Date
शुक्र, मंसिर ४, २०८३
Fri, November 20, 2026
Home Blog Page 857

बाल विवाह गर्ने र गराउनेलाई प्रहरीले कारवाही गर्न थाल्याे, दुई जना पक्राउ

0

वीरगञ्ज । पर्सा प्रहरीले बालविवाह गर्ने गराउने कार्यमा संलग्न भएको आरोपमा दुईजनालाई वीरगंजबाट पक्राउ गरेको छ ।

प्रहरीले वीरगञ्ज महानगरपालिका वडा नं. १६ नगवा बस्ने ४६ वर्षीय बुवा र उनका १९ वर्षीय छोरालाई पक्राउ गरेकाे हाे । माघ १९ गते १९ वर्षी युवकको विवाह वीरगञ्ज-१६ लक्ष्मीनारायण टोल बस्ने १७ वर्षीया युवतीसँग भएको थियो ।

उनीहरुविरुद्ध बालविवाह मुद्दामा पर्सा जिल्ला अदालतबाट ७ दिनको म्याद थप गरी अनुसन्धानअघि बढाइएको प्रहरीले जनाएको छ ।

बाल विवाह गरेको सूचना आएपछि प्रहरीले बेहुला र बेहुलाको बुवालाई फागुन १४ गते पक्राउ गरेर बाल विवाह सम्बन्धी कसूरमा मुद्दा चलाएको जिल्ला प्रहरी कार्यालय पर्साका प्रवक्ता एवम् प्रहरी नायब उपरीक्षक ओम प्रकाश खनालले जानकारी दिए ।

बाल विवाह गरेको उजुरी दिने हद म्याद तीन महिनाको हुन्छ, १७ वर्षको केटीसँग बाल विवाह गरेको जानकारी आएपछि उनीहरुलाई पक्राउ गरेर कारबाही प्रक्रिया अघि बढाइएकाे उनले वताए ।

बालविवाहको घटना हुन लागेको वा भएको थाहा भएमा तत्कालै नजिकको प्रहरी कार्यालय वा जिल्ला प्रहरी कार्यालय पर्सामा सूचना उपलब्ध गराउन पनि प्रहरीले अनुरोध गरेको छ ।

मुलुकी अपराध संहिता २०७४ मा विवाह गर्ने व्यक्तिको उमेर २० वर्ष नपुगी कसैले विवाह गर्न वा गराउन नपाउने उल्लेख छ । त्यसरी गरिएको विवाह स्वतः बदर हुन्छ ।

यो कसुर प्रमाणित भए तीन वर्षसम्म कैद र तीस हजार रुपैयाँसम्म जरिमाना हुन्छ ।

पर्साकाे ग्रामीण क्षेत्रमा जथाभावी बिधुतिय धराप राखेका कारण एक जना घम्भिर घाइते

0
kalikatimes

जिराभवानी । पर्सा रास्ट्रीय निकुञ्ज तथा रास्ट्रीय जङ्गलसंग सिमा जोडिएको ठोरी गाउँपालिका, जिराभवानि गाउँपालिका, पटेर्वा सुगौली गाउँपालिका, सखुवा पर्सौनी गाउँपालिकाका स्थानीय किसानहरुले आफ्नो खेती पाती जंगली जनावरबाट बचाउन तथा सिकार गर्नको लागि जथाभावी बिधुतिय धराप राख्ने गरेका छन । जसका कारणले दुर्घटनाको जोखिम पनि बढदै गएको छ ।

जबकि खेत बारिमा जंगली जनावरबाट जोगिनको लागि जिल्ला प्रशासन कार्यालय र बिधुत प्राधिकरणबाट अनुमानि लिई सोको सुचना टास गरि र रेडियोबाट समेत सुचना प्रसारण गरि मात्र बिधुतिय धराप राख्ने प्रावधान रहेको भएपनि पर्सामा अहिलेसम्म कसैले पनि बिधुतिय धराप राख्न अनुपती नलिएको पर्साका प्रमुख जिल्ला अधिकारी आसमान तमाङले जानकारी दिए ।

पर्सा रास्ट्रिय निकुञ्जका प्रमुख संरक्षण अधिकृत मनोज साहले जङ्गलसंग सिमा जोडिएका स्थानीयहरुले जंगली जनावरसंग बच्नको लागि नभई सिकार गर्नको लागि बिधुतिय धराप राख्ने गरेको बताउदै आफुले तत्कालै निकुञ्जसंग सिमा जोडिएका गाउँहरुमा निकुञ्ज प्रशासन र सेना लगाएर अनुगमन गरि बिधुतिय धराप हटाउने बताए ।

यसैबीच बिधुतिय धरापमै परि एक जना युवक गम्भीर घाईते भएका छन । पर्साको जिराभवानी गाउँपालिका वार्ड नम्बर १ शान्ति नगरका स्थानीय जीवन जोशीको मकै बारिमा अबैध तरिकाले लगाइएको बिधुतिय धरापमा परि जिराभवानी गाउँपालिका वार्ड नम्बर दुई काठमाडौ टोलका २८ बर्षिय महादेव मिर्दाहा गम्भीर घाइते भएका हुन् ।

मिर्दाहा गएराती शान्ति टोलमै रहेको स्थानीय खाजा पसलमा खाजा खाएर दिशा गर्न मकै बारिमा जाने क्रममा उनी धराप परेका थिए । बिधुतिय करेन्ट लागेर मिर्दाहा हात खुट्टा र छातिमा गम्भीर असर पुगेको परिवारिक श्रोतले जनाएको छ ।

घाइते मिर्दाहाको वीरगंजस्थित नारायणी ब्योधा अस्पतालमा उपचार भैरहेको पिडितका परिवारजनले जनाएका छन् ।

पिडित मिर्दाहाको दाइले जोशीमाथी कार्वाहीको माग गर्दै ईलाका प्रहरी कार्यालय सेढवामा उजुरी दिएको ईलाका प्रहरी कार्यालय सेढवाका प्रहरी नायब निरीक्षक उपेन्द्र प्रसाद चौधरीले जानकारी दिदै बिधुतिय धराप लगाउने व्यक्ति जोशी फरार रहेकोले खोजी कार्य तीब्र गतिमा भैरहेको बताए ।

स्वच्छता ब्यवस्थापन परियोजनाको समिक्षा बैठक सम्पन्न

0

वीरगंज । आपतकालीन खानेपानी सरसफाइ तथा स्वच्छता ब्यवस्थापन परियोजना कार्यक्रमको शनिबार वीरगंजमा बार्षिक समिक्षा बैठक सप्पन्न भएको छ ।

नेपाल रेडक्रस सोसाइटीको आयोजना तथा इन्टरनेशनल फ्याडरेसन अफ रेडक्रसको आर्थिक एवं प्राबिधिक सहयोगमा रेडक्रस पर्साको सहकार्यमा संचालित कार्यक्रमको समिक्षा बैठक वीरगंजस्थित कुमु प्यालेस होटलमा सम्पन्न भएको हो ।

नेपाल रेडक्रस सोसाइटी पर्सा शाखाका सभापति बिरेन्द्र राज कंडेलको सभापतित्व र रेडक्रस प्रदेश २ का अध्यक्ष फुलमहम्मद मियाँको प्रमुख आतिथ्यतामा भएको बैठकमा क्ष्ँच्ऋ का प्रतिनिधि प्रज्वल आचार्य, रेडक्रसका उपनिर्देशक अमरमनि पौडेल, रेडक्रस पर्साका मन्त्री शैलेन्द्र कुमार चौरसिया, कोषाध्यक्ष महन्थ प्रसाद यादव, कार्यक्रम अधिकृत सुबेक्षा मानन्धर, उमेश मिश्र, लेखाअधिकृत बिरशम्सेर प्रसाद कुर्मी, अजय यादव, आकास चौरसिया, रामाशन्कर चौरसिया लगायतको सहभागीता रहेको थियोे ।

कार्यक्रमको अवधीभरिमा भएको अनुभव, चुनौतिहरुको बारेमा व्यापक छलफल भएको रेडक्रस पर्साका सहायक राजन श्रीवास्तवले जानकारी दिए ।

साथै आउने दिनको लागि समेत कार्यक्रम संचालन गर्दा गर्नु कार्यहरुको निचोड निकाल्न सफल भएको रेडक्रस पर्साका सभापति कंडेलले बताए ।

जगरनाथपुरकाे साेहरीमा नेपाली कांग्रेसको टोल कार्य समिति गठन

0

वीरगंज । पर्साको जगरनाथपुर गाउँपालिका वडा नं. ४ सोहरी, हरपुरमा नेपाली कांग्रेसको टोल कार्य समिति गठन भएको छ ।

बिष्णु पंजियारको सभापतित्वमा १५ सदस्यीय सोहरी हरपुर टोल कार्य समिति गठन भएको नेपाली कांग्रेसका पर्सा क्षेत्र नं. ४ का सचिव श्रीकान्त यादवले जानकारी दिए ।

जुन समितिको उपभसभापति जितन दास, सचिव लक्ष्मी प्रसाद थारु, कोषाध्यक्ष सिताराम दास, सह–सचिव सूर्यलाल प्रसाद चयन भएका छन् ।

नव गठित कार्यसमितिको सदस्यमा रामबाबु प्रसाद यादव, नागेन्द्र यादव, असरफि हजरा, पलट चौधरी, उमेश पंजियार, दिनेश्वर दास, रामराज दास, मोहन साह तेली, इन्द्रासन राय, जोगिन्द्र साह चयन भएका छन् ।

वडा समितिका सभापति राजकृश प्रसाद चौहानको सभापतित्वमा भएको टोल भेलामा महासमिति सदस्य रामदेव प्रसाद चौहान, क्ष्त्रिय सचिव श्रीकान्त यादव, क्षेत्रिय कोषाध्यक्ष दिपेन्द्र प्रसाद चौहान, प्रदेश सभा क्षेत्र नं. ४ (क) का सचिव ह्दयनारायण यादव लगायतको उपस्थिति रहेको थियो ।

प्रचण्ड र माधवले प्रधानमन्त्रीकाे लागि जति प्रयास गरे पनि पाउन सक्दैनन् : मन्त्री प्रभु साह

0
वीरगंज । शहरी विकास मन्त्री प्रभु साहले नेकपा अध्यक्ष प्रचण्ड र माधव नेपालले प्रधानमन्त्री पद पाउनकाे लागि जति प्रयास गरे पनि पाउन नसक्ने वताएका छन् ।
 
पर्साकाे छिपहरमाई गाउँपालिका वडा नं. २ टिहुकी, सेढामा भएकाे गाउँपालिका स्तरिय अगुवा कार्यकर्ता भेला एवम् पार्टी प्रबेश कार्यक्रमलाई सम्बाेधन गर्दै मन्त्री साहले संसद पुन:स्थापनाकाे गर्ने सर्वाेच्च अदालतकाे आदेश पछि नेता प्रचण्ड र माधवले सांसद किनबेचकाे फाेहरी खेलमा लागेकाे आराेप समेत लगाएका हुन् ।
 
नेकपा प्रदेश नं. २ का अध्यक्ष समेत रहेका मन्त्री साहले जनताले नेकपालाई झण्डै दुई तिहाई बहुमत दिए पनि प्रचण्ड र माधवले नै प्रधानमन्त्री ओलीलाई सरकार संचालन गर्न नदिई पार्टी ध्वस्त पारेकाे आराेप लगाए ।
 
उनलेे स्थिरता, सुशासन, समृद्धि र विकासको अभियान सफल पार्न प्रधानमन्त्री ओली नेतृत्वकाे नेकपामा गोलबन्द हुन पनि आज जनसमुदायलाई आग्रह गरेका थिए ।
 
कार्यक्रममा वाेल्ने अन्य वक्ताहरुले जनता आवास लगायतका महत्वपूर्ण विकास निर्माणका कार्यहरुमा प्रदेश सरकारको भूमिका सन्तोषजनक नभएको भन्दै चर्को आलोचना तथा आक्रोश व्यक्त गरेका थिए ।
 
नेकपा छिपहरमाई गाउँपालिका कमिटी अध्यक्ष पहलाद गुप्ताकाे अध्यक्षतामा भएकाे कार्यक्रममा नेकपा पर्सा जिल्ला अध्यक्ष प्रभु हाजरा, संविधान सभा सदस्य राजकुमार गुप्ता, जयपक्राश थारु, प्रधुमन चाैहान, जिल्ला समन्वय समिति पर्साका उप प्रमुख ठाकुर प्रसाद न्याैपाने, पटेर्वा सुगाैली गाउँपालिका अध्यक्ष हरिनारायण चाैधरी, छिपहरमाई गाउँपालिका अध्यक्ष मनाेज कुमार गुप्ता, नेता जाेगिन्द्र साह, बिश्वम्भर शर्मा, बलिराम साह, फुलझरी देवी, अमिताब बचन दास, यसवन्त यादव लगायतकाे सहभागिता रहेकाे थियाे ।
 
वडाध्यक्षसिहत सयाैं जनाद्वारा पार्टी प्रबेश
साेही कार्यक्रममा तत्कालिन संघिय समाजवादी फाेरमबाट निर्वाचित एक वडाध्यक्ष सहित सयाैं जनाले नेकपा ओली समुहमा प्रबेश गरेका थिए । 
छिपहरमाई गाउँपालिका वडा नं. २ का वडाध्यक्ष महेन्द्र साह कलवार, तत्कालिन संघिय समाजवादी फाेरमबाट छिपहरमाई गाउँपालिकाकाे वडा नं. ३ मा वडाध्यक्षमा चुनाव लडेेका अनिल साह, वडा सदस्यका उम्मेदवार नाजिर मियाँ, बिहारी साह कानु लगायतका सयाैंले पार्टी प्रबेश गरेका थिए ।
पार्टी प्रबेश गर्नेहरुलाई नेकपा प्रदेश अध्यक्ष प्रभु साहले अबिरकाे टिका र फुलकाे माला लगाई पार्टीमा स्वागत गरेका थिए ।
 
बर्थिङ्ग सेन्टरकाे मन्त्री साहद्वारा उद्घाटन
छिपहरमाई गाउँपालिकाकाे वडा नं. जयमंगलापुरमा निर्माण भएकाे बर्थिङ्ग सेन्टर भवनकाे शहरी बिकास मन्त्री प्रभु साहले उद्घाटन गरेका थिए ।
गाउँपालिकाकाे तेस्राे बर्थिङ्ग सेन्टरकाे रुपमा जयमंगलापुरमा गाउँपालिकाद्वारा निर्माण गरि बर्थिङ्ग सेन्टर भवनकाे मन्त्री साहले रिबन काटेर उद्घाटन गरेकाे प्रमुख प्रशासकिय अधिकृत देवनाथ साहले जानकारी दिए ।

ठगी आराेपमा वीरगंजका एक सहित दुई जना पक्राउ

0
वीरगन्ज । पर्सा प्रहरीलेे बिभिन्न मिति र समयमा आईएमओ तथा वास्टएपमार्फत लौट्री परेको तथा बिभिन्न किसिमका प्रलोभन देखाइ ठगी गर्ने दुई जनालाई पक्राउ गरेकाे छ । 
 
प्रहरीले भारत विहार जिल्ला पूर्वी चम्पारण थाना रक्साैल वडा नं. २ निवासी बर्ष ४३ काे राकेश कुमार र वीरगंज महानगरपालिका वडा नं. २० निवासी बर्ष ३२ का रामपुकार प्रसाद यादवलाई पक्राउ गरेकाे हाे ।
 
प्रहरीकाे अनुसन्धानबाट श्रीनिवास साह तेलीको सिभिल बैंक लिमिटेडको खाता नं. ०६८१०३३०९५५०१९ बाट रु.४९ हजार पाच सय रामपुकार प्रसाद यादवको ज्योति विकास बैंकको खाता नं. ०१२०१२०००८३१०५०००००१ बाट रु. १९ हजार पाच सय राम पुकार प्रसाद यादवको प्राईम कमर्सियल बैंकको खाता नं. ०२९००२६९ पी.ई.बाट ५० हजार रु. र पुजा रिमालको ई सेवा आईडी बाट ३५ हजार रु.सुरेश कुमार कापरको ई सेवा आईडी बाट ३० हजार रु. गरी जम्मा रु.१ लाख ८४ हजार रु. श्याम खतिवडाको ई सेवा आईडी बाट  विभिन्न मिति र समयमा रकम जम्मा गर्न लगाई ठगी गरेको देखिएको छ ।
 
महानगरीय प्रहरी अपराध महाशाखा टेंकू, काठमाण्डौमा सुनिल सेन्चुरी भन्ने व्यक्तिले दिएको निवेदन बमोजिम जिल्ला प्रहरी कार्यालय पर्साबाट सुक्ष्म अनुसन्धान गर्दा उक्त ठगी कार्यमा सलंग्न रहेकाे दुबै जनालाई पक्राउ गरिएकाे प्रहरीले जनाएको छ ।
 
पक्राउ परेका दुबै जनालाई आवश्यक कारवाहीको लागी महानगरीय प्रहरी अपराध महाशाखा टेकू काठमाण्डौमा पठाइएको जिल्ला प्रहरी कार्यालयका प्रवक्ता तथा सुचना अधिकारी प्रहरी नायव उपरीक्षक मनोजित कुवँरले जानकारी दिए । 

हुण्डी कारोवार आराेपमा ७ लाखसहित दुई भारतिय पक्राउ

0
वीरगंज । हुण्डी काराेबारकाे आराेपमा पर्सा प्रहरीले दुई जना भारतिय नागरिकलाई पक्राउ गरेकाे छ ।
 
प्रहरीले वीरगंज महानगरपालिकाकाे वडा नं.१६ रजतजयन्ती चोकस्थितबाट चेक जाँच गर्ने क्रममा भारतकाे पुर्वी चम्पारण जिल्ला मोतिहारी थाना रक्सौल वडा नं.२५ बस्ने बर्ष ४० को संजय कुमार गुप्ता र साेही ठाउँका बर्ष ३७ को बिनोद कुमारलाई पक्राउ गरेकाे हाे ।
 
भारतको रक्सौलबाट नेपालतर्फ बिआर ०५ ए‍डि ६८६९ नम्बरको पल्सर मोटरसाइकलमा आइरहेकाे दुबै जनालाई स्रोत खुल्न नसकेको नेपाली रु.७ लाख र माेटरसाइकलसहित बिहिबार ८:३० बजे पक्राउ गरिएकाे जिल्ला प्रहरी कार्यालय पर्साले जनाएकाे छ । 
 
पक्राउ परेका दुबै जनालाई  वैंक तथा वित्तिय संस्था सम्बन्धी ऐन २०७३ विपरीतको कसूरमा शुक्रबार पर्सा जिल्ला अदालतको आदेशले ५  दिन म्याद थप गरी थप अनुसन्धान कार्य अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

पर्साको सिमा क्षेत्रमा अस्वस्थकर मासु बेच्दै भारतीय व्यापारी

0

वीरगंज । स्वच्छ खानपिन मानववीय स्वास्थको लागि धेरै नै महत्वपूर्ण हुन्छ । कुनै पनि खाद्य बस्तु अस्वस्थ्य खादा मानवीय स्वास्थलाई हानि नपु¥याउने भने पक्कै पनि होईन् । सुखी र खुशहाल जिवनको एक मात्रै आधार हो स्वस्थ रहनु । तर उपभोक्ताको स्वास्थ्यलाई ख्याल नै नगरि पर्साको ग्रामिण भेगमा खुल्ला आकासमुनी नै नेपाली र भारतीय व्यापारीहरु अस्वस्थकर मासु बेच्दै आईरहेका छन् ।

पर्साको जगरनाथपुर गाउँपालिका वडा नं. २ दसौतास्थित गण्डक नहरको छेउमा भूईमै मासु काटेर न्युनतम मापदण्ड समेत नअपनाई विक्रि वितरण गर्दा उपभोक्ताहरुले अस्वस्थकर मासु खानु परेको छ । भारतकोे ईनार्वा गाउँसंग जोडिएको दसौता चौकमा भारतीय व्यापारीहरुले भूईमै अस्वस्थ्यकर मासु बेचिरहेका छन् तर सम्बन्धीत कुनै पनि निकायले चासो देखाएका छैनन् । जबकी मासु बेच्ने ठाउँकै अगाडी सशस्त्र प्रहरी सुरक्षाका निम्ति खट्नुका साथै स्थानीय जनप्रतिनीधिको दिनहुँ आवत जावत गर्ने ठाउँ पनि हो त्यो । अर्थात भूई मै काटेर बिक्रि वितरण गरिरहेको मासु बेच्ने ठाउँ दसौता नै त्यहाँको मदिरा सेवन गर्ने र मासु खरिद बिक्रि गर्ने मुख्य बजार हो ।

दसौतास्थित बाँसमा काटेको खसीलाई झुण्डाईएको हुन्छ । खसीको मासुमा झिंगा भन्किरहेका हुन्छ । मासु काटेको ठाउँमा धुलो, माटो पनि उतिकै हन्छ तर ति व्यापारीहरुले उपभोगक्ताको स्वास्थ्य ख्यालै नगरि भूई मै बोरामाथि मासु काटेर बेचिरहेका हुन्छन् । जनताको शिक्षा, स्वास्थय लगायत स्थानीय स्तरमा हुने प्रायः जसो कामको व्यवस्थापन गर्ने अधिकार स्थानीय सरकारले पाए पनि जनप्रतिनीधिहरु बिहान बेलुका उठी घुम्ने ठाउँमा नै जनताको स्वास्थयसंग खेलवाड गर्ने मासु पसललेहरुलाई छुट दिई प्रहरी प्रशासन र स्थानीय सरकारले पनि उम्किन दिने गरेको छ ।

जबकी एउटा पालिकामा गाउँपालिका अध्यक्ष बाहेक वडामा जनताले चुनेको प्रतिनीधि वडाध्यक्ष लगायत वडा सदस्यसहित ५ जना प्रतिनिधीहरु रहेका छन् । तर पनि आफ्नै वडाबासीको स्वास्थ्यमा प्रभावित पार्ने गरी भारतीय र नेपली दुबै ठाउँका व्यापारीहरुले दसौतामा भूईमै फोहोर ठाउँ मासु काटेर बेच्दा झिंगा भन्केको र धुलो परेकै मासु खान स्थानीयहरुको बाध्यता रहेको छ । सरकारको नियमनकारी निकायको आँखा अगाडी भारतीयसंगसंगै नेपाली खसी व्यापारीहरु अस्वस्थकर मासु बिक्रि गरिरहदा पनि कानुन कार्यन्वयनको अभावमा सीमापारी भारतीय तथा नेपाली नागरिक भने अझै पनि अस्वस्थकर मासु खान बाध्य हुनु परेको छ ।

पर्साको ग्रामिण भेगमा अव्यवस्थित बजारीकरणले समेत खसी, बोका, कुखुरा, बंगुरहरु काट्ने गरेको देखिन्छ । तर स्थानीय सरकार र प्रहरी प्रशासनले देखेर पनि अटेर गरेर हिंडिदिने गरेको स्थानीयहरुले बताएका छन् । मानवीय स्वास्थ्य रक्षाको लागी पशु कार्यालय वीरगंज र स्थानीय सरकारले सरकारको बजेट खर्चि स्थानीय तहमा व्यापक जनचेतना फैलाउने काम गरे पनि सडकको छेउमै रहेको हाटबजार धुलो धुंवा अनी झिंगा भन्कीरहेको मासु उपभोक्तालाई विक्रि गरीरहँदा नियमनकारी निकाय भने मौन रहेको छ । उपभोक्ता अधिकारका कुरा गरेर नथाक्नेहरुको ध्यान पुग्न सकेको छैन ।

उपभोक्ताहरु पनि आफ्नो स्वास्थ्यको प्रवाह नगरी खुल्ला रुपमा विक्रि गरेको अस्वस्थकर मासु किनेर खाने गरेका छन् । अब आउँदो गर्मिको समयमा किटाणुहरुले छिटो आक्रमण गर्ने हुनाले मासु काट्ने ठाउँ सफा र स्वस्थ मासु नभएमा लिभरमा असर गर्ने र शरीरको सबै अंगमा असर पार्ने चिकित्सकहरु बताउँछन् । चिकित्सकका अनुसार अस्वस्थकर मासुको उपभोगले बान्ता हुने झाडा पखाला लाग्ने जस्तो समस्या देखिने र किड्नीनै खराब हुने सम्मको खतरा हुन्छ । मानविय स्वास्थ्यमा यति गम्भिर खेलवाड भइरहदा यसको नियन्त्रणका लागि कुनै पहल नहुनु र यस्ता खालका मासु पसलेलाई कारबाहिको दायरामा नल्याईनुले यस्ता गतिविधिहरुलाई थप प्रयास मिलेको उपभोक्ताहरुको भनाई छ ।

भारतमा प्रतिबन्धित मदिरा दसौतामा सहजै सेवन गर्दै भारतीय

भारतको बिहार सरकारले मदिरा, रक्सी जस्ता मादक पद्धार्थ सेवन रोक लगाएपछि सीमावर्ती क्षेत्रका भारतीयहरु नेपाली भूमि दसौतामा प्रवेश गरी मदिरा जस्ता विभिन्न मादकपद्धार्थ सेवन गरीरहेको स्थानीयले बताएका छन् ।

बिहारमा दारु, रक्सी जस्ता मादकपद्धार्थमा सरकारले रोक लगाएपछि सीमावर्ती क्षेत्रका प्रायः मानिस नेपालमै आएर मदिरा सेवन गर्ने भएकाले खसी र कुखुराको मासु पनि सो ठाउँमा अत्यधिक बिक्रि वितरण भईरहेको स्थानीयको भनाई छ ।

बिहारमा मदिरा बितरण कार्यमा रोक लगाईएकोले नेपालको सीमानाकामा भारतीयहरु सजिलै आएर मदिरा सेवन गर्न सक्ने तथा नेपाली जनता समेत मासु खरिद गर्ने गरेकोले भारत र नेपाल दुबै ठाउँका मासु खरिद गर्ने उपभोगक्ताको संख्या बढेसंगै मासु व्यापार राम्रो हुने गरेकोले व्यवस्थित बधशाला बिनै भूईमै मासु काटेर क्यौं वर्षदेखी बिक्रि वितरण हुँदै आएको स्थानीयले जनाएका छन् ।

सखुवा प्रसौनीमा क्षयरोग माईक्रोस्कोपी सम्बन्धी अभिमुखिकरण सम्पन्न

0

सखुवा प्रसौनी ।  पर्साको सखुवा प्रसौनी गाउँपालिका वडा नं. ३ कटैयामा क्षयरोग, माईक्रोस्कोपि क्याम्प अभिमुखिकरण कार्याक्रम बिहीबार सम्पन्न भएको छ । स्वास्थ्य चौकी कटैयामा भएको अभिमुखिकरण कार्यक्रममा स्वास्थ्य व्यवस्थापन समिति, महिला स्वयम् सेविका, स्वास्थ संस्थाका कर्मचारीहरुको सहभागिता रहेको थियो ।

सखुवा प्रसौनी गाउँपालिका स्वास्थ्य शाखाको आयोजनामा भएको कार्यक्रमको सहजिकरण गाउँपालिका स्वास्थ्य संयोजक राजेश रौनियारले गरेका थिए । त्यसैगरि बुधबार सखुवा प्रसौनी गाउँपालिकाको वडा नं. ६ लखनपुरमा क्षयरोग माईक्रोस्कोपि क्याम्प अभिमुखिकरण कार्यक्रम भएको थियो ।

शंकास्पद क्षयरोगीहरुको लागि फागुन १७, १८ गते लखनपुरमा र फागुन १९, २० गते लखनपुरमा माईक्रोस्कोपी क्याम्स संचालन गरिने प्रमुख प्रशासकिय अधिकृत सन्देश यादवले बताए ।