[real3dflipbook id=”27″]
ठोरीमा खाजाघरमा आगलगी, ११ लाखकाे क्षति
जिराभवनी । पर्साकाे ठोरी गाउँपालिका वडा नं. २ गौतमनगरको चोक बजारमा रहेको नम्रता खाजा घरमा मंगलबार विहान आगलगी भएकाे छ । विहान ३ बजे एक्कासी भएकाे आगलगीमा खाजाघर पुर्णरुपले जलेर नष्ट भएको हाे ।
आगोलागीबाट खाजा घरभित्र रहेको भौतिक सामग्री, महत्त्वपूर्ण कागजात, विभिन्न किसिमका खाद्यान्न सामग्री जली नष्ट भएकाे पिडितले जनाएका छन् । घरमा आगो दन्किएपछि छिमेकीले थाहा पाएर होहल्ला गरेका थिए । त्यसपछि आगलागी भएको थाहा पाएर जम्मा भएका स्थानीयबासीहरु, नेपाल प्रहरी र सशस्त्र प्रहरीको सहयोगमा आगो नियन्त्रणमा लिएका थिए ।
आगलागीबाट अन्दाजी ११ लाख बराबरको क्षति भएको इलाका प्रहरी कार्यालय ठोरीले जनाएकाे छ । आगलागीको कारण भने अहिलेसम्म पत्ता लागिनसकेको प्रहरी कार्यालयले जनाएकाे छ । आगलागीबाट खाजाघर नजिकै रहेको २ ओटा घुम्ती पसलमा समेत क्षति पुगेको छ ।
धर्मनिरपेक्षता कसैले समाप्त गर्न सक्दैन : डा. ठाकुर
बारा । नेपाल कम्युनिस्ट पार्टी (नेकपा) प्रचण्ड-नेपाल निकटकाे मुस्लिम संगठन नेपाल बाराले मंगबार कलैयामा बिरोध सभा गरेकाे छ । नेपाल कम्युनिस्ट पार्टी केन्द्रिय कार्यलयकाे फागुन २ गते पुर्ब निधारित कार्यक्रम अनुसार प्रतिगमन विरुद्ध बिरोध कार्यक्रम गरेकाे हाे ।
जिल्ला पार्टी कार्यलय बाराबाट निस्केको बिराेध जुलुस गुप्ता पेट्रोल पम्प, भरत चौक, राजदेबी मंदिर हुँदै पुन: जिल्ला पार्टी कार्यलयमा पुगि बिरोध सभामा परिणत भएकाे थियाे ।
नेकपाका केन्द्रिय सदस्य तथा बारा जिल्ला सह-इन्चार्ज डाक्टर गोपाल ठाकुरले धर्मनिरपेक्षता कसैले समाप्त गर्न नसक्ने वताए । उनले भने “आफै धर्मनिरक्षेपता आएकाे हाेइन, नेपालको जन आन्दोलनबाट आएको हो, बैलगाडा चढने केपि ओलीले दिएको हाेइन त्यही कसैले समाप्त गर्न सक्दैन ।”
अर्का केन्द्रिय सदस्य तथा वीरगंज महानगर इन्चार्ज दिनेश राईले नङ र मासु जस्तै मुस्लिमसंग नेपालकाे सम्बन्ध रहेकाे वताए । उनले भने “माछा र पानी, जमिन र बीउको सम्बन्ध जसरी हुन्छ त्यसरी नै मुस्लिम संगठन नेपालको सम्बन्ध रहेको छ ।”
मुस्लिम संगठन नेपाल बाराका अध्यक्ष आबिद हुसैंन अंसारिकाे अध्यक्षतामा भएकाे बिराेधकाे कार्यक्रममा बारा जिल्ला अध्यक्ष क्षेत्र बहादुर श्रेष्ठ, प्रदेश सभा सदस्य सुन्दर बिश्वकर्मा, सीता गुरुङ, प्रदेश कमिटी सदस्य राजन पौडेल, संविधान सभा सदस्य शिव चन्द्र कुश्वाहा, महम्मद समिउल्लाह, हसनजान अंसारी, राज खान, अबुलेस अंसारी लगायतकाले मन्तव्य राखेका थिए भने कार्यक्रमकाे संचालन मुस्लिम संगठन नेपाल प्रदेश कमिटी सदस्य इमरान आलम गरेका थिए।
विद्यालय सुधार योजना विषयगत तालिम सम्पन्न
वीरगंज । विद्यालय सुधार योजना विषयगत ३ दिने तालिम मंगलबार वीरगंजमा सम्पन्न भएको छ । भिएसो नेपाल र दिव्य युवा क्लबको साझेदारीमा संचालित किशोरी सशक्तिकरणको लागि शैक्षिक कार्यक्रम अन्तर्गत संचालित तालिम सम्पन्न भएकाे हाे ।
वीरगंजस्थित भिस्वा होटलमा सुरु भएको तालिममा विद्यालय सुधार योजनालाई व्यवस्थित र प्रभावकारी ढंगले तयार गर्नुको साथै कार्यन्वयमा लग्न प्रशिक्षण दिइएकाे थियाे ।
यसका साथै विद्यालयमा भएको समस्या र चुनौतीलाई कसरी विद्यालय योजनामा समावेश गरी समाधान गर्न सकिने उपायको बारेमा पनि छलफल गरिएकाे परियोजना संयोजक गणेश ठकुरीले वताए ।
तालिममा परियोजना संचालन रहेको क्षेत्रको ११ वटा विद्यालयका प्रधानाध्यापक र विद्यालय व्यवस्थापन समितिका अध्यक्षहरु, जगरनाथपुर गाउँपालिका र धाेबिनी गाउँपालिका शिक्षा शाखा प्रमुखको सहभागिता रहेको थियाे ।
तालिममा प्रशिक्षक बृजकिशोर पटेल र रामप्रबेश साहले प्रशिक्षण दिएका थिए ।
संसद पुर्नस्थापनाकाे खुशियालीमा वीरगंजमा दीप प्रज्वलन
वीरगंज । सर्वाेच्च अदालतले गरेकाे संसद पुर्नस्थानकाे निर्णयकाे खुशियालीमा वीरगंजमा दीप प्रज्वलन गरिएकाे छ ।
नेकपा प्रचण्ड-माधव समुह निकट राष्ट्रिय युवा संघ र अनेरास्ववियू पर्साकाे आयाेजनामा मंगलबार सांझ वीरगंजकाे घण्टाघरमा दीप प्रज्वलन गरिएकाे हाे ।
दीप प्रज्वलनमा सहभागि नेकपाका नेताहरुले सर्वाेच्च अदालतकाे निर्णय एतिहासिक भएकाे वताउदै संविधानकाे रक्षा भएकाे वताएका छन् ।
साे अवसरमा वाेल्ने वक्ताहरुले सर्वाेच्चकाे संसद पुर्नस्थापनाकाे निर्णयले संघिय लाेकतान्त्रिक गणतन्त्रकाे रक्षा हुनुकाे साथै जनताकाे जित भएकाे वताएका हुन् ।
अनेरास्ववियूका केन्द्रिय सदस्य जुबेर आलमकाे अध्यक्षतमा भएकाे दीप प्रज्वलन कार्यक्रममा प्रदेश किमिटी सदस्य छाेटेलाल यादव, रामदरश कुशवाहा, रामबाबु बैठा, जिल्ला सदस्य प्रभाकर गुप्ता, समिर आलम टुनटुन तिवारी, सुरेन्द्र गुप्ता, युवा संघका केन्द्रिय सदस्य अरुण यादव, अनेरास्ववियूका केन्द्रिय सदस्य शिवम साह, युवा संघका वीरगंज महानगर अध्यक्ष उमेश ठाकुर लगायतकाे सहभागिता रहेकाे थियाे भने कार्यक्रमकाे संचालन युवा संघका नगर इन्चार्ज पिन्टु राैनियारले गरेका थिए ।
सर्वाेच्चकाे संसद पुर्नस्थापनाकाे निर्णयले संविधानकाे रक्षा र जनताकाे जित
वीरगंज । प्रतिनिधि सभा विघटन बदर गर्ने सर्वोच्च अदालतको ऐतिहासिक फैसलाले जनताको जीत भएको नेकपा पर्साले जनाएकाे छ ।
नेकपाका पर्सा जिल्ला इन्चार्ज रामचन्द्र साह र जिल्ला सचिव विजय महताेले संयुक्त रुपमा प्रेस विज्ञप्ती जारी गर्दै सर्वाेच अदालतकाे निर्णयले संविधानकाे रक्षा र जनताकाे जित भएकाे वताएका छन् ।
जारी विज्ञप्तीमा संविधानका प्रावधानलाई मिचेर प्रधानमन्त्री केपी शर्मा ओलीले गरेको प्रतिनिधिसभा विघटन प्रतिगमनकारी थियो । सम्मानित सर्वोच्च अदालतले संवैधानिक अपेक्षा र जनभावना अनुसार अत्यन्तै प्रशंसनीय र ऐतिहासिक फैसला सुनाएर लोकतन्त्रको रक्षा गरेकोमा सर्वोच्च अदालतप्रति आभार व्यक्त गरिएकाे छ ।
साथै विज्ञप्ती मार्फत सम्पूर्ण नेपाली जनता, आन्दोलनमा उत्रेका राजनीतिक दलहरु, नागरिक समाज, पत्रकारलाई हार्दिक धन्यवाद समेत व्यक्त गरिएकाे छ ।
त्यसैगरी, नेकपाका वीरगंज महानगर सचिव मनाेज चाैधरीले सर्वाेचच्च अदालतकाे संसद पुर्नस्थापनाकाे निर्णयले न्यायलय प्रति विश्वास बढेकाे वताएका छन् । उनले कालिका टाईम्ससंग कुरा गर्दै सर्वाेच्च न्यायसंवत निर्णयले संविधानकाे रक्षा र जनताकाे जित भएकाे प्रतिक्रिया दिए ।
बाराकाे दशाैं जिल्ला समन्वय बैठक सम्पन्न
वीरगंज । बाराकाे स्थानिय तहहरुकाे १० औं जिल्ला समन्वय बैठक साेमबार पर्सा राष्ट्रिय निकुंज, आदाभार बारामा सम्पन्न भएकाे छ ।
परवानीपुर गाउँपालिकाकाे आयाेेजनामा भएकाे १० औं समन्वय बैठकले १० वटा निर्णय गर्दै सम्पन्न भएकाे बाराका जिल्ला समन्वय अधिकारी सुनिल चाैरसियाले वताए ।
जिल्ला समन्वय समिति बाराका प्रमुख नवलकिशाेर सिंहकाे अध्यक्षतामा बसेकाे बैठकले सम्बन्धित स्थानिय तहले घरबाटाे प्रमाणित गर्दा बाटाेकाे वास्तविक अवस्था खुलाएर मात्र गर्ने, साविक लिपनी विर्तामा कायम भएका तर भाैगाेलिक हिसाबले हाल परवानीपुर गाउँपालिका वडा नं. ४ का वडाहरु (वडा नं. ७, ८ र ९) परवानीपुुर गाउँपालिकामा कायम गराउन आवश्यक पहल गर्ने, परवानीपुर गाउँपालिका वडा नं. ५ र प्रसाैनी गाउँपालिका वडा नं. ३ बिच सिमा विवाद देखिएकाेले साेकाे निराकरणका लागि नक्सा यकिन गरी छलफल मार्फत समाधान गर्ने निर्णय भएकाे अधिकारी चाैरसियाले जानकारी दिए ।
यस्तै, बैठकले जिल्ला समन्वय समितिले आयाेजना गर्ने नेपाल सरकारद्वारा जारी गरिएकाे स्थानिय तह संस्थागत क्षमता स्वमूल्यांकन सम्बन्धि बैठकमा अनिवार्य सम्पूर्ण पालिकाहरु सहभागि हुने, आगामी बैठकदेखी जिल्ला स्तरका विषयगत कार्यालयका प्रमुखहरु तथा कानुन क्षेत्रमा दक्षता राख्ने वकिल तथा न्यायधिशलाई आमान्त्रण गर्ने, गैर सरकारी संस्था महासंघ नेपाल जिल्ला शाखा बाराद्वारा गरिएकाे अपिल उपर मध्य नजर गरी निति नियमकाे अधिनमा रही कार्यन्वयनकाे लागि आवश्यक पहल गर्ने लगायतकाे निर्णय भएकाे उनले जानकारी गराए ।
जिल्ला समन्वय समिति बाराकाे संयाेजनमा बस्दै आएकाे अगामी जिल्ला समन्वय बैठक प्रत्येक महिनाकाे पहिलाे शनिबार ८ बजे गर्ने र अर्काे महिनाकाे बैठक चैत ७ गते शनिबारकाे दिन कलैया उपमहानगरपालिकामा बस्ने समेत बैठकले निर्णय गरेकाे छ ।
बारागढीमा नियम विपरीत शिक्षिकालाई प्रअको जिम्मेवारी दिइयो
कलैया । बाराको बारागढी–६ हेङ्गौलियास्थित श्री नेपाल राष्ट्रिय आधारभुत विद्यालयमा नियम विपरीत शैक्षिक लाइसेन्सरहित त्यहाँ कार्यरत शिक्षिकालाई निमित्त प्रधानाध्यापकको जिम्मेवारी दिइएको छ ।
गाउँपालिकाले यही फागुन २ गते त्यहाँ पीसीएफ कोटामा कार्यरत शिक्षिका निभा मिश्रालाई गैरकानूनी रुपमा निमित्त प्रअको जिम्मेवारी दिएको हो । गाउँपालिका अन्तर्गतका स्थायी शिक्षकलाई त्यहाँ पठाएर प्रअको जिम्मेवारी दिनुपर्नेमा गाउँपालिका शिक्षा शाखाकी प्रमुख जलमती चौधरीले गापा अध्यक्षको मिलोमतोमा कानून विपरीत शैक्षिक अध्यापनको लाइसेन्सको म्याद सकेको ८ वर्ष वितिसकेका शिक्षिकालाई निमित्त प्रअको जिम्मेवारी दिएकी हुन् ।
चौधरी गापामा कार्यभार सम्हालदेखि नै त्यहाँस्थित विद्यालयहरुको अवस्था भद्रगोल बन्दै गएको छ । चौधरीले आफ्नो मनोमानी रुपमा शिक्षक सरुवा गर्ने, नियुक्ति गर्ने कार्य गरेको कारण हेङ्गौलिया स्कुल मात्र नभई गाउँपालिका अन्तर्गतका अधिकांश स्कुलको अवस्था दयनीय बन्दै गएको हाे ।
व्यवस्थापन समिति विहीन रहेको उक्त स्कुलका तत्कालीन व्यवस्थापन समिति अध्यक्ष सरोज मिश्राले आफ्नो पारिवारिक स्कुल बनाएका छन् । बाराको निजगढस्थित सिंगौल स्कुलमा राहत कोटामा अध्यापन गराउँदै आएका मिश्रा बारागढी–६ हेङ्गौलिया निवासी हुन् ।
उक्त स्कुलमा मिश्राका परिवारका तीन महिला सदस्य काम गर्ने गरेका छन् । स्कुलमा नियुक्तिको विषयलाई लिएर विवाद उत्पन्न भएपछि अध्यक्ष पदलाई राजीनामा दिदै मिश्रा आफ्नो कार्यस्थल सिंगौल स्कुल फर्केका छन्, भने हेङ्गौलियास्थितको स्कुल व्यवस्थापन समिति विहीन बनेको छ ।
अभिभावक विहीन रहेको अवस्थालाई मौका छोप्दै उनका भाउजु निभा मिश्राले उक्त विद्यालयलाई आफ्नो कब्जामा लिने प्रयासमा छिन् ।
पर्सागढीमा गरिब, दलित परिवारलाई खाद्यान्न सामाग्री वितरण
वीरगंज । पर्साकाे पर्सागढी नगरपालिकामा साेमबार खाद्यान्न सामग्री वितरण गरिएकाे छ । गाउँपालिकाकाे वडा नं ५, ६, ७ मा रहेको मुसहर, तात्वा, डोम, परिवारलाई खाद्यान्न सामग्री वितरण गरिएकाे हाे ।
स्ट्रीट चाइल्ड नेपाल र जावास संस्थाको सहयोगमा आस्मान नेपालले खाद्यान्न सामाग्री वितरण गरेकाे वडाध्यक्ष असलम आलमले जानकारी दिए ।
गाउँपालिकाकाे ३ वटा वडा ५२ गरिब, विपन्न परिवारलाई खाद्य सामाग्री संस्थाले वितरण गरेकाे उनले जानकारी दिए ।
संस्थाले प्रति परिवार चामल २५ किलो, नुन ३ किलो, मास दाल ३ किलो, मसुरो दाल २ किलो, खाने तेल ३ किलो, चाना २ किलो खाद्यन्न सामाग्री वितरण गरेकाे थयाे ।
वडाध्यक्ष आलमकाे अध्यक्षता भएकाे खाद्यान्न सामाग्री वितरण कार्यक्रममा पर्सागढी नगरपालिकाकी उप मेयर अर्चना चाैधरी, जवासका शिवनाथ यादव, वडा सदस्य सतिया देवी, योगेन्द्र साह, सैनुलाह मियाँ, लाल बाबु पण्डित, मात्रिक मंडल, रमेश यादव लगायतकाे उपस्थिति रहेको थियो ।












