Date
शुक्र, मंसिर ४, २०८३
Fri, November 20, 2026
Home Blog Page 858

पर्सागढीकाे वडा नं. ५ मा फ्रि वाईफाई

0
वीरगंज । पर्साकाे पर्सागढी नगरपालिका वडा नं. ५ मा फ्रि वाईफाई जडान गरिएकाे छ । फ्रि वाईफाईकाे बिहिबार एक कार्यक्रमकाे बिच प्रतिनिधि सभा सदस्य प्रदिप यादवले उद्घाटन गरे ।
 
फ्रि वाइफाई सिस्टमको उदघाटन गर्दै सांसद यादवले समाजिक संजालले जिवनशैलिलाई परिवर्तन गरेको बताए । उनले नेटको सुविधा हरेक व्यक्तिको लागि अनिवार्य भएको बताउँदै वडावासिको लागी वाइफाई सुबिधा व्यास्था सराहनिय कार्य भएकाे वताए ।
 
कोरोनाको समयमा धेरै विद्यालयहरुले बाईफाई कक्षा समेत संचालन गरेकोले यसबाट शिक्षामा पनि ठुलो टेवा पुग्ने नेता यादवको भनाई थियो । 
 
जनता समाजवादी पार्टीका केन्द्रिय सदस्य समेत रहेका सांसद यादवले जडान गरिएको वाईफाईको फ्रि सुविधालाई निरन्तर्ता दिनुका साथै समाजिक संजालबाट हुने बिक्रितिबाट युवा युवतीहरुलाई बचाउनु सबै अभिभावको दायीत्व भएकोले यस प्रति सजग रहन वडावासीहरुलाई अनुरोध समेत गरे ।
 
पर्सा जिल्ला मै पहिलो पटक पुरा वडालाई लक्ष्य गरि फ्रि वाईफाई जडान गरिएको वडाध्यक्ष असलम आलमले वताए । जडान गरिएकाे वाईफाईबाट वडा अन्तर्गतकाे पचरुखि, बहुअर्वा, हरदिया र जिंगना लगायतका टोलमा प्रयाेग गर्न सकिने उनले वताए ।
 
उदघाटन कार्यक्रममा जनता समाजवादि पार्टि जिल्ला अध्यक्ष रामनरेश यादव, सचिव तबरेज आहमद, पार्टिका जिल्ला सदस्य अशोक यादव लगायतका नेता कार्यकर्ताहरुको उपस्थिती रहेको थियो ।

स्रोत नखुलेको २५ लाखसहित दुई भारतीय नागरिक पक्राउ

0
पक्राउ परेकाे स्राेत नखुलेकाे रकम र भारतिय नागरिकलाई प्रहरीले सार्वजनिक गर्दै । तस्बिर : प्रणय साह

वीरगञ्ज । बाराबाट प्रहरीले स्रोत नखुलेको २५ लाख ३५ हजार रुपैयाँ सहित दुई जना भारतीय नागरिकलाई पक्राउ गरेको छ । प्रहरीले भारत बिहार पूर्वी चम्पारण ग्राम पञ्चायत नरकटिया वडा नं ७ टोल नरकटिया बस्ने ३५ वर्षीय चन्द्र शेखर प्रसाद र ३८ वर्षीय सञ्जय कुमारलाई पक्राउ गरेको हो ।

फागुन १२ गते बिहान ११:३० बजे कलैया–मटिअर्वा सडक खण्ड अन्तर्गत कलैया उपमहानगरपालिका– ८ बरेवा टोलमा चेकजाँचको क्रममा उनीहरुको साथबाट उक्ता परिमाणको रकम फेला परेको जिल्ला प्रहरी कार्यालय बाराका प्रहरी निरीक्षक सुरेन्द्र यादवले जानकारी दिए ।

बिआर ०५ के ०७९८ नम्बरको मोटरसाईकलको डिक्किमा लुकाएर ल्याउँदै गरेको अवस्थामा रकम फेला परेको उनले बताए ।

उनीहरुको साथबाट प्रहरीले १ हजार दरका १७७२ थान अर्थात १७ लाख ७२ हजार र ५ सय रुपैयाँ दरका १ हजार ५ सय २६ थान अर्थात ७ लाख ६३ हजार रुपैयाँ गरी २५ लाख ३५ हजार रुपैयाँ बरामद भएको प्रहरीले जनाएको छ ।

रकमका बारेमा सोधपुछ गर्दा स्रोत नखुलाएकोले मोटरसाईकल र दुवैजना मानिसलाई नियन्त्रणमा लिएर आवश्यक अनुसन्धान शुरु गरिएको जिल्ला प्रहरी कार्यालय बाराले बिहीबार पत्रकार सम्मेलन गरेर जानकारी दिएको छ ।

अलाैंमा पाेखरी साैन्दर्यकरण र छठघाटकाे शिलान्यास

0

वीरगंज । वीरगंज महानगरपालिकाकाे वडा नं. १७ अलाैंमा श्री बुढीमाई मन्दिरस्थित रहेकाे पाेखरी साैन्दर्यकरण र छठघाट निर्माण कार्यकाे बिहिबार नगर प्रमुख विजय कुमार सरावगीले शिलान्यास गरेका छन् ।  

नगर प्रमुखकाे आकास्मिक काेषबाट रु १३ लाखकाे लागतमा निर्माण हुने छठघाटकाे नगर प्रमुख सरावगीले शिलान्यास गरेका हुन् । त्यस्तै, नगरपालिकाकाे हरियाली याेजना अन्तर्गत मन्दिर र पाेखरीकाे बाउन्डरीवाल निर्माण गरिने जनाइएकाे छ ।

साे अवसरमा नगर प्रमुख सरावगीले सार्वजनिक जग्गा अतिक्रमण खाली गराउनुकाे साथै धार्मिक तथा सार्वजनिक सम्पति संरक्षणमा महानगर लागेकाे वताए । 

शिलान्यास कार्यक्रममा जसपा पर्साका अध्यक्ष रामनरेश यादव, जिल्ला सचिव तबरेज अहमद, जिल्ला सदस्य बिरेन्द्र यादव, समाजवादी युवा संघका प्रदेश सदस्य अजय साह, स्थानिय नेता जादाेलाल साह लगायतकाे उपस्थिती रहेकाे थियाे ।

तत्कालीन गाबिस अध्यक्ष सुमेश्वरनाथ उपाध्यायले शिलान्यासकाे पुजापाठ गराएका थिए ।

युवा क्लबकाे सक्रियतामा मन्दिरकाे संरक्षण

स्थानियहरुका अनुसार अलाैंका तत्कालिन गाबिस अध्यक्ष सुमेश्वरनाथ उपाध्यायले २०६० सालमा साे मन्दिर संरक्षणकाे जिम्मेवारी स्थानिय गैर सरकारी संस्था प्रगति युवा क्लबलाई दिएका थिए । पोखरीलाई स्रोतको रुपमा उपभोग गर्न क्ल्बलाई हस्तान्तरण भएदेखी नै पोखरी अतिक्रमण गरेकाहरुसंग आंशिक रूपमा अतिक्रमण मुक्त गराई विभिन्न ब्याक्तित्वको सहयोग र क्ल्बको आयोजनामा त्यहाँ छ्ठ पर्ब मनाउने कार्यकाे सुरुवात गरिएकाे थियाे ।

मन्दिरकाे जग्गा केही व्यक्तिहरुसंग अतिक्रमण मुक्तिको लागि सर्बोच्च अदालत सम्म क्लबले मुद्दा समेत लडेका थिए ।उक्त क्षेत्रमा बसोबास गर्नेहरुको जनबिश्वास पोखरी जिर्ण अवस्थामा भएपनि कुनै कमि आएन र प्रत्येक बर्ष धुमधामले पुजाको आयोजना हुदै आएकाे क्लबका सदस्य अजय साहले वताए ।  

मेयर सरावगीद्वा विद्यालयकाे अनुगमन तथा निरिक्षण

मेयर सरावगीलेे बिहिबार नै श्री द्वारदेवी मावि अलाैंकाे अवलाेकन तथा निरिक्षण गरेका छन् । महानगरपालिकाकाे नगर स्तरिय याेजना अन्तर्ग निर्माण भएकाे आधुनिक शाैचालय, ४ काेठे भवन र अन्य भाैतिक निर्माण कार्यकाे मेयर साबले स्थलगत निरिक्षण गर्नु भएकाे स्थानिय समेत रहेका अजय साहले वताए ।

साेही क्रममा विद्यालयका प्रधानाध्यापक राजु मालीले मेयर सरावगीलाई विद्यालयकाे समस्या सम्बन्धि ध्यानाकर्षण पत्र समेत बुझाएका थिए । प्रधानाध्यापक मालीले काेभिड समय विद्यालयमा भएकाे क्षति, चाैरमा माटाे पुर्ने, सिसि टिभी जडान र खाने पानीकाे समस्याकाेे सम्बन्धमा ध्यानाकर्षण गराएका थिए ।

साेही समयमा विद्यालयमा रहेकाे खाने पानीकाे समस्याकाे समाधान नगर प्रमुख सरावगी फाेन मार्फत गरेका थिए । चाैरमा माेटाे पुर्ने सम्बन्धमा महानगरकाे शिक्षा शाखामा सम्पर्क गर्न र काेभिडकाे क्षति सम्बन्धमा केन्द्र सरकारसंग माग गरिएकाे नगर प्रमुख सरावगीले भनेका थिए । 

साेही अवसरमा मेयर सरावगीले विद्यालय व्यवस्थापन समिति गठन गराउन पनि प्रधानाध्यापक मालीलाई निर्देशन दिएका थिए । उनले विद्यालयमा राजनीती नगर्न आग्रह गर्दै तत्काल विद्यालय व्यवस्थापन समिति गठन गर्न भनेका थिए । विद्यालय व्यवस्थापन गठन नभएकाे अब कुनै काम अथवा सेवा प्रवाह गर्न नसकिने समेत मेयर सरावगीले जानकारी गराएका थिए । 

कलैयामा नेकपा र जसपाकाे विजयी जुलुश सम्पन्न

0

बारा । प्रतिनिधि सभा पुुन:स्थापना गर्ने सर्वाेेच्च अदालतको फैसलाको स्वागत गर्दै नेपाल कम्युनिस्ट पार्टी प्रचण्ड-माधव समुह र जनता समाजबादी पार्टी बाराले कलैयामा बिजयी जुलुस निकालेेकाे छ ।

कलैया रामजानकी मंदिरबाट निस्केको बिजयी जुलुसमा सम्मानित अदालत जिन्दावाद, यो जित कसको ? जनताको लगायतकाे नाराका साथ राजदेबी मंदिर हुँदै गुप्ता सिनेमा हल भइ बारा जिल्ला अदालतलमा पुगी मुल गेटमा फुलमाल लगाउदै नयाँ बस पार्क हुँदै भरत चौकमा पुगी काेण सभामा परिणत भएकाे थियो ।

जसपाका बारा अध्यक्ष अजय पटेलकाे अध्यक्षतामा भएकाे सभामा नेकपा प्रदेस कमिटि सदस्य प्रभु यादव, रामकिशोर यादव लगायतकाले मन्तव्य राखेका थिए भने कार्यक्रमकाे संचालन नेकपाका जिल्ला कमिटी सदस्य मुकेश साहले गरेका थिए ।

बिजय जुलुसमा जनता समाजबादी पार्टिका केन्द्रिय सदस्य तथा बारा क्षेत्र नं‍. ३ का प्रतिनिधि सभा सदस्य रामबाबु कुमार यादव, रामश्हाय यादव, संविधान सभा सदस्य प्रमोद गुप्ता, रमेश यादव र नेपाल कम्युनिस्ट पार्टी बारा जिल्ला कमिटी सदस्य जवाहिर अंसारी, रमेश साह, धुर्ब यादव, आबिद अंसारी, युवा नेता बैधनाथ साह, रमोद यादव, संदिप यादव, इमरान आलम लगायतकाे सहभागिता रहेकाे थियाे ।

बिन्दवासिनीमा विपद् ब्यवस्थापन काेष सम्बन्धि गाेष्ठी सम्पन्न

0

वीरगंज । पर्साकाे बिन्दवासिनी गाउँपालिकामा बुधबार स्थानिय विपद् ब्यवस्थापन काेष सँचालन सम्बन्धि कार्य विधि बारे दुई दिने गाेष्ठी सम्पन्न भएकाे छ ।

नेपाल रेडक्रस साेसाईटी जिल्ला शाखा पर्साद्वारा बिन्दवासिनी गाउँपालिकामा सँचालित बाल केन्द्रित विपद् जाेखिम न्युनिकरण कार्यक्रम अन्तर्गत गाेष्ठी सम्पन्न भएकाे समाजिक परिचालिका मीना देवीले वताइन ।

गाउँपालिका अध्यक्ष श्रीलाल साह कानुकाे अध्यक्षतामा भएकाे गाेष्ठिमा कार्यपालिका सदस्यहरू, स्वास्थ्य शाखा प्रमुख नरेश चाैहान, शिक्षा शाखा प्रमुख कपिल लामिक्षाने, याेजना प्रमुख सीताराम पडित, बिपद् शाखा प्रमुख राम प्रवेश साह, नेपाल रेडक्रस साेसाईटी उपशाखा अमरपट्टिका सभापति राजेश्वर प्रसाद चाैरसिया लगायतकाे उपस्थिति रहेकाे थियाे ।

गाेष्ठिकाे सहजिकरण कार्यक्रम अधिकृत उमेश मिश्रा र साविर अहम्मद एराजले गरेका थिए । 

गोविन्दपुरमा नि:शुल्क आँखा शिविर सम्पन्न

0
वीरगंज । पर्साकाे पोखरीया नगरपालिका वडा नं. ७ गोविन्दपुरमा बुधबार नि:शुल्क आँखा शिविर सम्पन्न भएकाे छ ।
 
वीरगंज महानगरपालिकाका मेयर बिजय कुमार सरावगीकाे सहयाेग र माट्रिका आई फाउन्डेसनकाे प्राविधिक सहयोगमा भएकाे शिविरमा २ सय ५५ जनाले आँखा परिक्षण गराएका थिए । जस मध्ये १ सय ४५ जनामा मोतिबिन्दु फेला परेको थियाे ।
 
जनता समाजवादी पार्टीका केन्द्रीय सदस्य नेजामुद्दीन शमानीको पहल र श्री टैरीमाई युवा क्लब जगतपुरको सहजिकरणमा भएकाे शिविरकाे उद्घाटन वीरगंज महानगरपालिकाका मेयर सरावगीले गरेका थिए ।
 
जसपा क्षेत्रिय अध्यक्ष नागेन्द्र यादव र राजनारायण कुर्मीको अयोजनामा भएको शिविरकाे उद्घाटन कार्यक्रममा जसपाका केन्द्रीय सदस्य शमानी, पाेखरिया नगरपालिकाकी उप – प्रमुख सलमा खातुन,  खलिल मियाँ, वडाध्यक्ष नन्द कुर्मी, परमानन्द कुर्मी, महमद नुरहोदा देवान, राजकुमार सहनि, उमेश सहनी, श्री टैरीमाई युवा क्लब जगतपुरका उपाध्यक्ष राधेश्याम कुमार सोनार लगायतको उपस्थिति रहेकाे थियो ।

नेपका प्रचण्ड-माधव समुहकाे वीरगंज र पाेखरियामा विजयी जुलुश

0

वीरगंज । नेकपा प्रचण्ड-माधव समुहले बुधबार वीरगंजमा विजयी जुलुश निकालेकाे छ । सर्वाेच्च अदालतले प्रतिनिधि सभा विघटनकाे निर्णय बदर गरेकाे खुशियालीमा नेकपा पर्साले विजयी जुलुश निकालेेकाे हाे ।

वीरगंजकाे घण्टाघर चाैकबाट निस्केकाे विजयी जुलुश माइस्थान, महाविस्थान, आदर्शनगर, घडिअर्वा हुदै पुन: घण्टाघरमा पुगी काेण सभामा परिणत भएकाे थियाे ।

काेण सभामा वाेल्ने वक्ताहरुले संसद पुन:स्थापनाले प्रतिगमन तथा निरंकुशतन्त्रकाे हार र जनताकाे जित भएकाे वताए । वक्ताहरुले नैतिकताकाे आधारमा प्रधानमन्त्री ओलीले राजिनामा दिनु पर्ने वताउदै नदिए संसदबाट हटाइने वताए ।

नेकपा पर्साका जिल्ला सचिव विजय महताेकाे अध्यक्षतामा भएकाे काेण सभामा केन्द्रिय सदस्य एवं पर्सा जिल्ला इन्चार्ज रामचन्द्र साह, प्रतिनिधि सभा सदस्य पुष्पा कर्ण, प्रदेश कमिटी सदस्य एवम् पर्सा जिल्ला अध्यक्ष बालगाेपाल थापा, प्रदेश कमिटी सदस्य बाबुराम काैशिक, रामबाबु बैठा, नेता बिचारी यादव, जगरनाथुपुर गाउँपालिका अध्यक्ष जालिम मियाँ लगायतकाले मन्तव्य राखेका थिए भने कार्यक्रमकाे संचालन जिल्ला सदस्य एवम् वीरगंज महानगर सचिव मनाेज चाैधरीलले गरेका थिए ।

विजय जुलुशमा प्रदेश कमिटी सदस्य किशाेरी कुशवाहा, राष्ट्रिय युवा संघका केेन्द्रिय सदस्य अरुण यादव, अनेरास्ववियूका केन्द्रिय सदस्य प्रभाकर गुप्ता, जुबेर आलम, शिवम साह लगायतकाे सहभागिता रहेकाे थियाे ।

पाेखरियामा पनि विजयी जुलुश र दीप प्रज्वलन

त्यसैगरी, पर्साकाे पाेखरियामा पनि प्रतिनिधि सभा विघटन बदरकाे खुशियालीमा विजयी जुलुश निकालिएकाे छ । नेकपा पाेखरिया नगर कमिटीकाे आयाेजनामा बनकटवाबाट निस्केकाे विजयी जुलुश पाेखरियास्थित बस स्टेनमा पुगी काेण सभामा परिणत भएकाे थियाे ।

नगर कमिटीका सचिव पानालाल पटेलकाे अध्यक्षतामा भएकाे काेण सभामा प्रदेश कमिटी सदस्य रामबाबु बैठा, जिल्ला सदस्य रामबचन महताे, नगर कमिटी सदस्य काैशल साह, पारस साह, धर्मेशवर गिरी लगायतकाले मन्तव्य राखेका थिए ।

काेण सभास्थल मै संसद पुन:स्थापनाकाे उपलक्ष्यमा दीप प्रज्वलन समेत गरिएकाे थियाे ।

वीरगञ्जमा जसपाकाे विजयी जुलुश, प्रधानमन्त्री ओलीकाे राजिनामा माग

0

वीरगञ्ज । प्रतिनिधि सभा विघटनको निर्णय सर्वाेच्च अदालतले खारेज गरेपछि बुधबार जनता समाजवादी पार्टी (जसपा) पर्साले विजयी जुलुश निकालेको छ ।

वीरगंजकाे घण्टाघरबाट निस्केकाे विजयी जुलुश माइस्थान, आदर्शनगर, घडिअर्वा पोखरी हुँदै पुनः घण्टाघरमा पुगी कोण सभामा परिणत भएको थियो ।

काेण सभालाई सम्बाेधन गर्दै प्रतिनिधि सभा सदस्य लक्ष्मण लाल कर्णले प्रधानमन्त्री केपी शर्मा ओलीसंग थाेरै पनि नैतिकता भए तुरुन्त राजिनामा दिन आग्रह गरे । उनले भने “ओली जी प्रधानमन्त्रीबाट राजिनामा नदिए, संसदमा अविश्वासकाे प्रस्ताव दर्ता छ, जुन दिन संसदकाे बैठक सुरु हुन्छ त्याे दिन ओली जीलाई प्रधानमन्त्रीबाट हटाउन्छ र उनी घर जान्छन् ।”

संसदिय सुनवाई समितिका सभापति समेत रहेका उनले संसद पुन:स्थापना भए पनि देशकाे अवस्था अझै पनि गम्भिर रहेकाे वताउदै अब बन्ने सरकार सहमतीकाे आधारमा बन्नु पर्ने धारणा राखे ।

अर्का प्रतिनिधि सभा सदस्य प्रदिप यादवले मुलुकलाई संकटबाट सर्वाेच्च अदालतले जाेगाएकाे वताए । उनले भने “मुलुक संकटमा फसेकाे थियाे, त्यसबाट सर्वाेच्च अदालतले जाेगाएकाे छ । याे जित नागरिककाे जित हाे, याे ३ कराेड नेपालीकाे जित हाे ।”

जसपा पर्साका अध्यक्ष रामनरेश यादबको सभापतित्वमा भएको कोण सभामा जनता समाजवादी पार्टीका केन्द्रिय सदस्य शिव पटेल, प्रदेश सभा सदस्य करिमा बेगम, नेता जगदिश पटेल लगायतकाले मन्तव्य राखेका थिए भने कार्यक्रमकाे संचालन जिल्ला सचिव तबरेज अहमदले गरेका थिए ।

विजयी जुलुशमा प्रदेश सभा सदस्य जन्नत अन्सारी, मन्जुर अन्सारी, वीरगञ्ज महानगरपालिकाका मेयर विजय कुमार सरावगी, जिल्ला समन्वय समिति पर्साका प्रमुख नेकमहमद अन्सारी, पार्टीकी केन्द्रिय सदस्य मुन्नी श्रीवास्तव, माेनिका सिंह, रम्भा मिश्रा, सखुवा प्रसौनी गाउँपालिकाका अध्यक्ष प्रदिप जयसवला, बिन्दवासिनि गाउँपालिकाका अध्यक्ष श्रीलाल साह कानु, पोखरिया नगरपालिकाकी उपप्रमुख सलमा खातुन, युवा नेता ओमप्रकाश सराफ, समाजवादी युवाका केन्द्रिय सचिब सरोज यादब, प्रदेश सदस्य मनोज यादब, अजय साह, वीरगञ्ज महानगरपालिका न्यायिक समितिका सदस्य तुफैल अख्तर, समाजवादी विद्यार्थी युनियनका केन्द्रिय सदस्य निघिल बर्णवाल, पर्सा अधयक्ष एजाजबाबु राकी, ठाकुराम इकाई अध्यक्ष हरेन्द्र साह लगायतकाे सहभागिता रहेकाे थियाे ।