Date
शुक्र, मंसिर ४, २०८३
Fri, November 20, 2026
Home Blog Page 844

स्थानीय तहका लागि क्षमता विकास कार्यक्रम सम्पन्न

0

वीरगंज । शिक्षा विकास तथा समन्वय इकाइ पर्साको आयोजनामा स्थानीय तहका शिक्षाका सरोकारवालाहरुका लागि ५ दिने क्षमता विकास कार्यक्रम शुक्रबार वीरगंजमा सम्पन्न भएको छ ।

पर्सा जिल्लाका १४ वटै स्थानीय तहका शिक्षा शाखा प्रमुख, योजना शाखा प्रमुख र सामाजिक विकास संयोजकको सहभागीता रहेको कार्यक्रममा १० वर्षे नयाँ शिक्षा योजना निर्माण, स्थानीय शिक्षा पाश्र्व चित्र निर्माण, एकीकृत शैक्षिक सूचना व्यवस्थापन प्रणाली, शिक्षक पेशागत विकास सहयोग, राष्ट्रिय प्रारम्भिक कक्षा पढाइ कार्यक्रमको न्यूनतम प्याकेज कार्यान्वयन लगायतका विषयहरुमा सहजीकरण गरिएको थियो ।  

हाेटल डियालाेमा भएकाे कार्यक्रमको सहजीकरण प्रारम्भिक कक्षा पढाइ कार्यक्रमका भरत सहनी, योगेन्द्र चापागाई, रामनारायण साह रौनियार र महेश जोशीले गरेका थिए ।

कार्यक्रबाट स्थानीयतहलाई शिक्षा योजना निर्माण, स्थानीय पाश्र्व चित्र निर्माण र शिक्षाका कार्यक्रमहरु सञ्चालन गर्नमा सहयोग पुग्ने कार्यक्रमका सहभागी धर्मराज बहादुर थापा, शम्भू प्रसाद साह र अरविन्दलाल कर्ण लगायतका सहभागीले बताए ।

कार्यक्रमबाट शिक्षा विकास तथा समन्वय इकाइ पर्साका प्रमुख फत्तबहादुर श्रेष्ठ, विन्दवासिनी गाउँपालिकाकी उपाध्यक्ष किरण देवी गुप्ता, वीरगंज महानगरपालिका शैक्षिक महाशाखाका प्रमुख अरविन्दलाल कर्ण र प्रारम्भिक कक्षा पढाइ कार्यक्रमका क्षेत्रीय प्राविधिक संयोजक भरत सहनीले स्थानीय तहको शिक्षा योजना र पाश्र्व चित्र निर्माणमा सहयोग पुग्ने समापन समारोहमा धारणा राखेका थिए ।

ट्विकंल खन्नाको प्रेममा थिए करण जौहर

0

बलिउडका कुशल निर्देशक करण जौहर र अभिनेत्री ट्विकंल खन्ना एउटा विज्ञापनमा देखिएका छन् । यी दुईको सानदार जोडीलाई धेरैले मन पराएका छन् । ट्विकंल र करण एक अर्कालाई बच्चाबेलादेखि नै चिन्थे ।

उनीहरु बालापनदेखि नै नजिकको साथी भएको करणले एक अन्तरवार्तामा बताएका थिए । विद्यालयमा पढ्दादेखि नै करणले ट्विकंललाई मन पराउँथे । उनले एक अन्तरवार्तामा खन्नासँग विद्यालय पढ्दा नै प्रेम रहेको खुलासा गरेका हुन् । उनले आफू विवाहित भएको भए ट्विकंलसँग नै विवाह गर्ने पनि बताएका थिए ।

यता, खन्नाले पनि करणको बालापनको बारेमा कुराकानी गरेको थिइन् । उनले करण स्कुल पढ्दा बारम्बार स्कुलबाट भाग्ने कोसिस गर्ने र एकपटक समातिएको किस्सा पनि सुनाएकी थिइन् ।

करणले ’कुछ कुछ होता है’ बाट निर्देशनको काम सुरु गरेका हुन् । उनले डेब्यु गरेको फिल्ममा खन्नालाई खेलाउन चाहान्थे तर उनले अस्वीकार गरिन् । तर उक्त फिल्मबाट रानी भने सुपरहिट भइन् । एजेन्सी

नागरिकता कीर्ते गर्ने एक जना पक्राउ

0

वीरगंज । पर्सा प्रहरीले दुई वटा नागरिकता कीर्ते गर्ने एक जनालाई पक्राउ गरेको छ । पक्राउ पर्नेमा पर्सागढी नगरपालिका वडा नं. ३ बस्ने २० वर्षीय सुजित थापा मगर रहेका छन् ।

विशेष सूचनाको आधारमा जिल्ला प्रहरी कार्यालय पर्साबाट खटिएको टोलीले बुधबार साँझ करिब ४ बजेको समयमा पर्सागढी वडा नं. ३ स्थितबाट नियन्त्रणमा लिई चेकजाँच गर्दा निजले लगाएको पाइन्टमा अगाडिको दाहिने खल्तीमा दुई थान नागरिकता भेटाएको थियो । मगरलाई नियन्त्रणमा लिएर आवश्यक कारवाहीका लागि जिल्ला प्रहरी कार्यालय पर्सामा ल्याइएको पर्साका प्रहरी नायब उपरीक्षक ओमप्रकाश खनालले जानकारी दिए ।

उनका अनुसार निजको शरीर रीतपूर्वक खानतलासी गर्दा उनको खल्तीमा जिल्ला पर्सा पर्सागढी नगरपालिका वडा नंं. ३ बस्ने खुम बहादुर थापाको छोरा सन्त बहादुर थापाको नाउँको जिल्ला प्रशासन कार्यालय, पर्साबाट मिति २०७५ पुस ४ गतेमा जारी भएको (ना.प्र.नं.३४–०१–७५–१४२७४) को सक्कल नेपाली नागरिकता प्रमाणपत्र १ थान तथा सोही विवरण भएको नेपाली नागरिकता प्रमाणपत्रको सक्कल प्रथम प्रतिलिपि १ थान फेला पारिएको छ ।

उनको साथबाट फेला परेको दुई थान नागरिकतामध्ये प्रतिलिपि नागरिकतामा निज सुजित थापा मगरले आफ्नो फोटो टाँसी कीर्ते कार्य गरेको देखिएकोले मगरलाई नियन्त्रणमा लिई पर्सा जिल्ला अदालतबाट ५ दिनको म्याद थप गराई लिखत सम्बन्धी कसूर मुद्दामा थप अनुसन्धान भइरहेको प्रहरी नायब उपरीक्षक खनालको भनाइ छ ।

भन्सार एजेन्ट महासंघको कोषाध्यक्षमा निर्वाचित कुर्मीलाई सम्मान

0

वीरगंज । भन्सार एजेन्ट महासंघ नेपालको काेषाध्यक्षमा निर्वाचित नेपाली कांग्रेसका युवा नेता मनाेज राउत कुर्मीलाई सम्मान गरिएकाे छ ।

महासंघकाे १० औं वार्षिक साधारण सभा तथा चौथो महाअधिवेशनबाट निर्विराेध कोषाध्यक्षमा निर्वाचित कुर्मीलाई नेपाली कांग्रेसका निकटका विभिन्न भातृ संगठनका नेताहरुले खादा ओढाई र अविरकाे टिका लगाई सम्मान गरेका हुन् ।

साे अवसरमा नेताहरुले उनका साथै महासंघकाे सम्पूर्ण कार्यसमितिलाई बधाई तथा शुभकामना समेत दिएकाे युथ काङ्ग्रेस नेपाल प्रदेश नं.२ का सदस्य राहुल कुमार गुप्ताले जानकारी दिए ।

सम्मान कार्यक्रममा वि. पी कोइराला युवा नेतृत्व बिकाश मञ्च प्रदेश नं.२ का प्रदेश सम्पर्क बिभाग मनोहर कुमार साह, नेपाली काङ्ग्रेसका युवा नेता धिरज गुप्ता, बाबुनन्द पटेल, युथ काङ्ग्रेस नेपाल प्रदेश न.२ का सदस्य राहुल कुमार गुप्ता लगायतकाे सहभागिता रहेको थियो ।

उपमेयरद्वारा सुलभ शौचालयको शिलान्यास

0

रोशन गुप्ता /
जितपुर । मुगुकाे छायाँनाथ नगरपालिका–१ स्थित महाकाली नमुना विधालय श्रीनगरमा सुलभ शौचालयकाे शिलान्यास गरिएकाे छ । बिहिबार एक कार्यक्रमकाे बिच उप मेयर सुन्तला राेकायाले शाैचालयकाे शिलान्यास गरेकी थिइन ।

शाैचालय अभावको कारण बालबाललिकाहरुलाई अत्यधिक सम्सया भएको कारणले गर्दा १० वटा युरिनल च्याम्बर तथा ८ वटा शुल्भ शौचालयको शिलान्यास गरिएको उपमेयर रोकायाले बताइन ।

युनिसेफ नेपालको आर्थिक सहयोग र छायाँ नेपालको सहयोगमा १९ लाख ३५ हजार ७ सय ५६ काे लागतमा शाैचालय निर्माण गर्न लागिएकाे उनले जानकारी दिइन । 

यसका साथै नगरपालिका भित्र रहेका २५ वटा विधालयमा खानेपानी, सरसफाई तथा स्वच्छता प्रवर्द्धनकाे लागि शौचालय निमार्ण गर्ने योजनाको सम्झौता भइसकेको र त्यस कार्यलाई कार्यान्वयन भइरहेको संस्थाका परियोजना संयोजक मिनबहादुर रावलले जानकारी दिए । 

तीन तहकाे समन्वय विना विपद व्यावस्थापन असम्भव : मेयर सरावगी

0

वीरगन्ज । वीरगन्ज महानगरपालिकाका मेयर विजयकुमार सरवागीले तीनवटै तहको सरकार बीच आपसी समन्वय नगरी विपद व्यावस्थापन सम्भव नहुने बताएका छन् ।

राष्ट्रिय विपद जोखिम न्यूनिकरण तथा व्यावस्थापन प्राधिकरणले आयोजना गरेको विषम जलवायु परिवर्तन र स्वास्थ्य प्रभाव विषयमा बिहिबार सिमरामा आयोजित प्रदेशस्तरीय अन्तरक्रिया कार्यक्रममा बोल्दै नगर प्रमुख सरावगीले तीनवटै तहको सरकार बीच आपसी समन्वय सहकार्य हनुपर्नेमा जोड दिए ।

कार्यक्रमका प्रमुख अतिथि समेत रहेका मेयर सरावगीले कोभिड महामारीमा स्थानीय तहको सरकारको हैसियतले व्यावस्थापनमा गरिएको प्रयासमामा विभिन्न अवरोधहरु आएको बताउदै तहगत कार्य क्षेत्र र अधिकार स्पष्ट नभए व्यावस्थापनमा चुनौती आउने बताए ।

विपद जोखिम न्यूनीकरण र व्यावस्थापनको योजना नै कमजोर रहेको बताउदै महानगर प्रमुख सरावगीले इमान्दार प्रयास हुँदाहुँदै पनि तीन तहको सरकारको भूमिकालाई अन्योल बनाएर विपद व्यावस्थापनमा समस्या भएको बताउए । उनले जलवायु परिवर्तनबाट हुने विपदलाई न्यूनिकरण गर्नको लागि निजीवनहरुलाई कृषिमा सरह सुविधा दिनुपर्नेमा जोड दिए ।

नीजिवनहरुलाई कृषि सरह सुविधादिए बाँझो जमिनमा विरुवा रोपेर सबै जंगल बनाउन सकिने उनकाे भनाई थियाे ।

वीरगन्ज पथलैया औद्योगिक करिडाेरबाट निस्किने ध्वनी,  वायु तथा वातावरण प्रदुषणको जोखिम यस क्षेत्रका नागरिकलाई मात्रै हुने तर यसबाट उठ्ने राजस्वको फाईदा भने केन्द्र सरकारले बढी लिने गरेकोले यस्तो जोखिम करहरुको राजस्व आधा पाउनु पर्ने दाबी गरे ।

राष्ट्रिय विपद जोखिम न्यूनिकरण तथा व्यावस्थापन प्राधिकरणका कार्यकारी निर्देशक सुशील पोखरेलले विपद जोखिम न्यूनीकरणका लागि विभिन्न कार्य विधिहरु त्यार गरिने, विपद जोखिमको आंकलन गरी कसरी न्यूनीकरण गर्ने ? विपदबाट आउने जोखिमको पूर्व जानकारीको लागि प्रविधिको विकासमा लगानी तथा तालिम केन्द्रहरुको स्थापनाका लागि स्रोत जुटाउने लगायतका कार्य योजनाहरु तयार पार्न लागिएको बताए ।

प्राधिकरणका सह सचिव कृष्ण हरि पुष्करले नागरिकको अधिकार र मानव अधिकार रक्षाको लागि पनि जलवायु परिवर्तनमा तीन तहको सरकार र चार तहको संयन्त्रको आपसी समन्वय कसरी गर्ने भन्ने विषयको प्रयास स्वरुप कार्यक्रमको आयोजना गरिएकाे वताए ।

कार्यक्रममा प्रदेश २ का मुख्य सचिव गोकर्णमणी दवाडी, प्रदेश २ का ८ वटै जिल्लाका प्रमुख जिल्ला अधिकारी, सुरक्षा निकायका प्रमुखहरु विभिन्न सरकारी कार्यालयका प्रमुख तथा प्रतिनिधिको उपस्थिति रहेको थियो ।

वडा चेयर पर्सनकाे उपाधी युनाईटेड क्रिकेट क्लबलाई

0

वीरगन्ज । रौतहटको मदनपुरमा जारी वडा चेयर पर्सन मैत्रीपुर्ण क्रिकेट प्रतियोगीताको उपाधी युनाईटेड क्रिकेट क्लब पर्साले जितेको छ । युनाईटेड क्रिकेट क्लब पर्सा र बलुवा मदनपुर क्लब रौतहट बिच बिहिबार भएको फाईनल खेलमा युनाईटेड क्रिकेट क्लब पर्साले ६ विकेटले विजयी भएकाे हाे ।

टस जितेर पहिलो व्याटिङ गरेको बलुवा मदनपुर क्लब रौतहटले १९ ओभरमा अल आउट हुदै ९८ रन बनाएको थियो । बलुवा मदनपुर खेलाडीका संजय भांगर २८ बल खेल्दै ५१ बनाएका थिए । भने युनाईटेड क्रिकेट क्लब पर्साका तर्फबाट रसिद खानले चार विकेट लिएका थिए ।

जवाफी खेलमा उत्रेको युनाईटेड क्रिकेट क्लब पर्साले १६ ओभर खेल्दै ६ विकेटको क्षतिमा लक्ष्य भेटाएको हो । युनाईटेड क्रिकेट क्लब पर्साका खेलाडी ईमरान शेख ४०, अफताब हुसेन १७ रनको योगदान गर्दै युनाईटड क्लब पर्साले जिताएका थिए ।

खेलको म्यान अफ दि म्याच युनाईटेड क्रिकेट क्लब पर्साका ईमरान शेख घोषित भएका । म्यान आफ दि सिरिज ७८ रन र १३ विकेट लिएका युनाईटेड क्रिकेट क्लब पर्साका कप्तान नसरुदिन अंसारी भएका थिए ।

नारायणी अस्पतालका चिकित्सकहरुद्वारा विराेध प्रदर्शन

0

वीरगंज । नारायणी अस्पताल वीरगंजका चिकित्सक तथा स्वास्थ्यकर्मीहरुले जाेखिम भत्ताकाे माग गर्दै बिहिबार विराेध प्रदर्शन गरेका छन् ।

“जाेखिम भत्ता चाहियाे, काेभिड १९ मा काम गर्ने काे ? भत्ता खाने काे ?” लेखिएकाे पम्पलेटसहित काेभिड महामारीमा खटिएका चिकित्सक तथा स्वास्थ्यकर्मीहरु विराेध प्रदर्शन गरेका हुन् ।

जाेखिम भत्ताकाे रकम सरकारले अस्पतालमा पठाए पनि अस्पताल प्रशासनले भत्ता नखुवाएकाेले विराेधमा उत्रनु परेकाे डा. उद्य नारायण सिंहले वताए ।

जाेखिम भत्ताकाे लागि लेखा शाखाले मागेकाे सम्पूर्ण कागजातहरु दिदा पनि भत्ता नखुवाएका कारण बिराेधमा उत्रनु परेकाे उनले वताए । उनले भने “काेभिड महामारीमा आफ्नाे ज्यानकाे प्रवाह नगरि हामीले काम गर्याे । तर साेही वापत नेपाल सरकारले पठाएकाे जाेखिम भत्ता खुवाउन यत्राे ढिलाई किन ?”

उनका अनुसार साउन देखीकाे अस्पतालका ४ सय जति चिकित्सक र स्वास्थ्यकर्मीहरुले जाेखिम भत्ता खान सकेका छैनन् । 

अस्पतालका मेडिकल सुपरिटेन्डेन्ट संजय ठाकुरले जाेखिम भत्ताकाे सबैले माग गरेका कारण खुवाउन समस्या भएकाे वताए ।

उनले भने “जाेखिम भत्ताकाे लागि काेभिडमा काम गर्ने कर्मचारीकाे डिउटी प्रमाणित गर्न भनेका छाैं । त्यसकाे लागि समिति पनि बनाएका छाैं, डियुटी प्रमाणित गरेर आए लगतै नेपाल सरकारकाे नियम अनुसार भत्ता लेखा शाखाले खुवाउने छ ।”

उनले अर्काेतर्फ काेभिडमा काम नगरेका कर्मचारीले पनि जाेखिम भत्ता खान चाहेकाेले पनि समस्या भएकाे वताए । 

रिंकी मृत्यु प्रकरण : आराेपित अझै समातिएन, घटना दबाउन प्रयास हुँदै

0

वीरगंज । पर्सामा अबैध गर्भपतनको घटनाहरूमा बृद्धि भएको छ । अबैघ गर्भपतन गर्नु र गराउनु अपराध भए पनि पर्सा जिल्लामा यसको औषधि खुला रुपमा बिक्री बितरण भइहेको छ ।

यस कै उदाहरण पात्र घटना हुन् पर्साकाे पोखरिया नगरपालिका वडा नं. ९ चाैकी बेैरियाकी १६ वर्षिय किशोरी रिंकी कुमारी बिनको माघ ३० गते मृत्यु हुनु । रिंकीलाई उनकै प्रेमिका असर्फी यादवले गर्भपतनको औषधि खुवाएको पिडित किशोरीका आमा बुबाको आरोप छ ।

असर्फी यादव एक बर्ष अगाडि बिदेशबाट आएका थिए । मृतक रिंकी र असर्फी यादव दुबै छिमेकी हुन् । गाउँलेहरूका अनुसार दुवै जनाका बिचमा करिव एक बर्षदेखि प्रेम सम्बन्ध थियो ।

मृतक रिंकी कुमारीकी आमाका अनुसार घटना भएकाे राति आमा छोरीसँगै सुतेको थिए । मध्य राति एकासी निन्द्रा खुल्दा ओछ्याउनमा छोरि थिएन । हामिहरु छोरिलाई खोज्न थाल्यौं, केही बेरपछि छोरि आफै घर आईन, छोरि घर आई सकेपछि आमाले छोरीसँगै काँहा गाएकी थिइन भनेर सोध्दा मलाई असर्फी यादवले भेट्नका लागि बोलाएकोले भेट्न गएको बताईन ।

छोरिले त्यस पछि टाउको दुख्दै छ भनेर औषधी मागिन्, तर मैल औषधि खोज्नु पर्छ कता राखिएको छ भन्ने थाहा छैन भनेर भनिन् । केही बेर मैं छोरीको अवस्था झन बिग्रँदै गयो, उनलाई उपचारको लागि पाेखरिया अस्पतालमा ल्याउदै गर्दा बाटो मै मृत्यु भयाे ।

त्यसपछि शव परिक्षणको लागि वीरगंजको नारायणी अस्पताल पठाइयो । अस्पतालका डाक्टरहरूले रिंकीको पेटमा पाँच महिनाको बच्चा रहेको पुष्टि गरिदिए । रिंकुको कपडा फुकाल्दा जिउभरि दाँत काटेको दाग देखिएकाे परिवारजनले बताएका छन् ।

साेही घटना गाउँमा ५/६ लाख रुपैयाँ दिएर पिडित परिवारलाई मेलमिलाप गराउन केही स्थानिय व्यक्तिहरु दबाव दिइरहेकाे बुझिएकाे छ । केही दिन पहिला साेही विषयमा गाउँमा केही व्यक्तिहरु बसेर पन्चायती गरिरहेको सुचनाकाे आधारमा इलाका प्रहरी कार्यालय पाेखरियाले ७ जनालाई नियन्त्रणमा समेत लिएकाे थियाे ।

तर साे पंचायतीमा मृतकका परिवारकाे बुवा नरहेकाले र अर्कै बिषयमा बसेर ति व्यक्तिहरु कुराकानी गरिरहेकाे वताएका कारण पछि छाडिएकाे इलाका प्रहरी कार्यालय पाेखरियाका प्रहरी निरीक्षक दिपक थापाले वताए ।

 आराेपित अझै फरार रहेकाे र उनकाे खाेजि कार्य भइरहेकाे प्रहरी निरीक्षक थापाले वताए । 

उनले भने “मृतककाे डीएनए परिक्षणकाे लागि काठमाडाैं पठाइएकाे छ, रिपाेर्ट अझै आइसकेकाे छैन् । कलडिटेल निकाल्ने काम भइरहेकाे छ । आराेपित फरार छ, हामी खाेजि कार्यमा छाैं, चाँडै नै समातिन्न छ ।”

जिल्ला प्रहरी कार्यालय पर्साका प्रहरी उपरीक्षक बेल बहादुर पाण्डेले साे घटनाकाे मुद्दा दर्ता भइसकेकाे र अभियुक्तको खोजि कार्य जारी रहेकाे वताए ।