[real3dflipbook id=”49″]
जगदम्बा उद्योगको विषयलाई लिएर स्थानीय र प्रहरीबीच झडप
वीरगंज । बाराको सिमरास्थित जगदम्बा स्टिल उद्योगको विषयलाई लिएर स्थानीय र प्रहरीबीच झडप भएको छ । झडपका क्रममा एक दर्जन भन्दा बढी घाइते भएका छन् ।
गोदाम भनी बनाएर मेसिन चलाएर रातमा समेत ध्वनी प्रदुषण गरेको भन्दै स्थानीयले जगदम्बा स्टिलको गोदाममा ताल्चा लगाएका थिए । दुई दिन अघि मात्रै उद्योगमा लगाइएकाे ताला प्रहरी ताेडेकाे थियो ।
साेही बिषयलाई लिएर बुधबार भएकाे झडपलाई नियन्त्रणमा लिन प्रहरीले तीन राउण्ड अश्रुग्याँस प्रहार समेत गर्नु परेकाे थियाे । झडपमा संलग्न रहेको आरोपमा प्रहरीले ३ जनालाई नियन्त्रणमा समेत लिएकाे थियाे । स्थिती समान्य बनेपछि उनीहरुलाई प्रहरी छाडेकाे थियाे ।
प्रहरीले उद्याेगमा स्थानियले लगाएकाे ताल्चा खाेलेपछि मंगलबार उद्याेग संचालन रहेकाे वडा कार्यालयमा बैठक बसेकाे थियाे । साे बैठककम हालकाे लागि ताला खुलेपनि उद्याेग संचालन नगर्न सहमती भएकाे थियाे । तर बुधबार दिउँसो उद्याेगकाे गोदाममा मेसिन चलाउन थालेको अनुभूति स्थानियले गरेपछि ढुंगा हानेका थिए ।
त्यसपछि पुगेकाे प्रहरी र स्थानिय बिच झडप भएकाे जितपुर सिमरा उपमहानगरपालिकाका वडा नं. २ का वडाध्यक्ष तीलक श्रेष्ठले वताए ।
दोहोरो झडप भई स्थिति तनावपूर्ण बनेपछि प्रहरीले अश्रुग्याँस प्रहार गरेर स्थानीयलाई लखेटेको थियो ।
स्थानीयको मागलाई वेवास्ता गरेका कारण स्थिति विग्रिएको वडाध्यक्ष श्रेष्ठकाे भनाई छ । उनले भने ‘गोदाम घरकाे लागि वडाबाट सहमती लिए पनि मेसिन जडान गरेर उद्योगले स्थानीयलाई आतंकित पार्ने काम गरेको छ । त्यसैको विरोधमा स्थानीयले गोदाममा ताल्चा पनि लगाएका थिए ।”
उनले थपे “मंगलबार वडा कार्यालयमा भएकाे सहमति विपरित उद्योगले मेसिन चलाउन खोजेपछि स्थानीयले ढुंगा हानेछन् । त्यसपछि झडप भएकाे रहेछ ।”
झडपमा परी एक दर्जन भन्दा बढी घाइते समेत भएकाे उनले वताए । उनका अनुसार घाइते हुनेमा इलका प्रहरी कार्यालयका सिमराका प्रहरी निरिक्षक सहित ७ जना प्रहरी, ८ जना स्थानिय र केही उद्याेगकाे कर्मचारी पनि रहेका छन् ।
नेताकाे स्वास्थ्य लाभकाे लागि नेपाली कांग्रेसद्वारा मन्दिरमा प्राथना
वीरगंज । नेपाली कांग्रेसका केन्द्रीय सदस्य नविन्द्र राज जाेशी र मकवानपुर जिल्लाका पूर्व सभापति रघुरमण न्याैपानेकाे स्वास्थ्य लाभकाे कामना गर्दै बुधबार वीरगंजकाे माइस्थामस्थि गहवामाई मन्दिरमा प्राथना गरिएकाे छ ।
गम्भीर अस्वस्थ भई अस्पतालमा उपचाररत रहेका दुबै जनाकाे शिघ्र स्वास्थ्य लाभकाे कामना गर्दै नेपाली कांग्रेस पर्साले गहवामाई मन्दिरमा प्रार्थना गरेकाे प्रदेश सभा सदस्य राजेश्वर साहले जानकारी दिए ।
प्रार्थनामा नेपाली कांग्रेसका केन्द्रीय सदस्य अजय कुमार चाैरसिया, पार्टीका जिल्ला सभापति अजय कुमार द्विवेदी, पूर्व सभापति राजेन्द्र बहादुर अमात्य, प्रदेश सभासदद्वय शंकर चाैधरी, राजेश्वर साह, उपसभापतिद्वय दिना गुप्ता, प्रकाश उपाध्याय, महासमिति सदस्यहरू नरेन्द्र साह, उतमा प्याकुरेल, विरेन्द्रलाल नेपाली, डा.कृपा सिन्धु चौधरी, सहसचिव राेशन लामिछाने, वरिष्ठ नेता ध्रुव नेपाल, विजय उपाध्याय, युवा नेता राधेश्याम चाैरसिया, मणिन्द्रलाल श्रेष्ठ लगायतकाे सहभागिता रहेकाे थियाे ।
पर्सामा पर्यटकीय सम्भावना प्रचुर : सांसद यादव
सिमा नाकाहरु दुई दिन भित्र खाेल्ने उपप्रधानमन्त्रीकाे आश्वासन
वीरगंज । सिमानाकाहरु दुई दिन भित्र औपचारिक रुपमा खुल्ने उपप्रधानमन्त्री ईश्वर पोखरेलले आश्वासन दिएका छन् ।
कोरोनाका कारण चैत १० गतेदेखि बन्द रहेका वीरगन्ज सहितका अन्तर्राष्ट्रिय स्थल नाकाहरु बिहिबार उच्चस्तरीय केन्द्रीय कोभिड-९ व्यवस्थापन केन्द्र (सिसिएमसी) को बैठक बसेर खोल्ने निर्णय गर्ने उपप्रधानमन्त्री पाेखरेलले जानकारी दिएका हुन् ।
यसअघि माघ ११ मा बसेको मन्त्रिपरिषदको बैठकले वीरगन्ज सहित दशेभरका ३० वटा स्थलनाका खोल्ने निर्णय गरेर माघ १५ गते जिल्ला प्रशासन कार्यालयहरुलाई परिपत्र गरिएको जानकारी गराएको थियो । तर भारतबाट नेपाल प्रवेश गर्ने प्रमुख स्थल नाका वीरगन्जमा भने सरकारको निर्णय हालसम्म पनि कार्यन्यवनमा आएको छैन ।
नाका पुर्ववत अवस्थामा नखुल्दा वीरगन्ज र यस आसपासका होटल र पर्यटन व्यसाय धराशायी भएका छन् । त्यसैले नाका खोल्न माग गर्दै होटल तथा पर्यटन व्यवसायी संघ पर्सा र पर्यटन पत्रकार संघ पर्साले बुधबार सिसिएमसीका संयोजक समेत रहेका उप्रप्रधानमन्त्री ईश्वर पोखरेललाई ज्ञापन पत्र बुझाएको छ ।
बुधबार मन्त्री निवासमै पुगेर दुबै संघले बुझाएको ज्ञापन पत्र बुझ्दै उपप्रधानमन्त्री पोखरेलले बिहीबार अपरान्ह ४ बजे बस्ने सिसिएमसीको बैठकले नाका खोल्ने निर्णय गर्ने आश्वासन दिएको होटल तथा पर्यटन व्यवसायी संघ पर्साका अध्यक्ष हरि पन्तले जानकारी दिए । पन्तले भने, ‘उपप्रधानमन्त्री ज्युले बिहीबार सिसिएमसिको बैठक बस्ने र बैठकले नाका खोल्ने निर्णय गर्ने आश्वासन दिनु भएको छ, त्यसैले अब नाका पूर्ववत अवस्थामै खुल्छ भन्ने विश्वास गरेका छौं ।’
कोरोना भाइरसको संक्रमण बढेको भन्दै गएको वर्ष चैत १० गतेदेखि सरकारले सीमा नाका बन्द गराएको हो । भारत सरकारले आफ्नो तर्फको नाका कात्तिक ६ गतेदेखि नै खोलिसकेको भए पनि नेपाल सरकारले भने वीरगन्ज सहितका नाका अझै पनि औपचारिक रुपमा खोलेको छैन।
जिल्ला प्रशासन कार्यालय पर्साले चैत २ गते नाका खाेल्नकाे लागि केन्द्रिय काेभिड १९ व्यवस्थापन केन्द्र काठमाडाैंलाई सिफारिस समेत गरिसकेकाे छ ।
जितपुरका बालक साहिदकाे साथिहरुद्वारा नै हत्या, ३ जना पक्राउ

वीरगंज । बाराको जीतपुरसिमरा उपमहानगरपालिका- १० का १४ वर्षीय बालक साहिद हुसेन अन्सारीकाे हत्या आराेपमा प्रहरीले ३ जनालाई पक्राउ गरेकाे छ ।
पक्राउ पर्नेमा बारा जिल्ला जितपुर सिमरा उपमहानगरपालिका वडा नं.२३ भलुही टोल बस्ने फेकु मियाँ मंसुरीको छोरा वर्ष २५ को कियामुदीन मंसुरी, सोहीे ठाउँ बस्ने अब्दुला मियाँ हजमाको छोरा वर्ष २१ को अफसान भनिने अमर हुसेन मियाँ हजाम र सोही ठाउँ बस्ने सफिक मिया अंसारीको छोरा वर्ष १९ को आबेदिन मियाँ अंसारी रहेका छन् ।
हत्या गरिएको बालक र पक्राउ परेका तिनै जना साथि रहेकाे प्रहरी अनुसन्धानबाट खुलेकाे छ । प्रहरीका अनुसार हत्या गर्ने योजना मुताविक अभियुक्त अफसान भन्ने अमर हुसेन मियाँ हजामलेगाँजा खान जाऊँ भनि मृतकलाई साथमा लिएर घटना स्थल पुगेका थिए भने आबेदिन मिया अंसारी र कियामुदीन मंसुरी घटनास्थलमा नै पहिलेदेखि रहेको प्रहरी अनुशन्धानले देखाएको छ ।
वालक हराएको अघिल्लो दिन तिनैजना मिलेर मार्ने योजना बनाएको र पारिवारिक तथा जग्गा जमिन संबन्धी विवादका कारण रिसइवी रहेको, आपसी विवाद, झै-झगडा, प्रेम संवन्ध एंव सहज तार्गेट तथा आर्थिक लाभ समेत रहेको बाराका प्रहरी उपरिक्षक दिपेन्द्र शाहिले वताए ।
मृतक र अभियुक्तहरू सबैजना लागू पदार्थ सेवनकर्ता रहेको तथा निजलाई पक्राउ गरी कर्तव्य ज्यान सम्बन्धी मुद्दामा थप अनुसन्धान भइरहेको जिल्ला प्रहरी कार्यालय बाराका प्रवक्ता एवम् प्रहरी नायब उपरिक्षक गाैतम मिश्रले वताए ।
फागुन ११ गते हराएकाे बालककाे १७ दिन पछि फागुन २८ गते बिहान गाउँकै एउटा उद्योग नजिक कालो छाईको थुप्रोमा शव फेला परेको थियाे ।
बहु बिवाह मुद्दाका फरार केशरी पक्राउ
वीरगंज । बारा प्रहरीले फरार प्रतिवादी एक जनालाई पक्राउ गरेकाे छ । प्रहरी चौकी गंजभवानीपुर बाराबाट खटिएको प्रहरी टोलीले बाराकाे करैयामाई गाउँपालिका वडा नं.३ बस्ने दिनेश प्रसाद केशरीलाई पक्राउ गरेकाे हाे ।
बारा जिल्ला अदालत कलैयाको मिति २०७२/०१/०३ गतेको फैसलाले १ वर्ष कैद र रु दस हजार नगद जरीवाना ठहर भई बहु बिवाह मुद्दामा फरार रहेका केशरीलाई प्रहरीले पक्राउ गरेकाे जिल्ला प्रहरी कार्यालय बाराले जनाएकाे छ ।
पक्राउ परेका केशरीलाई बारा जिल्ला अदालतमा पेश गरेकोमा अदालतको आदेशले कैद भुक्तानको लागी कारागार कार्यालय वीरगंज पठाइएको जिल्ला प्रहरी कार्यालय बाराका प्रवक्ता नायब उपरिक्षक गाैतम मिश्रले जानकारी दिए ।
यसैगरी, इलाका प्रहरी कार्यालय सिमराबाराबाट खटिएको प्रहरी टोलीले बारा जितपुरसिमरा उ.म.न.पा.०२ बस्ने रवि कुमार थपलियालाई पक्राउ गरेकाे छ ।
बारा जिल्ला अदालत कलैयाको मिति २०७१/०४/०८ गतेको फैसलाले रू दुई हजार नगद जरीवाना ठहर भई लागू औषध मुद्दामा फरार रहेका उनलाई बारा जिल्ला अदालतमा पेश गरिएको प्रवक्ता मिश्रले वताए ।
पर्सागढीमा पि.पि.आर रोग सेरो सर्भिलेन्सको नमुना संकलन सुरु
नेता पटेलद्वारा क्रिकेट खेलाडीहरुलाई पोसाक र खेल सामग्री सहयाेग
वीरगंज । जनता समाजबादी पार्टीका नेता शिव पटेलले मंगलबार बहुदरमाई नगरपालिकाका क्रिकेट खेलाडीहरुलाई पोसाक एवम् खेल सामग्री बितरण गरेका छन् ।
नेता पटेलका बुवा स्व. रामबहादुर राउत कुर्मीको नाममा स्थापित “रामबहादुर राउत फाउन्डेसन” मार्फत सो सामग्री बितरण गरिएको क्रिकेट टिमका कप्तान रामेश्वर पटेलले बताए ।
सामाग्री बितरण पश्चात खेलाडीहरुलाई सम्बोधन गर्दै नेता पटेलले बहुदरामाई नगरपालिका क्षेत्र भित्रका खेलाडीहरुको मनोबल बढाउन आफू सदैब सहयोग गर्न तत्पर रहेको बताउदै खेलाडीहरुलाई सभ्य र भब्य रुपले प्रतियोगितामा प्रदर्शन गर्न शुभकामनासहित जित हासिल गर्न आग्रह गरे ।











