वीरगंज । स्व. टि.आर. बिश्वकर्मा स्मृति राष्ट्रिय पत्रकारिता पुरस्कार २०७७ बाट कालिका टाईम्स डट कमका सम्पादक वृजलाल पासवान पुरस्कृत भएका छन् ।
राष्ट्रिय दलित पत्रकार संघ, नेपालले पत्रकारितकाे माध्यममार्फत जातीय भेदभाव तथा छुवाछुतकाे अन्त्य र सामाजिक न्यायका लागि पुर्याउनु भएकाे याेगदानकाे उच्च मूल्यांकन गर्दै पत्रकार पासवानलाई पुरस्कृत गरेकाे हाे ।
राष्ट्रिय दलित पत्रकार संघ, नेपालका अध्यक्ष विनाेद पहाडीकाे अध्यक्षतामा बुटवलमा भएकाे संघकाे प्रथम राष्ट्रिय अधिबेशनमा कार्यक्रमका प्रमुख अतिथी पूर्व प्रधानमन्त्री पुष्प कमल दहाल (प्रचण्ड) ले दाेसल्ला ओढाएर पुरस्कार राशी रु २५ हजारकाे चेक र सम्मान पत्रले पुरस्कृत गरेका थिए ।
पुरस्कृत पासवान प्रेस संगठन नेपालका केन्द्रिय सदस्य एवम् प्रदेश नं. २ का सचिव हुन् ।
