Date
शुक्र, मंसिर ४, २०८३
Fri, November 20, 2026
Home Blog Page 842

मेयर सरावगीद्वारा महानगरका विभिन्न क्षेत्रको अनुगमन

0

वीरगन्ज । वीरगन्ज महानगरपालिकाका मेयर विजय कुमार सरावगीले महानगरको विभिन्न क्षेत्रहरुको स्थलगत अनुगमन तथा निरीक्षण गरी समस्याहरुको बारेमा जानकारी लिएका छन् ।

मेयर सरावगीले आफ्नो नियमित कार्यक्रम अन्गर्त महानगरको विभिन्न क्षेत्रको अनुगमन तथा निरीक्षण गरेकाे उनकाे सचिवालयले जनाएकाे छ । उनले आईतबार महानगरपालिकाको वडा नम्बर ९ मा अनुगमन गरेर विभिन्न समस्याहरुको बारेमा जानकारी लिएका हुन् ।

अनुगमनकाे क्रममा उनले नगरक्षेत्रमा जथाभावी फोहोर फालिएको पाईएको र त्यसलाई व्यावस्थापन गर्न समेत निर्देशन दिए । उनले वडा नम्बर ९ को ढलनाला खाली स्थानमा थुपारिएको फोहोर व्यावस्थापनका लागि सम्बन्धित निकायलाई सचेत समेत गराए ।

ढलनालामा जथाभावी फोहोरहरु फाल्ने गर्दा नाला जाम हुने र बर्षातमा पानी जमेर महानगरपालिका डुबानमा पर्ने गरेकोले त्यसलाई समयमा नै व्यवस्थित गर्नुपर्ने बताए ।

त्यस्तै महानगर प्रमुख सरावगीले आजै वडा नम्बर १८ भवानपुरमा रहेको विद्यालय र स्वास्थ्य चौकीमा पनि अनुगमन निरीक्षण गरे । अनुगमनका क्रममा उनले विद्यालयहरु समयमा खुल्छ कि खुल्दैन, पठनपाठन नियमित भएको छ कि छैन ? स्वास्थ्य चौकीबाट स्वास्थ्य सेवाहरु सहज ढंगबाट भएको छ कि छैन भन्नेबारेमा जानकारी समेत लिएका थिए ।

तीन दिने ब्यवसायिक तरकारी खेती तालिम सुरु

0

वीरगन्ज । वीरगन्ज महानगरपालिकाको कृषि शाखाकाे आयोजनामा आइतबारदेखी ३ दिने व्यावसायिक तरकारी खेती तालिम शुरु भएको छ । तालिमको वीरगन्ज महानगरपालिकाका मेयर विजय कुमार सरावगीले उद्घाटन गरेका थिए ।

तालिमको उदघाटन गर्दै मेयर सरावगीले निम्न आय भएका किसानहरुलाई व्यावसायिक तरकारी खेती गरेर आत्मनिर्भर बनाउन आर्थिक स्तरमा पनि सुधार ल्याउन सकिने बताए । परम्परागत कृषि खेती गर्ने परिपाटीले लागत पनि नउठ्दा किसानहरु निराश हुने गरेको भन्दै उनले व्यावसायिक कृषि खेती गर्ने तरिका जानेमा आम्दानीको स्रोत बढाउन सक्ने र आर्यआर्जनका लागि पनि सहज हुने विश्वास व्यक्त गरे ।

तीन दिन सम्म चल्ने तालिममा कृषि सम्बन्धी आवश्यक ज्ञान र सीप सिकेर त्यसलाई व्यवहारमा लागू गर्न समेत तालिमका सहभागीहरुलाई उनले आग्रह गरेका थिए ।

नेपालका अधिकांश नागकिर कृषिमा नै निर्भर रहेकाले किसानलाई व्यावसायिक तरकारी खेतीमा आकर्षित गर्न तालिमको आयोजना गरिएको बताए । कृषि शाखाकी प्रमुख उर्मिला श्रेष्ठको अध्यक्षतामा भएको कार्यक्रममा महानगरपालिकाकाे स्वास्थ्य तथा सामाजिक महाशाखा प्रमुख अरुण कुमार महतो लगायतको उपस्थिति रहेको थियो ।

जेंवना भोजपुरीया सनेसा पर्साद्वारा साहित्यिक कार्यक्रम सम्पन्न

0

वीरगंज । होली तथा विश्व कविता दिवसको अवसरमा शनिबार वीरगंजमा साहित्यिक कार्यक्रम सम्पन्न भएको छ । जेंवना भोजपुरीया सनेसा वीरगंज, पर्साको आयोजनामा वीरगंजस्थित होटेल कुमु पैलेसमा भएकाे कर्यक्रमका सहभागिहरुले कविता, गीत, गजल वाचन गरेका थिए ।

कार्यक्रमकाे उद्घाटन गर्दै वीरगंज महानगरपालिकाका मेयर विजय कुमार सरावगीले भोजपुरी भाषाको लागि वीरगंज महानगरपालिका सधैं तत्पर रहने बताए । वीरगंजमा भोजपुरी साहित्य प्रतिष्ठानको गठन भईसकेको र यसको घर बनाउन डिपी आर समेत तयार भईसकेको उनले बताए ।

उनले अबको शैक्षिक सत्र सुरु हनुभन्दा अगाडि कक्षा १ देखि ५ सम्म भोजपुरी किताब समेत लागू गर्ने प्रतिबद्धता जनाए । उनले भने “आफ्नो मातृभाषा भोजपुरी नभएपनि अहिले राम्ररी भोजपुरी बोली रहेको छु, मलाई हिन्दी, मारवाडी, नेपाली, अंग्रेजी, अवधि र मैथिली भाषा समेत बोल्न कुनै कठिनाइ हुदैन ।”

उनले सबैको संरक्षण नीति, नियम बनाएर गर्नुपर्नेमा जोड दिदै यसमा सबैको सहभागिता हुन जरुरी रहेको बताए ।

संस्थाका वरिष्ठ सल्लाहकार एवम् हास्य व्यांगत्म कवि अशोक कुशवाहाको अध्यक्षतामा एवम् वीरगंज महानगरपालिकाका मेयर विजय कुमार सरावगीको प्रमुख आतिथ्यतामा भएको कार्यक्रमा नेपाल प्रज्ञा प्रतिष्ठानका सदस्य एवम् वरिष्ठ साहित्यकार उमाशंकर द्विवेदी “दधिचि“, वीरगंज महानगरपालीका शिक्षा शाखाका प्रमुख अरबिन्दलाल कर्ण, नेपाल भोजपुरी प्रतिष्ठान बाराका अध्यक्ष एवम् वरिष्ठ साहित्यकार रामप्रसाद साह, बाराका वरिष्ठ साहित्यकार बिक्रम साह, नेपाली कांग्रेस पर्साका सचिव श्याम पटेल, जसपा पर्साका सचिव तबरेज अहमद, नेकपा माओवादी केन्द्रका प्रभु यादव, युवा नेता ओमप्रकाश सरार्फ, मानव सेवा आश्रम प्रदेश दुईका देवेश गुप्ता, भोलेन्टियर समुह वीरगंजका राजन श्रीवास्तव लगायतकाे उपस्थिति रहेको थियो ।

भोजपुरी विश्वकै अधिकाँश देशमा बोलिने भएकाले यसको संरक्षणका निम्ति सबै लाग्नुपर्ने बेला भएको कार्यक्रममा सहभागि साहित्यकारहरुले बताए ।

जेंवना भोजपुरीया सनेसाका संरक्षक एवम् यूवा कवि राकेश यादव “मितवा“ले गाउनु भएको भोजपुरी गीत “सब केहु के सुन्दर पतोहिया चाहिँ, बेटी केहु के परहेज होए नाहि” गीतले सभा हल गुञ्जमान भएका थिए ।

कार्यक्रममा ४० जना भन्दा बढी स्रष्टाहरुले आफ्ना लेख, रचना, कविता प्रस्तुत गरेका थिए । 

कवियत्री अनिता शाहले गाएकीे गजलले सबैलाई मनमुग्ध बनाएका थिए । श्याम प्रसाद गुप्ता, सिपु तिवारी, ज्ञानेन्द्र यादव, महम्मद अंसारी, शिल्पी मिश्रा, ममता यादव, सरिता यादव लगायतले आ–आफ्ना रचना वाचन गरेका थिए भने प्राविधिक सहयोग कमलेश कुश्वाहा, किशन सरार्फ, दिपु दिपेन्द्र सहनी र सुदिप चाैरसियाले गरेका थिए । कार्यक्रमकाे सञ्चालन सञ्चालिका प्रिया मिश्राले गरेकी थिईन ।

किन ४० वर्ष कटेपछि विवाहेत्तर सम्बन्ध राख्न चाहान्छन् महिला ?

0

भनिन्छ जीवनमा एकपटकमात्रै विवाह गरिन्छ । विवाह गरेपछि वैवाहिक सम्बन्धलाई बचाउन र राम्रो बनाउन मै बढी जोड दिइन्छ । वैवाहिक सम्बन्ध यस्तो सम्बन्ध हो जुन संसारका हर कोहिका लागि जीवनभरीको साथ हो ।

जसमा विश्वास र माया भरिएको हुन्छ । तर आधुनिक समाजमा विवाहको परिभाषा परिवर्तन हुँदै गइरहेको छ । विवाहेत्तर सम्बन्धले धेरै वैवाहिक सम्बन्धहरु आक्रान्त भएका छन् । वैदेशिक रोजगारी, पश्चिमा रहनसहन जस्ता विभिन्न कारण श्रीमान–श्रीमती एक अर्काप्रति चासो नदेखाउने, एक अर्काको भावनाको कदर नगर्ने जस्ता समस्याले अन्ततः कतिपयको सम्बन्ध विच्छेद पनि भएको छ ।

विवाहवेत्तर सम्बन्ध बनाउन पुरुषवादी समाजमा पुरुष नै हाबी भएतापनि एक अध्ययनले महिला पनि विवाहवेत्तर सम्बन्ध राख्न चाहान्छन् भन्ने देखाएको छ । अध्ययनमा उल्लेख भएअनुसार ४० वर्ष कटेका महिलाको ठूलो संख्या विवाहेत्तर सम्बन्धमा रहन्छन् । अध्ययनले बताएअनुसार ४० वर्षपछि अर्को सम्बन्धमा रहनुका विविध कारणहरु छन् ।
पतिको स्वभावमा आएको परिवर्तन

विवाहपछि पुरुषको काँधमा जिम्मेवारीको बोझ थपिन्छ । श्रीमती र छोराछोरीको जिम्मेवारी उठाउने क्रममा पुरुषहरु श्रीमतीलाई वेवास्ता गर्न पुग्छन् । र जिम्मेवारी सँगसँगै रोमान्स र समय दुवैमा कमी आउँछ जसको कारण महिला दोसु्रो पुरुषसँग आर्कषित हुन्छन् ।

सानो उमेरमा विवाह

सानै उमेरमा वैवाहिक जीवनमा बाँधिएका महिलाहरु विवाहपछि उनीहरु अनेक सामाजिक बन्धनमा रहनुपर्ने बाध्यता हुन्छ ।
जसका कारण उनीहरु जीवन अर्कै मोडमा आइपुगेको र आफ्नो जीन्दगीमा अमूल्य समय खेर गएको अनुभव गर्छन् । जसको कारण उनीहरु विवाहेत्तर सम्बन्धतर्फ उद्धत हुन्छन् ।

पुरुषप्रतिको आर्कषण

महिलाहरु अग्लो कद, हृष्टपुष्ठ शरीर र चम्किलो अनुहार भएको पुरुषसँग छिट्टै आर्कषित हुने भएकाले आफ्नो पार्टनरमा भएको खुबीको वेवास्ता गर्छन् भने दोस्रो पुरुषको सानो सानो कुरामै आर्कषित भइहाल्छन् ।

यौन असन्तुष्टी

४० वर्षपछि महिलाहरुले आफ्ना पार्टनरबाट यौन सन्तुष्टी नपाउने भएकाले दोस्रो पुरुषतर्फ आर्कषित हुने अध्ययनमा उल्लेख छ ।

बच्चा जन्मिएपछि

विवाहपछि आउने अनेक समस्या र परिवर्तन पछि महिलाहरुमा बच्चा भइसकेपछि झनै धेरै परिपक्कता आइसक्छ । तर आफ्ना पतिप्रतिको विश्वास भने कम हुँदै जान्छ । उनीहरु बच्चा भइसकेपछि पतिले आफूलाई वेवास्ता गर्छ भन्ने सोच्छन् र बाहिर साथी बनाउन तिर लाग्छन् ।

घरायसी समस्या

यदि घरमा सधैँ झगडा, अशान्ती हुन्छ भने महिलाहरु अक्सर बाहिर सम्बन्धको विकल्प रोज्छन् ।

किन आलियाको विवाह हुन दिँदैनन् महेश भट्ट ?

0

बलिउड अभिनेत्री आलिया भट्ट र रणवीर कपूरको विवाहको चर्चा पछिल्लो समय धेरै हुने गरेको छ । उनीहरुले कहिले विवाह गर्दैछन् भनेर धेरै चासो पनि लिने गरेका छन् ।

तर, एक अन्तरवार्तामा आलियाले आफ्ना पिता महेश भट्ट अहिले नै उनको विवाह गर्ने मनस्थितीमा नभएको बताएकी छन् । उनले पिताले आफूलाई छिट्टै टाढा बनाउन नचाहेको पनि बताएकी छन् ।

उनले भनिन्, ‘मेरो बुवालाई मेरो धेरै नै चिन्ता छ । उहाँको चाहाना त मेरो विवाह नै नहोस् भन्ने हो ।’ उनले आफ्ना पिताले विवाहको कुरा गर्दा आफूलाई बाथरुममा बन्द गर्ने धम्की दिने गरेको पनि सुनाइन् । उनले भनिन्, ‘विवाहको कुरा गर्दा बुवाले मलाई बाथरुममा थुनिदिने धम्की दिनुहुन्छ ।

तर आफ्नो नजरबाट गराउन नचाहाने बताउँनुहुन्छ ।’ पिताले छोरी टाढा हुने डरले विवाह गर्न नदिएको आलियाले अगाडि खुलाइन् ।

स्थानिय तहमा महिला प्रतिनिधित्व – इक्षा कि बध्याता ?

0

बिश्वको इतिहास मै नेपालले पहिलोपटक राष्ट्रपति, सभामुख र प्रधानन्यायाधीशको रूपमा महिलालाई पायो । तर, कार्यकारी भूमिकामा महिलालाई अगाडि सारेको इतिहास देखिदैन । महिलाको संख्या सधैँ प्रतिनिधि वा संविधानमा लेखिएको क्लस्टर पु–याउनका लागि मात्र गरिएको देखिन्छ । नेपालको अन्तरिम संविधानले नै हरेक क्षेत्रमा महिलाको ३३ प्रतिशत सहभागिता हुनुपर्ने भने पनि २०७२ असोजमा संविधान जारी भएपछि आजसम्म बनेका मन्त्रिपरिषद्मा एकतिहाइ महिला सहभागिता हुन सकेको देखिन्न । मन्त्रिपरिषद् देखि स्थानिय तह सम्म भएको महिला सहभागिता क्लस्टर पु–याउनका लागि मात्र हो कि अर्थपूर्ण सहभागिता हो यसको समिक्षा गर्न आवस्यक देखिन्छ ।

                                                             मन्त्रीमंण्डलमा महिला सहभागिता

गणतान्त्रिक नेपालका पहिलो प्रधानमन्त्री पुष्पकमल दाहालको नेतृत्वमा गठित मन्त्रिमण्डलमा २४ सदस्यीय मन्त्रिमण्डलमा जम्मा चारजना महिला मन्त्रीको सहभागिता बनाइयो । त्यसपछि माधवकुमार नेपाल, झलनाथ खनाल र बाबुराम भट्टराई प्रधानमन्त्री रहेको सरकारमा मन्त्री, राज्यमन्त्री र सहायक मन्त्रीहरू गरेर पनि १५ प्रतिशत भन्दा धेरै महिला सहभागिता देख्न पाइएन । दोस्रोपटक प्रधानमन्त्री बनेका प्रचण्डले आफ्नो मन्त्रिमण्डलमा २९ जनामा एकमात्रै महिला थिए भने १४ राज्यमन्त्रीमा तीन जना मात्र महिला थिए । त्यस्तै तत्कालीन मन्त्रिपरिषद्का अध्यक्ष खिलराज रेग्मी हुन् या प्रधानमत्री बनेका शेर बहादुर देउवा , सुशील कोइराला ,र केपी शर्मा ओलीले पनि उल्लेख्य संख्यामा महिलालाई नेतृत्व र मन्त्रीमंडलमा समेट्न सकेको देखिन्न । यसले अहिले पनि निर्णय प्रक्रियामा पुरुष नै हावी भएको कुरालाई हामि नजर अन्दाज गर्न सक्दैनौ ।

                                                       स्थानिय निर्वाचनमा महिला सहभागिता

नेपालकोको संविधान अनुसार सबै मनोनीत सिटहरु मध्ये ४०% प्रतिशत महिलाहरुको लागि आरक्षित छ । धेरै महिला स्थानीय निर्वाचनको तीन चरणबाट निर्वाचित भए – सबैभन्दा बढी संख्या सार्वजनिक पदमा निर्वाचित भयो । महिलाले अहिले वडा सदस्य, नगरपालिका र गाउपालिकाका उपाध्यक्षहरू र नगरपालिकाका मेयरहरू र डिप्टी मेयरहरूको पद ओगटेका छन । तर वार्ड अध्यक्षमा महिला सहभागिता एकदम कम देखिन्छ , वडाध्यक्षमा महिला हुनु पर्ने अनिवार्य बेवास्था न भए पछि राजनीति दलहरुले नि त्यसको बेवास्ता गरेको प्रष्टै छ । तर गाउपालिक र नगरपालिकाका दुवैको लागि, वडा समितिको लागि सदस्यता लिन कम्तिमा चार मध्ये दुई जना महिला आवश्यक छ ।

वार्ड सदस्यहरू महिला हुन्, जसमध्ये एक दलित जातिबाट हुनुपर्दछ (सामाजिक–आर्थिक हिन्दु जाति प्रणाली अन्तर्गत सबै भन्दा कम र सबैभन्दा पिछडिएको) । निर्वाचन नियम अनुसार राजनीतिक दलहरूले कम्तिमा एक महिला उम्मेदवारलाई अध्यक्ष र उपाध्यक्ष र नगरपालिकाको मेयर र डिप्टी मेयरको बीचमा खडा गर्नुपर्दछ । त्यस्तै जिल्ला समन्वय समितिले कम्तिमा तीन महिला समावेश गर्ने संविधानमा उलेख्ख छ । यो कुरा पनि ध्यानमा राख्नु महत्त्वपूर्ण छ कि स्थानीय तहमा गठन हुने न्यायिक समितिको नेतृत्वको लागि डिप्टी चेयर ÷ मेयरहरूलाई पनि नियुक्त गरिएको छ ।

स्थानिय निर्वाचनमा महिला सहभागिता नेतृत्वका लागि हो कि प्रतिनिधित्वका लागि हो भन्ने शंका पहिलो स्थानिय तहको निर्वाचन पछि उठ्न थालेको छ । किन कि अध्यक्ष र उपाध्यक्ष मध्ये एक महिला हुनु पर्ने भएकोले प्रतिनिधित्वकै लागि आफ्नै परिवारका महिला सदस्यको नाम समावेश गरि महिलाले प्रतिनिधितव मात्र गर्न दिने तर निर्णय प्रक्रिया र नेतृत्वको भूमिका आफैसंग राख्ने सबैले हेरिराखेको कुरा हो । वडास्तरमा महिला हुने पर्ने भएकोले पनि त्यस्तै पुरुषले आफ्नो अनुकुल निर्णय प्रक्रिया र नेतृत्वको भूमिका आफैसंग राख्ने पनि देखिएको छ ।

वडाध्यक्षमा भने महिलाको लागि त्येस्तो कानुन नभएकोले पुरुष नै हाबी भएको देखिन्छ । र धेरै स्थानीय तहमा महिला उपाध्यक्ष र वार्ड सदस्य उम्मेदवार आफ्नो नेतृत्व गर्ने इच्छाले नभई पुरुषहरुको लागि प्रतिनिधि मात्र रहेको कुरा प्रष्ट हुन्छ । यसरि महिला प्रतिनिधिको निर्णय आफैँ गर्ने सक्रिय पुरुष राजनीतिकर्मीमा प्रवृत्तिका रूपमा विकास हुँदै गएको छ   । आज सम्म यस्तो गहन विषयमा हामीले कहिले बहस नै गरेनौ ।

नेपाली राजनीतिमा स्थानीय स्तरमा महिला नेतृत्व विकास र त्यससँग सम्बन्धित धेरै कुरामा आजसम्म बहस नै भएको छैन  । नेपालले महिला राष्ट्रपति पायो , सभामुख पायो, प्रधानन्यायाधीश पायो  । तर, कार्यकारी भूमिकामा महिलालाई अगाडि सार्न हिम्मत कुनै राजनीतिक दलमा देखिएन । महिलाको संख्या सधैँ प्रतिनिधि वा संविधानमा लेखिएको क्लस्टर पु–याउनका लागि मात्र जबसम्म गणना गरिन्छ, तबसम्म यो मुद्दा बहस मै सिमित रहन्छ ।

नेपालि जनतालाई समान अधिकार दिलाउँछौँ भनेर चुनाव जित्नेहरुले नै विभिन्न बहानामा आफ्नै श्रीमती, परिवारका सदस्य र आफन्तको नाम प्रयोग गरेर आफ्नो स्वार्थ पूरा गर्न उद्यत छन्  ।केन्द्र स्तरमा पुगेका महिलाहरुले समेत केन्द्रमा आफु अघि बढ्न आतुर देखिन्छन ,एउटा सफल महिलाले कति महिलालाइ स्थानिय स्तरमा प्रतिनिधित्व भन्दा पनि नेतृत्व दिलाउन सक्छन हेर्न बाकि नै छ । यसमा एक समस्या यो छ कि महिला अधिकारको कुरा धेरै सीमित दायरामा छ । एकातर्फ भ्रष्टाचारको राजनीतिको स्वीकृति छ भने अर्कोतर्फ यसको बिरूद्धको संघर्षको पाखंड छ । वास्तविक नारीवाद भनेको राजनीतिमा एक नयाँ प्रकारको भाषा उभिएको छ । यस कारणले त्यहाँ प्रजातान्त्रिक घरहरुमा महिलाको सहभागिता बढाउने मांग छ । के महिला नेत्रिहरुको यस्तो मनोवृत्तिले महिलाहरूलाई मद्दत गरिरहेको छ जुन उनीहरूलाई लाग्छ सफल हुन तिनीहरू पुरुषहरू जस्तो व्यवहार गर्नुपर्दछ ।

अबको नयाँ राजनीतिक संरचना भित्र नेपालमा महिलाको राजनीतिक सहभागिताका लागि ठूलो अवसरहरू अवस्थित छन्, यद्यपि यसले प्रशासन र स्थानीय तहमा महिलाले गर्ने निर्णयमा महिलाको ठोस नेतृत्व सिर्जना गर्न देख्न बाँकी नै छ । आरक्षणले महिलाहरूको सहभागिता बढाउन सक्छ, तर महिलाले राजनीतिमा शक्ति समीकरणहरू परिवर्तन गर्न काम गर्न सक्नुपर्छ ।

अर्थपूर्ण महिला प्रतिनिधित्व भनेको विभिन्न पृष्ठभूमिका महिलाहरूले आवाज पाउँदछन् र यसले राजनीतिमा नयाँ संवेदना विकास गर्दछ । आक्रामक पुरूषत्व र हिंसात्मक सोचलाई समर्थन गर्नुको सट्टा लोकतन्त्र र नारीवादको मूल्यमा विश्वास जगाउनु आवश्यक छ । केवल नारीवादको बारेमा कुरा गर्दा र संविधानमा लेखिएको क्लस्टर पु–याउनका लागि उम्मेदवार बनाउदा स्थिति सुधार हुँदैन र यसले दृष्टिकोण परिवर्तन गर्दैन ।

पर्साको ग्रामिण भेगमा ट्राफिक प्रहरी चेकजाँच गर्दा विवाद

0

वीरगंज । पर्साकाे सखुवा प्रसाैनी गाउँपालिका वडा नं. ५ महुवनमा शनिबार ट्राफिक प्रहरीले सवारी साधन चेकजाँच गर्दा विवाद भएकाे छ ।

जिल्ला प्रहरी कार्यालय पर्सा र जिल्ला ट्राफिक प्रहरी कार्यालय पर्साबाट संयुक्त रूपमा खटिएका प्रहरी टोलीले हेलमेट, लाइसेन्स र बिलबुक चेक जाँच गर्ने क्रममा स्थानीय र प्रहरीसंग विवाद भएको हाे ।

महुवन चाैकमा ट्राफिक नियम चेक जाँच गर्न खटेका ट्राफिक प्रहरीले हेलमेट, लाइसेन्स र बिलबुक नभएका मोटरसाइकल चालकहरूलाई चेक जाँच गर्ने क्रममा केहीलाई कारबाही र केहीलाई यस्तै छोडेपछि विवाद भएको थियाे । चेकजाँच गर्ने क्रममा प्रहरीले ट्राफिक नियम विपरीत चलाएका केही मोटरसाइकल चालकलाई फाइन काटेको र केहीलाई त्यतीकै छोडेपछि विवाद भएको प्रत्यक्षदर्शीहरुले बताए ।

स्थानिय प्रत्यक्षदर्शीका अनुसार चेक जाँच गर्न खटेका प्रहरीले केहीलाई सरकारी कारबाहीको दायरामा ल्याएर फाइन काटे पनि केहीसंग फाइन बिनै पैसा लिन थालेपछि विवाद भएकाे थियाे । ट्राफिक नियमको दायरामा ल्याउन प्रहरीले फाइन काटे पनि केहीसंग गैर कानुनी ढङ्गबाट पनि पैसा लिएर मोटरसाइकल छोडेका थिए ।

अन्य गाडीलाई कारबाही बिनै किन छोडियो भन्दै स्थानीयले प्रहरीसंग कुरा गर्न लाग्दा मानिसको जमघट बढेपछि विवादलाई साम्य पार्न ट्राफिक नियम उलंघन गर्ने पक्राउ परेका मोटसाईकललाई पनि प्रहरीले कारबाही बिनै छोडेको थियाे ।

ट्राफिक नियम पालना गराउन ट्राफिक प्रहरी पर्साको ग्रामीण भेगसम्म ट्राफिक नियम लागु गर्न कडाइ गर्नु सराहनीय काम भए पनि त्यसको बाहानामा जनतालाई डराई धम्काई ठगी गर्ने प्रहरीको कार्यलाई देखेपछि स्थानीय त्यसकाे विराेधमा उत्रेका थिए ।

ट्राफिक प्रहरी कार्यालय पर्साका प्रहरी निरीक्षक सुमन कार्कीले ग्रामीण भेगमा हेलमेट नलगाएर पनि मोटरसाइकल चलाउने बानी परेको पाइएकोले चेक जाँच गर्न लगाइएको बताए । धेरै जनाले हेलमेट नलगाएर नै गाडी चलाएको पाईपछि कारबाही गर्दा विवाद भएको बताए ।

विवाद भएपछि मोटरसाइकल चालकहरूलाई सचेत गराएर अर्को चोटि नियम उलंघन गरिएको खण्डमा कारबाही गरिने सुझाव दिँदै मोटरसाइकल छाडिएकाे प्रहरी निरीक्षक कार्कीले बताए । उनले महुवनमा हेलमेट र लाइसेन्स नभएका ६ जनलाई रु ५ सयको दरले कारबाही समेत गरिएकाे बताए ।

फेलोसिप क्रिकेटमा रोटरी क्लब अफ वीरगञ्ज मेट्रोपोलिस विजयी

0

वीरगञ्ज । रोटरी क्लब अफ वीरगञ्ज र रोटरी क्लब अफ वीरगञ्ज मेट्रोपोलिसबिच शनिबार फेलोसिप क्रिकेट म्याच प्रतियोगिता सम्पन्न भएको छ ।

वीरगञ्जस्थित ज्ञान्दा एकेडेमीको प्राङ्गणमा भएकाे प्रतियोगितामा रोटरी क्लब अफ वीरगञ्जलाई पराजित गर्दै रोटरी क्लब अफ वीरगञ्ज मेट्रोपोलिस विजयी भएको हाे ।

टस जितेर ब्याटिंग रोजेको वीरगञ्ज मेट्रोपोलिसले निर्धारित १५ ओभरमा ७ विकेट गुमाउँदै २ सय १८ रनको योगफल तयार पारेको थियो । जवाफमा २ सय १९ रनको लक्ष्य पछ्याएको रोटरी क्लब अफ वीरगञ्ज १४ ओभरमै सबै विकेट गुमाएर १ सय ६८ रनमै समेटिएपछि वीरगंज मेट्राेपाेलिसी विजयी घाेषित भएकाे थियाे ।

प्रतियोगिताको म्यान अफ दी म्याच वीरगञ्ज मेटोपोलिसका रोटरीयन बिनित लोहिया घोषित भए । त्यस्तै बेस्ट ब्याटम्यान रोटरी क्लब अफ वीरगञ्जका रोट्र्याक्टर कन्हैया गुप्ता, बैस्ट फिल्डर रोटरी क्लब अफ वीरगञ्ज मेटोपोलिसका रोटररियन अनिल जैसवाल, बेस्ट बलर रोटरी क्लब अफ वीरगञ्ज मेट्रोपोलिसका रोटरयाक्टर प्रकाश कर्ण घोषित भए ।

रोट्र्याक्ट क्लब अफ वीरगञ्ज, रोटर्याक्लब अफ वीरगञ्ज मेट्रोपोलिस र रोट्र्याक्ट क्लब अफ युनाइटेड वीरगञ्जको समन्वयमा प्रतियोगिता सम्पन्न भएको रोट्रयाक्ट क्लब अफ वीरगञ्ज मेटोपोलिसका सहसचिब दिपु वर्णवालले जानकारी दिए ।

भिस्वामा जनमत पार्टीको वडा समिति गठन

0

भिस्वा । पर्साकाे छिपरहमाई गाउँपालिका वडा नं. ५ भिस्वामा जनमत पार्टीको वडा समिति गठन भएकाे छ ।

संदिप साहकाे अध्यक्षमा भएकाे प्रथम वडा अधिवेशनमा विनाेद साह कानुकाे अध्यक्षतामा ११ सदस्यी वडा समिति गठन भएकाे जनमत पार्टीका पर्सा जिल्ला सदस्य चन्दन चाैहानले वताए ।

वडा समितिकाे उपाध्यक्ष हजारा खातुन, जनत हुसैन, सचिव अफताब आलम, सह सचिव ओहिद मियाँ धुनियाँ, काेषाध्यक्ष नाैसाद आलम, सदस्यहरुमा बिर्जा देवी, फुलकली गद्दीन, गाैसकनी खातुन, अयुग मंसुरी, इस्लाम मियाँ चयन भएकाे जिल्ला सदस्य चाैहानले जानकारी दिए ।