Date
शुक्र, मंसिर ४, २०८३
Fri, November 20, 2026
Home Blog Page 847

तरकारीको बोरामा लागु औषध बरामद, दुई जना पक्राउ

0

वीरगंज । पर्सा प्रहरीले आइतबार लागु औषधसहित दुई जनालाई पक्राउ गरेकाे छ  ।

लागु औषध नियन्त्रण ब्युरो बीरगञ्ज पर्साले वीरगंज महानगरपालिकाकाे वडा नं. १६ रजतजयन्ती चाेकबाट भारतकाे युपी राज्य जिल्ला गाेरखपुर पाेखराका ५५ बर्षिय रमेश दास र जिल्ला मकवानपुर हेटौँडा उपमहानगरपालिका वडा नं.९ का २९ बर्षिय राम कुमार देउजालाई पक्राउ गरेकाे हाे । 

भारतबाट नेपालतर्फ पैदल आउँदै गरेका दुबै जनामाथी शंका लागी शरीर खानतलासी गर्दा निजहरूले बोकेको तरकारी हालेको बोरामा लुकाइछिपाई ल्याएको लागु औषध ONEREX-100ml ५० बोतल र नाइट्रोभेट १० पत्ता ३ सय ट्याव्लेट फेला परेकोले नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

पक्राउ परेका दुबै जनालाई लागु औषध सम्बन्धि कसूरमा थप अनुसन्धान भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले वताए ।

रेडक्रस युवा स्वयंसेवक अन्तरक्रिया कार्यक्रम सम्पन्न

0

वीरगंज । नेपाल रेडक्रस सोसाइटी पर्सा जिल्ला शाखा र केन्द्रिय कार्यालयको संयुक्त आयोजनामा एक दिने रेडक्रस युवा स्वयंसेवक अन्तरक्रिया कार्यक्रम सम्पन्न भएको छ ।

नेपाल रेडक्रस सोसाइटी जुनियर तथा युवा रेडक्रस विभाग अन्तर्गत युवा सवलीकरण कार्यक्रम अन्तर्गत युथ लिड इनिटियटिभका लागि ८ जना प्राेफेसन युथ भाेलन्टियरहरुलाई दुई भागमा विभाजन गरी देशको पूर्वीे र पश्चिमका केही जिल्लाहरुमा जुनियर तथा युवा संगठन विकास, सडक सुरक्षा, साइबर शिक्षा र साइबर बुलिङ्ग र जलवायु परिवर्तन सम्वन्धी विषयमा सर्कलका पदाधिकारी एवं सदस्यहरुसंग प्रस्तुती, अन्तरक्रिया र सर्भे प्रश्नावलीहरुमा छलफल गरिएको रेडक्रस पर्सा शाखाका सहायक राजन श्रीवास्तवले वताए ।

नेपाल रेडक्रस सोसाइटी पर्सा जिल्ला शाखाका जुनियर युवा समितिका संयोजक बिनोद गिरीको सभापतित्व र रेडक्रस पर्साका मन्त्री शैलेन्द्र कुमार चौरसियाकाे प्रमुख आतिथ्यतामा भएकाे उद्घाटन कार्यक्रममा रेडक्रस पर्साका कोषाध्यक्ष महन्थ प्रसाद यादव, कन्द्रिय कार्यालयका कृष्णहरि कोइरालाले आ–आफनो मन्तव्य राखेका थिए ।

कार्यक्रममा नेपाल रेडक्रस सोसाइटी केन्द्रिय कार्यालयका कुसल बसनेतले जुनियर युवा रेडक्रसको संगठन विकास, सृजना अधिकारी सडक सुरक्षा, बिनोद विष्ट साईबर शिक्षा साईबर बुलिङ्ग र रिमा मर्हजनले जलवायु परिवर्तन वारे सहभागीहरुलाई प्रशिक्षण दिएका थिए ।

समापन कार्यक्रमको प्रमुख अतिथी रेडक्रस प्रदेश नं. २ का अध्यक्ष फूलमहम्मद मियाँले रेडक्रस पर्सा र केन्द्रले आयेजना गरेको अन्तरक्रिया कार्यक्रम निकै सराहनिय रहेको साथै रेडक्रस प्रदेशले पनि युवाहरुको बौद्धिक विकासका लागी विभिन्न योजना बनाएको भन्दै सहभागीहरुलाई सशक्त हुनका लागी शुभकामना दिए ।

कार्यक्रममा रेडक्रस पर्साका उपमन्त्री साविर अहम्मद एराज, उपकोषाध्यक्ष दयाशंकर सिह, कलेजका युवा शिवनाथ यादव, भरत शर्मा, सन्दिप श्रीवास्तव, शेष हजरा, दिपिका श्रेष्ठ, आकाश चौरसिया, करण कुमार रौनियार लगायत विभिन्न कलेज एवं विद्यालयका ४७ जना विद्यार्थीहरुकाे सहभागिता रहेकाे थियाे ।

विवाह गर्ने प्रलोभनमापारी जबरजस्ती करणी गर्नेसहित ३ जना पक्राउ

0

वीरगंज । विवाह गर्ने प्रलोभनमापारी जबरजस्ती करणी गर्ने एक जनालाई प्रहरीले पक्राउ गरेकाे छ । वीरगंज महानगरपालिकाकाे वडा नं. ३१ कटगेनवाका २२ बर्षिय अनिल कुशवाहालाई प्रहरीले पक्राउ गरेकाे हाे ।

१९ वर्षीय महिलालाई निजको उमेर २० वर्ष पुगेपछि विवाह गर्छुभनी विश्वास दिलाउन २०७६ फाल्गुन १६ गते छेका समेत गरी आफ्नै घरकोठा तथा गाउँघरको एकान्त स्थानमा समेत पटक-पटक करणी गरेकाे र हाल अर्कासंग विवाह समेत गरेकाेले निजलाई जबर्जस्ती करणी कसूरमा कानून बमोजिम कारबाही गरि पाऊँ भनी फागुन २८ गते पीडितको बुवाले दिएको जाहेरीकाे अधारमा कुशवाहालाई पक्राउ गरिएकाे प्रहरीले जनाएकाे छ ।

पक्राउ परेका कुशवाहा विरुद्ध जबरजस्ती करणी शीर्षकमा मुद्दा दर्ता गरी पर्सा जिल्ला अदालतको आदेशले ७ दिन म्याद थप समेत भई अनुसन्धान भइरहेकाे जिल्ला प्रहरी कार्यालयका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

बालिकालाई जबरजस्ती करणी गर्ने पक्राउ

बालिकालाई जबरजस्ती करणी गर्ने एक जनालाई पनि प्रहरीले पक्राउ गरेकाे छ । पर्साकाे सखुवाप्रसौनी गाउँपालिका वडा नं.५ बलुवा टोल निवासी १८ बर्षिय रोशन कुमार यादवलाई प्रहरीले पक्राउ गरेकाे हाे ।

१६ बर्षिय वालिकालाई फागुन ८ गते राति १० बजेको समयमा पीडितको घरकोठामा आई विवाह गर्छु भनी ललाइफकाई जबरजस्ती करणी गरी फागुन १३ गते विहान १ बजेको समयमा घर छाडी हिँड्न बाध्य बनाई भारतको गोरखपुर भन्ने ठाउँमा लगी डेरा गरी राखी पटकपटक करणी गरेको र पछि पीडित वालिकाको घर तथा प्रहरीबाट खोजतलास भइरहेको छ भन्ने थाहा पाई निजले पीडितलाई आफ्नो घर जाऊ भनी पठाएको भन्दै फागुन २८ गते पीडितको बुवाले दिएकाे जाहेरीकाे आधारमा यादवलाई पक्राउ गरिएकाे प्रहरीले जनाएकाे छ ।

पक्राउ परेका राेशनविरूद्ध जबरजस्ती करणी शीर्षकमा मुद्दा दर्ता गरी पर्सा जिल्ला अदालतको आदेशले शुक्रबार ७ दिन म्याद थप गरी थप अनुसन्धान भइरहेको प्रवक्ता खनालले जानकारी दिए ।

जबरजस्ती करणीकाे प्रयास गर्ने पक्राउ

 पटेर्वासुगौली गाउँपालिका वडा नं.४ अकुवाटोलका १९ बर्षिय अविशेक दासलाई प्रहरीले पक्राउ गरेकाे छ ।  

फागुन २५ गते ११:३० बजेको समयमा गहुँखेतमा घाँस काटिरहेकी २१ वर्षीया महिलालाई एक्कासी एक हातलेको मुख थुनी अर्को हातले पछाडि कपालको चुल्ठो समाती जबरजस्ती करणीकाे प्रयास गरेकाे भन्दै पीडित महिलाले फागुन २६ गते दिएकी जाहेरीकाे अधारमा दासलाई पक्राउ गरिएकाे प्रहरीले जनाएकाे छ ।

पक्राउ परेका दासविरूद्ध जबरजस्ती करणी उद्योग शीर्षकमा मुद्दा दर्ता गरी पर्सा जिल्ला अदालतको आदेशले शुक्रबार ७ दिन म्याद थप गरी थप अनुसन्धान भइरहेको जिल्ला प्रहरी कार्यालय पर्साले जनाएकाे छ ।

कानु पत्रकार संघ बाराको शपथ ग्रहण

0

वीरगंज । कानु पत्रकार संघ बाराको सपथ ग्रहण तथा कार्यालय उदघाटन कार्यक्रम शनिबार सम्पन्न भएकाे छ ।

बाराको कलैयास्थित होटेल करण राज प्यालेसमा भएकाे कार्यक्रममा वाेल्दै प्रदेस सभा सदस्य बाबुलाल साह कानुले पिछडिएका कानु जातिको मात्र नभई सबै जातिको उत्थान गर्न पत्रकारहरुलाई आग्रह गरे ।

कानु पत्रकार संघ बाराको गठन भएकोमा आफू धेरै खुशी भएको वताउदै उनले कार्यलय संचालनको लागि चाहिने आवश्यक सामग्रीहरु आफुले सहयोग गर्ने प्रतिबद्धता समेत जनाए । उनले कानु, कान्दु, हलौवाई सबैलाई गोलबन्ध गरि एकजुट बनाउनु पर्ने जोड दिए ।

बाराको प्रमुख जिल्ला अधिकारी सुरेन्द्र पौडेलले दहेज प्रथा अन्तको लागि छोरिलाई उच्च शिक्षा दिनु पर्ने बताए । 

महागढीमाई नगरपलिकाकी उपप्रमुख तारा देबि कानुले निष्पक्ष पत्रकारिताले समाज परिवर्तन हुने बताइन । उनले कानु पत्रकार संघ बाराको पत्रकारबाट सबै जातीको उथान हुने विश्वास व्यक्त गरिन ।

कानु पत्रकार संघ समाजको सबै जातीलाई उथान गर्ने उदेश्यले भएकाे वताइएकाे छ । समाजको बिकृती, उत्पन्न समस्यालाई अन्त गर्दै विभिन्न बर्गका जातीलाई लिएर अगाडि बढ्ने संघको उदेश्य रहेको स्वागत मन्तव्य राख्दै कानु पत्रकार संघका सचिव श्रीकान्त कुमार गुप्ताले बताए ।

संघले काखा पाखा नगरी निष्पक्ष रुपले कलम चलाएर समाजको सेवा गर्ने प्रतिबद्धता संघको तर्फबाट गुप्ताले जनाए ।

कानु पत्रकार संघ बाराको अध्यक्ष अजय साहको अध्यक्षतामा भएको कार्यक्रममा नेपाल पत्रकार महासंघ प्रदेश नं. २ को सचिव गुरुप्रसाद गौतम, वरिष्ठ पत्रकार गोकुल घोरसाईने, पुर्व उपाध्यक्ष राकेश पाण्डे, रेशम तिवारी, कानु समाज बाराको अध्यक्ष ओमप्रकाश साह कानु, उपाध्यक्ष हरिनारायण साह, रबिन्द्र साह, भूषण गुप्ता, नागरिक समाज बाराको अध्यक्ष उमेशलाल दास, उधोग बाणिज्य संघ बाराको महासचिव राम असिस साह कानु लगायतले शुभकामना मन्तव्य राखेका थिए ।

कानु पत्रकार संघ बाराको सपथ ग्रहण कार्यक्रममा बारा, पर्सा, रौतहटका स्वजातिय ब्याक्तित्वहरुको सहभागिता रहेको थियो भने कार्यक्रमको संचालन कानु पत्रकार संघको उपाध्यक्ष नरेश गुप्ताले गरेका थिए ।

वीरगंजबाट लागु औषधसहित दुई जना पक्राउ

0

वीरगंज । पर्सा प्रहरीले लागु औषधसहित दुई जनालाई पक्राउ गरेकाे छ । पक्राउ पर्नेमा दोलखा जिल्ला झुले गाउँपालिका वडा नं. २ घर भई हाल जिल्ला चितवन टाँडी नगरपालिका वडा नं. २ बस्दै आएका २० बर्षिय सुरज कार्की र मकवानपुर जिल्ला हटौडा उपमहानगरपालिका वडा नं. ३ निवासी ३५ बर्षिय विकास लामा रहेकाे प्रहरीले जनाएकाे छ ।

जिल्ला प्रहरी कार्यालय पर्साबाट खटिएकाे प्रहरी टाेलीले फागुन २६ गते दिउसाे ४:३० बजे बीरगञ्ज महानगरपालिका वडा नं.२१ परवानीपुर चोक स्थितबाट सुरज कार्कीलाई पक्राउ गरेकाे जनाएकाे छ ।

बीरगञ्जबाट पथलैयातर्फ जाँदै गरेको बसमा सवार यात्रुहरूलाई यस कार्यालयबाट खटिएको प्रहरी टोलीले चेकजाँच गर्ने क्रममा बसमा सवार कार्कीकाे साथबाट नाइट्रोभेट ५ पत्ताको ७५ पिस लागु औषध बराबद भएकाेले नियन्त्रण लिइएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले वताए । उनले लगाएकाे ज्याकेटको खल्तीबाट लागु औषध फेला परेकोले प्रवक्ता खनालले जानकारी दिए । पर्सा जिल्ला अदालतबाट शुक्रबार ७ दिन म्याद थप गरी लागु औषध मुद्दामा थप अनुसन्धान अगाडि बढाइएको खानलले जानकारी गराए ।

त्यसैगरी, सशस्त्र प्रहरी बल नेपाल बोर्डर आउट पोष्ट बीरगञ्जबाट खटिएको टोलीले वीरगंज महानगरपालिकाकाे वडा नं. १६ ईनर्वा भन्सार मेन गेटबाट विकास लामालाई पक्राउ गरेेकाे हाे । फागुन २६ गते दिउसाे १२ बजे भारतबाट नेपालतर्फ आउँदै गरेको ना ४४ प २६५७ नम्बरकाे स्कुटीको अगाडिपट्टि खाली भागमा राखिएको सेतो बोराभित्र तथा निजले बोकेको कमब्याट झोलाबाट लागु औषध Wincirex १०० एम.एलको २४५ बोतल फेला परेकाे जिल्ला प्रहरी कार्यालय पर्साले जनाएकाे छ ।

 प्रकाउ परेका लामालाई पर्सा जिल्ला अदालतको आदेशले ७ दिन म्याद थप गरी लागु औषध मुद्दामा थप अनुसन्धान अगाडि बढाइएको प्रवक्ता खनालले जानकारी दिए ।

एचआईभी रोकथाम परियाेजनाकाे समन्वयात्मक बैठक सम्पन्न

0

पर्सा । सहयात्री समाज नेपाल पर्साद्वारा संचालित एचआईभी रोकथाम सहयोग हेरचाह तथा उपचार परियोजनाको सरोकारवालासंगकाे समन्वयात्मक बैठक शुक्रबार सम्पन्न भएकाे छ ।

बैठकमा सहयात्री समाजकी कार्यक्रम प्रमुख समता बमले आर्थिक बर्ष २०७७।०७८ को प्रगतीको बारेमा प्रस्तुत गर्दै सहयात्री लक्ष्य भन्दा दुई जना बढी संक्रमित भेटिएकाे बताइन ।

उनले संस्थाकाे लक्ष्य २४  जना रहे पनि २६ जना एचआइभी संक्रमित पता लगाई उपलब्धीमुलक काम गरेको वताइन । उनका अनुसार यौनिक तथा लैगिंक समुदाय, समलिंगी र तेस्राे लिङ्गी लक्षित कार्यक्रममा २ सय ७ जनाले एआरटी खादै गरेका छन् । ५२ जनाको लक्ष्य रहेको यस बर्षमा २८ जना खाएका छन भने २ जनाको मृत्यु भएको छ ।

पुरानो र नयाँ गरी २ सय ७ जना एआरटी खाएको र फिल्डमा काम गर्दा शिक्षा दिने क्रममा, संक्रमीत, जोखीम र पाउन चाहनेहरुलाई २२ हजार ३ सय ७३ वटा कण्डम र २० हजार ५ सय ३८ जनालाई लुब्रिकेन्ट बितरण गरेको बताईन ।

एचआईभीको जोखिम रहेको र निगेटिभ पार्टनरसंग सम्बनध राख्ने खाले २५ जनाले एआरभी समेत खाईरहेको बमले बताईन । आर्थिक बर्ष २०७७।०७८ मा ६४ जना लक्ष्य रहेकोमा हाल २५ जनाले खादै गरेको जानकारी गराइन ।

प्रमुख बमले पर्साको १४ वटा पालिकामा कार्यक्षेत्र रहेको सहयात्री समाजको १० जना कर्मचारी रहेकोले जिल्ला भरी काम गर्दा कर्मचारी संख्या कमीका कारण समस्या भोग्नु परेको गुनासाे गरिन । उनले लुकेछुपेका संक्रमणमा परेकाहरुलाई उपचारको लागी खुलाउनु अति नै चुनौती रहेको र आएकाहरुलाई सपोर्ट गर्न पनि अति नै समस्या रहेको वताइन ।

अति गरीब, गरीब, बिपन्न भएका संक्रमितहरु बिरामी परेको बेला उपचार गर्न सक्ने क्षमता नरहेकोले पालिकाले सहयोग गर्न आवश्यक देखिएको छ ।

बमका अनुसार अन्य क्षेत्रको सहयोग बिना एचआईभी संक्रमणमा परेकाहरु मध्ये उपचार गराउदा गराउदा पर्साका २ र बाराका १ जना गरी ३ जनाको यो आर्थिक बर्षमा मृत्यु समेत भएकाे छ ।

यस बर्षको पालिकाहरुको योजनातर्जुमामा आफुहरुले एचआईभी संक्रमितहरुका लागी बजेट राख्न समेत आग्रह गर्ने बताईन ।

सहयात्री समाज वीरगंजकाे सभाहालमा भएकाे बैठकमा जिल्ला जनस्वास्थ्य कार्यालयका प्रमुख कामेश्वर चौरसिया, गैरसरकारी संस्था महासंघ नेपाल पर्साका अध्यक्ष छठु साह, नारायणी अस्पतालका एआरटी प्रमुख सरिता श्रेष्ठ, बिरगंज महानगरपालिकाका पब्लिक हेल्थ निरिक्षक सुमनचन्द्र ठाकुर, श्रीपुर वडा प्रहरीका प्रमुख दिपक कुमार साह, माईती नेपालकी पुजा शाही र बिजामकी उषाकिरण चौधरी लगायतको सहभागीता रहेको थियो ।

शिक्षक संघ कालिकामाईकाे बैठक सम्पन्न

0

वीरगंज । नेपाली कांग्रेस निकट नेपाल शिक्षक संघ कालिकामाई गाउँपालिकाकाे बैठक शनिबार सम्पन्न भएकाे छ ।

दिव्य कन्या माविका प्रधानाध्यापक रामयतन प्रसादकाे अध्यक्षता र नेपाली कांग्रेस कालिकामाई गाउँपालिका संयाेजक राजेन्द्र प्रसाद कुर्मीकाे प्रमुख आतिथ्यतामा बसेकाे बैठकले ३ वटा महत्वपूर्ण निर्णय गर्दै सम्पन्न भएकाे हाे ।

बैठकले शिक्षक महासंघ कालिकामाई गाउँपालिकामा धर्मेन्द्र चाैरसियालाई पठाउने निर्णय गरेकाे छ ।

यस्तै, बैठकले शिक्षक संघ कालिकामाई गाउँपालिका संयाेजकमा अरुण किशाेर प्रसाद यादवलाई चयन गरेकाे छ भने शिक्षक संघकाे स्थानिय प्रतिनिधि सभा आउदाे चैत ३ गते गर्ने निर्णय गरेकाे छ ।

श्री सुकई साह मावि भेडिहारीमा बसेकाे बैठकमा शिक्षक संघका जिल्ला सचिव अशाेक साह, सचिव अशाेक महताे, श्री सुकई साह माविका विद्यालय व्यवस्थापन समिति अध्यक्ष विनाेद चाैरसिया, छठु साह लगायत शिक्षक संघसंग आवद्ध कालिकामाई गाउँपालिका अन्तर्गतका १० वटा विद्यालयका शिक्षकहरुकाे सहभागिता रहेकाे थियाे ।

स्व. विकास पटेलकाे स्मृतिमा रक्तदान कार्यक्रम सम्पन्न

0

वीरगंज । स्व. विकास पटेलकाे दाेस्राे स्मृतिमा शनिबार वीरगंजमा रक्तदान कार्यक्रम सम्पन्न भएकाे छ । इम्पेरियल क्लेज आँफ मैनेजमेंट श्रीपुरमा भएकाे कार्यक्रममा ४ महिलासहित ६७ जनाले रक्तदान गरेकाे क्लेजका आलाेक गुप्ताले वताए ।

कार्यक्रममा राधेश्याम पटेल, अरविन्द पटेल, राकेश गुप्ता, ओमप्रकाश गुप्ता, चन्दन साह, धमेन्द्र ठाकुर, भिम पटेल, प्रितम पटेल, नितिश पटेल, जितेन्द्र पटेल, सहिमा नेशा, प्रदिप चाैरसिया, अरुण कुमार कुशवाहा, दिपक पटेल, कृष्णा कुमार साह, दिपक दास थारु, निकेश साह, सुनिल पटेल, अकलेश पटेल, राजन पटेल, सुजित कुमार पटेल, नितेश कुर्मी, बिरबल कुमार यादव, राकेश गुप्ता, आशिष चाैधरी, सुकट अली, राेशन पटेल, नेहा जस्मिन, राजन पटेल, साजन पटेल, दिपक पटेल लगायतकाले रक्तदान गरेकाे उनले जानकारी दिए ।

स्व. विकास पटेलकाे साथीहरुले आयाेजना गरेकाे रक्तदान कार्यक्रम रक्त संचार केन्द्र वीरगंजकी प्राविधिक दिल्ली माया घिमिरे नेतृत्वकाे प्राविधिकहरुकाे सहयाेगमा भएकाे थियाे ।

 वीरगंज महानगरपालिकाकाे वडा नं. २४ रामगढवा निवासी स्व. विकास पटेलकाे २०७५ साल फागुन २९ गते निधन भएकाे थियाे ।  इन्जिनियरिङ्ग अन्तिम बर्षमा अध्ययनरत उनकाे २५ वर्षको उमेरमा ब्लड केन्सरले असमायिक निधन भएकाे थियाे ।