Date
शुक्र, मंसिर ४, २०८३
Fri, November 20, 2026
Home Blog Page 843

प्रेस चौतारीबाट महासंघ पर्साकाे अध्यक्षमा तिवारीकाे नाम घाेषणा

0

वीरगञ्ज । प्रेस चौतारी नेपाल पर्साले पनि नेपाल पत्रकार महासंघ पर्साकाे अध्यक्षकाे उम्मेदवार घाेषणा गरेकाे छ । चैत २५ गते हुने निर्वाचनकाे लागि चाैतारीले महासंघ पर्साकाे अध्यक्षमा अनुप तिवारीलाई उम्मेदवार बनाउने घाेषण गरेकाे हाे ।

चौतारीले अध्यक्ष पदका लागि उम्मेदवार घोषणा गरेपनि अन्य पदका उम्मेदवारहरुको बारेमा भने कुनै आधिकारिक जानकारी गराएको छैन ।  शनिबार अध्यक्ष पदकाे उम्मेदवारकाे नाम मात्र घोषणा गरिएकाेमा अन्य उम्मेदवारहरुको पनि चाँडै घोषणा गरिने प्रेस चौतारी पर्साका सचिव संजीव मिश्रले जानकारी दिए । 

प्रेस चाैतारी पर्साका अध्यक्ष श्याम बन्जाराकाे अध्यक्षतामा भएकाे राेयल पार्टी प्यालेस वीरगंजमा भएकाे चाैतारीकाे भेलामा प्रेस चौतारी नेपालका केन्द्रीय लेखा समितिका सदस्य  के.सी. लामिछानेले  अध्यक्ष पदमा तिवारीको नाम घोषणा गरेका थिए । 

यस अघि नै प्रेस संगठन पर्सा र प्रेस युनियन पर्साले महासंघ पर्सकाे अध्यक्ष पदकाे उम्मेदवार घाेषण गरिसकेकाे छ । प्रेस संगठनले महासंघ पर्साकाे अध्यक्षमा राघव साह र युनियनले महासंघ पर्साकाे अध्यक्षमा रित्रेश त्रिपाठीकाे नाम अगाडी सारेकाे छ ।

मेयर सरावगीद्वारा नेटर्वक किंगकाे उद्घाटन

0
वीरगन्ज । नेटवर्क किंग नेपाल नामक इन्सिच्युट शनिबार एक कार्यक्रमकाे बिच वीरगंज महानगरपालिकाका मेयर विजय कुमार सरावगीले उद्घाटन गरेका छन् ।
 
वीरगन्जको मुर्ली चाैकस्थित संचालनमा आएकाे इन्सिच्युटकाे उद्घाटन गर्दै मेयर सरावगीले वीरगञ्जकाे एक उत्तम समावेशी कम्प्युटर प्रशिक्षण संस्थानको रूपमा स्थापित हुने बिश्वास व्यक्त गरे ।
 
इन्सिच्युटका अध्यक्ष र प्रबन्ध निर्देशक राजेश गुप्ताले प्रदेश नं‍‍. २ मै वीरगन्ज शिक्षाको क्षेत्रमा सबै भन्दा आगाडि रहेको वताउदै गुणस्तरीय शिक्षा पाउनको लागि आहिले पनि विद्यार्थी काठमाडौं, दिल्ली लगायतका सहरहरुमा जान बाध्यता रहेकाे वताए । उनले त्यही बध्यतालाई मध्य नजर गर्दै नेटवर्क किंग नेपालको इन्सिच्युटकाे स्थापना गरिएकाे वताए
 
इन्सिच्युटकाे प्रबन्ध निर्देशक र मुख्य कार्यकारी अधिकारी बिनेश गुप्ताले कम्प्युटर सम्बन्धि सम्पुर्ण कोर्सहरु अध्यन गर्नसक्ने सुबिधा सहितकाे इन्सिच्युट संचालनमा ल्याइएकाे वताए । 
 
कार्यक्रममा अफ्ताब आलमले शिक्षा क्षेत्रमा सरकारको भुमिका साथै स्थानीय जन्प्रतिनिधिको पनि ध्यानाकर्षण हुनुपर्ने धारण राखेका थिए ।

एक किलो ग्राम अफिम सहित एक जना पक्राउ

0

वीरग‌ज ।  जिल्ला प्रहरी कार्यालय बाराले एक किलाे ग्राम लागुु औषध अफिमसहित एक जनालाई पक्राउ गरेकाे छ  ।

विशेष सूचनाको आधारमा खटिएकाे प्रहरी टाेलीले शनिबार दिउसाे एक बजेको समयमा बारा जिल्ला बारागढी गाउँपालिका वडा नं.१ भवानीपुरस्थित सडक खण्डबाट जितपुरसिमरा उपमहानगरपालिका वडा नं.१६ टागियाबस्ती टोल बस्ने बर्ष २७ को राजकुमार योन्जन तामाङलाई पक्राउ गरेकाे हाे ।

बा.३५ प ८२२ नम्बरको मोटरसाइकमा इटहरबेलाही तर्फबाट पोखरीयातर्फ जादै गरेकाे तामाङलाई रोकी चेकजाँच गर्दा मोटरसाइकलकाे लेगार्डमा झुण्डियाई राखिएको कालो प्लाष्टीक झोला भित्र लुकाई छिपाई राखेको अवस्थामा १ केजी अफिम फेला परेकाे जिल्ला प्रहरी कार्यालय बाराले जनाएकाे छ ।

पक्राउ परेका तामाङमाथी थप अनुसन्धान भइरहेको जिल्ला प्रहरी कार्यालय बाराका प्रवक्ता प्रहरी नायब उपरिक्षक गाैतम मिश्रले जानकारी दिए ।

बाराबाट पेस्ताेलसहित एक जना पक्राउ

0

वीरगंज । बारा प्रहरीले अबैध हतियारसहित एक जनालाई पक्राउ गरेकाे छ ।

प्रहरीले जितपुरसिमरा उपमहानगरपालिका वडा नं. ०७ शान्ति टोलस्थित बाटो छेउमा रहेको गजेन्द्र ठाकुरको सैलुनबाट महोत्तरी गाउँपालिका वडा नं.२ बस्ने वर्ष ४० को प्रमोद कुमार चौधरी भूमिहारलाई पक्राउ गरेकाे हाे ।

इलाका प्रहरी कार्यालय सिमरा र जितपुर बाराबाट खटिएको संयुक्त प्रहरी टोलीले सैलुनमा शंकास्पद रूपमा बसिरहेको अवस्थामा भूमिहारलाई चेकजाँच गर्दा निजकाे साथबाट कटुवा पेस्तोल १ थान, साेही पेस्ताेलमा फिट हुने गोली २ राउण्ड र मोबाईल सेट २ थान फेला परेकाेले नियन्त्रणमा लिइएकाे जिल्ला प्रहरी कार्यालय बाराले जनाएकाे छ ।

शुक्रबार दिउसाे ३ बजे भूमिहारलाई पक्राउ गरी थप अनुसन्धान भइरहेको जिल्ला प्रहरी कार्यालय बाराका प्रवक्ता प्रहरी नायब उपरिक्षक गाैतम मिश्रले जानकारी दिए ।

वीरगंजबाट खैरो हिरोईन सहित १७ बर्षिय बालक पक्राउ

0

वीरगंज । पर्सा प्रहरीले खैराे हिराेईन सहित एक बालकलाई पक्राउ गरेकाे छ । पक्राउ पर्नेमा वीरगंज महानगरपालिकाकाे वडा नं. १३ का १७ बर्षिय बालक रहेका छन् ।

लागु औषध नियन्त्रण ब्युरो बीरगञ्ज पर्साको प्रहरी टोलीले प्राप्त सूचना अनुसार चेकजाँच गर्ने क्रममा बिहिबार ६:३० बजे बीरगञ्ज महानगरपालिकाकाे वडा नं.१४ पावर हाउस चोकस्थितबाट बालकलाई पक्राउ गरेकाे हाे । 

बालकले बोकेको ६ वटा सेतो प्लाष्टिकको पोका भित्र लुकाइछिपाई ल्याएको लागु औषध खैरो हिरोईन ३० ग्राम फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले वताए ।

पक्राउ परेका बालकमाथी लागु औषध सम्बन्धी कसूरमा मुद्दा दर्ता गरी शुक्रबार पर्सा जिल्ला अदालतबाट ५ दिन म्याद थप गरी अनुसन्धान कार्य अगाडि बढाइएको उनले जानकारी दिए । 

ठाकुर रामकाे क्याम्पस प्रमुखमा डा. चाैरसिया नियुक्त

0

वीरगञ्ज । ठाकुरराम बहुमुखी क्याम्पसको प्रमुखमा सह-प्राध्यापक डा. उमेश प्रसाद चौरसिया नियुक्त भएका छन् । 

काठमाडौँस्थित त्रिभुवन विश्वविद्यालयको कार्यकारी परिषदको बिहिबार बसेको बैठकले डा. चौरसियालाई ठाकुरराम बहुमुखी क्याम्पसको प्रमुखमा ४ बर्षकाे लागि नियुक्त गरेको हो । 

क्याम्पस प्रमुख डा. राजदेव कुशवाहको निधनपछि क्याम्पस प्रमुखको पद रिक्त रहेको थियो । निमित्तको भरमा क्याम्पस सञ्चालनमा समस्या आएपछि त्रिवीले डा. चौरसियालाई क्याम्पस प्रमुखमा नियुक्त गरेको जनाइएकाे छ । 

डा. चौरसियाले क्याम्पसलाई व्यवस्थित बनाउँदै पठनपाठनको माहोल बनाउँनु आफ्नो प्रमुख प्राथमिकता रहेको बताए । उनले भने, ‘क्याम्पसको अवस्था हामीसँग लुकेको छैन । अव्यवस्थित क्याम्पसलाई सर्वप्रथम व्यवस्थित बनाएर पठनपाठनको माहोल बनाउँनु मेरो पहिलो प्राथमिकता हुनेछ । त्यसपछि क्रमस गर्नुपर्ने सुधारहरु गर्दै जाने छौँ । 

राष्ट्रिय शिक्षक संगठन छिपहरमाईको दोस्रो अधिवेशन सम्पन्न

0

भिस्वा । नेपाल राष्ट्रिय शिक्षक संगठन छिपहरमाई गाउँ समितिको दोस्रो अधिवेशन शुक्रबार सम्पन्न भएकाे छ ।

स्थानिय शिक्षक प्रभु गिरीको अध्यक्षता भएकाे अधिबेशनकाे उद्घाटन गाउँपालिका अध्यक्ष मनोज कुमार गुप्ताले गरेका थिए । छिपहरमाई गाउँपालिकाकाे वडा नं. ४ तुल्सी बर्वामा भएकाे अधिबेशनले प्रभु गिरीकाे अध्यक्षतामा १९ सदस्यीय गाउँ समिति गठन गरेकाे शिक्षक संगठनका विनाेद गिरीले जानकारी दिए । 

जुन समितिकाे उपाध्यक्षमा गिता देवी, सुनिल हाजरा, सचिवमा प्रमाेद दास, सह सचिवमा इन्दु साह, काेषाध्यक्षमा अमर साह, सह काेषाध्यक्षमा ममता सिंह लगायतका चयन भएकाे उनले जानकारी दिए ।

छिपहरमाईस्थित ओरिया खोलामा पुलको शिलान्यास

0

भिस्वा । पर्साको छिपहरमाई गाउँपालिकास्थित ओरिया खोलामा निर्माण हुने पुलको शुक्रबार शिलान्यास गरिएको छ । 

गाउँपालिकाको वडा न. ३ जयमंगलापुर र  वडा न. ४ तुल्सिवर्वा जोड्ने सडकमा पर्ने ओरिया खोलामा निर्माण हुने पुलको जयमंगलापुरका पुर्व गाविस अध्यक्ष गौरिशंकर साह कानुले शिलान्यास गरेका हुन् । 

पुलको शिलान्यास गर्दै पूर्व अध्यक्ष कानुले ओरिया खोलामा पक्की पुल निर्माण सम्पन्न भएसँगै सो क्षेत्रका स्थानीयहरुलाई आवतजावतमा सहज हुने विश्वास व्यक्त गरे ।

गाउँपालिकाकाे सर्शतकाे ३ करोड २९ लाखको बजेटले पुल निर्माण हुने प्रमुख प्रशासकिय अधिकृत देवनाथ साहले वताए ।

उक्त पुल निर्माणको ठेक्का नागार्जुन बिनोद साह जेभीले लिएकाे छ । पुल निर्माणकाे लागि २०७७ चैत १ गते सम्झाैता भएकाे  र २०७९ सालको फागुन  मसान्त सम्म सम्पन्न गर्नु पर्ने छ । 

पुल शिलान्यास कार्यक्रममा गाउँपालिका अध्यक्ष मनाेज कुमार गुप्ता, नेता समसुल हक मियाँ, वडाध्यक्ष बिनोद साह कानु, बालक राउत गद्दी, राजबली राउत अहिर, जिल्ला समन्व समिति पर्साका सदस्य सुवास साह लगायतको उपस्थिती रहेको थियो । 

नारायणी सिचाई ब्लाक नम्बर २ काे पुरानै समिति निर्विराेध

0

वीरगंज । नारायणी सिचाई प्रणाली ब्लाक नम्बर २ मा अध्यक्ष सहित ४ जना पदाधिकारीहरु निर्बिरोध निर्वाचित भएका छन ।

निर्वाचन समितीको कार्यलय नारायणी सिचाई ब्यवस्थापन कार्यालय बिरगंज पर्साका अनुसार ब्लाक नम्बर २ मा जल उपभोग्ता संस्था समन्वय समितीका कार्यकारणी पदाधिकारीहरुको निर्वाचन सम्बनधी कार्यक्रम प्रकाशन भएकोमा प्रकाशित कार्यक्रम अनुसार ४ वटा पदमा मात्रै ४ जनाको उम्मेदवराी पर्न गएकोले तथा कुनै किसिम्मको दावी बिरोध समेत पर्न नआएकोले अध्यक्ष पदमा कालिकामाई गाउँपालिका वडा नम्बर १ मुडली निवासी कुशमी देवी कलवार, उपाध्यक्षमा पोखरीया नगरपालिका वडा नम्बर ३ बसनपुर फुलवरिया निवासी श्याम सुन्दर चौहान, कोषाध्यक्षमा कालिकामाई गाउँपालिका वडा नम्बर ३ हरिहरपुर निवासी राजकिशोर प्रसाद पटेल र सचिवमा जगरनाथपुर गाउँपालिकाको चिलझपटी निवासी मदन ठाकुर लोहार निर्वाचित भएको ईन्जिनियर सुबोध कुमार कुश्वाहाले जानकारी दिए ।

ब्लाक नम्बर २ को निर्वाचनका लागी कालिकामाई गाउँपालिकाका जनप्रतिनिधीहरु, पोखरीया नगरपालिका वडा नम्बर ३ बसनपुरका जनप्रतिनिधी, पकहामैनपुर गाउँपालिकाको वडा नम्बर ४ लहावरथकरी, वडा नम्बर ५ सबैवठाका जनप्रतिनिधीहरुका साथै बिभिन्न पार्टीका अगुवा तथा नेताहरु ललायीत भएका थिए ।

नारायणी सिचाई डिभिजन नम्बर ५ मा गई होहल्ला मचाउने, सदस्यताका लागी समय अवधी बढाउन कर्मचारीलाई धमकाउने तथा अन्य गतिबिधी गरेको ब्लाक नम्बर २ का पदाधिकारीहरु बताएका छन् ।

निर्वाचनको समय अवधि तोकिए पनि उम्मेदवारी दिने ब्यक्ति कुनै पार्टीमा नमिलेको र उम्मेदवारी दिन नमानेका कारण स्वत पुरानै कार्यसमिती फर्कदा हल्ला मच्चाउनेहरु गाउँ नै छोडी केही दिनका लागी शहरमुखी भएका छन् ।

नारायणी सिचाई प्रणाली ब्लाक नम्बर २ मा जल उपभोग्ता संस्था समन्वय समितीका कार्यकारणी पदाधिकारीहरुमा तत्कालिन संघिय समाजवादी फोरमको बर्चस्व रहेको छ । अध्यक्ष कुश्मी देवी कलवार दिनेश कलवारकी श्रीमती हुन ।

सिचाईको चुनावमा टक्कर दिने उम्ेदवार कुनै पार्टीमा नरहेका कारण हारे पछि लाज लाग्ला भन्ने डरले कालिकामाई गाउँपालिकाका जनप्रतिनिधी सहित अन्य पार्टीका अगुवाहरु डराएर उम्मेदवारी नदिएको र गाउँ छोडी केही बाहिर फरार रहेको स्थानियहरु बताएका छन् ।

ब्लाक नम्बर २ को अध्यक्ष पदमा कालिकामाई गाउँपालिका वडा नम्बर २ का रामनाथ चौरसिया र राजपाबाट कालिकामाई गाउँपालिकाबाट गाउँपालिका अध्यक्ष पदमा उम्मेदवार बनेका रणबिर कुश्वाहाको नाम चर्चामा थियो भने कालिकामाई गाउँँपालिका वडा नम्बर १ मुडली निवासी मुन्ना चौहानको नाम चर्चामा रहे पनि उम्मेदवारी दिने समयमा यी उम्मेदवारहरु बिस्तारै हराएका कारण ब्लाक नम्बर २ को निर्वाचन निर्विरोध भएको स्थानिय कृषकहरु बताएका छन् ।