल वर्णवाल, राम कुशवाहा, वरिष्ठ पत्रकारद्वोय अनिल तिवारी, ध्रुव साह, चन्द्रभुषण साह, जसपा नगर अध्यक्ष ईश्वर यादव, पत्रकार एस.एम जहाँगस्त, नरेश सर्राफ, अमित अग्रवाल लगायतको उपस्थिति रहेको थियाे ।

मन्त्री साहद्वारा सडक उद्घाटन र पुलकाे शिलान्यास

0
राैतहट । शहरी बिकास मन्त्री प्रभु साहले बिहिबार बाल्चनपुर – जंगलसैया सडक र परसवा-पल्टुवा-खत्वैया सडकको समुद्घाटन तथा गुजरा नदी पुलको शिलान्यास गरेका छन् । 
 
साे अवसरमा बाेल्दै मन्त्री साहले आफैले शिलान्यास गरेको सडक उद्घाटन गर्न पाउँदा खुशी लागेको वताए । उनले भने “लामो समयदेखि सास्ती झेल्दै आएका गुजरावासीले सडक पूर्वाधार मात्र पाएको छैन, राष्ट्रिय राजमार्गमा जोडिने अवसरसमेत प्राप्त गरेका छन् ।”
 
नेकपा प्रदेश नं. २ का अध्यक्ष समेत रहेका  मन्त्री साहले गुजरासहित आसपासको क्षेत्रको आर्थिक कनेक्टिभिटीलाई झनै बलियो बनाउने निश्चित भएकाे वताए ।
 
गुजरा नदीको पुल शिलान्यास गर्दै उनले समय मै निर्माण कार्य सम्पन्न गराउन गुजरावासीले निर्माण पक्षलाई दबाबसहितको सहयोग गर्ने विश्वास समेत व्यक्त गरे ।
 
साे अवसरमा कटहरिया नगरपालिकाका मेयर सियाराम कुशवाहा, माैलापुर नगरपालिकाकी मेयर रिना साह लगायतकाे उपस्थिती रहेकाे थियाे ।

सीमा नाका खाेल्न माग गर्दै नेपाली कांग्रेस पर्साद्वारा गृहमन्त्रीलाई ज्ञापन

0

बीरगन्ज । सीमा नाका खाेल्न माग गर्दै बिहिबार नेपाली कांग्रेसले जिल्ला प्रशासन कार्यालयमार्फत गृहमन्त्रीलाई ज्ञापन पत्र बुझाएकाे छ । गत ११ महिनादेखि बन्द रहेकाे सीमानाका खाेल्न आग्रह गर्दै नेपाली कांग्रेसले प्रमुख जिल्ला अधिकारी अस्मान तामाङलाई ज्ञापन पत्र बुझाएकाे हाे ।

नेपाल सरकारले कोभिड १९ महामारीको अवस्थामा बन्द गरेको सीमानाकाहरुलाई खोली सहज रुपमा आवत जावतलाई व्यवस्थित गर्ने निर्णय गरिसकेकाे भएपनि बीरगन्ज – रक्सौल (भारत) लगायत यस जिल्लाका अन्य सीमानाकाहरुमा हाल सम्म पनि सहज सवारी साधन सञ्चालन नभएको हुँदा यस भेगका उद्योगी – व्यवसायी, पर्यटक एवंम् सर्वसाधारण जनताको समेत दैनिकी काम काज एवंम् आवत जावत गर्न सास्ती व्यहेर्नु परेको प्रति नेपाली काँग्रेस पर्साकाे गम्भीर ध्यानाकर्षण भएको जनाएको छ ।

नेपाल भारत सीमाकाे प्रमूख नाका रूपमा रहेको औद्योगिक नगरी वीरगन्ज र यस भेगका आम जनताको भारतसंग रोटीबेटीको सम्बन्ध देखि उद्योग, व्यवसाय, शिक्षा ,स्वास्थ्य, पर्यटन लगायत दैनिक काम काजको लागि समेत सीमा नाकाबाट सवारी साधन आवत जावत सहज हुनु अति नै आश्यक रहेकाले ज्ञापन पत्रमार्फत गृह मन्त्रालयकाे ध्यानाकर्षण गराइएको नेपाली कांग्रेस पर्साका सचिव श्याम पटेलले वताए ।

नेपाली कांग्रेसले ज्ञापन पत्र मार्फत सीमानाका अबिलम्ब नखाेलिए बाध्य भएर थप आन्दोलनको कार्यक्रम गर्न सक्ने चेतावनी समेत दिएको छ ।

नेपाली कांग्रेस पर्सा अध्यक्षका अजय कुमार द्विवेदीको नेतृत्वमा उपसभापति बिना गुप्ता, सचिव किशाेरी साह, बीरगन्ज महानगरपालिकाकी उप-मेयर शान्ति कार्की, पर्सागढी नगरपालिकाका मेयर लाेकनारायण यादव लगायतकाले ज्ञापन पत्र बुझाउन जिल्ला प्रशासन कार्यालय पुगेका थिए ।

ठाकुर राम क्याम्पस प्रमुखकाे कार्यकक्षमा नेवि संघद्वारा तालबन्दी

0

वीरगञ्ज । नेपाल विद्यार्थी (नेवि) संघ ठाकुराम क्याम्पस एकाई समितिले बिहिबार ठाकुर राम बहुमुखी क्याम्पस प्रमुखको कार्यकक्षमा तालाबन्दी गरेको छ । 

क्याम्पस भित्रका सबै बेथितिहरुको अन्त्य गर्न, उच्च शिक्षाको गुणस्तर वृद्धि गर्न र प्राज्ञिक मर्यादा कायम गराउनका निम्ति शैक्षिक सवाल र विद्यार्थी हकहितसंग सम्बन्धित महत्वपूर्ण विषयलाई गम्भीर रुपमा लिदै उल्लेखित विगतकै ११ सुत्रिय माग राखी क्याम्पस प्रमखको कार्यकक्षमा तालाबन्दी गरिएकाे नेवि संघका नेता शेष हजाराले वताए । 

संघले शिक्षक कर्मचारीको शिफ्टअन’सारको पारिश्रमिक, दोहोरो नियुक्ति तलब, छात्रवृत्तिको रकम भुक्तानी, छात्रवृत्तिको लागी अन्तर्वाता भइसेको नजिता प्रकाशन, नयाँ सेलेवसअनुसार पुस्तकको व्यवस्थापन लगायतका ११ बुँदे माग राखेर तालाबन्दी गरिएकाे उनले जानकारी दिए ।

नेवि संघसंग कार्तिक २८ गते विभिन्न १४ सुत्रिय मागहरु सम्बोधन गर्ने विषयमा वार्ता भएको थियो । आंशिक शिक्षकहरुको समस्याको समाधान भएपनि अरु मागहरुको वेवास्ता गरिएको भन्दै दबावस्वरुप क्याम्पस प्रमुखको कार्यकक्षमा साङ्केतिक तालाबन्दी गरिएको एकाई कमिटिका अध्यक्ष मनोज कुमार साहद्वारा हस्ताक्षरित विज्ञप्तीमा उल्लेख  छ ।

तालाबन्दी गर्नु अघि निमित क्याम्पस प्रमुख सुरेश कुशवाहालाई संघले ११ बुंदे मागसहितकाे ज्ञापन पत्र बुझाएकाे थियाे ।  

ज्ञापन पत्र मार्फत बाँकी रहेका मागहरु पुरा गर्न तथा क्याम्पस प्रशासनका बेथितीहरु सच्याउन र समस्याहरुको समाधान गर्न  माग पनि गरिएकाे छ । मागहरुको यथाशिघ्र सम्बोधन नभए थप सशक्त रुपमा आन्दोलन गर्ने संघले चेतावनी समेत दिएको छ ।