वीरगंज । पर्सा प्रहरीले खैराे हिराेईन सहित एक बालकलाई पक्राउ गरेकाे छ । पक्राउ पर्नेमा वीरगंज महानगरपालिकाकाे वडा नं. १३ का १७ बर्षिय बालक रहेका छन् ।
लागु औषध नियन्त्रण ब्युरो बीरगञ्ज पर्साको प्रहरी टोलीले प्राप्त सूचना अनुसार चेकजाँच गर्ने क्रममा बिहिबार ६:३० बजे बीरगञ्ज महानगरपालिकाकाे वडा नं.१४ पावर हाउस चोकस्थितबाट बालकलाई पक्राउ गरेकाे हाे ।
बालकले बोकेको ६ वटा सेतो प्लाष्टिकको पोका भित्र लुकाइछिपाई ल्याएको लागु औषध खैरो हिरोईन ३० ग्राम फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले वताए ।
पक्राउ परेका बालकमाथी लागु औषध सम्बन्धी कसूरमा मुद्दा दर्ता गरी शुक्रबार पर्सा जिल्ला अदालतबाट ५ दिन म्याद थप गरी अनुसन्धान कार्य अगाडि बढाइएको उनले जानकारी दिए ।
