Date
शुक्र, मंसिर ४, २०८३
Fri, November 20, 2026
Home Blog Page 848

पकहा मैनपुरको धोबियाटोलामा अबैध रुपमा घरेलु मदिरा भठ्ठी संचालनमा

0

भिस्वा । पर्साको पकहा मैनपुर गाउँपालिका वडा नं. ४ धोविया टोलमा अबैध रुपमा घरेलु मदिरा भठ्ठी सञ्चालनमा रहेको पाईएको छ । खेस्राहा प्रहरी चौकीको मातहतमा पर्ने सो क्षेत्रमा अबैध रुपमा मदिरा भठ्ठी संचालन भईरहेको स्थानीयहरुले बताएका छन् ।

सो ठाउँमा मदिरा भठ्ठी संचालन गरे वापत प्रहरी चौकी खेस्राहाले महिनवारी समेत बुझ्ने गरेको स्थानीयहरुको भनाई छ । स्थानीयका अनुसार सीमा क्षेत्रमा संचालन रहेको भठ्ठीबाट भारततर्फ पनि घरेलु मदिरा स्थानीय प्रहरीकै मिलेमतोमा तस्करी भईरहेको छ । सोही भठ्ठीबाट सिमा क्षेत्रमा संचालन रहेको मासु नास्ता पसलमा घरेलु मदिरा सप्लाई हुने गरेको छ ।

भारतको बिहार सरकारले मदिरा बिक्रि वितरण तथा सेवनमा पूर्ण प्रतिबन्ध लगाएका कारण सिमावर्ती भारतीय गाउँका व्यक्तिहरु सजिलै नेपाल प्रवेश गरी सिमा क्षेत्रमा संचालनमा रहेको नास्ता पसलहरुमा घरेलु मदिरा सेवन गर्ने गरेका छन् । पर्सा प्रहरीले घरेलु मदिरा नियन्त्रणको लागि अभियान नै संचालन गरेपनि सो क्षेत्रमा संचालन रहेको मदिार भठ्ठीमा ध्यान पुग्न सकेको छैन् ।

दुई जना विधार्थीले पाए छात्रबृति

0

वीरगंज । रोट्रयाक्ट क्लब आफ बीरगन्ज मेट्रोपोलिस र जीवनज्योती माविले २ जना विद्यार्थीहरुलाई छात्रवृत्ति प्रदान गरेको छ । शुक्रबार एक कार्यक्रमका बिच क्लबले राहुल पटेल र सुरज भगवानलाई छात्रवृत्ति प्रदान गरेको हो ।

छात्रवृत्ति वितरण कार्यक्रममा क्लबका तर्फबाट अमित शर्मा, सलोनी रौनियार, प्रकाश कर्ण, रिता श्रेष्ठ र विद्यालयका तर्फबाट प्रधानाध्यापक शिव गुप्ता, निखिल गुप्ता लगायतकाको उपस्थिती रहेको थियो । मेट्रोपोलिस लिट्रेसी कार्यक्रम अन्तर्गत क्लबले छात्रवृत्ति प्रदान गरेको जनाइएको छ ।

विपन्न परिवारका बालबालिकालाई विद्यालयले छात्रवृत्ति प्रदान गरेको हो । हरेक वर्ष २ जना बालबालिकालाई छात्रवृत्तिका लागि पहल गर्ने क्लबले जनाएको छ ।

टाटा कम्पनीका पा“च प्रकारका गाडीहरु सार्वजनिक

0

वीरगंज ।  वीरगन्जमा टाटा कम्पनीका विभिन्न पाँच प्रकारका गाडी लन्चिङ्ग (सार्वजनिक) गरिएको छ । वीरगन्जको पावरहाउस चोक स्थित संचालित प्राइम अटो टे«टर्समा आयोजित एक कार्यक्रमबीच टाटा कम्पनीका नेक्सन, टियागो, एच. ५, टिगोर एवं बि.एस.सिक्स गाडीहरु लन्चिङ्ग (सार्वजनिक) गरिएको हो ।

कार्यक्रमका प्रमुख अतिथि अतिथि वीरगन्ज पब्लिक कलेजका निर्देशक डा. दिपक शाक्य र टाटा कम्पनीका नेपालका लागि आधिकारिक विक्रेता सिप्रदी कम्पनी लिमिटेड काठमाडौंका टि.भि.बि.यू. का हेडअफ डिपार्टमेन्ट प्रमुख सावन्थजँग पिजापतिले संयुक्त रुपमा टाटा कम्पनीको विभिन्न ५ प्रकारका गाडीहरुलाई लन्चिङ्ग (सार्वजनिक) गरेका थिए ।

कार्यक्रममा सहभागीहरुलाई स्वागत गर्दै प्राइम अटो टे«डर्सका प्रवन्ध निर्देशक सचिन गुप्ताले सार्वजनिक गरिएका यस कम्पनीका गाडीहरुको विशेषताको बारेमा जानकारी गराएका थिए । उनका अनुसार सार्वजनिक गरिएका यस कम्पनीका गाडीहरु सेफ्टी (सुरक्षा) राम्रो तथा ग्राउण्ड क्लियरेन्स बढि भएको तथा माइलेज बढि दिने यस गाडीको मुख्य विशेषता रहेको प्रवन्धक सचिन गुप्ता कानुले जानकारी दिए । उनले यस गाडीहरुको विशेषता यति मात्र नभई वातावरण प्रदुषण नियन्त्रण, मनमोहक डिजाइन समेत रहेको बताए ।

प्रबन्धक कानुले मूल्यको बारेमा जानकारी दिदै टाटा कम्पनीको नेक्सन गाडीको मूल्य ४३ लाख ५५ हजारदेखि ४९ लाख ९५ सम्म रहेको छ भने टियागो गाडीको मूल्य २८ लाखदेखि ३४ लाखसम्म रहेको छ । टाटा टिगोरको मूल्य ३२ लाख ५० हजारदेखि शुरुवाती मुल्य रहेको छ भने टाटा एच. ५ को ८४ लाख ९९ हजारदेखि शुरुवात मूल्य रहेको गुप्ताको भनाई छ । कार्यक्रममा प्राइम अटो टे«डर्सका एम.डि. सुबोध सापकोटा, उद्योगी व्यावसायी, बैंक तथा इन्स्युरेन्स कम्पनीका प्रतिनिधि एवं सञ्चारकर्मीहरुको उल्लेख्य उपस्थिति रहेको थियो ।

१४ वर्षीय बालकको हत्या, शव कुहीएको अवस्थामा फेला

0

प्रणय साह/राेशन गुप्ता  
जितपुर, २८ फागुन
बाराकाे जितपुरसिमरा उपमहानगरपालिका वडा नं. १० भुलही टाेल निवासी जाकिर हुसेनका १४ वर्षीय छोरा साहिद हुसेनकाे शव कुहिएको अबस्थामा फेला परेको छ । जितपुरसिमरा उपमहानगरपालिका वडा नम्बर १० बगैचातर्फकाे धानको भुसको खरानीमा पुरिएको अवस्थामा शव फेला परेकाे बारा प्रहरीले जनाएकाे । शुक्रबार बिहान साढे ८ बजे शव स्थानिय शव देखेपछि प्रहरीलाई खबर गरेका थिए ।

साहिद विगत १७ दिनदेखि बेपत्ता भएका थिए । उनको अपहरणपछि हत्या गरी फालिएको हुन सक्ने परिवारजनले आशंका गरेका छ न् । बाराको परवानीपुरस्थित ज्ञान सागर बोर्डिङ स्कूलमा कक्षा ७ मा अध्ययनरत साहिदले रातो टिर्सट, ब्लु पैन्ट र रातोरपहेलो रंगको प्लास्टिकको चप्पल लगाएका थिए । उनको पहिचान उनको कपडाबाट भएको साहिदका काका ताहिर हुसैन मियाँ मन्सुरीले बताए ।

गत फागुन ११ गते राति ११ बजे गाउँमा आएको जन्ती हेर्न जाँदा उनी सम्पर्कविहिन बनेका थिए । परिवारजनका अनुसार पारिवारिक रिसइबीको कारण बालकको हत्या गरेर गाडिएको हुन सक्छ । परिवारजनले दोषी पत्ता लगाई आवश्यक कारबाहीको लागि माग गरेका छन् । सो घटनाको थप अनुसन्धान गर्न प्रहरीले प्रादेशिक प्रहरी कार्यालय डग शाखा बर्दिबासबाट तालिम प्राप्त कुकुर झिकाएकाे थियाे ।

जिल्ला प्रहरी कार्यालय बाराका प्रवक्ता प्रहरी नायब उपरीक्षक गाैतम मिश्रले कपडाको आधारमा बालकको परिवारले शवको पहिचान भएको र थप अनुसन्धान शुरु गरिएको उनले बताए ।

 उनले भने “एउटा खुट्टा पुरिएको र एउटा खुट्टा बाहिर भएको शव सडेको अवस्थामा थियो । तालिमप्राप्त कुकुरले दिशा पत्ता लगाउन सकेन ।” ’ लासको प्रकृति हे¥यौं, घटनास्थल जाँच मुचुल्का तयार गरेर गाउँघरमा बुझ्दैछौं ।’ पोष्ट मार्टम रिपोर्ट आएपछि थप कुरा खुल्न सक्ने उनको भनाई छ ।

वीरगंज उद्योग वाणिज्य संघको ४५ औं साधारण सभा सम्पन्न

0

वीरगन्ज । वीरगन्जका उद्योगीहरुले निर्माणाधीन ६ लेनको व्यापारिक मार्गको नालामा उद्योगको पानी बग्न नदिने उर्दीका कारण अर्बौको औद्योगिक लगानी जोखिममा परेको गुनासो गरेका छन् ।

शुक्रबार वीरगन्ज उद्योग वाणिज्य संघको ४५ औं साधरणसभाको उद्घाटन सत्रमा बाेल्ने उद्योगीहरुले यस्तो गुनासो गरेका हुन् । वीरगन्ज पथलैया औद्योगिक कोरीडोरमा निर्माणाधीन व्यपारिक मार्गको नालामा सडक विभागले उद्योगबाट निस्कने पानी फाल्न नदिन उर्दी नै जारी गरेको उद्योगीहरुले बताए । 

निर्माणाधीन ६ लेनको व्यापरिक मार्गको नालामा उद्योगको पानी फाल्न नदिइए औद्योगिक कोरिडरमा रहेका उद्योग कलकारखाना सन्चलनमा निकै ठूलो समस्या आएको बताए । 

पथलैयादेखि परवानीपुर सम्मको सडक विस्तार गरि ६ लेनको र परवानीपुर देखि गण्डक चोक सम्ममको सडक चार लेनको बनाउने काम चलिरहेको छ । ती दुवै सडक विस्तारका क्रममा अहिले निर्माण गरिएको नालामा उद्योगबाट निस्कने पानी फाल्न नपाइने सडक विभागले उर्दी जारी गरेका कारण यसले अर्बौको औद्योगिक लगानी डुब्ने खतरा रहेको उद्योगीहरुको तर्क छ । 

वीरगन्ज उद्योग वाणिज्य संघका पूर्व अध्यक्ष ओम प्रकाश शर्माले ६ लेन सडकको नालामा उद्योगको पानी फाइलन नपाइने सडक विभागले उर्दी नै जारी गरेको वताए । उनले भने “न कुनै डम्पिङ साइट छ, न वेष्टेज फाल्ने कुनै विकल्प दिएको छ, यदि यस्तै गर्ने हो भने यहाँका प्राय सबै उद्योग बन्द हुने अवस्थामा पुग्ने निश्चित छ ।”

अहिले निर्माण गरिएको  नालामा वर्षाका बेला सडकको पानी मात्र निकास हुने तर उद्योगका पानीको भने निकास नहुने गरि निर्माण गरिएकाले वर्षाका बेला उद्योगहरु नै डुबानमा पर्दै आएको उनले बताए ।

सरकारले विदेशी तथा स्वदेशी लगानीको वातावरण सिर्जना गर्नु पर्छ : बरिष्ठ उपाध्यक्ष ढकाल

नेपाल उद्योग वाणिज्य महासंघका बरिष्ठ उपाध्यक्ष चन्द्र ढकालले नेपाल सरकारले मुलुकमा विदेशी तथा स्वदेशी लगानीको वातावरण सिर्जना गर्नुपर्ने बताएका छन् ।

वीरगन्ज उद्योग वाणिज्य संघको ४५ औं बार्षिक साधारण सभालाई सम्बोधन गर्दै ढकालले २० वर्षमा मलेसियाले गरेको विकासको उदाहारण दिदै नेपाल सरकारले विदेशी तथा स्वदेशी लगानीकर्ताको सुरक्षालाई ध्यानमा राख्दै लगानीको वातावरण बनाए २० वर्षमा मुलुकमा विकासले फड्को मार्ने बताए ।

व्यवसाय विकास भएमात्रै मुलुकको विकास हुन्छ र हाम्रो मुलुक व्यवसायको हिसाबमा १९० औं देशमध्ये १७५ औं स्थानमा, लजिष्टिकतर्फ ११४ देशमध्ये १०८ औं स्थान तथा सडक सञ्जालमा १०१ औं स्थान एवं गुणस्तरीय हिसाबले १२० औं स्थानमा रहेकोले हामी अहिलेपनि धेरै पछाडि रहेको र धेरै विकास गर्नुपर्ने भएको भन्दै ढकालले मुलुकमा आउने विदेशी लगानीकर्तालाई तीनै तहको सरकारबाट सुरक्षाको प्रत्याभूति दिलाउन सक्नुपर्ने, स्वदेशी लगानीकर्तालाई लगानीतर्फ प्रोत्साहन गर्न सक्नुपर्ने बताए ।

उनले भने, ‘सरकारले विना लगानी निजी लगानीकर्ताको फाइदाबाट २५ प्रतिशत कर प्राप्त गरिरहेको छ । त्यो नै व्यावसाय चमत्कारीको विकास रहेकोले कुनैपनि निजी क्षेत्रले व्यावसाय सृजना गर्न खोज्दा तिनै तहको सरकारबाट सहयोग हुनुपर्छ ।’

उनले थप भने, ‘मुलुकमा स्वदेशी लगानीकर्ताको आकर्षण बढ्दो छ, एउटा साधारण आईपीओ खुल्यो भने लाखौं लाख नागरिकहरुले लगानी गर्न तयार रहन्छन्, यो अवस्थालाई सरकारले सदुपयोग गर्न सकेन भने त्यो भन्दा दुःखद पक्ष केही हदैन ।’

करको दायरालाई घटाउनु पर्छ : उपाध्यक्ष श्रेष्ठ

नेपाल उद्योग वाणिज्य महासंघका उपाध्यक्ष दिनेश श्रेष्ठले राज्यले जनतालाई सेवा गर्ने हो भने करको दायरालाई घटाउनुपर्ने बताए । उनले राज्यले अनावश्यक रुपमा अन्तत शुल्कको नाममा कर माथि कर थुपारिरहेको भन्दै जनतालाई सेवा नै गर्ने हो भने अनावश्यक करलाई हटाउनुपर्ने तथा व्यापारीहरुलाई अनावश्यक दुःख दिने कार्य बन्द गरिनुपर्ने बताए ।

ऐनमा देखिएको समस्यालाई समाधान गर्नु पर्छ : अध्यक्ष लाठ

नेपाल उद्योग वाणिज्य महासंघ प्रदेश २ का अध्यक्ष गणेश लाठले नेपाली वितरकहरुको लगानी कसरी जोगाउन सकिन्छ भन्ने तर्फ केन्द्रीय कमिटीलाई ध्यानाकर्षण गराउँदै उधारो ऐनमा देखिएको समस्यालाई समाधान गर्नुपर्ने कुरामा जोड दिएका थिए ।

उनले मुलुकमा सम्पत्ति शुद्धिकरण ऐन लागू गर्नुपर्ने भन्दै यसबाट मुलुकमा हुने भ्रष्टाचारमा न्यूनीकरण हुने विश्वास व्यक्त गरे । मुलुकमा सबैभन्दा बढी उद्योग व्यापार हुने बारा पर्सा कोरिडोरलाई आद्योगिक क्षेत्र घोषणा गर्नुपर्ने बताए ।

वीरगन्ज उद्योग वाणिज्य संघका अध्यक्ष गोपाल केडियाको सभापतित्वमा साधारण सभाकाे उद्घाटन समाराेहमा वीरगंज उद्याेग वाणिज्य संघका बरिष्ठ उपाध्यक्ष सुबाेध गुप्ता, नेपाली कांग्रेसका सभापति अजय द्विवेदी लगायतकाे सहभागिता रहेकाे थियाे भने कार्यक्रममाे संचालन वीरगन्ज उद्योग वाणिज्य संघका महासचिव माधव राजपालले गरेका थिए ।

पताैरामा सुरु भएकाे मधानी महायज्ञ (फाेटाेफिचर सहित)

0

वीरगंज । रौतहटको मौलापुर नगरपालिका वडा नं. ५ पताैरामा बिहीबारदेखी दोस्रो मधानी महायज्ञ सुरु भएको छ । मौलापुर नगरपालिकाद्वारा आयोजित महायज्ञको नेपाल सरकारका उप–प्रधानमन्त्री ईश्वर पोखरेलले उद्घाटन गरेका थिए ।

उद्घाटन समारोहलाई सम्बोधन गर्दै उपप्रधानमन्त्री ईश्वर पोखरेलले नेपाल–भारत सीमा नाकामा सरकारले चाँडै सवारी साधनको आउजाउको व्यवस्था मिलाउने बताए । पैदलयात्रीका लागि मात्रै केही सहज रहेको सीमा नाका अब पूर्ववत् रुपमा खुला हुने उनले बताए ।

कोरोना भाइरस (कोभिड–१९) महामारीका कारण लामो समयदेखि सरकारले सीमा वारपारमा कडाइ गर्दै आइरहेको थियो । उनले सीमा क्षेत्रका जनताले भोग्नु परेको कठिनाइलाई मध्यनजर गर्दै पहिलेकै अवस्थामा नाका सुचारु हुने बताए । उपप्रधानमन्त्री पोखरेलले पतौरा मन्दीरको संरक्षण र प्रबर्द्धनका लागि आवश्यक सबै किसिमको सहयोग गर्न सरकार तयार रहेको बताए ।

मौलापुर नगरपालिकाकी मेयर रिना साहको अ ध्यक्षतामा भएको कार्यक्रममा शहरी विकास प्रभु साह, प्रदेश नं. २ का प्रमुख डा. राजेश झा, बागमति प्रदेशका सभामुख सानु कुमार श्रेष्ठ लगायतको उपस्थिति रहेको थियो ।

कार्यक्रममा नेपाली सिनेमाका सुपर स्टार शिव श्रेष्ठ, अभिनेत्री द्वय दिपा श्री निरौला, सञ्चिता लोयटेल, भोजपुरी सिनेमाका सुपरस्टार अक्षरा सिंह, भोजपुरी प्रदिप पाण्डे (चिन्टु), गायक सुनिल पण्डित लगायतका कलाकारले गीत तथा नृत्य प्रस्तुत गरेका थिए ।

पतौरामा जग्गा उत्खनन गर्दा शिवको प्राचीन मूर्ति फेला परेपछि सो स्थानमा मधानी महायज्ञको सुरुवाता गरिएको हो । ऐतिहासिक, धार्मिक तथा साँस्कृतिक पर्यटनको प्रचुर संभावना बोकेको मौलापुर स्थित पतौरा पुरातात्विक महादेव मन्दिरप्रति सम्पूर्ण पक्षको गम्भीर ध्यानाकर्षण गराउन तथा यस सम्पदालाई विश्व सम्पदा सुचीमा सुचिकृत गराउन मद्दत पुर्याउने उद्देश्यले सुरुवात गरिएको नगरपालिकाले जनाएको छ ।

उद्याेग वाणिज्य सं‌घकाे साधारण सभामा ३ पत्रकार सम्मानित

0

वीरगंज । वीरगंज उद्याेग वाणिज्य संघले आफ्नाे ४५ औं वार्षिक साधारण सभाकाे अवसरमा ३ जना पत्रकारलाई प्रशंसा पत्रले सम्मान गरेकाे छ ।

संघले अन्पूर्ण पाेष्ट दैनिकका संवाददाता क्रान्ति साह, राजधानी दैनिकका संवाददाता तुलसी भण्डारी र गाेरपत्र दैनिकका संवाददाता कन्हैयालाल केशरीलाई प्रशंसा पत्रले सम्मान गरेकाे हाे ।

विगत एक दशक देखी पत्रकारित पेशामा आवद्ध रही तिनै जनाले अविच्छिन रुपमा पर्सा जिल्लाकाे राजनितिक, सामाजिक, सांस्कृतिक, शैक्षिक, आर्थिक, पर्यटन लगायतकाे क्षेत्रहरुसंग सम्बन्धित समाचार लेखेर जिल्लाकाे विकासकाे लागि भूमिका तथा स्थानिय उद्याेग व्यापारकाे संरक्षण, सम्बर्द्धन तथा विकासमा याेगदान पुर्याएकाेमा सम्मान गरिएकाे संघका महासचिव माधव राजपालले वताए ।

संघका अध्यक्ष गाेपाल केडियाकाे अध्यक्षतामा भिस्वा हाेटमा भएकाे साधारण सभा उद्घाटन समाराेहमा कार्यक्रमका प्रमुख अतिथी नेपाल उद्याेग वाणिज्य महासंघका बरिष्ठ उपाध्यक्ष चन्द्रप्रसाद ढकालले फुलकाे माला र दाेसल्ला ओढाएर प्रशंसा पत्रले सम्मान गरेका थिए ।

स्व.टि.आर. राष्ट्रिय पत्रकारिता पुरस्कारबाट पत्रकार पासवान पुरस्कृत

0

वीरगंज । स्व. टि.आर. बिश्वकर्मा स्मृति राष्ट्रिय पत्रकारिता पुरस्कार २०७७ बाट कालिका टाईम्स डट कमका सम्पादक वृजलाल पासवान पुरस्कृत भएका छन् ।

राष्ट्रिय दलित पत्रकार संघ, नेपालले पत्रकारितकाे माध्यममार्फत जातीय भेदभाव तथा छुवाछुतकाे अन्त्य र सामाजिक न्यायका लागि पुर्याउनु भएकाे याेगदानकाे उच्च मूल्यांकन गर्दै पत्रकार पासवानलाई पुरस्कृत गरेकाे हाे  ।

राष्ट्रिय दलित पत्रकार संघ, नेपालका अध्यक्ष विनाेद पहाडीकाे अध्यक्षतामा बुटवलमा भएकाे संघकाे प्रथम राष्ट्रिय अधिबेशनमा कार्यक्रमका प्रमुख अतिथी पूर्व प्रधानमन्त्री पुष्प कमल दहाल (प्रचण्ड) ले दाेसल्ला ओढाएर पुरस्कार राशी रु २५ हजारकाे चेक र सम्मान पत्रले पुरस्कृत गरेका थिए ।

पुरस्कृत पासवान प्रेस संगठन नेपालका केन्द्रिय सदस्य एवम् प्रदेश नं. २ का सचिव हुन् ।

शिवरात्री पुजाकाे अवसरमा प्रशाद वितरण

0

प्रणय साह/

वीरगंज । शिवरात्री पुजाकाे अवसरमा बिहिबार काठमाडाैं पशुपति क्षेत्रमा प्रशाद वितरण गरिएकाे छ ।

कानु, हलुवाई, कान्दु, मध्यदेशिय समाज नेपालकाे आयाेजनमा देशकै आस्थाका केन्द्रमा रहेका पशुपति क्षेत्रमा प्रसाद वितरण गरिएकाे समाजका उपाध्यक्ष विजय साह कानुले वताए । प्रशादमा खिर, फलफूल लगायतकाे वितरण गरिएकाे उनले जानकारी गराए ।

बिहान ९ बजेदेख सुरु भएको प्रसाद बितरण कार्यक्रम बेलुका ४ बजे सम्म भएको थियोे । प्रशाद वितरण कार्यक्रममा हाराहारी ८ हजार भक्तजनले प्रसाद ग्रहण गरेको समाजका युवा अध्यक्ष बिजय प्रसाद साहले जानकारी दिए ।