Date
शुक्र, मंसिर ४, २०८३
Fri, November 20, 2026
Home Blog Page 849

ताजा जनादेश मै मुलुक जान्छ : उपप्रधानमन्त्री पाेखरेल

0

वीरगंज । नेकपा एमालेका महासचिव एवम् उपप्रधानमन्त्री ईश्वर पोखरेलले मुलुक ताजा जनादेशमा मै जाने बताएका छन् । प्रेस संगठन पर्साले बिहिबार वीरगंजमा आयोजना गरेको पत्रकार सम्मेलमा बाेल्दै उप्रधानमन्त्री पाेखरेलले दुई दिन ढिलाे भए पनि मुलुक ताजा जनादेश मै जाने वताए ।

उनले भने ” पुनर्स्थापनापछि संसद् स्वाभाविक नियम प्रक्रिया अनुसार चल्न नसके मुलुक ताजा जनादेश मै जान्छ । त्यसकाे लागि हामी सबै त्यार बस्नु पर्छ ।” 

पोखरेलले फागुन २३ को सर्वोच्च अदालतको निर्णयपछि नेकपा एमाले र नेकपा माओबादी केन्द्र ०७५ जेठ २ गतेको अवस्थामा पुगेकाे वताए । उनले भने “नेकपा एमाले अब २०७५ जेठ २ गतेकाे अवस्थामा मै पुगेकाे र त्यस अनुसार नै अगाडी बढ्छ । तर त्यसमा केही परिवर्तन हुन्छ ।” माओेबादी केन्द्रबाट आएकाहरुकाे सम्मानजन ढंगले व्यस्थापन गरिने उनकाे भनाई थियाे ।  

अब सरकार र एमाले पार्टीको एउटै उद्देश्य मुलुकमा राजनीतिक स्थायित्व प्रदान गर्ने र यसलाई नै केन्द्रमा राखेर सरकार र एमाले अगाडि बढ्ने पोखरेलले बताए । सरकारले नेतृत्व गरेको दल नेकपा एमाले पुनर्जीवित भएकाले सबै वामपन्थी शक्तिहरूलाई समेट्दै अगाडि बढ्ने पनि पोखरेलले दाबी गरे ।

प्रेस संगठ पर्साका अध्यक्ष श्याम बन्जाराकाे अध्यक्षतामा भएकाे पत्रकार सम्मेलनमा नेकपा प्रदेश नं. २ का सचिव सुमन प्याकुरेल, संविधान सभा सदस्य राजकुमार गुप्ता, जय प्रकाश थारु, प्रधुमन चौहान, नेकपाका केन्द्रीय सदस्य निर्मला देवकोटा, नेता बसरुदिन अन्सारी, अच्युत मैनाली, विश्वभर शर्मा, नेकपा पर्साका अध्यक्ष प्रभु हजारा, प्रेस संगठन प्रदेश नं. २ का इन्चार्ज लाल बाबु शेख, नेपाल पत्रकार महासंघ प्रदेश नं. २ का उपाध्यक्ष केसी लामिछाने, पत्रकार महेश दास, नारायणी अस्पताल वीरगंजका अध्यक्ष पुरेन्द्र किशोर लाभ लगायतकाे उपस्थिती रहेकाे थियाे ।  

हाेटल भिस्वामा भएकाे पत्रकार सम्मेलनकाे संचालन प्रेस संगठनका सह संयाेजक अनुप तिवारीले गरेका थिए ।

प्रसौनी भाठ्ठामा सशस्त्र प्रहरीकाे विओपी स्थापना

0

वीरगंज । पर्साको बिन्दवासिनी गाउँपालिका वार्ड न–५,प्रसौनी भाठ्ठास्थित छोटी भन्सार कार्यालय परिसरमा बुधबार एक कार्यक्रम बिच सशस्त्र प्रहरी बल नेपाल बोर्डर आउट पोष्ट प्रसौनी भाठ्ठाको उद्घाटन गरिएको छ ।

कार्यक्रमका प्रमुख अतिथि सशस्त्र प्रहरी बल नेपाल २ नम्बर, छिन्नमस्ता बाहिनी मुख्यालय महोत्तरीका सशस्त्र प्रहरी नायब महानिरीक्षक चन्द्र प्रकाश गौतमले पोष्टको उद्घाटन गरेका थिए ।

सिमामा हुने अपराधी गतिविधि,राजस्व छली, लागुऔषध ओसारपसार,चेलिबेटी बेचबिखन जस्ता कार्यहरु नियन्त्रण गर्ने उदेश्यका साथ पर्सा जिल्लाको १७ औ बिओपीको रुपमा प्रसौनी भाट्टामा सो पोष्ट स्थापना गरिएको जनाइएको छ ।

उद्घाटन कार्यक्रममा विन्दवासिनी गाउँपालिकाका अध्यक्ष श्रीलाल साह कानु, उपाध्यक्ष किरण देवी गुप्ता, पर्साका प्रमुख जिल्ला अधिकारी आसमान तामाङ्ग, पर्साका प्रहरी उपरीक्षक बेलबाहादुर पान्डे, सशस्त्र प्रहरी उपरीक्षक राजेन्द्र खडका, वीरगंज भन्सारका अधिकृत महेश आचार्य लगायत विभिन्न बिओपीका इन्चार्ज तथा स्थानीय बासिहरुको सह्भागिता रहेको थियो ।

गरिब बालबालिका तथा एकल महिलालाई कपडा वितरण

0

 कलैया । बाराकाे कलैया उपमहानगरपालिका वडा नं. १० मटिआर्वामा दुबई एमबिसीद्वारा एक सय जना बालबालिका तथा एकल महिलालाई बुधबार लत्ताकपडा वितरण गरिएको छ ।

एक कार्यक्रमका बिच नेपाल कम्युनिस्ट पार्टी माओवादी केन्द्रका कलैया उपमहानगरपालिकाका अध्यक्ष मुकेश साहले बालिकालाई कपडा वितरण गरेका थिए ।

कपडा वितरण कार्यक्रममा समि अख्तर, अबुलैस अंसारी, नजिर हुसैन, जकिर अंसारी, सफिक मिया, शम्भु पाण्डे, जुलुफ्कैर देवान, राजा हुसैंन हवारी, सगिर मियाँ हवारी लगायतकाे उपस्थिति रहेको थियो ।

लुगा वितरण अति विपन्न बर्गका बालबालिका तथा एकल महिलालाई गरिएकाे राज खानले वताए ।

जावेद अंसारी र आबिद हुसैंनको पहलमा अति आवश्यक भएका बालबालिका र एकल महिला पहिचान गरी कपडा वितरण गरिएकाे जनाइएकाे छ ।

शिक्षाको नीति सम्बन्धि संवाद तथा पैरवी कार्यक्रम सम्पन्न

0

कलैया । रौतहटको गौर नगरपालिकामा मूलप्रवाहिकरणका लागि पालिकास्तरमा शिक्षाको नीति सम्बन्धि संवाद तथा पैरवी कार्यक्रम सम्पन्न भएकाे छ । जनजागरण युवा क्लब कलैया र भिएसओ नेपालको साझेदारीमा संचालित प्ररम्भिक शिक्षा गुणस्तर सुधार परियोजना अन्तर्गत भएकाे कार्यक्रममा शिक्षा ऐन २०७४ लाई अझ प्रभावकारी, बालमैत्री, समावेशी तथा महिला मैत्री बनाउन छलफल गरिएको क्लव बाराका कोषाध्यक्ष सियाराम यादवले जनकारी दिए ।

त्यसैगरी गौर नगरपालिकाको शिक्षा ऐन २०७४ लाई अध्ययन तथा आवश्यक सल्लाह सुझाव दिनका लागि उक्त नगरपालिका शिक्षा तथा खेलकुद शाखा प्रमुख गणेश बहादुर गिरिको संयोजकत्वमा ६ सदस्यीय कार्यदल गठन गरिएको उनले वताए ।

कार्यदलमा गौर नगरपालिकाका कानुनी सल्लाहकार रामदरेश साह, जुद्ध माबिका प्रअ चन्देश्वर राउत, माबि टिकुलियाका प्र.अ. गनदेशवर प्रसाद सिंह, शिक्षा समितिका असित कुमार बैध तथा शिक्षा समिति कै बिभा देवी र नारायण बैठा रहेको छन् ।

उक्त समितिले चैत्र महिना भित्रमा गौर नगरपालिकाको शिक्षा ऐन २०७४ लाई अध्ययन गरि अपुग रहेका कुरालाई थपघट गर्न सल्लाह सहितको शिक्षा समितिमा प्रतिवेदन पेश गर्ने छ ।

कार्यक्रममा नेपाल सरकारको शिक्षा नितिहरु र त्यस नगरपलिकाले जोड दिन सक्ने बिषयहरुको प्रस्तुतिकरण क्लबका कार्यक्रम व्यवस्थापक मनोज यादवले गरेका थिए ।

लागु औषधसहित दुई जना पक्राउ, ४५ किलाे गाँजा बरामद

0

वीरगंज । प्रहरीले लागु औषध गाँजासहित दुई जनालाई पक्राउ गरेकाे छ । पर्सा प्रहरीले वीरगंजबाट एक जनालाई र बारा प्रहरीले पंचराैता नगरपालिकाबाट एक जनालाई पक्राउ गरेकाे हाे । 

विशेष सूचनाको अधारमा जिल्ला प्रहरी कार्यालय पर्साबाट खटिएकाे प्रहरी टाेलीले मंगलबा सांझ ७ बजेको समयमा बीरगञ्ज महानगरपालिकाकाे वडा नं.११ अल्पाईन बोर्डिङ स्कुल नजिक सडकबाट वीरगंज महानगरपालिका कै वडा नं.१८ बस्ने बर्ष १९ को प्रिन्स पटेललाई पक्राउ गरेकाे हाे ।

ना.४६ प.५३२९ नम्बरको मोटरसाईकलमा सवार पटेललाई राेकी शरीर तथा सवारी साधन खानतलासी गर्दा उनले बोकेको कालो ब्यागमा ३ केजी लागु औषध गाँजा फेला परेको प्रहरीले जनाएकाे छ ।

पटेलालाई मोटरसाइकल तथा लागु औषध गाँजासहित नियन्त्रणमा लिई लागु औषध मुद्दामा थप अनुसन्धान अगाडी बढाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

४५ किलाे गाँजा बरामद

त्यसैगरी, बारा प्रहरीले ४५ किलो ग्राम अवैध लागू औषध गाँजा सहित १ जनालाई पक्राउ गरिएकाे जनाएकाे छ । 

विशेष सूचनाको आधारमा मंगलबार राती ११ बजेको समयमा जिल्ला प्रहरी कार्यालय बारा मातहत सुरक्षा प्रहरी वेश क्याम्प लंगडा चौकबाट खटिएको प्रहरी टोलीले बाराकाे पचरौता नगरपालिका वडा नं. ८ बाजोपट्टी कुलोस्थितबाट बारागढि गाउँपालिका वडा नं. ४ पोखरिया टोल निवासी ५० बर्षिय बाबुलाल चौधरीलाई पक्राउ गरेकाे हाे । 

कुलाेस्थित ४ जना व्यक्तिहरूले पिठ्युमा जुटको बोरा बोकिआइरहेको अवस्थामा प्रहरी टोलीलाई  देखि भाग्ने क्रममा ३ जना भागी फरार भएको र निजहरू मध्येका चौधरीलाई मात्र पक्राउ गर्न प्रहरी सफल भएकाे जिल्ला प्रहरीले कार्यालय बाराका प्रवक्ता प्रहरी नायब उपरिक्षक गाैतम मिश्रले वताए ।

निजहरूले बोकी आएको अवैध लागू औषध गाँजा ४५ किलो ग्राम बरामद गरी पक्राउ परेका चौधरीलाई लागू औषध मुद्दामा बारा जिल्ला अदालतबाट म्याद अनुमति लिई हिरासतमा राखी थप अनुसन्धान तथा फरार रहेका संलग्न व्यक्तिहरूको खोजी कार्य भइरहेको उनले जानकारी दिए ।

३ करोड ५६ लाखकाे चेक र ७ लाख नगदसहित एक हुण्डी काराेबारी पक्राउ

0

वीरगंज । पर्सा प्रहरीले हुण्डी काराेवारी एक जनालाई पक्राउ गरेकाे छ । पक्राउ पर्ने बाराकाे कलैया उपमहानगरपालिका वडा नं. २३ का ३८  बर्षिय जयराम राउत कुर्मी रहेका छन् ।

जिल्ला प्रहरी कार्यालय पर्साबाट खटिएको प्रहरी टोलीले मंगलबार वीरगंज महानगरपालिकाकाे वडा नं. ६ स्थित जय माँ अम्बे ट्रेडर्सबाट अवैध वित्तीय कारोबार (हुण्डी) मा संलग्न ट्रेडर्समा काम गर्ने कर्मचारी कुर्मीलाई पक्राउ गरेकाे हाे ।

प्रहरीका अनुसार पक्राउ परेका कुर्मीकाे साथबाट सुरुमा स्रोत खुल्न नसकेको नेपाली रु ७ लाख ७५ हजार ४ सय ७०, भारतीय रूपैँया ७ हजार ४ सय, बब्लू राज र रामप्रसाद पटेलको नाममा जारी भएका क्रमश: दुई लाख र पाँच लाख साठी हजार बराबरका चेकहरु बरामद भएकाे थियाे । 

पछि कुर्मीको वयानबाट खुल्न आए बमोजिम उनले काम गर्ने ट्रेडर्समा खानतलासी गर्दा विभिन्न बैंकका विभिन्न व्यक्ति तथा संस्थाका नाममा जारी भएका ३ करोड ५६ लाख ३१ हजार एक सय ४ बराबरका चेकहरू ९० थान बराबद भएकाे जिल्ला प्रहरी कार्यालयका प्रवक्ता प्रहरी नायब उपरिक्षक ओमप्रकाश खनालले वताए ।

यसका साथै ट्रेडर्सबाट विभिन्न बैङ्कका खाली चेकबुक २१ थान र हस्ताक्षर भएका विभिन्न बैङ्कका खाली ४१ थान चेकबुक समेत फेला परेको उनले जानकारी दिए ।

पक्राउ परेका कुर्मीलाई बुधबार पर्सा जिल्ला अदालतबाट बैङ्क तथा वित्तीय संस्था सम्बन्धी ऐन २०७३ बिरूद्धको कसूरमा ५ दिन म्याद थप गरी अनुसन्धान भइरहेको प्रहरीले जनाएकाे छ । 

कृषि बैंक वीरगंजद्वारा किसान क्रेडिट कार्ड वितरण सुरु

0

बीरगन्ज । कृषि विकास बैंक वीरगन्ज शाखाले कृषकहरुलाई किसान क्रेडिट कार्ड वितरण सुरु गरेकाे छ । बैंकले वीरगंज महानगरपालिकाकाे वडा नं. १९ बिन्दवासिनीमा बुधबार एक कार्यक्रमकाे आयाेजना गरी किसान क्रेडिट कार्ड तथा कृषी मर्चेण्टलाई एमपिओएस वितरण गरेकाे हाे ।

पर्सा मै पहिलो पटक विन्दावासिनीमा श्री ओम बहुमुखी कृषि सहकारी संस्थासँगको सहकार्यमा क्रेडिट कार्ड तथा कृषि मर्चेन्टलाई  एमपिओएस वितरण गरिएकाे बैंकले जनाएकाे छ ।

कृषि विकास बैंक बीरगन्जका प्रबन्धक कोमल प्रसाद सिटौलाको सभापतित्वमा भएकाे कार्यक्रमकाे उद्घाटन कृषि विकास बैंकका प्रमुख कार्यकारी अधिकृत अनिल कुमार उपाध्यायले गरेका थिए । कार्यक्रम मै प्रमुख अतिथी समेत रहेका उपाध्यायले २६ जना कृषकहरुलाई किसान क्रेडिट कार्ड वितरण गरेका थिए ।

कार्यक्रमलाई सम्बोधन गदैै उनले मोबाईल बैंकिंक र क्रेडिट कार्डमार्फत कृषकहरुलाई कृषि सामाग्री खरीद गर्न यो सेवा लागु भएकाे वताए । यसले पैसा नै बोक्नुपर्ने अवस्थाको अन्त्य हुने उनकाे भनाई थियाे ।

कृषि विकास बैंक प्रदेश कार्यालय जनकपुरका निर्देशक राजेश कुमार श्रीवास्तवले कार्ड र डिजिटल प्रविधीको प्रयोग गर्ने विषयमा कृषकहरुलाई छिट्टै तालिमको पनि व्यवस्था गर्ने उदेश्यका साथ बैंक अघि बढेको बताए ।

कार्यक्रमममा पुर्व सांसद रामचन्द्र साह, श्री ओम बहुमुखी कृषि सहकारी संस्थाका अध्यक्ष ध्रुव प्रसाद यादव, नेता बाबुराम कौशिक, बैंकको डिजिटल बैकिंक विभागका वरिष्ठ ईन्जिनियर विरेन्द्र यादव, बैंकको सखुवाप्रसौनी शाखाका प्रबन्धम गुरुप्रसाद उपाध्याय, बैंकको पोखरिया शाखाका प्रबन्धक रघुनाथ मुखिया लगायतकाको उपस्थिती रहेको थियो ।

शिवरात्रीकाे अवसरमा पाेखरियामा सरसफाई

0

वीरगंज । पर्साकाे पाेखरियामा बुधबार बृहत सरसफाई कार्यक्रम सम्पन्न भएकाे छ । महाशिवरात्रीकाे अवसरमा सरसफाई कार्यक्रम सम्पन्न भएकाे हाे ।

पोखरिया युवा क्लबकाे आयाेजनामा भएकाे कार्यक्रम अन्तर्गत पोखरिया नगरपालिका वडा नं ४ पाेखरिया बजारस्थित शिव मन्दिर र विभिन्न चाैकहरु सरसफाई गरिएकाे क्लबका सह सचिव निरन्जन क्षेत्रीले जानकारी दिए ।

क्लबका अध्यक्ष अफरोज आलमको सभापतित्वमा भएकाे कार्यक्रममा पोखरिया नगरपालिकाका मेयर दिपनारायण रौनियार, उपमेयर सलमा खातुन, संबिधान सभा सदस्य प्रधुमन चौहान, रामेश्वर रौनियार, जसपाका नेता नेजामुदिन सम्मानी, वाडध्यक्ष लक्षमण साह, रामबाबु चौहान, ईलाका प्रहरी कार्यलय पोखरियाका प्रहरी निरीक्षक दिपक थापा, सशस्त्र बेस क्याम्प पाेखरियाका प्रहरी निरीक्षक प्रमोद राय, नेवि संघ पाेखरियाका सभापति संतोष महतो, नेता धर्मराज यादव, नौसाद आलम लागतयकाे सहभागिता रहेकाे थियाे ।

पाेखरिया नगरपालिका, नेपाल रेडक्रस साेसाइटी उप शाखा पाेखरिया, मानव कल्याण युवा क्लब पाेखरिया, इलका प्रहरी कार्यालय पाेखरिया र सशस्त्र प्रहरी बेस क्याम्प पाेखरियाकाे सहयाेगमा सरसफाई कार्यक्रम भएकाे मेयर राैनियारका स्वकिय सचिव राजु राैनियारले वताए ।