Date
शुक्र, मंसिर ४, २०८३
Fri, November 20, 2026
Home Blog Page 854

पटेर्वा सुगौली गाउँपालिका अध्यक्ष चौधरीलाई पितृ शोक

0

वीरगञ्ज । पर्साको पटेर्वा सुगौली गाउँपालिकाका अध्यक्ष हरिनारायण चौधरीलाई पितृ शोक परेको छ । 

गाउँपालिका अध्यक्ष चौधरीको बुवा हेमनाराण चौधरीको ७८ बर्षको उमेरमा बुधबार बिहान निधन भएकाे हाे ।

चौधरी बिगत लामो समयदेखि अस्थामा एवम् मुटु रोगबाट पिडित रहेका थिए । पटेर्वा सुगौलीस्थित निजि निवासमै रहेका चौधरीको स्वास्थ्य अवस्था जटिल बन्दै गएपछि केहि दिन अघि उपचारको लागि वीरगञ्जस्थित वयोधा अस्पतालमा भर्ना गरिएकाे थियो ।

चौधरी समाजसेवी एवम् थारु कल्याणकारी समिति पर्साको अध्यक्ष समेत रहेका थिए । बिगतमा उनी लामो समय राजनितिकमा समेत सक्रिय रहेका थिए । 

थारु अन्दोलन तथा संगठन बिस्तारमा उनले ठूलो योगदान पुर्‍याएका थिए । प्रतिष्ठित समाजसेवी तथा थारु समुदायको अभिभावकको मृत्युले थारु समुदायलाई ठूलो क्षती भएको पर्साका थारु कल्याणकारी समितिका नेताहरुले वताएका छन् ।

चाैधरीकाे बुधबार नै भलुवाही खोलामा हिन्दु धर्म अनुसार अन्त्यष्टि समेत गरिएको थियो ।

अन्त्येष्टिमा नेपाली कांग्रेसका नेता एवम् पुर्व मन्त्री सुरेन्द्र चौधरी, प्रदेश सभा सदस्य शंकर प्रसाद चौधरी, नेकपाका नेता एवम् संबिधान सभा सदस्य राजकुमार गुप्ता, जयप्रकास थारु, नेपाली काँग्रेसका पर्सा सभापति अजय द्विवेदी, पुर्व सांसद राजेन्द्र बहादुर अमात्य, जिल्ला बिकास समिति पर्साका पुर्व सभापति जनार्धन सिंह क्षेत्री, जिराभवानी गाउँपालिका अध्यक्ष रामपृत महतो लगायतको सहभागीता रहेको थियोे ।

जितपुरसिमराकाे शटर भाडा ३० प्रतिशतले कम गर्ने निर्णय

0

रोशन गुप्ता/
जीतपुर । बाराकाे जितपुरसिमरा उपमहानगरपालिकाले शटरकाे भाडामा ३० प्रतिशतले कटाैती गरेकाे छ ।

५२ औँ कार्यपालिकाकाे बैठकले उपमहानगरपालिकाकाे शटरकाे भाडामा ३० प्रतिशतले कम गर्न निर्णय भएकाे जितपुरसिमरा उपमहानगरपालिकाकी उप–मेयर सरस्वती देवी चौधरीले बताइन ।

बैठकले सटरको विषयमा कुरा आउदा खेरी हाम्रो गुदरी बजार मात्र होइन कि जितपुर र सिमरामा रहेका शटर भाडामा कम गर्ने निर्णय भएकाे उनले जानकारी दिइन ।

उपमहानगरपालिकाले ३० प्रतिशत भाडा रेट कम गरे पनि व्यसायीहरु असन्तुष्ट नै रहेका छन् । उपमहानगरपालिकाले एकै चोटी ४०० प्रतिशत सेटर भाडा बढाएर ३० प्रतिशत घटाउनु निर्णयले पनि व्यापारीहरु असन्तुष्ट छन् । 

व्यपारीहरुको क्षमता भन्दा धेरै शटर भाडा भएकाे जितपुरसिमरा नगर उधोग वाणिज्य संघका महा सचिव शिवजी साह सोनारले बताए । सरकारले तोकेको मापदण्ड अनुसार पहिलाको जुन भाडा थियो त्यसलाई नै लागु गरोस भन्ने व्यपारीहरुको भनाई रहेको छ । उमहानगरपालिकाले हामीसंग कुनै सल्लाह नै भाड बढाएकाे उनले वताए ।

सुरुमा उहाँहरुले सल्लाह गरेर शटर भाडा बढाउने भने पनि त्यसाे नगरेकाे र ४०० प्रतिशत शटर भाडा बढाएर ३० प्रतिशत मात्र घटनाउनु निर्णय स्वागत याेग्य हुन नसक्ने महासचिव साेनारले वताए ।

लामाे समयदेखी जितपुरसिमरा उपमहानगरपालिकाको व्यव्सायीले सेटर भाडा दर रेट कम गर्न बिरोध गर्दै आएका थिए । जितपुरसिमरा उपमहानगरपालिकाले एकै पटक ४ गुणाले सेटर भाडा बढाएको कारणले आफुहरु मर्कामा परेकाे भन्दै व्यवसायीहरुले बारम्बार नगरपालिका घेराउ गर्दै आएका थिए ।

ब्रहमाकुमारी केन्द्रकाे हल उदघाटन

0

जीतपुर । बाराकाे जीतपुरसिमरा उपमहानगरपालिका वडा नं.–७ जीतपुरमा रहेको ब्रह्मा कुमारी राजयोग उप सेवा केन्द्रको छतमा फाइबरको हल निर्माण गरिएको छ । वडा स्तरीय बजेटबाट २ लाखको लगतमा सो हलकाे निर्माण गरिएको हो ।

निर्माण गरिएको हलको बुधबार एक कार्यक्रमकाे बिच वडाध्यक्ष रामबाबु गुप्ताले रिबन काटी उद्घाटन गरेका थिए ।

उद्घाटन कार्यक्रममा वडा सदस्य दुर्गा रिजाल, ज्ञानी पासवान, शक्ति गुप्ता, श्रवण गुप्ता, राजेश गिरी, अतिउल्लाह मिस्त्री, हारुन अंसारी, मुनी पाठक, सितल आचार्य र नारी शक्ति मंन्चकी अध्यक्ष आशा दहाल लगायतकाे उपस्थित रहेका थिए ।  

आ.व. २०७८/०७९ काे राजस्व नीति सम्बन्धि अन्तरक्रिया सम्पन्न

0

वीरगंज । आगामी आ.व. २०७८/०७९ काे राजस्व नीति सम्बन्धि अन्तरक्रिया तथा छलफल कार्यक्रम बुधबार वीरगंजमा सम्पन्न भएकाे छ ।

नेपाल राजस्व परामर्श समितिले आयाेजना  गरेकाे कार्यक्रममा वीरगंज महानगरपालिकाका नगर प्रमुख विजय कुमार सरावगीले कोभिडबाट प्रभावित अर्थतन्त्रलाई उकास्ने गरी बजेट ल्याउनुपर्ने आवश्यकता औंल्याए ।

उद्योग व्यावसाय फस्टाउदै जान थालेपछि राज्यले अनेक किसिमका करहरु लिने गरेको बताउदै उनले उद्योगी व्यवसायीहरुलाई अनेक किसिमका करले उद्योग व्यापारमा समस्या हुने गरेको बताए । खुला सीमाका कारणले वस्तुको मूल्यमा प्रतिस्पर्धा गर्न नसक्दा नेपाली उद्योगी व्यावसायीहरु सधैं मर्कामा पर्ने गरेको र यस विषयमा राजस्व परामर्श समिति गठन गरेदेखि नै निरन्तर आवाजहरु उठाउदै आएको भएपनि अझैसम्म एउटै विषय बारम्बार उठाईरहनुपर्नेबाध्याता कायम रहेको मेयर सरावगीले बताए ।

उद्योगी व्यवसायीहरुलाई उद्योगको संरक्षण र व्यावसाय कर मैत्री वातावरणको प्रत्याभूती नभएसम्म अर्थतन्त्रको विकास हुन नसक्ने नगर प्रमुख सरावगीको भनाई छ । राज्यका निकायहरुले निर्माण गर्ने नीतिहरु एकअर्कामा विरोधाभाष देखिएको र राजस्व परामर्श समितिले अन्तरसरकारी समन्वयकारी भूमिका निर्वाह गर्नुपर्ने आवश्यकता रहेको बताए ।

राज्यको नियन्त्रणमुखी व्यापारले गर्दा नै अवैध व्यापार बढेको जिकीर गरे । स्थानीय तहको अधिकार क्षेत्रभित्र पर्ने घरबहाल कर पनि आन्तरिक राजस्व कार्यालयले लिईरहेको भन्दै त्यो कर स्थानीय तहले फिर्ता पाउने कि नपाउने भन्ने विषय पनि अन्योल रहेको बताए ।

वीरगंज उद्याेग वाणिज्य संघका अध्यक्ष गाेपाल केडियाले खुद्रा अर्थतन्त्रलाई चलायमान गराउन, ग्रामिण क्षेत्रमा छाेटाे अवधिकाे याेजना सृजना गरी वेतन दिने, सरकारले सरकारी कर्मचारीलाई घर निर्माण वा अन्य स्थायी प्रकृतिकाे सुख सुविधा निर्माण गर्न सामान्य ब्याज दरमा ऋण दिन विशेष कार्यक्रम ल्याउन, सरकारी वा निजी क्षेत्रका निर्माणधिन याेजनाहरु माथि ध्यान केन्द्रित गरि अविलम्ब चलायमान गराउन, उद्याेगहरुले पनि आफ्ना कामादार एवम् कर्मचारीहरुलाई स्थायी प्रकृतिकाे खर्च गर्न बैंकबाट विशेष ऋण सुविधाकाे व्यवस्था गर्नु पर्ने, खुद्रा स्तरका व्यापारीहरुलाई हाल तरलताकाे अभाव रहेकाे हुनाले त्यस स्तरमा कर्जा प्रवाह गर्न बैंकहरुलाई निर्देशन दिने, व्यक्तिले पाउने आयकर छुटकाे सिमा बढाउन लगायतका उपाय तथा सुझावहरु प्रस्तुत गरेका थिए ।

यसका साथै उनले स्वदेशी उत्पादनलाई प्रतिस्पर्धात्मक बनाउन, स्वदेशी उत्पादनलाई संरक्षण प्रदान गर्न अवलम्बन गर्न सकिने सुझावहरु, विदेशी लगानीकाे लागि अनुकूल वातावरण सृजना गराउन र निर्यात व्यापार अभिवृद्धि गराउने अवलम्बन गरिने उपायहरुकाे बारेमा पनि जानकारी गराएका थिए ।

कार्यक्रममा वाेल्दै वीरगंजका बरिष्ठ उद्याेगी अशाेक बैधले अर्थ मन्त्रालयले उद्याेगिहरुलाई आफ्नाे पार्टनकाे रुपमा बुझिदिनु पर्ने वताए । उनले उद्याेगीहरु घाटामा गए अर्थ मन्त्रालयलाई नाेक्सान हुने भएकाेले त्यस तर्फ ध्यान दिनु पर्ने सुझाए । यसका साथै अर्थ मन्त्रालयले गरेकाे प्रतिवद्धता समेत पुरा गर्नु पर्ने वताए ।

राजस्व परामर्श समितिका अध्यक्ष महेश प्रसाद दाहालकाे अध्यक्षतामा भएकाे कार्यक्रममा राजस्व परामर्श समितिका सदस्य निर्मल हरि अधिकारी, प्रदेश सचिव काशिराज दाहाल, आन्तरिक राजस्व विभागका महानिर्देशक झक्क प्रसाद आचार्य, प्रमुख जिल्ला अधिकारी अस्मान तामाङ, प्रमुख भन्सार प्रशासक महेश आचार्य, राजस्व परामर्श समितिका सदस्य सचिव भुमिराम शर्मा, प्रहरी उपरिक्षक बेल बहादुर पाण्डे, उधाेग वाणिज्य महासंघका कर तथा राजस्व उप समितिकाे उप सभापति कृष्ण दहाल, उद्याेग वाणिज्य संघका प्रदेश नं. २ का अध्यक्ष गणेश लाठ, आन्तरिक राजस्व विभागका निर्देशक टेकनारायण आचार्य, आन्तरिक राजश्व कार्यालय सिमराका कर अधिकृत नारायण प्रसाद भण्डारी, उद्याेग वाणिज्य संघका केन्द्रिय सदस्य एवम् वीरगंज उद्याेग वाणिज्य संघका बरिष्ठ उपाध्यक्ष सुबाेध गुप्ता लगायतकाले आ आफ्नाे विचारसहितकाे मन्तव्य राखेका थिए ।

रनिङ शिल्ड क्रिकेट प्रतियोगितामा गोल्डेन फ्युचर र सगरमाथा मावि विजयी

0

वीरगन्ज । वीरगंजमा जारी दोश्रो मेयर कप रनिङ शिल्ड क्रिकेट प्रतियोगितामा गोल्डेन फ्युचर मावि र सगरमाथा मावि विजयी भएका छन् । आदर्शनगरस्थित रंगशालामा बुधबार भएको गोल्डेन फ्युचर र सोलकपुर मावि बीचको पहिलो खेलमा गोल्डेन फ्युचर ३४ रनले विजयी भएको हो ।

पहिलो टस जितेर व्याटिङ रोजेको सगरमाथाले २० ओभर खेलमा १६ ओभर १ बलमा अलआउट हुदै ७२ रन बनाएको थियो । जवाफमा गौतम माविले १५.६ ओभरमा सबै विकेट गुमाएर ५९ रनमा समेटिएकाे थियाे ।

टस जितेर दाेस्राे व्याटिङ गरेको गोल्डेन फ्युचरले निर्धारित २० ओभरको खेलमा ६ विकेटको क्षतिमा १७९ रन बनाएको थियो । १८० रनको लक्ष्य सहित जवाफी व्याटिङमा उत्रिएको सोलकपुरले १८ ओभर ५ बल मै अलआउट भएर ८९ रन मात्रै बनाएकाे थियाे ।

त्यस्तै गौतम मावि र सगरमाथा माविबीच भएको दोश्रो खेलमा सगरमाथा मावि १३ रनले विजयी भएको छ ।

पहिलो खेलको म्यान अफ द म्याच रितिक भूषण र दोश्रो खेलको म्यान अफ दी म्याच गौतम माविका हिमांशु गुप्ता घोषित भएको वीरगन्ज महानगरपालिकाका खेलकुद निर्देशक प्रकाश शर्माले जानकार दिए ।

क्रिकेट लिग प्रतियाेगिताकाे उद्घाटन वीरगंज महानगरपालिकाका मेयर विजय कुमार सरावगीले गरेका थिए ।

टिनको छानो सहितको दुईवटा कोठा बनाएर १ करोड बजेट झ्वाम

0

वीरगन्ज । सम्पूर्ण नेपाली जनताको घर–घरमा सिंहदरबार पुगोस् र सबैले आ–आफ्नो अधिकार प्रयोग गर्न पाउन भन्ने उद्देश्यले मुलुकमा संघीयता लागू गरियो । तीन तहका सरकार बने, संघ, प्रदेश र स्थानीय ।

स्थानीय सरकारलाई स्थानीय तहको सम्पूर्ण अधिकार दिएसँगै जनप्रतिनिधि तथा कर्मचारीहरु काम भन्दा पनि लुटतन्त्रमा मात्रै तल्लिन रहेको सर्वविदितै छ । तर, प्रदेश सरकार पनि त्यो भन्दा के कम ?प्रदेश सरकार मातहतबाट भएका काममा कुनैपनि त्यस्तो विकास छैन, जहाँ लुटतन्त्र भएको छ । खास गरेर प्रदेश २ सरकारका मुख्यमन्त्री, मन्त्रीदेखि लिएर उनका पीएसम्म कमिशन मात्रै लिएर बजेट निकाशा गर्ने गरेको बेला बखत विभिन्न सञ्चारमाध्यमबाट सार्वजनिक भइ नै रहेको हुन्छ । प्रदेश सरकारबाट निकाशा हुने बजमा मुख्यमन्त्री, मन्त्रीदेखि लिएर उनका पीएसम्मको कमिशन लिइएको कारण त्यहाँबाट निकाशा हुने बजेटको सदुपयोग हुन पाएको छैन । यसकै उदाहारण वीरगन्जस्थित नारायणी रंगशालामा निर्माण भएको क्रिकेट खेलाडीहरुको लागि भवन ।

नारायणी रंगशाला छेउमै दक्षिण पूर्वतर्फको कुनामा क्रिकेट खेलाडीहरुको लागि ग्राउण्ड निर्माण गरिएको छ भने खेलाडीहरुकै लागि चाहिने भवन पनि निर्माण गरिएको छ । क्रिकेट ग्राउण्ड र १ तल्ले भवन पहिला नै निर्माण गरिएको थियो तर त्यसलाई मर्मत सम्भार र नयाँ प्याराफिट निर्माणको लागि २०७४÷७५ मा प्रदेश सरकारले १ करोड बजेट छुट्याएको थियो र त्यो एक करोड बजेटबाट पहिलाकै एकतल्ले भवनको माथि टिनको छानासहितको दुईवटा कोठा तथा फ्लामको डण्डी गाडेर माथि फाइबर राखेर छानो निर्माण गरिएको छ ।

त्यतिकैमा १ करोड बजेट सिध्याइएको छ । १ करोड वा त्यो भन्दा बढी लगानीको कुनैपनि भौतिक संरचना निर्माण गर्नका लागि टेण्डर आह्वान गरेर निर्माण गर्नुपर्नेमा प्रदेश सरकारले जिल्ला समन्वय समितिलाई पठाइएको उक्त बजेट कमिशनमै सिध्याउनका लागि उपभोक्ता समिति गठन गरेर निर्माण कार्यको जिम्मा लगायो । दुई आर्थिक वर्षमा ८० लाख र २० लाख गरि बजेट निकाशा भयो र क्रिकेट संघका अध्यक्ष समेत रहेका दाउद अन्सारीको संयोजकत्वमा उपभोक्ता समिति गठन गरेर निर्माण कार्यको जिम्मा लियो र निर्माण भने २५ प्रतिशत पनि भएन् ।

पुरानै एक तले भवनको माथि पर्खाल जोडेर टिन हालेर २ वटा भवन निर्माण गरियो र प्याराफिट निर्माणको लागि छडहरु गाडेर अलपत्र अवस्थामा छाडियो । प्याराफिट निर्माणको लागि ठुलठुला छडहरु गाडेर छाडिएको छ । बर्षातको बेला त्यही खाल्डोमा पानी जमेर उक्त छडहरु ढलेर खिया लागेर खराब हुने अवस्थामा पुगेको छ । अब हाल आएर बजेटको अभाव भयो भन्ने बहानामा निर्माण कार्यलाई रोकिएको छ ।

त्यत्रो महँगो मूल्यमा खरिद गरिएका छडहरुको कुनै लेखाजोखा छैन । बजेट आयो, त्यसलाई काम गर्ने भनेर केही दिनसम्म लागियो र अलपत्र अवस्थामा छाडियो । अर्कोतर्फ नारायणी रंगशालालाई निर्माणको लागि बनाइएको डीपीआर अनुसार पनि उक्त भवन निर्माण गरिएको छ । नारायणी रंगशालाले आफ्नो मातहतभित्रका सम्पूर्ण भौतिक संरचनालाई डीपीआर अनुसार बनाउन लागि परेको अवस्थामा प्रदेश सरकारले उक्त शिर्षकमा दिएको बजेटलाई जसरी पनि सिध्याउने भन्ने सोचले डि.पि.आर. विपरीत उक्त निर्माण कार्य गरिएको छ ।

भोलिका दिनमा रंगशालाले आफ्नो डीपीआर अनुसार भौतिक संरचना निर्माण गर्दा प्रदेश सरकारको बजेटबाट निर्माण गरिएको उक्त संरचना पनि भत्काउनु पर्ने हुन्छ । भन्नुपर्दा निर्माणको नाममा प्रदेश सरकारको बजेट बालुवामा पानी खन्याएको जस्तो भएको छ ।

बहुदरमाईबाट एक लाख ७६ हजारसहित जुवा खेल्ने ३ जना पक्राउ, दर्जनौ फरार

0

वीरगंज । पर्साको बहुदरमाई नगरपालिका वडा नं. १ बिश्रामपुरबाट जुवा खेलिरहेको जनलाई प्रहरीले पक्राउ गरेको छ । बिश्रामपुरस्थित बाँसघारीमा जुवा खेलिरहेका बहुदरमाई नगरपालिका वडा नं. ९ बिश्रामपुर निवासी ४० बर्षिय गुरदेली साह, बाराको कलैया उपमहानगरपालिका वडा नं. २३ निवासी ५२ वर्षिय जंगबहादुर साह र कलैया उपमहानगरपालिकाकै वडा नं. १४ निवासी ४० बर्षिय राजेश मेहतालाई प्रहरीले मंगलबार दिउसो ४ बजे पक्राउ गरेको हो ।

बिशेष सूचनाको अधारमा जिल्ला प्रहरी कार्यालय पर्साबाट खेटेको टोलीले जुवा खेलिरहेको स्थल बाँसघारीलाई घेरा हाल्ने क्रममा प्रहरी टोलीलाई देख्न साथ जुवा खेलाउने रबिन्द्र महत्तो कोईरी समेतका १५÷१७ जना जुवाडेहरु भागी फरार भएको र उक्त जुवा खालबाट एक लाख ७६ हजार ४ सय १५ नगद सहित ३ जनालाई पक्राउ गरिएको प्रहरीले जनाएको छ ।

पक्राउ परेका तिनै जनालाई जिल्ला प्रहरी कार्यालय थप अनुसन्धान प्रकृया अगाडि बढाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले बताए । उनले जुवा खेलाउने र खेल्ने व्यक्तिहरुको पहिचान भैसकेको हुँदा निजहरुर्को खोजी कार्य पनि भईरहेको जानकारी दिए ।

जुत्तामा चरस राखेर कारागार पुगेका युवक पक्राउ

0

वीरगञ्ज  ।  पुर्पक्षका लागि थुनामा रहेका भाईलाई जुत्तामा लुकाएर चरेश दिने क्रममा पर्सा प्रहरीले दाईलाई पक्राउ गरेको छ ।
पक्राउ पर्नेमा सिन्धुपालचोक जिल्लाको भोटेकोशी गाउँपालिका वडा नम्बर १ निवासी २२ वर्षीय मिङ्मा शेर्पा रहेका छन् ।

लागूऔषध मुद्दामा पुर्पक्षका लागि वीरगञ्जस्थित कारागारमा रहेका भाई लाक्पा शेर्पालाई भेट्न आएका दाई मिङ्मा शेर्पाले जुत्ताको तलुवा भित्र लुकाएर ल्याएको चरेशसहित प्रहरीले पक्राउ गरेको हो ।

मंगलबार बिहान साढे १० बजे तिर भाईलाई भेट्न वीरगञ्ज कारागार पुगेका मिङ्मालाई कारागारमा खटिएका प्रहरीले चेकजाँच गर्न क्रममा उनले कालो झोलामा राखिएको स्पोर्ट्स जुत्ताको तलुवामा अन्दाजी १० ग्राम जति चरेशको धुलो लुकाएर राखिएको पाएको थियो ।

प्रहरीले मिङ्मालाई पक्राउ गरि लागूऔषध मुद्दा चलाएर थप अनुसन्धान अगाडी बढाएको जिल्ला प्रहरी कार्यालय पर्साका प्रवक्ता एवम् सूचना अधिकारी प्रहरी नायव उपरीक्षक ओमप्रकाश खनालले जानकारी दिए ।