Date
शुक्र, मंसिर ४, २०८३
Fri, November 20, 2026
Home Blog Page 855

बहुदरमाई नगरपालिकाद्वारा एमबिबिएस अध्ययनरत दुई विधार्थीलाई सहयोग

0

वीरगंज । पर्साको बहुदरमाई नगर पालिकाले एमबिबिएस अध्ययनरत दुई विधार्थीलाई आर्थिक सहयोग गरेको छ । नगरपालिकाको वडा नं.८ रामनगरीका मुक्ति राम र वडा नं. २ बैरिया बिर्ता दापुका विवेक कुमार साहलाई सहयोग गरेको हो ।

भैरहवा मेडिकल क्लेजमा अध्ययनरत मुक्ति रामलाई १ लाख ९७ हजार ८ सय ५० र काठमान्डौं मेडिकल क्लेजमा अध्ययनरत विवेक कुमार साहलाई ५६ हजार एक सय ९४ रुपैया नगरपालिकाले सहयोग गरेको लेखापाल हरि राउत कुर्मीले बताए ।

सहयोग रकमको चेक नगर प्रमुख नितेन्द्र साहले मंगलबार मुक्ति रामकी आमा लालमुनि रामलाई र विविके कुमार साहको बुवा गम्भिरा साहलाई हस्तानान्तरण गरेका थिए ।

चेक हस्तानान्तरण गर्दै मेयर साहले शिक्षा विकास क्षेत्र कार्यक्रम अन्तर्गत दुबै विधार्थीहरुलाई प्रोतोसाहन स्वरुप सहयोग गरिएको बताए । उनले नेपाल सरकारको पूर्ण छात्रबृतिमा एमबिबिएस अध्ययनरत विधार्थीहरुलाई खाना र आवास खर्चको लागि सहयोग गरिएको बताए ।

यस अघिदेखी नै नगरपालिकाले दुबै जनालाई सहयोग गर्दै आएको नगरप्रमुख साहले जानकारी दिए ।

 स्टिलको निर्माणधीन उद्योगमा बिस्पोट

0

वीरगञ्ज । पर्सामा निर्माणधीन एक उद्योगमा गएराति बिस्पोट भएको छ । पर्साको विन्दवासिनी गाउँपालिका वडा नम्बर २ को बहुअर्वाभट्टास्थत निर्माणधीन रहेको हुलास स्टिल एण्ड ईण्ड्रिस्टिज प्रालि उद्योगको भवनमा गएरति बिस्पोट भएको हो । बिस्पोटबाट उद्योगमा रहेको एउटा कोठाको झ्यालका शिसाहरु फुटेका छन् भने पर्खालमा सामान्य क्षति पुगेको प्रहरीले जनाएको छ ।

पर्सा प्रहरीका प्रवक्ता तथा सूचना अधिकारी एवम् प्रहरी नायव उपरीक्षक (डिएसपी) ओमप्रकाश खनाल अनुसार सोमबार राति १० बजेको करिबमा निर्माणधीन उद्योगबाट बिस्पोटको चर्को आवाज आएपछि प्रहरी त्यहाँ पुगेको थियो । प्रहरी पुग्दा निर्माणधीन उद्योगमा रहेको एउटा कोठाको झ्यालका शिसाहरु फुटेका थिए भने एउटा पर्खालमा सामान्य क्षतिसमेत पुगेको थियो । स्थानीयहरुले उद्योगमा प्रेसर कुकर बम बिस्पोट भएको बताएका छन् ।

प्रहरीले भने अनुसन्धान चलिरहेको कारण अहिले सम्पूर्ण जानकारी उपलब्ध गराउन नसकिने बताएको छ । ’अहिले अनुसन्धान गर्ने क्रममा छौँ, विज्ञहरुको टोलीपनि पुगेर सुक्ष्म तरिकाले अनुसन्धान गर्न पुगेको छ । बमनै बिस्पोट भएको हो भनेर अहिले भन्न सकिंदैन,’ डीएसपी खनालले भने, ’विज्ञ टोली फर्केपछि मात्र केहि भन्न सकिन्छ ।’

हुण्डीको ३ लाख रकमसहित एक भारतीय पक्राउ

0

वीरगंज । पर्सा प्रहरीले स्रोत नखुलेको ३ लाख १२ हजार रुपैयासहित १ भारतीय नागरिकलाई पक्राउ गरेको छ ।
वीरगंज महानगरपालिका वडा न. १६ रजतजयन्ची चोकमा चेकजाँच गर्ने क्रममा भारतको रक्सौलबाट नेपालतर्फ बिआर २२ एआर ३६८ नम्बरको सुपर स्प्लेण्डर मोटरसाइकलमा आउँदै गरेका पुर्वी चम्पारण मोतिहारी थाना सुगौली बस्ने २५ वर्षिय सोनु साहलाई प्रहरीले पक्राउ गरेको हो ।

अवैध हुण्डीको कारोवार भइरहेको सुचनाको आधारमा शंका लागी चेकजाँच गर्दा स्रोत नखुलेको ५ हजार २ सय भारतीय रुपैया र ३ लाख १२ हजार नेपाली रुपैया फेला परेको जिल्ला प्रहरी कार्यालय पर्साका प्रहरी नायब उपरिरिक्षक एवम् प्रबक्ता ओमप्रकाश खनालले जानकारी दिए ।

पक्राउ परेका साहविरुद्ध बैंक तथा वित्तिय ऐन २०७३ सम्बन्धी कसुरमा मुद्धा दर्ता गरी पर्सा जिल्ला अदालतको आदेशमा ५ दिनको म्यान थप गरी आवश्यक अनुसन्धान भईरहेको प्रवक्ता खनालले बताए ।

अवैध लागुऔषध सहित दुई जना पक्राउ

0

वीरगञ्ज। पर्साको पर्सागढी नागरपालिकाबाट अवैध लागुऔषध गाँजासहित २ जनालाई प्रहरीले पक्राउ गरेको छ । पर्सागढी नगरपालिका वडा नं. ९ बाट २ किलो लागुऔषध गाँजासहित मकवानपुरका २ जनालाई प्रहरीले पक्राउ गरेको हो ।

पक्राउ पर्नेहरुमा मकवानपुरको राक्सीराङ्ग गाउँपालिका वडा नं. ८ निवासी १८ वर्षिय सुकराम तामाङ्ग र १९ वर्षिय अस्मिता तामाङ्ग रहेको प्रहरीले जनाएकोे छ । विशेष सुचनाका आधारमा खटीएको प्रहरीको टोलिले पर्सागढीको बडेर्वाबाट एकटांगा जाने कच्ची सडकमा चेकजाँच गर्दा उनीहरुलाई लागुऔषधसहित पक्राउ गरेको जिल्ला प्रहरी कार्यालय पर्साले जनाएको छ ।

पक्राउ परेकाहरुलाई आर्थिक प्रलोभन दिई गाँजा ल्याउन लगाउनेको पहिचान भइसकेको र खोजीकार्य भईरहेको प्रहरी कार्यालउय पर्साले जनाएकोे छ । पक्राउ परेकाहरुलाई जिल्ला प्रहरी कार्यालय पर्साको हिरासतमा राखेर थप अनुसन्धान भईरहेको छ ।

पर्साकाे यस्ताे गाउँ, जहाँ सिटामोल किन्न पनि १२ किलोमिटर जानु पर्ने

0

जिराभवानी । पर्सा जिल्लाका यस्ता ठाउँ जहाका स्थानिय बासिन्दाहरुलाई समान्य औषधी सिटामोल लिनलाई पनि १२ किलाेमिटर पैदल हिड्नु पर्दछ । त्यो गाउँ पर्सा कै ठोरी गाउँपालीका वडा नम्बर ३ को सिकारी बाँस गाउँ हो ।

जिल्लाकाे सदरमुकाम वीरगंजबाट करीब ६५ किलोमीटर टाढा र वीरगंज ठोरी सडकखण्डबाट ६ किलाेमिटर जंगलभित्र पर्सा राष्ट्रीय निकुञ्ज र चितवन राष्ट्रिय निकुञ्जको दोसाधमा यो गाउँ अवस्तिथ रहेकाे छ ।

यस गाउँमा ४५ घरधुरी आदिबासी जनजाति थारु समुदायको बसोबास रहेकाे छ । सो गाउँका स्थानिय बासिन्दाहरु राज्यबाट पाउने स्वास्थ्य सेवाबाट अहिलेसम्म बञ्चित रहेकाे गुनासो गरेका छन् ।

स्थानिय राजिन्द्र चौधरीका अनुसार ज्वरो, रुघाखोकी, झाडापखाला जस्ता समान्य रोगका औषधी लिन १२ किलो मिटर टाढा रहेका स्वास्थ्य चौकी बिजयबस्ती पुग्नु पर्ने वाध्यता रहेकाे वताए । बाटोघाटोको सुबिधा नभएका कारण पैदल गई औषधी ल्याउनलाई आधा दिन लाग्ने गरेकाे र त्यती समयावधीमा बिरामीकाे अवस्था झनै बिग्रिने गरेको चौधरीको भनाई छ ।

कहिलेकाँहि बिरामीको अवस्था नाजुक भएका बेला ढोडसंगबाट (बासमा कपडा बाधी कपडामा बिरामी राखी दुइ तिरबाट बोकेर लैजाने साधन) स्थास्थ्य चौकीसम्म लगने गरेका सोना देवी थरुनीले बताईन । 

उनका अनुसार गर्भवती महिलालाई सुत्केरी गराउन दिउँसो भए स्वास्थ्य संस्थामा लैजान प्रयास गरीएपनि रातीकाे बेला भगवान भरोसा छोडीदिने गरेका छन् । सुत्केरी गराउँदा आमा र बच्चा सकुशल भए हाम्रो अंश र मृत्यु भए भगवानको अंश रहेका कुरा स्वीकार्दै एक आपसमा दु:ख बाड्ने गरेकाे फेकनी देवी थरुनीले बताउँछिन् ।

त्यसैगरी स साना बालबालिकाहरुलाई मासिक लगाईने खोपबाट कतिपय बालबालिकाहरु बन्चित हुँदै आएकाे थरुनीले बताईन ।

जनताको हक अधिकार सुनिश्चित गर्ने भनेर कतिपय जन आन्दोलनबाट गाउँ घरमा सिंहदरबार आएपनि यहाँका जनताकाे  स्वास्थ्य सम्बन्धी अधिकार कसले र कहिले देलान ? प्रशन स्थानीय हुलासी चौधरीले गरिन । उनि भन्छिन् “चुनाव आए दिनदिनै विभिन्न पार्टीहरूका नेता कार्यकर्ता हाम्रो गाउँमा आउँछन्, विभिन्न लोभ प्रलोभन देखएर भोट मागछन् तर नेताहरु जितेर बिकासको कुरा के गराैं मुख देखाउन पनी आउदैनन् ।”

जितपुरसिमराकाे राजधानी शहर मै छैन सार्वजनिक शाैचालय

0
जीतपुर । बाराकाे जीतपुरसिमरा उपमहानगरपालिकाको वडा नं. ७ जितपुरमा सार्वजनिक शाैचालय नहुदा समस्या हुने गरेकाे छ । 
 
जितपुर सिमराकाे राजधानी शहरकाे रुपमा चिनिने ठाउँमा सार्वजनिक शाैचालय नहुदा समस्या भएकाे स्थानियहरुले वताएका छन् । साे ठाउँ व्यपारीक तथा उधोगिक क्षेत्र भए पनि सार्वजिक शाैचालय नहुदा यात्रु र सर्वसाधारणलाई दिशापिसाब गर्न समस्या हुने गरेकाे स्थानियहरुकाे गुनासाे छ ।
 
जनप्रतिनिधि निर्वाचित भएकाे ४ बर्षमा पनि नगरपालिकाले साे क्षेत्रमा सार्वजनिक शाैचालय बनाउन सकेकाे छैनन् । नेपाल नै खुल्ला दिशामुक्त क्षेत्र भएपनि साे क्षेत्रमा सार्वजनिक शाैचालय नहुदा सर्वसाधारण बहिर नै दिशापिसाब गर्ने गरेका छन् ।  
 
शाैचालय निर्माण नहुनुमा नगरपालिकाले वडालाई र वडाले नगरपालिकालाई दोस दिदै आएकाे छ । जितपुर–७ नरायणी अंचल कै सस्तो व्यपारीक नगरी भएको कारणले गर्दा यहाँ देशका अनेकौ जिल्लाबाट मानिसहरु आउनु गरेकाे र मानिसहरुको अत्यधिक चाप भएको कारणले गर्दा सार्वजनिक शाैचालयकाे आवश्यकता रहेकाे व्यापारीहरुले वताएका छन् ।
 
नगरपालिकाले कर उठाउनु बाहेक अरु केही नगरेको व्यपारीहरुकाे गुनासाे छ । नगरपालिकाले आफ्नाे लागि टायल वाला शाैचाल्य र लिफटकाे सुविधा राखे पनि सार्वजनिक शाैचालय निर्माण नगरेकाे स्थानियहरुले वताए छन् ।
 
यसका साथै  आम जनताहरुले घरमा बनाएको शाैचालय सफा गर्ने सेफटी टैंक मेसिन १४ महिनादेखि विग्रीदा नगरपालिकाले हाल सम्म मर्मत गर्न सकेकाे छैन् ।
 
नगरपालिकाका प्रमुख प्रशासकिय अधिकृत चेत कुमार पोखरेलले नगरपालिकाले राजधानी सहर जीतपुर–७ मा शाैचलय बनाउन खोजे कै हो तर वडाले ठाउँ उपलब्ध नगराएको कारणले बन्न नसकेकाे वताए । उनले पहिलाको एैलानी र रेल्वेको जग्गामा जितपुर वासीले अनाधिकृत रुपमा घरबानाएको कारण पनि सार्वजनिक शाैचालय बनाउन समस्या भएकाे वताए ।

पर्सागढीमा सामुदायिक भवनकाे शिलान्यास

0

पर्सागढी । पर्साकाे पर्सागढी नगरपालिका वडा नं. २ टोल झोगडमा झोगड थारू भडौरामाई समुदायिक भवनको शिलान्यास गरिएकाे छ । सामुदायिक भवनकाे शिलान्यास आइतबार एक कार्यक्रमकाे बिच नगर उप प्रमुख अर्चना चाैधरीले गरेकी थिइन ।

भवन शिलान्यास गर्दै उप प्रमुख चाैधरीले गाउँघरमा वैवाहिक कार्यक्रम वा समुदायमा भैरहेको गतीविधी बारे छलफल गर्न भवन निर्माण भएपछि सजिलाे हुने वताइन ।

उनले भनिन्  “मान्छेहरू खुला ठाउँ वा बाटोको छेउमा उभेर छलफल गर्ने गर्दछन् तर यो समुदायिक भवन निर्माण भएपछि त्याे समस्याकाे अन्त्य हुन्छ । यसका साथै समुदायको बिकास वा गतिविधिमा महीलाहरूले पनि सहभागिता जनाउन पाउने छन् ।”

यस्तो समुदायिक भवन हरेक टोल टोलमा नगरपालिकाबाट निर्माण गर्न पहल समेत गर्ने नगर उप प्रमुख चौधरीले वताइन ।

अहीले सम्म समुदायको लगानीबाट दुई कोठे भवन निर्माण हुने समाजिक अगुवा रामचन्द्र महतो ले बताए ।

शिलान्यास कार्यक्रममा  नेपाली कांग्रेस माहाधिबेशन प्रतिनिधि सैलेन्द्र चौधरी, नेका बुथ सभापति जंग बहादुर दास थारु, घनश्याम चौधरी, वडा सदस्य आत्मा राम, जगरनाथ चौधरी लगायतको सहभागीता रहेको थियो।

समाजवादी युवा संघ पर्सा पूर्णगठन, अध्यक्षमा गौरभ वर्मा चयन

0

वीरगंज ।  जनता समाजवादी पार्टी (जसपा) पर्साको भातृ सङ्गठन समाजवादी युवा संघ पर्सा पूर्णगठन भएको छ । आइबार वीरगञ्जमा आयोजित एक कार्यक्रम बीच गौरभ वर्माको अध्यक्षतामा ५१ सदसिय समाजवादी यूवा संघ पर्सा पूर्णगठन भएको हो । संघको सचिवमा मन्टु गिरि चयन भएका छन् ।

पर्सा निर्वाचन क्षेत्र नम्बर १ का प्रतिनिधि सभा सदस्य (सांसद) प्रदीप यादवको प्रमुख आतिथ्यमा आयोजित कार्यक्रममा पार्टीका वरिष्ठ नेता, संघका केन्द्रीय र प्रादेशिक पदाधिकारीहरुको उपस्थिति रहेको थियो ।

कार्यक्रममा बोल्दै सांसद् यादवले देशको नेतृत्व अबको यूवा पिडीले गर्नुपर्ने बताए । उनले संसारका सम्पूर्ण देशहरुमा पुराना नेताहरुले यूवाहरुलाई नेतृत्व हस्तान्तरण गरिरहेको बेला नेपालमा यस्तो नहुनु दुर्भाग्यपुर्ण भएको बताए । सांसद् यादवले नवगठित संघका पदाधिकारीहरुलाई शुभकामना दिँदै यूवाको क्षेत्रमा रहेका समस्या समाधानका लागि काम गर्न सुझाव दिएका थिए ।

समाजवादी युवा संघ पर्साका इन्चार्ज अमित यादवको सभापतित्वमा भएको कार्यक्रममा वीरगञ्ज महानगरपालिकाका नगरप्रमुख विजयकुमार सरावगी, प्रदेशसभा सदस्य करिमा बेगम, जनता समाजवादी पार्टीका पर्सा जिल्ला अध्यक्ष रामनरेश यादव, सचिव तबरेज अहमद, समाजवादी यूवा संघका केन्द्रीय सचिव सरोज यादव, प्रदेश अध्यक्ष आतिश यादव, प्रदेश मूख्य सचिव मनिष यादवलगायतको उपस्थिति रहेको थियो ।

दलित परिवारको छोरीको विवाहमा पोखरिया युवा समाजको सहयोग

0

पोखरिया । पोखरिया युवा समाजले पोखरियाको एक दलित परिवारको छोरीको विवाहमा आर्थिक सहयोग गरेको छ । समाजले पोखरिया नगरपालिकाको वडा नं. १ बनकाटवास्थित एक दलित परिवारको छोरीको बिवाहमा आईतबार रु २१ हजारको विभिन्न सामग्री सहयोग गरेको हो ।

चामल २ बोरा, मसुरो २० किलो, चिनी २० किलो, आलु १ बोरा, प्आज २० किलो, रिफाईन १ जार, सरसो तेल १ टिन, मैदा २० किलो, बेसन १० किलो, पता गिलास ३ सय र बर्तन भाडा, लताकपडा तथा सिंगारका सामानहरु सहयोग गरिएको पोखरिया युवा समाजले जनाएको छ ।

युवा समाजका अध्यक्ष भगवान दासको अध्यक्षता र ईलाका प्रहरी कार्यालय पोखरीयाका प्रहरी निरिक्षक दिपक थापाको प्रमख आतिथ्यमा भएको कार्यक्रममा सो सामग्री सहयोग गरिएको थियो ।