Date
शुक्र, मंसिर ४, २०८३
Fri, November 20, 2026
Home Blog Page 856

बयोधा अस्पतालमा स्थापना गरिएको एटिएमको निर्देशक बैधद्वारा उद्घाटन

0

वीरगंज । वीरगंज उद्योग बाणिज्यका पूर्व अध्यक्ष एवम्ं नारायणी बयोधा अस्पतालका निर्देशक अशोक कुमार बैद्यले अस्पताल हाता भित्र आईतबार एक कार्यक्रमका बिच ए.टी.एम बुथको उद्धघाटन गरेका छन् ।

अस्पताल हाता भित्र नेपाल इन्भेष्टमेन्ट बैंक लिमिटिेडले स्थापना गरेको एटीएम बुथको निर्देशक बैधले उद्घाटन गरेको हुन । स्थापना गरिएको एटिएमबाट निर्देशक बैधले आफ्नो कार्ड प्रयोग गरि एटिएमको उद्घाटन गरेको अस्पतालका कृष्ण कुमार साहले बताए ।

सो अवसरमा बोल्दै बैद्यले अस्पतालमा आउने बिरामी र उनका कुरुवाहरुकोलागि एटीएम बुथले निकै सहयोग पुग्ने बताए । उद्घाटन कार्यक्रममा अध्यक्ष शुशील श्रेष्ठ,शाखा प्रबन्धक अमितेश कुमार यादव, सुचना अधिकारी विष्णु भट्टराई , अस्पतालका शैलेन्द्र सिंह, रिस्व बर्मा, रिेतेश ठाकुरलगायतको उपस्थिती लगायतको उपस्थिति रहेको थियो ।

सन्की निर्णय गर्ने प्रधानमन्त्रीलाई प्रतिनिधि सभाले तह लगाउन्छ : योगेश भट्टराई

0

वीरगंज । प्रेस संगठन नेपाल प्रदेश नं. २ को प्रदेश भेला आईतबार जनकपुरधाममा सम्पन्न भएको छ । जनकपुरस्थित जानकी दरबार होटलमा भएको भेलाले १३ बुंदे घोषणा पत्र जारी गर्दै सम्पन्न भएको हो ।

भेलाको उद्घाटन समारोहलाई सम्बोधन गर्दै नेपाल कम्युनिस्ट पार्टी (नेकपा) प्रचण्ड–नेपाल समूहका नेता योगेश भट्टराईले प्रतिनिधिसभाले प्रधानमन्त्री केपी शर्मा ओलीलाई हटाउने दाबी गरेका गरे । उनले ‘सन्की निर्णय गर्ने प्रधानमन्त्रीलाई प्रतिनिधिसभाले तह लगाउने’ जिकिर समेत गरे ।

‘यदि प्रतिनिधिसभाले संविधानतः संविधानमाथि गलत हस्तक्षेप गर्ने, प्रतिमगनतिर जाने, असंवैधानिक कदम चाल्ने, मुलुकलाई एउटा राजनीतिक अस्थिरतातिर धकेल्ने, तीन करोड नेपाली जनताको भाग्य र भविष्यमाथि बन्चारो प्रहार गर्ने त्यस्ता एक जना व्यक्तिगत महत्वकांक्षाका व्यक्ति, सन्की निर्णय गर्ने प्रधानमन्त्रीलाई तह लगाउन सकेन भने त्यो प्रतिनिधिसभाले आफ्नो मृत्यु पत्रमा सही गर्छ,’ उनले भने,‘मलाई विश्वास छ, यो प्रतिनिधिसभाले त्यो मृत्युपत्रमा हस्ताक्षर गर्ने छैन । आफ्नो मलामी आफैं जाने घातक निर्णय गर्ने छैन । त्यो ठाउँमा पुग्नुभन्दा पहिले नै प्रधानमन्त्रीले आफ्नो पद त्यागिसकेको हुनुपर्छ ।’

कार्यक्रमका प्रमुख अतिथि समेत रहेको नेता भट्टराईले सर्वोच्चले सरकारको निर्णय बदर गरिसकेको अवस्थामा प्रधानमन्त्री ओलीले पदबाट राजीनामा दिनुपर्ने बताए । तर, ओली लज्जास्पद रुपमा पदमा बसिरहेको उनको भनाई थियो ।  उनले आफूहरु भएको पार्टी एकता पक्षमा भएको तर ओली विभाजनको पक्षमा रहेको दाबी समेत गरे ।

‘केपी ओली जुन ठाउँमा उभिनुभएको छ, त्यो विभाजनको पक्ष हो,’ उनले भने,‘हामी जुन ठाउँमा छौं, त्यो एकताको पक्ष हो । हाम्रो एकता पार्टी एकता मात्र होइन, हाम्रो देश कम्युनिस्ट आन्दोलनको एकतासँग जोडिएको छ ।’

सम्धोधनका क्रममा उनले प्रेस संगठन नेपालले कम्युनिस्ट आन्दोलनमा महत्वपूर्ण भूमिका निर्वाह गरेको बताएका थिए । यस्तै, आफूहरुको पर्टी प्रेस तथा अभिव्यक्ति स्वतन्त्रताको पक्षमा रहेको नेता भट्टराईको दाबी थियो ।

प्रेस संगठन नेपाल प्रदेश नं. २ का संयोजक किरण कर्णको अध्यक्षतामा भएको भेलामा प्रेस संगठन नेपालका संयोजक महेश्वर दाहाल, सह–इन्चार्ज ओम शर्मा, विष्णु रिजाल, नेकपाका नेता रामचन्द्र झा, नागेन्द्र चौधरी, विश्वनाथ साह, महेन्द्र पासवान, अजय शंकर नायक लगायतकाले भेलाको उद्घाटन समारोहमा मन्तव्य राखेका थिए भने कार्यक्रमका संचालन प्रेस संगठन नेपालका केन्द्रिय सदस्य एवम् प्रदेश नं. २ का सचिव बृजलाल पासवानले गरेका थिए ।

जिल्ला बचत तथा ऋण सहकारी संघ पर्साकाे अध्यक्षमा पंडित विजयी

0

वीरगंज । जिल्ला बचत तथा ऋण सहकारी संघ लि. पर्साकाे अध्यक्षमा राजेश पंडित विजयी भएका छन् । शनिबार राति भएकाे निर्वाचनमा हरेराम प्रसादलाई ३ मतले हराउदै पंडित ६२ मत ल्याएर विजयी भएका हुन् । 

संघकाे वरिष्ठ उपाध्यक्षमा ६६ मत ल्याएर असगर अलि अंसारी, उपाध्यक्षमा ६८ मत ल्याएर राकेश यादव, महासचिवमा ७१ मत ल्याएर जिष्णु बराल, सचिवमा ७० मत ल्याएर प्रभाकर गुप्ता, काेषाध्यक्षमा ७० मत ल्याएर नगनारायण सिंह विजयी भएकाे निर्वाचन अधिकृत रामनारायण कुर्मीले वताए । 

संघकाे सदस्यमा ८४ मत ल्याएर भागवती शर्मा, ६५ मत ल्याएर गिरी राज कडेल, ६९ मत ल्याएर अरुण कुमार शर्मा, ६१ मत ल्याएर कुन्दन प्रसाद र ६० मत ल्याएर विजय कुमार गुप्ता विजयी भएकाे निर्वाचन अधिकृत कुर्मीले जानकारी दिए ।

त्यसैगरी, संघकाे लेखा सुपरिक्षण समितिकाे संयाेजकमा राजेन्द्र प्रसाद जयसवाल, सदस्यमा हृदयनारायण साह र मनाेज गुप्ता विजयी भएका छन् ।

नेशनल मेडिकल कलेजमा मिग्राैला राेगीलाई आर्थिक सहयाेग

0

वीरगंज । युएईकाे राजदूत सइद हमदन अल नकबीले युएईकाे स्वस्थ्य क्षेत्रमा दक्ष जनशक्तिकाे कमी रहेकाे बताएका छन् । नेशनल मेडिकल कलेज तथा शिक्षण अस्पतालद्वारा वीरगंजमा आयोजित सहयाेग हस्तान्तरण कार्यक्रममा वाेल्दै उनले यस्ताे वताएका हुन् ।

नेपाली चिकित्सककाे लागि युएई उपयुक्त गन्तव्य भएकाे वताउदै राजदुत नकबीले नेपाली चिकित्सक, नर्स तथा स्वास्थ्यकर्मीकाे लागि आफ्नाे देश अवसरकाे रूपमा रहेकाे वताए । कलेजकाे सभाकक्षमा आयोजित कार्यक्रममा २१ जना मिर्गौला रोगीलाई जनही २० हजार नगद र लत्ताकपडा सहयाेग गरिएकाे थियाे ।

कलेजका अध्यक्ष डा. जैनुद्दीन अन्सारीकाे अध्यक्षतामा भएकाे कार्यक्रममा अस्पतालका मेडिकल निर्देशक डा. प्रमोद सर्राफले कलेजले सय जना मिर्गौला रोगीकाे डायलसिस सेवा उपलब्ध गराउदै आएकाे जानकारी गराएका थिए ।

कलेजकाे विद्यार्थी इशा रेग्मीले सञ्चालन गरेकाे कार्यक्रममा प्रिन्सिपल कृष्णनन्दन सिंह, मेडिकल एडुकेशन निर्देशक डा एके कोशी लगायतकाले आ आफ्नाे भनाई राखेका थिए ।

डा. थापा र डा. सिंह “राष्ट्रिय स्वास्थ्य” सम्मानले सम्मानित

0

वीरगंज । वीरगंजकी वरिष्ठ स्त्री रोग विषेशज्ञ डा.लक्ष्मी थापा र बरिस्ठ फिजिसियन डा. निरज सिंह शनिबार प्रज्ञा प्रतिष्ठान काठमाडाैंमा सम्मानित भएका छन् ।

कार्यक्रमका प्रमुख अतिथी पूर्व उप-प्रधानमन्त्री प्रकाशमान सिंहले दुबै जनालाई “रास्ट्रीय स्वास्थ्य”सम्मान पत्रले सम्मान गरेका थिए ।

नेपाल टेलिभिजनमा प्रसारण हुने स्वास्थ्य दर्पण मिडियाद्वारा कोविड १९ महामारीमा महिला स्वास्थ्य क्षेत्रमा पुर्याएको योगदानका वापत दुबै जना सम्मानित भएका हुन् ।

नौतनमा रक्तदान कार्यक्रम सम्पन्न

0

वीरगंज । बाराको प्रसौनी गाँउपालिका वडा नम्बर ३ नौतनमा शनिबार रक्तदान कार्यक्रम सम्पन्न भएकाे छ ।

प्रसाैनी गाउँपालिकाकाे सहयाेग र वडा नम्बर ३ को कार्यालयकाे आयाेजनामा भएकाे कार्यक्रममा ८ महिला सहित एक सय ४ जनाले रक्तदान गरेका थिए । 

नौतनमा आयोजित कार्यक्रममा प्रशासन्त शाह, सिद्धार्थ साह, सागर साह, विकास पटेल, सौरभ साह, धिरज कुमार चौरसीया, आरती साह, पुनम यादव, महिमा साह लगायतकाले रक्तदान गरेकाे रक्त संचार केन्द्र वीरगन्जका प्रमुख सौरभराज पाण्डेले जानकारी दिए ।

प्रदेश २ का भौतिक पुर्वाधार विकासमन्त्री जितेन्द्र सोनलले उद्घाटन गरेकाे कार्यक्रममा बारा क्षेत्र नम्बर ४ का सांसद एकबाल मियाँ, प्रसौनी गाँउपालिकाका अध्यक्ष भोला गुप्ता, उपाध्यक्ष गीता देवी, वडा अध्यक्ष बैजनाथ गुप्ता लगायतको उपस्थिती रहेको थियो ।

सुखचैनामा युवा जागरण कमिटी गठन

0

वीरगंज । युवा जनशक्ति समाज नेपाल पर्साद्धारा सञ्चालित युवा जागरण अभियान अन्तर्गत शनिबार वीरगंज महानगरपालिका वडा नं. १८ सुखचैनामा युवा जागरण कमिटी गठन भएको छ ।

सुखचैनामा भएको युवाहरुको भेलाले स्थानिय युवा संजय मण्डल (महतो) को संयोजकत्वमा १५ सदस्यीय युवा जागरण कमिटी गठन गरेकाे हाे । जुन कमिटीकाे सह–संयोजकमा ज्ञानेश्वर मण्डल, नवीन मण्डल, सदस्यहरुमा जितेन्द्र साह, सरोज कुशवाहा, शिपलाल राम, श्यामसुन्दर पटेल, प्रशुराम महतो, देवनाथ साह तेली, अमरदेव महतो, गौतम मण्डल, अजय साह, अगनिजित मण्डल, अजय राम र ससिरंजन गुप्ता रहेका छन् ।

संजय मण्डलको अध्यक्षतामा भएको कार्यक्रममा प्रमुख अतिथि युवा जनशक्ति समाज नेपाल पर्साका अध्यक्ष बिनेश प्रसाद कुर्मीले समाजमा रहेका विभिन्न किसिमका विकृति, विसंगती र कुरितिहरुको विरुद्धमा युवाहरुलाई एकजुट भएर अभियान चलाउनु पर्नेमा जोड दिए ।

स्थानिय स्तरमा रहेको विभिन्न समस्याहरुको युवाहरुले आफै एकजुट भएर समाधान गर्नु पर्ने र आफुहरुबाट हुन नसके युवा जनशक्ति समाज नेपालले सरोकारवाला निकाय समक्ष पुगेर ध्यानाकर्षण गराउनुका साथै समाधानको लागि पहल गर्ने अध्यक्ष कुर्मीले प्रतिबद्धता समेत व्यक्त गरे ।

उनलेे वडामा विभिन्न किसिमका समस्याहरु रहे पनि शिक्षा, स्वास्थ्य, यातायात, रोजगारी लगायतका आधारभुत समस्याहरुको पहिचान गरी अगाडि बढन सुझाव दिए ।

सो अवसरमा युवा जनशक्ति समाज नेपालका सचिव जायेद हुसैन, युवा जागरण अभियानका सह–संयोजक संगित पाण्डे, अभियानका सदस्यहरु नन्दलाल ठाकुर, करण पटेल, विक्रम पटेल, अहमद अफरोज र मनोज प्रसाद कुर्मी लगायतको सहभागीता रहेको थियो । कार्यक्रमको सहजीकरण सदस्य अजय कुमार चौरसियाले गरेका थिए ।

वीरन्जमा एम्मस हस्पीटलको शाखा स्थापना गर्न सांसद यादवकाे आग्रह

0

वीरगन्ज । पर्सा निर्वाचन क्षेत्र नं. १ का सांसद प्रदीप यादवले वीरगन्जमा ‘अल इण्डिया इन्टिच्युट अफ मेडिकल साइन्स’ (एआइएमएस) अस्पतालको शाखा स्थापना गर्न भारत सरकारसँग आग्रह गरेका छन् । 

भारतको दिल्लीमा शनिबार भारतको केन्द्रीय स्वास्थ्य तथा परिवार कल्याणमन्त्री डा हर्षबर्धनलाइ भेटेर ज्ञापन पत्र बुझाउदै सांसद यादवले, आधुनिक उपचारका लागि विश्वमै चिनिएको एम्स अस्पतालको शाखा वीरगन्जमा पनि स्थापना गर्न आग्रह गरेका हुन् । 

दिल्लीस्थित भारतीय स्वास्थ्य मन्त्रालयमा शनिवार त्यहाका स्वास्थ्यमन्त्री डा हर्षबर्धनसँग भएको भेटवार्तामा सांसद यादवले यस्तो आग्रह गरेका हुन् । 

वीरगन्जमा एम्स अस्पताल स्थापना भए नेपालको तराई मधेस र भारतीय सीमावर्ती क्षेत्रका जनताले  अत्याधुनिक उपचार र स्वास्थ्य सेवा पाउने भन्दै यादवले यसका लागि प्रदेश २ सरकारले पनि सहकार्य गर्ने बताए । 

जनता समाजवादी पार्टी (जसपा ) का केन्द्रीय सदस्यसमेत रहेका सांसद यादवले अहिलेको संकटपूर्ण अवस्थामा भारतीय सरकारले १० लाख डोज, कोरानोको खोप सहायता स्वरुप प्रदान गरकोमा धन्यवाद पनि दिए ।

भेटवार्तामा सांसद यादवसँगै रहेका भारतको मुजप्फरपुर लोकसभाका सांसद अजय निषादले पनि वीरगन्जमा एम्स हस्पिटलको शाखा स्थापना गर्दा नेपाल र भारतका लाखाैं सिमावर्ती जनता उपचारका लागि दिल्ली धाउनु पर्ने बाध्यता समाप्त हुने बताए । 

भारतीय सतारुढ दल बिजेपीका बिहार प्रान्त उपाध्यक्ष समेत रहेका सांसद निषादले पनि वीरगन्जमा एम्स अस्पतालको शाखा स्थापनाका लागि विशेष पहल गरिदिन भारतीय स्वास्थ्यमन्त्री हर्षबर्धनलाई आग्रह गरे ।

जवाफमा भारतीय स्वास्थ्यमन्त्री हर्षबर्धनले नेपाली जनताको लागी भारत सरकार र आफूबाट हुन सक्ने सक्दो सहयोग प्रदान गर्ने आश्वासन दिए ।